part21
راقد عاسرير المستشفى محاوطينه الاجهزة من كل جيهة كان يحلم،يتخايل او يذكر،كان اقرب للحقيقه بس...
ايلاف:انا خايفه
اكرم شد يديها:تخافيش احنا قدها صح ولا
ايلاف:بس هدا خطير هلبا مش زي اي شي درناه قبل
اكرم:مش خطير ولا شي
ايلاف:وبلكي صار غلط و
اكرم:ومتت! وشنو يعني انا روحي وحياتي بين يديك ولو متت يكون هدا حد عمري ومرتاح هلبا تخافيش مستحيل يرخي بيك ورح يقعد ساندك باقي حياتك
ايلاف حضناته:انا نستاهل هدا كله?
اكرم:تساهلي اكثر من هكا اضحكيلي بس وانا عاخاطرك نحرق الدنيا باللي فيها
ايلاف ابتسمت:نستنا فيك
خدي نفس قوي وفتح عيونه قعد يشوف للغرفه
داني:الحمد لله عالسلامه
اكرم بصوت مبحوح:وين
داني:في المستشفى ارتاح تو يجيك الدكتور
خش كمال:سلامتك
اكرم يشوفلهم بس
كمال نحاله الاجهزة:رد بالك عاصحتك وركز في ماكلتك وطلع
داني:خوفتنا عليك
اكرم:انا وين
داني:احنا في تركيا
اكرم:نعم وليش ان شالله شن فيا باش جايبني هنا
داني:شن فيك!ليك اسبوع راقد عالحال هدا دارولك انعاش مرتين
اكرم:اللي هوا ليش مسفريني هنا
داني:بوي يبيك تبعد عالانظار مانبوش نخربو عرس بنت عمك
اكرم نحا الغطا ووقف:اممم مالا ادعي لربك نروح ومانلقاش العرس وين خرا لبسي
داني:شن قصدك
اكرم:وين لبسي قلت
داني:انت كيف فايق رهو وين بتمشي صحتك
اكرم:صحتي انا ادرى بيها وطلع بدون مايلبس تيشرت
داني طلع وراه:شن انجنيت انت واظن سكرنا سريبها ايلاف شد مكانك وريح روحك
اكرم دفه:وين هاتفي
داني:ماتتصرفش تصرف تندم عليه
اكرم:هات الخارب
داني عطاه هاتفه
اكرم خداه وطلع من المستشفى طلب شخص:ايوا
.....:شن قاعد حي انت توقعتك حتا ردموك
اكرم:بعيد على سنونكم ياكلب اني جايكم
.....:في انتظارك ياغالي
اكرم:والله لاقدر نتلاقو هي
وصل لحوش ناديه:انتظرني قليلا سأتي لك بالمال خش بسرعه
ناديه وقفت مصدومة:انت
اكرم:حناي السمحه نبي فلوس
ناديه:كنت في غيبوبه كيف كل هذا.
اكرم:ونضت غير اعطيني فلوس هيا
ناديه مدتله محفظتها وهيا تحت تأثير الصدمة
اكرم طلع يجري خلص التاكسي ومشا:اوووه نحس في روحي شابع نوم
ناديه:واين ثيابك
اكرم:مالقيتش اهو بنلبس
ركب دوش واتصل حجز تذكره ونزل
ميرا خاشه من الباب:نعم! هدا امتا فاق وطلع من المستشفى
اكرم:اليوم ياعسل
ميرا:انت كويس رهو ليك اسبوع وضعك تحت الصفر
اكرم:زي ماتشوفي فيا قدامك جن 😁 اووف جعان انا وفات للمطبخ ياكل
ميرا:شن هدا
ناديه:انا لم افهم شي
خش داني طايرتله:وينه المصيبه
اكرم:اهو هنا هات جواز سفري
داني حدفه عليه:ياضياعي في جرتك وخلاص
اكرم:ااخ ياعيلتي قداش نحبكم هي سلام نتلاقو في ليبيا يا معلم ومنور عالقعدة جنبي
وسافرت طيارة اكرم للاراضي الليبيه ✈️
وصل بعد ساعات ختم جوازه وطلع خدي نفس عميق:اااخ وتوا نبدو اللعب المليح
درس عمر واللي كان واضح علامات الصدمة على وجهه:انت مريض مجنون ملبوس فهمني
اكرم:كل شي هي اركب راني جعان بكل
