خفايا ضابط
بارت ٢٥
بقلم كهرمانه
🍃🍃🍃🍃🍃🍃🍃🍃
كلما تمعنت بالتفكير بك كلما انكسرت اكثر، كلما اشعر ان ظهري ينحني اكثر فاكثر مثل مسطرة التخطيط،اشعر بذلك الالم في أحشائي،
رغبتي بك مثل شضيه حرب أستقرت في صدر احدهم بجوار قلبة ولا يستطيع إزالتها، سيضطر التعايش معها الى ان يفارق الحياة، حتى في اخر لحضاته ستسبب الماً في صدرة، ولن يخرج مبتسماً ويغمره شعور الارتياح، ابدا، سوف تكون أنين.
.
ترف :-"صعدت أشوف ڤيان صارلها هوايه وحدها وتفاجأت غرفتي بابها مسدود ،،دكيت الباب اكثر من مره ماردت ولا أسمع صوت بــس لا سوتها هي البارحه من حجيها مفكره بالأنتحار دگيت الباب بسررعه وصوتي بدا يعلى صار شبه صريخ سمعتني جدتي وكفت يم الدرج وصاحتلي
أم قاسم:-شكووووو ترررف شبيج عليمن هالصياااح
ترف:-بيبي ألحگي ڤيان بغرفتي قافله على روحها الباب ماكو إلها اي صوت
أم قاسم:-دخيلك ربيي
كاعد هو ويزن وسيف بالأستقببال البقيه راحو أجت أمه مفزوعه
أم قاسم:-شهم كووم ڤيان فوك قافله على روحها الباب لاحس ولانفس
"طفر بسرعه من مكانه .طلع من الأستقبال وصعد الدرجه بسرعه ويكول لامه تجيبله النسخه الأحتياطيه مال غرفة ترف صعدو وراه يزن وسيف .شاف ترف تدك بالباب وتبجي .
شهم:-لا يا ألله بــس لا منتحره
ترف:-صارلي بالعشر دقايق ادك بالباب متفتحه
سيف:-خلنكسر الباب ننتضر لحد ماتلكه المفاتيح
يزن:-يمعودين يجوز نايمه وهي نومها ثگيل
ترف:-متقفل الباب إذا تنام والبارحه تحجي وياي ولمحتلي بفكرة الأنتحار
"صعدت أم قاسم وبيدها المفتاح ،أخذه شهم من عدها وفتح الباب لگاها مثل الجثه بالكاع ووجوه أيديها بقع مال دم جبيره ركض بسرعه ألها وخلاها بحضنه شاف نبضها موجود . لزم الدم مالتها وصاح"
شهم:-تررف جيبيلي شالات ثنين من عندج ، يزن انزل شغل السياره بسرررعه دمها بعده حار يعني مصارلها وهاي
"ضرب وجها عالخفيف متكعد وجهها مابيه روح شفتها بيضه بشرتها لونها اصفر وجوه عيونها داكن ،نطته ترف شالات ثنين لبست حجاب وعبايه حتى تروح وياها .
شد بيهن ايديها حتى يتوقف شويه الدم شالها ونزل يركض للسياره مددها بالسياره وصعدت ترف بصفها ، هو راح كعد بصف يزن ويزن حرك بسرعه للمستشفى "
ترف:-وصلنا للمستشفى فتحت الباب ونزلت أجه خالي أخذ ڤيان ودخل بسرعه للمستشفى واني وراه امشي يزن اخذ السياره يركنها دخلناا للطوارئ من شافونا جابولها سديه خلاها عالسيده وكاللهم حالة انتحار قطع اوردة الأيد أخذوها لصالة العمليات واحنا بقينا ننتضر أجه يزن وكف يمنه طلعتلنا ممرضه گالت نحتاجلها دم سوينالها تحليل نعرف فصيله دمها نكوللكم حتى تتبرعون لمصرف الدم واذا فصيلتها موجوده عدنا تتبرعون اي واحد بالمقابل ننطيكم من نفس الدم مالتها ..
