خفايا ضابط
بارت٢٨
بقلم كهرمانه
🍃🍃🍃🍃🍃🍃🍃
ترف:-مر شهر ونص حياتنا طبيعيه مابيها جديد خلصت العطله ورجعت للدوام الكل ملتهي بالدوام وبالشغل قليل نجتمع احنا والبنات أرجوان سادس وديم هم رفل مني يومها قليل تجينا وحور ملتهيه بحملها لمتعب ڤيان بالصالون ترجع تنام وتكعد بنص الليل تبقى لثاني يوم لحد ماترجع من الدوام يله تنام وهيج روتينها خلي تجي العطله المابقالها غير شهرين واني ابدل روتينها ..
.
.
وسام:-شهر ونص تفكير مكثف حالتي النفسيه سائت يومي كله بالفندق أنطي توجيهات لسهيل وسهيل يشتغل شغل حلو گدر يصير الحارس الشخصي للحجي ولو هو مرات يصعد عنده الثول يوصل عنده مرحله كدر يزرعلي أجهزة مراقبه بكل البيت صرت اراقب البيت واني بالفندق كلشي جاهز ومنتضرين الفرصه المناسبه ..
كعدت من النوم ماخذ برد فلاونزا ومصخن أجاني أتصال من شهم مارديت رجع اتصل مره ثانيه گلت خاف صــآيـر شي رديت من صوته مبين مسويله مشكله
شهم:-شلونك
وسام:-بخير احجي شمسوي
شهم:-ماوصلتك الأخبار يعني
وسام:-لا
شهم:-رهف عندي بالشقه واخوها وكل اللي بالبيت إنسجنوو
وسام:-شتسوووي
شهم:-راح اعقد عليها
وسام:-أنت بوووعييييككك لو لا اصحى على رووحك شدستوووي
شهم:-لتضل تلوم بيه أني منطي لرهف كلمه وصديق اخوها اليوم مختلي بيها ومحاول يغتصبها مأذيها وحابسهها بغرفتها
وسام :-ويطبها مليون ألف مرض هسه الكحـ أجت تستشرف براسنا
شهم:-هذا جان شرطها تنطيني معلومات عند فهد وبالمقابل اطلعها
وسام:-شهم أنت دتخررررب كلشييي كلشييييييي
شهم:-أسكت من عندي . وخليك بشغلك
وسام:-شلووون تسوي هييييج لككك احر ماعندي ابرد ماعندك
شهم:-اللي صار صار منگدر نبدل شي "كام يسب ويغلط ويكفر اللي سويته أبد ماعجبه ولا بصالحنا " اشش نصي صوتك ولتعلي جاي احجي وياك بتفاهم ماكو داعي للصياح
وسام:-أنعل ابوك لابو حتى التفاهم
سده الخط بوجهه وركع التليفون بالحايط وشكو شي يمه كسره
وسام:-ليشششش كل شي اريددددده ميصيرررر ليششششششش
أجه على صوت الصياح والتكسير مفزوع
سهيل:-خيررررر أجتك الحااااله يمعود
وسام:- سهيل وخر منا لا أطلع ضيم الله كله بيك
سهيل :-اي بــس ترى كول اكو واحد كاعد ويايه نفس المهجوم
دتسوي ازعاج
وسام:-توخر منا لا أجيك
سهيل:-عمي رايح رايح أبقى كسر وحدك
وسام:-گعدت كعدت عالكرسي بقلة حيله أكيد راح يوصللهم خبر القبض عليهم وكلشي سويته ذيج الفتره راحح ..لا بــس اني ماتنازل ولا أتحمل الخساره اليوم الفرصه بين ايدي متتعوض أجاني سهيل يكلي شهم يريد يحجي وياك حاجيته بأمر
"تنطي بلاغ للواء يجي تطلب التعاون من جهاز مكافحة الأرهاب وتگوله يتوجهون لأربيل تنطيهم رقمي يتواصلون ويايه ياخذون المعلومات كامله من عندي اليوم قبل منتصف الليل كلشي لازم يكون منتهي "
شهم:-تمام
وسام:-سديته من عنده وباوعت لسهيل "الجهاز مالتك الثاني وين جيبه الي "
سهيل:-دقايق
وسام"راح جاب الجهاز أخذته من عنده كمت من الكرسي أخذت التليفون المفلش طلعت السيم كارت من عنده ونقلته بالتليفون الثاني حتى من يخابروني أنطيهم معلومات خابرني رئيس جهاز مكافحة الأرهاب يطلب توضيح عالمنطقه اللي بيها الملهى سردتله مكان الملهى والبيت وكلتله على سالفة فهد كال راح ننطلق من هسه للشمال ونطوق المنطقه بدون علم أحد ونكون متفرقين ومتنكرين بزي مدرني وطلب من عندي ما البس ملابس عسكريه واخذ أكثر من سلاح وسيارتي تكون جاهزه درسنا الخطه سويه وگال من نوصل نسلمك جهاز إرسال
.
