نقش الزمان ( ١٨)
#زينب_المندلاوي.....
جمانه
صعدت فوك.. بدلت وسمعت صوته وهو يلاعب حمودي... ديصعد فوك..
كلت بيني وبين روحي.. جمانه صيري قوية وانطي درس.. ولا تخلي يدوسلج طرف..
دخل للغرفه.. ونزل حمودي وحمحم...
مدرتله بال..
بس شنو كلبي يدك سريع وخايفه لا اضعف
كدامه...
كعد على الجربايه...
وره شوية كال...
اكو جماعه لا سلمو... ولا حتى نطقوا حرف...
اي... خليهم هيج لي ما اروح لغيرهم
وعود ذاك الوكت خل يحنون بعد متفيد
حنيتهم..
رديته...
والله عاد..
الجماعه مو من كيفهم هيج صاروا...
غير اكو سبب يدفعهم...
كام اجة يمي...
جمانه... بلا يباسه راس.. وبلا هل ثكل الدم..
صيري عاقله ورجعي طبيعية...
ترا تعرفيني...
ما احب المرة اليابسه...
واذا على فكرة الزواج..
ترة ماكو رجال ميحب التعدديه..
وماكو رجال يتحمل يبقى على مره وحدة..
واني من اريد ارجع خيال مو معناتها ما احبج
لا
احبج وتعرفين كلش زين..
وتعالي دكلج..
هسة شفتيني مرجعها...
هااا.. شفتيني يمها..
مو هياتني يمج...
وهي يم اهلها..
انتي جبيرة وعاقلة.. وام جهالي..
خلي عقلج اكبر من هيج امور
لا تندفعين ورة الحجي والغيرة...
عود اذا رديتها..
ذاك الوكت.. عود غاري وطنكري براحتج
😒...
عوجتله حلكي.. عود ما عجبني الكلام...
اخذ ايدي...
مشتاقلج ام حمودي..
وضرب بايده الثانيه بخفه على راسي..
وكال...
كبري عقلج... ولتضيعني من ايدج..
حمودي صعد للجرباية ودفع ابو..
كاله..
ما اقبل تكتل ماما...
اني احبها...
وابو استغرب شلون يدافعلي..
كام بالشقه يضربني...
ويكله راح اخذ خواتك الصغار...
وحمدي مصدك..
ومنفعل...
يكله اخذ السويج واصعد ماما بالسيارة وننهزم..
شويه ضحكنا... ويه حمودي..
وهو بالجذب يتعمد يعصر ايديه..
ديوجعني..
ويضوج حمودي..
وبعدين شافه عصب...
كله..
لا باباتي.. دا اشاقه وياك..
