خفايا ضابط
بارت٥٠
بقلم كهرمانه
🍃🍃🍃🍃🍃🍃
......
وأنتَ بَاچِر
وخوفي مِن باچِر
يجي وما بيه انتَ
وخوفي مِن ضحكة
عَصافير الصبح تِنباگ سكتة ..
..
-خلص صلاته ورفع ايده يدعي لرب العالمين يحميها ويحفضها من كل شي ويتوسله يمحي حبه الها من گلبه لف مصلايته ورجعها لمكانها سمع صوت جدته تصيحله تكله وسام جوه يريدك طلع من غرفته ونزل لوسام لكاه كاعد يم خاله
وسام-ها فهد عيناي شلونك
فهد:-ياهله ومية هله الحمدلله انت شلونك
وسام:-الحمدلله على الله
فهد:-وين مختفي هــآي الفتره لا تجي ولا نشوفك
وسام:-من الدوام للبيت انام اكعد الدنيا ليل لا وكت طلعه ولا طبه ابقى افتر بالبيت مثل المخبل
فهد:-عدل روتينك يا اخي ناملك ساعه ورى الدوام
وسام:-هو مشروع انام ساعه شو اكعد الكه روحي جارها لليل حتى منبه ميكعدني
فهد:-خاف بيك شي يمعود
وسام:-لا من زمان هيج اله واحد يكعدني ويلح يله اكعد
فهد:-لعد شلون قبل لا تتزوج تروح للدوام
وسام:-ابقى كاعد للصبح اروح للدوام وارجع يله انام وبالصدف انام واكعد اتعدل اسبوع بعدين يرجع نفس الروتين القديم ،عوفك من هــآي السالفه وين نروح
فهد:-عندي موضوع خطير
وسام:-الله يستر شنو
فهد:-اكو واحد مشتبه بيه يغتصب بنات مو بــس هو حتى اصدقائه وياريت مكتفي بالبنات ولد اطفال
وسام:-شگد لعبان نفس ادري شيستفادون من هذا الشي ، المهم هسه انت شلون عرفت
فهد:-والله جابولي بنيه للعياده وجها رايح منتهي مغتصبينها ومشوهين وجهها وشامريها بباب اهلها بالكوه رجعت عاشت قطعنا الأمل منها
شهم:-والولد ماعرفوه ولا عدهم معلومات
فهد:-اني حاجيت اهل البنيه وكلتلهم راح ابلغ الاستخبارات يشتغلون على قضية بنتكم همه عائله فقيره كلش واللي فهمته منهم مو اول وحده بالمنطقه تغتصب قبلها طفل اختفى عمره خمس سنوات ولكوه بالشارع مشمور ميت اجت شرطه فتحت تحقيق ودورو مالكو شي سدو القضيه
وسام:-فهد البنيه تكدر تحجي
فهد:-اي صحت اليوم تكدر تحجي بــس وجهها مضمد يعني عيونها عليهن شاش
وسام:-نجي باجر للمستشفى انطيهم خبر وراح استجوبهم بمكتبك
فهد:-اي تمام
شهم:-اهم شي وسام توصي اهل البنيه ميجيبون سيرة فهد لاحد مابينه حيل ينخطف لو يعذبونه لان هو الساعدهم
وسام:-اعرف ميحتاج توصي
فهد:-شايفيني جاهل
وسام:-العصابات العدنا ميهتمون لاحد يسحكون الاخضر واليابس
شهم:-اهل الطفل الميت هم نقابلهم ونرجع نفتح القضيه المسدوده حتى نلزمهم
وسام:-هيه البنيه شگالتك فهد
فهد:-البنيه حسب متكول مو صوت شخص واحد اصوات حتى ممتأكدين اذا شخص واحد اغتصبها لو اكثر لان عيونها مشدده جانت ،والشرطه تجي تاخذ استفسارات يجون ورى يومين يسدون القضيه والله شنو مانلگاهم ماعدنا دليل زين والشرف والبنيه الضاع مستقبلها
شهم:-مصيبه العدنا اكثريتهم ميشتغلون بضمير وعدهم الرتبه بــس كشخه يصعدون بالواسطات
فهد:-اي والله فـ اني ماخليت اهلها يبلغون الشرطه واجيت كلتلكم
وسام:-هاهيه نبقى ننبش وراهم لحد مانلزمهم
فهد:-هاهيه ابو عراق وخله شي بباله
وسام:-شعبالك لعد شويه هههههههههههه
..