عمر قعد يشوفله بس
اكرم:تي هيا
سارة في الحوش مقعمزة تبكي:يارب احفظهولي وماتحرمني منه
عاصم:غير اهدي ليك ايام عالحاله هدي
سارة بعدت:هدا ولدي اللي تتكلم عليه وولدك حتا انت نذكرك
عاصم:ويعني انا مش عارف انه ولدي
سارة:تصرفاتك الغريبه معاه شن معناها فهمني
عاصم:مش معناها شي
سارة:انت ليش دير هكا
عاصم:سبحاان الله وطلع
اكرم ياكل:ايي شن جوك انت والفرخه
عمر:توا فهمني انت من عقلك فقت اليوم جيت طول
اكرم:ايه
عمر:راك
اكرم بملل:راك اسبوع في غيبوبه راك انعشوك مرتين راك كنت عاحافه الموت سمعته الكلام وفهمته تشوف فيا تعبان
عمر:لا والله
اكرم:خلاص سكر امه الموضوع ونوض بنمشي لامي
عمر:تفضل
روحو للحوش لما قريب يوصلو اكرم كان يسوق بدي يشلش في الشارع ويدور بالسيارة قريب قلبها
عمر:تي خيرك انت
اكرم درسها ونزل:ولا شي هي تعالا نديرولك قهيوة 😊
عمر:ربي يشفيك
خش اكرم للجنان:ساااااارة يادكتورة
سارة قامت راسها:هدا صوته لالا اكيد نتخايل
اكرم:اميييي
نزلت تجري:اكرم 😨😨
حضنها:ياعويناته
سارة تبكي:حبيبي انت كويس مافيك شي
اكرم:اني قدامك كويس شن فيا
سارة:كنت كنت شبه ميت رفعناك من هنا حتا نفس ماتتنفس
اكرم:خلاص اشش اهو رجعت وانا تمام
سارة:الحمد لله
اكرم:اسف
سارة:ربي يحفظك ياوليدي
اكرم ابتسم:ويخليك ليا ❤️
اريج:شفته هالمكلوب قريب قلب السيارة
انور:مهو ديما هكا
اريج:وين كان مختفي هوا اسبوع ماشفتاش
انور:عاصم قال مريض شويه بالك في مستشفى
اريج:اممم
انور:بنتك كملتيلها كل شي
اريج ضحكت:ايه جاهزة بعد اسبوعين نرتاحو من الهم ولد خوك
انور:ربي يهنيها
اريج:يارب
عبدو عالهاتف:خيرك طول الاسبوع جوك مش تمام
ريهام:ولا شي تعبانه بس
عبدو:ارتاحي خودي اجازه وخليك في الحوش صح بنستاحشك بس راحتك اهم نبي نشوف الضحكه اللي خدت عقلي
ريهام:بهي حاضر
عبدو:تمام توا عندي مشوار بعدين نكلمك ماشي
ريهام:رد بالك على روحك
اكرم:غزالتي
ريهام:كوكي حبيبي امتا جيت 😍
اكرم:توا توا
ريهام:خوفتنا عليك
اكرم:علاش شن صار تعالي احكيلي كنتي معاي
flash back
بعد طاحت الطاسه من يدك. انت خديت نفس ومعاش طلعته طحت بينا
انا:اكررررم 😭😭
عمر:اششش اسكتي مافيش داعي يسمعو ويشمتو
قعدنا نحاولو معاك بس مافقتش بكل
وصلو بابا وداني طلعوك من الباب الخلفي ورفعوك للعياده
سارة تبكي:خلوني نخشله بهي
كمال:لا انا معاه ماتخافوش عليه
عاصم:شن فيه
كمال:قلبه ادعوله بس
عاصم:نقدرو نسفروه
كمال:اسعاف مجهزة كامله
عاصم:تمام شوف الشركة وطلع خوك لتركيا مانبيش مخلوق يسمع بيه لين يفيق حتا لو بعد شهر عرسهم يديروه وولدي ماحد يسمع بيه
سارة:انت شن تقول مهو اللي صار كله بسببهم
عاصم:كلمه معادش بنعاودها
داني طلع حجز طيارة اسعاف وطلعك لتركيا تعبت هلبا و دارولك انعاش مرتين بعدها حالتك استقرت وقعدنا نستنو فيك تفيقend back
مصطفى:هيا حبيبي
سونيا:نبيش
مصطفى:علاش بهي حتا بوك كلمته وقالي عادي
