part16
اريج فتحت الباب:اا اهلين
سارة:كيف حالك سلمو وخشو
ايلاف مااستوعبتش اللي صار قعدت واقفه
اريج:تعالي سلمي
ايلاف سلمت عالناس وقعمزت
اريج متوتره ومعاش عرفت شن تقول
سميرة:ايه احنا اليوم جايين بنطلبو بنتكم السمحه لولدنا ونبوها كنتنا
سارة انصدمت:مني بنتهم
سميرة:عاحسب علمي عندها بنيه وحدا
سارة تلفتت:شنو
اريج ابتسمت:لينا الشرف
سارة وقفت:هيا يابنت
ريهام:حاضر
ايلاف بدت تبكي:خالتي ماتمشيش
سارة طلعت بدون ماتزيد كلمه
ايلاف ركبت لدارها تجري
سميره:شن فيه
اريج:الحق هدي مرت عمها وتبيها لولدها لكن احنا مانبوهاش
سميره:اها نصيبات المهم لو موافقين مانبوش نطولو
اريج:اكيد زي مااتفقنا نهاية الاسبوع تلبسو
سميره ضحكت:ربي يقدم اللي فيه الخير
اريج:يارب
ايلاف تحاول تتصل باكرم مصكر النت:ياربي 💔💔
سارة خشت للحوش تبكي
عاصم:شن فيه خيركم
سارة خشت دارها:لو سمحتو خلوني بروحي
عاصم:خيرها امك
ريهام:كنا ماشيين بنخطبو
عاصم:به عارف
ريهام:لقينا عندهم صاحبة عمتي تخطب فيها والباين انهم متفقين
عاصم:كييف
ريهام:والله يابابا موقفنا كان اخي بكل وماما اضايقت
عاصم خدي هاتفه وطلع اتصل:وين انت
انور:عندي مشاوير ان شالله خير
عاصم بعصبيه:انت خوي ولا عدوي
انور:تي شن فيه
عاصم:يعني مش عارف ماشي عاطي بنتك للغريب وتقولي شن فيه انا ياانور تردني
انور سكت:البنت امها ماتبيش ولدك
عاصم:طلع ولدي توا ومش عاجبكم الموقف اللي انحطت فيه مرتي اليوم مستحيل نسامحك عليه وسكر
انور حدف الهاتف:اووف يااريج شن قعدا تلبزي انتي
ريم خبطت عالباب
داني:تفظل
ريم خشت:كيف حالك
داني:شن تبي
ريم:جايه بنطمن عليك ليك ايام مختفي
داني:اطمني قاعد حي
ريم:بهي نديرلك شي تاكله
داني:مانبي شي
ريم قربت منه حطت يدها في شعره:خيرك دودي
داني شد يدها:كان تحني عليا انتي مافيا شي
ريم:بهي علاش تاكلش
داني:ماعنديش نيه
ريم:اني نديرلك
داني:لا
ريم باساته عاخده:عاخاطري
داني:نرجعو لبعض
ريم:مش قتلك نبي نفكر
داني:لامتا
ريم:مزال
داني:تمام
ريم:نديرلك
داني:بهي
اريج تخبط بقوة:افتحي قتلك حشمتيني قدام الناس
ايلاف تبكي:مش طالعه لين يجي بابا وغير اكرم مستحيل نتزوج
اريج:مش بكيفك هوا ناقص غير هالصايع السكار تحلمي تاخديه
ايلاف تبكي وتزيد تتصل باكرم بس لارد 💔💔
وصل انور وخش:ارتاح قلبك بعد اللي درتيه اهو خوك بيقلب الدنيا
اريج:مادرت شي نصيبهم يجو والناس عندي شن علاقتي انا