طلع تحليلها ورى ربع ساعه وفصيله دمها o+ متستلم إلا من نفس فصيلتها وبالمستشفى ماكو كالو هــآي الفصيله اكثر شي تنصرف عدنا احنا بالمستشفى فصيلة دمنا A- وهي دمها نفس بيبي زمرد خابرنا على خوالي يشوفولنا دم وخالو خابرهم واحد واحد ..طلعت أرجوان نفس الدم بــس متكدر تتبرع هوايه واحنا محتاجين اربع بطاله ورى شويه خابرنا أنمار كال راح يجي يتبرع الها دخلنا إنذار لحد الأن تنزف بسبب خربطة الهرمونات وجرح إيدها والدكاتره قلقونا ..كالو اذا تبقى بدون دم تدخل غيبوبه ورى تقريباً ساعه أجه أنمار متبرعلها بمصرف الدم وراه أجت ارجوان وخالو مثنى
أنمار:-إذا تعرفون بيه تفكر بألأنتحار ليش تتركونها وحدها
ترف:-والله بــس نزلت سويت أكل ..وكل شويه اروح اتطمن عليها اخر مره نزلت وصعدت قافله الباب
أبو غيث:-أهدي بنيتي لتبجين هسه يطلعوها بخير ومابيها شي تلاحگتولها بالبدايه
ترف:-اي خالو بــس هواي وكع منها دم
أرجوان:-هيه اصلاً مهضومه شلون وحيده وأهلها مو يمها تحس بالنقص
ترف:-"طلعوها من الصاله مال عمليات عالسديه يسحبونها منضرها يبجي الحجر مابيها روح عبالك اخذوها للعنايه المركزه اخر شي طلع الدكتور أجه يكوللنا على حالتها "
الدكتور:-گدرنا نسوي كل اللي علينا والحمدلله مامعدي عليها وقت من منتحره وهذا الشي ساعدنا لو متأخرين أكثر جان مكدرنا نسيطر عليها ..مفعول البنج إذا طول لبعد ساعتين لازم تكعد ورى هــآي الساعتين إذا مگعدت ساعتها بنتكم تكون داخله غيبوبه خاصتاً إذا متعرضه لصدمه ومتگدر تتخطاها ..وأن شاءالله تكون قويه وتصحى
أبو غيث:-شكراً دكتور
الدكتور:-عفوا واجبي هذا ..في أمان الله
شهم"دگ تليفوني شفت الأسم وسام":-چانت عايزه ألتمت
أنمار:-شنو شبيك
شهم:-وسام يخابر
أنمار :-أيي ردد
شهم:-ارد عليه شگله ڤيان أنتحرت وهسه بالمستشفى غير يگلب الدنيا على راسي
أنمار:-عمي تخاف من عنده دحاجي
شهم:-اي والله يا أنمار أكره عصبيته يخبط الاخضر واليابس من يصير عصبي
أنمار:-لعد أبتعد منا وحاجي
شهم:-هو هم هيج أكلك أخذ عمك وبنته وارجعو للبيت وحودكم ماله داعي شوفنا كاعدين هنا بدون لنسوي شي يزن أنت هم ارجع ارتاح بعدين تعال " كلتلهم يرحون لان وجودهم ماله داعي اني موجود. . طلعت يم باب المستشفى وخابرن عليه أجاني صوته "
وسام:-ها شهم راح اجيك للبيت
شهم:-لا أني مو بالبيت طالع
وسام:-وين طالع أجيك يمعود عندي سالفه وياك مهمه
شهم:-أجلها سالفتك بعدين احاجيك
وسام:-يمك هوسه وين أنت
شهم:-بجهنم
وسام:-على كيفك هسه شسألتك
شهم:-مالي خلك تكعد تسأل
وسام:-شهم بالنبي مامرتاحلك ضام شي عليه
شهم:-لا يله خل اروح
وسام:-مو تنسى ترى شي مهم بخصوص سهيلل
شهم:-تدلل من عيوني بعد
وسام:-يله توكل بالله
شهم:-في امان الله "لاگاني أنمار واخوي مثنى وبنته يردون يطلعون سلمت عليهم ورجعت لمكاني خليت يزن هم يرجع يرتاح كال راح اروح وباجر ارجع الصبح
.
