خفايا ضابط
بارت٤٣
بقلم كهرمانه
🍃🍃🍃🍃🍃🍃
ترف:-مافهمنا شي من خالو كلش معصبب صعدلها فوك ومانسمع بــس الصريخ ندگ الباب وميفتحه إلنا خابرت رسلان بــس شفته فتح خط حجيت بسرعه
-رسلان تعال بسرعه خالو راح يموت مرته "سديته بدون لا اسمع رده صعدت بيبي الدرج مفزوعه هي وجدو وفهد ندگ بالباب نريده يرد علينا ماكو وبس صياحه عليها يغلط ويفشر وصوت تكسير بالغرفه خالو فتح الباب لازمها من شعرها سحلها من باب الغرفه ويريد ينزلها فهد راح وراه يريد يوكفه وجدو يصيح عليه نريد نفتهم يگوللنا ليش هيج سوه لازم اكو سبب جبير شمرها من نص الدرج للكاع شفت سيف واكف يباوع علييها بنضره شماته .. بيبي گامت تدك على راسها وتلطم
أم قاسم:-ولك شهم موتت البنيه ليش هيج شمسويتلك
ترف:-" فهد شال هبه وگال لبيبي امشي نروح للمستشفى البنيه فاقده الوعي اخذ مفاتيح سيارة جدو واخذوها للمستشفى لاگاهم رسلان بالباب دخل مفزوع خالو كاعد بالاستقبال وايده مجروحه وجدو واكف يصيح عليه
رسلان:-شصاير ليش مخبوصين شهم ليش كاتل مرتك ادري مشاكل بيناتكم مو هيج تأذيها
شهم :-اسكتووو من عنددييي اني متزوجلي وحده كحـ تصادق ولد وتتلزك لسيف تريد تسوي وياه علاقه ، همزين سيف طلع بيه خير ويعرف يتصرف واجه گلي
رسلان"التفت لسيف":-من شوكت هذا الحجي سيف
سيف:-متستاهلون وحده مثلها بيناتكم وصخه وتدور صداقات وحبچيات وهي متزوجه رسلان قبل لا تنزل عليه بالحجي هذا تليفوني موجود كل مراسلتها واني اصد بيها مليت يوميه مراسلتني لو مخابرتني حتى هنا گمت ما اجي من وراها خاف اشوفها وتباوعلي بنضره تفضحها وتفضحني وعبالكم شي بيناتنا
أبو قاسم:-شيخلصنا من اهلها لمن يعرفون الصار ببتهم يگلبونها عشاير وهمه ناس شرانيه
شهم:-خلي يطلعلي اكبر كو.. من اهلها يفتح حلكه اله اترسه قنادر بنت الزنا قليل بحقها شماسويت
ترف:-"بقه خالو ياكل بروحه اكل ويتوعد لاهلها اذا يهجمون علينا رسلان يهدي بيه وجدو كاعد يلومه اني رحت گعدت بالمطبخ وسيف واگف گبالي يتسمع عليهم شيحجون بــس زين سوه وكشفها قبل لا توكعه بشباكها وتصير خيانه من الطرفين ولو هو سيف ابد مو مال حب ولا اتوقعه يحب مماخذ الحياة بجديه .. خابر جدو على فهد وگله مرت خالو دخلوها للعنايه المركزه فاقده الوعي وعدها فطر بالجمجمه وجروح قويه سده من فهد وخابر خوالي نطاهم خبر وراح يجون يشوفون حل ويه هــآي المصيبه .. بالليل وصلو خبر لاهل هبه انو بنتهم بالمستشفى رايحين شايفينها وفهد متعارك وياهم شلون ميصيحن عليه ومطلعين حرگتهم بيه ويلومون ببيبي وكايلين اله نفصلكم ونسويها عشاير فهد عافها بالمستشفى جاب بيبي واجه وصللهم حجي أهلها ..وخالو گام راد يروح يهد عليهم واجه وسام لزمه ماخلاه يروح "
