#زينوفوبيا🥀
🔥الحلقة التاسعة 9🔥
♥ħ㉫๓✿♥
________________
منعم :براا الصبح بكري توكل تسمع فياا يطلع الضي مامبيش انشوفك هني
نوح:وشن بنقول لي جميلة والصغار والعيلة هما اكيد بيجو يدوروني هني اكيد
منعم:طلبووك من العمل ضروري واطرييت تمشي واني تو انحااول انحل الموضوع معاهم بتفااهم
نوح: تمام تمام الصبح نطلع لاكن اااء.
منعم:طلع فلوس من شنطه وعطاهم لي خوه دبر روحك بيهم فترة واول ماتوصلني الدفعة التانية نبعتلك
نوح:لاكن غير اسمع
منعم:انت اللي اسمع حني مش نااقصين مشاااكل دير اللي قتلك عليه والا اني حنغسل ايديا منك
________________
درس اشرف قدام المركز ونزل
الشرطي :سيدي حضرة الضابط مهند يستنى فيك في حجرة مراقبة التحقيق
اشرف:تمام اهو ماشيله
مهند مقعمز يدخن ويشبح لي فتحي من ورا المرش
طقطق الباب وخش اشرف
اشرف:مهند شن صار
مهند يدخن وساكت
اشرف قعمز جنبه ويشبحله :اوووي وين مسافر انكلم فيك
مهند:اشبح ملامح وجهه كيف خايف ويخمم شوف جبهته كيف حمرا وعرق ويمسح في ايديه علي بعض تعرف شن معناها الحركات هادي
اشرف :شن معنااها🙄
مهند:معناها يخمم لما بنخش انحقق معاه شن بيكدب عليا وداير عملة اكبر من رااسه هدا مش مجردد ساوس عادي
اشرف:غير اسمع توا يا محقق كرومبو تليفونه وين
مهند :تي رحاه برصاص اول ماكبست عليه
اشرف:تي باهي وين شفرته
مهند:جربوها مابتش تخدم
اشرف :باهي هي شني انخشوله
مهند ناض وقف:هي تعالا
طلعو اشرف ومهند وخشو لي فتحي
اشرف : العريف فتحي العميل الخاين لقد تم القبض عليك شن شعوورك
فتحي :اني مش خااين مادرت شي اني كنت اندور في وراق تخصني
اشرف:مهند اني بنضحك مش قادر انت عارفني تافه تعالا انت
مهند قارن حواجبه ومقعمز قدام فتحي :اعترف بروحك احسن لانك عارفني كيف بنخليك تتكلم
فتحي:اني مش خااااين مادرت شي 😠
مهند خبط علي الطاولة وناض وقف :مااااتلفش وادووور انت ليك اكتر من شهر كل مانعطيك ملف بلقصد فيه نسخ لي ورق مهمة بعد فترة نلقى في الورق ناقصاات وانت تشك في الولاد التااانين مااتسحاابنيش مورقلك
فتحي:صدقني ياامهند في حد يحاول يطيحني اوقف معاي
مهند صكر سنونه بغيض ناض عطاه بوكس وشده من حواايجه : نوووقف معاااك نوووقف معاااك وانت تخوون فياا وتضحكلي في وجهي ورجع عطااه بوكس تاني تكللممم وقول مني اللي ورااك منيييي 😠😠😠😠
فتحي خشمه دم : اااء اني مش خااين😖
مهند طيحه من الكرسي ويضرب فيه وطبس شده من تيشرته :بتعترف بتعترف وبتقووول من هواا اللي ورااك اللي هوا نفسه خلاك تكتب التهديد اللي جبتهولي من فترة وعاارفه نفسه اللي اندور فيه ليااا سنييين واللي اليوم ضاابط علي خااطره حتعترف تسسسسمع فياااا😠😠😠 وطاح فيه ضرب تااني
اشرف يجبد فيه:خلاااص ياامهند خلااص متوسخش ايديك بيه فووته سيوره يعترف اطللقه
مهند ناض وقف وهوا داهش واشرف جبده لين طلع براا
مهند يعيط:مااحدش يخشله ولا يعاالجه خلووه هكي زي الكلب نلقى حد خااشله بصير فيه زيه
اشرف جبده لين دخله لي مكتبه
مهند داهش
اشرف:اهدا ياا راجل خيرك ولعت