وسام:-سديته من شهم وطلعت رقم ترف أحاجيها حتى تجي تاخذ غراض ڤيان ماكو رد رجعت خابرتها مره ثانيه نفتح خط وأجاني صوت الحجيه أم قاسم
أم قاسم:-الووو
وسام:-ها حجيه شلونج
أم قاسم:-والله ييمه ندهرنا دهيره
وسام:-خير ياساتر
أم قاسم:-ڤيان انتحرت كاصه الأورده مالتها واخذوها للمستشفى وهذا تليفون ترف يمي بقه ما اخذته
وسام:-الله عليج دتحجين صدك؟
أم قاسم:-لعد أجذب عليك
وسام:-شهم يدررري
أم قاسم:-أي هو أخذها للمستشفى
وسام:-سديته بوجه الحجيه وگفت السياره وخابرت على شهم من اشتعلت عشيرته على هــآي الدگه الناقصه رد عليه ونفجرت عليه
شهم:-شتريد
وسام:-يااا مستشفى أنتتتت
شهم:-منــوو گلك
وسام:-طاحضك أي والله گول ياامستشفى
شهم:-هدي هدي شعندك جاي
وسام:-شعندييي جاي أجييي اخنگك اطلع بروحك ،ولك ماگدرت تحافظ عالأمانه
شهم:-وسام اعصابك هسه مابيها شي تطمن لتجي للمستشفى وتسويلنا سالفه
وسام:-والله إذا متكول وين بيا مستشفى لا اعرفك ولا تعرفني "گال أسم المستشفى معروفه شغلت السياره وفريتها وهو يوصيني
شهم:-باوع أنت راح تجي متسوي هوسه ولا تصيح خوش ماناقصنا دوخه
وسام:-دطيييييييرررر حسابك بعدين الجذاااب "سقت السياره بأسرع ماعندي ..وصلت للمستشفى بعد مده نزلت للأستعلامات نطيت أسمها وكالولي بالعنايه المركزه صعدت للطابق الثاني بقسم العنايه المركزه كبال الباب شفت شهم موجود وترف رحت مشيت وصلتله ولزمته من ياخته
وسام:-أخابرك واگلك وين أنت تجذبب علييييه شايفني جااااهللل لو طرطووور
شهم:-أهدا وسام شبيك تخبلت أني ماردتك تعرف حتى لتنفعل زياده
وسام:-"أجه الدكتور على صياحنا غرفته قريبه عالعنايه "
الدكتور:-رجائاً الخلافات خلوها بره المستشفى هنا مرضى ويحتاجلهم هدوء صوتكم عالي
وسام:-أريد ادخل جوه
الدكتور:-تستقر حالتها وتصحى يله
وسام:-هسسسسسه ما أنتضر لحد ماتكعد
الدكتور:-أسف ميصير
وسام:-دكتور أدخل بــس اشوفها ماسوي شي حتى لو من بعيد
الدكتور:-أنت مُصر تدخل تعال ويايه أنطيك صدريه والملحقات مالاتها يله تدخل
وسام:-رحت ويه الدكتور انطاني صدريه وملحقاتها لبستهم فوك ملابسي وگال إلك خمس دقايق بــس تشوفها وتطلع واذا عاندت أصيح الأمن أخذت بكلمة الدكتور ودخل للصاله بيها غرف مو غرفه وحده أشرلي الدكتور على الغرفه وراح فتحت الباب ودخلت شفتها معقوله هــآي ڤيان الأعرفها هيج صــآيـر بيها رابطين ايديها بالسديه ومشددات وبيدها جهاز قياس النبض ومطروحه وجها خالي من التعابير وحتى روح مابيه جريت الكرسي الموجود بالغرفه وكعد بصفها مباشرتاً ماجنت متوقع لهالدرجه تحبني ومتعلقه بيه شلون گددرت تحبني بهالأشهر القليله بستها بخدها .. خليت راسي على چتفها واشتم برگبتها غمضت عيوني وتنفست بأرتياح بقيت علىً هاالحاله لحد ما أجه الدكتور صاحلي تقربت من يم أذنها. وشاورتها "ڤيان صيري قويه عاندي الموت وارجعي تعودي على فراگي أذا متت أذكريني بخير واذا بقيت عايش ماعوفج وحق الله "بست راسها وطلعت متجاهل الدكتور يحجي عليه شلون تقربت منها ..وكفت بصف شهم باوعتله بطرف عيني
