هلو بنات
أسفه تأخرت عليكم بالنشر
بــس صار يومين بوعكه صحيه اسم الله عليكم تسمعون العافيه
مشاكل بالجلد حساسيه ماعرف مرض مزمن داراجع علموده وهسه كملت البارت واني بالسياره متجهه للدكتور وانشاءالله خير ..ادعولي حبايب تعدي على خير وميطلع شي موزين
....
ضابط
بارت٣٩
بقلم كهرمانه
🍃🍃🍃🍃🍃🍃🍃
ترف:-صعدت لغرفتي حضرتلي ملابس ورحت سبحت وبدلت وحضرتلي ملابس خاف نبقى بالمزرعه يومين صارت الساعه ب ٣ونص نزلت كامله لگيت مرت خالو قبلنا كاعده جوه
شهم:-وين ڤيان يله شوكت نطلع بعد لازم قبل المغرب هناك
ڤيان'تنزل الدرج وتحجي':-اي عمو اجيت يله
ترف:-"أجه رسلان حتى ياخذ الغرض بسيارته جدو كال روحي وياه السياره مال شهم تصير ضكه ومتاخذون راحتكم "
ڤيان:-أجي وياكم اني اختنك هم
رسلان:-يله امشن لعد اني بــس إلياس وياي
ترف:-"أخذ رسلان الغراض وطلع لسيارته صعدنا اني وڤيان ليورى حرك السياره يسوق بسرعه واني اخاف من السرعه "
ترف:-رسلان خفف السرعه
رسلان:-هو طريق سريع اذا امشي وراج لباجر يله نوصل
ترف:-بــس موهيج اخاف من السرعه " ماسمع كلامي واستمر يسوق بسرعه اخاف تطلعلنا سياره منا منا ويصيرلنا قدر ورى مدة طويله وصلنا للمزرعه بعدهم محد جاي. دخلنا للمزرعه تلگانه الفلاح سلم علينا ورحب بينا مشيت اني وفيان جوه وبقو همه يسولفون ويه الفلاح ..فتت للبيت مال المزرعه نضيف الضاهر دينضوه العمال هنا صعدت للصاله الفوك خليت غراضي ونزلت لگيت خالو قاسم واصل سلمت عليه وعلى اخوة رسلان ..واجه خالو شهم ورى دقايق الكل صار موجود ماعدا حور راحت يم بيت جدها اهل امها قريبين ..طريق المزرعه طويل ويزن ماقبل تجي يخاف عليها .. تعشينا بالحديقه سفره وحده ، ورى العشه لمينا المواعين وغسلناهن مدري شلون اجت عيني على خالو غمز لرسلان مدري شعدهم ورى ثواني رسلان كام وصل يمي كال ترف تعاي محتاجج بشغله ..طبعاً فدد حرجني الكل كاعد وهو اجه يريدني خرب مشى واني ستأذنت من الكل ورحت وراه ..
"شهم غمز لرسلان حتى ياخذها ويكول للباقين بسالفة فهد حتى من يشوفونه ليتفاجئون ..