ڤيان:-مرت الأيام رجعت لبيتي وفتحت الخياط ابني كلش تعلقت بيه من صدك اجاني نعمه من الله وسام من يطلع للدوام صاير يتأخر ويرجع العصر
ابقى بــس اني وعراق حتى نوم ماخلي ينام يضل يتنعوص عليه بالنهار مگابلته وكاعده تليفوني هاملته بالليل يذب انتحاريه امي من تحاجيني واسولفلها تضل ترزل بيه تكول طفل صغير لازم ينام باليوم اربع مرات شكوو انومه الصبح ساعه واكعده والضهر ساعتين واكعده لحد التسعه بالليل يضل يغفي وهو كاعد انومه يبقى للصبح
طلعت الاربعين وبدا التوسل علمود ارجع اشتغل بالصالون خالته هم حاجته علمود ارجع وكالتله اني ماعندي شي تعوفوه يمي اكيف والحجيه كلش تحبه لعراق قبل بــس گال يعبر الخمس شهور يله لان بعده صغير ..
..
-أجاها للمره الرابعه بهذا الاسبوع وكل مايجيها تصده وترجعه بخيبته مو راضيه ترجعله من غير الاتصالات والمراسله التتجاهلهن دخلت للأستقبال تشوفه وترفضه اول ماشافته بدون ترحيب حچت
حور:-يزن لتحاول ويايه ترى ما ارجعلك
يزن:-شگد عنيده يوميه رايح راجع اتوسل بيج متقبلين تجيج الف مره طلبت من عندج سماح ماكو ثنين متزوجين متصير بينهم مشاحنات وعرك
حور:-أنت ضيعت شي غالي روح كتلت روح هسه انت مجررم شلون تريد ارجع وياك خاف تخنك وحده من البنات وتموتها الي
يزن:-خبله والله ساعة عصبيه وتعرفين بيه من اغضب اكوم ما اشوف كدامي واتصرف بجنون
حور:-كلشي اتوقع من عندك طلكني وخلص روح تزوج وحده من حبيباتك
يزن "لزم ايدها وگاللها":-حور لو افر الدنيا وادورها عشر مرات ما الكه وحده مثلج بهاي الفتره العفتيني بيها كلش تعبت بدونج وتركتي فراغ جبير بحياتي
حور"دفعت ايده وحچيت بعصبيه":-كافي رحمه لله لتضعط عليه أنت دمرتني استرخصت نفسي بسببك گمت أشمئز من روحي بسبب نضراتك الي اذا اكعد اذكرك باخر فتره شلون حاربتني منا لباجر وماخلص حجي نعدمت وياك صرت انسانه ضعيييفه واقل كلمه تحز بداخلي ثقتي بنفسي تهدمت حبي للحياة تبخرر ماشايف حجم الكارثه السويتها بيه فوگ كل هذااا داتعالج يم طبيب نفساني علمود الحاله النفسيه روح يزن الأحسن إلنا واحد يبتعد عن الثاني
يزن:-إذا بعدي عنج راحه فـ راح ابتعد تردين طلاق يجرالج التردينه واني اسف على كلشي سويته حور قبل لا اروح سامحيني
حور"سكتت ماحجيت انتضر جوابي وما أجاه كام ودار وجهه حتى يطلع شنو الصار فكرة الطلاق تدور ببالي ضربه الي حجي مصطفى اخويه وهو يكلي لترجعيله امي تقنعني تكلي رجعي انطي فرصه بناتي من اتطلگ شنو مصيرهن الناس شحيگولون مرضي النفسي أثر عليه كل هذا التفكير شي متداخل بشي صرت اسمع اصوات ماموجوده ..طبعاً اللي صار عبالكم تفكير طويل لااا اقل من الدقيقه ثواني هذا التفكير كله يطلع بيه عشر ثواني شفت يزن وصل يم الباب لا إرادياً نطقت أسمه ودموعي گامت تصب
