خفايا ضابط
بارت٤٧
بقلم كهرمانه
🍃🍃🍃🍃🍃🍃🍃🍃🍃🍃
راح اسرع بالاحداث
رفل:-طول فترة الخطوبه إتصال واحد ماكو اهلي مستغربين ومن يسألوني أكوللهم يحجي ويايه بــس عنده دوام وميگدر يجي ليش اطلعله اعذار ماعرف عقدنا عقد محكمه وسوينا حفلة مهر . ورى اسبوع من حفلة المهر قرر هو يسوي الحنه والعرس بيوم واحد لان عنده التزام ودوام ميگدر يعوفه حتى إجازه ما اخذ !!
وابوه كال نهاية موسم مقبلين على امتحانات لازم يداوم ..ماهتميت بعد أحــسن اخلص من عنده اني سويت حفله مال حنه بالنسبه إلي قبل يوم ورحت للصالون التشتغل بيه ڤيان ..
اختاريت بدله نيلي لونها وتطلع الصدر نصه من أجه بالحنه وشافني گلب وجهه وضاج اعتقد بسببه البدله فرحت بداخلي وحتى گمت رگصت ويه البنات
ڤيان كاعده على صفحه ومتكتره ومرت عمي هم حور طلعت حامل وهسه اربع شهور عليها وبناتها كلش متعباتها وبان استلمتها ديم هالبنيه عشقناها من دون خواتها خلص يوم الحنه وكلش تونست ويه البنات عدا تفكيري بيوم العرس هو اليضوجني
كعدت الصبح سبحت ورحنا اني وفيان للصالون سويت التسريحه ومكيجتني هيه صراحه صايره كلش محترفه ومكياجها نمبر وان بالمركز رجعنا للبيت اني وياها على ماخلصت التسريحه ولبس البدله وهي بقت تمكيج كم بنيه خلص دوامها واجه يزن ياخذنا للبيت ..
كلشي مافهمت من العرس الخوف متملكني واطرافي كلها مجمده مو هذا التمنينه ولا الردته تمنيت واحد يحب الثاني واتزوج واني سعيده أشوف الكل فرحان وسعيد النا واني گلبي ينقبض صارت وكت الزفه وأجه هو كعد بصفي شويه ودگ تليفونه خلاه صامت وكال يله كومي ..
.
.
رهف:-مرت الشهور ودخلت بالتاسع شهم رحع يحجي وياي بــس برسميه مو مثل قبل نكول خمسين بالميه تراضينا الحمدلله إبني صحته زينه وولادتي طبيعيه اليوم صارلي عشرة ايام بشهري وعلى ياساعه اجيب أجاني وجع الصبح وراح كلت هــآي تشاليع بعدين الضهر من رحنا لبيت ابو رسلان هم أجاني وجه بــس هالمره كلش قوي رحت لماما وگلتلها
رهف:-ماما بعد ماتحمل الوجع
أم قاسم:-يا يمه عالأقل خلي يخلص العرس مو عرستي انتي هم وياهم
رهف:-يمه والله وجع قوي
أم قاسم:-راح افورلج مي وهيل اذا عندج ولاده يزيد الوجع واذا ماكو يروح
رهف:-اي فدوه خطييه هسه الا بيوم العرس تحصرني الولاده "سوتلي مي وهيل شربتهن ورى شويه خف الألم رحت گلتلها"
أم قاسم:-اي الحمدلله كولي لابنج ليجي اليوم خلي ينتضر وينام لباجر ههههه يله راح يرحون للزفه انتي تبقين هنا
رهف:-اي ماما مــآريد اروح ولو همه قريبين بــس مــآريد
أم قاسم:-بكيفج حبيبتي
ترف:-بيبي اني وياج لان رسلان حيزفهم بسيارته
أم قاسم:-اي خالج موجود