مهند:بشن يهدد فيهم بشنييييي باش كلهم خاايفين يقوولو اسمه علااش مش قااادر نوصل فيه علاش😠
اشرف:ليك شهرين فاتح ملف القضية وقدرت توصل لي نص المعلومات المطلوبة ممكن وهادي تعتبر حاجة كويسة اهدا مافيش حاجة تجي بساهل كله يبي وقت
مهند تنفس بلقوة وقعمز علي الكرسي :اليوم كانت بتقولي كل شي البنت الززفت مفروض ماخليتهاش تطلع لين تتكلم
طقطق الشرطي علي الباب ودخل ملفات لي مهند وطلع
مهند:اشرف تعالا شوف التقارير هادو شني اني ماعنديش خلوق لي شي
اشرف مشي قعمز علي مكتب مهند ومهند مقعمز مقابله وقعد يشوف في التقارير ومهند سرحان
وبعد دقاايق
اشرف:احممم اااء مهند في خبر
مهند شبحله
اشرف لفتله الورقة :شكوة ضدك
مهند ضحك بهزوة :من وكيل النيابة صح!؟
اشرف: اي والنائيب العام جاي هني غدوة الصبح مع الساعة9
مهند طلع سبسي :مرحبتين بيه
اشرف:وهادي ورقة من المحكمة اليوم حكمو علي صلاح خميس الحاج بعشرة سنين وخوته الزوز تلاتة سنين
مهند:جتهم في الريش
اشرف:بتروح انت اليوم ولا قاعد
مهند :قاعد
اشرف :حتى اني مناوب اليوم خلي نمشي انجيب قهوة راسي مصدع تبي ؟
مهند :جيبها بلا سكر
اشرف خدي مفاتيحه وطلع
_____________
اول ماطلع الضي خدي نوح شنطة صغيرة حط فيها شوية حوايج وجواز السفر و وراقه وخدي فلوس وخلا لي جميلة فلوس في الدولاب وطلع من غير ماحد يحس عليه
اتصل بي منعم وهوا في الطريق وعطاه علم
الساعة9:00
مهند واقف قدام الروشن ويدخن ويشوف للساعة
انفتح الباب وخش اشرف فمه معبي ماكلة
اشرف:خييييير
مهند شبحله:تي شن ادير ؟
اشرف: ناكل شنيي🙄
مهند :تي اطلع كول في مكتبك الناايب قريب يوصل عفنت الدنيا
اشرف:جبتلك نفاص
مهند:اشرف متهبلنييش براا تو انجيك لما يروح النااايب يااراجل خيرك خليت صنة المكات ماكلة
اشرف :الحق فياا 😒 ومشي طلع
مهند خدي المعطر وقعد يبخ في المكتب
قعمز في مكانه وشوية وخش النائب
مهند ناض وقف وضرب التحية :اهلا سيادة الناائيب
النائب:اهلا يا حضرة الضابط كيف حالك
مهند:بخير سيادتك تفضل وناض مهند من علي كرسيه جي النائب قعمز ومهند قعمز مقابله
النائب:اي يامهند كيف الشغل هني
مهند :كل شي في احسن مايكون
النائب:سمعت ان شديتو خاين من يكون
مهند:العريف فتحي يخدم هني ليه سنين اني لما عينوني هني لقيته
النائب:تم التحقيق معاه ولا مزال
مهند:مزال ماكملتش التحقيق وهوا مزال معترفش
النائب:تمام هدا مش موضوعنا الاساسي و انت عارف سبب جيتي
مهند:اكيد عارف
النائب:يا حظرة الضاابط اللي صار في المحكمة امس غلط والمفروض ميتكررش
مهند:الغلط لما انشوف الناس اللي ماعندهاش واسطة تنحبس بلعشرة سنين واللي عنده واسطة طلع من اول جلسة وهوا متهم
الناائب:وكيل النيابة عرض عليا ورق القضية وقالي ان تم نصب فخ ليه وجاب ادلة انه برئ
مهند:اسمعني وركز معاي كويس ياحظرة النائب اني اللي القيت القبط علي ولد خو وشديته بجرم المشهود وكان بيبيعلي الكوكااين وعندي الصور كلهم في ملف القضية ومع هدا ماتاخدوش بعين الاعتبار في المحكمة وقدمو شوية ورق ملهمش لازمة ومايتبتو شي عندي والسيد عامر وكيل النيابة خداهم بعين الاعتبار وطلع ولد خوه برااءة شن يتبت الكلام هداا
