راح انزللكم مقتطفات صارلي هواي ممنزلتلكم وترى القصه بيها بعد اكثر شي ١٠ بارتات وتنتهي اذا مو اقل وبارتات طويله فوگ ٢٠٠٠ كلمه نهاية البارت اريد توقعاتكم التجلط مثل كل مره ابقى صافنه شلون تفكرون 🤣🧿عين البارده عليكم
المقتطفات الراح انزلهم لعده بارتات مو بارت واحد
.
.
رفل:-صرت وحده منطويه الكتمان بدا يأثر على نفسيتي ملامحي وتعابير وجهي يبين عليها الحزن أني اكتم بــس شعري اضافري بشرتي وصحتي هيه اللي تدفع الثمن اني بنفسي اكول واحجي واصرخ عن اللي بداخلي واللي ديصير ويايه ماكو الشخص المناسب وماعرف احجي حتى لاقرب صديقاتي شوكت يخلص اللي بداخلي تعبت تعبت من كلشي ..لا اني الاتنازل ولا هو ثنيناتنا مكابرين والبرود محتل جزء كبير بينا
.
.
رسلان:-شلون تطلعين بدون لا اعرف ووحدج
ترف:-رسلان خلي أفهمك
رسلان:-ولج شتفهمين الضهر طالعه ووحدج ماشافج واحد من الطراطير الكاعديييين ليش محد منعهاااا من الطلعهه هاا انتو شنو ماعدكم غيره
سيف:-لا اله الا الله حتى من انام اتحاسب عالنومه ميصير هيج والعباس
ترف:-لتحجي عليهم سيف جان نايم ويحيى بغرفته محد جان جوه
رسلان" بغضب":-أمشي صعدي فوك ماريدج گدامي بسرعه بسرررعه
ترف:-صعدت وااني خايفه من عنده اول مره هيج اشوفه عصبي صراحه حقه لو اني منه اسوي الامضى شمايسوي حقه صعد ورايه دخل للغرفه وسد الباب حيل أجه يمي ولزمني من معصم أيدي معتصره بقوه
رسلان:-وين طلعتي وليشش وويه منــوو
ترف"ماعرف ليش چذبت عليه":-رحت لصديقتي
رسلان:-صديقتجج ترحيلها بالضهر الاحمر تتعنيلها وبدون لا احد يدري شنو من صديقه هــآي ترف ليش تبنين الجذب بيناتنا لتخيبين ضني بيج واخذ عليج نضره مو حلوه
ترف:-"دگ تليفوني رقم باوعنا ثنيناتنا عالتليفون سحبه وفتح الخط والسماعه بدون لا يحجي أجه صوت ولد يصيح 'الو ليش عفتيني ورحتي تتترف' سد الخط بوجهه شمرت التليفون بالكاع فلشه تفلش صاح بصوت عالي "
رسلان:-شنوووو هذاااااااااا سمعتييي شديكووول منووووو احجيييييي لتضلييين ساكتته
ترف:-والله ماعرفه رسلان اكيد هــآي خطه حتى يخربون بيناتنااااا
.
.
مصطفى :-يا كلب شمتصور روححك تأذي أختي محد يطلع بضهرها لا متوووهم
يزن:-مصطفى وخر من گدامي ترى روحي طالعه لتضل تشمر حجي انت مو گده مشكله اني ومرتي لتصير لوكي وتتدخل بشي مايعنيك ترى تشوف اللي ميعجبك
ضربه مصطفى بوكس على وجهه ويزن رجعله الضربه وبدأت حرب بيناتهم واحد يضرب الثاني طلع أبو يزن وامه على صوت الصياح حاول يفرق بيناتهم بــس إجته ضربه من مصطفى بالغلط إبتعد من عدهم وضل يصيح عليهم وهمه ماكو فايده عبالك ميسمعون إنفتح باب البيت ودخللهم شهم وابو قاسم ضرب طلقه بالهوا إلتفتو ثنيناتنم إله
شهم:-زعاطيط والله احنا بيا حال وانتو تتعاركون شجاكم شنو خليتو للغريب لعد
مصطفى:-هو تجاوز عليه مايعرف يحجي
يزن:-لا اجه هاجم عليه الصاير بيني وبين مرتي ماله اي حقق يتدخل
مصطفى:-اختي كاتلها ووموت الطفل ببطنها وهسه حالتها حاله تريدني ماتدخل ؟!..
.
.
رهف:-ماما بعد ماتحمل الوجع
أم قاسم:-يا يمه عالأقل خلي يخلص العرس مو عرستي انتي هم وياهم
رهف:-يمه والله وجع قوي
أم قاسم:-راح افورلج مي وهيل اذا عندج ولاده يزيد الوجع واذا ماكو يروح
رهف:-اي فدوه خطييه هسه الا بيوم العرس تحصرني الولاده
.....