ترف:-تمام " طبعاً هــآي السنه الدراسيه راحت عليه لأنو أنمار طول خطوبته اربع شهور وهم اني گلت سنة الجايه انسب هم أتاقلم ويه الوضع فرحانه كلشش بالعررررسس اخيراً راح تجي ويايه وحده بالبيت بدال ممگابله سيف ويحيى وكاعده حفضت سوالفهم كلها وشقاهم ثكيل ويايه وسيف مستحيل يفوت من يمي اذا مايكفخني راحت ايام الاحترام على گولته طبعاً صرت بمثابة الأخت الهم يحيى مره أجه يفضفض وحجالي عالبنيه اللي يحبها وكايل لابوه عليها وابوه ساد الموضوع رجع كاله وخاالو ماراد يكسر خاطره كاللنا اني وبيبي ورحنا لبيت البنيه المره كالت اشوف ابوها بعدين ماوافقو وراح خالي بنفسه حتى يخطبها اله رجع بخيبته وكال ترسلت بيهم وابوها رافض بقه بــس ايديه ابوسها اشوف الحزن مبين عليه حقه احاول احجي وياه واكله ينساها مو شي سهل ينسى وخاصتاً يعرفها من سنين المهم بيوم عرس أنمار هو حنه هو عرس يعني بالليل حفله الحنه وره مايزفونه رحنا للزفه وجبنا رفل ويانه شوكت فهد يتزوج وافرح بيه .. الجو شتا بسرعه يأذن المغرب خلص الأذان وصعدنا رفل للغرفه مالتها كعدتها ووصيناها اني وحور لتخاف وشيريد يسوي متمنعه وهي بــس تهز براسها احس اكو شي جبير بــس هي متحجي خليها براحتها واني كايلتلها شوكت متردين تحجين لو تختنكين وببالج شي اني موجوده نزلنا اني وحور ورى دقايق زفو أنمار ربع ساعه هواي نزل من عدها لابس دشداشه بييضه حتى عبالنا مماخذها صعدت بيبي هي وامها مباشرتاً سمعنا صوت هلاهل كاعده بصف ڤيان گامت تدردم
ڤيان:-شبسرعه تريفه صعدي تأكديلي
ترف:-متصعدين انتي
ڤيان:-وسام محلفني ماتحرك من الكرسي
ترف:-خطيييييييه كلش تسمعين الكلمه
ڤيان:-يله بحجه تباركيلها سويلي موجز بانحاء الغرفه بــآعي شنو
ماشنو
ترف:-يا شبيج ڤيانو كعدي امج وبيبي يمها
ڤيان:-كومي باركيلها يا مرت حماج هــآي
ترف:-يله رايحه "صعدت الدرج حتى اباركلها وصلت للغرفه فتحت الباب لگيت امها كاعده بصفها وبيبي گبالها واكفه وهي تبجي "
-مبروك رفل حبيبتي ياا ليش تبجين
أم يزن:-تكول متأذيه
ترف:-يوو شويه ويروح الوجع
رهف:-هلوو عروسه مبرووك
رفل:-الله يبارك بيج
رهف:-ليش دتبجين يروحي شنو مأذيج
رفل:-اي
رهف:-دگومي سبحي خلي ينزل الوجع
رفل:-ماگدر اكوم
رهف:-صخام بعينه كمل وياج لو ماشاف الدم وخر
رفل:-اي وخر
رهف:-دگومي للحمام ياخيه شوفي هواي دم يوكع لو شويه خاف مجروحه "گامت للحمام تمشي وتتلوى من الوجع "
أم قاسم:-اني راح انزل رهف شوفيها شبيها
أم يزن:-اگلج اني اخاف من هــآي السوالف هم راح انزل انتي تعرفين مو تشتغلين عد دكتوره هسه يضلون يصيحون على غراض للحنه ام غيث وحدها متگدر خطيه
رهف:-اي اني ابقى يمها لتخافن يجوز دلع بنات
ترف:-ابقي بــس انتي وياها باي ههههههه
رهف:-خوافات "طلعتلي رفل لابسه ثوب الحمام وترجف"
-شبيج ترجفين
رفل:-بارده وسبحت بمي بارد
رهف:-مو اكو مي حار
رفل:-بارد أحــسن
رهف:-والنبي بيج شي انتي مو خاليه المهم دم دينزل هواي لو شويه
رفل:-لا اقل صار مثل القطرات
رهف:-هسه ينقطع تمام يعني ممجروحه
رفل:-رهف عمري اذا تردين نزلي ارتاحي مو اله تبقين يمي داشوفج گوه تتنفسين
رهف:-بالعكس الحركه زينه الي ،يي ثگلانه كلش الليل مانامه من الثكل اهم شي خلص عرسج حتى شوكت ما اجيب عادي هههههه
