part23
عاصم:هيا سقدونا
سارة:كلم خوك قوله مايجيش
عاصم:لا مايكلمه حد خلوه مع مرته ان شالله مافيش شي خطير
انور وخر السيارة وطلعو
رنا تبكي:خلوني نمشي بالله عليكم
ريناد:ياودي اسكتي ريحيني يسمعك خوك يقتلك
رنا:ياماما 😢هوا قالي بنمشي للعملية هدي
ريناد:ان شالله ينوض بالسلامه ومايصيرله شي خلاص حبيبتي اهدي
اريج:رنا عاد نوضي امك من ربي متعبها حملها ماكش صغيرة انتي
رنا:الا خلوني
ريناد:خليها عارفتها ماتبيش حد
رنا:ماما ارجوك
ريناذ:غير يشوفوه خوالك بعدين ساهل
سارة:واخد رصاصتين وحدا في كتفه ووحدا في بطنه طلعوهم الزوز وفيه شظايا بس عامة حالته مش خطيره
انور:الحمد لله خلي نطمن العيلة
اكرم يدخن:اميرتي
ايلاف:نعم حبيبي
اكرم:شن ديري
ايلاف:نجهزلك في العربيه متعك
اكرم:من قالك بنلبسها
ايلاف:مالا شنو ليوم مفروض تلبس عربي لانه بنصورو مع بعض
اكرم يلعب بشعرها:لازم هوا قصدك
ايلاف خدت منه الدخان وطفاته:ايه حبيبي لازم
اكرم:امم بهي نلبسوها عاخاطر السمحه علاش لا
ايلاف:كلمت خالتو سارة
اكرم:توا بدت عمتك ياحبي
ايلاف:بهي نتصل بسونيا
اكرم:وانا بنرقد
ايلاف:بهي
اكرم:في حضنك
ايلاف: 😘😘
بعد رقد ناضت تجهز في لبسها وسشورت شعرها تتصل بالبنات بس بدون رد
ريهام:شن ندير
سونيا:تي ردي وريحيه حرام عليك
ريهام:اووف بهي
سونيا:بنمشي نشوف هاديكا المدلعه قعدا تبكي ولا سكتت
ريهام فتحت الخط:ايوا
عبدو:هكا ديري فيا
ريهام:شن متوقع مني بعد نعرف انك خطيب بنت عمي واقرب وحدا ليا
عبدو:نحكيلك تسمعي مني
ريهام:بهي
عبدو:امي تشتغل مع عمتك وصاحبات هلبا وعاجبتها بنتها وانا من يومي مانحبش وجيج البنات ولا نفضله اغلب بنات عيلتنا طايشات وخفاف فايت الكل ولاهي في خدمتي لما امي علقت في موال الزواج من غير نيه وافقت وقتلها اخطبي بس لا نبي مقابله ولا نبي نلبسها كل شي تميه انتي وانا نشوفها يوم العرس ولو ماعجبتني رح نطلق واتفقنا والله ورحمه بوي لحد هالساعه مانعرفها بنت عمك ولا عمري شفتها بعدها خوك عرف وانا وياه اصحاب من سنين و......"بعدين تسمعو القصه من اكرم نبيش نحرق الفيلم 😂"
ريهام:اووف والله يخوف هالفرخ
عبدو:مش غير المهم حبيبتي سامحتني
ريهام:نفكر
عبدو:حبيبي
ريهام:بهي
عبدو:وربي نموت فيك هي
ريهام:وانا
عبدو:غدوة نتلاقو
ريهام:اوك
نمشو لشخص ماخداش نصيب كبير من روايتنا
احمد قاعد في مصر بحكم شغله ورحلاته
فاق من النوم دوش وغير نزل يفطر في مطعم قريب من الفندق شاد هاتفه ويهدرز مع بنات خوته لين
لبنى:احم
احمد قام راسه طاح منه الهاتف:يامرحب
لبنى:بسم الله
احمد:مادوريشي شن هالصدفه الحلوة
لبنى:شفتك وحبيت نجي نسلم عليك
احمد:فيك الخير شن ديري هنا
لبنى:جايه مع العيله عطله نغيرو في جونا
احمد:حلو ربي يخليكم لبعض
لبنى:يلا نستاذنك صحتين
احمد:ممكن طلب
لبنى:اكيد تفضل
احمد:ايميلك او رقمك مانقدرش نقعد معتمد عالصدف انا نتلاقو او لا نبي يستمر التواصل بينا
لبنى ضحكت وخلت قلب احمد طار في الهوا:اكيد هدا رقمي وهدا ايميلي
احمد:جميل بكل
لبنى:سلام ومشت
احمد يتفرج علي ايميلها:ان شالله تشد معاي
ايلاف:هيا يا عمري نوض
اكرم:علاش به
ايلاف:وقت معادش دوش والبس باش تطلع المزينه قريب تجي
اكرم:حاضر
رنا راقده هاتفها يرن
سونيا:هدا عمر معقوله فاق واتصل بيها
ريهام:نوضيها بهي
سونيا:رنو حبي فيقي هاتفك
رنا قعمزت:عمر
سونيا بخبث:شن قصتك انتي وياه فيه ان
ريهام:نوضي نطلعو لا ان لا كان
رنا ردت:الو
عمر بصوت تعبان:مستاحشك موت
