نقش الزمان (١٧)
#زينب_المندلاوي....
مسائئكم رحمة ونور 🌹🌹
لتجي اركان...
وليش بله...
اركان كلبي محمل منك...
صاح بيه...
واني هم.. اصلا زعلان منج...
شفت...
فوكاها... انت زعلان...
ليش لان كشفتك...
اركان طلكني... وهذا قراري وما اتراجع عنه
اهااا.. يعني ميهمج زعلي...
لا ميهمني..
جمانه صيري عاقلة و اوزني كلامج
اني ادري هاي سوالف ياسمين وازتج عليه
اهااا يعني ذبيته براس ياسمين..
زين ياسمين من كيفها تحجي..
لو غير سامعتك..
شوفي جمانه...
اني لو اريد اتزوج ترا محد لازم ايدي...
ولا أحد عندة سلطه علية...
اني رجال... والشرع محللي أربعة
وشوكت ما اريد اتزوج ما واكف على راييج...
واني هم ملازمتك.. روح اتزوج عسى ما تاخذ عشرة
بس بالأول طلكني....
اممم.. وليش اطلكج...
تغارين مو... يعني تحبيني...
واليح ميتحمل فراك حبيبه..
يعني أركان...
يعني رجعي لبيتج معززة مكرمة...
وانتي ست الكل...
اركان اشايفني بالله...
هااا... طفله كدامك تقشمرني بست الكل..
هذا الي عندي والله ياست الكل...
صدكتي ولا ما صدكتي...
ويالله دروح ديتصلون عليه
وصلت البضاعة... دنروح نستلمها...
سدينا الخط....
كاعدة على السرير واتلمس بطني
اوف يا جمانه.. جماله جملتها بتوم بنات
هسة لو بس حمودي جان دبرت
بس بنات...
هسة يله اعرفت ليش النسوان يبهت لونهن
من يسمعن بوحدة حامل ببنية
... اثاري البنت كتله من الهم...
مثل الجوهرة الثمينة...
تخافين عليها من كل شيء...
من صغرها لكبرها
تتاثر بابسط الاشياء وتنخدش...
صح الكل يريد يمتلكها..
بس مو معناتها اذا امتلكها راح يكون
اهل للامتلاك... لا... نادرا ما توكع المرأة
بيد من يستحقها..
تعبت وتمددت.... ونمت...
حسيت على صوت حمودي يبجي..
كمت علي جانت الدنيا مغرب...
ونفس الروتين ليليه....
اجاني مسج...
(جمانه تحظري باجر ابويه وامي يجون ياخذوج
اني عندي سفر ما اكدر اجي ولتاخريهم دربهم طويل)
بله هذا شكوله....
يله خل اروح وهناك نتصافى اهنا امي وضعها مو مال مشاكل...
رحت حظرت هدومنا... ورحت لامي وصيتها
باجر تطبخ علمود الحلفان ووسام يودي..
وتالي جان وسام جايبلي لحم كطعته وغسلتة
وشلتة بالمجمدة....
ونكعت فاصوليه...
وكتلها يوم والله ما احب اتعبج...
بس بعد صارت...