انور:امشي لسارة واحكي معاها
اريج:تو نمشي بعد تتفاهم مع بنتك انت وعدتني
انور هز راسه وركب:حبيبتي افتحيلي
ايلاف فتحتله وحضناته:بابا قوللها انه اكرم بيخطبني علاش دير فينا هكا
انور:امك اكيد رح تختارلك اللي يصلح بيك اسمعي الكلام
ايلاف:حتا انت معاها
انور:اهدي
ايلاف:انتم كيف قادرين تتصرفو هكا مش هدا اللي كنت ديما تحكيلي عليه وتقولي معتبره ولدي انا انتم قادرين تردو عمو عاصم بهي وخالتي سارة مش صديقه عمرك مش ليكم فوق 20سنه اصحاب كيف قادر تكسر الصحبه هدي
انور واطى راسه:الدنيا نصيبات يابنتي
ايلاف:وانا متأكدة اني نصيبه
اريج:قتلك ماتحلميش ياخدك خليها في عقلك هدي
عاصم خش للدار:لامتا بتقعدي هكا
سارة مسحت دموعها:واجعيني ولادي ماعندهم نصيب في الحاجه اللي يبوها داني قاعد يتقطع كل يوم ومرته قدامه رافضاته واكرم وين فرحنا بيه وقلنا عقل وبيفتح حوش ويدير عيله يصيرله هكا انا نعرفه لو يسمع يموت ومش رح يسكت
عاصم:لوقتها يصير خير انتي ماتعبيش روحك
سارة خشت حضنه:قلبي يوجع فيا
عاصم:سلامت قلبك حبيبتي ربي يفرجها
عند اكرم في تركيا كان غارق في الشغل وناسي حتا هاتفه قعد لوقت متأخر يشتغل
لورين:لقد تأخر الوقت كثيرا هيا لنعود للبيت ونكمل غدا
اكرم شاف الساعه:اييي والله سبحان من غير حالي عادة هالوقت ندورو في مكان للسهرة
لورين:نعم غير حالك وحالي ايضا 😅
اكرم خدي جاكيته ودخانه:هي بتقعدي عندنا الليله باش الصبح نطلعو مع بعض
لورين:اوك
اكرم:غريب النت مسكر في هاتفي اكيد فوفا بكري تتصل
لورين:هل اشتقت لها
اكرم:هلبا نعد في الوقت بالدقيقه بنروح ونتزوجها معادش طالع من الحوش
لورين:يالا حظها
اكرم شفشفلها شعرها:بلا حسد يافرخه
لورين:مقرف هيا اسرع اريد ان احظى بساعات نوم
وصل اكرم للحوش دوش وفتح النت. ماوصلوشي رسايل ولا مكالمات كيف بيطلبها قفل هاتفه شحنه تم:اووف علينا حتا الوقت متاخر اكيد راقده نكلمها الصبح وخلاص حط الهاتف في الشحن ورقد
سونيا واقفه في البلكونة:مجنون والله
مصطفى:بيك وربي كلمتي امك
سونيا:في الحقيقه لا غدوة ان شالله نحكي معاها
مثطفى:بهي عاراحتك وانا غدوة بنعرفك علي اختي
سونيا:بجد
مصطفى:ايه ياروحي نبيها تشوف اللي خدت عقل خوها من اول يوم
سونيا:قصدي نتحشم انا رهو
مصطفى:نجيلي اللي يتحشم
شافت ريم طالعه تبكي وقعمزت في الجنان
سونيا:حبي شويه ونكلمك