شهم:-بــس اريد اعرف يامطي گلك
وسام:-أمك
شهم:-شلون؟؟
وسام:-خابرت عالأخت عود تجي تاخذ ملابسها لڤيان باجر وطلعتلي الحجيه
شهم:-وكتتهن كلهن كدامك
وسام:-اي
شهم:-عاشت ايدها ماقصرت
وسام:-عالأقل أحــسن من ابنها مسيلمه الكذاب
شهم:-وهسه تكدر ترجع لان ماكو صلة قرابه بيناتكم شعندك بالمستشفى
وسام:-أسكت لو أوكلك قنادر خوش لو لا ..اشوف الدكتور شيكول عن حالتها وارجع
دخل الدكتور للصاله شافها مستغرب ماكعدت ورى الساعتين فحص عيونها لاحض البؤبؤ متحرك من مكانه الشافه خلا العمليه هذا إشاره أنو بعدها فاقده الوعي وزاد عليها البنج طلع يكولللهم عن حالتها
شهم:-ها دكتور شنو اللي بين
الدكتور:-شي غريب ماكعدت لهسه بــس أكو مؤشر يأكد عدم دخولها لغيبوبه بحاجه لدم بعد هسه طلع تحليل الدم مالتها وصل سبعه بعد ينراد نصعده اقل شي للعشره حتى تزول مرحلة الخطر وميشكل عدها فقر دم حاد يتعبها بالمستقبل
شهم:-شوكت نتبرع بالدم
الدكتور :-بأي وقت بــس ياريت لو كل ماتستعجلون أحسن
وسام:-فصيلة دمها o+ اني اتبرعلها
الدكتور:-تمام عندك مرض مزمن؟
وسام:-ضغط ميأثر
الدكتور:-لا يأثر ميصير تتعب
وسام:-ميهم دكتور عادي شيصير خلي يصير والضغط مو من الدرجه الأولى
الدكتور:-أتبرلعها جوه بمصرف الدم وأخذ راحه شويه يله تطلع خاف تشكل عندك دوخه .. وألف سلامه لبنتكم والشفاء العاجل
وسام:-مشكور دكتور وأسف قبل شويه أنفعلت عليك
الدكتور:-متعودين مو فد شي جديد
وسام:-نزلت لمصرف الدم تبرعتلها وخابرت شهم من تكعد يدزلي خبر وطلعت من المستشفى لاتكعد وتشوفني تنفعل لو تبجي وهي حالتها الصحيه مو تمام ..
.
.
ڤيان:-فتحت عيوني وشفت روحي بالمستشفى صدك لو گالو العار ميموت حاولت احرك أيدييه مربوطات بالسديه ومشدودات ثنينهن مخلين إلي أجهزه وكانونه مغذي ودم تحمحمت اشوف عندي صوت لو لا .. ماگدرت أبتعد من السديه رابطيني صحت بصوت باكي
ڤيان:-تعاالووو طلعوووني منااااا فتحوو أيدييي تعالوووووو وبجيت دكتووووور ماكو دكتور هناااا فتحووو أييدييييي ختنگتتتت "أجاني دكتور يركض وعلى وجهه إبتسامه فتح الربط من إيدي وكال
الدكتور:-الحمدلله عالسلامه
ڤيان"بصوت مبحوح":-الله يسلمك
الدكتور:-تحسين بوجع غير بأيدج
ڤيان:-راسي ثگيل
الدكتور:-فقر دم حتى نبضج سريع هسه راح نخليلج دم بعد وانشاءالله تصيرين تمام
ڤيان:-أني ليش وحدي هنا أخاف المكان يخوف
الدكتور:-بالعنايه المركزه إنتضري دقايق وننقلج لغرفه عاديه
ڤيان :-"شكل الدكتور بطل الدم وراح شميت ريحة الصدريه اللابستها بيها عطره ..حتى واني بهاي حالتي افكر بيه واتخيله موجود
