part7
داني:شن فيه
عاصم:تعالا شوف البنت شن تقول
داني مستغرب وشاف العيله كلهم متجمعين كمل الدروج وخش الصاله:منو هدي
ريم:منو هدي صار مافلحك على منو تكذب
داني:ادوي كويس وانا مانعرفكش
ريم:انا اللي تطلع وتخش معاها انا اللي دخلاتك لحوش. اهلها ودرت فيها ماتبي
داني تعصب:تي سكري فمك واحترمي اللي واقفين قدامك من اي مزبله جايه انتي
ريم:مزبلتك
عاصم:انتي من هوا اللي طالعه معاه
ريم:ولدك داني
انور قرب من عاصم:بالك مصاحبه هداكا الضايع وقايلها اسم خوه
داني:بلا كذب يا فرخه انا مانعرفكش
ريم بدت تبكي:حرام عليك علاش تتصرف هكا ربي يردهولك في اختك رهو
عاصم:وين اكرم
سارة:راقد
عاصم:نوضيه توا
ركبت سونيا فيقاته نزل لابس شورت وكانتيرا
اكرم:شن فيه بوي
عاصم:منو هدي
اكرم شافلها:منو
عاصم بعصبيه:تي انا نسأل فيك يابني ادم هدي منو جايه تقول طالعه مع داني
اكرم:انا مش اسمي داني خيركم ياعيله
عاصم:مالا منو هدي
اكرم:شن عرفني اني
ريم:قتلك داني ولدك اللي داير فيا هكا مش هدا نعرفش من وين جبتوه بتلصقو فيه القصه وتحمو ولدكم والله نشكي فيه
انور:وكيف تبينا نصدقوك
ريم طلعت مجموعه صور:تفضل شوف بروحك
عاصم خداهم لقاهم صور ليها ولداني في اوضاع بشعه جدا حدفهم عليه:شن هدا
داني:تي كذب يابوي
عاصم:شن هوا الكذب
داني:مانعرفهاش والله مانعرفها
عاصم سيبهم وركب لداره
انور:لا حول ولا قوة الا بالله
سارة:بتتزوجها
داني:شن تقولي امي خيرك
سارة:كلمة وقلتها البنت هدي بتتزوجها وتم الموضوع ركبت
ريم:شن تحساب اللعب ببنات الناس ساهل تاخدني غصبا عنك حقير وطلعت
الكل تأثرو من الموقف وطلعو
اكرم:شن القصه
داني:والله مانعرفها
اكرم:والصور
داني:مش عارف
اكرم:نلقو حل باذن الله قبل مايحصلو عليك وركب
داني مسح على وجهه بتعب وتلفت شافها واقفه تبكي
قرب منها:ماتصدقيهاش انا مستحيل ندير هكا
سونيا:هدا علاش ماتحبنيش ماتبينيش ترفض في حبي عاخاطرها
داني شد يديها:اسسس مافيش منه الكلام هدا والله مانعرفها ولا نبيها
سونيا بعدت عليه:انت حقير
داني شدها وقربها منه:قتلك تكذب
سونيا:نحي يديك سيبني
داني:انتي بالذات ماتصدقيش فيا
سونيا:مستحيل نكره حد زي ماكرهتك ربي يحرق قلبك وطلعت تجري
داني قعمز عالكنبه:اوووف ياربي من وين طلعتلي هدي
عاصم حاط يديه على راسه:بنلقاها من اكرم ولا من داني اللي عابي عليه عاقل وكبير
سارة:ماضايقش روحك حبيبي غلطه وصارت يصلحها
عاصم:وبنت عمه اللي ناوي نخطبهاله
سارة:مش نصيبه ومرات بعد وقت يقرر ياخدها هوا بس توا لازم ناخدوله هدي قبل ماتشكي
عاصم:ان شالله
سارة:اهدا انت بس
سونيا تبكي:حقير حيوان
سهام:اهدي بهي خلاص
سونيا:انا نحبه ونتلصق وهوا عايش حياته تفو عليا انا حمارة نفهمش ديما ملصقني عالحيط 😢😢
سهام:الله بهي قعمزي عميتيني
سونيا 💔💔
ايلاف:معقولة داني يطلع منه هكا
اريج:شفتي وسارة قتله تتزوجها
ايلاف:ياروحي على سوني اكيد اضايقت هلبا