النائب سكت
مهند:تحيز واسطة تزوير وكل هدا لما قدمت طعن معجباش وقدم شكوى ضدي
النائب:شوف يا مهند حني في دولة بدون قانون واللي يحاول يطبق القاانون فيها يااكل علي رااسه وانت عارف ان وكيل النياابة خوه مجرم كبير وعنده السلاح والنفود ف ماتحاولش تخش في مواضيعه هلبا هي البلاد متخدة من كل جيهة ف مش حيتغير شي سوا انحبس او طلع
مهند :ااه بتفهمني ان النائب العام خايف من وكيل النيابة
النائب:مش قصت خوف لاكن تفااديا للمشاكل مانبيش لانخسر مكانتي ولا خدمتي ف لي هدا نخدم اللي عليا بس والباقي مادخلنيش بيه وياريت حتى انت تمشي بنفس الطريقة
مهند:اني اللي بنشوفه غلط بنتكلم عليه ومش حنسكت علي الحق لان هادي وظيفتي وهدا شغلي
النائب ناض وقف:الباين انك قاعد شاب وطاايش ومش حتفهم اللي انقول فيه ومافيش جدوة من الكلام معاك
اني حنقوللهم ان عطيتك اندار اول وانت حاول تخفف معاهم مشاكل
مهند ناض وقف :انشاء الله خير مانقدرش نعطيك كلمة
النائب قعد يشبح لي مهند ومتعفلق من تسكير راسه مد ايده سلم عليه وطلع
مهند طلع وراه ومشي لي مكتب اشرف
اشرف:روح الناائب ولا ماجاش
مهند قعمز:هات نص هاات جيعان
اشرف عطاه الشكارة :شن صار
مهند ياكل :طلع الناايب فاشوش وخواف
اشرف: لا لا شن قالك
مهند حكاله القصة
اشرف:حي حي قصدك طلع خايف منهم
مهند:مانسحاباش هكي طاح من عيني
اشرف:اتشوفه من بعيد اتقول هدا اوووه وين ماحدش يتنفس معاه وهوا طلع فااشوش
مهند قعمز فطر هوا واشرف وناضو لي النظارة بيشوفو فتحي باش يكملو التحقيق
خش مهند لقي فتحي ملوح علي الوطى والمكتب اللي مقابل الحبس مافيشي حد
مهند :شني هداا ؟😠😠😠😠
اشرف خدي المفاتيح من علي الطاولة وفتح الحديد
طلع الشرطي اللي كان مقعمز علي المكتب من الحمام
مهند:كيف تطلللع وتخليه برووحه
الشرطي :كنت في الحمام سييدي مابعدتش عيني من عليه من امباارح والله
مهند شبح لي اشرف:شنييي ياا اشرف
اشرف: قاتل روحه بي موس صغير مدخله في صدره
مهند خبط بي ايده علي الحيط:مش قلللت فتشووووه كوويس اني ولاااا قلتت ولااا
الشرطي حاط راسه لوطة
مهند طلع وهوا متعفلق ركب سياارته وطلع
يخطب علي الدومان :اماااا ايد اللي شااااادهم منهاااا بشنن تهدد فيهم وين لقيييتهم ويييين حنلقاااك والله لماا نلقااك ونذر عليااا مش حتشوف حبل المشنقة لين نشفي غلييييلي منك
قعد يدوور بسيااارة يخش من شارع يطلع لي شاارع مش عارف روحه وين يمشي لين روح للحوش هوا درس من هني شاف زوز سياارات مصفحات خشو لي حوازة امالي ابراهيم
درس ونزل خش للحوش ومشي من جيهت المرسم ومشي طلع علي جنان امالي ابراهيم وحوش نوح وجلال مقاابلينه درسو السيارات الزوز قدام حوش نوح ونزلو يخبطو علي البااب برجليهم ويعيطو
وواحد وااقف يرمي في الهوا
فتح جلال الباب وطلع هوا ومنعم
منعم:انشاء الله خير شن في
جميلة فتحت الباب وطلعت وهي رااعشة
طلع ولدها رمزي : خييركم شن في علاش هداا كله
واحد منهم جي شده من عنفقته :ضم فمممك وتكلم معاااي بأحترااام وقوووول نووح وين