بقيت بالمستشفى يومين وترف معافتتني ولا رجعت للبيت ابد تسبح وتنام وتاكل بالمستشفى شويه وضعيتي تحسنت والدوخه راحت طلعت من المستشفى بهاليومين يزن يروح ويرجع عليه عرفت بيه مو من كل گلبه الزعل وبيه أمل يرجع يحجي ويايه ..اول ماوصلت للبيت كبل للحمام أتخلص من ريحة المستشفى طلعت من الحمام نشفت شعري وصاحتلي بيبي كالت جدج يريدج مشطت ونزلت للأستقبال لكيت جدو وترف وبيبي كاعدين
أبو قاسم:-ڤيان شلون صرتي
ڤيان:-بخير الحمدلله
أبو قاسم:-بنيتي الراح احجي تسمعينه عدل الفات مات أعتبري روحج هستوج فتحتي عينج عالدنيا أهلج يجي يوم ويحاجوج وهاليون مو بعيد ان شاء الله أخذي راحتج بهالبيت وماريدج تعتكفين وحدج أريدج حالج من حال ترف هــآي الدنيا يوم ألك ويوم عليك
ڤيان:-ان شاء الله جدو
أبو قاسم:-عفيه بحلوة البنات
ترف:-ڤيان ترى المدح الج بــس هو قصده للي بصفج
ڤيان:-صدُك
أم قاسم:-يا أني
ترف:-مو تتشابهن سبحان الخالق بيبي ميصير هيج بــس ڤيان طلعت تشبهج
أم قاسم:-شيفيد الشبه والعقل ماكو
أبو قاسم :-ڤيان تعاي هاج
ڤيان:-شنو هذا تليفون
أبو قاسم:-اي تليفون عمج جابه ألج حتى لتضوجين
ڤيان:-شكراً "قررت هاهيه أنسى كل اللي صار بعد ماشفت بيت جدي شلون يباعون عليه من اضحك اشوف بعيونهم بسمه خاصتاً ترف
تحتار شتسوي حتى تفرحني فتحت التليفون وعمي من أجه سوالي حساب الأيكلود وفعلي برامج حتى ناسيه شلون افعلهن
لليل كاعده بالصاله اني وترف وبيبي نسولف وترف كالت باجر اروح اجيب غراضج مناك كلتلها ماريدهن بــس هي اصرت تجيبهن كلهن
إندك باب البيت وراحت بيبي تفتحه ترف يمي أخذت الشال من عالتخم سمعت صوت بيبي تسولف دخل واحد للصاله من ولد عمو قاسم بــس ماعرفته منــوو بيهم بالتحديد اني اعرف بــس رسلان والباقين شايفتهم مره لو مرتين وماميز بيناتهم دخل للصاله سلم علينا وكعد كبالي ويسولف ويه ترف
سيف:-أي ڤيان أم المصايب والمغامرات وأخيراً صارتلي فرصه اشوفج خفت الهالوجه جنج زمرد
ڤيان:-والله عاد هسه انت شلونك وتعيب ،بعدين انت منــوو؟
سيف:-أني سيف أبن قاسم عمري سته وعشرين سنه
ڤيان:-والنعل أقصد والنعم
سيف:-أكلج أنتي شاده ضمان يم رب العالمين شو كل مره توصلين بحلك الموت وتطلعين جنج صل شنو القصه
ڤيان:-عار مثلك هسه انت جرب تشمر روحك من السطح تتكسر بــس متموت
سيف:-لا والحض ركضتي عليه
ترف:-اهووو كافي تتناگرون سيف الچذلب وين عزيمتك
سيف:-اعذروني لازم اروح جماعتي منتضريني بره "وطلع"
ترف:-اشرد اشرد صار بيها عزيمه الجذابب
ڤيان:-شگد عكره
ترف:-حباب سوالفه يضحكن
ڤيان:-أكولج من تتزوجون تكعدون نفس البيت لو بيت وحدكم
ترف:-لاطبعاً نفس البيت حتى لو هو يريد بيت وحدنا اني ما اقبل علمود عمي خطيه إلى متى يبقون عالمساعد البنگالي يشتغل ليل ونهار صح الولد نضيف ومابيه أذيه بــس عمي من حقه ياكل أكله بيها خير مو من واحد يعرف يطبخ طبخ مطاعم ..حتى أخوانه مطيحه الميانه وياهم من يجون هنا لازم يشوفوني واذا ماجنت موحوده بغرفتي يسألون عليه كلش حبابين
