🌙حسناء القايد🌙
👑oumaima mega 👑
⚡90⚡
غادي هازها بين يدو ...و شادة من سلهامو بيديها ...و تهز فيه عينيها و تنفس و تنهج بالجهد في يديه ...و تشوفو غير عاقد الغوباشة و هاز شوكة ... معرفتش شنو غايعمل فيها و لا فين غادي بيها ...بغاتو يحطها
حسناء : عافاك عار مولانا لاما ح ح حطني ...ماتسوقش لكلامها و كمل مشيتو طالع بيها لفوق و هي غاتركل و تراري بين يدو و ليني معندها فين تزعزع شادها شدة وحدة ...و تمشا بيها تال جناح الطاووس وقف قبالتو و دفع بابو من لتحت ...و هي غامخرجة عينها و قلبها يضرب تاكيبغي يوقف ... دخل و خلا لباب من وراه مفتوح ...و تمشا بيها لسرير و حطها فوقوو ...هي دغيا جمعت راسها و جمعت جلايلها و تساخرت بللور تلصقت مع لكادر و هازا فيه الشوفة شنو غايعمل فيها ياسيدي ياربي ...القايد ناض وقف و دفع صدرو ...و دار يدو من وراه و رابط الغوباشة فيها و نهض فيها : شنوو داكشي لي سمعت علييك ؟ اش هاد الشكاوي واش غنبقا فينما نجيي نلقاك عاملة مصايب و مصبية كبر من لخرا
حسناء كتخلع من صوتو : ش ششنو عملت ؟
فخر الدين هز حاجب : ماعرفاش زعمة ؟ داكشي لي عملتيه مع الحاجة و داك ردان الكلام و حشيان الهدرة
حسناء تتلعب بجلايلها بيدها : ش ششكون لحاجة ؟
فخر الدين كتبان ليها معارفة حتى حاجة غا بيضة مغشي عليها وهو يحمر فيها الشوفة : الحاجة سلطانة
حسناء كمشت وجهها : انا مرديت كلامي على حد و ماعيرت حد هما لي جاو (و بدات تغبن عليه و نيفها يولي حمر و يتلون ) و بهدلو بمي و خواتاتي و عطاوهم شلا كلام تامشات ميمتي و الكية في قلبها
فخر الدين عقد حجبانو مستغرب : شكوون هادووو ؟
حسناء منطقت اسم حد و لا قالت شكوى على حد غير دموعها سبقوها قبالتو حيت صغيرة و متقدش تصبر و متخرجهمش : هادوك لي لتحت مخلاو ماقالو فيهم و بهدلو بيهم
فخر الدين كيشوفها تبكي و تنحط و كلمة منها تسبقها شهقة : هادشي باش رديتي الكلام على الحاجة ؟ كنت تنجي و تقوليها ليا
حسناء مسحت دموعها بكمها : و شكون نتا حتى نقولها ليك ...هنا تا كان قلبو بدا يلين و يجي من جيهتها تاخسرتها بكلامها هو يطلع الغوباشة و علاها ...و جلس حداها تابغات تهرب ليه ...هو يشدها من دراعها رجعها عندو بجلايلها ...و غوتت حيت قصحها و سالفها رجع على وجهها و تناخد و تنهج
فخر الدين كيدوي بين سنييه: كيفاش شكون اناااا ؟ غنبقا نعاود الكلاام واش مكتفهمييش انا راجلك رااجللك
حسناء هزت فيه عينيها كاتدمع عليه : طلق مني قصحتينيي في دراعييي
فخر الدين كيزيد يجيبها لعندو : غانقطع ليك داك للسان على هاد طلق منيي🌙حسناء القايد🌙
👑oumaima mega 👑
⚡91⚡
فخر الدين : نتي مرتي فهميها و انا مول هاد الدار و مول الحكام هنا و اي حاجة وقعت خاصها تكون في خباري و في شواري
حسناء باغا تجبد منو دراعها وطالقة الجبهة واخا خايفة منو : شنو عندي منقول ليك ؟ (فخر الدين قوس فيها عينو و ميل راسو بمعنى شنو ) كيف خلاوها سيدنا لوالة ها السلهام و العمامة و نتا قليل الفهامة ...غير نطقت بيها بين سنانها ..هو يخرج منو وحش ماشي بنادم حمر فيها عينو حتى عروقو خرجوو و جرها من سالفها لكحل ...تاجبد منو الجدرة ...و غوتت فيدو و قربها ليه
