خفايا ضابط
بارت٨
بقلم كهرمانه
🍃🍃🍃🍃🍃🍃🍃
يحيى:-صباح الخير
إلياس:-ياخير
يحيى:-شبيك مقلوق
سيف:-صباح الخير
إلياس:-تدرون ساعه بيش هسه
يحيى:-اي بالخمسه العصر
إلياس:-لعد ليش تصبحون
سيف:-جدولنا تخربط لا شغل ولا مشغله ننام بالسبعه الصبح
إلياس:-صارت سالفه شكبرها
سيف:-شنو هيه واحد من عدكم مسويله مكسوره
إلياس:-لاا بت عمكم شردت ويه واحد
سيف:-أنا اخو صياده .وشسوولها لكوها لا
يحيى:-ياهيه منهن هنه هواي
إلياس:-فيان
سيف:-اي وشصار
إلياس:-ما ادري ولا خابرت ابوي شكو نتدخل
يحيى:-لو باقين بالنجف مو أحــسن
سيف:-كاماااا كاامااا
كاما:-نعم بابا
سيف:-شلونك
كاما:-تمام
سيف:-تعال اكعد يمنا ليش وحدك بالمطبخ
كاما:-انت ميريد اكل
سيف:-لكم والله فاهمني ياجماعه
يحيى:-اني هم اريد اكل
سيف:-امشي نكعد يمه بالمطبخ "كاما العامل الجابه أبوي تقريبا صار واحد من عدنا "
...
وسام:-ها شهم الله يساعدك
شهم:-كدرت تعرف منها شي
وسام:-اي تكول راح يروح لدهوك بــس لكيت بجيبها تليفون
شهم:-شوف رقمه ونطينياه خلي نتتبع عالرقم
وسام:-"رحنا للمركز بالغرفه البيها أجهزه "
شهم:-لازم يتصل بينا
وسام:-اي خابره وأكطعه من عندك
شهم:-خابرت عالرقم ورجعت سديته ورى شويه رجع خابر
وسام:-شنوو هــآي مكانه ببغداد .هذا مو شارع المدارس
شهم:-اي شفت يعني فيان مجذبه عليك
وسام:-اي
شهم:-لو مخليها بيأدي ذيج اللحضه
وسام:- فيان شي راجعلي مراجعلكم اعتبروها غريبه ميته اي شي
شهم :-يمعود امشي خلي نروح نشوف الموقع الحدده النا الجهاز
وسام:-توجهنا للموقع شويه بعيد بالسياره سألني شهم
شهم:-شنو راح تسويلها العار الاخذتها
وسام:-ارجعها الكم
شهم:-اي حتى اموتها مو كلتلك متناسبك
وسام:-السالفه ماطلعت والناس مادرو بالسوته ارجعها يمكم بــس اعقد محكمه ونكمل تجهيزات العرس اخذها
شهم:-أنت تخبلتتتت وسام فتح عيونككك
وسام:-يعني ترضاها أخذها بدون عقد ولا عرس زين اهل ابوي من يعرفون هيج ماخذها مافكرت شيكولون اني مافكر بيها يطبها الف مرض شهم أهلك أهلي واليضرهم يضرني ما اقبل الناس تحجي عليهم بالموزين وتلوث سمعتهم بسبب وحده مامتربيه عدل
شهم:-تبقى طول عمرك معدنك ذهب . بــس شوف اذا ماطلعت بنيه
وسام:-ساعتها اني أكتلها واغسل عارها
شهم:- اي تمام
وسام:-هذا شارع المدارس
شهم:-أي
وسام:-تندل بيتهم
شهم :-أي اندله من اجه طلبها من عدنا اجيت أني سألت عليهم بهالمنطقه "وكفت يم بابهم دكيت الجرس طلعلي أبوه"
شهم:-السلام عليكم
ابو أرشد:-وعليكم السلام
شهم:-أبنك ارشد موجود
أبو ارشد :-اي نايم
شهم:-عدنا أمر بأعتقاله .متورط بتجارة الأعضاء البشريه وشرب مخدرات ويضحك عالبنات من غير الجرئم المسويها
أبو ارشد:-لتفترون على ابني متكدرون تاخذونه
وسام :-تسلمه ألنه لو نعتقل البالبيت كلهم
أبو ارشد :-هسه اكعده ثواني
شهم:-راح صاحلنا أبنه من شافنا لونه نخطف حاول يشرد بــس لزمنا صعده وسام للسياره وكعد بصفه واني شغلت السياره ومشينا للمركز الطريق كله ولا سكت بــس يسب ويغاط وينعل وصلنا للمركز ونزلنا سحل لغرفة التحقيق خلينا كلبچات بأيديه وربطنا رجله بكلبچه وبالكرسي. وبدا وسام يحقق وياه
وسام:-أسمك الكامل وعمرك وشنو تشتغل
أرشد:-وأنتم شنو حتى أحجيلكم
وسام:-جاوب على أسألتي يجوز تطلع ماعدنا شي وياك
أرشد:-أرشد كريم عبدالله عمري اربعه وعشرين سنه أشتغل ماكير بصالون
وسام:-شنو صحة تورطك بمتاجرة الأعضاء وبهذا العمر اضافتاً لشرب المخدرات
أرشد:-ما اشرب خراااا شجلبت شنو هالخرطي تتبلون عليه والله يا الله
وسام:-وحرك بيت ابو قاسم منــوو وراه؟
أرشد:-بعد شصاير وياكو مشكله ذبوها براسي
وسام:-جاي احجي وياك بهدوء لتقلل أدب
