الفصل الحادي عشر &
في بيت مازن
كانت نيفين ومصطفى ومؤمن قاعدين مع بعض بيتكلموا
مصطفى/ وعملتوا ايه بقى هناك
نيفين/ بصراحه يا ابيه استقبلونا كويس اوي وفيلتهم تحفه
مصطفى/ بص لمؤمن لقاه سرحان قاله مالك يا مؤمن
مؤمن/ خايف
مصطفى/ من ايه ياحبيبي
مؤمن/ دول ناس عايشين عيشه مرتاحه اوي خايف ليفتكروني طمعان في بنتهم
مصطفى/ باستغراب طمعان! طمعان ليه بقى ان شاء الله ده انت ظابط قد الدنيا وبكره تترقى ويبقى ليك وضعك اكتر كمان
مؤمن/ اتنهد وقال انت قولتها ظابط يعني مهما روحت ولا جيت موظف في الداخليه ودخلي هو اللي بصرف منه و بس و دي شكلها مرتاحه وخايف تتعب معايا
نيفين/ لا يا مؤمن انت غلطان ندى غير كده خالص
مصطفي/ طبطب ع رجله وقاله سيبك انت دلوقت انت قولتلها
مؤمن/ باستغراب قولتلها ايه!
مصطفى/ اعترفتلها بحبك يعني
مؤمن /لا طبعا بقولك خايف
مصطفى/ تبقى غلطان يا مؤمن انت لما بتطلع عمليات وبتبقى عارف يا ترجع يا لا قدر الله مترجعش ومع ذلك مبتبقاش خايف. دلوقتي خايف من اعتراف بسيط لها وليك ودا ابسط حقوق بينكم ان كل واحد يعرف حقيقه مشاعر التاني عشان لا انت توهم نفسك بحاجه ولا هي كمان
مؤمن فكر في كلام مصطفى وقام من جنبهم دخل اوضته
نيفين/ تفتكر هيكلمها
مصطفى/ هيعيد حساباته ويفكر ان كلامي صح
نيفين/ يا رب يا ابيه ندى طيبه اوي وبصراحه اتمناها لمؤمن
مصطفى/ ان شاء الله يا حبيبتي ادعيلهم
عند عمرو
دخل لعزيز بابتسامه وقال ربنا يخليك لينا يا بابا
عزيز/ ابتسم وقال ويخليكم ليا يا حبيبي ها كلمتها
عمرو /هز راسه بمعنى اه وابتسم
عزيز /وكله تمام وغمزله
عمرو/ اتعدل ف قعدته وقال تمام اوي انت عارف يا بابا......
ولسه هيكمل كلامه قطع كلامه رنه تليفونه وكان احمد
عمرو/ اتنهد وفتح الخط وقال ايوه يا احمد
احمد /بدموع محتاجلك اوي يا عمرو
عمرو/ خاف على احمد لما سمع صوته بيعيط وقال مالك يا احمد انت كويس اجيلك
احمد/ يا ريت يا صاحبي انا تعبان اوي
عمرو /حاضر مسافه السكه واكون عندك وقفل معاه
عزيز/ خير يا عمرو ماله احمد
عمرو/ اتنهد وقال مش عارف شكله مخنوق وبيعيط عن هروحله شويه يا بابا ولما ارجع هكمل كلامي معاك
عزيز/ ابتسم وقاله روح يا حبيبي ربنا معاك
طلع عمرو غير هدومه ونزل ركب عربيته وراح لبيت احمد
* في بيت ملك
كانت ف اوضتها سرحانه دخلت عليها سها وقالت بغمزه الجميل سرحان في ايه
ملك/ انتبهت لصوتها وقالت لا. لا ولا حاجه يلا هقوم نحضر الاكل عشان نتغدي مع بعض
محمود/ الله الله الله على ريحه الاكل تسلم ايدك يا ملوكه
ملك/ بضحكه بالف هناء وشفا يا حبيبي
اخدت ملك مروان جنبها تاكله
وبعد شويه
مروان/ يووووه بقى يا لوكا انت بتظغطي بطه
الكل ضحك على كلاه
محمود/ يا لمض مش تحمد ربنا انها بتاكلك
مروان/ بتاكلني ايه دي بتظغطني ياعم انا هقوم العب