شهم:-فوكاها همه اهل الراهي اله اروح افضحهم
وسام:-اكعد واسكت لباجر نروح ونشوف شلون تصفه لتتخبل علينا
شهم:-والله ماعديها الها واشهرها بين اهلها
وسام:-شهم كبر عقلك شويه استر عليها وعوفها
أبو يزن:-ماتستاهل واحد يستر عليها خلي يسويلها عبره ويشمرها شمره الچلاب حتى بدون لا يطلكها يبقى معلگها
شهم:-لا اطلكها واخلص بــس اعوفها معلگه يرجعون يبلوني بيها واني لعبت نفسي منها
ترف:-"سويت چاي ووديته الهم بيد بيبي خابرتني ڤيان متعرف شصاير بالضبط گلت لبيبي راح اصعد لغرفتي عفتها وصعدت احجي ويه ڤيان
ڤيان:-ها ترف عمي شمسوي بمرته وسام اول ماخابره راح حتى ماگلي عرفت من حور
ترف:-ياا ولج مصيبه غير هبه تراسل بسيف وتخابره تريد تسوي وياه علاقه تتلزك بيه
ڤيان:-صخام الصخمني اي والله وبعدين
ترف:-سيف اجانه اليوم وهي مراسلته مخلي ومشوف المراسله مالتها لخالو وتخبلل من شاف الرسائل
ڤيان:-اوووي حيل وياها
ترف:-خطيه بالمستشفى
ڤيان :-لتگولين عليها خطيه من ايدها الديصير وياها
ترف:-الله يسامحها بعد
ڤيان:-وسام بعده يمكم
ترف:-اي بعده ليش محتاجه شي ادزلج بيده
ڤيان:-لا سلامتج گلبي بــس أسأل عليه
ترف:-بقيت احجي وياها شويه وسديته ..نزلت جوه يم بيبي وبقو خوالي لليل كلش يله راحو ثاني يوم الضهر سوو الكعده ببيت البنيه وراحو جدو وخوالي ورسلان ووسام وسيف وانمار
.
بيت اهل هبه
بعد الصياح والهوسه هدأو الطرفين وطلبو من الاب يحجي بهدوء اللي يريده بدون صياح وعصبيه
أبو هبه :-اني الصار ببنتي مو شويه والسبب ابنكم عود يعرف بالقانون وحفظ المرأة هيج يضربها بكل همجيه ووحشيه وميخلي بيها شي صاحي اني مأمنها يمك ابو قاسم ماموديها بحرب
شهم:-عمي أنت على عيني وراسي بــس بنتك مامؤدبه واخلاقها زفت خلي روحك بمكاني يجيك ابن اخوك يگلك مرتك تراسل بيه وتريد علاقة غراميه شتسوي
أبو هبه :-وابن اخوك يجوز يفتري عليها
سيف:-لا حجي انت دتهيني شمحصل بجيبي أجذب
شهم:-خابرتها من تليفونه وعبالها اني سيف وتأكدت ماسوي شي بدون تأكيد والدليل والمحادثات موجوده
أبو هبه:-البنيه تتطلك وفوكاها فصل خمسين مليون اي اني مارضى بغير هذا مو سويتو بيها عاهه وشمرتوها عليه
أبو قاسم:-استهدي بالله شنو فصل فوك ما الحق النا جاي تريد فصل
شهم:-أطلگ وغير الغايب مالكم حق
حجه عم هبه الچبير :-لا مانقبلها
شهم:-لعد تقبلون افضحها وسيرتكم تصير على كل لسان ها ومواقع التواصل يتمنون ريحة خبر مثل هذا حتى يطشونه
عمها:-عيب عليك هيج تسوي
شهم:-لعد مو عيب عليها من راحت تدور علاقات على رجلها خلي الله بين عيونك من الاخير طلاك والغايب الكم خصم الحجي
أبو رسلان:-عين العقل انهو هذا الزواج قبل لا تكبر المشكله والبنيه اخذت عقابها لا اكثر
