الفصل الرابع&
*في فيلا عمرو الشامي
كانت عائله عمرو متجمعين على السفره بيتغدوا مع بعض
ندي/والله كنت واحشنا اوي يا أبيه
عمرو/وانتو كمان وحشتوني اوي ياندوش
هناء/مدام وحشناك اوي كدا ليه قضيت الاسبوع اللي بتاخده راحه لوحدك مجتش هنا ليه تقضيه معانا زي الأول واهو ترجع تعيش معانا من تاني واحنا هتعملي عليك حياتك
عمرو/وهو مش مهتم بكلامها ربنا يسهل
هناء/اتنهدت وقالت هو انا هعرف اخد معاك حق ولا باطل وبصت لعزيز وقالت متشوفلك حل معاه بقا يا عزيز
عزيز/خلاص يا هناء كفايه كلام ف الموضوع دا دلوقتي خلينا نعرف ناكل
هناء/ وقفت وقالت هو دا اللي ربنا قدرك عليه ومشيت وهي زعلانه
عزيز/قام من ع السفره وبص لعمرو وقال لما تخلص اكل يا عمرو تعالي ع المكتب
عمرو/حاضر يابابا
ومشيت عزيز ع مكتبه وقام عمرو بص لاخواته ولسه هيمشي عمرو نده عليه
عمار/ عمرو
عمرو/لف ليه وقال نعم يا عمار
عمار/انت وحشتنا اوي عشان خاطري متبعدش عندنا تاني
عمرو فصلين بقلة حيلة ومردش عليه ومشي دخل لعزيز مكتبه
ندي/بصت اعمار وقالت مالك انت كمان ساكت ليه
عمار/بزعل صعبان عليا عمرو اوي نفسي ينسي بقا ويعيش حياته
ندي/منتا عارف ابيه عمرو مش ممكن ينسي بسهوله كدا احنا كلنا كنا عارفين حنان بالنسباله كانت ايه وبعدين مرضها اللي جه فجأه قبل فرحهم باسبوعين كسرت فرحته ومن يومها لما عرف الدكتور قاله مفيش امل لان حالتها كانت متاخره دا زاد من وجعه اكتر الله يكون ف عونه
عمار/عارف ربنا يبعتله بنت الحلال اللي تقدر تنسيه وتدخل قلبه
ندي/يارب
*************************
عند عزيز ف المكتب
عمرو/خير يابابا حضرتك عايزني ف ايه
عزيز/اتنهد وقال بص يا عمرو انا عمري ماغصبت ع حد فيكم ع حاجه يعملها ف حياته انا دايما بديله الرأي واسيبه لقراره وعارف انكم قريبين مني اكتر من امكم وخصوصا انت يا عمرو من صغرك واحنا اصحاب وانت بتسند عليا لكن دلوقتي يابني خلاص انا اللي بتسند عليك يعني انت عكازي وعمري مهسمح لأي حد مهما كان يكسر عكازي اللي هو انت يا عمرو
عمرو/بابا فهمني اخرة كلامك دا ايه
عزيز/ آخرته. حاضر يا عمرو آخرة كلامي من الاخر انك تتجوز بقا وتعيش حياتك
عمرو/وقف مصدوم وقال ايه اتجوز ازاي انت اللي بتقول كدا يابابا وانت كنت اكتر حد عارف حنان كانت ليا ايه مستحيل مستحيل يابابا انساها واعيش حياتي
عزيز/وقف بعصبيه وقال فوق بقا .فوق من اللي انت فيه دا حنان خلاص ماتت وارتاحت من مرضها الدور والباقي عليك ياللي موقف حياتك عليها الدنيا مبتوقفش ع حد والمركب لازم تمشي انما انت ازاي من بعد موتها بقيت تقلدها ف كل حاجه طول عمرك اجتماعي مع الناس فجأه بقيت انطوائي .ليه يا عمرو؟اصل حنان مكنتش بتحب الاجتماعات
طول عمرك بتتكلم وبتحب الهزار فجأه بقيت ساكت. ليه ياعمرو؟اصل حنان كانت بتحب الهدوء
حتي الاكل طول عمرك بتحب السمك فجأه بقيت تكرهه. ليه ياعمرو؟اصل حنان مكنتش بتحبه كل حاجه فحياتك عشان كانت حنان بتحبها او بتكرهها
وضحك بسخريه وقال انت مفكر انك كدا بتكون وافي ليها ابدا عمرو الوفاء مكان بتقليد الشخص ف انطباعاته الشخص الوفي يابني هو دايما اللي بيذكرها بالخير والرحمه وتتصدق ع روحها فهمني
عمرو كان ساكت ومبيردش عليه
عزيز/قعد ع مكتبه وسكت
عمرو بصله بدموع وسابه وخرج
عزيز/ دا اول الكلام ياعمرو ولازم بقا تفوق لنفسك وتتقبل فكرة عدم وجود حنان
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ف بيت ملك كانت قاعده ف اوضتها سرحانه دخلت سها عليها فجأه وهيه بتقول
بت يالوكه بت يالوكه
ملك/ايه ايه داخله هاجمه عليا ببطنك كدا
سها /وهيه بتنهج لقيتلك إعلان شغل عملاه شركة الشامي طالبين سكرتيره
*ملك كان جواها مليون احساس من الخوف والفرحة بانها خلاص هتقدر تعتمد ع نفسها عشان تبطل تفكير ف اللي فات من حياتها وخوف من التعامل مع الناس من تاني بعد اللي حصلها
سها/قطعت سرحانها وقالت ايه روحتي فين
ملك/أبدا مفيش هروح بكره ان شاء الله