ترف:-اخذني رسلان بالطابق الثاني دخلن بغرفه من الغرف سد الباب والتفت "
رسلان:-كل عام وانتي بخير حبيبتي انشاءالله ميلادج الثاني انتي يمي، والله يخليني الج اعوضج عن كل حرمان شفتيه بحياتج وسنينج الفاتن .. انشاءالله اني اول واحد عايدتج
ترف:-رسلان اني اكثر وحده محضوضه حالياً بشخص مثلك ..والله من يوم الرتبطت بيك أكثر ايامي سعاده وراحة بال ..انت مثل ماجنت اريد واكثر الحمدلله تخاف ربك قبل ومخلي بين عيونك معناها ابد مراح تضلمني ..اكثر شي احبه بيك جانبك الحنون واللي محد شايفه غيري الله يحفضك الي تنورلي سنيني ،مــآريد اي هديه من عندك وجودك كبالي اكبر هديه
رسلان:-لج اعشقج
ترف:-واني اموت عليك "حضني وكال"
رسلان:-ترف حضري روحج لصدمه ماريدج تنفعلن شتشوفين ماريدج تنفعلين
ترف:-عمري خوفتني
رسلان:-والله صدمه تفرحج بــس اريد منج تلزمين اعصابج وتحسبين حساب للي حتشوفي خاصتاً انتي عندج انهيار عصبي
ترف:-شنو تكون الصدمه بــس لا تأذيني
رسلان:-والله ترجع ضحكتج المخفيه وتشرح صدرج وكل همومج تنسيها
ترف:-شوكت
رسلان:-تعاي هسه احنا شعدنا نلحك عالصدمات شويه وننزل
ترف:-يمه بديت تخوفني ترى من طريقة كلامك
رسلان:-هههههه ولج تعاي لتخافين
ترف:-"إلتهيت اسولف وياه شويه واجته مكالمه رفع نضره إلي حسيته جان مرتبك إبتسملي وباوع بعيوني مدلي إيده وكال يله امشي خلي ننزل
لزمت ايده فتح الباب ونزلنا الدرج متوجهين للحديقه البره شفت ميز وزينة عيد ميلاد باوعت عليهم وابتسمت هيه هــآي النفاجئ الصادمه إنتبهت على وسام كاعد على كرسي مخلي رحل على رجلي سلمت عليه وهو عايدني باوعت لبيبي ونسوان خوالي مبينات باجيات عفيه دخت شديصير ..
سيف:-صفنت صابتها عطسه دتعاي طفي الشموع وكصي الكيكه خلي نشغل المبردات مو معنا من الحر
ترف:-هههههه وجع اصبر "وكفت گبال الكيكه نفخت عالشموع ٢٠ شمعه داير ميدور الكيكه صفگولي شفت خيال شخص واكف بصفي عبالي خالو لو غيره كصيت الكيكه ودرت وجهي عالشخص الواكف بصفي ماصدگت عيوني معقوله اشتياقي لاخويه صرت اشوفه بصفي ردت أتأكد باوعت عالوجوه رسلان مبتسم وخالو كذلك ومتچتف يباوعلنا بيبي تبجي ونسوان خوالي وڤيان هم تبجي ..لزمت ايده أتأكد خاف خيال طلع مو خيال غمضت عيوني شويه ورجعت فتحتهن بعده واكف
فهد:-ترف يانضر عيني ممشتاقه لاخوج بعد روحي صدكي اني واكف يمج متت جنت مخطوف حبيبتي انتي "صرخت من الصدمه صرخه بدون توقف ضربتها اجاها رسلان يركض ومرت خالي جابت مي بارد رشته عليها ماكو على فد صرخه ضربناها راجديات عالخفيف وميفيد صار وجهها ازرك وبعدها تصرخ گرصتها بقوه من خشمها ونزلته أغمى عليها ..
شهم:-عوفوها شويه وتصحى هذا الانهيار أثر عليها