مصطفى:تمام تعطليش
نزلت تجري:شن فيه خيرك
ريم:شي شن مفيقك انتي
سونيا قعمزت جنبها:نفس اللي مفيقك
ريم قعدت تشوفلها
سونيا ضحكت:مش زي مافهمتش انا نقصد اني سهرانه مع الحب ❤️ وانتي شكله مزعلك داني
ريم:لا
سونيا:اه مالا تقدري تحكيلي رهو انا معادش عدوة
ريم: من قالك انتي معتبراتك عدوة لا قبل ولا توا
سونيا:طالما تحبيه يعني معتبرتني عدوة في حياتك
ريم:ابدا ولا كنت نحس بالخطر حتا انا عارفه روحي شن وواثقه من بصمتي 100%
سونيا:جميل وطالما واثقه من روحك شن مخليك تبكي توا
ريم:لاني اول مره نكون محتارة ومش عارفه كيف نتصرف وبابا مش موجود انا بروحي
سونيا:ياحليلي عالدلوعه انتي مضايقه من غياب اكرم شكلك متعلقه بيه هلبا
ريم:هلبا وماكنتش نحتار هكا ديما يساعد فيا بس توا هوا مخلي القرار بايدي
سونيا:وانتي المفروض تختاري اللي يصلح بيك لانه اكرم ماخلى القرار بايدك غير لانه عارف انه موضوع ماينفعش فيه يدخل ولا حتا يعطي رايه
ريم:بس
سونيا:اهدي وماتضغطيش علي روحك خودي راحتك وفكري كويس وديري استخارة وبعدها كل شي يبان قدامك
ريم:بهي
سونيا:حابه نعطيك معلومة بس داني مش من النوع اللي ينتقم هوا عكس مايظهرلك تماما صدقيني اطيب من قلبه مافيش وطالما قالك انه يبيك يعني اوثقي فيه وفي قلبه ومش رح تندمي
ريم ابتسمت:شكرا قداش كلامك ريحني
سونيا:ولا يهمك يا سمحه نحن في الخدمة اي وقت تبيه هيا حركي روحك باش تحصلي عرس مع بوك
ريم:ان شالله
سونيا:نستاذنك ليلتك سعيده
ريم:ليلتك اسعد
مصطفى يتصل:عطلتي رهو
سونيا:سوري
مصطفى:خيره صوتك
سونيا:سبحان الله ربي لما يغير كل شي فجأه تقول كيف كنت وكيف اصبحت
مصطفى:كيف يعني
سونيا:تصدق قبل شهور كنت مهووسه بيه ميته على حرف منه وتوا نساعد فيه باش يقدر يتزوج اللي يحبها
مصطفى:منو هدا
سونيا:شخص مش نصيبي وان شالله ربي يسعده مع اللي اختارها قلبه
مصطفى:اها
سونيا:ويسعدني مع حبيبي بوفتي
مثطفى ضحك:نحبك يابنت
سونيا:وانا نحبك ونبي نكمل معاك حياتي
مصطفى:ناعلي انا 😍😍
ثاني يوم الصبح
اكرم خش للشركة:واحد يطلع حتا فطور لا
لورين:خلاص عاد بعدين افطر عندنا خدمة
اكرم:ماشي
ايلاف فاقت شافت هاتفها لقاته نشط منذ7ساعات رجعت تتصل بيه مايردش
الساعه 1م
اكرم شاد هاتفه ويشوف في النت جاه اتصال "فوفتي ❤️"فتح الخط
ايلاف تبكي:اكرم
وقف مخلوع:خيرك شن فيه حبيبتي
ايلاف:تعالا بالله عليك نبي ....