رنا تبكي:انت كويس
عمر:مافيا شي خايفه عليا
رنا:بنموت من خوفي
عمر:معادش تجيبي سيرة الموت
رنا:نبي نجيك
عمر:اياك هنا زحمه هلبا خليك في الحوش ايام ونروح
رنا:حاضر
عمر:نحبك يافرخه
رنا:وانا نموت فيك قلبي
عمر:خلاص سكري توا خش الدكتور بعدين نكلمك
رنا:بهي باي
ريهام:ماما انا بنمشي لفوفا المزينه وصلت
ريناد:حتا اني بنمشي معاك باش نلبسها هي
سارة:ماتحكولهاش شي هيا وخوك ردي بالك
ريهام:حاضر هيا عميمه وطلعو
مساءا
كانو دايرين محضر في حوش عاصم
اكرم:انزلي وبشويه عليها
ريهام:مابعدك 🙄
نزلوها ودخلوها للصاله وين مااستقبلوها بالبخور والزغاريط زي اي عروس يعني 🤷♀️
سارة:ماشالله عليك بنيتي غزاله
ايلاف:سلمك عميمه
سونيا:الوجه منور شكله اكرم مدلعنا
ريناد فنصت فيها:تحشمي يافرخه
اريج تبخر فيها:اسم الله عليك بنيتي العين كاثرة
ايلاف:وين رنو ولينا
سارة:تو يجو بالك داخل
اكرم:خير
عاصم:مبروك ياعريس
اكرم:الله يبارك فيك وين الشباب
داني:انا هنا
اكرم:ياناري عالعزابه قعدين يمدو في وجوهم 😂
عبدو:اردح
اكرم:وين عمر مالا
داني شاف لبوه
عاصم:عمر في العيادة
اكرم:ليش خيره
عاصم:تصاوب اليوم في عمليه
اكرم:اياه وخيركم ماتقولوش
عاصم:مش وقته
اكرم:شي يخص عمر اي وقت تحكولي في اي عيادة هوا
داني:الرحمه
اكرم:انا ماشي
عبدو:اصبر ماشي معاك
كيف بيطلعو
انور شده من ايده:انت شن في دماغك
اكرم:نعم عمي
انور:من امتا صحاب انت وياه
اكرم ضحك:قصه طويله بعدين نحكيها غير مش وقته وطلعو للعياده
اكرم:انا بنخش ماتعبش روحك معاي
دكتور:المريض راقد
اكرم:نفيقوه مش مشكله
دكتور:انت
اكرم دفه:اخطاني مافيش داعي نتعاركو
خشوله لقوه راقد
عبدو:عموور وقت رقاد هوا
اكرم خبطه علي وجهه:تي نوض
عمر:عليك ازعاج الواحد مايرتاحش منكم
اكرم:حتا في جهنم الحمرا وراك شن وضعك توا
عمر:مافيا شي غدوة باذن الله طالع
اكرم:كويس عين شورها بتجي في العريس جت فيك انت
عمر:......
عبدو:اكبر. انت وياه 😂
اكرم:كبرت انا وحتا تزوجت 😉
عمر:معاش نخلصو هي توكلو
اكرم:بنزيدو معاك
عمر:لا والله معاد تزيد دقيقه انت عريس روح لمرتك
اكرم:هي وانت قلتها
عبدو:محتاج حاجه
عمر:لالا تسلمو
اكرم:سلامتك وطلعو
سهام قعمزت جنبها:ارتحتي
ايلاف تبتسم:اكيد
سهام:مش رح نخليك ترتاحي معاه حياتك نخربها
ايلاف:اعلى مافي خيلك اركبيه
سهام مشت وخلتها
ريهام:خيرها هدي
ايلاف:بتموت فوتيها وين كوكي مش بنصورو
ريهام:ايه تو نكلمه
طلعو للمربوعه صورو مع بعض
بعد روحو الضيوف كلهم
سارة:بنيتي مش مروحين مزال
ايلاف:اكرم قالي اقعدي
سارة:ان شالله خير
ايلاف:سونا تجي معاي نغير تعبت
سونيا:هي تعالي
خش اكرم ومعاه عاصم انور وداني
سارة:ان شالله خير
اكرم قعمز عالصالون:والله يا ست الكل عندي مانهدرزلكم
سارة:بهي
اجتمعو الكل بناءا علي طلب منه وقعمزو ينتظرو في الجلطه 😂
اكرم وقف ورا ايلاف وباسها:زي ماتداول بيناتكم خبر انه الشاهد علي فاتحتي كان عبدو خطيب فوفتي السابق
ريناد:كيف هكا
اكرم:شن قالولك انتي بنت ولا ولد
عاصم:بلا سخافه زايده وادوي
اريج:باش تعرف انه ولدك لاعبها من الاول
اكرم:وانتي ياعمتي العزيزه متوقعه مني نتفرج على حبيبتي ضيع مني اكيد لا
القصه بدت من يوم جيتكم في الليل وانا شارب
flash back
الصبح وانا في الطريق درت مكالمه
انا:شن اخبارنا
برهوم:ملاح يامعلم
انا:الك ولا للذيب
برهوم:عيب عاد خسا الذيب
انا:بنعطيك اسم نبي عليها معلومات كامله
برهوم:ادلل ياغالي
انا:سميرة ال.....