"قرر يطلگها غيابي وابوها كفيل الها ومن تطلع من المستشفى يطلكها طلاگ محكمه ..رجعو المغرب للبيت وشهم طلب من عدهم ينسون هــآي السالفه ويفكرون بعرس رسلان"
ترف:-فرحت عبالي حيتأجل عرسي كم اسبوع بــس خالو طلب نكمل عادي ولنهتم مرن الأسبوعين من تأجير بدلات للصالون صبغ شعر وحفافه قليل كلش احاجي رسلان ملتهي بدوامه يلخص العنده حتى ياخذ اجازه مال عرس كم يوم ..وأكيد ڤيان اللي تمكيجني بــس التسريحه طلبت بالصالون لان هيه اكثر شي اختصاص مكياج وقبل يوم أجتني بالليل سوتلي شيره جسمي كله وعنايه بالبشره وماسكات
ترف:-عوفي تليفونج شويه واشتغلي عدل
ڤيان:-تعاي جيبي مجهر ودوري ورايه اذا لگيتي شعر
ترف:-ويامن دتحجين
ڤيان:-ويه زوجي هههههه
ترف:-هسه اليسمعج يگول متفارگين من اول ما اجيتي لهسه تحجين وياه
ڤيان:-شسوي غير مشتاقتله
ترف:-ياا شهالعياره كم ساعه صارلج من اجيتي حتى لحگتي تشتاقيله
ڤيان:-تجربين وتشوفين ،
ترف:-مو لهالدرجه
ڤيان:-يله روحي سبحي هسه وخلي مرطب ونزلي يم البنات
ترف:-وانتي وين رايحه
ڤيان:-اريد اخابر وسام
ترف:-هااا مخبلته برجعتج
ڤيان:-اي والله متصافين راح احسد وضعنا
ترف:-لا الله يحرسكم من كل شر اني رايحه اسبح وانتي اخذي راحتج الغرفه غرفتج
ڤيان:-"طلعت ترف من الغرفه قفلتها وخابرت وسام"
وسام:-هلا بهالصوت
ڤيان:-هلو بيك اليوم متنام
وسام:-يايوم اني نايم من وكت غير بــس بالصدف
ڤيان:-اي
وسام:-حسبي حسابج باجر ترجعين ويايه
ڤيان:-لاا انت مو گلت ابقي بالعرس اخذج
وسام:-مخبله اعوفج يومين ماصدگت ترجعين
ڤيان:-اصبر ان الله مع الصابرين
وسام:-يعني مابيج مجال
ڤيان:-لا ابد بالعرس ارجع وتدلل "بقيت احجي وياه للثنتين ونص الصبح نزلت لگيت ديم نايمه وترف بــس رفل وارجوان كاعدات
رفل:-بعد وكت وين چنتي
ڤيان:-ويه زوجي انتي شكو ، يله اني انعس اريد انام باجر ورانه كعده من الصبح وهم انطي راحه لچتافي باجر وراي رگص يابو رگص
رفل:-اي عيني نامي شكو عليج
ڤيان:-هههههه ليش مضغوطه من عندي شمسويتلج
رفل:-انتي مغروره عبالج الكل يغار منج
ڤيان:-الحمدلله على كلشي "خليت راسي عالمخده ونمت.. نمنا بالصاله حتى بيبي تگعدنا دفرات مابيها الصبح تصعد فوك تگعدنا ..ما احس الصبح الأ على امي تشيل بالفراشات واحنا نايمين تدفعنا من الفراشات وتلم بيهن تكعد بينا وماكو نايميات متأخرات
أم يزن:-تعاي عمه ذني شلت الفراشات وبقن نايمات بالكاع وام الكوشه بالطريق جايه شلون بينا
أم قاسم:-حاولي اخر مره وياهن اذا ماگعدن الا أجيب طشت مال مي واشمره عليهن
أم يزن:-يله رفلل ڤيانن ترف يا امي اكعدن ام الكوشه بالطريق
ڤيان:-يمه نايمه بالثنتين ونص عوفيني
أم يزن:-شعندج نايمه بالثنتين ونص ماتدرين ورانه حنه وام الكوشه تجي من غبشه
