part12
داني:شن صار
سارة تبكي:يارب ماتوريني فيه سو يارب ماتحرمني شوفته 😢
ريهام تبكي والكل وضعهم سيء
بعد ساعات
خش بهيبته وثقته المعهودة معاه دكتور واركان
سارة:اكرم حضناته وتبكي بوك تعبان ليه يومين عانفس الوضع. 💔
اكرم:اهدي ياامي ان شالله يتحسن بوي عارفه مايتخلاش علينا
كمال:شن صارله بالزبط
داني:كنا في الشركة صارت مشاكل في الشغل خلاته يتعب والدكتور قال ذبحه صدرية
اكرم بعصبيه:وانت وين لما تصير مشاكل في الشغل مش ايد بوك اليمين مش واخد عليه التعب كله تخليه يتعب لين يخش العنايه
داني:شن بتحملني المسؤوليه يعني اظن مش ولده الوحيد وداير كل جهدي في الخدمة في وقت حضرتك من بلاد لبلاد
اكرم:اني جيت وبنوقف للخدمة بوك معاش يخش شركات وزيد ارقد انت وخليهم يلعبو فيها
داني:احترم نفسك واعرف شن تخرف
سارة:وقتها الدوة هدي انت وياه اضاربو وخلاص 💔😢
اركان:اهدا وبعد يتحسن بوك يصير كلام
اكرم بعد عليهم وهوا متعصب
ريهام مشت جنبه:بابا مش حايخلينا
اكرم حضنها:لا حبيبتي مش حايخلينا معاش تبكي اسس
سونيا مقعمزة عالكرسي في الكلية وتقلب في شيتاتها لين حست بظل غطا عليها قامت راسها
مصطفى:كيف الحال اسف ازعجتك
سونيا:مش مشكلة
مصطفى:ممكن نرتاح رهو جاي من بعيد
سونيا ابتسمت:اكيد تفظل
مصطفى قعمز جنبها:عيونك جميلات 😍
سونيا:انت جاي باش تقول عيوني جميلات!
مصطفى:حاجه زي هكا معجب يعني شفتك رايحه في الورق قلت نساعد
سونيا:وانت. تفهم فيهم
مصطفى:جربيني 😌
سونيا:اووف مزعج انت عافكرة
خدت اوراقها وبتمشي
مصطفى:بهي اعطيني الرقم عالاقل
سونيا شافتله باحتقار ومشت
سهام:اني جيت
سونيا:حماره خيرك عطلتي
سهام:ديما تهزبي 😪
في الحوش
اريج:من تكوني
لورين:اني صديقة لاكرم وقد اتيت معه حين علم ان والده متعب
ريم:صديقة صار
لورين:بالزبط
ريم:وتعرفي تحكي ليبي
لورين:ايه تعلمت نحكي شويه اكرم علمني
ايلاف تتفرج عاصوره في ايميلاته وتبكي
خشت اريج وفتحت الضي:اي اقعدي عمرك كله تبكي عليه وهوا عايش حياته مع البنوت
ايلاف:ماما ارجوك اطلعي وخليني
اريج:نوضي امشي لحوشهم وشوفي الاجنبيه اللي جايبها معاه
ايلاف:اكرم جي
اريج:جي وجايب معاه حبيبته ومرات مرته دار العار في العياده وتعارك مع خوه
ايلاف:عياده!
