#زينوفوبيا🥀
🔥الحلقة السابعة 7🔥
♥ħ㉫๓✿♥️
الحقلة 8 تنزل مع الفجر لان منلحقش نكملها توا يعني الصبح تلقوها نازلة
_______________
مهند: حيييي علي امه هداا يشبهني اكتر مني 😅
قعد سرحان في الرسمة اللي كانت طبق الاصل منه وكانه كان مهند مقعمز قدامها وهي تنحت فيه نحت
وبينما مهند سرحان في الرسمة سمع صوت حاجة تقربعت برا والباب انفتح
مهند انصدم وشبح للباب
تارا واقفة قدام الباب وتشبح لي مهند واقف قدام الرسمة تحشمت 😧😧
مهند كيف بيتكلم تارا دارتله هكي :🤫🤫
مهند شبحلها بأستغراب
تارا قلبها يدق وراعشة وخايفة مخلطة عليها اشرتله علي الرسمة واشرت وراها
مهند فهمها وعرف ان مش حتنزل في وقت زي هدا بروحها وغطى الرسمة ولبد ورا في حاشية الدولاب
تارا تلفتت وراها
شموس مطبسة لوطة وادور
تارا:اااءاء
شموس شبحتلها:ملقيتااش حي علياا وين طاح مني نحبه خراصي هدا ودهب
تارا قلبها يرعش رعيش خايفو شموس اتشوف مهند ولا اتشوف الرسمة
خشت شموس للمرسم وطبست جنب الصالون وتمرد لوطة وادرو
وتاار مغمضة عيونها وتدعي ان شموس ماتشوف شي
شموس :حييييي اهواااا 😃 والله لا عرفت روحي بنلقااه هني عرفت وقامت خراصها تبوس فيه
تارا اديرلها بيدها بمعنى هيا
شموس :هي هي وطفت الضي وطلعت
تارا ضربتها علي ايدها ورجعت فتحت الضي
شموش :اي اي نسيت انك متحبيش اتصكريه هي تعالي
تارا طلعت وعقلها عند مهند شن كان يدير في المرسم علاش خاش في الليل وقعدة اتقول زعمة ديمة يخش ولا هادي اول مرة حي علي الحشمة شاف رسمته
__________♥ħ㉫๓✿♥
مهند طلع من ورا الدولاب ورجع لي الرسمة تاني يشبحلها ويضحك :لاازم نعرف علاش رسمتني لاازم
وخدي الطرف غطاها وردها جنب الدولاب وين ماكانت
:لا ومغطيتها وملبدتها كويس
ومشي طلع وصكر الباب وراه
____________ ♥ħ㉫๓✿♥
تارا ماجاهاش النوم من كتر مامتحشمة وابراهيم لي اول مرة من شهر يرقد وهوا مرتاح بعد مابنته ناضت وطلعت من الدار
وشموس من التعب تلوحت رقدة طوول
تاني يوم 🌅
كان يوم الجمعة
جلال يسلم علي منعم :اهلا اهلا الحمد الله علي السلامة
منعم:الله يسلمك يا خودي وحااضنه
نوح:عاش من شااافك معقولة هكي تغيب 15السنة وتتغرب علي بلادك
منعم :كان بودي ان نقعد بين عيلتي وناسي لاكن الظروف تحكم
نوح:هي تفضلو عندي هياا المرا موتية الغدي
جلال :هي وين ابراهيم خيره ماجاش هوا والعارف
نوح :اهونا جاي
منعم ضحك: قااعد شبووب يا ابراهيم متغيرتش
ابراهيم ابتسم وحضن منعم :تي وين الغييبة ويين عاش من شاافك
منعم :تعيش واتشووف
العارف:اهلا منعم شن اخبارك
منعم :الحمد الله في نعمة شن اخبارك وشن اخبار العيلة وخوتك
العارف:الحمد الله الحمد الله
خشو الرجالة يتغدو في حوش نوح وكملو الغدي وشربو الشاهي وناض العارف وابراهيم طلعو
منعم:شني وين العويلة والصغار خلي انسلم عليهم
نوح :هي هي يا جميلة جمييلة
جميلة من برا:نعممم
نوح:تعالي انتي والصغار سلمو
خشت جميلة هي والصغار بيسلمو
منعم:الله يبارك الله يبارك امتى صار هدا