ڤيان:-بعدني داحجي وياها واجت بيبي گالت المره هيه والعمال بالباب طفرت من مكاني اني وكفشتي وكعدتهن دخلت للحمام اسبح حتى بعد التهي وينشف شعري براحته طلعت تريگت ويه البنات بقينا گاعدين بالتسعه أجت حور وترف راحت للصالون تسوي تسريحه وترجع الباقي اني اكمله الها نضفنا البيت وديم واكفه على راسي تريدني أمكيجها
ديم:-يله فيفو مو خلصتي تعاي شعندج بعد عوفي خلي رفل تكمل متعوده عالكرب انتي اهم شي ترتاحين
ڤيان:-وخري ديم كافي تلحين ابدي بترف تجي امكيجها واخلص يله انتي
ديم:-ها مو خاف متلحگين
ڤيان:-وليش مالحگ عيوني ماعندي شي
ديم:-أ أرجوان هم لازمه سره ورفل وحور وزمن بنت خاله ماجده ورفيف أني كلت لرفيف وزمن خلي ڤيان تمكيج الجن تعالن من وكت حتى خاله ماجده كالت اريدها تمكيجني
ڤيان:-الله يطيح حضچچ بعد عزمي العشيره كلها خل امكيجهن ومطيتهن سره هم غيررر تررف وحور ما امكيج زين لو لا اني هم اريد التفت لروحي مو اخلصجن وحده وره الثانيه والبنات يلتمن عليه هــآي التريد ايلاينر هــآي التريد رسمة عين وتروح عليه الحنه لاا
ديم:-انتي بــس اكعدي بغرفة ترف واحنا نجيج بالبسكوت
ڤيان:-ماااامااااااااا سمعييي ديييييم شتگوللل راح تخبلنيييييي عازمه البناتتت
أم يزن:-وقزالقط واذا مكيجتيهن
ڤيان:-سهلللله ماما معليه بيهن بــس حور وترف امكيجهن
ديم:-وشمعنا بــس حور عيني
ڤيان:-كور متگدر تمكيج روحها تتعب
ديم:-زين بــس اني هسه سويلي عيوني ومعليج بالباقي
ڤيان:-"قشمرتني ومكيجتها مكياج كامل على ما انتضر ترف تجي اجتني رفل مكيجتها وراها حور بعدين اجت ترف من الصالون خليتلها مكياج هادئ برونزي على مشمشيات لان بدلتها لون زيتوني موديله خلصتها باوعت عالساعه ب١١ونص اجت أرجوان تتمسكن يمي بقت عليها مكيجتها اكلت واني واكفه عالسريع وعفتهن صعدت فوك بالغرفه الامكيج بيها دخلت وقفلت الباب مكيجت براحتي وسويت شعري خلصت حتى فستاني لبسته خابرت ترف حتى تصعد والبسها البدله .. لبستها البدله ورشيتلها سبري لمع مال جسم وعطر والذهب مالتها هم لبسته الها طلعت تخبلل جمالهاا يسحررر ..واني اباوعلها حصرتني البچيه حضنتها وهي حست عليه
ترف:-ليش عيونج يلمعن جنج راح تبجين
ڤيان:-لان طالعه احلى من عندي
ترف:-كبررر عبالي مدري شبيج
ڤيان:-هههههه يله امشي ننزل حياتوو
ترف:-طلعت من الغرفه مشيت لغرفة فهد دگيت الباب إجاني صوته يأذنلي بالدخول.. دخلت للغرفه أول ماشافني بالبدله أبتسم وگام يتمشى اتجاهي
فهد:-الدنيا كلها تروح سبع فدوات لجمالج احلى عروس شافتها عيني
ترف:-هههههه طالعه حلوه
فهد:-تخبلين بنيتي كبرتي وباجر عرسج ولا اصدك
ترف:-فهدد راح ابجي والله
فهد:-ليش تبجي منــوو ضوجج
ترف:-مو حصير بعيده عنك