اريج:ايه عمك ليه يومين في العنايه
ايلاف بصدمة:عمو عاصم خيره
اريج:ذبحه صدريه
ايلاف:ياربي و
اريج:اللي تحبيه وليك شهور حابسه روحك عاخاطره عايش حياته
ايلاف تبكي:خلاص ياماما خليني بروحي
اريج:نوضي اغسلي وجهك وبري شوفي بنت عمك وخليك جنبها
ايلاف هزت راسها وناضت
وصلو ميرا ودارين وناديه
سارة:الحمد لله عالسلامه
دارين:شن صايرله
سارة:ربي يفرج قعدين نستنو
ميرا:امتا جيت
اكرم:بكري الصبح
ميرا:وين كنت انت
اكرم:اليونان
ميرا:ربي يهديك بس
اكرم:عمتي بالله خلوني في حالي وطلع يدخن قدام العياده لين درست سيارة ونزلت منها
اريج:عاسلامتك
اكرم:الله يسلمك كيف الحال
اريج:بخير شن بوك ماقالو عليه شي
اكرم:عنده الدكتور نستنو فيه
ايلاف معلقه عيونها فيه ودموعها بينزلو مصدومة كيف ماقامش عينه فيها ولا كلمها
اريج:ان شالله خير هيا تعالي نخشو
ايلاف مشت وراها
اكرم نفخ دخانه:ياااارب
طلع كمال:عاصم بخير مجرد وعكه بسيطه ردو بالكم من دواه ومايتعرضش لاي ضغط او توتر وحاولو تبعدوه عالشغل
سارة:الحمد لله
اكرم:نقدر نخشله
كمال:اكيد هوا فايق
خشله:بوي الحمد لله عالسلامه
عاصم بتعب:انت جيت
اكرم باس يده وراسه:مالا نخليك راك الغالي
عاصم:الله يرضا عليك ياولدي خليك جنت خوتك انا مش دايملكم معاش تبعد وتختفي
اكرم:حاضر يابوي انت ارتاح بس وانا نظملك كل الشغل
عاصم:بتشتغل معانا
اكرم:باذن الله هي ارتاح خلي تجيك الحب
عاصم:قليل ادب
اكرم:😘 وطلع
داني:شن وضعه
اكرم:كويس انا ماشي للحوش ونبيك انت والمحامي وعمي
داني:شويه ونلحقك
وصل للحوش وخش
سونيا سلمت عليه:عاسلامتك ولد العم
اكرم:سلمك بنت عمي
ريم:نورت
اكرم:تسلمي وين لوري
نزلت من فوق لابسه شرت جينز وتيشرت اصفر:انا هنا عزيزي
اكرم: اركبي غيري الخرا شن اتفقنا حنا
لورين:لكنها جميله
اكرم:هيا بلا كثرة دوة عندنا مانصنعو
لورين:حسنا
قعمز بتعب وسكر عيونه
سونيا:حبيبتك!
اكرم:لا
سونيا:عادي نقولك شي
اكرم:لو يخصها لا
سونيا:بس انت
اكرم:لو سمحتي
سونيا:تمام سكتت تو يجي وقت وتعرف بروحك
خشو باقي العيله
ريم:كيفك
داني:الحمد لله
ريم:اركب دوش لبسك واتي والعشا قريب
داني:تمام
سونيا شافتلهم وحست انه قلبها بدي يتخلا على حبها ومعادش تتأثر من وجود مرته جنبه ارتاحت لشعور هدا لانها تعبت من الوجع 💙
اكرم في المكتب:شن اللي صار في الخدمة بالزبط
داني:اللي صار انه يوم
flash back
كان عندنا صفقه كبيرة بنخشو عليها انا وبوي قبل سنويه الشركات وكانت تجيبلنا ربح قوي
بوك جهز الملفات واشرف عاكل شي بنفسه وانت عارف دماغه في الخدمة روحنا هاديكا الليله الساعه 11 ثاني يوم هوا طلع بكري بيسلم الملفات وانا قعدت في الحوش فجأه جاني اتصال
ريم:دودي فيق بوك يتصل بيك
داني:نعم يابوي
عاصم يعيط:تعالا للشركة توا مصيبه صارت
داني:شن فيه
عاصم:تي تعالا وتو تعرف
داني ناض:طلعلي اي هم نلبسه
ريم:بهي حاضر
طلع للشركة لقاها في حاله فوضا والموظفين كل خايفين
داني:شن فيه
