#لمسة_شفا
الفصل الثالث والعشرون &
مر شهر تقريبا علي ابطالنا وكان احمد وهاجر حددوا معاد فرحهم ومستنين رجوع عمرو وملك
اما هناء فكانت رافضه تماما نيفين ومؤمن والكل كان بيحاول يقنع فيها وكانت مصممه علي رأيها
في الشاليه
اشرق صباح يوم جديد صحيت ملك من نومها بس عمرو كان لسه نايم وراحت فتحت الدرج وطلعت منه تست حمل وافتكرت اللي حصل
فلااااااش باااااااك
كانت ملك بتاكل مع عمرو وحست انها مش طايقه ريحة الاكل وقامت وهيه قرفانه
عمرو قلق عليها وقام وراها وقال مالك ياقلبي
ملك/ أبدا ياحبيبي بس تعبانه يظهر اخدت برد او.......احم ممكن تكون البريود قربت
عمرو/ابتسم وقال مش وقتها خالص
ملك/ابتسمت بخجل وقالت متعرفش صيدليه هنا
عمرو/اه ياحببتي هكلمهالك حالا تجبلك المطلوب
ملك/ طب اتصل وهات انا اكلمها عشان فيه مسكنات باخدها اول يوم لاني بتعب اوي
وجاب عمرو تليفونه وكلم الصيدليه واللى ردت عليه كانت بنت
اداها لملك وحاولت ملك تبعد عنه عشان تقولها تست حمل و حاجات لزوم البريود
بعدها بشويه وصل حد تبع الصيدليه وادي الشنطه لعمرو
خبت ملك تست الحمل عشان تعمله من وراه لانها مكانتش عايزاه يتعشم بحاجه زي دي
باااااااااك
غمضت ملك عيونها وقالت سامحني هعمله من غيرك بس عشان مش عايزه عشمك ويارب يكون خير ودخلت ملك الحمام وعملته وطلع ايجابي وحامل و كانت فرحانه جدا و بتعيط بدموع فرحه
اخدت شاور وادت فرضها وصلت ركعتين لله شكر على عوضه لها من كل حاجه
نزلت عند البحر تتكلم معاه وبصتله بدموع فرحه وقالت شوفت ربنا كبير قد ايه
بعد كل اللي شوفته عوضني براجل مفيش زيه في الدنيا طايل يجيبلي نجمه من السماء هيجيبهالي ورضاني اكتر بحته منه وحطت ايدها على بطنها وابتسمت
في الشاليه
كان عمرو فاق من نومه ملقاش ملك عرف انها عند البحر
نزلها ونادي عليها بصتله وجريت عليه بدموع فرحه وحضنته
عمرو / بقلق ملك فيكي ايه حبيبتي بتعيطي ليه
ملك / مسحت دموعها و ابتسمت وقالت غمض عيونك
عمرو / مش وقت هزار في ايه
ملك / والله مبهزرش غمض عينك بقى
عمرو / اتنهد وقال حاضر اهو وحط ايده على عيونه
ملك / حطت التست قدام عيونه وقالته فتح
عمرو/ فتح عيونه شاف التست استغرب الاول بعد كده فهم وقال بفرحة توتر أ.انتي انتي.....
ملك /هزت راسها وقالت ايوه يا عمرو انا حامل منك
عمرو / شالها وفضل يلف بيها بفرحه ودموعه نزلت من الفرحه بعدها بشويه نزلها ومسك وشها بايده الاتنين وفضل يبوس فيها وهو فرحانه
ملك / فرحان يا عمرو
عمرو / انا طاير من الفرحه يا ملك انا مش قادر اصدق اصلا
ملك /حضنته وقالت ربنا يجيبه بالسلامه يارب
عمرو / ملس على خدها بحنيه وقال تؤ تيجي بالسلامه هتكون بنوته
ملك / بابتسامه يا سلام هتسميها ايه بقى
عمرو/ ابتسملها وقال هسميها على اسم اغلي حد في حياتي
ملك / بغيره و دي مين دي بقى ان شاء الله
عمرو /لعب في مناخيرها بمناخيره وقال روح قلبي ملكة قلبي
ملك حضنته اكتر وهو شالها ودخلوا الشاليه.....
في الاوضه
كانت عمرو وملك نايمين على السرير وواخدها في حضنه
ملك/ بفرحه مجنون والله المفروض تبعد اول تلات شهور هو دا الصح
عمرو / كان لازم أحتفل وابعتلها سلامه بنفسي وغمزلها😉
ملك / ضحكت عليه ونامت في حضنه وقالت مجنون
وقطع كلامهم اتصال من ندي ورد عليها عمرو وقال ندوش وحشتيني
ندي /بدموع ابيه عمرو مش هتيجي بقا
عمرو /بقلق مالك يا ندى بتعيطي ليه
ندى / ماما مش موافقه على مؤمن ونيفين يا ابيه
عمرو/ طب اهدي يا حبيبتي وانا هكلمها
ندى / مينفعش كلام في التليفون لازم تقعد معاها
عمرو / عموما انا جايه اخر الاسبوع متقلقيش انتي يلا سلام
عمرو قفل مع ندي وحكي لملك
ملك /ملست على خده بحنيه وقالت هتكلم معاها انا وان شاء الله هتوافق
عمرو / يا رب يا ملك عارفه لو ده حصل وافقت ليكي عندي جايزه
ملك /ضحكت وقالت انا عارفه جوازك وعقابك كلهم واحد
عمرو ضحك واخدها في حضنه
