وبعد ما خرج حمزه وكنزي من المستشفي كل واحد
رجع علي بيتو مهو مينفعش كده ده العريس ساب
عروستو ليله الصباحيه ده هتنفخو......
♕♕♕♕♕
وعدت الايام عادي وباقي يومين علي نتيجه الثانويه
العامه والعاشق الولهان مشغول اكتر وقتو مع أسراء
مين اسراء...... دي اللي كانت بتكلمو يوم الفرح و
هنعرفها كمان شويه مش دلوقتي لكن عبدالله عايز
يكلم حبيبتو اللي فضلت غايبه عنو شهور فخرج
وراح عند بيت عمتو وزي العاده كل واحد في شغلو
وعمتو في السوق وضحا مع حبيب القلب هو خبط
علي الباب مره وأتنين لكن مفيش حد رد عليه لكن
هو كان سامع صوت من المطبخ فدخل لقاها حاطه
السماعات في ودنها ومعليا الصوت علي الاخر لدرجه
أنو كان سامع الاغنيه وهي كانت حاطه زيت علي
النار وبتعمل حاجه كده شكلها بتطبخ ربنا يستر
وعماله تدندن الاغنيه فقرب منها وحضنها وشال
واحده من السماعات وقال طب حتي اقفلي الباب
بدل ما تتخطفي وهي مش مستوعبه حاجه ونسيت
كل حاجه كل اللي في دماغها انو جنبها.......انت
بتعمل ايه هنا ها جاي تاكل البطاطس بتاعتي ها
انطق اعترف.
عبدالله: هههه......وقال ايه بيكبرو يعقلو يجو يشوفو
العاقلين.
فزقتو وحطت ايديها في وسطها وقالت اصدك ايه
يا سي عبدالله ان انا مجنونه ياكش مجنونه انا ولا
حاجه يالا امشي من هنا شباب اخر زمن.
فخرج بسرعه قبل ما تحدفو باللي في ايديها وبعدها
وقف وراها وحط ايدو في وسطو وقال شباب اخر
زمن ومشي بسرعه قبل ما يبقا بطاطس وكل واحد
فيهم نسي كل اللي مر عليهم وعمالين يضحكو وهو
ماشي وعمال يضحك علي المجنونه اللي وقع في
غرامها لكن قبل ما يخرج من البيت سمع صوتها
فجري عليها بسرعه لقاها ماسكه ايديها وبتتالم
وطلعت انها حطت ايديها في الزيت مع البطاطس
من غير قصد فخدها علي الصاله وطفي النار أللي
علي الزيت وبعدها سألها فين الدوا فقالتلو علي
مكانو وقعد قصادها بيحطلها الكريم براحه علي
ايديها وبعدها قال بهزار.... مدام انتي عايزه صوابع
مقليه طب قوليلي اموت واعرف عقلك ده فين
لتكوني نستيه في القاهره ولا حاجه. وهنا افتكرت
كلام حمزه وانها جايه هنا مش علشان عبدالله.
عبدالله: خلاص خلصت خلي بالك بقا من نفسك
كفايا كوارث والنبي.
فقالتلو بكل برود ولا مبالاه..... تقدر تمشي وشكرا.
عبدالله: لاء مش همشي.....مش همشي غير لما اطمن
انك بقيتي كويسه ومعاكي حد يخلي بالو منك.
وبنفس البرود قالت...... ملوش لزوم واظن ان احسن
انك تمشي.
فقام ووقف قصادها وقال ليه كل ده ها انا عارف اني
غلطت وبعترف بده واعتذرتلك الف مره وبرجع
اقولك اسف تاني لكن كفايا لحد كده انسي بقا
وخلينا نبدأ من جديد.
كنزي: خلاص خلصت كلامك اتفضل بقا لو سمحت.
عبدالله: انتي مستحيل تكوني الانسانه اللي انا عشت
عمري كلو بحبها مستحيل تكوني الانسانه اللي
وقفت قدام الناس كلها عشانها واسف لو ازعجتك
سلام .....
وسابها ومشي.
♕♕♕♕♕♕
والنهارده يوم النتيجه الكل في قلق وتوتر وبرغم كل
اللي حصل لكن عبدالله كان مستني النتيجه بتاعتها
علي نار يمكن اكتر من نتيجتو وكل ده والنتيجه لسه
مظهرتش وبعدها اعلنو ان في واحد في السايبر
قريب من هنا بيجيب النتيجه وطبعا كلهم راحو
يجيبو النتيجه وكلهم قلقانين وصف للولاد وصف
للبنات وبعدها عبدالله شاف ضحا بتزعرط وبتحضن
بنت خالتها وتقول بقا عندنا دكتوره في العيله
لولولولي والبت يا عيني مش مستوعبه اي حاجه
وعبدالله اول ما سمع كده ساب كل حاجه حتي
نتيجتو وراح حضنها قدام كل الحاضرين ورفعها عن
الارض وكانت فرحتو لا توصف وبعدها نزلها وقال
دكتورتي الصغنونه كبرت الف مبروك يا عمري ورجع
حضنها تاني وبعدها بعدو عن بعض لما استوعبو ان
في خلق في المكان وبعد ما ظهرت النتيجه كانت
النتايج كالتالي.
دكتورتنا الصغنونه:٩٨٪
عبدالله:٩٦٪
ضحا: ٩٦.٥٪
ادم: ٩٤٪
كلهم كانو فرحانين بالنتيجه لان كل واحد كان نفسو
في كليه معينه ومجموعو يوديه ليها طبعا الدكتوره
هتدخل طب بشري كليه القاهره وعبدالله طب اسنان
وضحا قررت تدخل كليه هندسه جامعه القاهره بردو
وادم دخل هندسه بردو علشان يبقا مع الحب وعدا
شهر علي ظهور النتيجه الاوضاع مكنتش احسن
حاجه لكن تمام بدأ عبدالله وكنزي انهم يتكلمو
لكن كلامهم كان قليل اوي بيتكلمو علي حفيف كده
لانها مش لازم تنسي كلام حمزه ابدا علي الاقل لحد
وقت العمليه وفي يوم عبدالله وادم واقفين مع
صحابهم وبيتكلمو ويهزرو وبعدها لقا ادم تلفونو
عمال يرن ومن غير ما يبص علي الاسم فصل الخط
ورجع رن تاني ولقاها ضحا فرد.....الو يا حببتي
عامله ايه.
ضحا بعياط وبتتكلم بصعوبه..... الحقني يا ادم.
ادم: في ايه مالك طب اهدي بس وفهميني مالك.
فعبدالله استغرب وقالو في ايه يا ادم ضحا كويسه.
وقبل ما ادم يرد عليه لقا ضحا علي الخط وبتقولو
الحقني كنزي اتخطفت.
وادم مش مستوعب اي حاجه وعبدالله مش فاهم و
عمال يقولو في ايه ضحا مالها.
وبعد ما استوعب ادم اللي قالتلو ضحا فبص لعبدالله
وقال كنزي اتخطفت.
♕♕♕♕♕♕
علقو كتيير وصوتو للفصل 🤗.
والله يا جماعه انا بقرأ كل تعليقاتو واحد واحد
وبكون فرحانه جدا بيها ❤.
#بقلم الملكة❤