نوح ضحك:هدا رمزي الكبير
وهدا مجد اللي بعده
وهدا ماجد وهدا مؤيد
وخدي بنته الصغيرة في غمره عمرها متع تلاتة سنين
ووهادي اخر العنقود ردينة
منعم :الله يبارك ربي يصوون
جميلة سلمت عليه :الحمد الله علي سلامتك
منعم: الله يسلمك يبارك فيك
وقعدو يهدرزو شوية وطلعت جميلة وصغارها
منعم:هي خلي نمشي انشوف صغار جلال وبنخطم علي مرت عمي شوية باش انلقحق نمشي لي امي
جلال:بتقعد غادي ولا شني
منعم:لا وين غادي نبي البلاد عندي خدمة هني تو بندور ايجار
نوح:ايجار شني اهو اني مربوعتي فاضية ومربوعت خوك فاضية
جلال:اي اي اقعد عندي
منعم:يصير خير هي زود هي ي جلال
طلع منعم هوا وجلال مشو لي حوش جلال وخشو
منعم :السلام عليكم
سماح:وعليكم السلام اهلين منعم كيف حالك شن الاخبار الحمد الله علي السلامة
منعم: بخير الله يسلمك
جت ابرار سلمت علي عمها: اهلا عمي كيف حالك
منعم:اهلااا شن حالك ماما وسلم علي باقي صغار خوه
منعم:تي امالا وين عبد المعز اني هدا الوحيد اللي نتفكر فيه كان عمره اربعة سنين قبل مانسافر
جلال:لا عزو خليناه في الشرق يقرا داخلي
منعم: باهي باهي ربي يعاونه هي خلي نمشي لي مرت عمي
سماح:اقعد خود طويسة شاهي
منعم:لا بارك الله فيك
سماح:غير بالله عليك معقولة تطلع هكي
منعم:اعتبريني شربت والايام الجاية اكتر انشاء الله هي مع السلامة
طلع منعم وسلم علي مرت عمه فتحية واتسقد مشي لي امه
__________ ♥ħ㉫๓✿♥
مهند اليوم من كتر التعب ماباش يمشي للخدمة وخلا اشرف ياخد مكانه
في حوش ابراهيم
فتحية واقفة قدام الباب :زعمة انخش ؟خايفة عليها تطرا فيها حاجة
ابراهيم:خشي يااعمتي خشي هيا طالباتك بلمدمة عااد
خشت فتحية قعمزت
وتارا طلعت من الدار وقعدت تشبح لي حناها وتبتسم
فتحية عيونها دموع :بنييتي تعاالي عندي تعالي سلمها ياربي انشاء الله انشوفك عروسة
تارا قربت بشوية وهي ترعش وسلمت علي حناها
فتحية جبدتها وحضنتها وقعدة تبكي :طيب فيك بنيتي الحمد الله اللي وليتي حالك باهي الحمد الله
تارا قعمزت جنب حناها وفتحية تاخد وتعصر فيها وتارا كانت فرحانة بحناها هلبااا
قعدة فتحية تهدرز شوية وبعدين روحت وبهاء قعد معاهم
وكان مقعمز هوا وشموس في وسط الحوش يهدرزو
بهاء:تي والله لما انخش فيه زي الحاادث لازم نتعرف عليه نسيبي هدا
شموس تضحك:بهاء انت فاايق ولا تحلم
بهاء:فاايق وتو اتشووفي كيف انخليهم يحبوني عيلة تامة
شموس:انه الوهم يااسادة 🙂
بهاء ضربها عنفقة :وهم امك ياا كلبة
شموس :ااااي ياا حماار وناضت ضربااته ايدك زي البااالطة يااخرا
والضربة اللي تضربهالك بهاء يردها
ابراهيم:شنيي هدااا تسحابو روحكم صغيرين 😡
شموس:هوا الاول
بهاء:ضمي فمك
ابراهيم:عييب تحشمو كباار رااكم لا امتى بنقعد انحز فيكم اني
بهاء شاف الساعة لقاها اربعة وتلت :هي اقعدي فيها ماشي للبحر اني
شموس : نننننن ننن 😡😒
بهاء:انحرقي انتي هني تو شوية وبيهرب الضي برا نو يقتل واني بنمشي انبرد
شموس:ماليكش علاقة اصلا حلوو النوو نحبه
بهاء:ماك شمس اكيد مش حتحبي المطر