.
حور:-دخلت بشهر الرابع وعندي موعد ويه الدكتوره سويت سونار وگلتلي جنس التوأم بنات تلاثتهم فرحتي متنوصف أنو اصير أم لـ تلث بنات ..خلصت موعد الدكتوره ونزلت جبت الدوا اني وعمتي ورحنا للسياره يزن منتضرنا بقى ماراح من كلتله بنتيجة السونار ضاج بالبداية بعدين بين شكله طبيعي وباركلي ..
.
.
الساعه٩:٠٠
وسام:-حضرت كلشي طلع سهيل من ثمانيه يمهم ودزلي رساله ميدرون بأهل رهف ماخذينهم طلعت بالتسعه وأجاني الرد من اللواء وجهاز مكافحة الأرهاب صارو بأربيل ومحاوطين المنطقه رحتلهم إلتقيت بيهم أستلمت جهاز الأرسال وكلتلهم بــس اوصل واصعد للطابق البيه فهد ادزلكم خبر ..وفتت عن طريق الباب الخلفي سمعت أصوات من الصاله الجبيره والممر فارغ صعدت بخفه وسرعه للطابق الأخير فتحت الباب مقفول هو باب ألمنيوم بسرعه ينكسر كسرته ومامهتم للصوت اليطلع حجيت بجهاز الأرسال
وسام:-سيدي تسمعني وصلت للطابق الثالث ردد
اللواء:-نسمعك ومتدخلين فوراً حافظ على هدوئك
وسام:-دخلتت لگيتها عياده وموزعه مثل الغرف بيها مشيت ومو هامني كامرات المراقبه فتت لأول غرفه أجت عيوني عليها ..شفت الشخص المنتصر شوفته من شهور نايم بسلام ومخلي ايده على عيونه ومايدري بالدنيا مشتعله علموده وگفت گباله وحجيت
وسام:-فهددد أكعد مامشتاق لاخوك؟
فتح عيونه مصدوم من الشافه گباله صارت لمعه بعيونه وكف وحضنه بقوه وطبطب على ضهره
فهد:-ليش اجيت وحدك وخاطرت بحياتك
وسام:-شوفتك هــآي تسوه الدنيا ومابيها لهسه ممصدك عيوني
فهد:-هسه شلون نطلع
وسام:-أسمع صوت هورنات الشرطه
فهد:-أيي
وسام:-لتخاف تنحل صارت سهله "أجاني صوت من الجهاز البيدي "
.. حضرة المفتش أبقى بمكانك قواتنا دتقتحم البيت من أنطيك إشاره أنزل
وسام:-تم "شويه وأجانه صوت إطلاق نار بكثافه واني واكف ومحضر سلاحين بأيدي واحد وبيد فهد واحد صار هدوء قاتل أخيراً سمعت صوت يأمرني بالنزول الطريق أمن نزلت قبل فهد وهو يمشي ورايه ريحة البارود بدت تبين خلصنا الدرج بسرعه ومشينا الممر مرينا بالصاله فارغه طلعنا بره اللواء بكل مكان ورئيس مكافة الأرهاب تلگانه يتحمدلنا عالسلامه وأجه شهم هو ورسلان يسلمون على فهد شهم أيده تنزف وشادها من زنده أعتقد متصاوب
وسيارة إسعاف وصلت إنتبهت أكو شخص متمدد بالكاع سألت منــوو