فهد:-مو بعيده يوميه اجيج اني اصلاً ساكنهم بيت خالي قاسم
ترف:-وعد تجيني يوميه
فهد:-يومميييه من عندي مجال اجي
ترف:-اوك هسه رايحه انزل
فهد:-منــوو موجود اريد اطلع
ترف:-اطلع هسه مادام بعد ماجايين بنات "طلعت من الغرفه لگيت ڤيان منتضرتني يم الدرج حتى ننزل اني وياها لزمت ايدي ونزلتني البيت بيه خوات بيبي وخالة ڤيان هيه وبناتها وعائلتنا ..والمعازيم بعدهم مجايين سمعت صوت الهلاهل تتعالى وصلت لنهاية الدرج اجت خاله ام غيث تقرا عليه المعوذات من العين
أم غيث:-يمه صدقه لهالجمال اللهم صلي على محمد وال محمد
ترف:-ابتسمتلها واجت بيبي باستني هيه وخاله ام يزن فرحانات بيه شگد احبهن ابد ماحسسني بنقص الام كعدت عالكوشه وڤيان شغلت الديجي بعدها بالوحده ونص وهي تركص من هسه سوت واهس للبنات يگومن وياها حتى اني رگصتني شويه وگعدت لان بنات گامن يجن وكرايب هواييه إستمرت الحفله للأربعه العصر وگالت بيبي راح يجي العريس يحنى العروس لبسوني مثل البرگع قماشه تور لونه أحمر على راسي دخل رسلان سوينا مراسيم الحنه باسني بگصتي وشاورني
رسلان:-شيصبرني لباجر راح اطك
ترف:-إبتسمت بربكه بقه كاعد يمي دقايق وطلع بقت الحفله لليل البنات يرگصن ولا كعدن وخوات بيبي گلبنها طرب يدگدگن على الجدوره يسون ايقاع ويركصن صدك ضحكني ..خلصت الحفله ونزعت البدله دخلت سبحت واكلت ونمنا من التعب
ڤيان:-نامت البنات والساعه بالوحده اجاني عمي كلي وسام يريدج جوه تفاجأت شعنده جاي هيج وكت نزلتله عبالي بيه شي دخلت للاستقبال منتضرني لكيته وحده
-وسام ليش جاي هيج وكت بيك شي
وسام:-مابيه شي هسونا اجينا اني وشهم من بيت عمج وكلتله صيحلي ڤيان اريد اشوفها واروح بيها شي
ڤيان:-لا مابيها
وسام:-ما الج نيه تجين وياي
ڤيان:-هههههه لاا ما اجي تريد تصبيره اخذ من لباجر "وگفت گباله وخليت ايديه على رگبته هو حضني من خصري وقربني إله بساني بشفتي بكل قوته بعدين دفعته اختنگت اريد اتنفس
وسام:-اليوم فلتتي من ايدي بــس باجر وين تفلتين
ڤيان:-يمه ناوي عليه ههههه
وسام:-اروح ملح لهالضحكه
ڤيان:-" رجع باسني بخدي واخذله حضنه وطلع رافقته لباب البيت سديته ودخلت جوه بطريقي للفراش نمت مرتاحه الحمدلله على هــآي الراحه ..
كعدنا ثاني يوم بالتسعه تريگت ونصفنا البيت وسبحت راحت ترف للصالون ومكيجت البنات مثل البارحه على مارجعت ترف مكيجتها ولبستها البدله خلصت من وكت والتهيت بروحي هم لازم اطلع حلوه اليوم ارجع لزوجي خلصت ولميت غراضي ..
نزلنا أني والبنات جوه كعدت ترف بالكوشه مالتها وحبيت اغيرلها جو شفتها متوتره كلش رحت لفهد گلتله تعال ترف ضايجه شغلت الديجي واجه فهد سلم عليهت ولزمها من ايدها وهو يركص وياها حتى يضحكها شويه وكدر ينفه عنها بالفعل ..