عاصم:ملفات الصفقه انخنبوا وسلمتهم شكرة عمار اليوم عااساس انهم ليها
داني:كييف من قرب الخزنه وكيف عرف الرمز اصلا
عاصم:وين نعرف انا والكاميرات مسكرات كلهم
داني:مستحيل
عاصم قعمز:تعبي كله ضاع الصفقه هدي رح نخسرها وسمعتنا تنضر في السوق
داني:اهدا يابوي نحاولو نلقو حل
عاصم:حل شن مزال اسبوع بس وتتسلم الصفقه لوحدا من الشركات
داني:لازم نلقو حل
عاصم اضايق هلبا وفي نفس الليله طاح وصارتله ذبحه صدريه
end back
اكرم:اللي واخد الملفات عارف يشتغل مليح
داني:والحل مزال قدامنا 3ايام
اكرم:خلي الموضوع عليا انا بكرا من الساعه 8 نبي اجتماع للكل
داني:رؤساء الاقسام
اكرم:كل الموظفين حتا النظافه الطيبه معاهم ماجابتش لكن الرديف يجيب من اليوم انا المسؤول عالشركة
انور:استر يارب
اكرم طلبها:تعالي
خشت:هاي
انور:مني هدي
اكرم:صديقه هي توكلو انتم خلوني
داني:متاكد
اكرم:زي مانشوف فيك قدامي
طلعوو وخلوهم
اكرم:جاهزة ولا
لورين:شيء مأكد عزيزي 😉
اكرم ضحك وسكر عيونه بغيض وربي يستر عالجاي
ثاني يوم الكل متجمعين في حوش عاصم
سهام:زعما من هيا اللي معاه
لينا:من تقصدي
سهام:البنت اللي جايه مع اكرم
سونيا:ريحي تفكيرك 😏
داني: صباح الخير
نزل اكرم لابس سروال ابيض وعليه قميص سماوي وكالعاده ريحته سابقه باس سارة:كيف حالك امي
سارة:الحمد لله وليدي
لورين:صباحكم
سارة:من تكون
اكرم:صديقه
قعمزو يفطرو وكل واحد غارق في افكاره
اكرم وقف:هيا نتوكلو
داني:تفظل
لورين شدت يده:من سيأخذني
اكرم:لحظات وتوصل سيارتك غلط مانبيش
لورين:لا تقلق
خشو للشركة مع بعض الكل يشوفلهم ويستنو يعرفو سبب الاجتماع المفاجئ ومش من المدير!!
اكرم وقف قدامهم:صباح الخير
ردو عليه
اكرم:جزء منكم يعرفني والباقي لا انا اكرم عاصم ومن اليوم بنكون مسؤول على الموظفين في الشركة اكيد واصلكم خبر انه ملفات الصفقه الاخيرة انخنبت من الخزنه وتسلمت لشركات عمار وقليل الاصل اللي واخدهم حاسب روحه ذكي ولاعب كويس بس مش عليا طبعا
موظفه:شن بيصير توا
اكرم:سؤالك جميل اللي بيصير انه بيتغير كل نظام الشركة لانه الطيب ما مشاش معاكم بتمشو بنظامي انا معاكم 48ساعه نبي كل موظف فيكم يثبتلي انه كفؤ يشتغل في شركات "صراف" والا مايلزمناش اما بالنسبه لقصه الملفات اوثقو اني رح نخليه مايحصلش شغل في اي شركة في ليبيا اشتغلو علي روحكم هيا
ركب لمكتب بوه
داني:انت متاكد من اللي دير فيه
اكرم:ايه يا نجلاء
خشت:نعم استاذ
اكرم:جهزيلي CVالخاص بكل موظفين الشركة نبيهم على لابتوب اليوم
نجلاء:حاضر
اكرم:وابعتيلي مكتب المراقبه كلهم
نجلاء:تمام
داني:الكاميرات كانو مطفيات يومها
خشو 4 شباب
اكرم:سبب خلل الكاميرات ممكن تفهموني
سمير:صار عطل في طابق مكتب الاستاذ عاصم وبعتنا للصيانه وجونا الصبح وعرفنا انه العطل ناتج من قطع في اسلاك الاسياسيه
اكرم يشتغل عاللابتوب:امم قتلي بهي انتم اول 4موظفين مطرودين من الشركة لاهمالكم الكبير تفظلو صفو حساباتكم وطريق السلامه.