سونيا:امك بتقعد تلقحلي
مصطفى:غير هيا ووعد مايضايقك حد
سونيا:اووف بهي هيا
طلعو مع بعض فاتو علي اخته وامه ومشو بيتغدو في مطعم
فوزيه:كيف حال امك وبوك
سونيا:كويسين عميمه وانتي كيف صحتك
فوزيه:من ربي بخير
مصطفى:خودي حبيبي تحبيها هادي
سونيا:سلمه 😘
ناهد اخته تضحك:طيور حب ماشالله
سونيا:عقبالك حبيبتي
فوزيه:وامتا عرسكم ان شالله بتقعدو هكا طالعين خاشين مع بعض شن يقولو علينا الناس
مصطفى:مايهمنيش كلامهم ياامي بعدين انا ماطلعتش معاها بروحي لازم وحدا منكم تكون معاي
فوزيه:اللي هوا هدي مش اصول ولا ربايتنا
سونيا انصدمت وعيونها دمعو:وانا مش قليلة ربايه ياعمتي وولدك واخد اذن من بوي انه نطلع معاك وعارفك انتي منو وواثق فيك
مصطفى:امي
سونيا خدت شنطتها:نستاذنكم
مصطفى طلع وراها:استني شويه
سونيا:نحي يدك معليشي نتحمل كل شي الا حد يشكك في تربيتي واخلاقي
مصطفى:اسف ونوعدك مش حاتتكرر
سونيا:بوفا ياسر بجديات الواضح انه امك معادش تبيني خلينا ننهوها ونرتاحو ونريحوها
مصطفى:نرتاحو!انتي راحتك في فراقنا
سونيا:لا بس هدي امك مستحيل نوقف في وجها لانك وحيدها
مصطفى:انا نحبك
سونيا:نتعوض بس امك لا اسفه بس مش حانقدر نكمل معاك مش حانخليك بيناتنا محتار ربي يهنيك بعيد عليا ومشت
مصطفى قعد يشوفلها لين اختفت ورجع للمطعم:هي نوضو
ناهد:شن صار
مصطفى:ولا شي بس سيبنا
ناهد:شنو
مصطفى:ايه سيبنا البنت قالت هدي امك ومستحيل نوقف في وجها لانك ولدها الوحيد انا نتعوض بس امك لا
فوزيه انصدمت بكلامها وقعدت ساكته
مصطفى:هيا وطلع وهوا حاس قلبه انكسر وخسر سونيا 💔
ريهام:ماما انا طالعه للجنان شويه
سارة:بهي تعطليش الدنيا ظلام
ريهام:اوك طلعت تتمشى وتسمع في اغاني لين عثرت وكيف بطيح حست بيدين تمسكو فيها بقوة
عبدو:بسم الله
ريهام انصدمت:عبدو 😨شن دير هنا انت
عبدو:انتي اللي شن ديري هنا
ريهام:هدا حوشنا
عبدو:نعم حوشكم وين
ريهام:اي حوشنا شن جاي دير هنا
عبدو:بنت منو انتي
ريهام:قولي
عبدو:بنت انور!
ريهام:لا انا بنت عاصم
عبدو:ايااه 😧😧
ريهام:شن دير هنا
عبدو:جاي لحوش نساباتي
ريهام تراجعت خطوات:انت
عبدو:خطيبتي ايلاف
ريهام:لاا انت خطيب بنت عمي علاش هالصدفه اللي تقهر القلب 💔
عبدو:ريري اسمعيني
ريهام:مانبيش نسمع شي ربي يهنيك وتلفتت خشت للحوش ركبت لدارها طول
عبدو مشي لسيارته:الزح شن هالهم معقوله تطلع اخته 😔سامحيني ياروحي مضطر نخليك تتوجعي ايام 💔
بعد يومين
اكرم واقف في البلكونه ويدخن
طق الباب
اكرم:تفضل
خش عاصم:عمك يبيك
اكرم ابتسم وتلفت:ان شالله خير
عاصم:انزل
اكرم:هيا
انور:كيف الحال
اكرم:كويس شن فيه
انور وباين على وجهه الحزن:قاصدك في طلب ياولدي
اكرم:تفظل
انور:نبيك تجي معاي تهدي ايلاف
اكرم:نعم نهديها علاش هيا شن فيها
انور واطى راسه:خطيبها فسخ منها قبل يومين وقال معاش نبيها
اكرم تفاجئ:كييف
انور:ايه والعرس مفروض بعد اسبوع هيا اضايقت هلبا ومعاش كلمتني لاانا ولا امها لاتاكل لا تشرب ياولدي تعالا م