اريج:وخالك يحساب اكرم وغالطين في اسم نزله راقد وطلعت صاحبة داني
ايلاف:هيي عليك عمله
انور:بتمشي للكليه ولا ماتبيش يابنت
ايلاف:لا طالعه هي
لينا:خالتي تبي حاجه انا طالعه
مرت بوها:لاسلامتك ربي يعاونك
طلعت ركبت سيارتها هاتفها يرن رقم غريب
لينا:ايوا
رامي معصب:حاطتني في الحظر
لينا:شن تبي
رامي:بهي وقفي ام السيارة احسن
لينا:شن تبي
رامي عيط عليها:وقفي قلت
لينا درست سيارتها عاجنب
رامي فتح الباب:انزلي
لينا:عندي محاظرة مانبيش نتاخر
رامي:انزلي اركبي سيارتي بعدين نوصلك
لينا:لا
رامي:الزح 😡بلا تسكير راس انزلي قلت
لينا خافت منه نزلت ركبت معاه مشا بيها لي حوش انور "ملتقى العشاق 😂"
رامي نزل وبعد عليها مايبيش يضايقها بالكلام لانه متعصب
اما لينا خشت للحوش وقعمزت تستنا فيه
رامي نزل على ركابه قدامها:خيرك معاي امتا بترضي عليا وتريحي قلبي سنين نجري وراك نحبك يابنت نبيك علاش تتصرفي هكا
لينا بعدت:لاني مانحبكش مانبيكش انا اكبر منك كيف تحب وحدا اكبر منك
رامي:حر عاد انا هكا نبيك كيف ماانتي انشالله تبدي اكبر مني بعشرين عام نبيك
لينا:خالتي مستحيل ترضا تتزوجني ولا بوك ماتشوفش في اختك طول الوقت تلقح عليا انا مش حمل نعيش بين ناس رافضيني وعلاقتنا اصلا مستحيله
رامي شد يديها:بهي وانا تفكري فيهم كلهم مافكرتيش فيا قلبي اللي يحبك وربي مامتحمل بعدي عليك شهرين فاتو بنهبل لاني مانشوفش فيك
لينا:اسمع مني وابعد عليا مع الوقت تنسا انا وياك مع بعضنا مستحيل
رامي:خيرك انت انجنيتي تبيني نخليك ولا تبي تتزوجي غيري ونشوفك تنزفيله هبلتي
تعصب وقعد يكسر في اللي قدامه
لينا خافت بدت تبكي
رامي طاح:علاش بس علاش ديري فيا هكا حتا بوي حس بيا وقال ناخدهالك امي قتلي مش حانلقا احسن منها ليش انتي رافضه ليش مصره تقتليني وتكسري قلبي
لينا:نبيك تتزوج وحدا من سنك وحدا تكون سعيد معاها
رامي:انا نحبك انتي مرتاح ومبسوط معاك انتي
لينا:وانا مانقدرش
رامي 💔:هي نوضي نردك لسيارتك
لينا كيف بتطلع شافت يده مجروحه:حي يدك
رامي:هي اطلعي
لينا:خلي نشوفهالك
رامي:جرح بسيط تو نروح نظفه
لينا:به
ركبو السيارة ومشو
رامي:تفضلي اسف خديت من وقتك
لينا:لو سمحت مانبيش تزعل مني ونقعدو
رامي قص عليها:تم الكلام في مكانه يابنت خالتي كيف ماتبينا ماشيين وانا ولد خالتك زي قبل تبي شي موجود
لينا:تمام رد بالك على روحك ونزلت
سارة تحكي عالهاتف:تمام تنورينا سلامتك
ريهام:منو ياماما
سارة:عمتك ريناد روحو من ايطاليا وجايين الليله عالعشا
ريهام:اممم
عاصم في اجتماع:تمام هكا كل اوراق سليمات
دارين:خلاص معناها مافيش داعي لسفرتكم انا نتم الموضوع
داني:تمام براحتك
خش اكرم:السلام عليكم
عاصم يشوفله:شن فيه
اكرم:ولا شي كسدت قلت نجي نشوف الخدمة
عاصم:استناني في المكتب
اكرم:تم ياحاج وطلع روح للحوش 😂
ريهام:مرحب بالحلو
اكرم:تحبيني
ريهام:طبعا
اكرم:الك ولا لذيب
ريهام:بارد شن تبي
اكرم:نبي.....