تارا طلعت من الدار تشبحلهم
بهاء فتح الباب وطلع
تارا اشرت علي بهاء وشبحت لي شموس دارتها بمعنى خيرك
شموس :هوا خرا 😑
ابراهيم:تحشميي
_________
♥ħ㉫๓✿♥
بهاء طالع من الحوش وسكر رااسه بيمشي يكلم مهند ولا مهاب يمشو معاه للبحر مشي جيهت الباب فتحه وخش
مهند نازل من الدروج لابس شرط وكانتيرا وشبشب صبع ومهاب ورااه
مهاب:تي غير هياا يااراجل بنمشي برووحي معقولة زود معاي انديرو غطستين وانروحو
مهند:تي فوتني والله ماعندي جو بنبخبخ الجنان وبنقعمز فيه ظل
مهاب:هكي زي الشياابن
مهند:خوووي تبي تمشي تعوم برا برووحك فواني وبعدين وين صحابك
مهاب:كلمتهم كل واحد لاهي في حاجة
مهند فتح الطوبو وبدي يبخبخ
بهاء:خييير شبااب
مهند ومهاب تلفتو
مهند: هاا بهاء شن الجو
بهاء :ماشية شني كسااد ؟
مهاب قعمز غلي الكرسي وناض وقف :تييي وااااك حتى الكرسي يبشمط
بهاء:تبو الحق اني كنت ماشي للبحر مع صحابي قلت انشوفكم بالك تمشو ؟؟هي شني !!
مهند شبح لي مهاب :اهوو حصلت من يمشي معاك برا هي
مهاب :جابك ربي انجيب عوالتي وانجيك
بهاء :مية مية اني انجيب السيارة قدام الباب وانجيك
مهاب وهوا راكب :تم تم
مشي بهاء جاب السيارة من الشارع ومهاب جاب حوايجه ونزل
مهاب:اقعد انت هكي باهي
مهند :برا يا مناافق برا تتجعد علي الولد ومش عاجبك وتوا ماشي معاه للبحر😏
مهاب ضحك:عادي مرات نضرتي تتغير باي 🙂
طلع مهاب مشي مع بهاء للبحر وتلاقة مع صحاب بهاء غادي وعجبه الجوو هلبا
__________
♥ħ㉫๓✿♥
الساعة5:30
تارا متلوحة علي الصالون وخدودها حمر بيتفجرو وابراهيم فاتح الروشن ومقعمز قدامه وجوه مليح كانه مش نوو
شموس غيرت حوايجها :بابااا
ابراهيم:هاا
شموس: اني نازلة لوطة
ابراهيم:تعالي جاي عماتك مهناش
شموس:نازلة للجنان اني وصفاء
ابراهيم :باهي بري
تارا:اااءاء
شموس:هاا
تارا ناضت وقفت ولبست شبشبها
فتحت الباب ونزل هما الزوز
صفاء نزلت من حوشهم لفت مهند مابتش تكلمه لان كل ماتكلمه مايعدلش عليها
ونفس الشي هوا شبحلها وماكلمهاش لان عارفها ماشية للبنات
صفاء فتحت الباب وقعمزت تحت الشجرة
جو شموس وتارا
صفاء:هاااي
شموس تلوحت جنبها :ووووه نوو بنمووت
صفاء:اني معش قدرت نقعد في الحوش وماما وبابا مشو لي السوبر ماركت بياخدو بضاعة كسدت بروحي
تارا مشت خدت الطوبو وفتحاته دارت روحها تسقي في الغرس وتلفتت بطووبو قعدت تبخ في شموس وصفااء
صفاء عيطت:لااااا
شموس تضحك وناضت وقفت :بخييني بخييني 😄
تارا تبخ فيهم وتضحك
صفاء جت خدت منها الطوبو وقعدت تبل فيها
تارا هربت وهي تضحك
مهند يسمع في صوت ضحكهم ضربه الفضول يبي يعرف خيرهم ناض يشبحلهم لقاهم يبخو ف
ي روحهم بلمية ولا قعمز بسرعة باش ميشوفووشي
شموس:خلااص اني انقطر تقطيير 😂
صفاء قعمزت وهي دااهشة :اااه شوفو البرودة توا ميف هاا
تارا تعصر في تيشرتها
شموس تلفتت حي شوفي فروخ نوح عندهم حوض منفوخ تعالي نمشولهم
صفاء :عيب مانقدرش نمشي
شموس:تي تعالي عادي شوية وانجو وشبحت لي تارا عادي تقعدي بروحك ولا تخافي