أرشد:-غير الكلته ماعندي لا متورط بتجارة اعضاء ولا غيرها
وسام:-لتجذببب زين فيان ليش مشردها من اهلها
أرشد:-هــآي حبيبتي واني وياها على وعد زواج وماعوفها للموت
وسام:-هههههه احلامك بعيده لتتعبني وتخليني اصرف حجي هوايه وياك أول وتالي تعترف
أرشد"كعد رجل على رجل وكال ماعندي شي أكوله تجبرني افتري على روحي مثلاً
وسام:-باوعت الشهم الواكف وراه نفذ صبري كلش هزيتله راسي بنفاذ صبر أشرلي حتى انهي الموضوع ونطلع الأجابة بطريقتي ..وكفت كدامه ولزمته من ياخة التيشيرت مالته وكلتله اخر مره أكلك احجيي
أرشد:-شحجييييي ماعندي شيييي اكوووللله للمره الألفففف كافيييييي
وسام:-فتحت المجر مالتي وطلعت كابسة الخشب خليتها على أيده وكبست صرخ صرخه يكرم الله المركز كله سمعها
وسام:-أحجي لا هــآي الكابسه اخلصها عليك
أرشد:-لتلح ماعنندي شي وماشري مخدرات أكبسل بحبوب مهدئه
وسام:-كمل كمل وبعد شمسوي
أرشد :-بــس هــآي
وسام:-"ماعرف شنو من بشر ضربته وشبعته كفخات ماقبل يحجي ورجعت كبست بأيده الثانيه هم ماعترف أخر شي صعقته بالكهرباء مرتين يله قبل يعترف
أرشد:-اني ما اتاجر بالبشر
وسام:-لعد شتسوي
أرشد:-أخذ بنات لدهوك وخلص اوصلهم لجماعه
وسام:-يعني انت تجيب البنات للطريق الغلط
ارشد:-بــس فيان نيتي وياها زواج والله وردت اخذها هناك حتى نخلص من اهلها
وسام:-وتحرفها وياك بهالطريقق
أرشد:-ايي
وسام:-وهي جانت تعرف بيك وبسوالفك
أرشد:-تعرف اني حركت البيت بــس متعرف بالباقي
وسام:-منــوو اليوجهك على الشي
أرشد:-واحد أسمه ابو بخه هذا هو يستلم البنات من عندي وبرضاتهن يرحن وأصححلك مو متاجره بالأضاء لا يرحن يشتغلن هناك
وسام:-يعني من يرحن ويسون غلط ميخاذون اعضائهن ويشمروهن أنت غبييي
أرشد :-ماعرف بعد شيسوون بالضبط
وسام:-أستغفرالله وبعد
أرشد:-شعندي بعد ابيع حلاوه
وسام :-فوك الأنت بيه تحشش حضرتك "شهم جان كاعد يدخن ويسمع بتدقيق صحتله أخذه من عندي هذا سالفته داجه عمره كله يخلصه بالسجن
شهم:-يطبه مرض فوك مرض ينحرفون بطريق الغلط ومن توصل للعداله يتباجون مثل النسوان
وسام:-أگلك رسلان بعده لو طلع
شهم:-ميطلع ينتضرني
وسام:-أخذه للسجن وشددو الحراسه عليه اني رايح لابوك عندي كم كلمه وياه
شهم:-روح لتدير بال
وسام:-عفته وطلعت من المركز صعدت سيارتي ومشيت لبيت أبو قاسم وصلتلهم دكيت الجرس طلعلي الحجي سلمت عليه وكلتله عندي موضوع وياك
أبو قاسم:-أتفضل ادخل جوه نحجي
وسام:-دخلت للأستقبال مالتهم كعدت يمه وكلتله راح اجيب فيان يمكم
أبو قاسم:-والله يايابه أحنا كلش نعتذر من عندك بنيه مثلها كدرت تلعب باعصاب الكل
وسام:-حجي أني مــآريد تجيكم حجايه تمس شرفكم بالموزين يشهد الله مثل اهلي واكثر مقامكم عندي وانتم معروفين بين العالم ف ياريت لو اجيب فيان يمكم على ما اخلص العقد وسوي عرس واخذها
أبو قاسم:-بعد كل السوته تريد تسويلها عرس
وسام:-اي أهلي يدورون الزله عليكم لازم اسوي عرس واخذها ببدله بيضه
أبو قاسم :-والمطلوب من عندي
وسام:-تخلي أمانتي يمك اجيبها محد يطخها
أبو قاسم:-والله أنت أفضالك علينا هواي شطلب من عندي أنفذه جيبها واكعدها يمي معززه مكرمه منا لحد متاخذها
وسام:-الله يبرد گلبك حجي ويطوللنا بعمرك . أريد ترف موجوده
أبو قاسم:-اي موجوده هسه اصيحها
وسام:-كام يصيح ترف واني بقيت كاعد منتضرهم شويه وأجت
ترف:-هلو وسام شلونك
وسام:-هلا بيج بت عمي شخبارج
ترف:-الحمدلله
وسام:-ترف راح اجيب فيان يمكم تكعدينها بغرفتج منا لأسبوع بالزايد
ترف:-والله ياريت بالي يمها اني اهتم بيها
وسام:-يله لعد اني رايح بالليل أجيبها
ترف :-انشاءالله
.