ريهام:اوك
بعد وقت
ريهام:فوفه فاضيه
ايلاف:ايه حبيبتي تبي حاجه
ريهام:نبي نضم الحوش والديار فوق قعدت بروحي
ايلاف:اني معاك هي
ريهام:سلمها ركبي هادو لدار الضيوف الوسطيه وانا خلي نجيب. الباقي
ايلاف:اوك. خدت الشراشف وركبت
خشت للدار تستف فيهم لين حست بالباب تسكر
اكرم:اخيرا انا وانتي نحكو بهدوء
ايلاف:شن دير انت افتح الباب يشوفنا حد عيب
اكرم:دخيلو اللي خايف من العيب ماحلاه 😍😍
ايلاف:بلا براده افتح
اكرم:لا قعمزي نحكو
ايلاف:بسرعه هي نسمع فيك
اكرم باس يدها:خيرك تنفخي عليا وتتعاملي معاي بجفاف
ايلاف:شي عادي نتعامل معاك زي د
اكرم:ماتقوليش زي داني لاني مش اعمى ونشوف فيك كيف تتعاملي معاه
ايلاف سكتت
اكرم:احكيلي هيا لاني تعبان وقلبي يوجع فيا من تصرفاتك
ايلاف:سهام معجبه بيك وانا
اكرم:قتلك بعدي
ايلاف هزت راسها موافقه
اكرم:وانتي تبي تبعدي
ايلاف:لا بس
اكرم:لا ياصلاة العيد 😍وربي عسل يابنت
ايلاف:اووه
اكرم:خلاص بهي اسمعيني مادوريهاش انا مش معجب بيها ولا مفكر فيها يعني اعجابها فاشل خليك زي مانتي معاي ولو كلماتك ثاني قوليلها عادي ولد عمي زي داني تمام
ايلاف:به
اكرم:معاش تبعدي عليا
ايلاف:بس
اكرم:مابسش عارفك مش حاستلي شي بس خلينا مع بعض لاني نبيك ونحبك
ايلاف:نعم 😨
اكرم قرب منها:نحبك نحبك ن ح ب ك 😍
ايلاف:قداش قلتها لبنت
اكرم:ليك حصريه 😉
ايلاف دفاته:ايه لف عليا باللسان نصدقش فيك انا
اكرم:بهي خليها للوقت وتو تقتنعي لكن خلينا حلوين مع بعض
ايلاف:اوك
اكرم:اطلعي لانه مانبيش نبوسك وتزعلي
ايلاف ضحكت وطلعت تجري
ريهام:دوم الضحكه
ايلاف:خزو انتي متفقه معاه
ريهام:ايه قوليلي عاجبك خويا الصايع
ايلاف:اممم والله يارورو هوا جميل هلبا واسلوبه معاي مش زي الكل و
ريهام:ومعجبه بيه
ايلاف:شويه
عاطاولة العشا
عاصم:شن امور الشغل
ايمن:تمام
خشو لينا وعمر:السلام عليكم
ريناد:اهلا
عمر:كيف الحال خالتي
ريناد:تمام حبيبي وانتي بنتنا الحلوة
لينا:الحمد لله
رنا:كيفك عمور
عمر:تمام محلوة ماشالله
رنا:هدا من ذوقك 😍😍
سونيا:غير راك تصدقي 😒عاهه
رنا:بالشويه عالحسد
نزل اكرم:معقوله يا عمتي نروح قبلك وانت وحرف الراء
ريناد:بارد 😂
رنا: 🤤🤤
لينا تشوف لرامي اللي ماحكاش كلمه من لما وصلت
سونيا نخصتها:خيره الولد
لينا:شن عرفني
سونيا:عليا انا برضو بتكذبي انه اول ماوصل مشالك اكيد
لينا:اووف بعدين نحكيلك بهي
عاصم:احم الاحد الجاي فاتحه داني
ايمن:فاتحه! !
عاصم:ايه بيتزوج
ريناد:كيف هكا اسبوع يسدكم تجهزو روحكم ووين بيسكن
عاصم:عرس مافيش وبيسكن في داره
ريناد:ليش شن فيه
عاصم:هدا هوا
ايمن:ان شالله خير
سونيا ماقامتش راسها ماتبيش دموعها ينزلو
داني معلق عيونه فيها 💔
اكرم:كيف بدون عرس معناها فضيحه
عاصم:ولد خليني هادي وفكني من دوتك الفاضيه 😡
اكرم:غير اسمعني يابوي انت اسمك ماشالله ولما ولدك الكبير المعروف يتزوج وماديرش عرس معناها انت اشهرت بفضيحه علنيه للكل
عاصم:وشن تبيني ندير
اكرم:حفلة بسيطه هنا في الحوش بحجه انه بيتزوجو في المانيا وين ماساكنين اهلها واختفو من الساحات اسبوع وانتهت القصه "زفاف داني عاصم بدون كاميرات " خبر الموسم
سارة:عجبتني الفكرة
اكرم:صح ولا خير مايقعدو صاحباتك يلومو عليك ويقولو فوتنا اللحم والكسكسي 😂
عاصم:بهي ياسر
داني دف كرسيه بقوة لين طاح وطلع
قعدو يهدرزو ويتناقشو عالحفله وكيف بتكون
الساعه 12 ايلاف:هيا ياايهم
محمود:انا بنرقد 😪
ايهم طلع يجري:هيا هيا بسرعه
ايلاف:شن داير
ايهم:شي اطلعي بسرعه
طلعو مع بعض يهدرزو ويضحكو لين شافو
ايلاف 😢😢يتبع
وجدتكي ملجئي2
Od QloshQueen
رواية ليبية دراميه Více