فهد:-سلمت عالموجودين واليوم حسيت بنسوان خوالي شكد اني عزيز بالنسه الهن عبالك امهاتي وبيبي الماكدرت توكف على طولها من وصلت يمها حضنتها واستقبلتني مدري تبجي مدري تهلهل حضنتها حيل مشتاقلها ومشتاق لوجهها اليبعث الطمأنينه الي
أم قاسم:-يمه فهد هيج وطلعت عايش من فدوه اروح لطولك بعد ماخليك تعتب باب الشارع
فهد:-يوم على كيفج ترى ماكو بعد خطر عليه هايهيه كلمن اخذ حقه واكثر بزود اخوتي
أم قاسم:-الله كون يخليهم وابد ميشوفهم يوم شر كلمن تعب علمود ها وگفتك كدامنا ،ووسام الف رحمة وطيب لامك على هالتربيه الذهب الله انشالله يرزقك ببنت الحلال التسعدك وتتوفق بحياتك ،راح ابقى ادعيلك مادامني عايشه
وسام:-فرحتكم هــآي ورجوع فهد بيناتنا تسوه الدنيا ومابيها
أبو قاسم:-أصيل بعد ابوك
فهد:-"أخذ ترف من حضن مرت خاله وشالها"
رسلان:-وين الله وياك
فهد:-اكعدها جوه واحاول بلكي تصحى "أخذتها للصاله مددتها عالتخم ورحت جبت مي بارد گرصتها كرصه قويه بخشمها وغسلت وجها بمي بارد كعدت أثر الكرصه قويه ،فتحت عيونها مامصدگه
ترف:-مداستوعب انت كدامي وروح امي
فهد:-لا صدكي ترف اني جنت مخطوف والجثه الجابوها الكم مال شخص غير حتى تقتعون الأمل بوجودي حتى عينة فحص الدم مزوريها
ترف:-"حضنته بقوه ودموعي ماگدرت اسيطر عليهن"..بعد لتعوفني والله يوميه اتذكرك وابجي بقيت عايشه بحسره غرفتك روح اصعدلها وشوفها من اول ماغبت لهسه محد طاخها
فهد:-عمامي هم تعرضولج
ترف:-لا وحتى يجوز متعرضيلي ومادري رسلان بضهري وميخلي طير الطاير يوصلني
فهد:-بعد ممنوع تبجين اني وصرت كدامج اكو شي تبجين عليه يله مسحي دموعج
ترف:-دموع الفرح هايه اني اسعد انسانه هسه رجعلي روحي من الدنيا "حجه بصوت ناصي"
فهد:-اريد أستفسر على شي
ترف"عرفت على شنو راح يسأل":-ها خويه شنو تريد تعرف
فهد:-حور شلونها ليش ماشفتها هنا
ترف:-شلون أكولك ياها
فهد:-ادري متزوجه يزن وهسه حامل
ترف:-اي سوده عليه حتى حب حياتك راح من عندك ، حور بخير ومن رحت لليوم صارت كئيبه منعزله قليلة الكلام تصفن هواي ميسعدها شي تركت دراستها
فهد:-شنووووو ليش هذا كله خاف يزن مو زين وياها لو اهله
ترف:-لا يزن واهله طايرين بيها بــس هيه قبل لاتنخطف جانت تريد توصلك بكل جاره وتحجيلك مشاعرها تجاهك اكتشفت انو تحبك ورادت تعتذر من عندك بــس صار اللي صار وهي لهسه متندمه تركت دراستها لان كالت ماكدر اقرا واركز اجوها خطابه وخطابتها كثرت ف خالو هاشم مقبل تروح للغريب زوجها ليزن
فهد:-الله يسعدها ويوفقها بحياتها
ترف:-ليش ماضجت ولانفعلت
فهد:-شترديني اسوي اروح اعاركهم ،اذا هيه عبالها ميت تردينها تبقى عايشه علمود واحد ميت مايرجع بــس الله يعلم بنار البداخلي ادعيلي تطفا والله يبردلي كلبي
ترف:-شكد دام حبك الها
فهد:-سنه
ترف:-الله كريم عمري
فهد:-ليش تكرصين بروحج بعدج ممصدكه وجودي كبالج
