#نقش _الزمان
#زينب_المندلاوي
ولا اعلم،،، ان كانت تلك الذكريات حقا هي الظالمة
ام،،،،، الاقدار،، هي من ظلمتها،،،،
جمانه
كل الي عرفته
ماما تعبانه والنونو هم،،،
ليلة طويلة من ليالي الشتاا الباردة
كضيتها ،، باحظان مجانت ملجأ
امن.. الي.. مثل ما ظنيت،،،
بليلتها جنت عزيزة ومدلله يم الكل
هذا يلعبني من صدك،،
وذاك مختلني جوا الغطا وبحجة سيولف قصص
بلسانه يسولف سوالف تضحك
وتحت الغطه ايدة يمررها على رجليه
فتر فتر،،،
اذكر،، اي
بس ما اريد اذكرها،،،
بذيج الليله عمي سلمان ظل يسولفلي قصص
ومستغل برائتي،،،
واني صافنه علي وسارحة بخيال
وكلمات القصص،،،
مثل ماتسليت بكلماته
اتسلى هو بجسدي الصغير
وبضحكاتي البريئة
نمت بيومها يم عمتي منال،،،
وثاني يوم
جابو امي من المستشفى
بس الطفل ما جابوا
بيبي كالت اخوكم بالخدج يحتاج
مداراه،،،
بين فرحة شوفة امي،،،
ونزول ابوية من الدوام،،،
وسلامه وسام،،،
مشت ايامنا،،،
كلشي يمر،،، ساعاتنا،، ايامنا،،،
شهورنا،، ومانحس بيها،،،
اي لانا اطفال ومانعرف نثمن الوقت،،
ولا نعرف نستغله،،،
ولا نخطط،، ابيش نستغله،،،
اكبر همومنا
اللعب،،، شراح نلعب،،، وشلون لعبتنا،،،
وشوكت يصير العصر ونطلع للدرب،،
نكعد من الصبح وهدفنا
نشوف افلام كارتون
و وراها نطلع نلعب
وننجبر ندخل ناكل الغدة،،
وانام،، او،،
نتظاهر بالنوم الظهرية واحنه بالاصل
واحد يسولف ويه الخ من جوة الجراجف
الملونة،،،
نتعارك على الجراجف،،
نختار الوان تعجبنا،،،
ويمكن هل شي الوحيد الي
نختارة بدون ضغط،،
ناكل واحنه بالنة يم لعبتنا الي اضطرينا
نعوفها بسسب امر الاهل
(تعالوا تغدوا،، وطبوا الدنيا حارة)
ناكل مجبورين أحياناً
واحيانا مشتهين الاكل من الحركة والركض
نريد نعوض طاقه
نتمدد وكل واحد يسولف للثاني
شنو سوة وشلعب وشلون راح
يكمل بقية يومه،،،
والعصر نسبح ونطلع نكمل ما بدينا بي الصبح
ندك على العامود،،،
معناته طلعوا ياجهال،،
بدة وقت اللعب،،،
الولد تلعب طوبة،، ودعابل وطيارات
والبنات لعابات وتوكي وجلكة،،،
والي يفوز منا كانوا حصل كاس من ذهب
وجنا نجهل،، انو هاي المرحلة بالذات
هي الفوز،،، والفرح،، وبس تعدي
راح تبقى،، عايشة بينا،،، بنسيم ذكراها
الهادي،،،
بهل فترة عمي نزار خطب سمر ٣ مرات
يرحون ويرجعون برفض
وعمي مصر،،
واخر شي ابوها بالكوة وافق بعد ما ودولة
ناس كبارية من عشيرتنا و وافق،،،
عمي حميد،،، بعد من اول مرة تحرش
بطل وماعادها
وعمي نزار من يوم الخطب،،،
هم كذلك،،،،
بس بقا عمي سليمان مستمر،،،
كطعوا مهر لعمي نزار
واشتروا نيشان،،،
وتحدد العرس باخر العطله،،
وعمي نزار اشترالي بدلتين
حمرة وبيضه،،
وجابلي كلادة بيها حرفي بالانكليزي
وتراجي ام الخرزة
وبيومها بوسني عادي وكلي هاي الوعد وفيت بي
وبيوم الحنه الناس ترست بيت جدي
اقارب وجوارين
وبيومها. واني العب وية الجهال
الصبح بالدرب،،،
طلعونا برة لان الجدورة مال الطبخ بالطرمة
وكفت سيارة اباب بيت جدي
جانت لاندكروز بيضة جديدة
ونزلوا منها رجال لابس قاط
ومرة،، وبنات اثنين شوية اكبر مني
و ولد اثنين،،،
وجانو يشبهونه،،
الولد الصغير جان هواي يشبه عمي
سلمان،،،
بس لابس هدوم مرتبه وجان بكد عمي
حميد،،،
والخ اكبر،، بس ميشبهة
اشو نزلوا واجو سالوا منا احنا الجهال
هذا بيت الحجي (******)
واني كمزت
اي عمو،
هذا بيتنا،.