.
فيان:-بقيت بالغرفه الضلمه أصعب شي شفته بحياتي هذا اليوم خليهم يكتلوني يشبعوني ضرب بــس ليشمروني بغرفة ضلمه كل شويه أتخيل حشره لو فاره تجي يمي واضل اعيط مديت إيدي لجيبي ماكو التليفون اكيد ماخذه بقيت على هالحاله هواايه غلبني النعاس وغمضت عيوني بتعب غفيت وكعدت بــس من كعدت ما ادري اني شكد نمت وهسه دنيا ليل لو صبح.. حسيت صوت مال رجلين تقترب نفتح الباب والضلمه بعدها كمت وكفت
فيان:-منووو "نلزمت من أيدي وعرفته من لزمته وسام مشاني وياه طلعني من المكان اليخوف همزين .دنيا ليل هسه يله أحس روحي تنفست"وينن موديني
وسام:-لجهنمم
فيان:-صعدني السياره وصعد بصفي حرك السياره مدري وين شويه شويه وعرفت هــآي منطقتنا صف السياره بصفبيت جدي ونزل أجه فتحلي الباب
وسام:-متعرفين تفتحين الباب وتنزلي
فيان:-شعندك جبتني هنا
وسام:-أمشي وانتي ساكته الج عين وتحجين
فيان:-سكتت ودخلت لبيت جدي وصلت للصاله شفت جدي وبيبي كاعدين بيبي دايره وجهها وجدو اصلا مباوع عليه شفت ترف تنزل من الدرج أجت حضنتني وباستني بخدي
ترف:-لج فيان هــآي شصار بحالج عمري
وسام:-ترف اخذيها يمج
ترف:-لزمت أيدها وهي مثل الزومبي تمشي بالكوه صعدتها فوك لغرفتي وقفلت الباب
فيان:-ترف راح اموت من العطش
ترف:-اكو مي بالغرفه اخذته ونطيته إلها فتحت الكنتور وطلعتلها ملابس "ادخلي سبحي بــآعي ملابسج متربه وكلج دم اني نازله اسويلج شي تاكلينه مو تطولين بالحمام لا اهلج يعرفون بيج عدنا ويجون عليج
فيان:-هزيتلها براسي بمعنى أي اخذت الملابس ودخلت للحمام سبحت أحس المي يلچم جروحي شفتي مشكوكه وراسي هم مورمه كصتي ومشكوكه احس جسمي متكسر باوعت لجسمي بالمرايه يخوف صــآيـر الوان من الضررب سديت المي ولبست ملابس ترف نشفت شعري وطلعت للغرفه لكيت صينيه ماال أكل بالغرفه
ترف:-يله تعاي أكلي
فيان بصوت شبه مختفي من الصياح :-مــآريد اكل
ترف:-أكلي حتى تشربين مسكن وتنامين يله ياعيني
فيان:-ترف اني ماستاهل اهتمام من أحد عوفيني
ترف:-ولج انتي صديقة عمري يله ماكو بشر ميغلط انشاءالله تعلمتي . احمدي ربج وسام موجود بحياتج ويعرف شلون يتصرف
فيان:-الله يعلم شضاملي الحقير
ترف:-ولج الرجال طلعج من الموت وتكولين عليه حقير
فيان:-الموت افضل من العيشه وياه
ترف:-يله اكلي عاد شوفي وجهج شلون أصفر
فيان:-أكلت جنت جوعانه من خلصت نطتني ترف حبوب مسكنه شربتهن ومشطت شعري ونمت مادريت بالدنيا شصار بيها
ترف:-ورى منامت فيان نزلت يم جدتي كعدت سألتها وسام كاللكم شي ورى ماراح
ام قاسم:-نطانا فلوس الجهاز مالها وكال جيبيلها جهاز وذهب حتى فلوس بدله وصالون
ترف:-ترحين وحدج
ام قاسم :-لا نروح اني ومرت مثنى
ترف:-اهااا يله حبيبتي رايحه انام محتاجه شي
ام قاسم :-نوم العوافي لا ممحتاجه شي بــس يجي فهد اقفل وانام
