خفايا ضابط
بارت٧
بقلم كهرمانه
🍃🍃🍃🍃🍃🍃
فيان:-خابرت أرشد مايرد رجعت خابرته اكثر من مره رد
أرشد:-ها حب شعندج من الصبح
فيان:-أرشد اني طلعت من بيت اهلي وينك
أرشد:-فيان امشي لبيت خالتي تندليهم
فيان:-"وصفلي بت خالته ورحتلهم بعدني دا امشي لبيت خالته لكيته بطريقي
أرشد :-هلا بالعمررر تعاي ويايه لبيت خالتي
فيان:-رحنا لبيت خالته وشفتها تباوع عليه من فوك لجوه سألت ارشد منين هــآي البنيه وكاللها صديقتي بالصالون أخذ غراضه وسويج السياره وطلعنا صعدت وياه بالسياره
فيان:-وين حنروح هسه
أرشد:-لدهوك
فيان:-شنسوي هناك
أرشد :-عندي مكان نكعد بيه خلال هالفتره بــس خلي اهلج يقطعون الأمل من عندج
فيان:-هااا
أرشد:-اي لتخافين ماعوفج
.
رفل :-كعدت الساعه ثمانيه سويت ريوك وكعدت ماما نتريك اني وياها من خلصت كالت امشي كعدي فيان دنروح اجيبلها غراض من السوك هم تتزوج ماعدها شي بيه خير عفت امي تحجي وصعدت لغرفه فيان فتحت الباب باوعت الغرفه فارغه غريب طلعت من الغرفه ودخلت للحمام الفوك ماكو نزلت لأمي كلتلها فيان مموجوده بغرفتها
أم يزن:-ياا بــس لا سوتها بنت الكلب صعدي دوري السطح البيت كله
رفل:-صعدت بسرعه لغرفة ديم ماكو غرفة يزن المخزن السطح دورته كل زاويه بالبيت مالگيتها نزلت ركض وأنيي الهث كلت لامي ماكو فوك
أم يزن:-يا تصحم وجهنا اني حتى ورى البيت دورته مالكيتها
رفل:-خابرت امي على بابا ويزن وكالتلهم فيان ماموجوده بالبيت أجه عمو شهم قبل بابا بعده مرايح لشغله فـ قريب الضاهر بابا كايله
شهم:-وينن جنتو من نهزمتتت
أم يزن:-طول بالك يجوز مخطوفه
شهم:-الباب مفتوح لو لا مفاتيح البيت وين "أشرت ع مكان رحت للمدخل مال البيت مالكيت المفاتيح بالتعلاگه طلعت بره لباب الشارع المفاتيح بالباب " هــآي الأدبسزز مهزوومه لو حرامي طافر عليكم ميفتح الباب بالمفتاح
أم يزن:-صخام الصخم وجهي انشاءالله مو بنيه مشيطنه والله تعبتنا كلنا
شهم:- لازم نلكيها قبل لا يعبرون مدينه لو يختلي بيها " عفتهم ورحت ببيت أهلي خابرت اخوتي وكلتلهم وكلت لأبوي "
أبو قاسم:-شراح نسوي الناس تاكل وجوهنا وخاصتاً عيال اختك بويه لتخلي مكان لتدوره وجيبوها سحل لعندي اني اربيها هالمامتربايه عفناهت على حل شعرها وشوف النتيجه
شهم:-يابه مماخذها على سواد وجهها بحثت عليه وصارلي أشهر اريد اوصله ماكو يتاجرون بالبشر بيع وشراء عدهم كلش عادي ياخذون اعضائها ويشمرونها بالزباله
أبو قاسم:-شلون شنسوي
شهم:-ما اعرف راح ابلغ عليهم اليلكاهم يخابر عليه "دك وسام عليه ماعرف شلون أكله عالصار فتحت خط واني امسح وجهي بأيدي"
وسام:-الله يساعدك
شهم:-هلا بيك
وسام:-شبيه صوتك وليش ماجاي اليوم للمركز
شهم:-وسام
وسام:-ها
شهم:-فيان نهزمت
وسام:-شوكتتتت
شهم:-تكدر تجي
وسام:-اي راح اجي أنت ببيتكم ؟
شهم:-اي اي ببيتنا تعال بسرعه
.