سمير:كيف هكا انا درت شغلي اللي نعرفه ماعندكش حق تطردني انت مش المدير اصلا
اكرم:اطلع تناقش برا الشركة يلا ماتعطلنيش
طلعو
داني:انت شن قاعد دير
اكرم:الدوة اللي يقول فيها مافيش منها وهوا متفق معاهم الكاميرات مش معطله هيا وقفت بالترتيب لعند وصلو لمكتب بوي
داني:والحل توا
اكرم:اعطيني وقت بس الصفقه مش حاتكون لغيرنا هي اطلع لمكتبك وارتاح شويه
داني:تمام
ايلاف في دارها عانفس الوضع بكا وبس
خشتلها سونيا:لامتا بتقعدي هكا فهميني
ريهام:فوفا والله استاحشناك نوضي اطلعي
ايلاف:مانبيش بنات خلوني
سونيا:عاجبك وضعك هكا يعني بديتي زومبي ضاعفه وتحت عيونك اسود من البكا
ايلاف:شن تبوني ندير يعني خربولي حياتي انا مااذيت حد كل اللي درته اني حبيته بس ياخدوه مني علاش
سونيا:بهي طالما تبيه رجعيه ليك وريه انه اللي صار يوم الحفله كله كذب
ايلاف:عااساس بيصدقني
سونيا:مالا بتخليه تاخده منك الفرخه اللي جايه معاه بعقلك انتي
ايلاف:شن بندير
ريهام:نحاولو كلنا لين نخلوه يقتنع وحتا لينا معانا
ايلاف:بهي
سونيا:وغيريه المنظر هدا خليك احلا كيف مايحبك هوا وافضل خلي قلبه يرجع يطالب بيك
ايلاف:ان شالله
ريهام:بعدين اكيد بنلقوه في الزيارة عند بابا امشي معانا وتعالي عالغدا تمام
ايلاف:بهي
فات باقي اليوم واكرم غارق في الشغل وتصفيه الموظفين اللي خلا الكل يحاولو يثبتو نفسهم في الشركة
طق باب المكتب
اكرم:تفظل
خشت لورين:هاي
اكرم:خيرك عطلتي
لورين:العمل المتقن يحتاج الوقت
اكرم:شن صار معاك
لورين:وهل يعقل ان لا اكمل مهمتي
اكرم ضحك:مستحيل
لورين:انا جائعه جدا
اكرم:لحظات بس ونطلعو نتغدو اصبري عليا
خشت نجلاء:استاذ فيه بعض الموظفين معترضين على طريقه الاثبات لانهم قدم في الشركة
اكرم:موضوعهم اللي مش عاجبه ياخد حسابه ويتفظل هي لوري
بعد وقت
الكل في العيادة يستنو في الزيارة
ايلاف:خايفه
سونيا:اهدي تو يجي اكيد
ايلاف:وكان مجاش
سونيا:نمشوله المهم طرحتك هدي ماضيعش هباء
خش اكرم والمفاجئة كانت معاه لورين يهدرزو ويضحكو مع بعض
انور:شن قصته ولدك البنت مش ناقصه
سارة:امس سألته قالي صديقه بس
انور:ربي يستر وخلاص نشوف في الماضي يتعاود
سارة:ان شالله خير
اكرم:خير ياعيله كيف حاله بوي
سارة:كويس بكري يسال عليك
اكرم:اياه نخشله عادي
سارة:ايه
اكرم:تمام تعالي لوري
لورين:هيا
ايلاف دموعها نزلو:شفتيه ماتلفت جيهتي حتا بالغلط وفوق هكا مدخلها معاه لعمو وتقوليلي رجعيه هوا نساني اصلا
جي عمر وقف قدامها:علاش تبكي
ايلاف:مستحيل نسامحك عاللي درته فيا ومشت
سونيا:انت مرتاح هكا عندك عادي تشوفها تتعذب وكارهة حياتها
عمر:وانا