رسلان:-هذا سهيل بعد ماعرفو غادرهم مصوبينه ببطنه طلقتين وبجتفه
طلعو افراد العصابه وسام إجت عينه عالحجي من رادو يطلعونه سحب المسدس اللي عند الشرطي راد يضرب فهد ركض گدامه بسرعه جنونيه أستقرن طلقتين وحده بصدره والثانيه ببطنه شهم جان منتبه عالحجي من راد يرمي فـ صوب سلاحه كدامه ويه ماضرب وسام هو هم رماه اربع طلقات براسه
سيارة الاسعاف بعد ما اخذت سهيل صارت المواجهه بيناتهم رسلان ركض شغل سيارته ودخلها بالبيت شالو وسام وخلوه بالسياره صعد وياه فهد وشهم اللي أيده تنزف ودوخه جاي تخلي توازنه يختل شويه شويه ..
.
.
بيوم تنفيذ الخطه الساعه ٧:٠٠ص
شهم:-فزيت على صوت التليفون فتحت خط وأجاني صوت رهف
رهف:-شهم الحكلي الله يخليك أيوب حبسني بغرفتي راح وله وعلى ساعه يرجع وهالمره ناوي نيه گشره والله الليل مانمته خايفه هسه من حسيتهم كلهم نامو يله خابرتك
شهم:-متأكده كلهم نايمين
رهف:-اي ماكو صوت
شهم:-"گمت من فراشي غسلت وجهي أخذت مفاتيح السياره وسلاحي شغلتلي جكاره ورحت عالمركز
أخذت كم واحد ويايه صرنا سيارتين شرطه واني صعدت بسيارتي الخاصه وصلنا هناك گبال البيت طوقنا المكان
دخلت للبيت أني ويايه خمسه من غير البره الصاله هوسه بيه بطالة عرگ وأكل عالميز والريحه تكتل فترين البيت كله بــس مادخلت للغرف المسدوده فتحت أول غرفه لگيت ثنين نايمين هسه إذا اموتهم احد يدري دگيت باب الغرفه بقوووه
"وحجيت بصوت عالي "المكان محاصرر بالأمن اليوم ماكوو منفذ من عدناااا "
فتحت غرفه ثانيه بــس بنات نايمات بالگاع
صعدت للطابق الثاني كذلك أعتقلنا كل اللي بالبيت زلم ثنين والباقي كله نسوان
غرفه رهف مسدوده من عرفت بيه أجيت يله طلعت تبجي وخايفه ..
أمرتهم الكل للسجن أكو واحد جان مكبسل بيهم يضحك بصوت عالي ويسولف عالشرطي
عرفت من رهف هذا أيوب نقلوهم للسجن حتى ينتضرون المحاكمه فهمتهم أنو رهف هيه اللي اتصلت واشتكت عليهم ف طلعت برائه تركت رسلان يمهم لكيته جاي ..
أخذتها ويايه بسيارتي مرينا بالبيت خليتها تاخذ ملابسها وكلشي تحتاجه قفلت البيت وخليت المفاتيح عدها ونقلتها للشقه مالتي تستقر هناك ..
خابرت وسام وكلتله بالصار أنفعل كلش وكام يصيح ويكفر نزلهم كلهم بالسره تلاغينه ورجعت خابرته مغلق بس لا كسر تليفون خابرت سهيل كال فلش تليفونه ..