تارا اشرتلها بي معنى بروو
شموس :منعطلوش شوية وانجو
جبدت صفاء ومشت هي وياها
تارا خشت للمرسم وقعدة واقفة لانها مبلولة مسحت ايديها ومشت لي رسمت مهند حولتها من اللوحة ولفتها زي الطوبو وشدتها بليستيك وحطت ورقة تانية في اللوحة
ومشت جيهت الطاولة التانية وقعدة تكمل في الرسمة اللي بدت فيها امس
مهند مقعمز زي الشيباني علي الكرسي وماخاطراش يطلع مسكر تليفوناته ومريح راسه من دوشت الخدمة
حس في حركة في المرسم ناض وقف في الروشن قابلاته تارا تستف في الالوان طبعا الدكتور اللي عطي تقرير لي مهند علي حالة تارا مقايله شن يدير باش يقدر يخليها تتعود عليه وتحبه باش تعطيه شن يبي
ابتسم وناض وقف
طقطق علي الروشن
تارا انخلعت وشبحت لي الروشن بخوف شافت مهند خافت وتوترت وايديها يرعشو قعدة تشبحله مابتش تحل الروشن
مهند طلع تليفونه وفتح علي الصورة اللي صورها امس وحطها علي الروشن
تارا شافتها وغمضت عيونها وهي متحشمة ودارت راسها لوطة
مهند طقطق تاني واشرلها علي الروشن :افتحييي خيرك
تارا بلعت ريقها ومشت فتحت الروشن ووخرت وهي ترعش
مهند اتكى علي الروشن :البنات وين ؟
تارا تشبحله بس
مهند :ماتبيش تكلميني؟ باهي علاش رسمتيني 😏
تارا ايديها يرعشو قامت شعرها فوق وتنهدت تلفتت وراها وخدت ورقة حطتها علي الطاولة وكتبت
تارا:اسفة رسمتك من غير ادن لاكن ماكانش قصدي شي رسمتك هكي وخلاص
وتلفتت خدت الرسمة علقتله فيها الورقة الصغيرة ومدتهاله
مهند خداها:شني هادي رسمتي
تارا هزت راسها
مهند :البنات مشو ولا قاعدين برا
تارا هزت راسها بمعنى لا
مهند:مشوو؟
تارا هزت راسها بي اي
مهند خدي الرسمة ومشي لف وجاها من الباب وخش
تارا خافت ووخرت 😧
مهند صكر الباب :متخافيش بنتكلم معاك كلمتين وبنمشي باهي
تارا تأشرله علي الباب
مهند:خلي الباب مصكر والروشن مفتوح باش كان جي حد ننقز من الروشن
تارا تبلع في ريقها وايديها امية يقطرو
مهند قعمز علي الصالون وتارا واقفة
مهند شبحلها وابتسم :اسفة رسمتك من غير ادن لاكن ماكانش قصدي شي رسمتك هكي وخلاص
مهند هني ضحك جديات علي براءة تفكيرها
قصدك تحسابيني حرجت لانك رسمتيني بدن ادن ههههه لا اني فكرت في حاجة تانية
تارا تشبحله ومافهمتش قصده :🙄
مهند :احممم اء تارا اني نبي نحكيلك حاجة
تارا كانت ترعش وخايفة وواقفة بعيدة عليه لاكن شبحتله بأهتمام تبي تعرف شن يبي يقول
مهند :حتى اني زيك شفت امي كيف ميتة قدامي ونفسه اللي خلاك هكي خلاني اني هكي
تارا عيونها دمعو طول
مهند :تو بتقولي هوا مافيشي شي خيره يقارن في روحه بيا لاكن جديات اني تغيرت هلبا بعد ماشفت امي ميتة قدامي كانه ربي خدي مني ضحكتي وفرحتي واي شعور حلو داخل ورفعهم مع امي وخلاني هكي عديم الاحساس
منفكرش الا في روحي وكيف بنلقى اللي قتل امي وننتقم منه بس
لاكن بعد ماشفتك انتي قعد نحمد في ربي ان ضعفي تبدل بلقوة عكسك
تارا تسمع فيه وتبكي