برهوم:ساعات ويكون عندك
انا:منور
وبعد يومين جتني كل المعلومات وقررت نمشي نصفيه بس المفاجئه لما وصلت
قصيت عليه في الطريق ونزلت
عبدو:تي خير فيتك ياكلب قريب ودرتنا
اكرم:عبدو 😨
عبدو:اووو حبيبي عاش من شافك
اكرم:قصدك انت ال اووف
عبدو:خيرك شن فيه
اكرم:ماجتش الا فيك الزح
عبدو:شنو
اكرم شده من جاكيته:مالقيتش من الدنيا كلها تخطب الا كبيدتي
عبدو:اياه قصدك تبيها
اكرم:وجاي بنقتلك
عبدو ضحك:ولع سيارتك والحقني نحكو على رواق
ومشينا مع بعض للشركة متعه
اكرم:وهدي هيا حكايتي
عبدو:امم والحل
اكرم:مش هيا قالت مايبوش انا نخليهم يجوني ويطلبو مني نتزوج ونكمل العرس
عبدو:وكيف
اكرم:استمر انت في الخطبه لحد قبل العرس باسبوعين تمشي تفسخ بدون اي سبب
عبدو:تم الكلام وبعدين ماعادش فيه عريس وانت الحل الوحيد
اكرم:بالزبط
end back
وبهكا خديت منكم النسيب اللي شادين بيه الظهر
سونيا:وكيف اقتنعت العروسه
اكرم:بسيطه
flash back
احنا كنا نمثلو قدامكم انا انفصلنا بس الواقع كنا كل يوم نتلاقو لو مش في الجامعه انا نتسلق في البلكونه ونشوفها لاني بدونها مش عارف نعيش
يوم ما في الكليه وكالعادة لقائهم في مكتب العميد
ايلاف:بس انا خايفه بلكي قاللهم
اكرم:عبدو رفيقي مستحيل يبيعني
ايلاف:بهي شن بندير
اكرم:نبيك تهدي الفترة هدي ومهما يصير خودي تركينه وابعدي. نفوتو عرس رامي وبعدها نبدو في اللعب عالمزبوط تمام
ايلاف:اوك
end back
داني:وعركتك مع بوي يومها
اكرم ضحك بصوت عالي:تصدقني لو قتلك مرضت عمي خدمتني خدمة العمر
flash back
الساعه3صباحا في دار
ايلاف تبكي:خفت هلبا
اكرم:تخافيش ياعمري اهو داروله عمليه ورح يتحسن
ايلاف:تبعدش عليا
اكرم:نوعدك مستحيل نخليك الا بموتي اسمعيني انا واثق انه بوي رح ياخد قرار قوي توا لانه كل شي الا عمي وعاالاكيد هالقرار انك تتزوجي وانا ننساك من حياتي فانبيك عند اول فرصه تسيبيني وقدام الكل
ايلاف:كيف
اكرم:حبيبي ارجوك قوي روحك كان تبينا نتزوجو
ايلاف:بهي
end back
سارة:قصدك يومها كل شي كنتو متفقين عليه
اكرم:ايوه متفقين عليه
سهام:والكآبة اللي ضرباتك كانت كذب
اكرم:كذب يابنت عمي
داني:ومرضك والغيبوبه
اكرم شاف لسارة:سامحيني بالله عيشتك في رعب
flash back.
