#نقش _الزمان (2)
#زينب_المندلاوي
طلعت من كولب الدجاج ورحت ركض على جمال
ادورة،،،
دورت بكل البيت مالكيته،،
وين راح،،
اصيح جمال،، جمال،،،
اجت. كبالي بيبي وبيدها صينية مسويه بيها
عروك مسفطته و ودته للمجمده
كالت وهي تمشي،،
طبعا بيبي جانت حيل شاطرة ومن تمشي
جعب رجليها وية الكاع
تصدر صوت،، يعني مشيتها الكل يعرفها
كالت جمانه،، اخوج جان يدورج
واخر شي شفته طلع برة
رحت للدرب
شفتة ديفتر ويصيح جمانه
رحت ركض علي
جمال هياني،،، انت خسرت
اندار عليه
وجه البومه وين جنتي،،،
هههه خسرت انت
خسرت هههههه
باوعلي،،
شوفي اولا اني مخسرت
وثانيا وين جنتي لان انت كسرتي قواعد اللعبة
باوعت لسما ورجعت اباوع علي
وااسوي برجليه حركه تشبه نص دائرة
وابتسم،،،،
جنت بالكولب مال الدجاج 🤭
كال تف عليج (عفوا)
واني اكول شنو هل ريحة ضروك
اثاري هاي انتي صايرة دجاجة،،،
مابيضتي مثلهن،،،
وخري شو وخري بيج ريحة دجاج
وراح مشااا يم أصدقائه واني امشي ورا
جانو ديلعبون دعبل التفت الي
واني وكفت،،،
كال روحي شوفي الساعه ابيش
وتعالي بساااع يلة
رحت ركض طبيت للهول
اباوع للساعه بس ما اعرف ابيش،،،
طلعت للكليدور،، جني نسيت شلون جان كايل شكل الميل
رجعت من جديد باوعت وحفظته من جديد
وطلعت ركض وصلت يمه
هااا ابيش الساعة
واني اشهك ،،، من التعب
هاااا،،، اوكف،،
الخط الزغير على هذا الواحد الي يمه دعبلة
والخط الطويل،،
يم الدعبله الي فوك راسها قوس
يعني بالنص رايح الخط الاطول،،
يمكن،، وحكيت شعري،، اي يمكن،،
دفعني بخفة وكال،،
شكد ثوله لو رايح اني من الاول احسن
ورجع للبيت واني شفت فراشه جبيره خضرة
راحت بالحديقة ورحت وراها دلزمها
ظلت تطير وكلما ااريد الزمها تطير دوختني
ايست منها،،،
وجان اشوف وحده الخ بيضة وبيها نقط سود
بس جانت ازغر
وهاي جانت من توكف بمكان تبقى شويه
رحت على كيف،،
وقربت ايدي واخر شي لزمتها
طرت من الفرح،، وظليت اقربها عليه
واكوللها حبيبيتي
واخر شي بستها على كيف....