فخر الدين مخرج عينو فيها حارة و حرشة كيف السبع و خرج الكلام فحالا كيهددها : شنوو ؟؟عاودييها ؟ عاوديها (حسناء شدت من يدو لي في شعرها لي كيقطع بيها سالفها و دموع كتنزل فيهم و تغبن و نفس تطلعها في وجهو و فاتحة عينيها فيه قالت لكلمة و ندمت عليها ) عاوديييها ...و زعزعها من مكانها
حسناء تبكي و تكلم : هيء هيء نتا جبتينييي هناا باش تكرفص علييااا هيء هيء
فخر الدين : نتكرفص علييك ؟ واش عارفة اش كتخرجيي من فمك ؟
حسناء : اااه هيء هيء كتكرفص عليا انا وعائلتي هادشي علاش جبتيني لهنااا
فخر الدييين : اش هاااااد تخراف (كيعليي الصوت تاكيردو عليه الحيوط و غاهو وياها في داك الجناح تقفز و تبكي )
حسناء : ق قصحتيني هي هيء في راسي
فخر الدين قربها حتى لعندو من شعرها و يدو التالية حيدها من دراعها و شد بيها فكها هي غا مخرجة عينها في شوفتو لي كتقتلها قبل حتى ما يسبق يدو ليها و كلها تناخد و ترعد : سمعييي ا بنت الحداد غا تعودي هاد الكلام غانوريك وجهي لاخر مبغيتش نحط فيك يدي و ليني بنتي ليا ناقصة تربية و خاصك العصاا (كتشوف فيه و تقول اشمن عصا باقا هادي لي معطاهاش ليها ) راه هادشي فحالا غاتنمزح معاك و كلامي مغتسمعيش منو جوج ... وسعت فيه عيونها قبالتو و دموعها في خدودها ...و مقربا منو و تسوط نفس في وجهو و وشادة من يدو ... فخر الدين كانت اعصابو تقد جبل ...بلحق فاش قربها ليه و تقطع لكلام بالسكات بيناتهم كيشوفها كتنهج في يدو و تسرط في ريقها ... داتو عينو و سرحت في عينها الباكيين لي تيشوفو فيه واخا عاقد الغوباشة شوفتو تبدلت و كتغزل في زين عيونها و بدا كيرخف على سالفها...حسناء كتشوف في عينو ...من ليمين لشمال ..و شافت شوفتو كيف تبدلت و عينو لي واخا قاسية و حرشة و كحلة ...كتبان غريبة و مختالفة ... سرحت فيها و دموعها حبسو ...شي حاجة وصلت لقلبها غا من عينو ... وقعت و طاحت في هاد الساعة في شوفتو ...و فخر الدين بدا كيطلق من سالفها و كيحس براسو غيلين قدامها ...و كاع داكشي لي سوطها بيه غايمشي يا بكلام حلوو يا بوسة ...و يقدر يزيد فشوشها عليها اللهما ينوض و يخلي كلامو حلقة في ودانها ...هو يطلقها ...و ناض قدامها ...قفزت في مكانها و عتقت راسها و حدرت عيونها قبالتو
فخر الدين دار يدو من وراه : راك سمعتيني مابغيتش نسمع شي شكوى عليك مرة خرى و لا غايكون حسابك معايا في جهنام الكحلة فهمتي (هزت غير عينيها من تحت شعرها كتبان بريئة على فعايلها ) ...هو علا شانو و دار عطاها بضهرو كيتمشى و غوباشتو ديما مجموعة🌙حسناء القايد🌙
👑oumaima mega 👑
⚡92⚡