ترف:-اي والله عبالك بحلم واكرص بروحي حتى أتأكد
فهد:-هههههههه خبله وعلي
ترف:-هسه شحتسوي
فهد:-شسوي احاول انساها
ترف:-تگدر
فهد:-طبعاً لازم انساها واعيش حياتي
ترف:-ليش مانخطبلك وخلي عرسك ويه يوم عرسي
فهد:-لا خيتي الحگ عـ المره وشلعان الكلب خليني مرتاح هالكم يوم
ترف:-براحتك احجيلي شلون طلعت من عدهم ومنو ساعدك وكلشييي "حجالي كل معاناته واني دموعي يصبن اخوي شاف كل هذا العذاب ومحد يمه وكال بعد عندي نوبات تجيني يعني ممتشافي ميه بالميه ،وسام كلش كبر بعيني عالسواه..فهد عافني وصعد لغرفه من الغرف كال اريد ارتاح راسي يوجعني تركته براحته ،راسي بعد يوجعني من الصدمه تمددت وغمضت عيوني غفيت وفزيت على اصوات كاعدات يمي بيبي ونسوان خوالي حسيت ايد على راسي فتحت عيوني وباوعت اني نايمه بحضن ڤيان ومخليه ايدها على راسي
ڤيان:-هلاو صح النومه ياحلو
ترف"ابتسمتلها":-يصح بدنج
ڤيان:-يمه همم ونزاح من صدري شوف وجهج شلون منور فدوا
ترف:-ههههه شايله همي اكثر من عندي
ڤيان:-شعندي غيرج احبل اجيب
ترف:-طبعاً عندج غيري حبيب الگلب
ڤيان:-هشش سكتي لايجيج كف يلعلع
ترف:-اوك سكتت "گمت لبيبي فرحانه تسولف وتضحك الضحكه ممفارگتها حضنتها وبسته وهي هم حضنتني "
أم يزن:-هههههه ترف راح تطيرين الله يديمها عليج الفرحه حبيبتي
ترف:-تسلمين عمه بوجودكم افرح طبعاً بقه بــس حور تطلع هي وزعطوطاتها بالسلامه حتى تكمل
ام يزن :-ان شاء الله
أم قاسم:-ديري بالج عليها صدك لتخليها تصعد فوك
ام يزن:-عمه كلشي ماخليها تسوي ومحذرتها اني والبنات ومتقبل نلكاها تنضف بغرفتها من تصعد بالليل شكد الغي وياها تعاند
أم قاسم:-اني اكلج لتخلينها وحدها بــس هالشهرين خلي وحده من البنات من تصعد لغرفتها تروح وراها لحد مايجي رجلها
أم يزن:-اي هو اني هيج كلت للبنات
ترف:-اني رايحه اشوف فهودي "گمزت من مكاني وطلعت ركض عدلت حجابي خاف واحد فوك من الولد ووصلت للصاله لكيت يحيى جاي يريد ينزل
-حياوي وين فهد بيا غرفه نايم
يحيى:-هــآي اول غرفه كاعد بيها يمه رجلج
ترف:-اهاا "مشيت للغرفه فتحت الباب لكيت يحيى متمدد ومخلي ايده على راسه من دخلت رفع ايده وباوع ناحيتي
فهد:-هلا
ترف:-شلون صرت راح وجع راسك
فهد شويه أحــسن
رسلان:-راحت علينا احنا صرنا بالـ بيباي
ترف:-ههههه لا شلون
فهد:-رسلان ولك شتريد من عدها غير صارلها هواي مشايفتني صير على صفحه رحمه لاهلك
رسلان:-صــآيـر وداعتك
فهد:-ايي عفيه
ترف:-تطمنت على فهد ونزلت كعدت يم البنات يحشن بالعالم حتى بيبي ويانه كاعده تسولف وعلى اقل موقف نفطس ضحك ،عدا مرت خالو كاعده على صفحه وعينها بتليفونها ڤيان كل شويه تندسني من تروح تكعد يمها تلكاها تتصفح طبيعي يعني ماعدها شي ليش متشاركنا ماعرف ...
.
.