طلبت من عنده ينطيني وسام احجي وياه حاجيته وأمرني بكم شغله أسويها وافقت بــس اجادله بكلمه يهيجن خبالاته عليه.. تركت رهف بالشقه وصيتها تقفل الباب عليه ومتفتحه لو مدري شيصير ..
رجعت للمركز أحضر أموري حتى اطلع لاربيل ويه اللواء ومكافحة الارهاب طلعت بسيارة شرطه اللي هيه مال رسلان رحنا سويه ..
.
.
ڤيان:-طلعت للصالون الصبح مالي خلك أشتغل وحتى زبائن قليل يجون مكيجت ثنين بنات وأكرلك أضافر وحده كاعده عالكرسي اللي امكيج عليه البنات وافتر أجت عيني على وحده شبهت عليها من شافتني أجت تمشي وتبتسملي وكفت كبالي وحجت بأبتسامه
سيزا:-هلو ڤيان شنو تشتغلين هناااا
ڤيان:-اييي حبي
سيزا:-ياا ما ادري بيج حياتي شلونج شخبارج
ڤيان:-بخير الحمدلله انتي شلونج ماتزوجتي
سيزا:-ههههه لا مــآريد خليني شابعه دلال من ماما
ڤيان:-اي أحــسن الزواج ميفيد
سيزا:- عرفت أنفصلتو أنتي ووسام والله كلش ضجت بوقتها ولهسه أكول ليش تركج شو ثنيناتكم واحد يحب الثاني ماعقلتها براسي
ڤيان:-الحمدلله على كل حال الكاتبه ألله يصير
سيزا:-اسفه ذكرتج بــس من ضوجتي علمودج داحجي عود گلت اخيراً وحده قريبه اكدر اعتبرها صديقه بــس حضييي
ڤيان:-عمري . عادي نتواصل اني وياج واعرفج على بنات عمي لتكونين وحيده
سيزا:-والله ؟؟
ڤيان:-اي يروحي نطيني رقمج حتى اخابرج دائماً
سيزا:-فدوووا شگد تنحبين
ڤيان:-انتي مشكلتج مو اجتماعيه متحبين تختلطيم بالناس لذلك ماعندج اصدقاء
سيزا:-اي خجوله نوعاً ما وصديقي بــس وسام من واني صغيره متعوده عليه يجينا
ڤيان:-ممممم تحبيه؟
سيزا:-نجبي شنو احبه مثل اخوي مناضرتله نضرة اعجاب وحب
ڤيان:-ههههههههه ترى سألتج حتى اشوف ردة فعلج
سيزا:-ننننن يله سجلي رقمي عندج
ڤيان:-فتحت تليفوني وكتبت رقمها الردته إلي
سيزا:-من شوكت تشتغلين هنا
ڤيان:-شهرين تقريباً
سيزا:-اني دائماً اجي هنا خوش بعذ من اجي گبب اطلبجًانتي تشتغليلي ولو البنات اللي هنا كولهم مبدعات ماشاءالله
ڤيان:-اي صحيح "طلعت بالوحده الضهر من الصالون مالي خلك كلت للبنات الصالون فارغ وانتن موجودات هنا اني راح اطلع تعبانه اليوم محجن شي خطيه ..رجعت للبيت لكيتهم يتغدون كعدت أكلت ورى الأكل سبحت ونمت ..
.
.