سونيا:مااحنا نفس بعض انا كل يوم نتعذب لما نشوفه قدامي مع مرته بس تعودت لاني نحبه ونتمناله الخير حتا لو مع غيري انك تخرب حياتها هدا غلط رح تخليها حاقده عليك ديما وبتكرهك اكتر الحب تضحية يا ولد عمتي مش غصب
عمر هز راسه ومشا
داني راقد في داره مليون فكره في راسه مخلياته مخنوق ومش قادر يرتاح
ريم:خيرك
داني فتح عيونه:شي انت ليش مش معاهم
ريم:ماحبيتش نخليك بروحك مرات تحتاج شي
داتي:وشن بنحتاج يعني
ريم مدت يدها لشعره:تحتاج تحكي مثلا لاني شايفه انك مليان كلام
داني:من قال
ريم ابتسمت:انا بديت حافظاتك
داني عطاها بظهره:انا تعبان محتاج بس نرتاح من كل شي
ريم:احكيلي بهي نسمعك
داني:مني انتي باش نحكيلك ماحضرتك اللي خربتي ام حياتي ولعبتي فيها ولليوم مش راضيه تحكيلي شن سبب هدا كله انا فديت تعبت مش عارف قلبي وين مش هاين عليا نشوفها تبكي بس
ريم بهدوء:بس انت ماتحبهاش ولا مفكر انك تتزوجها
داني سكت
ريم:هدا اللي مضايقك لانك طول الفتره تحاول تقنع روحك بيها بس مش قادر تحبها زي بنات عمك ماتبيش تجرحها
داني:كله بسببك
ريم:انا 💔
داني:انتي شن المشكلة انك بديتي تأثري عليا
ريم:بس انا مش قاصده نضرك
داني قرب منها:لو كنتي عذبتيني من اول يوم تزوجنا اهون من اللي قاعده ديري فيه
ريم طلعت من الدار وسيباته
داني:اووف
في العياده
اكرم واقف يحكي مع امه ولورين رن هاتفه:ايوا....تمام شوية ونكون عندك وسكر
سارة:شن فيه
اكرم:مش شي مهم انا ماشي توا امتا يعطوه خروج
سارة:ممكن غدوة
اكرم:تمام هي مشينا
لورين:اوك
سونيا مقعمزة تقرا اشر هاتفها رساله مسنجر فتحت لقاته طلب مراسه من ايميل قعدت تتفرج عاصفحته لقاته مصطفى اللي شافاته في الكليه باعتلها"ممكن تقبليني يا انسه مغرورة ❤️😁"
قررت ترد عليه"تفظل يا سيد خفيف الدم"
مصطفى"اخيرا تنازلتي"
سونيا"نبي نعرف شن تبي مني
مصطفى"لو بنقولك نتعرف تعتبريني صايع بس خليني نقولهالك بطريقه افضل انا ليا فتره نشوف فيك وعاجبتيني هلبا وخاصه ثقتك وجرئتك وغرورك نعرفش لو وصلت بيك لمرحلة الحب او لا بس حاب اني نتعمق فيك ومعاك لين نوصل للادمان ❤️
سونيا لا رد
مصطفى"الووو. وين مشيتي
سونيا"معاك
مصطفى"فكري براحتك مانبيش نضايقك ونضغط عليك. بس خلينا على تواصل
سونيا:ان شالله
مصطفى"سلام يا جميله 😊
ريم تبكي:ارجوك بعدني عليه خلاص تعبت معاش قادرة نكمل
اكرم حاط يديه في جيوبه:تبي تطلقي
ريم:ايه
لورين:اهدي حبيبتي لا شي يستحق
اكرم طلع برا يدخن
ثاني يوم طلع عاصم من العيادة
اريج:ربي يشفيك وخي
عاصم:امين وين ريناد مالا
رنا قعمزت جنبه:ماما خدمة خالو شن وضعك انت
عاصم:الحمد لله خطبه رامي ولينا قعدا في موعدها
اريج:بس انت تعبان خلي نأجلو عادي ايمن مش حايعارض
عاصم:لا خلوها موعدها
خش اكرم من برا: خير ياعيله بالله ياخونا نبوك في موضوع
داني:شن فيه
اكرم:...........
داني 😰😰