فيان:-"جان عندي تردد شويه ماعرف ليش صف السياره يم محطه مال بانزين ترس السياره بانزين ورجع صعد كلتله جوعانه وكال اشوفلي مطعم اجيبلج أكل من عنده هو نزل واني طلعت تليفوني وخابرت ترف اول مادكين ردت "
ترف:-ألو منــوو
فيان:-اني فيان احجي بسرعه
ترف:-ولج فيان انتي وين الدنيا كلبوها عليج
فيان:-نهزمت ويه ارشد
ترف:-عزه بعينج فلكك فيان خالو يكول ارشد هذا يتاجر بأعضاء البشررررر يلعب عالبنات ومن زمان يدور عليه وينبش وراه من حرك بيتنا عرف كلشي عنه فيان عوفيه تره شغلته تعاي قبل ليصيرلج شي
فيان :-واهليي
ترف:-انتي متعوده عالكفخ ارجعييي وكسري الشرررر
فيان:-سديته بوجه ترف وكلبي يدك سريع عمي ميحجي شي مامتأكد من عنده انهزم بروحي أحسن البشر ميتأمن .. فتحت السياره وطلعت أركض للمجهول همزين شارع عام وبيه ناس باوعت ورايه مالكيته وصلت يم جامع دخلت للجامع كعدت بالكاع ونفجرت بالبجيي وين اروح واني ماندل شي هنا حتى فلوس ماعندي واذا رحت لأهلي يكتلوني أجاني سيد جبير بالعمر يمشي على عكازه وكف على راسي وسألني شتسوين هنا
فيان:-فدوه ساعدني اني ضايعه من اهلي ماعرف شلون ارجعلهم حجيتله السويته وهز راسه بعدم رضا
السيد:-لا الله إلا الله هسه انتي عصيتي ربج واهلج وهذا الشي غلط شلون تتوفقين بحياتج
فيان:-فدوه ساعدني هسه اهلي بــس يلكوني يموتوني
السيد:-كومي يابه امشي اوديج لبيتي دخيله انشاءالله محد يأذيج
فيان:-سلمتها لألله ورحت ويه السيد لبيته مامشينا هوايه قويب بيته عالجامع دخلت وياه واني مستحيه صاح لمرت أبنه أجت لابسه ثوب عريض عليها ومعاصم وحجاب لابسه وجواريب وجهها نوراني اجت سلمت عليه واخذتني يمها كعدتني بالمطبخ محضره أكل ودته للسيد . كعدت على الكرويته اباوع على تحركاتها .فتحت الثلاجه وطلعتلي بطل مي نطتني أشرب وصاحت لبنتها تجي بعمري هم سلمت عليه وعرفتني على روحها أسمها ساره كعدن يمي بــس مبين من نضراتهن يردن يعرفن ليش أني اجيت وجابني السيد يمهن
أم ساره:-يله سرو كعدي خل اصبلجن غده اني متغدايه من زمان
ساره:-اي شوكت لحگتي تاكلين
ام ساره:-لازم اول ميأذن تتخله الصينيه جدج خلص صلاته بالجامع وأجه
فيان:-أكلت وياهن لكميتن وشبعت سألتني المره ام ساره وهي تفرك بأيدها بأرتباك
أم ساره:-خيه انتي اجيتي لهنا ومنعرف عنج شي ابد غير عمي كال عنج دخيله يمنا
فيان:-خاله أني حبيت واحد من زمان يعني حيصيرلنا سنه سويه وأهلي عرفو بيه واني سويت مشاكل صراحه وياهم اجه خطبني واحد ووافقو عليه سوو الخطوبه حتى بدون لياخذون موافقتي .ستمريت ويه حبيبي وقررنا ننهزم أني وياه واليوم الصبح نهزمت وياه خابرت بنت عمتي ردت أعرف شنو الصار ورى وانهزمت كالت عمي يدور ورى حبيبي من فتره وعرف هو يتاجر بأجسام البشر ويضحك على هوايه بنات من حجيت ويه بنت عمتي جان هو نازل يجيبلي أكل شردت من السياره وركضت لحد مالكيت الجامع دخلتله ولكيت السيد جابني هنا
أم ساره:-يمممه اسم الله وأهلج من يلكونج يعوفونج هيج
فيان:-ما أدري يموتوني ميخالف بــس ليتاجرون بأعضائي وياهذوهن للحرام حتى دفن ما أندفن
أم ساره:-خليها على ألله
فيان:-أجاني السيد وطلب رقم واحد من أهلي نطيته رقم ترف خابر عليها وطلب يحجي ويا جدو وجدو حاجاه
السيد:-الله بالخير
أبو قاسم:-أهلاً الله بالخير والبركه
السيد:-أني السيد نزار أبن السيد عامر البخيت وعدنا أمانه تعودلكم
أبو قاسم:-والنعم منكم ومن أصلكم بــس شنو الأمانه
السيد:-بنت أبنك دخيله عدنا
أبو قاسم:- شلون وصلتلكم بنت أبني وحدها لو أحد وياها
السيد:-أجتنا للجامع طالبه المساعده وحدها لكيتها تبجي . واني مارد أحد يحتاج مساعدتي وهسه بنتكم مكعدها يم العلويه أنطيكم عنوان بيني وتجون
أبو قاسم:-كلي بالعنوان ونجي ناخذها