جلال بلع ريقه وسكت وهوا يشبحلهم
الولد:وييينه هواااا تواا يطلع قوووله توااا
مهند يتفرج من بعيد ومزال مايبيش يتدخل
بهاء رااقد ولما سمع صوت الرصاص جي وااقف
بهاء: اميييييييي شن فييييي ؟؟
فتحية فتحت عليه الدار وخشت :اجري في سيارات كبار يخوفو قدام حياش ولاد عمك برا شوف شن في
بهاء:حوش عمي !!ااااه انخلعت نسحاب حد تاني 😪
فتحية:تي اطلع شووف ولاد عمك عييب
بهاء :انخش الحمام قبل ومشي خش للحمام وغسل وجها وحك سنونة وطلع يغير في حوايجه
فتحية:حي عليااا حييي براا صوت الناس تعيط اطلع خير ما والله نطلع اني رااه
بهاء واقف علي المراية يسااوي في روحه :باهي خيرك 😒
ابراهيم يلبس في شبشبه والتليفون في ودنه يكلم فيه العارف وبينزل
تارا طلعت من الدار تجري شدت في بووها وتهز في رااسها بي لا لا وتبكي
ابراهيم :متخافيش يااابنتي مافي شي ننزل انشوف شن في وانجي بااهي
تارا :ااا اااااءا😭😭
شموس مخلوعة :بابا شن في 😥
ابراهيم:مش عارف اهو نازل بنشوف تعالي شدي اختك
جت شموس شدت تارا وابراهيم نزل
تارا ادف في شموس وتعيط مانبيش بوها ينزل ماشي في بالها ان اللي قتل امها جاي
نزل العارف لقي مهند متكي علي الشجرة ويتفرج
العارف:مهند امتى جيت وشن في شني صوت الضرب هدا
مهند:مش عارف قاعد نتفرج
العارف:خلي نمشي انشوف شن في ومشي قدم تلاقة هوا وابراهيم مشي هوا ويااه
نزل مهاب :شن في ياراجل خيرهم العيلة هادي ديمة بدوشتهم
مهند:برا شوف اني بنتفرج من هني ماعنديش خلووق لي شي وولع سبسي وقعمز علي بومشية
طبعا اللي جوو هادو يدورو في نووح لان نووح متزووج اختهم ومن اول ماجي طلبها قاللهم ان هوا متزوج وان زواجه بيها بيقعد بسر علي اماليه وهما واافقو لاكن بشرط
ان يسكنها في حوش بروحها ويعاملها كويس ومايطلقهاش وكان صار العكس بيلقاهم قدامه
منعم:غير صلو علي النبي ونزلوو الولد شن دخله
الراجل :كاان ماااايطلععش اللي اسمه نووح ولده عندنااا يجي هوا نعطووه ولده
جميلة تعيط:نزلووولي ولدي وووووه علياااا وتلفتت لي سلافها وين مشييي المرزي في عمره هدااا ويين قولوووله يجي ولده بييضييع
سماح تبيت وبنتها ابرار تبكي مداايرة العار
ابراهيم:صلو علي النبي يااجماعة وقوولوللنا شن في شن تبوو منه نووح
الراجل :مني انت خوي
ابراهيم :اني ضابط في القوات الخاصة واي شي تبووه تاخدوه لاكن بلقاانون
الراجل :تي قااانون شني يااضاابط موضوع خااص بييناتنا
العارف : ميصيرش اللي اديرو فيه هدا تعالو بلقاانون وتاخدو اللي تبوه
بهاء جي وقف جنب مهاب وعيونه منفخات وشبحله:صباح الخير
مهاب:اوو صباح النور
بهاء:شن في
مهاب:والله مافي واحد من اللي واقفين فاهم حاجة لاكن يدوورو في واحد اسمه نوح
بهاء:ايااه علينا الدوشة هادي كلها علي خاطر نوح الخاامر اسمع شربت قهواا
مهاب:تي كيف نضت
بهاء:هي زود زود خلي نمشوو للقهوا فكنا من الدوشة
مهاب:هي زود هي
الراجل :تي من الاخيير اللي اسمه نووح هداا واخد اختي والشرووط اللي بيينااتنا ان ميطلقهاش ويعاملها كويس وهوا ضااربها لا وفوق هداا كله عاطيها ورقتها ومخليها ملوحة في الحوش لين كلمتنا حني جييناها