سيف:-كاعد يمهم وبالي بغير عالم عالمواقف الديصيرن ويايه مــآريد اضلم البنيه يجوز بطبعها هيه هيج تصرفاتها ويه الكل مو بــس ويايه ،اللي صار وجاذب انتباهي ومغلس عليه مرت عمي نضراتها إلي اكو وراهن شي وصار مرتين من اشوفها تبتسلمي واليوم غمزتلي .. زين يكولون عليها معقده ومتختلط بينا ولا تجامل ليش دتسوي هيج وكل متشوفني ابتسامتها تشك حلگها خل اتأكد من اللبالي واذا طلع صدك إلا افضحها كدام عمي صحيت على روحي يحيى يهز بيه
يحيى:-ها نصكيت مو دنحجي وياك
سيف:-شتريد خير
أمير :-ها قريني عشگت
سيف:-لا بــس اكو ببالي حسبه
أمير:-يعني حسبة حب
سيف:-وجهي مال حب وعاطفه
يحيى:-غير امها داعيه عليها التحبك
سيف:-هههههه متضحك ترى
وسام:-عافهم كاعدين وكام
سيف:-وين الله وياك عايفنا
وسام:-عندي كم كلمه احجيهن ويه جدك
سيف:-هاااا
وسام:-رحت لابو قاسم كاعد ويه ولده
-ها حجي الله يساعدك
أبو قاسم:-هلا هلا تعال ابني
وسام:-لا اريدك بموضوع اذا مابيها زحمه
أبو قاسم:-يعني على انفراد
وسام:-اي والله شي خصوصي "لزم العوجيه مالته وكام اجه يمي ومشينا مبتعدين عنهم وصلنا مسافه شويه بعيده عليهم بالمزرعه
أبو قاسم:-احجي اذا عندك مشكله لو طلب اعتبره صــآيـر
وسام:-والله يابويه جايك بطلب وماريدك تفشلني
أبو قاسم:-عيوني اذا تريدهن مايغلن عليك
وسام:-سالمه عيونك حجي ،اجيت احاجيك علمود الأمانه العدكم رايد ارجعها
أبو قاسم:-يا أمانه
وسام:-ڤيان اريد اعقد عليها
أبو قاسم:-سهله ،بــس هيه منــوو يكول تقبل بيك
وسام:-يابه الله يخليك حتى لو تجبرها وتقسي عليها بعدين نتصافه ادري بيها متطيق وجودي بــس اني رايدها وشاريها
أبو قاسم:-أعتبرها صارلتك اول مانرجع من المزرعه جيب سيد وتعال حتى بدون حاضر وغايب انطيك ياها واعتبرها هديه من عندي الك
وسام:-الله يخليك ويحفضك خيمه على راسنا
أبو قاسم:-والله شما نسوي منجازيك عالسويته
وسام:-محسسيني فهد غريب ترى ابن عمي من دمي ولحمي اليصيبه يصيبني ،وابو فهد الله يرحمه لو ماهو اني ماجان وصلت ولاشتغلت وكف بوجه ابوي وسجلني بمدرسه وسواني مثل الأوادم لحد عمر ال١٤سنه قبل ليموت هو يدعمني ومسويلي حافز علمود انجح ومتكفل بكل صغيره وجبيره تريد كل هذا انساه لو مساعدته لامي وزرعه السماعه الها وحققلها حلم خلاها تسمع مثلنا كلشي ما انسه اني ومنتضر فرصه ارد الدين ورديته برجعة فهد وحقهم من املاك ابوهم
أبو قاسم:-ذهب ذهب انت وسام
وسام:-هسه من نرجع اجيب واحد يعقدلي
أبو قاسم:-اعتبرها صارت مرتك ولتشيل هم
وسام:-"كلبي يريدها وعقلي رافضها قررت انشي ورى كلبي واترك عقلي يمسلت وحده بــس اذا زلت لو غلطت ورجعت بطبعها القديم الا اندمها واعيد تربيتها من جديد متحلف بيها كلش مو شلون ماكان مشينا اني وابو قاسم راجعين الهم هو رجع كعد ويه ولده واني يم الولد ..
.
.