مهند:اني مش جاي نبي انخليك تبكي ولا جاي نبيك تعرفي قصتي بلعكس جاي نبيك تولي زييني نبيك تولي قوية وتحااربي ضعفك وتحااربي نفسك واي شي مش قادرة اديريه ديري غصبن عنك وخلي روحك ديمة فخورة بشي اللي ايدري فيه
بدلي ضعفك بلقوة حتى لو مش قادرة حاولي وحاولي تعبري علي اللي في داخلك اكتبي اي شي تحسي بيه مش لازم حد يسمعلك حتى انتي تسمعي لي نفسك عادي المهم اتقولي اللي ف خاطرك .... فهمتي عليا تاارا اني مانبيكش تقعدي ضعيفة هكي
تارا مسحت دمووعها وهزت راسها بمعنى به
ناض مهند بيطلع تارا اشرتله بي ايدها
مهند شبحلها
تارا كتبتله في تليفونها :نبي انكون قوية ونبي اندير اي شي يساعدني نتخلص من اللي انحس فيه لاكن مش قاادرة
مهند قرب وخدي منها التليفون
تارا خايفة وتشبحله :علاش مش قادرة مافيش حاجة صاعبة مدامك انتي تبي
تارا خدت التليفون وكيف بتكتب سمعت صوت البنات برا انخلعت
مهند:اهدي ماتتوتريش واني نبي انسااعدك وحنخليك تطلعي من حالتك هادي صدقيني حنوليلك غدوا وخدي ورقة كتب فيها رقمه كان انتي موافقة انساعدك ابعتيلي رسالة هني باااهي
تارا تشبحله ومادارتش ولا ردة فعل
__________________♥ħ㉫๓✿♥
شموس :اني توقعت تاارا تقعد برا باهي اللي خشت بروحها
صفاء:اي غريبة خشت
شموس :اسمعي تعالي بالله شوط بدرجيحة قبل منخش خلي نحركو الهوا السخون وحني مبلولين بالك نبردو اكتر
صفاء:اني جنابي بنشخ تحتي 😂😂😂
شموس ضحكت:تي نوو منين ياحسرة هداكا في البرودة
وقعمزت شموس علي الدرجيحة
فتحت تارا الباب وطلعت
شموس شبحتلها طول عرفتها بااكية
صفاء:تعالي تاراا خودي دجيرة وانتي مبلولة
تارا ابتسمت ودارت بي ايدها لا :☝️
شموس:خيرك تارا في حاجة؟
تارا هزت راسها بي لا
شموس:حسيتك باكية
تارا ابتسمت وقربت من شموس واشرتلها بمعنى انزلي
صفاء:اي اي انزلي خلي تارا تركب
نزلت شموس وجت تارا ركبت وقعدو يدفو بيها الزوز وهي تضحك
_________________♥ħ㉫๓✿♥
مهند ركب للحوش دس الرسمة في الدولاب ولوح الورقة الصغيرة وقعمز علي السرير وطلع الدفتر اللي في القجر اللي جنبه
فتح الدفتر وخط علي الكلمة اللي قدامه :هادي اول خطوة ونفدتها مزال يا تارا قدامنا الوقت وحنخليك تحكيلي كل شي تعرفيه
كان يقول هكي لاكن في حاجة داخله مش راضية علي اللي ايدير فيه وكأنه ضميرة يأنب فيه قرن حواجبه ويبي ينسي روحه ويخلي روحه عادي
شرين تليفونه لقاه اشرف
مهند:ايواا
اشرف:ها مهند وين
مهند:في الحوش
اشرف:باهي هي زود للقهوة المبارة كيف بدت والدنيا زحمة هني ومولد وتكيف وحاجات مليحة
مهند:باهي خمسة وانكون عندك
اشرف:مية مية هي تشاو
صكر مهند الخط وناض غير حوايجه لبس تي شرت اسود وسروال اسود وحزامه اللي مايتخلاش عليه وحط اسلحته فيه ولبس سبيدروه وطلع
اقل من عشرة دقايق وكان في القهوة
خش لقي اشرف لابس شورط وكنتيرا وشبشب صبع وداير رجل علي رجل ويأرقل
مهند جبد الكرسي وقعمز جنب اشرف
اشرف شبحله وشهق:خييررك متأنق الزفت وسبيدروو نوو
مهند: تعرفني منحبش نطلع الا هكي ولا اسكت
اشرف:خيرك والع انت شن في