تاخرج و سد الباب من وراه ...و خلاها هي جالسة فوق سريرها و متبعاه بالعين تاخرج ... و ميلات وجهها فحال القطة و حاسا بقلبها تيضرب و تيخفق و كتشوف قبالتها : مكانش عليا نقوليه داك الكلام ....و دارت تكات على وسادتها و خاطرها مامهنياها على ديك قلت لفهامة لي شتماتو بيها ...كانت تحفظ لسانها حشومة تبان قليلة الاداب ...و غمضت عينها عمرها تقول فحال هاد الهضرة خاصها توزن راسها و كلامها و غمضت عويناتها على شوفاتو ليها ديال قبيلة معرفتش اش سهاها فيه وليني جاها داك الاحساس بلي مسخاتش تنزل عينيها عليه وحد الشعور في شكل ...و هي تفتح عينيها و قندشت تستغفر الله على هادشي لي تتخمم فيه ...و قلبت وجهها و داتها لجيهة لخرى و شدت من خميستها و غمضت عينها
ايوا صبح الصباح و فتح ....و بدايت هاد الصباح ديما من صالون سلطانة ....لي بحرا جلس لقايد فوق المدربة و تكا دراعو على الوسادة ...متفطح وواخد راحتو ...و راه غوباشتو معقودة و شوكتو حامية و مهزوزة ....و قدامو خير الله فطوووراات ...براد اتاي و الحلوى والملاوي ... و سلطانة ...جالسة حداه من صبحت عليه مدوات و هازااا البراد تال سمااا و تكب في اتاي بالرزة و كتشوف فيه ابنص عين ....مدوا ماتكلم ...تمن لبارح فاش تشكات ليه اول شكوى من مرتو ماسمعت كلام مسمعت لغاااا ... القضية مطموسة و صاقلة تعجبت ... و عطاتو الكاس تاع البلار عامر اتاي ...شدو من عندها و دار ليها هاز درابو تاع الغوباشة : عيطي لحسناء تجي تفطر هنا ...سلطانة ضربتها فحال طرشة على خدها هي كانت معادية بيه غايسوطها و يكركبها برا زدق باغيها تنزل تفكر معاه ...ماعودت من وراه غا صلاتو على نبي ...عيطت على عرشية لي جات تجري ...و طلبت منها تنزل حسناء ....تاعرشية دغيا دارت ..و جمعت لعبيدات و طلعو عند حسناء لجناح الطاووس ...كانت مسكينة باقا ناعسة ...دخلو فايقوها ...و نوضوها باش يجهزوها باش تكون على قد المقام تاع الفطور مع سي القايد ...و لالة سلطانة ...حسناء ناضت و تنهدت و بداو يجهزو فيها و يلبسوها ...و هي نايضة قرفانة من راسها ... ممرتاحاش لهاد الفطور لي كيجمعها مع ديك سلطانة وولدها ...كيخوفوها و يخنقوها كتولي تحسب جلوسها بالسويع ....و ليني معندها ما تعمل لبارح نتفها تاخلا جدرا تاع راسها منفوخة غير حيت ردت الكلام على يماه ...دابا لامنزلت العالم بمولاها شنو غيعمل فيها ...ايوا لبسوها يا لالة لقفطان و المضمة مدهبة .... و لسقو ليها جالوق في عنقها و ودانها ...و شعرها فتلوه ليها كيف الحرير في يدهم ...و لبسوها شربيلها و هبطوها ...و هي غاتقل ليهم في المشية ...واخا لعبيدات غاديين بيها ...توصلوها للصالون ...وقفت وحطت شربيلها و دخلتها عرشية و هي حادرة راسها ...هزات عويناتها من تحت لعين في القايد ...و ضرب قلبها غاضربة قوية معرفتها من الهلعة و لا من حاجة خرى ...كان باين من شوفاتو كيتسناها ... و هو عاقدهم عليها ...وشوفاتو ممفهومينش و لا شنو كيقصد بيهم ...دورت لعين لسلطانة لي زادت خلعتها بديك التخنزيرة ... لي فحالا باغا تقتلها ...و هي تحدر عينها ...و دازت كتمشى بشوية ...و مشات لمدربة جلست مربعة رجليها قبالة طابلة ...تحت عينين القايد و هو تيشرب اتاي