رفل :-الساعه بالأربعه ونص الصبح الكل نايم ماعدانا اني وأرجوان كاعدين بره ورى البيت ننتضر شروق الشمس أرجوان كامت تغفي وهي كاعده عود شاربين كهوه ومتفقين نصور الشروق احب الفجر لمن يطلع واحب الغروب
أرجوان:-رفل انا لا اقدر عفيه امشي خلي نروح ننام اليوم الشمس متقبل تطلع
رفل:-لاااا بدا الجو يكشف خليج يمي
ارجوان:-يابه دطيري رايحه انام
رفل:-اوك اني باقيه هنا لعد عوفي تليفونج داريد اصور بيه اثبته واني تليفوني اضل اتصفح بي "راحت إرجوان واني بقيت كاعده وحدي إذن قبل شويه صليت وكعدنا اني وارجوان بره فتحت التليفون وثبتته على جهه معينه يصورها وبقيت كاعده اراقب واتصفح بالتليفون سمعت صوت طكطكه مال باب مادرت بال ورى دقيقه او اقل شفت انمار اجه كعد بصفي فهيت من شفته وفزعت بنفس الوكت حجابي ع جتفي شامرته خليته على راسه
أنمار:-هيج تخافين من عندي
رفل:-احترام الك لأن تضوج تشوفني بدون حجاب
أنمار:-اي صحيح اضوج، شلونج
رفل"حسيت خدودي شتعلن نار جاوبته ":-الحمدلله انت شلونك
أنمار:-على الله شعندج كاعده وحدج هنا منتضره احد؟؟
رفل:-لا والله شوف داصور الشروق احب اباوع عالشمس من تطلع
أنمار:-هذا يدل على شخصيتج الهادئه
رفل:-ايي ،انت شعندك هنا
أنمار:-صار الأذان ونزلت اصلي شفتج من الشباك كاعده وحدج
رفل:-هاا
أنمار:-ليش مماخذه راحتج إذا تردين اكوم عادي
رفل:-ها لا أ أني نعست حروح انام "وكفت اخذت التليفونات وكمت مريت من عنده لزم أيدي وكفت مكدرت امشي"
أنمار:-تعاي كعدي اني راح اروح وانتي اخذي راحتج
رفل:-لا لا خليك حرجع اكعد بــس اعذرني والله منحرجه من عندك ماعرف شلون اوصلها الك يعني
أنمار:-وصلت ميحتاج تشرحين
رفل"حسيته ميريدني اروح كعدت بمكاني باوعتله منزل عيونه بالكاع ثواني رفع عيونه الي أجت عيني بعينه "
أنمار:-رفل تعرفين بيه احبج
رفل:-اي
أنمار:-ماريدج تستحين من عندي اني ما أكل اوادم
رفل:-مادري اخجل والله ممتعوده عليك واني يعني ماجنت اعرفك ولا ملتقيه بيك مثل ولد عمو مثنى يعني متعوده عليهم ، انتو شويه اخجل م عدكم حتى من عمو قاسم استحي ماعرف ليش
أنمار:-اخذي راحتج ويايه اعتبريني صديقج
رفل:-اوكي
أنمار :-اي وين واصله بالدراسه
رفل:-تاركه الدراسه مابيها مستقبل عدنا
أنمار:-ليش اذا تشدين حيلج وتطلعين من العشره الأوائل تكدرين تشتغلين بنفس الجامعه معيده واذا كملتي دكتوراه تصيرين دكتوره جامعيه
رفل:-من العشره الأوائل واني اخذ خمسين اصلي ركعتين شكر
أنمار:-ههههههههه
رفل:-يعني تريد تحثني حتى اكمل دراسه واصير مثلك دكتوره جامعيه
أنمار:-مابيها شي
رفل:-خليني هيج اول وتالي اتزوج واكعد
أنمار:-براحتج
رفل:-بقينا كاعدين نسولف بحدود الساعه ومانتبهت عالوقت يجوز اكثر من ساعه نجرفت احجي وياه رتاحيتله اللي تبين انو شخص كلش متفهم ومثقف وتفكيره منفتح ووسوالفه حلوه طلب من عندي رقمي حتى خاف ميشوفني الأ بالمناسبات لو ميكدر يحجي ويايه وصراحه حسيت روحي احتاج شخص مثله اني كتومه ومن يصير عندي شي ماكدر احجي لأحد يرشدني للصح ويوعيني
أنمار:-روحي نامي صار الصبح وناس كامت تكعد
رفل:-انت نمت
أنمار:-اي من العشره نايم وكعدت الفجر بعد مانام
رفل:-دائماً تنام من وكت
أنمار:-لا مو سوه ورى مايطك عندي النعاس
رفل:-ها اني حروح انام لعد
أنما:-الله وياج تمسين على خير
رفل:-وانت من اهل الخير ..
.
يتبعع