ضحك،،
وانتي منو،،
اني بنت ابنهم الجبير،،
باوع للمرة وضحكوا،،،
زين نظل واكفين برة،،
لو ندخل،،،
هههههه،،، لا عمو طبو جوة
بس انتو منو ومنو عازمكم
الرجال والمرة واحد يباوع للثاني وضحكوا
ونزل علي باسني
وهيج فركش شعري
اني ابن عم جدو،،
اباوع عليهم وعلى الجهال،،
ابتسمت
اي هلا بيك ابن عم جدو
طبوا جوة،،
واني اباوع عليهم شكد مرتبين
ورحت دغيت البنات
من جتفهن اندارن عليه
ميلت براسي،،،
تعالو نلعب،،،
وحدة باوعت للخ
وكالو لا،،،،،
😏،،،، حسيتهم شايفات روحهن،،،
عوجت حلكي الهم،،
لتجون اوي،،،
وعفتهم وطلعت
وكدام اخوانهم حجيت عليهن
ورحت العب،،،
صار الليل والناس اجت،،،
الزلم برة جابولهم كراسي وجابو هذا الي
يدك بالطبل والزمارة
وسووا دبجات،،،
و النسوان . جوة،،،،،،
أجواء جميلة جدا
واني مكيفه ابدلتي الحمرة،،
وية الجهال اصفك واكمز ونهوس
ورحنا حنينا العروس،،
ومن رجعنا جان بايدي حنه
ولمن وصلنا يم بيت جدي واحد من كرايبي
تعارك وياية وسحب الكلادة من ركبتي
وكطعها واخذها يركض بيها،،،
ركضت ورااا،، وصار يتختل بين الناس
واخر شي راح يم ولد يم سيارة
هذولي الي جوي،،،
وراح ختل ورة الولد الي يشبه عمي حميد
واني رحت علي اصيح بي
وذاك ختل واني رحت علي اريد كلادتي
صار الولد بوجهي،،،
شبيج،،،
وذاك طب جوة السيارة،،،
اشرت هذا حسوني كطع كلادتي
واخذها،،،
ديطلع حسوني ركضت اله واللد صار ابينا
ظربته،، الظربة بالولد صارت
والقميص ماله انترس حنه
حسوني شمر الكلادة وركض وهو يكلي
جمانه الثولة،،،
وهذا كالي،،،
ليش هيج وصختي قميصي،،،
هاااا،،،
صاح بيا،،،
واني كتله
موصوجي صوجك
جنك خراعة خظرة واكف بينه
من وراك حسوني فلت مني،،،
جرني من ايدي
ولج منو خراعة خضرة،،،
انت،،،
كلتها بتحدي،،،
واني اباوع لكلادتي المكطوعه
بهل أثناء
عمي حميد جان قريب وسمع
ولج جوجو الثوله،،،
هاي عليمن تغلطين،،،
الولد كالة،،،
عوفها،،،
اجة اخو،،،
كالة شبيك اركان وهاي شبي قميصك،،،
عمي لزمني
ولج ام لسان هاي طلعتي مدمرة قميص
اركان،،،
اجة الخ،، اخو اركان الجبير
وكاله لعمي منو هاي،، وليش هيج صلفه
عمي كفخني وبكفخته وكعت على الرصيف
كال،،،
هاي جوجو الثوله،،
وذاك باوعلي وضحك،،،
اي هي مبين منها عينها صلفة وترد منين جاية
و وين اهلها،،،
كانو الضوة الخافت
وشعري المنثور النازل على وجهي
خلاهم ينسون شكلي،،
لان اني الصبح دليتهم وحاجيتهم،،
عمي اندار،، وهو يعوج بحلكة
لا لك هاي بنت اخوية،،،
اجه اركان ديكومني،،
وكال،،
لا حميد ليش هيج تحجي على الطفله
واني كمت واني ادفع ايد اركان
نترت بعمي
اني مو ثوله،،،
وانت اكبر سقوطي،،،
ابد متطلع ناجح،،
عيونه صارن بكصته واجةيريد يكتلني
ركضت وهو اجة وراية
ويغلط علية وكال الا اكول لابوج يشلع اذاناتج
جنت اسرع منه وفلتت
طبيت للطرمة
لحكني جمال جرني