ترف:-صعدت لكيت فيان نايمه تمددت بصفها ونمت مر أسبوع عقدو فيان ووسام وخلصو كل مستلزمات العرس مقبلت تروح صالون هيه مكيجت روحها بالبيت وسوت شعرها لبست البدله البيضه وطلعت تجنن جنها ملاك بــس المخرب عليها وجهها خالي من التعابير وبعينها الدمعه صعبه عرسها لا ام لا اب لا اخت بــس بيت عمو مثنى وأحنا وخوات بيبي ثنين كعدت بالأستقبال ومنتضرين الزفه بالاربعه خابر فهد كالي جايين بالطريق .لبست فيان البركع ورى شويه أجو اهل وسام هم مجايب وياه هواي بيت عمو ابو زهير وبيبي ومرت ابوه .خواله ولا واحد كعد يمها وبيبي تهوسله ونسوان يركصن ماشاءالله اهل الوي نزلت محبتهم لوسام فجأة شنو هالعجبه ورى شويه وكف وفيان وكفت لزمها من ايدها وطلعو للسياره. حور ماقبلو اهلها تروح لبيت اهل وسام بقت تبجي على فراكها لان تدري بعد متشوفه واني هم مارجت خاف اشوف عمي وابنه بــس جدتي ومرت خالو مثنى راحن وياها بقينا بالبيت نبجي اني والبنات صحيح جانت تحب المشاكل وممخليه واحد ممعاركته بــس محبوبه والله وكلبها محد يعرف شكد ضعيف
.
.
فيان:-مر أسبوع واني طلعت بس بيوم العقد سحبنا دم وعقدنا رجعني للبيت وبعد كملت باقي الأيام بغرفة ترف ما اطلع بــس للحمام أجه يوم العرس ماحجزت صالون اني مكيجت روحي ولبست البدله وسويت تسريحه باوعت على روحي بالمرايه ودمعتي نزلت غصب عني أجتي حور مسحت دمعتي
حور:-فيان الأعرفها متبجي وخاصتاً بهيج يوم حتى لو الضروف مو بصالحج بــس اهم شي متبجين
فيان:-حور أحس گلبي راح يوكف
حور:-اسم الله فيان قوي كلبج
فيان:-انشاءالله مانحرم منج انتي وترف
حور:-ديله ياعيني والله اهلج يجي يوم ويحجون وياج طبيعي وسالفه تنسي بعدها هسه سالفه حاميه
فيان:-نزلت من غرفة ترف للأستقبال كعدت عالتخم منتضره شوكت اروح لموتي . اباوع عالوجوه تتلاطم ترف وحور وأرجوان معبسات جدتي كاعده يمي وتسبح وتستغفر ومرت خالو مثنى كل شويه جايه موصيتني على شي وكالتلي شيريد يسوي لتمنعينه ترى تشبعين كتل ويصير شي ميعجبج .
أجه هو واهله نفس الحجيه التلعب نفسي منها وبعد نسوان اول مره اشوفهن هوسن وركصن لحد ماوسام كام راد يطلع واني هم كمت لزم أيدي واخذني للسياره صعدتني ترف وجدتي البدله جانت جبيره .
ساق السياره لبيتهم أبد مرايحتله ولا اعرف اهله حتى كم شخص بالبيت ما اعرف .
وصلنا للبيت دخل السياره للطرمه مالتهم أجت مرت عمي نزلتني من السياره ومشتني لداخل الاستقبال مالتهم هو عافني وطلع بره حتى يمي ماكعد الله يعين باوعتلهن بأستغراب ابد ماستحيت كلهن على نضره وحده كره مدري حقد أجت مرت عمي وياها بنيه تجي اكبر من عندي بكم سنه صعدني الدرج البدله ثكيله بشكل مو طبيعي البنيه دلتنا على غرفة وسام فتحت الباب دخلت .
اول شي ممر وبعدها غرفه جبيره وبالزاويه حمام الغرفه ألوانها رمادي وجوزي كالتلي مرت عمي ادير بالي على روحي وماعانده أبد وراحت ....
....
يتبع