رفل:-الله يعينج اني شفتها بحور كامت تنام وهي كاعده اخر ايام الحمل
رهف:-الله يجازينا عالتعب
رفل:-امين يروحي تولدين بالسلامه ويجي ابن عمو يملي عليكم البيت
رهف:-گلبي عقبالج "اخذي راحتج حنزل اني "
رفل:-اوك "اول ماصعدتني ترف نزعت البدله وعلكتها لبست السيت المحضرينه الي سمعت صوت هوسات عرفت حيزفونه رتبكت وگلت مراح يتقربلي فتح باب الغرفه ودخل لزمني من جتفي دفعت ايده
-انمار لتطخني
أنمار:-رفل لتخبليني فوگ ما أنتي التجاوزتي عليه وغلطتي وقللتي من قيمتي هسه زعلانه
رفل:-السويته مال اواادم شلون تسمح لروحك هيج تسوي وانت اصلاً ماجنت خاطبني
أنمار:-لحضة شيطان
رفل:-اي ومناسية فترة الخطوبه حتى ماكلفت نفسك وخابرت وخر من عندي ممنوع تلزمني افتهمت
أنمار :-رفل لتخليني اطلع عن طوري
رفل"بأستهزاء":-شتسوي إستاذ تبسطني "لزم أيدي ودفعني عالچربايه وأجه فوگي حاول ويايه بالطيب باسني بخدي ورفع الثوب اللابسته دفعته بــس هو أقوى من عندي ضربته ع صدره بلكي يوخر وحجيت
-أنمار ماريد أنت تاخذ عذريتي متستاهل وخرررر
أنمار:-لا ياساقطه زوجج أني شدتحجين
رفل:-اي ماريدك ماحبك "أعترف حجيي چان مثل طعنة السجين بالنسبه اله ضربني راجدي وكلتله
-مو رجال اليطلع قوته على مره
أنمار:-بعد كل الحجيتي مو رجال اليضرب مره اصححلج بدون سبب اذا بسبب يطيح حضها محد يحجي
رفل:-علن حرب بيناتنا السواه خلاني اكرهه زياده أخذ عذريتي بسرعه اول ماشاف الدم وخر من عندي لبس دشداشه ونزل .. بچيت على حضي وعلى أغلى شي فقدته أجت ماما وبيبي والبنات شافني أبجي كلتلهن متوجعه وصدك هم بسيب الوجع ودم ينزل هوايه .. ورى مانزلن البنات ورهف هو صعد اول مادخل فتح الكنتور وطلع قاط من عنده شمره عالچربايه دخل للحمام اللي بالغرفه سبح وطلع بدل لبس القاط ورتب روحه مشط شعره وتعطر ولبس ساعته طلع حلوو كلش أنيق ضجت هسه اني بيا حال طلع من الغرفه وسد الباب وراه اني كعدت امشط شعري كلش طويل وبسبب التسريحه مكفش ..مشطته وسويته ضفيره لبست ثوب قصير مال نوم بــس مستور سمعت صوت الاغاني والدبكات باوعت للساعه بالتسعه إلا عشره تمددت عالجربايه افكر باللي حيصير وافكر بمستقبلي ويه أنمار البارد كبر حتى كبر شكد بارد وفاهي امداه غفيت بدون لا أحس ...
.
.
ڤيان:-خليت بابا يرجعني لبيتي ورى العرس مانتضرت للحفله وسام يعزلها على ايده ويوكف وياهم بتعزيل الحفله ولم الكراسي والستيج ويكعد استراحه يله يرجع اني ومنتصف الليل اذا ابقى وراه ..وصلني بابا وراح دخلت للبيت شغلت التدفئه الجو بارد
دفيت الحمام ودخلت سبحت تعباننه ووجهي كله مكياج غسلت وجهي غسله من هــآي التمام خلصت بدلت بالحمام حتى جواريب لبست خاف اطلع والكه وسام موجود طلعت من الحمام بوجهي للغرفه ذخلت وسديت الباب همزين دافيه كلش يخاف عليه يمشي ويوصي خلاني أكعد واطلب اجازه من الصالون منا لحد مايجي ابني ويكبر شويه والمسؤوله علينا نطتني إجازه مفتوحه شوكت ما ارجع اصلاً وسهلاً ..