اكرم مشا خطوات ووقف عالشباك:اسف ماعندي مانديرلها بنتك معادش تعنيلي وعلاقتي بيها اقل من سطحيه
انور:ياولدي البنت قالت بتقتل روحها هدي وحيدتي
اكرم:عمي درتوه بيديكم وانتم اخترتو ربي يفرج عليها ويبعتلها نصيب خير منه
انور فقد الامل وجاي بيطلع
عاصم:برا مع عمك
اكرم:شن بندير غادي
عاصم:بنت عمك في النهاية
اكرم:حاضر يابوي
انور:بارك الله فيك
طلعو مع بعض ومشو للحوش
اريج تبكي:ماباش يجي
اكرم:السلام عليكم
اريج:صحيت
اكرم:انا جاي عاخاطرها هيا لانه بنت عمي بس
اريج سكتت وواطت راسها
بدو يسمعو في صوت تكسير وبكا
انور ركب يجري:اهدي وراس بنيتي
ايلاف:خلوني في حالي تعبت كرهت عيشتي خلااص فديت اهو حتا اللي بيتزوجني خلاني شن ناقصني انا 💔نموت خير
اكرم خش:خيرك بتهبلي
ايلاف:اكرم 😨
قرب منها خدي من يدها قطعات المرش:شن فيه
ايلاف:تعبت سيبني بكل بساطه قال معاش عندي بيك لزمه 💔
اكرم:وشن يعني اخر الدنيا طز فيه حتا انا سيبتيني ومامتش بعدك
ايلاف:بس
اكرم:مابسش هادو امك وبوك هما اختارولك هكا في النهاية ادرا بمصلحتك وربي يعوضك
ايلاف بدت تبكي:شن بيقولو عليا الناس توا اهو خليتك عاخاطر رضاهم وكل شي خرب قعدت لا من عرسي ولا من حب حياتي
اكرم تلفت:خلونا بروحنا شويه
انور:تمام ونزلو هوا واريج
اكرم سكر الباب: ياعيني ....
بعد نص ساعه
اكرم نزل:ربي يهديها
انور:شن توا
اكرم:احسن قالت بترقد
اريج:شكرا
اكرم:السلام عليكم وطلع
انور:غلطنا هلبا
اريج تبكي:ياريتني مادرتها وفرقتهم
انور:شن بنديرو العرس بعد اسبوع
اريج:مش عارفه نكلم امه بالك تقنعه
انور:لا معادش تكلميهم خلاص انسيهم
رنا طيب في الغدا وتغني:مامي وين بتمشو
ريناد:بنشوفو عمتك تو نجو
رنا:والغدا
ريناد:مش معطلين
رنا:بهي
بعد عشرة دقايق رن الجرس
رنا:شن نسيتو وفتحت
عمر نحا دخان من فمه: ناسي روحي
رنا:احم نحسابك مامي
عمر خش وسكر الباب:وهيا وينها مامي يا عسل
رنا:طلعو قبل شويه تبيها نتصل نقلها ترجع
عمر:اممم نبي نسكافيه
رنا:حاضر قعمز شويه ونجيبهالك ومشت
عمر قعد يشوفلها
رنا تحرك في الغدا لين حست بيه وراها:عمر
لفها وقابلاته:عيونه
رنا: تبي شي
عمر:نبيك انتي
رنا:كيف
عمر قاملها يدها وباسها:تعالي
طلعو للصاله
عمر قرب منها دفن وجهه في رقبتها:نشوف فيك عيله بلا عقل مانعرفش وين كان عقلي لما شفت لغيرك وماركزتش عليك
رنا قلبها بيطلع من مكانها:ااه
عمر حضنها بقوة:نحبك
رنا:شنو
عمر:نحبك نبيك ليا انا وبس
رنا دفاته وعيونها دموع:يعني لما تاكدت انها مش ليك وبتتزوج قلت هيا ندور علي غيرها ونضحك عالغبيه رنا
عمر قرن حواجبه:بالله
رنا:ايه تضحك عليا شفتني مرتين بلبسه عريانه قلت نجرب دسكة الحب معاها وحسيت بيا طايحه
زادت تبكي وضرباته عاصدره صح نحبك ليا سنين وقلبي مافكرش في غيرك بس مستحيل في يوم نسمحلك تخليني بديل في حياتك نعيش عمري كله بعيدة عليك ولا ديريني بدل ليها