ابراهيم:تي شن اتقول انت قصدك نوح متزوج وحدة تانية وشبح لي جلال ومنعم عندكم علم انتو
جلال ومنعم شبحو لي بعض وسكتو
الراجل قعد يعيط ويقوللهم توا اطلعووه من الحووش واكيد ملبديينه وجميلة تبكي علي خاطر ولدها وتدعي علي نوح
وابراهيم والعارف يتنااقشو مع الرجالة اللي جااين وبيوضحولهم ان نوح مهنااش وهما مصكرين رووسهم
______
شموس تجبد في تارا :باهي يااتار حتى كان هليتك تنزلي تقدري تخشي بيينهم تي انتي تخاافي اتشوفي النااس وهماا رجالة جلاميد
تارا تبكي مش عارفة توصللها فكرة ان الراجل اللي قتل امها جاي بيقتل بوها زي ماهي تفكر
شموس:باهي غير اهدي واكتبيلي شن تبي اتقولي مااتعصبيش رووحك
تارا تخبط علي رااسها بي ايدها وتعفلقت لانها مش قادرة تهم شمووس دفتهااا بلقوة ونزل تجري حفيانة
شموس لبست شبشبها وطلعت وراها
عماتهم كانت هدية طالعة بسيارة توصل في هادية لي خدمتها
شموس :تاارا تعاالي تاااااااارااا 😩
مهند مقعمز يدخن ويتفرج علي العركة من بعيد لان مايبيش يدخل في مشااكل عيلتهم
تارا طالعة تجري ولما وصلت لي التراب كانت الوطى سخوونة هلبا وخشت في رجلها شوكة طاحت
مهند شافها لوح الدخان ونااض يجري
شموس:تاارا وطبصت عليها تبي اتقيمها
تارا تحوللها في ايديها وتبي اتنوض
مهند جي نوض تارا وشبح لي شموس :خيرها 😦
شموس:لا لا اطلقها اتخااف 😲
تارا شدت في مهند تأشرله بوها
مهند شاد تارا من كتافها :اهدي اهدي بشوية وقووليلي خيرك خودي نفس واهدي
تاارا غمضت عيونها بلقوة وتنفست وشبحت لي مهند واشرتله علي الرجالة تاني
مهند: غير تعالي هني وشدها من ايدها وجبدها جيهت الظل وقفها
شموس: ت غير كيف صار😳😳😳
مهند : انتي خايفة علي بوك صح ؟
تارا هزت راسها وهي تتنفس بسرعة ومتوترة
مهند:باهي باهي بشوية ماتتوتريش هاك تليفوني واكتبيلي خيرك وفتح تليفونه علي المدكرة ومدهولها
تارا تكتب وترعش :الباكو الاسود اللي لقيته في المرسم مكتوب فيه لو حد عرف حاجة بيصير في بوك زي ماصار في امك واكيد اللي جي توا هوا نفسه القال
مهند خدي منها التليفون وقري:ياااريت اللي قتل يطلع بسهولة هادي ويجيني لابين ايديا
تارا :🥺😢
مهند قبله وجعه علي شكل تارا وكيف خايفة :خلاص اني تو نمشي نتكلم معااهم وانخلي بوك يجي هني باهي انتي توا بري اركبي للحوش مع اختك واني انخلي بوك يركبلك اتفقنا
تارا مدت صبعها الصغير بمعنى اوعدني :😢
مهند علق صبعه في صبعها:وعد وكان ماقعدتيش فوق وماسمعتيش كلامي بنحرج منك ومعش بنكلمك ولا عاد انجييك
تارا هزت رااسها
مهند شبح لي رجليها :تو كيف بتركبي والوطى سخونة خشت فيك شوكة ولا
تارا دارت اي
مهند قعمزها علي البومشية اللي تحت الشجرة وقعد ينفضلها في رجليها وحوللها الشوكة
تارا نخصاته من كتفه
مهند شبحلها :نعم
تارا اشرتله علي المرسم واشرت علي رجليها
مهند:عندك حاجة تلبسيها في المرسم
تارا هزت راسها بي اي
مهند :باهي خليك هني ماتتحركيش ومشي خش للمرسم قعد يدور لين لقي كندرة لي تارا ورا الباب خداها وطلع بيها ورجع لي تارا تاني طبس قدامها وقاملها رجلها لبسها الكندرة ونوضها من ايدها وهي شادة في ايده