سها/ومالك زعلانه ليه كدا انا قولت هتفرحي
ملك/بحزن اتنهدت وقالت خلاص مبقاش فيه حاجه تفرح
سها/لأ فيه يالوكه انا😂
ملك/بصتلها بعين واحده ورفعت حاجبها وقالت اطلعي بره ياسها
سها قامت تجري من قدامها وهيه بتضحك
*ف بيت مازن
كان قاعد ف اوضته كالعاده بيبص لصورة ملك ويفتكر ذكرياته معاها قطع تفكيره خبط ع الباب ودخل منه شاب وهو مبتسم وبيقول ممكن اشوف ميزو حبيبي
مازن/قام بسرعه وحضنه وبكا ف حضنه وقال وحشتني اوي يا مصطفي كدا تسيبني كل دا
مصطفي/حقك عليا ياميزو الشغل يا حبيبي غصب عني.المهم انت طمني عليك
مازن/بابتسامة حزن هكون عامل ايه بس اولادي الاتنين راحو مني وملك كمان
مصطفي/طب طب ع كتف اخوه بحنيه وقال معلش يا حبيبي هو ابتلاء صعب بس قادر ربنا يصبرك ويقويك ويخرجك من الضيقه دي . بس ازاي ملك تسيبك وتطلب الطلاق كمان
مازن/باستغراب مين قالك كدا
مصطفي/ماما وعبير
مازن/ضحك بسخريه وقال قطعت بيهم اوي انا عارف اتنهد وقال لا يا مصطفي ملك مطلبتش مني الطلاق انا اللي طلقتها
مصطفي/اتصدم وقال ايه طلقتها انت يا مازن دي ملك حب عمرك ازاي تطلقها يابني دي استحملت منك قسوه ومعاملة زي الزفت منك ازاي تفرط فيها بسهوله كدا انا حقيقي مش مصدق
مازن/بدموع شيطاني غلبني المرادي اوي يامصطفي وف النهايه انا اللي بتعذب من بعدها عني وبتعذب اكتر كل ما افتكر قسوتي عليها
مصطفي صعب عليه اخوه اخوه ف حضنه وطبطب عليه وقال اهدي يا حبيبي يمكن ربنا كاتبلكم ترجعوا لبعض من تاني وطبطب عليه
*ف مكان هادي كان عمرو واقف فيه بعربيته وبيفكر ف كلام ابوه
مسح ولسه وشعره وقال ازاي بس انساها ازاي هقدر ابص ف عيون حد تاني ازاي ورجع ضهره لورا وافتكر اخر مره كان فيها مع حنان لحظة مامت
فلاااااااااش بااااااااااك
دخل عمرو المستشفي وراح لاوضة حنان وكان معاه وردة من اللي كانت بتحبه ودخل عندها وقال
عمرو/صباح الفل ع اجمل حنون ف حياتي
حنان/بتعب صباح الخير يا حبيبي وحشتني اوي كنت خايفه متجيش النهارده
عمرو/بابتسامة وانا اقدر برضو يومي يبدأ من غير ما اشوفك
حنان/بتعب ربنا يخليك ياعمرو وحاولت تاخد نفسها من التعب وقالت عمرو انا عايزاك توعدني بحاجه
عمرو/حاجة ايه يا حببتي
حنان /بتعب متوقفش حياتك عليا وتتجوز
عمرو /بصلها باستغراب وقال حنان انتي بتقولي ايه
حنان/بتعب ايوا ياعمرو انا عارفه بقولك ايه ويصتله بدموع وقالت كان نفسي اعيش عمري معاك بس دي إرادة ربنا
عمرو/مسك ايدها بحب وقال يابت هنعيش مع بعض العمر كله وهنعجز سوا كمان
حنان/بنظرة وداع اوعدني عمرك ماتنساني
عمرو/انساكي ازاي بس وبعدين انتي مش هتسيبيني اصلا
حنان/وبكرر طلبي منك تاني ياعمرو متوقفش حياتك
عمرو/حنان عشان خاطري متتكلميش الكلام دا تاني انا كدا قلبي هيوجعني اكتر عليكي اتفقنا وبص لحنان كانت مبتردش وقال حنان حنان .حنان مبترديش عليا ليه وقف بسرعه وخرج ينادي ع الدكتور وجه كشف عليه ولف لعمرو بحزن وقال ربنا رحمها من عذاب الألم اللي كانت بتحس بيه و ف اللحظه دي كانت الممرضة بتغطية وشها شد الملايه وهو بيعيط وقال بتعملي ايه مماتتش والله مماتت قاعد ع ركبته يعيط وماسك ايدها وبيقول قومي يا حنان عشان خاطري انتي وعدتيني من البدايه هنكمل عمرنا مع بعض ليه خلفتي وعدك ليا ليه وقعد يعيط
باااااااااااااااااااااااااااك
اه يا حنان كام سنه عدو ع بعادك ومش قادر انساكي ولسه مكانك ف قلبي وحشتيني اوي ومسح دموعه وشغل عربيته وراح ع الفيلا عشان ينام
*ف بيت ملك
كان محمود ونبيله وسها قاعدين مع بعض بيتكلموا عن شغل ملك
سها/ ايوا لقيت إعلان طالبين سكرتيره وهيه جهزت ورقها وهتروح بكره تعمل مقابله
محمود/ربنا يقدملها اللي فيه الخير
نبيله/انا مستغربه انك موافق يا محمود
محمود/انا كلمت دكتور حسين اللي جالنا هنا لو تفتكريه وقولتله بطلب ملك وقالت دي فرصه كويسه عشان تبتدي ترجع لحياتها الطبيعيه من تاني
نبيله/ ربنا يسهلها بقا من عنده
محمود وسها/يارب
رأيكم فى كومنت للتشجيع مش اكتر 😍