يزن:-ها
حور:-أرجع بــس لخاطر بناتي ماريدهن يحسن بنقص
يزن:-براحتج اني حروح هسه شوكت متردين ترجعين خابريني واجيج
حور:-"كمل طريقه وراح من طلع أجتني امي شافتني ابجي "
أم غيث:-ياروحي ليش تبجين خو ماضربج
حور:-لا ماسوه شي
أم غيث:-لعد؟؟
حور:-كلتله حرجع لخاطر بناتي
أم غيث:-اي بــآعي وهو الولد مبين ندمان يا امي
حور:-ارجع واشوف بــس ماحجي وياه ابد
أم غيث:-اي سويله گلب خلي يحس شويه شويه وها بعدين من ترجعين تحجين وياه عامليه بالمثل لأن انتي صاحبة حق مو تقلين احترامج بــس معامله قصدي
حور:-اي ماما وصلت المعلومه
أم غيث:-شوكت ترجعين
حور:-مادري كولي لبابا واخواني مصطفى قافل ميقبل ارجع
أم غيث:-خيولي بناتج ديكبرن يحتاجن ابوهن اخوانج ميكدرون ياخذون مكانه حتى لو اهتمو بيهن
حور:-اي صحيح
أم غيث:-اكوللهم والله كريم
حور:-الله كريم
..
٤:٠٠م
ڤيان:-"وسام رجع من الدوام اليوم من وكت اكل وسبح ونام من كعد بدل وراد يطلع أجاني للصاله.."
وسام:-ڤيان وين ابني البطل
ڤيان:-شتريد منه
وسام:-اخذه لعمه شهم
ڤيان:-وسام وين ماخذه رحمه لاهلك عوفه صغير بعدين شبعه طلعات
وسام:-جيبيه يمعوده لبيت جدج ماخذه متكوليلي
ڤيان:-اوك بــس دير بالك عليه
وسام:-اي "أخذته وطلعت وخابرت شهم"
شهم:-ها ابو عراق
وسام:-يله وينك أدگلك هورن تطلع
شهم:-ابنك وياك
وسام:-اي طبعاً
شهم:-شلون تسوق وهو وياك
وسام:-بصفي مثبته لتخاف
شهم:-يله اليوم نسويهم زلم
وسام:-ههههههه اي فهد اذا موجود خلي يجي وياك
شهم:-اي كاعدين بره
وسام:-"سديته من عنده وكملت الطريق ورى ربع ساعه وصلتهم دگيت هورن طلع شهم هو وابنه وفهد صعدو بالسياره فهد اخذ عراق يمه بعده يتگمط شهم كعد بصفي وابنه بحضنه "
شهم:-هسه امه تتخبل وعلي
وسام:-اسكت خايف من الخبله حضرلي مكان يمك اليوم مشحوت اني
فهد:-هسه هــآي دگه تسوونها بعدهم صغار وينهم وين الطهور
شهم:-يصيرون زلم من هسه ،تعال يكبرون ويصيرون يمشون يشلون الحال هسه صغار حتى ينسون بسرعه ونخلص منهم
فهد:-أحــسن صدك
وسام:-"وصلنا لعيادة المطهرچي لگينا فارغ دخل شهم بالبدايه طهر ابنه وطلع يصرخ للستار "
شهم:-هذا منين يطفه
فهد:-دجيبه عود ابوه مثل الصدك متعرف تسكته وين الملهي مالته
شهم:-بالسياره هسه راح اجيبها