مهند وقف قدام شموس :ركبي اختك وصكري الباب متخليهاش تنزل
شموس:هاا😐 ااء اي اي به هي تعالي تاارا
تارا تشبح لي مهند
مهند :خلاص عاد اني عطيتك وعد وانتي ديري زي ماقتلك واركبي هي
تارا شدت في شموس ومشت معاها
شموس اول ماخشو للجنان شبحت لي تارا :من امتى هدا مش علي اساس تخافي تكلمي الناس الغريبة وعندك فوبيا من وين لا وين تعرفيه مهند اااه 🤨
تارا فكت ايدها من اختها وركبت بروحها وخشت طول تشبح من الروشن
شموس وراها :تعالي انكلم فيك سمعت صوت تليفونها يشرين مشت خداته لقتها صفاء ردت
شموس:ايوا صباح الخير
صفاء :صباح النوور شن فييي احكيلي بسرعة
شموس:علمي علمك بابا نزل وقاعد مركبش
___________
اول ماوصل فيهم مهند وشافوق لابس حزام الشرطة ولابس حزام علي كتافه فيه سلاح عرفوه ليه علاقة بشرطة او سارية معينة
مهند:السلام عليكم
شبحوله كلهم
الراجل :وعليكم السلام مني هداا التاني وضحوولي باش نعرف مع مني نتفااهم
مهند :تفاهم معاي اني وقولي شن تبي ويكون عندك
الراجل:نبي اللي اسمه نووح
مهند:السبب ؟
الراجل :هوا موضوعة طويل لاكن في اتفاق بيينااتنا وهوا مامشاش عليه
مهند شبح لي جلال:خوك وين؟
جلال:والله العظيم مانعرف وينه شفته اخر مرة امس بعد المغرب
جميلة:حتى اني والله مانعلم بيه امتى طلع ولا شفته اني ولدي اغلى منه هوااا معقولة بنشووفكم مركبينه في السيارة ومزال بنسكت
الراجل:خلاص اتصلي بيه قوليله يجي نعطووه ولده
مهندشبح لي منعم وجلال:اتصلوو بيه قولوله يرووح
منعم:قنلكم مانعرفوش وينه شن بندسووه ااهو يخشو حتى يفتشو
مهند:خلاص ياا خودي موضوعك عندي اني تعالا معاي للمركز اندوروه برقم التليفون وانحلو الموضوع بلا مشااكل
الراجل:لا انت جييبه ومااليكش علاقة بلموضوع كيف ينحل
مهند طربق رقبته جيهت اليسااار وشبح للراجل تاني :الموضوع بينحل بلا مشااكل واللي عنده حق يااخده غير هكي مات الكلام
الراجل قعد يشبح لي مهند وتلفت لي خوته
خوته:خلاص خلي يجيبه ونتفااهمو معاه وكان صكر رااسه ياكل الجلد
مهند:هي نزلولي الولد وتعالو معاي للمركز
جي واحد منهم نزل رمزي من السيارة وركبو في السيارة ووخروها والتاني خلا سيارته زي الرهان وبيمشي مع مهند
مهند جي جنب ابراهيم:عمي ابراهيم بنتك مش تمام براا شوفها
ابراهيم:وين شفتها
مهند:احمم كانت جايتكم هني لاكن شديتها اني وشموس وركبتها اختها براشوفها
ومشي مهند مع الولد وابراهيم مشي طوول لي بناته
اما بهاء ومهاب ف مشوو ضربوه فطوور مقوم في القهوا وبعدها مشو يدورو
___________
منعم:تسمع فيااا ياا نوح رووح وخلاص لان هدا الفرخ اللي اسمه مهند يجري علي خراب روحه ويدور فيك مشي هوا ويااهم لي المركز بيدوروك برقمك
نوح:تي شن علاقته هوا في الموضوع
منعم:ماهي مرتك دارت العار علي خاطر بيرفعوو ولدك بداالك
نووح:لااا حول ولا قوة الا بالله تي انت عاارفهم ماايرحمووش ياا منعم
منعم:مدام اللي اسمه مهند خبط علي صدره وقال انحلوها يتفاهم براله هوا طول