شهم:-وصلنا بالليل هناك رحنا مباشرتاً طوقنا البيت وسام جوه بالبيت يم فهد تحديداً أقتحمنا البيت شفناهم مجتمعين بصاله چبيره
صاعقه بالنسبه إلهم وجودنا باوعت لسهيل ضحك ورحب بيه شافوه وتعجبو شلون هو ويانه
حاصرناهم بــس وأمرناهم ينزلون أسلحتهم الرجال الجبير نزل سلاحه للكاع وخله ايده ورى راسه والشباب الموجودين هم
واحد منهم ويه مدينزل سلاحه ضرب سهيل ببطنه وجتفه بسرعه وضل يرمي بعشوائيه
أجتني رصاصه بزندي كـ رده فعل من عدنا ضربنا الشاب الصوب على سهيل نقلناهم بره وسهيل كدر يمشيله كم خطوه خارج البيت ووكع مغشي عليه
صارو بأيدينا كل الموجودين بالبيت انطينا أمر لوسام ينزل هو وفهد رسلان خابر الأسعاف من فتره قصيره ورى شويه نزل وسام ووراه فهد سلمنا عليهم بحراره إجت الاسعاف اخذو سهيل للمستشفى وراحو
صعدو المجرمين للسيارات والحجي من جاي يطلعونه من البيت للسياره سحب سلاح الشرطي اللازمه وراد يضرب فهد
شفته بدون وعي طلعت سلاحي وضربته ويه ماضربته هو هم بنفس اللحضه رمه على فهد ووكع بالكاع نقلت نضري لفهد بــس لكيت وسام الواكع
ركض رسلان شغل السياره وكال جيبه حجه اللواء ..بسرررعه شهم أنقلووه للمستشفى الرصاصه بصدره وثانيه ببطنه ليمووت
شلنا اني وفهد صعدنا بالسياره وانطلقنا للمستشفى أتحدي روحي حتى ما أفقد الوعي بقيت أصارع نفسي باوعت لوسام اللي راسه بحضني عيونه تفتح وتغمض أجاني صوته الناصي وهو يكول
"اشهد أن لا إله الا الله وأشهد إن محمد رسول الله" حجيت واحس روحي راح افقد
شهم:-رسلااااااان بسررررعه وسام يتشاهد راح يموووتتتت
فهد:-نبضه بدا يضعف
رسلان:-يعنييي اطيييير شصير فهموني مو زين اتذكر مكان المستشفى
طبگ يم المستشفى نزلو رسلان وفهد للمستشفى يصيحون للأطباء أجو مجموعة ممرضين واطباء وعدهم سديه طلعو وسام من السياره وركضو داخل المستشفى راح وياهم رسلان فهد رجع لخاله شافه ساند راسه عالكرسي الگدامه
فهد:-خالي گوم جرحك كل دينزف لازم الرصاصه اللي بأيدك يطلعوها
شهم:-مابيه شي دوخه شويه وتروح
فهد:-تكدر تحرك أيدك
شهم:-أصابعي اي اكدر احركهن بــس الذراع بصوره عامه ماكدر ارفعه وجع يموت
فهد:-دكوم خالي الاربطه والعضله مال ايدك تتلف خل يتلاحكولهن
شهم:-ووسام
فهد:-احنا يمه
شهم:-خلي اتأكد من عنده عايش لو ميت
فهد:-وألك خلك احجي اسكت الحجي ياخذ نص حيلك كافي عناد وامشي
"نزل من السياره ويسنده فهد يحجي ويه فهد وهمه يمشون"
شهم:-فهد ترجعون لبغداد انت ورسلان
فهد:-مستحيييل اعوفكممم
شهم:-أفهمني يمكن ورى كم ساعه راح تضهر عليك أثار الادمان ومتكدر تسيطر على روحك لازم تدخل مستشفى تحارب وتكافح الأدمان حتى تستعيد روحك أني مستحيل أخلي واحد يشوفك من اللي تعرفهم وانت حالتك سيئه ما أسمح لكائن من يكون يشوفك ضعيف
