خفايا ضابط
بارت١٤ج٢
بقلم كهرمانه
🖇🖇🖇🖇🖇🖇🖇
انه اول بنادم كلبه ما يبرد
انه المبيوع سد بسد
انه الخلص حياته يكول جا وحد ؟.
______
إرجوان:-أأأسسفه
يحيى:-كبر اي والله تصرفات مال زعاطيط
إرجوان :-شمدريني عبالي سيف
شهم:-يله ماصار شي وانت اذا تنعس اكو غرف فوك اصعد نام
يحيى:-مشكور
إرجوان:-"باوع عليه خزرنه وكام طلع من الاستقبال سلم على امي وابويه وراد يروح بيبي ماخلته كالتله ابقى نطلع نوزع للجوارين واحذ لابوك قبل لاتروح واني لو تذبحوني متلكون بيه قطرة دم من گد المستحه گبيت نار ،
خرب حضي الوداني ركض عليه خلي يولي هو منــوو اصلاً حتى اشغل تفكيري بيه صعدت ردت اروح لغرفة ديم لاگتني تريد تنزل ..
ديم:-لكك هلا بالطش والرش جوووجااايتي شلونج
إرجوان:-بخيرر عمري انتي شلونج
ديم:-من شفتج صرت زينه
إرجوان:-اويلي "نزلنا الدرج ورحنا سويه للمطبخ "
أم قاسم:-كلقتن رواحتچن من اجيتن للمطبخ
ديم:-بيبي هستوني نزلت مو هــآي رهف يمج وعمه ام غيث
رهف:-ماعدنا شي ماما تتشاقه وياج
أم قاسم:-سوده عليه نوره ماشافت شي من حياتها خذاها الموت من يمنه
إرجوان:-الله يرحمها"مديت ايدي واخذت صم من الثواب ضربتني على ايدي "اخخخ
أم قاسم:-اقري الفاتحه
إرجوان:-اي لعد شلون اصلاً بــس فاتحتي توصللهم
أم قاسم:-توصل اي لا صلاة ولا صوم
إرجوان:-على نيتي توصل "كامت بيبي واخذت صينيه وراحت توزع للجوارين هي ويحيى وضمت لكل ولدها شويه حتى لفيان ذكرتها حتى اللي بالمركز يشتغلون ويه عمو ذكرتهم خلصو توزيع ويحيى راح لاهله اتجنبت انو اباوعله بــس احس بيه يباوع عليه ولا نطيته انتباه يريد ينسه براسي ..بابا عزم بيت جدو على عشه وخابر غيث راح يجي ويجيب من المطعم صعدت أني ورهف لغرفتها هي تكوي ملابس عمو مال الدوام واني كاعده بيدي وسام فاتحتله تليفوني يباوع باليوتيوب ..
رهف:-ثوله ماشفتي يحيى شلون يباوع عليچ
إرجوان:-خلي يولي تعاركنا
رهف:-مو عمج حاجاه بعد
إرجوان:-ياولج البارحه تعاركنا
رهف:-هلا هلا شكو بيناتكم على شنو تعاركتو
إرجوان:-والله ماريده اني حتى رفضته لأن يريد ينسه حبيبته ويسوي علاقه ويايه "حچيتلها كلشي صار"
رهف:-ياعيني
إرجوان:-اي عيني
رهف:-انتي خايفه من اهلج
إرجوان:-لا مو خايفه وأنما مخليتهم بين عيوني واحط روحي بمكانهم قبل لا اخطي خطوه
رهف:-اوكي ،يعني رافضة تجربة الحب والرسائل وهاي الحبشكلات
إرجوان:-اي ماعرف احس هذا الشي خيانه لاهلي
رهف:-واذا جربتي وانعجبتي بواحد ولگيتي هذا الشي خارج عن السيطره كل احنا گلنا قبل منرد نجرب الحب بــس صدكي من يجي بدون ليدگ باب بدون لتفكرين اصلاً تلگين روحج ضايعه
إرجوان:-انتي شلون عشتي هــآي التجربه
رهف:-اني ضروفي تختلف عيشتي مو مثل عيشة البنات بالبدايه چنت ادور الأمان ورحت لشهم حتى يسفرني خارج البلد بعدين حبيته سويت كلشي علمود مايعوفني بــس دگ بيه الناقصه المهم انتي تعرفين كلشي