سها /كمل اكلك الاول يا مروان
مروان/ لا وسابهم ومشي
سها/اتنهدت وقالت انا تعبت من الولد ده بقى عنيد اوي
ملك معلش يا حبيبتى ربنا يهديهولك
انما ايه مستقرتوش على اسم للبيبي
محمود/ لا والله يا لوكا لسه سها بتقول عايزلها اسم جديد
سها/ لا طبعا انا لقيت الاسم من زمان
محمود/ يا سلام وليه معرفتنيش ايه هو بقى
سها/ ابتسمت وبصت لملك وقالت ملك
الكل كان فرحان جدا باختيار الاسم
ملك/بصتلها بدموع وقالت هتسميها على اسمي يا سها
سها/ طبعا وانا عندي اغلى منك
ملك/ طب فيه اسامي جديده واحلى كمان
محمود/ ابتسم وقال وماله ملك يعني عشان تبقى عندي ملكتين
ملك/ ربنا يخليكم ليا يا رب و يقومك بالسلامه يا سها
*عند عمرو
كان وصل عند بيت احمد وطلع لشقته فتح الباب لقاه قاعد مهموم وبيشرب سجاير بشراهه
عمرو/ايه اللي عامله في نفسك ده يا احمد
احمد/ هعمل ايه في نفسي اكثر من اللي انا فيه بس
عمرو/ اتنهد وقال طب ممكن افهم ايه سبب الحاله اللي انت فيها دي
احمد/ بصله بدموع وقال هاااااجر
عمرو /باستغراب مالها هاجر
احمد/ كلمتها ومردتش عليا وبعدها قفلت تليفونها
عمرو /طب وانت عايز منها ايه تاني مخلاص اللي حصل حصل وهي اخدت حسابها ومشيت
احمد/ بص لعمرو بصدمه وقال ايه..مشيت. مشيت ازاي يا عمرو وانت ازاي تسمحلها اصلا تمشي
عمرو/ والله انا مش هضرب حد على ايده عشان يشتغل عندي في الشركه
احمد/ بدموع ليه. ليه يا عمرو سبتها ليه
عمرو/ صعب عليه حال احمد قعد جنبه وقال انت عايز ايه منها بالظبط يا احمد
احمد/ بدموع مش عارف والله بس اللي اقدر اقولهولك ان القلم بتاعها على قد ما وجعني وكسرني قدام نفسي وقدامها ع قد ما فوقني اوي
عمرو/طبطب عليه وقال احمد انت حبيتها
احمد/ انا عمري ما جربت الحب اصلا يا عمرو عشان اقولك حقيقه مشاعري ايه بس حاسس اني تايه وضايع اوي حسيت بقيمة مكانها لما مشيت يومها بدري من الشركه
عمرو /انا مش هقدر اقولك تعمل ايه بس لو زي ما بتقول قلمها ليك فوقك فياريت تحارب حياه الفساد اللي انت فيها دي وتبطل سهر ونسوان وشرب وتقرب لربنا هو اللي في ايده يريحك ويزيل همومك وتدعيله ان ربنا يقربها منك لانها تستاهل بجد ويا بختك لو قربت منها انت محتاج لعيله وهي محتاجه لسند يمكن انتو الاثنين تقدروا تكملوا بعض
احمد /حضنه وهو بيعيط وقال ربنا يخليك ليا يا عمرو
عمرو/ طبطب عليه وقاله عيب يالا احنا اخوات يلا قوم نضف شقتك دي اللي شبه الخرابه وخدلك شاور وصلي. صلي كتير يا احمد وادعي ربنا يثبتك على الهدايه
يلا انا هقوم امشي وكلمني لو احتاجت مني حاجه
احمد /مع السلامه يا اخويا وحضنه
عمرو نزل من عند احمد وبدا احمد فعلا ينضف شقته
نزل عمرو عند عربيته وعمل مكالمه وهو مبتسم كله تمام خلينا ماشيين ف خطتنا بقى ومشي بالعربيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