فهد:-مــآريد اعوفكم وسام حالته بــس الله يستر منها
شهم:-إنت بــس ارجع ويه رسلان ومعليك اخابر خوالك يجون ليضل بالك حتى اخوان وسام اخليهم يجون بس ماريدك تتواجد هنا مــآريد يعرفون بيك عايش
فهد:-ليششش
شهم:-لعد ما اسوي العمليه وخليها ايدي تنزف
فهد:-لتعاند لخاطر الله
شهم:-ارجع انت ورسلان
فهد:-تبقون وحدكم بله صار شي
شهم:-ضباط وملازمين راح يجون بعدهم بالبيت يحققون معليك انت
دخلو للمستشفى وشهم ماگدر يوكف على طوله جابوله سديه بالطوارئ وفهد گاللهم متصوب برصاصه بزنده أخذوه مباشرتاً للعمليات ..سأل الاستعلامات على وسام بـ أي طابق وانطوه طابق الخامس بــس عمليات ..صعدت طابق الخامس دورت بعيني شفت رسلان كاعد ومنزل راسه
فهد:-ها رسلان بشر
رسلان رفع عيونه حمر مبين چان يبجي:- "فهد وسام ما اعتقد يعديها الليله "
فهد:-المفروض هسه اني بمكانه انشاءالله ميصيرله شي گدها مو أول مره يتصوب
أجو مجموعه من الضباط اللي جايين لأربيل وياهم يشوفون الأوضاع بقو مرابطين يمهم
شهم طلع ورى نص ساعه من عمليته ونقلوه لغرفة لأن أيده وممتأذيه منتضرين بــس يفكه البنج سهيل طلع ورى ساعتين حالته خطره مسويله عمليه كبرى الرصاصه لاگينها مستقره بالأمعاء مخيطين أمعائه والرصاصه الثانيه بچتفه بقى وسام عمليته فوق الكبرى ونسبة النجاة ٢٠٪ كعد شهم من البنج وحاجه رسلان
شهم:-رسلان. تروح تخابر. ابوك. وتكوله بالصار. بــس. لتكوله. فهد عايش. كله. ويه مادنسوي. واجبناا. تصوبنا.
رسلان:-صار. بــس مو هسه خلي يصبح الصبح عالاقل يطلع وسام من العمليه
شهم:-بقت يمك بعد اني ماكدر. احجي.
رسلان:-أخذ راحتك عمي
نام شهم بسبب المهدئات المنطيهن إله رسلان طلع واكف بباب صالة العمليات منتضر بلكي واحد يطلع ينطيهم خبر عن وسام فهد بدأ يدوخ نتيجة الادمان وصار عصبي يلوب إنتبه عليه رسلان وكله يكعد يرتاح
طلع واحد من غرفة العمليات يركض وملابسه كلهن دم مالحك حتى يسأله شنو وضع المريض ورى شويه رجع نفس الممرض بيده بطالة دم رسلان راح ناحيته سأله شنو وضعه
الممرض يحجي بسرعه:- الرصاصات طلعناهن بــس النزيف ماجاي نكدر نسيطر عليه إذا يبقى هيج نفقده زائد المريض ضغطه مرتفع وضعه كلش منتكس
رسلان كعد يدعيله ويقرا الفاتحه لوجه الله في سبيل وسام فهد منتچي عالحايط ومخلي أيده على عيونه يبجي على صديقه وابن عمه اللي ضحى بروحه علموده طلعو دكاتره ثنين وياهم ممرضين راحو يستفسرون عالوضع