إرجوان:-اي اي حچيتيلي
رهف:-فـ لتنصدمين اذا لگيتي روحچ فجأة تفكرين بشخص معجبه بيه ،إنتي تأكدي من يحيى صدگ يحبچ
إرجوان:-مبين چذاب ويريد يقضي وقت ويملي فراغه بيه
رهف:-بــس نضراته الج متگول هيج
إرجوان:-ولج مصخمته حبيبته مصارلها سنه من ميته شبساع نساها
رهف:- شبيج انتي اكو بيهم نسوانهم تموت يكطع روحه بالفاتحه وبدورة السنه ياخذ مرته الجديده وياه
إرجوان:-هههههههه
رهف:-توكلي بالله عيوني والقريب أحــسن من الغريب على گولة ماما
إرجوان:-ها رهيفه تحثيني على عمل الفحشاء والمنكر
رهف:-لا بــس هيج هيج كلشي ماكو امشي خلصت
إرجوان:-يله هاج ابنج تليفوني خلص شحن
رهف:-فكري بالحچيته
إرجوان:-ولافكر انتي تغنين
رهف:-واذا جية اللاخ اسمع منج تطورات
إرجوان:-لا عيني متسمعين
رهف:-هههههه اهم شي اذا صار بيناتكم او تعرفتي ع واحد لتگولين لڤيان لأن تشهرج شهيره
إرجوان:-تعلميني بيها "نزلنا جوه لگيت سيف كاعد يم بيبي وبيبي صايره طماطيه حمره من الخجل وتعيط بسيف وهو يسولف"
سيف:-هلا هلا ارجوان
إرجوان:-هلو سيوفي
سيف:-تعاي حاچي زمرد متقبل تتطلگ من رجلها
شهم:-شلون شغله هــآي تروح تروح وترجع عليها
سيف:-احب اشوفها خجلانه مو بيدي دباع الخدود ينوكلن
أم قاسم:-ياا اله اخابر ابوك عليك اكله ابنك فاسد افسد من البيضه يعاين عليه
إرجوان:-اجه غيوثي خله الأكل بالمطبخ حضرنا اني والبنات وفرشنا سفره رتبنا الاكل وكعدنا ناكل ورى الأكل غسلنا المواعين اني وديم ورهف عزلت البيت هي وماما سويت چاي ووديته الهم كلها شربت چاي ورجعتلي الاستكان بــس سيف يمكن شرب اربع استكانات چاي اخر مره عطت بيه "
سيف:-هاچ صبيلي بعد
إرجوان:-يبووو انت متمل من الچاي ساعة السوده الصبيت بيها شو جيب الاستكان ماكو بعد سويتها بلا ملح
سيف:-شطالب منج
أم قاسم:-كافي مو زين تشرب چاي هواي يمه
سيف:-لخاطر زمرد كافي
إرجوان:-ناس تدمن عرك تدمن مخدرات جكاير انت مدمن چاي
سيف:-يله يله لمولها من كل واحد ضحكه خطيه
إرجوان:-"وديت الصينيه بالمطبخ ورجعت كعدت يمهم "
ابو قاسم:-اي غيث شوكت تتزوج رحتو للبنيه لا
غيث:-اي امي راحتلهم
ام غيث:-طلبو مهر غالي
أبو قاسم:-اذا غيوثي عاشگها ويريدها مهره عليه عسى ما مية مليون
أبو غيث:-يابه انت الخير والبركه بــس يعني واگفه متزوجه قبل ولزوجها الأول خمسه خاضر وخمسه غايب ليشمن راحتلهم المره ابوها ردلنا خبر المهر غالي ٢٤مليون حاضر و٣٠غايب
شهم:-هو الماخذها قبل گرايب
ام غيث:-اي ابن عمتها
شهم:-اخت ابوها اكيد ابوها ينطيها لاخته وهو مغمض
سيف:-ههههه خاف عدها جهال وابوها حاسب الجهال هم علينا والهم مهر
أم غيث:-ههههههه لا اسبوع وتطلگت
