#نقش _الزمان (١٠)
#زينب_المندلاوي
جمانه
ظليت بمكاني وبودي ابجي بعلو صوتي
واسمع صوت ابوية يكول
هنا الحمام....
اتبسمرت...
شاسوي لا اكدر اصيح ولا اكدر احجي
ولا اكدر اطلع...
اندفعت الباب... كلبي هبط
دفعتها اني هم،،،
اندفعت من جديد
واني دفعتها هم،،،
سمعت صوت رجلين،،،
اوف يمكن رجع،،،
هناك وجان اسمع صوت حوراء
كالت هاج طلعي خزيتينا..
فتحت الباب واخذت الشيلة مالت امي من ايدها
وكتلها ولج شلون اطلع...
كالت
الرجال ابو مهند رجع وكال لابوية
الحمام بي احد اظاهر
واني تذكرتج وجبتلج شيلة ماما
لبسيها وطلعي..
لفيت الشيلة... وطلعت وحوراء
كدامي الخبيثة تندار علية وتضحك
واني من فشلتي عثرت بس موكعت
من خارج اسوار الحديقة...
وطبعا جان الحمام وراهم...
رحت فتت من كدامهم وبس كلت مساء الخير
واني مدنكة...
وطبيت جوة مخنوكة...
فشلت هواي منهم... واصلا مباوعت على اي احد
رحت للمطبخ وحوراء طبت وراي
تصفكلي واطكلي اصبعتين وتقشمر
واني تكافشت وياها من قهري...
وكعدت على الدرج مهزوزة
لج حوراء منو اجة للحمام
ههههههه مهند..
عزة... كولي والله...
لج اعرفج.. خبيثة.. جان صوت مشية مال رجال جبير
عوجت حلكها الي
مدام تعرفين ليش تسألين
.. اوف لج ما اعرف
ههههههههه.. تدرين جمانه اني جنت اباوع
وبكلبي اضحك اريد اشوفج
من تنكبسين بهيج مكان
بس خوش دفعتي الباب على الحجي
كمتلها وكفشتها من جديد
وهي هم كفشتني.. مو صوجج يالثولة
لو عايفتج محبوسة وتسيحين من الحر
لو مخلية بابا يطلعج ويفشلج...
شعدهم جاين مدريتي
... ما اعرف
بس...
بس شنو..
ام مهند كالت لامي وين بنتج الجبيرة
وبيبي شاورت امي..
وامي كالت وين اختج خل تجي
وتالي الرجال كبسج وانتي ماقصرتي
من دفعتي الباب...
كافي كافي بعد..
