الفصل السابع عشر &
في المستشفى
كانت ملك بتحاول تفوق لقيت الممرضه
الممرضه /حمد لله على سلامتك عامله ايه دلوقتي
ملك/ مسكت دماغها بتعب وقالت تعبانه اوي
الممرضه/ الحمد لله انها جت على قد كده حاسه بحاجه ثانيه تعباكي
ملك/ مسكت ايدها وقالت حاسه ان كفة ايدي تقيله
الممرضه/ مسكت ايدها وطلبت تحركها وفعلا حركتها قالتلها لا بسيطه تلاقيكي سندتي عليها بس اثناء ما وقعتي
ملك/ عدلت نفسها وقالت انا جيت هنا ازاي
الممرضه/ الناس طلبوا عربيه الاسعاف ليكي وللي كان معاكي في الحادثه
ملك/ افتكرت ان عمرو كانت عربيه خبطته قامت بسرعه وبدموع عمرو ..عمرو اللي كان معايا هو فين
الممرضه/ ربنا معاه ادعيله دي حالته صعبه اوي وفي العنايه
ملك انهارت في الدموع والممرضه بتحاول تسكتها
ملك/ مسكت ايد الممرضه وقالت ابوس ايدك دخليني ليه
الممرضه/ والله كان على عيني بس ده ممنوع
ملك /بدموع ط.طب عايزه اشوفه بس
الممرضه/ طب قومي معايا هخليكي تشوفيه من بره الاوضه من ورا الازاز
مشيت ملك مع الممرضة عشان تشوف عمرو اول ما بصت عليه شافته والاجهزه على جسمه وجهاز التنفس انهارت اكثر في الدموع وقعدت على الارضي سندها الممرضه وقعدتها على الكرسي قعدت جنبها وقالت
الممرضة/ هو حبيبك
ملك /بصتلها بدموع وقالت ده عمري ونصي التاني لو راح مني يبقى مالوش لازمه وجودي في الدنيا اصلا
الممرضه/ طبطبت عليها وقالت ربنا ما يضرك فيه يارب بس لازم تكلمي حد من اهله ضروري
ملك/ هزت راسها بمعنى ماشي جابت لها الممرضه شنطتها وطلعت منها تليفونها واتصلت بهاجر
كانت هاجر واحمد قاعدين في مطعم بيضحكوا وبياكلوا مع بعض تليفونها رن
بصت عليه و ابتسمت وقالت دي ملك وفتحت الخط
هاجر /ايوه يا ملوكه
ملك/ بتموع الحقيني يا هاجر
هاجر/ سمعت صوتها بتعيط اتخضت عليها وقالت في ايه يا ملك مالك يا حبيبتي
ملك/ عمرو عمل حادثه في المستشفى وحالته خطر اوي
هاجر/ وقفت وقالت ايه
احمد/ وقف وقال في ايه يا هاجر
هاجر /عمرو في المستشفى يا احمد
احمد/ مستشفى ايه بسرعه
ملك/ مستشفى(.........) بسرعه يا هاجر والنبي وخلي احمد يكلم احد من اهله ضروري
هاجر/ حاضر حاضر يا ملك جايينلك حالا
وقفلت السكه
احمد/ يلا بينا يا هاجر بسرعه ودفع الحساب ومشيوا
هاجر/ كلم حد من اهله ضروري
احمد/ اتوتر وقال هكلم مين بس وازاي هعرفهم ...
بعد شويه كلم عزيز
في فيلا عمرو
كان عزيز قاعد في مكتبه بيقرا كتاب بص على تليفونه لقاه احمد فتح الخط
عزيز/ بابتسامه احمد مدكور بنفسه لا لا لا كده كتير ولا هما اللي بيخطبوا بينسوا الناس كده
احمد/ بتوتر عمو عزيز في حد جنبك
عزيز/ قلق من كلام احمد وقال في ايه يا احمد مفيش حد
احمد/ ط.طب ه.هقولك على حاجه وحاول تتمالك اعصابك
عزيز/ بعصبيه ما تنطق يا ابني في ايه
احمد/ عمرو في المستشفى
عزيز /قعد على الكرسي بصدمه وحاول يهدي نفسه وقال مستشفى ايه
احمد/ مستشفى(......)
عزيز /جايلك حالا سلام
وقفل معاها واخد دوا عشان يقدر يروح لعمرو بس مش هيقدر يسوق فقرر يكلم عمار واتصل بيه
عمار/ ايوا يا حجوج
عزيز / انت فين يا عمار
عمار/ انا على البوابه اهو يعني فمتوثانيه وهخضك
عزيز/ ط.طب اقف بالعربيه قدام الباب وماتنزلش عشان نروح مشوار ضروري
عمار/ في ايه يا حجوج رايح لمزه التانيه ولا ايه دي ام عمرو لو عرفت هطربقها على دماغك
عزيز/ بعصبيه مش وقته كلامك ده يلا سلام
عمار قفل وقال غريبه اول مره بابا يتعصب
عزيز/ طلع من الاوضه بسرعه بس كانت هناء نازله على السلم وشافته ندهت عليه
هناء/ عزيز
عزيز/ بصلها وقال ه.هروح مشوار بس بسرعه مع عمار وهرجع وسابها ومشي
هناء بصت عليه باستغراب وقالت ماله ده
اما عزيز طلع بره لعمار مستنيه كان بيتكلم في التليفون وقال له يلا بسرعه
عمار/ ابتسم وقاله على فين كده يا خلبوص
عزيز /بعصبيه عمار مش وقته هزارك ده اخلص اطلع على مستشفى(.....)
عمار /بقلق في ايه يا بابا قلقتيني
عزيز/ بدموع اخوك عمرو عمل حادثه اطلع بسرعه
عمار ساف بسرعه للمستشفى عشان يوصل ف اقرب وقت