راح جاب الملهي مالته مارادها شمرها خله الممه بحلگه اخذها وسكت
فهد:-هاك اخذه سكت
وسام:-فهد يله اخذ عراق
فهد:-أبتليت بيهم اني
وسام:-خويه اني گلبي مايتحمل اخذه انت وجيبه اسكته من يبچي ،چا اني ليش شددت عليك تجي
"أخذه فهد ودخل للعياده طهره ورجعه لابوه مفرفح من البجي أخذه من فهد لحضنه نطاه ملهي سكت بــس بقى يشاهگ خلصو من طهورهم ورجعو للسياره وسام وصل فهد وشهم للبيت ورجع هو وابنه للبيت الدنيا جاي تغرب فات للبيت أجته ڤيان تمشي متلهفه لابنها "
ڤيان:-هلاا وين حبيبي شتاقيتله
وسام:-اي هاج اخذيه
ڤيان:-وسااام شو ابني يشهگ باچي ياا خدوده حمر
وسام:-اي طهرته
ڤيان:-شلوووووووووووووووون
وسام:-وزقنبوت طرشتيني الولد كعد من صوتك بت النعل صار رجال
ڤيان:-رجال بعينك أنت أب قاسيي،اويي سوده عليه وليدي بعد ماعوفك يمه ، وسام لتحجي وياي خوش مادام هيج سويت مو خطيه شوفه هستوه شهرين فرفحته تفرفح حرام عليك
وسام:-لا حلال عيوني كافي مــآريد لغوه زايده
ڤيان:-والله مزاعلتك على هــآي سوايتك اذا صار بيه شي متلوم الا روحك
وسام:-هسه المفروض اخاف
ڤيان:-"عفته ورحت للغرفه مالتي خليته عالجربايه كعد يبجي سويتله ممه ونطيتها اله سكت يرضع إنتضرته يخلص فتحت الحفاضه وشفت الدم طالع من عنده اووي الله لا ينطيك وسام على هــآي دگتك مال النواقيص غيرتله الحفاضه ونومته گمت ابجي خايفه عليه خابرت ماما حتى أكوللها
أم يزن:-ها حبيبتي
ڤيان:-ماما
أم يزن:-هــآي شنو دتبجين
ڤيان "بصوت باكي":-ماما وسام طهر عراق اخذه بدون لا ادري
أم يزن:-يا فدوه صار زلمه
ڤيان:-ياا ماما اكولج طهره بالختله عبالك بايگله بوگه
أم يزن:-يايمه والله احسنلج يفتهم رجلج شايفه من يكبر ويمشي انتي التتعبين وياه لازم تبقين مناطره متخلينه يتحرك ينلچم ويضل يبجي وميطيب بسرعه هسه حفاضه تفتحينها وتتركينه يتهوه شويه بسرعه يطيب اقل الاسبوع
ڤيان:-يعني ما أبچي ميصيرله شي
أم يزن:-لا حبيبتي لتبجين هسه أكول لابوج ونجي نشوفه ورى العشه
ڤيان:-اي هلا بيكم "سديته من ماما دخل وسام للغرفه درت وجهي من عنده "
وسام:-عود زعلانه هيه بابا اني علمودج
ڤيان:-اي شخسرت لو كايللي عالأقل اجيبله دشداشه اسويله حنه
وسام:-باجر عد بيت جدج نسويلهم حفله بعد
ڤيان:-بــس لا ابن عمي هم
وسام:-ايي
ڤيان:-ياا ولا تكعدون والله
وسام:-ميعذبج يطيب بسرعه انتي بــس علكيفج من تغسليله
ڤيان:-يمممه بروحي شلون اوجعه ،ماما كالت حتجي هيه وبابا يشوفونه
وسام:-اي هلا بيهم
ڤيان:-عندك طلعه
وسام:-لا
ڤيان:-تمام
.
.
