#لمسة_شفا
الفصل السادس والعشرون
في المخزن
عمرو/ بصوت عالي اسعااااااااف
مؤمن / التفت لصوت عمرو وراحله بسرعه وقال فيه ايه يا عمرو
عمرو / بدموع ملك بتنزف يا مؤمن اسعاف بسرعه
وبعد دقايق جت الاسعاف وشالت ملك ومشيت
مؤمن لم كل الناس اللي كانوا موجودين عشان يتحركوا للقسم
اما عبير كانت بتجري قدامه وبتحاول الهرب وفضلت تجري
مؤمن / بقوه عبير اثبتي مكانك
عبير كانت بتجري وخلاص مش عارفه هي رايحه فين
نشل العسكري عليها وجات في ضهرها وقفت مكانها ووقعت
نيفين شافتها انضربت بالنار اغمي عليها في حضن عمار
مؤمن راح يشوفها عايشه ولا ..لا لقي فيها النفس وشاور للاسعاف وجت شالتها هي كمان واخدوا نيفين
والكل ركب عربياتهم وراحوا على المستشفى
________________________
في المستشفي
وصل الكل المستشفى والدكتور دخل ملك العمليات وفضل وقت جوه
بعد شويه طلع الدكتور والكل جري عليه
عمرو / بقلق طمني يادكتور عليها
الدكتور / طبطب علي كتفه وقال ربنا يعوض عليك البيبي نزل
الكل اتصدم وندى وهدى دموعهم زادت اكتر
عمرو / بدموع ط.طب وهي عامله ايه
الدكتور / محتاجين دم ليها ضروري
عمرو / فصيلتها ايه
الدكتور /+A
عمرو مكنتش دي فصيلته وبصلهم
/هدي / انا فصيله دمب زيها يلا بسرعه خدوا اللي انتم عايزينه
الدكتور / بصلها وقال بس انتي ضعيفه اوي يا انسه ممكن يحصلك هبوط
هدى / هشرب عصير وهاكل بس بسرعه الحقوقها
مصطفى بصلها باعجاب
الدكتور / طب تعالي معايا وبصلهم وقال حد ينزل يجبلها عصاير لو سمحتم
مصطفى / انا هنزل اجيب بس اطمن عليها الاول
وراح مصطفى مع هدى وحاولت الممرضه تركب الكالونا
بس كانت هدى خايفه جدا
مصطفى راحلها ومسك ايدها يطمنها
هدي بصيتله اتكسفت وكان مصطفى مركز مع الممرضه لقاها ركبتها خلاص
وقف وقال هنزل اجيبلك حاجه تشربيها
هدى / طب ممكن تستنى لما اركب الحقنه بس عشان بخاف منها
مصطفى ضحك
الممرضه / قالت خلاص ركبتها يا انسه نامي وارتاحي بقي واسترخي
هدى / ايه امتى محستش بيها خالص
الممرضه / لما الاستاذ مسك ايدك و غمزتلها
هدى / ابتسمت وبصت لمصطفى
مصطفى / ضحك وقال بعد اذنكم
وخرج يجيبلها عصاير وطلع يقعد معها
فتحلها عصير وادلها تشرب
مصطفى / بصلها بحب وقال تعبانه ولا حاجه
هدى / لا لا ابدا
مصطفى / ممكن تحكيلي على اللي حصل
هدي / اتنهدت وحكتله كل حاجه من اول ما اتخدرو في الجراش لحد ما هما وصلو
مصطفى / اتنهد وقال اتوقع منها كل حاجه
هدى / متزعلش مني بس هي حقوده اوي وبتكره ملك اوي اوي
مصطفى / مش عارفه ليه هي طبعها كده
هدى / عندك حق دي نيفين غيرها تماما
مصطفى / بصلها وابتسم وقرب عليها وقال نيفين بس
هدى / احم قصدك ايه
مصطفى / رجع بضهره لورا وقال ولا حاجه وسكت شويه وقال بس يا عيني عليك اتاخدتي معاهم في الرجلين كده وملكيش ذنب وضحك
هدى / ضحكت وقالت اه بعد ما كنت عامله زي تهامي في ناجي عطا الله بالشنط اروح كمان لخيرت وكالوا يا نهار اسود يا جدعان
ومصطفى / ضحك عليها وسكت شويه وبصلها بحب وقال تعرفي ان دمك خفيف اوي
هدي / لا والنبي كده كتير عليا النهارده انا شوفت العجب
مصطفى / باستغرب قصدك ايه
هدى / ابدا الصبح كانت نحنحة سي عمرو وملك وبعدها تهامي في ناجي عطا الله وبعدها فيلم اكشن ابن كلب وانت دلوقتي هتختمهالي رومانسي كل ده في يوم واحد لا كده كتير بقى
مصطفى بصلها وابتسم وسكت وفضل يبص عليها
هدى سكتت وحست انها هتنام وفعلا نامت
ومصطفى قعد يتفرج عليها
( ناس هايصه وناس لايصه بقا 😂😂)