* حل سواد الليل وبدات النجوم بالظهور
وكان مؤمن فى اوضته رن تليفونه وكانت ندى وكان محتار يرد ولا. لا وقرر يرد
مؤمن /الوووووو
ندى/ ايه يا مؤمن فينك مكلمتنيش ليه النهارده
مؤمن /اتنهد وقال معلش يا ندى انشغلت شويه
ندى/ انشغلت عني يا مؤمن
مؤمن سكت ومردش عليها
ندى/ ياااااااه سؤال صعب اوي كده
مؤمن /لا يا ندى سؤالك مش صعب اللي انا فيه هو اللي صعب
ندى/ وايه اللي انت فيه شاركني بتفصايلك حتى لو بسيطه
مؤمن /اتنهد وقالت قبل ما اقولك اي كلمه عن اللي شاغل بالي لازم تعرفي حاجه مهمه اوي
ندى/ ايه هي
مؤمن/ ندى انا بحبك(لولولولولووووي اخيرا حد نطق عقبال الباقي)😂😂
ندى بفرحه بجد يا مؤمن
مؤمن /ايوه يا ندى بحبك ومش عارف امتى وازاي وليه بس لقيت نفسي حبيتك بسرعه وده خوفني اكثر
ندى /باستغراب انت خايف مني يا مؤمن
مؤمن/ لا طبعا انا خايف عليكي انا لما جيت عندكم وشوفت حياتكم خوفت تتعبي معايا خوفت ما تتحمليش ظروفي. انا مهما رحت ولا جيت ليا مرتب محدد ولازم اعيش منه على قدي طول الشهر وامشي نفسي بيه وماامدش ايدي لحد خوفت اكون باخدك من سابع سما و انزلك لسابع ارض تكرهينى وتكرهي اليوم وتندمي انك حبتيني
ندى كانت ساكته ومابتردش عليه بس دموعها كانت بتنزل منها
مؤمن/ ندى مبترديش عليا ليه
ندى/ انا هرد عليك بحاجه واحده يا مؤمن هتجاوبك على كل مخوفك دي وتنساها
مؤمن/ طب بتعيطي ليه دلوقتي انا مش هتحمل دموعك دي
ندى/بعصبيه مش عايزني اعيط وانت بتقول كلام اهبل زي ده يخليك تدي لنفسك مبرر تبعد عني
مؤمن/ خوفت عليكي والله يا ندي انا.........ولسه يكمل كلامه
ندى /قطعته قالت افهم بقى انا بحبك ياغبي
مؤمن/ ابتسم وقال وايه لزومها غبي
ندى/ غبي عشان تفكر في مبررات ملهاش لازمه لبعدك عني
مؤمن /بحب والله خوفت عليكي يا قلبي
ندى/ يعني خوفت من حاجات زي دي
ومخفتش عليا لما اكون لغيرك وفي حضنه مؤمن/ اتجنن لما قال في حضن حد غيره خبط على المكتب بعصبيه وقال عارفه ان ذكرتي اسم راجل غيري حقتلك يا ندى فاهمه ... قال حضن غيري دا انا كنت قتلتك وقتلته
ندى/ضحكت وقالت ايوه كده عشان تتعدل في كلامك
مؤمن/ ماشي اضحكي اضحكي بكره هيطلع كل ده عليكي
ندى /بحب على قلبي زي العسل
مؤمن/ بحب بحبك يا مجنونه
ندى /ابتسمت وقالت مجنونه بيك
مؤمن/ضحك وقال يلا تصبحي على خير ندى وانت من اهله قفلت معاه وفضلت تتنطط على السرير من فرحتها
* في بيت ملك
كان الكل نام وهي لسه بتتقلب على السرير وفجاه تليفونها رن وكان رقم عمرو ابتسمت وكانت حاسه ان قلبها هيقف من الفرحه وردت عليه
ملك/ الووووو
عمرو/ كنت هزعل اوي لو لقيتك نمتي
ملك/ ليه
عمرو/ مقدرتش انام من غير ما اسمع صوتك
ملك/ بتوتر م.متشكره يا فندم
عمرو / فندم تاني يا ملك
ملك/ سوري بس انا اتعودت على كده