بدي الصوت يقطع
اكرم:الوووو ايلاااف الووو
خشت لورين:مابك لماذا تصرخ
اكرم:مش عارف تبكي وقالتلي تعالا
لورين:اممم مابها
اكرم قعد يعاودلها سكرت النت:اووف
لورين:ماذا
اكرم:احجزيلي تذكرة بنروح
لورين:ماذا الان وماذا عن الشغل
اكرم:مش مهم هيا تبكي مانقدرش نخليها بروحها
لورين:لا مستحيل لينا شهور نشتغلو فيها توا بتسافر بس لانها اتصلت بيك تبكي ارجوك كوكي ماتفسد كل شي بتخيب ظن بوك رهو
اكرم تلفت وقف عالشباك ويفكر
لورين:مزال ايام بس ونكملو كل شي وارجع مش حايصيرلها شي في هالايام اتصل بيها وخلاص
اكرم هز راسه وقعمز
لورين:هيا متعودة عالدلع اكيد دير في الجو باش ترجع انت
اكرم بحده:لوري
لورين:سكتنا
اكرم:نبي الشغل يتم في يومين والثالث بنسلمو كل شي ونروح
لورين:انا مش اليه عافكرة
اكرم:بالله تطلعي وتخليني في حالي خير
لورين ضحكت وطلعت
عند ايلاف تبكي:هاتي هاتفي لو سمحتي
اريج سكرت النت:متصله تستنجدي بيه شن بنقتلك انا امك راني
ايلاف:ياماما مانبيشي علاش ديري فيا هكا
اريج:اكرم ماتحلميش بيه وهاتفك خلي يقعد عندي طلعت وسكرت الباب
ايلاف:وينك يااكرم تجي وتنقذني من هالورطه. 😢😢
ريم توتي في الفطور وتغني
داني وقف وراها ويشم في ريحتها:صباحك ورد
ريم تلفت:خلعتني
داني:مستاحشك جنبي
ريم:انا
داني طبع بوسه عاشفايفها وبعد:مش حاياخدك غيري عافكره بس
ريم قعدت تشوفله
داني:هيا استعجلي جعان 😊
ريم:ح حاضر
داني:محلاها وهيا متحشمه
سونيا خشت للجامعه وتحكي عالهاتف:ههههه مابرد وجهك.....شن انجنيت.....هادي مش مفاجئه هدي فجعه احتمال تموت......ههههه ايه فيه مكالمه انتظار مش عارفه منو......ايه المهم وين قررت بديرها الله مكان جميل تمام
سكرت وبتخش القاعه
مصطفى:علاش ماترديش
سونيا:كانت معاي مكالمه
مصطفى:في من تكلمي
سونيا:ولد عمتي
مصطفى تعصب:شن يبي
سونيا:خيرك بوفا
مصطفى:لا بوفا لا هم نتصل بيك تردي عليا خاشه تضحكي في الساحه وانا ملصقتني عالحيط
سونيا زعلت:مش محتاج الموضوع رهو
مصطفى:اسمعي الكلام
سونيا:تمام حاضر وخشت للمحاضره
مصطفى مسح وجهه:استغفر الله العظيم واتوب اليه
خش عطا محاضرته
مصطفى:من يعاودلي اللي شرحته
سهام:انا دكتور
مصطفى:سمعينا يا توأمها
سونيا وقفت:ماكنتش منتبها معاك
مصطفى:جايه بتقري ولا سرحانه
سوتيا تعبو عيونها دموع:بنقرا
مصطفى:بهي تفضلي برا القاعه والمحاضرة الجايه امتحان للكل
سونيا نزلو دموعها خدت مذكراتها وطلعت تبكي اتصلت:بابا
محمد:نعم بنتي
سونيا:تعالا روح بيا توا
محمد:خيرك مزال وقتكم
سونيا:انا تعبت شويه بنروح سهام قعدا تحضر
محمد:تمام اهو جايك
قعدت مقعمزة بروحها تبكي
مصطفى طالع شافها
سونيا ولا عبراته وقفت في الباب لين جي بوها ومشت
محمد:نرفعك تعايني
سونيا:لا يابابا مش محتاج تو ناخد دوا من الحوش ولا نشوف خالتو ساره
محمد:بهي براحتك
فات باقي اليوم اكرم غارق في الخدمة مادورش حد من العيله ولا مركز لهاتفه اصلا روح للنوم طول الشغل عباله وقته ومعاش فاضي لحد