شفت وسام شگد حنين فتره حملي كلها يهتم بيه لدرجة جكاير ميدخن اذا كاعده يمه ومن يريد يدخن يطلع بره للحديقه لو مكان بيه تهويه ، ويوم الما أكدر اطبخ هو يسوي أكل ويجبرني عالأكل سويت سونار بشهر الرابع ومابين جنس الجنين بالخامس يله بين ولد ..إنتضرت وسام لحد ما اجه من العرس حضرتله ملابس وخليتهن اله بالحمام أجه اول مادخل أخذني لحضنه
وسام:-شلونج ليش رجعتي ومانتضرتي ترحعين وياي بيج شي يوجعج شي
ڤيان:-لا حبيبي بــس ردت ارتاح وانت تطول خليت بابا يوصلني حضرتلك الحمام مبين تعبان
وسام:-اي والله كلش
ڤيان:-دخل يسبح واني تمددت على جنبي واباوع عالصور والفيدوات الدازاتهن البنات بالكروب مالتنا حجيت وياهن ودزيتلهن صورتي من قلب الحدث چنا نحجي اني وديم وترف وأرجوان دخلتلنا رهف تكول عندي اوجاع كلنالها اصبري منا لباحر وروحي للدكتوره خلي تفحص چان تكوللنا جاي يوكع من عندي ماي خابرتها وردت مباشرتاً
-ها رهف سلامات شتحسين
رهف:-والله ياڤيان وجع يروح ويجي وخايفه
ڤيان:-كعدي عمي بيبي
رهف:-يا واكسر نومة ماما خطيه تعبانه وشهم رجع قبل شويه ونام ماكعدهم من يشتد الوجع يله هسه حسبح بمي حار واضل اتمشى اشوف الوجع اذا منتضم ويتقرب وباوقات منتضمه هــآي ولاده
ڤيان:-الله يسهلج حبيبتي حيضل بالي يمج
رهف:-لا عمري نامي لتخافين اني اعرف بهاي الامور
ڤيان:-اخذي راحتج باي حياتو
رهف:-باي عمرري
ڤيان:-طلع وسام من الحمام نشف شعره وتعطر واجه كعد يمي يباوه بتليفونه گمت من مكاني ورحت لزگت بيه أخذني بحضنه وهو يبوس خدي
وسام:-شوكت تنامين يله انتي تعبانه وميسير تبقين كاعد ابني خاف ينزعج لو لتعب
ڤيان:-أبنك خانس بالنهار وبالليل يكعد يتحرك ميخليني انام براحتي كل شويه دافرني
وسام:-هههههه وكح على امه
ڤيان:-ليش ما على ابوه اوكح من امه بقاطات !!
وسام:-شو بطنج صغيره مو صرتي بالثامن ابني وين ضامته ، لك بابا وين خاتل اطلع .
ڤيان:-أحــسن بطني صغيره حتى لتخرب ،اسكت لا يسمعك هيج تحجي ويستعجل عالطلعه
وسام:-ڤيان ترى والله من يوم العرفت بيه حامل ولليوم اني التفكير بيكم راح ياكلني ابد متغيبون عن بالي يمكن من تجيبين وتطلعون بالسلامه ثنينكم انام نومه مال اسبوع على وجهي چفي
ڤيان:-هههههه فدوه اروح لليخاف علينا "عدل نومته وفتح ايديه حتى انام بحضنه ،دخلت بحضنه ضل يلعب بشعري لحد مانمت
.
.