رهف:-أجه شهم كال نطيني وسام نروح اني وياه لبيت ابو رسلان شو طبگت سياره وراحو كلت خاف صديقه وسام اجاه وراحو سويه وياهم فهد غريبه حاجيت ماما جنها تضم شي تحجي ومرتبكه جنها سكتت سويت عشا حتى يتعشون من وكت بعدني جاي احضر بالعشه خلصته بقه بــس التقديم واجه شهم هو وفهد وابني يبجي
أم قاسم:-ها طهرتو
شهم:-ايي
أم قاسم:-كلولولولوولوليش اليوم طهوره وباچر عرسه ونفرح بيه هلا هلا
رهف:-شنو شنو شهم شدتحجي
فهد:-اني معليه بــس رحت وياهم باي صاعد لغرفتي
شهم:-وين رايح تعال واجه وياي هيه هنا تبين المواقف
فهد:-هههههههههه هــآي فكرتك خااالي اتقبلها "عافه وصعد لغرفته"
رهف:-لا شهم جديات احجي
شهم:-والله حبيبتي طهرته أحــسن من ما يكبر مو صدك وبعدين صعب يطيب هسه يومين ويصير زين
رهف:-اووف شهم خطيه هم صدك أحــسن الي بــس لو گايل عالأقل احضرله ملابس مال طهور لو استقبال اله
شهم:-بأجر وامي جايبه دشاديش اله ولعراق
رهف:-ياا عراق هم يبوو حرام والله هذا كلش صغير ،وڤيان هم ماتدري
شهم:-اي ماتدري
رهف:-عززه
أم قاسم:-موصيتلهم كوشه وام الكوشه تجي وياها الكيك والثيم كله باسم وسام وعراق باجر تجي الصبح
رهف:-ها ماما كله مشتغلته من ورايه
أم قاسم:-اي شهم مايقبل ،اخذي ابنج بدلي ملابسه وفتحي حفاضته شويه خلي يطگه الهوه
رهف:-ماما اليوم انام يمچ اني وياه اخاف عليه
أم قاسم:-اي تعاي شربيه دوا مال صخونه گد خاشوگة چاي خاف ترتفع حرارته
رهف:-اوك خابري ڤيان شوفيها شنو ماشنو خطيه.. "أخذت ابني وصعدت بيه لغرفتي نايم سويت مثل ماكالت ماما وبالليل كلش نزلنا اني وياه جوه نايم خليته بفراشه اليم ماما ورجعت صعدت نزلت حليبه ومماته وغراضه الباقيات فرشتلي فراش بالگاع عمي نايم وماما متمدده تريد تنام باوعت للساعه بالوحده خابرني شهم فتحت خط عبالي يريد اصعدله شي
شهم:-تعاي اريدج شويه
رهف:-ها شتريد
شهم:-وسام نايم
رهف:-اي نام
شهم:-تعاي لعد شويه وانزلي
رهف:-تمام جايه "تطمنت على ابني وطلعت من الغرفه مال ماما وصعدت لشهم فتحت الباب دخلت وسديته وراي وگفت گباله وتخصرت أشرلي على حضنه مشيتله وتمددت بحضنه"
شهم:-هسه ردتلي روحي
رهف:-شهم سالفتك مطوله
شهم:-لا والله وذا طولت
رهف:-يا عفت الولد جوه نايم يم امك وابوك
شهم:-عوفيه يمهم ميكعد ينام للصبح
رهف:-اي ياعيني مشتاقلي صدك اليسمعك يگول متفارگين
شهم:-هوه اني صدگت تصيرين بحضني هيج
رهف:-اذكرك شسويت
شهم:-متدرين بيه اني اكبر گوــ وچنت بذيج الفتره كلش ماعرف اتصرف وثقتي اختفت بالناس كلها
رهف:-اي وتجي لرهف قليلة الذنوب
شهم:-من حبي الج اصير عصبي اركضلج اطلع ضيمي كله بيج من افرح اشاركج فرحتي اسراري عندج يومي مايكمل اذا ما بنهايته اجي احجيلج ملخص كامل
رهف:-الله يهديك الي "لزمني من خصري ورفعني شويه جنت دافنه راسي بصدره خلاني گباله باوع بعيوني خليت ايدي على خده وبست شفته بوسه سطحيه ووخرت بــس ايده جانت اسرع رجعني اله وهو يبوسني رفع الثوب مالتي وشمره وهجم عليه..
..