سارة:كيف بنحكوله
ريهام:انا من راي بابا يفتح معاه الموضوع لانه يحترم فيه هلبا بلاش داني لانه رح ينفعل معاه وانتي ياماما لانه ضعيف معاك ورح تتأثري هلبا
عاصم:وانتي
ريهام:انا مافكرتش
عاصم:خلي يروح بالسلامه وانا نحكيله
سارة:تمام هيا ارفعني للعياده عندي عمليه
داني:حاضر
هما طالعين قابلهم
انور:صباح الخير
داني:صباح النور عمي
اما سارة ركبت السيارة بدون ماترد:هيا وقت عليا
داني:تمام
انور: 💔
اريج فتحت الدار وخشت:نوضي ياسرك دلع
ايلاف:نعم
اريج:تفضلي دوشي وبنطلعو ناخدلك قفطان الناس بيجو غدوة يلبسوك
ايلاف:ياماما مانبيش علاش هكا ديريلي
اريج:تعرفي والله ماني راضيه عليك لو ترفضي الخطبه هدي
ايلاف تبكي:حرام عليك
اريج:اهو قتلك وبراحتك
ايلاف استسلمت ومشت معاها وهيا قلبها مع اكرم اللي معاش قادرة توصل فيه
ريماس:تعالي انتي وياها
سونيا:شن ياماما
ريماس:شفتو عمكم شن دار
سهام:من عمنا
ريماس:انور
سونيا:خيره
ريماس:عطي بنته لولد صاحبة اريج ويوم بنمشو نطلبوها سارة تلاقت معاهم غادي
سونيا:شنوو قصدك يومها ما مشيتي معاهم
ريماس:هما سبقوني وانا كيف بنطلع لقيت سارة مروحه تبكي وحكتلي ريهام
سهام ضحكت:عادي مش نصيبها
سونيا:بالله اسكتي احسن عمو كيف يديرها قصدي هدا ولد خوه واصلا كيف تجرأ يرد عمو عاصم مستحيل
ريماس:مزال بيصير لما يروح اكرم الولد مجنون وتوقعو يدير اي شي
سونيا:ياربي 😢 مسكينه فوفا انا بنمشيلها
ريماس:لا مافيش داعي فكينا من عمتك ولحد الان احنا واقفين مع عمك عاصم
سونيا:بس ياماما فوفا تحب اكرم واكيد غاصبينها
ريماس:كلميها عالهاتف بس مشي لا
سونيا:بهي
ركبت لدارها قعدت تبكي واجعها حالهم رن هاتفها"بوفتي 😍"
قفلت الهاتف ورقدت
عند اكرم خداه النوم في الشركة من التعب
خشت لورين قعدت تتفرج عليه وقربت منه تلعب بشعره وباساته
اكرم فاق:خيرك
لورين:لاشي فقط اشتقت لتلك الايام
اكرم ساوى شعره ووقف:بهي ماتعاوديهاش ثاني باش مانزعلوش من بعض
لورين:حاضر 😘
اكرم:كملي خدمتك هيا
لورين:اوك
بعد 3ايام ✨
محمود طالع يلعب:هيا انا سبقتك
ايهم:اصبر به
محمود:لا بنمشي وقت تو بيبدو يلعبو مانبيش حارس
طلع يجري في الشارع ضرباته سيارة
ايلاف واقفه في البلكونه شافاته عيطت:محموووود 😨
نزلت تجري قابلها
عاصم:خيرك
ايلاف:محمود ياعمو ضرباته سيارة
طلعو قاموه ورفعوه للعياده ولحقت العيله كلها
ريهام غيرت لبسها ونازله بتمشي
اكرم:عيلتي
ريهام تفاجئت: امتا جيت
اكرم:خيره الدنيا مسكته وين الكل
ريهام:محمود دار حادث
اكرم:الله هي نمشو
ريهام:غير اصبر بنقولك شي
اكرم حط شناطيه:مش وقته بعدين نحكو هي اطلعي
ريهام:يارب استر
وصلو للعيادة خشو
ايلاف مواطيه راسها تبكي لين سمعت صوت
اكرم:السلام عليكم
ايلاف ناضت تجري وحضناته:ليش خليتني راني تعبت
اكرم:خيرك ياعيوني
ايلاف بعدت عليه وسكتت
اكرم شد يديها وحس بشي غريب وفجأه......يتبع