الدكتور:-مريضكم وضعه متأزم لهسه هو بعده بمرحلة الخطر ممعديها بالگوه كدرنا نسيطر عالنزيف والرصاصات بمكان جداً دقيق ومزعج . الرصاصه لكينها مستقره بعضلة القلب والحمدلله مواصله لا لشريان ولا صمام وهاي معجزه بحد ذاتها والثانيه بالمعده أضافتاً إلى ضغطه اللي كدرنا ننزله كم درجه وبعده مرتفع درجتين ..ممكن النزيف اللي بصدره آي لحضه يرجع ما اضمنلكم واكوللكم تعداها احنا سوينا كل اللي علينا الله شاهد بقى بــس الدعاء ويم رحمة الله إذا هو سبع وگدها يعدي
رسلان:-ماگدرت ارجع لبغداد واعوف وسام وحده وشهم ميكدر يتحرك مغذي وجرح العمليه منا ف گلت للأمن الموجودين يمي يرجعون وياخذون فهد لمستشفى الأمراض النفسيه
رسلان:-فهد أنت تريد تتعالج من ادمانك
فهد:-طبعاً بــس ماروح هسه
رسلان:-خويه روح للمستشفى هناك أكعد واني راح اخابر دكتور اعرفه واخلي يتكفل بكلشي ..لازم واحد من الاهل يجيني وممنوع يدرون بيك عايش
فهد:-خوش راح ارجع
رسلان:-خليت الضباط اصدقائنا يرجعون برفقة فهد وصيتهم يجيبلوله تليفون وينطونه إله حتى اتواصل وياه راحو واني إنتضرت لحد ماطر الفجر گمت اغفي واني گاعد غفيت وماحسيت على روحي نسيت اخابر كعدت على صوت تليفون فتحت الخط جدي يخابر
ابو قاسم:-ها رسلان شلونكم
رسلان:-يم الله
ابو قاسم:-بويه شو عمك اخابره ماهو
رسلان:-جدي شگلك
أبو قاسم:-ياساتر شكو
رسلان:-عمي متصوب بأيده سووله عمليه وهسه هو نايم مابيه شي
ابو قاسم :-انه ابو قويسم
رسلان:-جدي وسام هم متصوب وحالته خطره رصاصه بگلبه وببطنه
ابو قاسم:-ولك رسلان ماسمعك تعاي ترف فتحيلي السماعه كلشي ما افتهم من عنده بــس خالج متصاوب بايده شو فتحيها
رسلان:-شلون بيه هسه اني جدي وسام متصوب وحالته خطره كلش ادعوله فدوه لعينك الدكاتره سلموها لالله سوو كل اللي عليهم ضغط عنده وعمليته بأي لحضه ممكن تنزف وضعه منتكس "حجيتله كل اللي كاله الدكتور "...
.
.
ترف:-الصبح كاعده اكل حتى اروح للدوام اجه جدي قلق كال خابريلي رسلان شو خالج ماكو من البارحه مو من عوايده يختفي ميخابر هالگد
خابرتله رسلان حجه وياه بعدين كلي فتحي سماعه خالج متصاوب فتحتله السماعه واسمع رسلان يكوله وسام مو زين وحالته متسر العدووووو
الدنيا سودت بعيني وأول شخص اجه على بالي ڤيان من تعرف شتسوي لهسه تحبه بــس تكابر صعدت من شويه تبدل ملابسها حتى نطلع
سمعت صوت شهكه التفتت واشوفها واكفه يم الباب من شافتنا خلت وصعدت فوك ركضت وراها ملحكت سدت الباب مال غرفتها بوجهي
ترف:-ڤيان فتحيلي الباب لتسوين شيييي بروووحجج "باوعت فوك باب الغرفه بسمار وبيه مفتاح احتياطي جبتلي كرسي صعدت عليه لزمت المفتاح نزلت وفتحت الباب لكيتها كاعده بالزاويه وصافنه دخلت وسديت الباب ورايه حتى مارفعت عيونها وشافتني وصلتلها لزمت ايديها باردات هزيتها وكلتلها "ڤيان ويايه ردددييي"
ماحجت ولا ردت مباشرتاً نزلن دموعها بدون لا ترمش
ترف:-لتضلين ساكته احجي شبيج
ڤيان:-ماكدر احس شي واكف ببلعومي ترف صدك اللي سمعته