رهف:-رجعلي الوجع كل ربع ساعه مره حجيت ويه البنات بالكروب بعدين خابرتني ڤيان حجيت وياها ماكلتلها على كمية الوجع اللي اني بيه حتى لتخاف وهي هم وراها ولاده ..الليل كله بقيت كاعده أتلوى من الوجع طلع الصبح وسمعت صوت ماما كعدت للصلاة مانزلتلها بقيت متحمله المستشفيات اذا اروح وماعندي توسع قوي يشلعن گلبي ويولدني اصطناعي احسن شي اروح مفوله عادي اتحمل .. الوجع صار يجيني كل خمس دقايق وجع مميت يشل بطني اوصفلكم ياه يبدي من بداية الضهر ويفتر ع البطن نزلولاً للمثانه حركتني تنشل بسببه ونوب يروح ويرجع ورى فتره بس الفترات متساويه باوعت للساعه بالسبعه الصبح گعدت شهم حتى ياخذني للمستشفى
شهم:-رهف متأكده راح تجيبين
رهف:-اي شهم فدوه الليل كله عندي ولاده
شهم:-ليششش ماكعدتيني
رهف:-حبيبي تعبان ونايم شلون اكعدك بعدين احسن الي بالمستشفى يبهذلن
شهم:-انزلي لامي اني ابدل واجي
رهف:-اوك "نزلت لماما لكيتها كاعده تسوي ريوك "
أم قاسم:-صباح الخير
رهف:-ها ماما صباح النور
أم قاسم:-وجهج اصفر مال وحده نفسه
رهف:-اي عندي ولاده الليل كله منايمه والله
أم قاسم:-ياا سوده عليه مانزلتي وكعدتيني
رهف:-ماما بالمستشفى يخلون الوحده تفول عاالمغذي ويشلعن گلبها بالجياب
ام قاسم:-دكعدي تريكي خل اسويلج مي وهيل
رهف:-نزل شهم واني كعدت أكل أكلت شويه وجابتلي مي وهيل كمت من الصينيه وكعدت على صفحه
شهم:-ها راح الوجع لو بعده
رهف:-راح ويرجع ورى شويه "شربت المي والهيل اعتياديه مابيه شي وورى شويه صار عندي طلوگ مميت ماگدرت أبقى گاعده والعيطه مدري شلون طلعت وگفت على رجليه
-شهممم كووووم ترى اجيب هنااا ماكدر اتحمل بعد
أم قاسم:-يمه اخذها للسياره اني اروح البس عباتي واجي
رهف:-ردت امشي للسياره طك عندي راس الهاديه والوحه صار في ثنين لزمت الحايط وگمت ابجي ماكدر امشي أجه شهم شالني وصعدني بالسياره صعدت أمه بصفي ومشى للمستشفى الطريق صار شطوله وبدت تجيني دفعات حسيت ابني حيطلع وتوقعت أجيب بالسياره وصلنا للمستشفى ركن السياره ونزل بسرعه اجه وياه ممرضه بيدها كرسي متحرك نزلت من السياره بالگوه أمشي كعدت عالكرسي ودفعتني لداخل المستشفى بوجهها لصالة الولاده هذا كله والعياط مالتي هرج المستشفى نزعت ملابسي ولابستني صدريه اجت الدكتوره تفحصني والمساعده تخليلي مغذي وتربط جهاز ضربات نبض الطفل
الدكتوره:-بــس اهدي ليش تعيطين
رهف:-موووجوووعه دكتورررره
الدكتوره:-يااا صلاوات صلاوات هذا راس الطفل
رهف:-بدا مفعول المغذي والوجع بقى مستمر ما أختفى هالمره طلبت من عندي أدفع دفعت وطلبت من عندي استمر ادفع بدون لا اخذ شهيق نفذت الكالته ..ولدت وبلححضه أختفى كل هذا الوجع والتعب من سمعت صوته يبجي نزلو دموعي وگمت اشتاهگ بالبجي جابته الدكتوره خلته على صدري شويه وأجت الممرضه تريد تاخذه حاجيتها بصوت مبحوح
-وين ماخذته
الممرضة:-نسبحه ونسويله فحوصات روتينيه نتأكد من سلامته لو متردين
رهف:-لا اخذيه عفيه ديري بالج عليه
الممرضه طلعت قلمها ورادت تكتب اسمعي عالورقه وتخليها اسوار بيده :-شنو أسمج
رهف:-"نطيتها اسمي واسم ابوي كتبتهم بايده واخذته وراحت أجتني وحده ثانيه كالت عندج خياط وأجت تخيطني وجع الخياط اقوى من وجع الولاده "