أبو قاسم:-مثنى وافق عالبنيه المهر شكليات تكاليف العرس اول وتالي توصل فوك العشرين مليون بــس شنو سبب طلاقها
أم غيث:-"وهي تباوع لغيث"خليها سكته أحــسن
ابو غيث:-يگولون بايكه عيالها حتى يطلگونها لان غيث يعرفها من قبل لاتتزوج وتطلةت بسببه
أبو قاسم:-شمنتضرين توكلو بالله
غيث:-الله يخليك النا حجي وليحرمنا منك ياذهب
شهم:-ابوي يأيد الحب ها يابه
أبو قاسم:-اذا بالحلال ونهايتها زواج ليش ما اوكف وياهم الله موصي بهاي السالفه والحب مو بايد البشر
إرجوان:-جدو كون كلها مثلك والله الدنيا تصير بخير
أبو غيث:-يعني نردلهم الموافقه على شرطهم
أبو قاسم:-اي رد الموافقه وبس تفوت الأربعين مال جدة فهد نخطب مابقه كم يوم وتطلع الاربعين عيب من ابو عراق
أبو غيث:-انشاءالله
سيف:-كلولولولولولولولولولوش فرحت من كل گلبي والله مو لان راح تعرس لا بــس مادگيت بيه الناقصه وعرست قبل ليطيب قشمي اروح ابوس جدة فهد على هالموته
زمرد:-وانت عيوني شوكت نفرح بيك
سيف:-اطيج مواصفات واذا لگيتيها من باحر اتزوج حتى قبل غيث
زمرد:-اي بله
سيف:-اريدها من جنوبيه يعني مو بغداديه تتنعوص عليه كون حلوه شو باوعيلي بطلت ماريدها نفس عيونج تذكرني بيج زمرد حبي الاول واريدها كون بيضه وتعرف تسوي گهوه عيونهها مثل عيون الريم هيج واسعه وو بعد ها كون من تعكس عليهن الشمس يصيرن مثل الگزازه اريد شعرها وسط بــس سرح وضعيفه واهم شي كصيره وخريجة متوسطه اكثر شي يعني كاعده وساككته بالبيت وتحب الشقه ومتضوج من اصنف عليها يعني عدها خلك وتتحملني وبس
زمرد:-هــآي وين لگيتها
إرجوان:-اكو اكو لك بــس بغداديه
سيف:-ماريدد لعد اكلكم زمرد صفنت يمكن راح تجري اتصالات عمي هــآي زمرد من تصفن وتحري اتصالات ترى اقوى من الاستخبارات التشتغل بيها
شهم:-لا كلشي اتوقع يجوز باحر تكعد الصبح على تليفون تكلك امشي نشوف البنيه لگيتها
أبو غيث:-هههههه راح تضل تدورلك
سيف:-خلي تدور ام التيست وطلعت متزوجه
ديم:-سيف شغل اغنيه عايش بلا روح تمشي ويه حالك
سيف:-سامعهاا اوييلي يابويه ياقويسم
إرجوان:-"رجعنا من بيت جدو خابرت على ڤيان مشتاقتلها تليفونها مغلق صعدت لغرفتي حضرت ملابس للدوام وماعندي اي شي دخلت عالواتساب فتحت الحضر من يحيى ماطلعتلي صوره يعني بعده حاضرني رجعتله الحضر ودخلت عالفيس بحثت على صفحته ودخلت اباوع ببروفايله ينشر كله حزين وعالفراگ تمعنت بصورته سبحان الله نسخة من سيف والفرق الشفته انو يحيى دائماً ملامحه مشدوده وعاقچ حواجبه سيف ملامحه راخي ومبتسم ردت اطلع من الصفحه بدون لا انتبه دخلت عالحاله الناشرها قفلت التليفون وگمت اضرب بروحي راجديات "
-امداني غبيه غبيييه غبيه غبيه هسه شيخلصني منه مافد يوم سويتلي شغله بيها خير "دخلت عليه حور شافتني اضرب بروحي راجديات"
حور:-تخبلت اختي والله
إرجوان:-ههلو ليش هنا