مهند:بعدين نحكيلك اسكت توا جاي بنتفرج علي المبارة اني
اشرف:لا ماهو اللي ماتعرفاش انت ان اني يبدا جسمي يحك فيا لما حد يقولي تو انقولك بعدين 🙂
مهند:تو انقولك بعدين 😏 وتلفت وراه ياامعلم وحدة نص نص وهات ارقيلة
اشرف:😒😒
_______________
♥ħ㉫๓✿♥
فاتو يومين وجي يوم الاحد يوم تخرج منتهى بنت خالت شموس
ناضت شموس الصبح توتي في روحها وبدلت ومكيجت وطلعت هي وبهاء وابراهيم قعد مع تارا
طالع بهاء هوا وشموس بسيارة ومنعم خاش بسيارته الفخمة
شموس:وووه متقووليش حتى هدا بيسكن مع خوته هني
بهاء: مرزن دمه الزفت زي الخرا مداايرلي جو الاوروب اهلا وسهلا وكيف حالكم فليرضى عندكم الله وهوا افسد واحد في خوته
شموس :بابا قالي راجل كويس ويخاف ربي ومشاء االله عليه ومن يومه يخدم علي راسه مش زي خوته
بهاء:تي اي اي قوله به تو كلهم يسحابوه في العمر هدا ومش متزوج مايسحابوشي واخدها وحدة فرنساوية زي الصاروخ
شموس:هيييي تبصر
بهاء:تي والله زي مانقولك اني ناس نعرفهم شابحينه غادي ومتعرفين عليه ومن لقبه عرفوه يقربلي
شموس:خزي الخامر اكيد من وحدة لي وحدة
بهاء:استغفر الله صبح انلقطو في دنوبه
شموس:اي صح استغفر الله افتح المسجل افتح
بهاء:🙂🙂🙂 ابليس قالك كيف درتيها اللقطة اهيا
شموس ضحكت:افتحححح مبردك 😂
_______________
♥ħ㉫๓✿♥
منعم درس قدام حوش جلال ونزل فتح باب الجنان وخش طقطق علي باب الحوش فتحتله سماح
سماح:اهلين منعم صباح الخير
منعم:صباح النور كيف حالك وين جلال
جي جلال من ورا سماح :اهلا خش خش
خش منعم وسماح صكرت الباب
خشو هما الزوز قعمزو في الصالون وقعدو يهدرزو في هدرزة عادية امتى تسقدت وشن الطريق وشن حال العيلة غادي دوة زي هادي
جلال:حقا محكيتليش شن صار معاك غادي وكيف قدرت تجي
منعم فتح الشنطة اللي علي كتفه وطلع جواز سفر مده لي خوه
جلال فتحه لقي مكتوب فيه اندري لويس والصورة صورت منعم
جلال شني هدا؟
منعم :جواز مزور هوا اللي جيت بيه
جلال: كيف درته
منعم ضحك:درته بي وراق كلهم قانونيات ومعش في حاجة اسمها منعم خلاص حتى هني كل وراقية بأسم اندري لويس
جلال قعد يشبحله وسااكت
خشت سماح حطت الفطور وطلعت
وجلال ومنعم كملو تهدريزهم
____________
♥ħ㉫๓✿♥
الساعة11:00
منتهى لابسة لبسة التخرج وتسلم علي شموس
شموس مدتلها هديتها :الف مبرووك حبيبتي محااميتنا الحلواا
بهاء حضنها :مبروك ياا حيوانة انشاء الله اندخلك في عرسك وانكحل في النتايات
منتهى تضحك :عندي هلبا صاحبات طروف تبي انعرفك عليهم
بهاء:لا استغفر الله اني توا انعول علي وحدة كان ماصارش منها تو انكلمك
منتهى ضحكت:باهي هي تعالو نمشو غادي
مشو بهاء وشموس مع منتهى وسلمو علي فوزية وراجلها والدنيا زحمة وكلها زيان
شمووس واقفة تتفرج علي منتهى كيف تصور هي وصاحباتها تضحك
اشرف نزل نضاراته ويشبح من فوق جي جنب شموس:احممم علي اساس مفتلكة وراقية كان يسمعوك تلعلي يهربو
شموس انخلعت وتلفتت :انت؟!؟😐 شن جابك هني 🤨
اشرف ضحك :شني انتي بس اتجي
شموس:باهي شن تبي توا