عمر خنقها بقوة ودفها عالحيط:اللي تدوي عليها نسيتها من يوم حبها صاحبي شفتيني يوم قربت جيهتها ولا كلمتها حتى
رنا تبكي:بعد عليا
عمر زاد قرب منها وهمسلها:على كلامك هدا وربي ورحمه امي في ترابها ماواخدك غيري وكلامك هدا نتحاسبو عليه
رنا:انا ما
عمر:نحبك وغصب عليك بتتزوجيني تمام
رنا قعمزت تبكي بقوة
عمر خدي طاسه النسكافيه:سلام ياحلوة
عاصم:وين انت
اكرم:في الشارع مع المفرخ نلعبو في الكورة
عاصم:تعالا نبيك
اكرم:جايك
بعد وقت
اكرم:بالله يعني تبيني ناخدها توا
عاصم:بنت عمك وماتقعدش تمشي في لسانات الناس خودها ومشاكل تمت
اكرم:لا بعد كل شي
انور مقعمز:غلطنا وربي دار سبب باش ترجعو لبعض
اكرم:معليشي عمي اللي درتوه فيا مش بالساهل ننساه
عاصم:الوقت ينسيك بس توا بتسمح انه تتوسخ سمعتها والكل يتكلم عليها
اكرم:طبعا لا نقتله اللي يقول عليها كلمه بس عمتي
انور:عمتك بتجي وتحكي معاك
اكرم:مش رح ترضا انا عارفها
انور:راضيه
اكرم:خلينا نحكو انا وياها
انور:بهي
ريهام واقفه عالشباك تبكي وهاتفها يرن ويعاود في الاخير قررت ترد
عبدو:ردي عليا سمعيني صوتك بس
ريهام:شن تبي ليش تتصل
عبدو:نحبك وحق الله نحبك وميت عليك
ريهام زادت تبكي:توا شن الفايده كيف بنتحمل نشوفك راجلها بس قولي
عبدو:معادش تبكي دموعك يحرقو فيا
ريهام:ارجوك اطلع من حياتي
عبدو:مانقدرش
ريهام:وشغلنا نفضوه تلقا وكالة غيري
عبدو عيط عليها:مانطلعش منها حياتك معاش تقولي اطلع
ريهام:انا معاش نبيك في حياتي
عبدو:نحبك
ريهام سكرت عليه
سونيا:ماما معاش نبي نتناقش
ريماس:علاش بهي شن السبب
سونيا:مافيش سبب هكا مش نصيبي
ريماس:انا ماناخدش بكلامك لين نسمعو من الراجل يبي قاعد ولا خلاص
سونيا:بهي لو سمحتي نبي نرقد انا
ونفس الحال مصطفى يتصل وهيا ماتبيش ترد
اكرم مقعمز عالصالون
خشت اريج:السلام عليكم
ردو عليها
اريج:نحكو شويه
اكرم:اكيد خلينا نركبو لداري
اريج قعمزت عالكرسي:غلطت فيك هلبا وضريتك كنت سبب فراقك علي بنتي بس اللي صار وراني انك انت نصيبها واولى بيها من الغريب سامحني سلم ولد خوي وماتخليش بنتي تنضر اكثر من هكا مش تحبها
اكرم قرب منها:نحبها مووت ورح نوافق نتزوجها بس انتي حسابك معاي كبير هلبا وهدي اول نقطه انك براسك تجي لعندي وتطلبي مني نتزوجها
اريج تفاجئت:شن قصدك
اكرم ولع دخانه:المقابله انتهت تقدري تتوكلي وفاتحتنا يوم السبت جهزي روحك للجاي
وانتشر الخبر بين العيله والاصحاب عاصم وانور يتناسبو ويتغير العريس في اخر لحظات
بعد كم يوم في الجامع معبي بالضيوف والشخصيات المهمه
مقعمزين انور وعاصم يستنو في العريس
داني:خيره عطل الهم
عمر:تعرفه خوك يحب دور البطوله يخش في اخر دقيقه
داني:صدقت والله
الشيخ:وين وكيل العريس
عاصم:ايوا
الشيخ:ووكيل العروسه
انور:حاضر
وكيف بيبدو
خش اكرم و صدمة ثلاثيه الابعاد صعقت اغلب الموجودين .....يتبع 😘
تفاعلو