تعالي ولج ليش غلطانه على عمي حميد
وانت شمدريك
اهااااا
يعني صدك غلطانه
هو حجة. علية واني حجيت
عتني وكال
ولج هسة بابا يبسطج،،،
نفضت هدومي من ايدة،،
اوي خلي يولي،،،
مشيت بس شنو،، بداخلي خايفة
لحكني
اوكفي،،
هااا
شكلتي علي،،،
كتله سقوطي،،
صفن،،،
بس هاي
اي ليش قابل شكولة
باوع ليبرة ورجع باوعلي
جمانه،،
عمو حميد يكول فشرت علية وغلطت غلط موزين
رجفت شفايفي وبهت لوني
لا،، والله مفشرت،،
سحبني من جديد للحديقة
جوجو باعي اني ادري بي اكبر جذاب
بس ترا جدو يصدكه وبابا هم
زين شلون،،
باوع جمال روح اسال هذا مدري شسمة
هذا الولد،،
الي اسمة ركن مدري شسمه
واخو المكروه،،
همة ثنينهم موجودين جانو
اوف جمانه،، ليش تورطينا ويا حميد الخبيث
بجيت،،،
جمال كلادتي انكطعت،، وفتحت جف ايدي الزغير
ولمعت السلسلة والشذرة،،
بهل أثناء دخل عمي حميد
والولد الي حنيت قميصه،،
جان يشوفوني
صاااااح،،،، جووووماانه
اوكفيلي،،،
من خوفي انهزمت،،
و وكعت الكلادة من ايدي،،،
وانهزمت،،،
رحت بين المعازيم،،
اتختل بين النسوان واتخيل
عمي يجي يجرني،،، ويوديني لبابا ويبسطني
كمت اكرط باصابع ايدية،،،
وخايفة،،،
لا حسيت بحنه،،
ولا حسيت بفرحة البدلة لا وهنوب الكلادة
هم وكعت،،
رحت بين النسوان،،
شفتة اخذ صواني من المطبخ وطلع
رحت على كيف،،
رحت للحديقة ادور الكلادة
لكيت السلسلة بحافة الحديقة
والشذره لا،،،،
طب من جديد،، ومن خوفي رحت
بالترك
وختلت جوة المبردة،،
خوفي،،، وقهري على كلادتي،،،
وصوت المبردة،،،
وظلام الترك،،،
شعور ممزوج.. مزعج ،
اني مغلطت،، وهو تعدا،،،
وحسوني السبب،،
هيج كظيت نص الوقت خاتلة وخايفة
الا ان اجة جدي يترس المبردة،،
واني رحت ورة السخان،،
وهناك وجان اطخ بالجينكو
و والجينكو وكع علية وجدي
صاح من هنا
كعدت ابجي،،،
اجة،،، وخر الجينكو،،
جمانه،،
جان اكو ضوة خافت مال البيت والحديقة
والتواليت،،،
يعني اكو ضوة بس خافت،،
كومني
جمانة شعندج اهنا جدو،،،
جنت خايفه،، وحايرة
حظنته،،،
رفع راسي،،،
خما بيج شي،،
لا،،، كلتها واني ابجي،،،
ليش خاتله اهنا جدو،، متشوفين القلاقيل
وظلمه،، والناس جوة،،
اعترفت اله
جدو عمو حميد غلط علية كدام الناس
الي جونة اليوم كدام ابنهم ركن
كال ركن منو
ما اعرف جدو،، هذا الي اجونه
عدهم سيارة عالية بيضة
وعمو غلط علية،،
ودفعني و وكعني، واني كتله سقوطي
وتالي يكول
الا اكول لابوج انتي مفشرة عليه
واخلي فؤاد يشلع اذاناتج،،
باسني وهو يعدل بشعري
ولزم ايدي وطلعني
امشي جدو امشي
معليج منه،،
هذا الخبيث مابراسه خير
وكفت وبابا ميشلع اذاناتي
عصر ايدي،، لا،،،
شحدة الي يمد ايدة على بنوتي الصغيرونه
طلعت من الحديقة اركض ومكيفه،،
ورحت يم الجهال
وخلصت الحنه واحنة شبعنا لعب وفرح
ثاني. يوم
جان البيت عبارة مجاميع مجموعة تتريك
وناس تسبح..