حور:-والله يعني جايتكم تكوليلي ليش هنا هــآي بدال متسلمين عليه
إرجوان:-مو گلت هلو ، الكتكوتات جايات وياج
حور:-جبت بــس بان وعفت ليان وروان
إرجوان:-ليش ماجبتي روان وعفتي بان وكحه ماحبها
حور:-اي تكتل خواتها وتگب العيطه تعاي جنا طلعين اني ويزن وكلتله نمر على اهلي شويه واروح ماتأخر
إرجوان:-اي اجيت "لميت شعري ورحت يمها حضنتها وبستها "
حور:-خبله شمسويه بخدج ليش تضربين بروحج
إرجوان:-مو اني غبيه وجاي اعاقب روحي لتهتمين اجتني الحاله
حور:-الحمدلله
إرجوان:-"نزلت ويه حور وبقينا كاعدين للساعه ١١ونص يله راحو وبنتها كسرت المزهريه مال الاستقبال وامي وابوي يضحكولها ويكلولها فدوه تخليني صافنه وتجي تصفگني على راسي لو تروح للمطبخ تفتح المجر وتطلع سجينه وتجينا تركض يعني كلش وكحه ، صعدت لغرفتي وقفلت الباب فتحت تليفوني لگيت يحيى دازلي رساله كاتبلي ها حاضرتني بــس تشوفين الستوري انتي جاي تتحارشين ، غميت نفسي وحضرته من الفيس هم بدون لا أجاوبه حاولت انام ماگدرت بقيت الليل كله افكر وماكدر اغفى اغنض عيوني وما اغفى بقيت هيج للخمسه الصبح اخيراً نمت وراح الوقت عليه وماداومت ..
.
.
ڤيان:-أستمر الزعل بيناتنا وهالمره گلت اني اتنازله لأن هو كبريائه ميسمحله يجي يراضيني نومت عراق وشوشو بالليل
رحتله وهو كاعد بالصاله مخلي عالأخبار بــس كاتم الصوت وعينه بالتليفون ليش فاتح التلفزيون ما ادري
-اذا انت ملتهي بالتليفون ليش فاتح التلفزبون وكاتم الصوت
وسام:-معليج
ڤيان:-لشوكت تبقى رافع خشمك ومتحاچيني،
وسام:-لعبانه نفسي من تصرفاتچ وماجاي اشوفج أدميه من تصيرين عاقله ذاك الوكت افكر احجي وياك
ڤيان:-متگدر بدوننيي
وسام:-اكدر وداعتج شوفة عينچ من وليتي لبيت جدج ماسألت عليج ولا عبرتچ !
ڤيان:-وسام جاي تستفزني
وسام:-طبچ الفين مرض
ڤيان:-يله اني اسفه
وسام:-امشي وخري متصدقه عليه تكليلي اسفه بعديش تگولين اسفه بعد ماهجمتي الدنيا
ڤيان:-"رحت گعدت بصفه ولزمت ايده ماهتم هزيته وعاط بيه
وسام:-شترديين ، الواحد حتى ببيته يشبع طيحان حظ مايرتاح ويييين ترديييين توصلييين انتي مو بــس عليه منكده ومأثره لا تشمرين طاقتج كلها بالغير بيج حاله نفسيه اوديج دكتور امراض نفسيه بلكي هذا الخبال يخف شويه
ڤيان:-هــآي اني عليه
وسام:-لا عالحايط البصفچ احچي وياه
ڤيان:-هسه شلون تراضيني اني ضايجه عفيه والله اسمع كلمتك واذا ماتغير بكيفك بعد
وسام:-هــآي لا اول مره ولا ثاني مره ولا ثالثه اسمعها منج راح اتغير تتغيرين اول اربعه وعشرين ساعه بعدين ترجعين لطبعچ القديم ڤيان سمعيني هالمره راح امشيها مرة الثانيه اوديج مستشفى مال مجانين اخليج من صدگ تتخبلين وأتيهچ ويه المخابيل مية إمام وألف سيد مايفك خبالج خوش وانتي مجربتني من اهدد انفذ صار معلوم