ڤيان:-اهاا اكولج صدك أرجوان متبرعتلي بالدم شو من اجت كل شويه وكالت انتي عايشه بفضلي هسه دمي يمشي بجسمج هــآي صدك لو تتشاقه
ترف:-اي تبرعتلج بطل بــس واتبرعلج أنمار هوايه وبعد حتاجيتي
ڤيان:-ياااا شكد دايريلي دم وبعدين
ترف:-ووسام هم تبرعلج
ڤيان:-وسام؟؟ شجابه
ترف:-لج اسكتي وخليها هجم على خالو شلون محذب عليه مخابره ومكايلهز هو بالمستشفى وعرف من بيبي أجه يكتل خالو حتى عالدكتور كام يصيح كلب الدنيا ودخل يمج بالعنايه المركزه خمس دقايق وانتضر لحد ما الدكتور فحصج وكال بعد نريدلها دم وهو اتبرع
ڤيان:-شلون هو عنده ضغط مو زين عليه
ترف:-لا ما أثر أكلج خيه الرجال يمكن بعده يحبج
ڤيان:-ترف بــس هو طلگ يعني هسه ماكو شي يربطنا صار ماضي حبابه بعد لتذكرينه گدامي ولاتجيبين طاريه
ترف:-يتدلل الحلوووو
ڤيان:-اي
ترف:-أحم أحم هذا رسلان يخابر راح اروح احجي وياه بعدين أحي
ڤيان:-أوك
.
.
حور:-مازالت أعراض الحمل مستمره وبقوه ماكدر كلشي أسوي أحس بتعب فضيع بعدني بنهاية الشهر الأول وبطني منتفخه قليييل
يزن كلش حباب ويايه ولو ساعة العصبيه ميشوف كدامه ومو بــس أني يضوجني لا يضوج البيت كله
عرفت ڤيان تطلگت روحي شاغت عليها وتوسلت بيزن اروحلها ماقبل حتى خواته ماخلاهن يرحن
أجانه خبر ڤيان منتحره أمها تبجي بسكته رفل وديم هم الليل مانمنا لحد مارجع يزن كاللنا بعدها طلعوها من العمليات ومنتضرينهت تكعد عاد للأربعه الصبح خابر عمي گال فيان معدت ونقلوها للغرفهرالعاديه يله كدرت أنام ويهدالي بال صديقة عمري هــآي خطوه بخطوه وياها من الروضه لحد ماكبرنا شلون وهي بأصعب لحضات حياتها ماكدرت أساندها واوكف وياها رجع يزن ورحت صفيت يمه
يزن:-هلا بعمري
حور:-هلا حياتي أطلب من عندك طلب متردني
يزن:-إطلبي
حور:-اريد اروح لڤيان والله بالي يسحن ويطحن يمها حباب هي صديقك عمري واني وياها لحضه بلحضه سويه بالطفوله هسه من كبرت ومحتاجه وكفتي وياها اني عايفتها خلي روحك بمكاني
يزن:-نامي يروحي باجر شوكت متردين اخذج انتي والبنات الها حتى لو تباتين يمها حتى تتحسن نفسيتها
حور:-واللله
يزن:-اي گلبي
حور:-احببببكككك فددييين الميردلي طلب
يزن:-بــس لتنفعلين وتتحركين زياده اخاف الطفل يصيرله شي
حور:-عهههههه لا ميصير شي لتخاف مالازم بعلچ حتى يوكع بهالسهوله "خليت راسي بحضنه وغفيت"
.
.
شهم:-تعودت يوميه أخابر رهف لو أراسلها صارلي اريع ايام وياها نحجي يومياً ولساعات .. طويله
گدرنا نكسب ثقة سهيل بعد ما ردت أعرف وسام شكايل إله وهو رفض يحجي شنو گايله شوفه أشد انواع التعذيب تغريق الرأس نتل بالكهرباء تعذيب بالسوط ضرب بوكسات ماحجه ..
سهيل:-سيدي الرجوله أفعال اني مو من طبعي أحجي اليأمنون بيه ..ولو أريد افشي السر جان حجيت ومن البداية ف أختصر الطريق لأن التريد تسمعه مستحيل أحجي ..
شهم:-"من گلتله هالشي أختبار تعجب وگال كل هالكتل والتدفر والأهانه ومجرد أختبار لعد الصدك شتسوون ..
.
.
يتبع