عمرو/ بلؤم خلاص جربي تناديني باسمي بس عشان تتعودي عليه
ملك /ها
عمرو/ ها ايه بس دا حتى سهل اوي وقولي ورايا كده عمرو
ملك /كانت دقات قلبها بتسرع بشكل مش طبيعي وقالت م.مش هينفع ازاي بس اقوله كدا
عمرو/ يا ستي انا راضي بكده والله
ملك/ ط.طب انا هنام بقى
عمرو/ ابتسم وقال ماشي يا ملك
ملك/ ابتسمت وقالت تصبح على خير
عمرو /تصبحي على كل حاجه حلوه يا ملك💗💗
* اشرقت صباح يوم جديد على ملوك الرومانسيه ملك وعمرو
صحيت ملك من نومها جهزت نفسها عشان تنزل الشغل
اما عمرو صحي من النوم وجهز نفسه عشان ينزل يفطر معاهم قبل ما يروح الشغل
وكان على وشه ابتسامه جميله وهو بيقول صباح الخير
الكل/ صباح النور
عمار/ بغمزه صباح الحب يا برنس
عزيز/ ايه يا حبيبي مش هتفطر
عمرو/ لا يا بابا هنزل عشان متاخرش يلا سلام ومشي بعربيته
عمار/ وقف وقال لندى ها يا ندى هتيجي معايا الجامعه
ندى/ لا يا عمار النهارده مش هقدر هخلص اخر جرعه في الدواء و هنزل بكره عمار خلاص انا همشي انا ولسه هيمشي
ندى/ عمار
عمار/ التفت وقال نعم
ندى/ كنت عايزاك تعدي على الجامعه تجيبلي المحاضرات من صحبتي
عمار/ وانا هقابلها ازاي
ندى/ انا هكلمها دلوقت وهاديها رقمك
عمار/ اوكي يلا سلام
هناء /هو هيجيبها من مين
ندى/ من نيفين يا ماما
هناء/ اه....... انما هي مجتش تاني ليه
ندى/ بتوتر ع.عشان اخواتها مبيرضوش و.وكمان هي بتكلمني دايما وبصت لعزيز لقيته عمال بيضحك عليها اتوترت اكثر وقالت عن اذنكم انا هطلع اوضتي اريح شويه
هناء /روحي يا حبيبتى ربنا يسعدكم يا اولادي يا رب
*في الشركه كان وصل عمرو بدري وملقاش ملك
مسك تليفونه يكلمها
ملك/ الوووووو
عمرو/ بحب اتاخرتي ليه
ملك /سوري يا مستر عمرو بس الدنيا زحمه جدا النهارده
عمرو /اممممم بعيدا عن الزحمه يعني مش قولنا بلاش مستر وفندم دي
ملك/ ابتسمت ومكنتش عارفه ترد عليه وقالت تمام يا فندم بالكتير اوي نص ساعه وهوصل
عمرو/ضحك وقال اوكي يا ملك متتاخريش
وقفل معها وقعد يفكر يقولها ولا يستنى شويه وفكر في طريقه ثانيه خالص
بعد وقت قليل جت ملك و اول ما دخلت الشركه راحت لعمرو على مكتبه وخبطت عليه ودخلت و اول ما دخلت عليه عمرو كان مشغل اغنيه
(جوايا حاجة)
جوا مني تعالي قرب من سكات
هات ايديك نبعد بعيد سوا من هنا
يا طير بيسحرني يا كل المعجزات
حضنك سما بسكنها واحنا لوحدنا
وهنا عمرو قام من علي الكرسي وراح ناحية ملك والأغنية بتقول
انت الخيال وحاجه ارق من الخيال
يا ساكن كل حته فيا مصدقك
يا صوره نازله من السما بكل الجمال
يا دنيا جوا دنيا تانيه انا بعشقك
وهنا عمرو والأغنية ف صوت واحد(بحبك)🙈
ملك اترمت ف حضنه بدموع ومكنتش مصدقه نفسها
جوايا حاجه بألف حاجه تشد ليك
يا اغلي غالي بعمري كله انا هشتريك
يا لحن حب انا جوا منه يادوب سكوت
وعد مني انا من اليلادي انا هبقي ليك