-عفيه اريد اسبح
الممرضه:-الجو بارد شلون تسبحين تغسلين بــس
رهف:-لا لا بالعكس من اسبح ارتاح اكو مي حار
ألممرضه:-اي اكو تعاي تكدرين تمشين
رهف:-"وكفت وهي ساعدتني ميحتاج اكول حجم الالم اللي اني بيه بسبب الخياط دخلتني للحمام وشغلتلي مي دافي كلتلها تجيبلي ملابس من امي وراحت مگالت لا غسلت جسمي وشعري باوعت لبطني بعدها منتفخه أجت الممرضه جايبتلي ملابس سديت المي واجت ساعدتني حتى ابدل مشطت شعري ولفيته خلتلي الشال على راسي ولفته ألي لبست جواريب وجاكيت ثخين مو زين عليه البرد يدخل بعضامي ولبستني العبايه
اول ماطلعت من الحمام واني لازمه الحايط بايد وايد الثاني هيه لازمتني وامشي ببطئ كعدت عالكرسي ودفعتني طالعين من الصاله الجبيره دخلتني للغرفه لكيتهم مرجعين أبني تحمدولي عالسلامه شهم شايل ابنه ويبوس بيه
من كعدتني الممرضه عالچربايه وشافني استقرين جابه واجاني خلاه بحصني وباس راسي باوعت لابني اريده يفتح حتى اسوف لون عيونه عليه لو على ابوه بــس مغمض وكل شويه مطلع لسانه يمكن جوعان سألت ماما وكالت اي رضعيه
-ماماالحليب ميصير هسه الا ورى يومين شلون
أم قاسم:-ماده صمغيه اكو هــآي تفيده
رهف:-سويت مثل مكالتلي واجت وكفت يمي تساعدني بديت ارضعه خطيه جوعان وصدري مابيه حليب سويناله ممه لان كام يبجي شلون مايجي شي من صدري
-شهم شنو حتسمي
شهم:-سميته وسام
رهف:-"أجه أخوه ابو يزن وياه مرته يتباركولي بقو تقريباً نص ساعه ورجعو وام غيث هم اجت هيه ورسلان وترف "
ترف:-اوي فدوه عادي اكله
رهف:-مو للأكل حبيبه
ترف:-شكد حلوو خالو يشبهك
شهم:-اي بعد خالج
ترف:-رسلان عادي ابقى اليوم هنا
رسلان:-لا ملون
ترف:-لعد من يرجعون للبيت
رسلان:-يوميه روحيلهم من الصبح لليل
ترف:-اوكي
رهف:-رجعو وبقت أم غيث يمي خاف نحتاج شي والصهر اجه عمي وابو رسلان هم باركولي وعمي شال وسام وعيونه دمعت مادري ليش ..بالليل أم غيث اجه زوجها هم شافنا وهم اخذها جابلي أكل نفسي مسدوده كعد گبالي وكام هو يوكلني ماما محتاره بوسام فتح عيونه لونهن بني يعني مطالع عليه شبعت اخذ الاكل وخلاه على صفحه ندك باب الغرفه ودخلو وسام وڤيان
ڤيان:-هلاوووو الحمدلله عالسلامه رهوف مبروووك عمووو
شهم:-الله يبارك بيج
وسام:-الحمدلله على سلامة المدام والف مبروك ابو ؟
شهم:-وسام
وسام:-ها
شهم:-ابو وسام بعد اخوك
وسام:-هههههه لا بربك تتشاقه
شهم:-والله سميته وسام
وسام:-بيها الخير لعد
شهم:-كل الخيرر
ڤيان:-بيبي نطيني الكتكوت خلي اشيله
أم قاسم:-خاف توكعينه مرعبله انتي
ڤيان:-يااا بيبي شهر الجاي اجيب لتخافين على حفيدج "اخذته من ايدها مغمض عيونه بسته حيل وضليت ابوس بخدوده نزعج وكام يعيط مو يبجي ضربته راجدي عالخفيف وعضيته من خده "
-وسام الصغيردفع ثمن اغلاط وسام الكبير
وسام:-اخذوه منها لا تخنكه اذا حاي تاخذ ثار بالولد
شهم:-لا ياطايحة الحض يجي ابنج لو مايجي
وسام:-ها خويه تحلفتلنا
شهم:-عضه وراجدي
وسام:-ڤيان رجعي ابن عمج ترى جاي يسجل
ڤيان:-ههههههه ، اكول رهف الولاده توجع
رهف:-يعني مو هواي
ڤيان:-هاا شو يكولون توجع
رهف:-اكو بيهن يبالغن
ڤيان:-هاا تمام
.
.
يتبع