ترف:-"لبست البدله البيضه ومكيجتني ڤيان باوعت على روحي بالمرايا وصورة امي متفارگني سبحان الله نفس الملامح نزلت جوه وبيبي شافتني نزلو دموعها اكيد تذكرت ماما بقين ضايجه وافكر خايفه من نهاية اليوم وليلة الدخله هواي افكررر ..اجه فهد باسني بخذي ولزم ايدي وكومني وياه نركص على الاغاني
ابتسمتله مبين فرحان الي وعيونه نضراتهن تلمع طبعاً جدي وخالو شهم صارو من اهل العريس بقه بــس فهد ويايه خررب هــآي احاسبهم عليها ورى العرس
الساعه ب٣سمعنا صوت الهورنات مال الزفه واني گلبي كام يدك بالدقيقه الف مرتبكه أجت خاله ان غيث خلت الكب على راسي حتى ليبين شعري دخل رسلان ورى شويه وياه جدو وخالو قاسم وخالو شهم. كعد بصفي واباوع عالنسوان يهوسن خمس دقايق هواي صاحو يله ..
لزمني من ايدي ومشينا للسياره السياره هم يسوقها واني بصفه وبيتهم قريب الزفه صارت فره بمناطق بغداد القريبه علينه كلش حلوه صارت وكل شويه سيف وجماعته السرسريه ينزلون بنص الشارع يركصون ومصعد وياه بالسياره فرقه مال مزيقه عراقيه جنه مامصدك اخو معرس ..
وصلنا للبيت ودخل السياره للطرمه مالتهم نزل اول شي وفتحلي الباب ساعدني حتى انزل ذبحو خروف جوه رجلي وطاسه مي دفرتها برجلي يله فتت للبيت دخلنا وبقه كاعد شويه وطلع بقيت اني والنسوان يركصن الكل فرحان بالعرس ماكو واحد حاقد لان اني مسالمة ويه الكل محد يكرهني ..
أذن المغرب وصبو العشه أجتني ڤيان گالت امشي اصعدج لغرفتج صعدتني ولاگتنا امها
أم يزن:-تردن اجي وياجن
ڤيان:-لا ماما حبيبتي ميحتاج
ترف:-صعدتني للغرفه قبل بوكت فتحتلي التسريحه ومشطت شعري حتى لا انفش خففت من الحمره علمود لا اتملطخ وبدت توصي بيه كلتلها خايفه
ڤيان:-ترف اهم شي متعاندينه تمام سلمي روحج هو يحبج ومراح يأذيج صدكي متخوف اني بــس سلميه روحج وخلي ثقتج بيه عاليه واهم شي لتشنجين روحج واذا مستعجل لتضلين تطولين وياه تخلص عالسريع
ترف:-اي صار مثل ماگلتي
ڤيان:-امشي وراي ومعليج
ترف:-خاف امشي وراح ويطيح حصي والله هواي مشيت وراج
ڤيان:-امداج جنت مافتهم هسه صرت مره ام بيت كلشي اعرف
ترف:-نزعيني البدله
ڤيان:-لا يمه وهو شنو شغله
ترف:-هاا "سمعت صوت هوسات مال زلم ودبچ "
ڤيان:-يله حبيبتي زفوه بيباي مو تنسين الگلتلج عليه وأول مايطلع من الغرفه اجيج
ترف :-اي فدوه مو تتأخرين لو تلتهين
ڤيان:-حبقى كاعده يم الدرج "سديت باب غرفتها ونزلت "
ترف:-"شويه ودخل رسلان للغرفه تقدم من عندي باسني بگصتي وباركلي بعدها تركني ودخل للحمام اتوضى وطلع فرش السجاده وصلى ركعتين لف المصلايه واجه گعد بصفي
رسلان:-نادر نذر بــس اتزوجج اصلي ركعتين شكر لرب العالمين
ترف:-هنيالي بيك والله "وگفني گباله وبدا يفتح بسحاب البدله جمدت أطرافي ومابديت أي ردة فعل طبع بوسه ع چتفي ودارني إله نزل ردان البدله وكعت بالكاع قرب وجهه من وجهي تخالطت أنفاسنا باسني بشفتي واتممنا ليلتنا سوا
.
.
يتبع