والجداري على البريمزات،،
اهنا،، فاصوليه دتفور،،
وهناك جدورت اللحم،،
وهنا نسوان تعصر طماطه
الكل مخبوص،،
وبيومها اجت اخت بيبي،،
وهاي بالذات بيتهم بمحافظة بعيدة
بس احب بناتهم،،
وهناك بين الهوسة،،،
جنت ادور على اخوهم سلام،،
سلام جان اخوهم الزغير
بس هو مو زغير،،،
هو اكبر مني ب ٧ سنين،،
سلام جان حباب هواي،،، ودوم يشاقيني
ويلعبني،،
سالت هدى،،،
وين سلام،،،
كالت برا،،
رحت ركض برا،،،
شفته ديلعب طوبة وية الولد
عمي حميد. وجمال وبعد ولد من كرايبنا
وهذا ركن واخو واكفين بس يباوعون
ظليت من بعيد اباوعله،،،
سلام كبران،،، ومتغير
وصاير عندة شوارب خفيفة
عين علي،، وعين على هذولي الي يباوعولي
ويضحكون مدري علية مدري شبيهم
جرتني هدى
ورحنا نلعب،،،
شوفتها بدلتي البيضة،،،
وسواراتي الفضة الي جدو جابلي ياهن
بالعيد،،
وتراجي عمو،،،
وتذكرت الكلادة،،،
كتلها هدو
كلادتي ضايعه تعالي خل ندورها،،
ورحنا للحديقه
دورت ملكيت الخرزة،،
رحت وره البيت،،،
لكيت السلسلة يم السخان،،،
شلتها ومن دا اطلع،،
سمعت هدى،،
تحاجي سلام،،،
جان يسالها مدري على شنو
وتكلة بالجنطه السودة ام الخرز
مال امي،،،
طلعت وصار بوجهي سلام،،،
شلونك سلام،،،
باوعلي وميل راسة،،،
هلا والله بجوجو ام لسان،،،
كبرانه،،
ابتسمت وانت هم،،،
بس سنونج وينهن،،،
اجة عمي حميد وهو يترنح بمشيته السخيفه
اي،، هاي جمانه الثوله صايرة ام ثرب
شكد كرهتة،،،
سلام ضحك
وفركش شعري وغمز الي
كال تبقين حلوة حتى بال ثرمه،،،
فرحت من كلامه،،،
مشى الوقت،،
تغدينا وبدلنا،، وحدة تشوف للخ هدومها
هاي تكول حلوة بدلتي وذيج تكول
حلو نفنوفي
وهاي تشوف كلادتها وهاي سوراتها
البنات يحبن الزركشه،،
صوت الدك بالدمبك ولصفكات والهلاهل
رجت البيت،،،
عمي نزار فرحان،،
ويهوسوله من طلع من الحمام،،
جان مزين شواربة ولحيته..
كاشط جلد وجها كشط...
ولبس قاط حلو،،
عمي نزار جان احلاهم كلهم
يشبه ربيع الخولي،،،
وطويل ورشيق،،
طلعت الزفة العصر،،،
سيارة العرس جانت برازيلي مالت صديق عمو نزار
واني بين الهوسة اريد اصعد،،
هوسة صارت كاي عرس
حرت بيا سيارة
تالي صاحني هذا الولد الي اسمه مثل الركن
كالي
جمانه تعالي صعدي يم خواتي
باوعت شفت هوسة
كتله اي اجي وياكم،،
دنك عليه ترة امج هم بسيارتنا،،
امممم
همسلي،،،
همسلي صلحتي كلادتج،،
واني امشي
لا،،،،
وكفت وانداريت،،،
وضاعت الخرزة مالتها هم،.
وصلنا للسيارة
شفتها عالية،،
فتحلي باب الخانة الي مثل الصندوك
وشالني وصعدني
كعدت يم خواته
وحدة تصفك ووحدة متصفك
وحدة جانت بشوشه،، والخ متكبرة
صارت صديقتي الزغيرة البشوشه
والجبيرة محبيتها
الطريق كله نصفك وياهو يجي كبال عيني
لو احول عيوني اله
لو اطلع لساني
وهاي صديقتي تضحك،،
تكولي ولج عيب،،،
وصلنا لبيت العروس
وجانت تخبل طالعه سمر
هوسنا ودكينا يم بيتهم،،
ورحنا للمصور طكوا. صور وافترينا بالسوك
وبعدها رجعنا للبيت
كعدوا العروسة بالهول
واحنة الجهال نتدافع نباوع عليها،،
تعشينا والعروسة اخذوها للغرفه
وبيومها تعبت هواي من كد ما لعبت،،
وبعد التعب فرشوا بالسطح
واني نمت يم هدى
شوية سولفنا على النجوم وغفينا،،،
حسيت الصبح،، باوعت محد ماكو بس
اني وهدى،،،
جانوا كلهم نازلين،،،
بس اني وهدى وشكم دوشك جنا بالفي
مال البيتونه،،،
بس محد ماكو،،،
رجعت انام لان بعدني نعسانة
قبل جنا،، انام بالسطح
ومن تطلع الشمس ننزل جوة انام
رجعت انام،،،
واني اريد اغفااا
سمعت صوت رجلين تصعد الدرج
مهتميت،،،
غطيت وجهي لان اكو ذبان
سمعت صوت عمي حميد
وهو يكول لسلام
ولك تعال مو اكلك هاي ثوله
اتقربوا،،،
عمي كله،، اي ذيج نايمه
واني اكلك ذيج المرة،، اني قشمرتها
روح وياها جوة الغطه
ولك فد سيقان عدها،،،
وتتقشمر بساع،،،،
وللحكاية بقية