ڤيان:-صار ،بــس لاسامح الله وعاندت وصار صدك الجهال وين يرحون
وسام:-يعني راح تحسبين حساب للجهال اكو أمل ترحين للشماعيه مووو؟
ڤيان:-كلشي يصير اني ماگدر اتحكم بتصرفاتي
وسام:-لعد اوديج من هسه
ڤيان:-"گمت ابجي خفت لايسريها صدگ وهواي يحچي بالأمراض النفسيه ومستشفى المخابيل يسويها صدگ وين اطي وجهي اشبع كفخات من المخبلات تذكرت من طبقنا الدوره ورحنا زياره لمستشفى المجانين نحف للنسوان ونسويلهن شعرهن والضرب الأكلته والخوف هناك صدك واحد يصير بيه حاله نفسيه "
وسام:-ها ليش تبچين
ڤيان:-"زدت بالبچي شفته مامهتم گمت لزمني بسرعه كعدني على رجله ضم راسي بحضنه وحاوطني بأيديه "
وسام:-شلون بيچ
ڤيان"احجي من بين شهقاتي":-تتحملني. لحد ما. أكبر وأاعقلل
وسام:-واذا ڤيان متعقل حتى من تعجز
ڤيان:-لا تعقل
وسام:-مو حتى عمري راح يگصر من وراچ
ڤيان:-لاتحچي هيچ
وسام:-بعد معليج بالعالم عوفيهم بحالهم اخذي حچي ولا تطين ،تخيلي تجي وحده من بنات عمي الج تگلج فلانه حبيبة وسام قبل شتسوين
ڤيان:-ماسوي شي بــس ادوس ببطنها وبطن الخلفوها
وسام:-لسااانچ
ڤيان:-مو انت كلتلي شتسوين واني جاوبتك
وسام:-لعد شلون ترحين تگولين لمرت فهد هيچ حچي
ڤيان:-ترى اختي
وسام:-ادري اختج
ڤيان:-بعد ماسوي هذا الشي
وسام:-عفيه
ڤيان:-اكلك
وسام:-كولي
ڤيان:-رسلان يدري بترف جانت مخطوبه لابن عمك
وسام:-ڤيااااااان
ڤيان:-اتشاقه والله اضر روحي وماضر ترف
وسام:-غبيه
ڤيان:-لا ذكيه ، تليفوني اريده
وسام:-عوفي التليفون هسه
ڤيان:-شالني واخذني للغرفه باسني بكصتي وبخدي ووزع بوسات ع وجهي ايده تسللت من التيشيرت لضهري نزل لرگبتي عضها حيل عطت يله وخر وصار اللي صار❤️ ، ردت أنام كعدت شهلاء تبچي اخذتها ورحت بيها للصاله شغلت التدفئه وجبتلها الكرسي الهزاز وبيه العاي من فوك شغلته الها بقت ساكته وعينها عالألعاب التفتر تناغي وياهن رحت للغرفه حضرتيلي ملابس دافيه ودخلت سبحت رجعت يمها امشط وبقت كاعده لثاني يوم بالسبعه كعد وسام وراح للدوام يله هي نامت يادوب نمتلي ساعتين كعد عراق شغلتله التلفزيون البالغرفه ونصيته بقى يباوع غفيت رجع كعدني يكلي ماما جوعانه گالب الحجي كله البچيه بطرف عيني سويتله ريوك وكعد ياكل مانمت بعد بقيت كاعده عود اعوضها الضهر انومهم وانام ..
.
.
ترف:-الساعه بالأربعه العصر وأجه خالو يسأل على يحيى مفتقده ويحيى مانازل من غرفته صعدت فتحت الباب لگيته مقفول نزلت كلتله
-خالو غرفة يحيى مقفوله
أبو رسلان:-هو اليوم مانزل منها
ترف:-مانتبهت عليه اصلاً ماله صوت اليوم
رفل:-اي عموحتى اني كاعده جوه ماشفته بالثنتين صعدت
ترف:-"صعد خالو يدگ بالباب ماكو ميفتح الباب شفت الخوف بعيونه على ابنه خابر سيف كله يحيى نايم وتليفونه من ينام يسويه طيران يجوز نايم متأخر ...
يتبع