ترف:-اي
ڤيان:-يعني هو راح يموت
ترف:-اسم الله ادعيله
ڤيان:-ع اساس الله يحبني ويستجاب الي
ترف:-خلي ايمانج بالله جبير شجاج
ڤيان:-شلون بييه اني يبقى حضي هيج أحس الطلقه بگلبي مو گلبه
ترف "نزلن دموعي وياها":-خلص يعمري والله ميصيرله شي بــس هدي
ڤيان:-من كل عقلج عنده ضغط من غير شي وفوكاها طلقات بجسمه شلون يعيش
ترف:-"تهسترت وكامت تضرب بروحها وتدك على رجليها"
ڤيان"بصوت يرجف":-عفيه ترف خابري رسلان خلي احاجيه
ترف:-رسلان بالكوه يحجي وعصبي كلش اخاف اخابره
ڤيان:-الله عليج خابريه ترى راح يوكف عقلي
ترف:-خابرت رسلان وفتحت سبيكر اتفقد حالة وسام. ڤيان تسمعه بتركيز شو ورى شويه صارت يمه خبصه وسد الخط بوجهي
ڤيان:-ليش سده ترف بــس لاماات
ترف:-مو من اربيل لهنا شبكه زفت بيناتنا شويه واخابره
ڤيان:-لتقشمرين عليه سمعتي صوت الصياح ورسلان يكول شكو وسده يعني مات
ترف:-"أول مره اشوف ڤيان تبجي هالشكل لدرجة حسيت بنار گلبها من فقدت فهد صعدتلنا بيبي تخرط بخدودها علمود خالي وتبجي على حال وسام حضنت ڤيان وهي تشاهگ "
ڤيان:-ياا ترف ماجنت متوقعه هذا اليوم يجي والله
ترف:-ليش طلكج جان متأكد حيصيرله شي "دگت ولطمت على روحا الراحت منها على حبيبها البين الحياة والموت تعبت كلش واغمى عليها سحبناها اني وبيبي لفراشها ومددناها عليه جبت مي بارد رشيت عليها فتحت عيونها وجها خالي من التعابير رجعت لصفنتها
.
.
رسلان:-حجيت ويه ترف واني احجي وياها اجه الدكتور يشوف حالة وسام واشوفه مخبوص ورى ثواني اجو مجموعه ممرضين ودكاتره يركضون للعنايه المركزه البيها وسام سألتهم شكو سديت التليفون بوجه ترف واحد من الممرضين گال صار عنده نزيف راح نرجعه للعمليات من جديد ..رجعوه للعمليات مشيت وراهم للطابق الخامس استمر ساعه بالعمليه وشفت الدكتور طلع ستفسرت من عنده كال سيطرنا عالنزيف وضغطه نزل هوايه وتقريباً مستقر بــس حالته ما أأكدلك واكولك مستقره لا ننتضر اربعه وعشرين ساعه نشوف النزيف يرجع لو لا واذا ماصحى المريض معناتها غيبوبه وبقت ورى قوته وإرادته بالحياة لتنسون الدعاء اهم شي هسه وان شاءالله مابيه غير العافيه بعده بأول عمره ميستاهل الصار ..
شهم وضعه مستقر سحبو من عنده كل الأجهزه حتى المغذي بــس مجرد متمدد عالفراش كام وطلع من غرفته متوجع للعنايه المركزه ايده ملفوفه ومخليها بمسند راح يم رسلان كله بحالة وسام كعد بصفه ماعنده شي يسوي غير يدعيله
شهم:-كلت لابوك
رسلان:-بلغتهم راح يجون
شهم:-تمام وفهد
رسلان:-فهد بالطريق بعده مواصل رجع لبغداد ويه جماعتنا
شهم:- اي زين
رسلان:-شلون صرت
شهم:-شوفني صل مابيه شي
رسلان:-اسم الله عليك شبيك
شهم:-سهيل شلونه
رسلان:-وضعه مستقر بــس بعده مصاحي لهسه ...
....
يتبع