نوح تنهد:يصير خير يصيير خير
________
جميلة:مش قتلي بتتلاقة معااه اليوم وبييجيب اخته وبتتفااهمو شن اللي صار
جلال:راااجلك هواا اشبح شن لبز وخلااهم يهيجوو هكي اني كنت متفااهم معاهم
سماح:مفلحك في الدسان معقولة تحكي لي سلفك واني ماتبيش اتقووليلي
جميلة:بالله عليك يااسماح مش وقتها الدوة اهيا اللي فيا ساد
جلال فنص فيها:خشي داااخل امشيي
سماح:بشوية عليك يااابابا وباالك حتى انت مداايرها ولا خااطرك هكي
جلاال: اقلبي وجهك قلت 😠
مشت سماح خشت وجلال قعد وااقف هوا وجميلة في الجنان
(يوم اللي جميلة جابت لي جلال الشفرة كانت كيف بادية تشك في نوح انه يخون فيها وقبلها اول يوم وصلو لي الحياش وقفت تكلم فيه تحت الشجر وقالتله ان هي شاكة في نوح متزوج وهوا قعد يقوللها تعودي من الشيطان ونحكي الافكار من رااسك وبعدين جميلة بدت كل مرة اتجيب في دليل لي جلال ف اطر جلال انه يساعدها وكل مايطلع نوح الصبح من الحوش تبدا جميلة اتقول لي جلال براا شوفهولي وين ماشي لين بعد فترة عرفه متزوج وجي قاللها ....... وهدا كان الموضوع اللي بين جميلة وجلالل )
(ان بعض الظن اثم 😂👌)
__________
في المركز
مهند: خلاص قتلك الموضوع تم اني انجيبه لاعندك وزي ماقتلك اللي عنده حق يااخده
الولد:تمام واني بنووتق فيك لاكن اتصير اي لقطة غلط بتتحملو اللي جاي
مهند يشبح فيهم تسعات لان مش راقد :تم تم توكلوو
تفااهمو الولاد مع مهند وطلعوو
مهند قعمز علي الكرسي وشد راااسه
خش اشرف:مهنددد صااحييلي انكلمك في موضوع مهم
مهند:مش صااحي لاكن ادوي
اشرف:اااحمم ااه نبي منك تعرفلي حاجة
مهند:شنوو😒
اشرف:البنت اللي اسمها شمووس اللي هزبتني قدام حوشكم
مهند:خيرها؟🤨
اشرف:ااء من الاخير عجبتني لاكن هي مصكرة ررااسها ماتبيش تكلمني ولما نتصل بيها تهزب فيا وتصكر فوجهي ف نبيك تعرفلي كان هي مخطوبة ولا مرتبطة ولا شن وضعها
مهند قعد يشبح لي اشرف لي تواني هكي :😐😐
وبعدين ضحك عليه
اشرف:شن يضحك فيك 🙄
مهند:كيف يعني بتخدمني زي ام زكي ولا شني اسالها انت
اشرف:اني شبعت هزاايب يااسر سااعدني شوية خيرا اني الزفت كل شي انديرلك فيه مش كان انت رئيس الضبااط خلاص رااه والله نحلف معاك دايرلك حااجة
مهند:شن هي😒
اشرف:انبصر خيرك ماتحبش البصاارة 🙂 بكل انت نكدي هلبااا خلاص معش نبي شي برا ملح .. اااااء قصدي برااا روح يعني ارتاح مرقدتش انت من امس هي تشااو ومشي طلع
مهند ضحك وخدي مفااتيحه وطلع روح
اول ماوصل للحوش قعمز حكي لي خاله شن صار مع الولاد وخش طول رقد كانت الساعة12بزبط
________
الساعة4:00
تارا هاربة من شموس مدايرة روحها ماتبيش تكلم حد وبترقد
وتارا هي وصفاء في وسط الحوش يهدرزو وشموس الوقت كله هقلها عند تارا كيف وامتى خدت علي مهند
_____________
سماح تنشر في الحوايج في الجناان حطت السلة وجت بتخش خطمت قدام المربووعة جبدها منعم وصكر الباب
سمااح شقلبت عيونها وضحكت:شن تبي
منعم :خيرك مترديش
سماح:مش عندي النقال 🙄
منعم:لماا اني انقول تعاالي تجي من غيير نقااش
سماح:#يتبع 🔥
#hemo🍓
✏بقلم hemo tk 📚