اشرف:شي ضحكني شكلك وانتي راقية بس 😂
شموس:احممم باهي اقلب وجهك خير ماتوا انعيط عييطين اندير العار
اشرف:لا مش غريبة عليك العياط وطلع ورقة حطها في الشنطة اللي معلقة في كتف شموس من غير ماتحس
اشرف:اوووو حبي مبروك التخرج
شموس: شن تخرف انت
جت اخت اشرف من وراا شموس وحضناته
اخته:يباارك فيك ياابروو
شموس وخر :ضااقت بيه الدنيا جااي يضبط في اخته ولا خطيبته ولا مني فووقي اني
بهاء:مني اللي كان واقف عليك من بكري نبي انجيه غير قلت بالك بتاخدي الرقم بس
شموس:اني ناخد رقم ومن مني من هداااا ؟؟ خيرك انت مش نااقصاتك راه 😒
بهاء:خيره الولد مشاء الله عليه 🙂
شموس:اقلب وجهك 😬
ومشت لي خالتها وبهاء يضحك
____________
♥ħ㉫๓✿♥
ابراهيم وتى الفطور ونوض تارا وقعمز يفطر هوا ويااها
تارا سرحانة وتفكر في كلام مهند وقررت انها بتكلمه واتقوله ان نبيك اتساعدني لان حست كللمه اتر فيها اكتر من الدكتور لان هما الزوز عندهم نفس المشكلة
ابراهيم:خيرك؟
تارا شبحتهله وهزت كتافها
ابراهيم :خيرك منزلتيش ترسمي امس
تارا كتبتله في التليفون :بننزل توا
ابراهيم:عادي تقعدي بروحك ولا ننزل معاك
تارا كتبت :عادي
ابراهيم:باهي اني عندي صاحبي يراجي فيا بنمشيله شوية وانجي منعطلش باهي
تارا هزت راسها
كمل ابراهيم فطوره ونزل هوا وتارا هوا طلع لي صاحبه وهي خشت لي المرسم
قعدة مقعمزة علي الصالون وشادة التليفون وفاتحة علي الرساايل ومترددة تبعت الرسالة ولا لا واخر حاجة كتبت :اني موافقة انك تسااعدني نبي نسمع منك كلام زي اللي قلتهولي تاني وصكرت تليفونها وناضت وقفت
تارا في عقلها:حييي عليااا علاش بعتتله هكي مرات مانقدرش ومرات حالتي اتزيد اتسوووء .... لاكن لا اني نبي اندير اللي قالي عليه وباين عليه كويس واصلا هوا شرطي زي بابا يعني مش حيضرني🥺 خلاص اني قررت نوثق فيه 😣
_______
♥ħ㉫๓✿♥
مهند كان واقف في غرفت التحقيق ويعيط وشاد الولد من تيشرته وملصقة علي المرش وقدام المرش دار فيها المشتبه فيهم
مهند:كلاااامي واااضح اللي بااعلك السم الهااري وااحد من هااادو ولاا لاا 😠
الولد:لا لا 😖
مهند دفه بلقوة لين طاح التالي :بااهي كيف اتقووولي مش اني اللي ننتج فيه وشااريه من مني شااريه تكلم 😠😠
الولد سااكت
مهند :فتحيييي
فتحي فتح الباب :امرك سيدي
مهند:رد الخروات هادو من وين ماجبتهم وهدا حطوه في النظارة لين يتحول علي المحكمة
ومشي طلع
مهند :اشررف ويين؟
الشرطي :اشرف واخد ادن اليوم بيخدم مسائي
مهند خش لي مكتبه وهوا متعفلق وقعمز علي المكتب قام تليفونه بيكلم اشرف لقي رسالة فتحها وقراها عرفها من تارا ضحك بخبث
ورد عليها:الساعة اربعة نتلاقو
تارا شافتها وماردتش
خش فتحي لي مهند:سييدي
مهند حط تليفونه :شن في
فتحي:وصلك الطرد هدا
مهند :تمام تقدر تطلع
طلع فتحي ومهند فتح الطرد وقري اللي مكتوب
مهند عكرش الورقة وقربع الطاااولة
مهند:بنجيييبك بنجيييبك حتى كان علي قطع رقبتي مشششش اني اللي نتهدد مش اني 😠😠😠😠
#يتبع 🔥
#hemo🍓
✏بقلم هيموtk📚