ترف:-رحت للحفله مال طهور الولد تونسنا كلش وهناك جدو كال لخالو هاشم انو فهد يريد يخطب ديم اسأل البنيه وشوفها اذا موافقه نتوكل محد يتوقعع فرحتي بذيج الساعه وفهد طلب اتكتم عالموضوع لحد مترد ديم الخبر ..وبالليل رجعت داايخه كلش مكاعدين بالصاله اني ورفل وسيف والياس ويحيى كلمن عينه بتليفونه دگ تليفون سيف طفر
سيف:-هلا هلا باعو منــوو يخابر
يحيى:-منــوو بــس لا مرت عمك الطلگها
سيف:-لا امي
يحيى:-عيع شتريد
سيف:-عيع بعينك امك هــآي
يحيى:-لا ماعندي ام شوفها شتريد بربك افتح سبيكر خل اسمع صوتها
سيف:-قبل شويه تگول عيع وهسه وتريد تسمع صوتها
يحيى:-فضول يا اخي ابد مسامعه
سيف:-تعال سماعه الك وسماعه الي خل اشوف شتريد
إلياس :-امور طيبه بينكم اتصالات الوالد يدري
سيف:-اسكت لا اذبحك "فتحت خط واجاني صوتها "
أم رسلان:-الو سيوفي
سيف:-ها هلو ييمه شلونج
أم رسلان:-من سمعت صوتك صرت زينه
سيف:-شعجب ذاكرتني
أم رسلان:-أسأل عليك رسلان شلونه شو گطع بيه فرد كطعه
سيف:-والله ماعرف عنده تليفون وخابريه
أم رسلان:-كل ما اتصل يطلع مشغول هواي يخابر
سيف:-ههههههههههه اي يخابر هواي
أم رسلان:-اي يمه ماناوي تتزوج
سيف:-هاا عندج مره
أم رسلان:-اي عندي انت بــس كول اريد
سيف:-اي بله شوكت اجي اشوفها لو تدزيني عليها لو شلون
أم رسلان:-موجوده بنفس البيت العايشه بيه
سيف:-هاا شوكت ترديني اجي
أم رسلان:-باچر
سيف:-هاهيه باچر اتفقنا اجيج العصر
أم رسلان:-اي مية هلا
سيف :-هااا يابه جايك اي جايك ،يله يمه خل اروح ابوي يصيحلي ،ايي يابه دقيقه ،يله بيباي
أم رسلان:-الله وياك
سيف:-"سد الخط وطكها بصحكه"
رفل:-ولك انت والله جذاب اكلكم عمو صاحله واني ما اسمع ترى بديت اصدكه
يحيى:-ماسمعت ابوي يصيح جذااااب تعال ولك صدك راح تخطب
سيف:-شبيك صدكت اروح اضحك عليهم واشوف المختارتها الي
يحيى:-بروح كلمن عزيز عندك صورها للي مختارتها الك
سيف:-افااا رخيص والطلب غالي أقصد غالي والطلب رخيص
ترف:-شعندك رايح يمعود والله ديربالك من امك
سيف:-أكلج رسلان حاضرها تكول كل ما اخابره مشغول
ترف:-اي يمكن والله خبيثه كلش متتوقعون ليا درجه
إلياس:-مبينه الله يكفينا شرها سيف لا يفرن راسك علينا
سيف:-لتخاف اخوك ذيب
يحيى:-هسه تطلع بزونه مو ذيب
سيف:-ممكن تكرمنا بسكوتك بيك خير اخذ التحبها
يحيى:-لتضل تمسلت هيو
رسلان:-مترحون تنامون متعبانين
سيف:-روح انت نام منين طلعتلنا
رسلان:-ترف تعاي
ترف:-اجيت "رحت وراه للغرفه دخلت سد الباب جذبني عطره بشكل مو طبيعي صارلنا شكد متزوجين اول مره هيج انجذب رحت وكفت كباله كلش قريبه دفنت وجهي بصدره واستنشق عطره
رسلان:-ترف حضريلي نلابس اريد اسبح وانام تعبان حبيبتي
ترف:-لتوخر عطرك طيب
رسلان:-ها اول مره تشتميه ؟!..
ترف:-والله مدري شبيه حاسة الشم عندي كلش قويه
رسلان:-هههههههه يتراوالج
ترف:-"حضرتله ملابس ودخل سبح طلع تمدد عالجربايه واني بدلت ملابس وعدلت شعري رحت نمت بحضنه يربي ممخلي عطر وبيه ريحه طيبه غفيت بدون لا ادري ..ثاني يوم كعدت من الصبح نفسي لعبانه قبل لا اتريك بوجهي الحمام استفرغ طلعت لرفل گالت وجهج مو طبيعي روحي سوي تحليل خاف حامل لو عندج خربطه هرمونات قررت ورى يومين اروح حتى أسوي تحليل واشوف شبيه ..
..
ڤيان:-كعدت الصبح وسام ديتريك أجاه اتصال خلاه يكطع الاكل ويفتح عيونه على وسعهم
-شبيك وسام احجي لتخوفني صــآيـر شي من الصباحيات
يتبع