فيان:-كال لجدو العنوان واني أيدي ترجف وريگي نشف كعدت بصفي أم ساره تهدي بيه وتحجي ويايه ولا فهمت منها شي بالي مو يمها أبد بقيت على هالوضع بحدود الساعه أجاني السيد كال وصلو أهلج كومي روحي وياهم لا رفضت أطلع ولا حجيت شي إلتزمت الصمت ومشيت ورى السيد ودعت العلويه وبنتها وطلعت أمشي وصلت لباب البيت وباوعت للسياره وسام وبصفه فهد .وسام يعرف لا صدك راح تنقري فاتحتي وصلت للسياره فتحت الباب وصعدت بهدوء سديت الباب شغل السياره ومشى الطريق كله شارده مثل المسلوبه روحها منها ماعرف شحيسوون من يشوفوني وصلنا لبيت جدي غريب ماوداني لأهلي .. نزلو همه ووسام إلتفتلي أحسه متشمت بيه رفعت راسي ودخلت للبيت ماريد واحد مثله يشوفني ضعيفه أول مادخلت لكيت عمي شهم كاعد على كرسي ومن شافني أجه ناحيتي بخطوات سريعه ضربني راجدي وسحلني من شعري ودخلني للبيت تحديداً بالصاله دفعني يم رجلين أبوي ودفرني على بطني تأذيت وصرخت بصوت عالي
شهم:-شوف بنتك العفتها على راحتها شسوت بيككك رتاحيت هسه كم مره كلتلك لتطيها مجال تنزل راسك فيان ينخاف منها بــس ماسمعت
فيان :-رفعت عيوني أله شفته مخلي أيده على راسه .ما أحس إله رجل داست على راسي وأجاني صوت يزن داس على راسي وأبتعد شويه وشفت مسدس بأيده غمضت عيوني منتضره الطلقه تخترق راسي أحس العالم وكف والصوت ماكو يمي من الخوف مركزه شوكت تجي الطلقه وأموت واتخيل الوجه فجأة أيد لزمتني من زندي باوعت وسام وكفت من شفته دفعني ورى ضهره ووكف بوجه عمي ويزن
وسام:-عوفوها محد أله غرض بيها
شهم:-طلكهاااا متستاهلك هالچلبه
وسام:-شهم هيه هسه شي يخصني أني المسؤول عنهااا
يزن:-تخبللتتتت عوفهاااا خلي أغسل عارها لو ما ألله سترنا لا جان رحنا بالرجلين من وراهاااا
شهم:-مكانه وين الكو... مالج
فيان:-ما أدرييي "تقدم راد يضربني بــس وسام دفعه
شهم:-أحجي مكانه وييين لج أنتي تعرفين هو شنوووو تعرفيييييييين
فيان:-والله من عرفت بيه بالوقت الضائع نهزمت من عنده وحتى ماعرفت شصار بيه "لزمني وسام وكال لشهم بعدين نتفاهم جرني وياه طلعني من الصاله والبيت بكبره وصل لسيارته فتح الباب وشمرني بالسياره صعد ومشه السياره بسرعه أخذني لمكان ماعرفه مو بيت مثل العماره مهجوره هيج شي
فيان :-شمرني بغرفه ضلمه وسد عليه الباب وهو يعرف كلش زين شلون أني اخاف من الضمله عيطت من الخوف وكمت أرجف أختنكت أحس ماكو هوا وأغمى عليه ... ماحسيت إلا على مي بارد تبلل جسمي كله
وسام:-كولييي وين مكااانه لا افرغ المسدس كله براسج
فيان:-ما اعرف أني اصلاً تركته وشردت
وسام:-جذابه تعرفين مكانه إذا تحجين اخففلج عقابج
فيان:-ما أدري بيه وين ليش مو راضي تصدك "خنگني وأحس عيونه حيطلعن من مكانهن
وسام :-سوايتج هااي أثرتي عالكل أهلج سمعتهم راح تصير ويه الكاااع عاجبببجج بسس دليني مكانه وين هالعارررر لا أموتج بت الكلب
فيان:-حسيت روحي راح تطلع بأيده دهوك رر اح ههناكك"نزل أيده وحجه بهدوء أرتخت ملامحه"
وسام :-ليش جذبتي لعد وتكولين ما اعرف مكانه فوك ماحاول يغغتصبج تخافين عليه من عدنااا شوفة عينج أهلج شسوو بيج من لزموج ولو عايفج دقايق يمهم جان هسه بس الله عليم بحالج
فيان:-اتركنيييي وديني ألهم خلي يموتوني ولا ابقى يمك لتسوي زين ويايه مشكوووور وازيدك شي اني شردتت برضاتي هو محاول يغتصبني
وسام بهدوء:-وين بدهوك
فيان:-ما ادري بالضبط بس كال راح اروح لدهوك وهسه رجعنيي لاهلي ما اريدك افتهممم مستحيل ابقى يم واحد مثلك
وسام:-لزمت المسدس وضربتها على راسها بقوه اغمى عليها...
.
.
ترف:-كعدت الصبح على صوت صياح نزلت بسرعه عبالي واحد من بيت جدي بيهم شي سمعت أنو فيان شارده ويه صاحبها وخالي متخبل عليها بقيت بقلق عليها خاصتا من سمعت خالي يكول لجدو صاحبها يتاجر بالبشر الساعه ب١١ونص الصبح خابر عليه رقم جنت بغرفتي رديت أجاني صوت فيان حجيت وياها وكلتلها ترجع وحذرتها بلكي تسمع الكلمه سدته بوجهي وقلقت أكثر الف حسبه وحسبه تجي ببالي ..
.
.
يتبع