كمال:اللي تطلب فيه مستحيل
اكرم:انا عارف انه ممكن وجدا
كمال:امك لو تسمع بيا تقتلني
اكرم:على مسؤوليتي
كمال:اووف تمام بنعطيك دوا ممنوع لمرضى القلب تاخد منه كميه معينه ولمدة 3ايام وبعدها رح تتعب وانا بنخليك ترقد اسبوع في العناية عااساس غيبوبة تمام هكا
اكرم:عداك العيب
end back
اكرم:فهمت يااخينا علاش يوم فقت ماكنتش تعبان ولا شي
اريج:يعني انضحك علينا
اكرم:ياعيلتي العزيزة لعبتو مع الشخص الغلط متوقعيني بنسكت يعني راني رباية حبوس و شوارع لو طيح رقبه اللي نبيه انا بيصير
سارة ماقالتش حرف
انور:ياريتنا من الاول عطيناهالك وبلاش من المشاكل اللي صارت بينا
اكرم:هدا رايكم عاد
داني:جو واحنا كل واحد دمه محروق عليكم من تركينه وانت وياها تلعبو
اكرم:كل شي الا انسان نحبه لو حد يحاول يحرمني منه ممكن ندير اي شي عاخاطره زمان ماقدرتش نوقف الموت على حناي بس توا نقتل حتا القتل عاخاطر نقعد مع ايلاف
سارة:ربي يهديك بهي تزوجتها خير ما قتلتنا كلنا
اكرم:الا انتي ياست الكل
سهام:ربي يهني
اكرم:عقبالك هي نروحو غزالتي
ايلاف:هيا
اكرم قرب منها وهمسلها:كسرتلك هالراس اللي رافعاته عليا ورديتلك الصاع صاعين والدموع اللي بكتهم امي بكيتهملك وبنتك خديتها منك تعالي ودعيها لانه الله اعلم امتا تشوفيها مرة ثانيه 😌
ايلاف:ليلتكم سعيدة
ايهم:باي
ايلاف باست خوتها:باي حبايبي ردو بالكم من ماما بهي
محمود:حاضر
ايلاف:سلام ماما
اريج حضنتها بقوة:ردي بالك من روحك
ايلاف:حاضر
اكرم شد يدها وسحبها جيهته:سلام عمتي 😉
ركبو سيارتهم وانطلقو
ايلاف:قداش مرتاحه حبيبي
اكرم:ليش
ايلاف:معادش بنبعد عليك نقعد ديما جنبك وماحد يقدر يتكلم معادش مضطرين نمثلوا ونتلاقو بالسر
اكرم:مزال ترتاحي اكثر الايام الجايه
ايلاف:علاش
اكرم:بعدين نحكيلك
رامي:خلاص ياعمري مش كلمك وقالك انه كويس
لينا تمسح في دموعها:خايفه عليه هدا اخر حد من ريحة ماما
رامي حضنها:بهي اهدي وادعيله ربي يحفظه
لينا:ترفعني غدوة نشوفه
رامي سكت
لينا:ارجوك حبيبي عاخاطري
رامي:بشرط
لينا:موافقه بس ارفعني
رامي اشرلها عاخده:هكا نرفعك غدوة
لينا باساته:وعد تاخدني
رامي:وعد ياعيوني هي ارقدي ارتاحي
سهام:ردي عليه وريحينا مش معقوله ليك فوق الاسبوعين ماترديش
سونيا:مانبيش نحكي معاه
سهام:هاتي نرد انا الو
مصطفى:اعطيها الهاتف لوسمحتي
سهام:ماتبيش تحكي معاك دكتور
مصطفى تعصب:علاش بهي كيف بالبساطه هدي تسيبني مرتاحه هيا من غيري
سهام:لا والله وضعها اسوء
مصطفى:افتحيلها سبيكر
سهام فتحت وقرب الهاتف منها:تسمع فيك
مصطفى:لو في دماغك اني بنبعد وننساك تكوني تحلمي من يوم شفتك قلت هدي البنت ليا ومستحيل نتخلى عليها لو نموت ابعدي كيف ماتبي وماترديش عليا وتجاهليني بس اعرفي اني مش رح نحب غيرك والخطبه قعدا وبنجي نحدد العرس وسكر
سهام:حمارة كان تسيبيه
سونيا تبكي:اووف
مصطفى حدف هاتفه عالحيط تكسر
ناهد:اهدا خيرك
مصطفى:تعبت نحبها علاش ماتبوش تفهموني
ناهد:البنت تصرفت صح وكبرت في عيني الصراحه وحدا غيرها كانت عبتلك راسك على امك ودارت بينكم مشاكل
مصطفى:شن بندير
ناهد:مش عارفه والله حطها في الامر الواقع وبرا لبوها حدد العرس وخلاص
مصطفى:وامك
ناهد سكتت
ايلاف:حبيبي
اكرم:عيونه
ايلاف:فيه حاجه استغربتها
اكرم يبوس فيها:اللي هيا ❤️
ايلاف:عمو عاصم حسيته مااستغربش ابدا ولا دار ردة فعل لما تحكي انت
اكرم ضحك و.....يتبع
