و وصلنا الجزء ال ٧٠ !! تمنيت بصراحه ما اطول في القصه كثير بس الاحداث و الافكار تتداخل علي بحماس و للابد ما اعرف التزم في سينارو ثابت دايم ابهر و ازيد من القصص و بعدها اتوهق على طول القصه ههههه!!! اتمنى ان القصه لحد الان عاجبتكم و اتمنى لو تقولون لي شنو السلبيات اللي تحسونها فيها عشان اقدر اكتب خاتمه تليق في القصه
و انا راح احاول اختم القصه لان اعتقد ان الاحداث بدأت توضح كثير لكل الشخصيات باقي لنا من القصص الرئيسيه ملاك و فهد .. و سمر و اياد
شكرا لدعمكم وحماسكم يا جميلات !
\
بعد مرور اسبوع من الاحداث السابقه و اخيرا جى اليوم المنتظر اللي راح يفرح فيه قلبها و قلب كل اللي يحبها !
" يوم زواج وجدان "
كان الفرح مخيم قلوب الابطال كلهم .. خصوصا يوم كانت الفرحه فرحتين ! زواج وجدان و سلامة العمه الغاليه ام سجى !
كان الزواج مرتب بفخامه من ذوق ام خالد اللي تهتم كثير لهذي الشغلات و بو خالد ما قصر كمان مع بنته و فرحتها في شيء ولا العروسه كانت في قمة الجمال و النعومه اللي اعتادت عليها ..
كل من شافها ذكر اسم الله و كل اللي في الزواج يرقص بفرح لفرحة الغاليه ام خالد و لحبهم لوجدان
بعد ما اخيرا تركوها تجلس بعد الرقص
سمر تمسك دينا - معارفكم كثير تعبت و انا اخبر اللي حولي ان انا خطيبة اياد
دينا - ما ضحكتني الا في نص الرقصه " انتي بنت مين " هههههههههههههههههههههههه
سمر ضحكت - والله احس ندمت ان احنا ما سوينا حفلة للملكه
دينا - تعوضون بالزواج ههههههههههههههههههه بعدين ما اعتقد انكم راح تطولون .. متهور و متهوره !!
سمر - عن الغلط !
و هم يمشون متوجهين للطاوله وقفت دينا بنات يعتبرون صاحبات وجدان في الدراسه و وقفت تسلم و معاها سمر
راما - و كبرو البنات !
دينا - ههههههههه انتي ماشاءالله عندك بنت ما وقفت على اختي اللي تو متزوجه !
راما - هههههههههههه ياحبي لك .. عقبالك يا حلوه يا دينا
دينا بخجل غريب - ان شاءالله ههههههه
سحر - صاحبتك ؟ ، مدت يدها تسلم
دينا - هذي صاحبتي و زوجة اخوي
سحر - انتي زوجة يوسف ؟
سمر - لا زوجة اياد
التفتو على بعض بصدمه و سمر و دينا ما فاتهم اللي يشوفونه
راما - اياد تزوج ؟ متى !
دينا - تو مالكين على بعض
سحر - ماشاءالله ..
جو باقي البنات و منهم بالخصوص نور
ريف ضمت دينا - مبروك زواج اختك عقبالك
دينا بعدت عنها - الله يبارك فيك .. و عينها التقت في نور اللي كانت تناظر بنظرات غريبه .. ما تخفي جمالها و جاذبيتها ! لو تقارنها بالجمال فيها احلى من سمر لان نور ملامحها جايه على بياض و شقاره و وجها حاد بشكل حلو ! بعكس سمر اللي وجهها كانه بيبي فيس و طفولي بس بالنهايه الاخلاق اهم من الشكل
سمر حست بغرابه وسط البنات اللي ما تعرفهم بس بحكم انها واقفه مع دينا ما حبت انها تمشي و تروح عنها و بعدين توهقها !
نور قربت و مدت يدها - كيفك دينا .. مبروك زواج جوجو
دينا - بخير .. يبارك فيك .. كان لسانها راح يزل و تقول عقبالك بس هيا عارفه ان نور متزوجه و اللي مو عارفته انها انفصلت عن زوجها و تطلقو !
همست سحر الى نور مخبرتها " هذي زوجة اياد " و التفت نور بصدمه على سمر و تغيرت نظراتها الى نظرات غير مريحه
نور تمالكت نفسها و اخيرا نطقت - دينا كيف اياد ..
سمر عقدت حاجبها بقهر و هيا تفكر شلون البنت تسأل عن اياد ! و دينا و كانها صارت بين نارين - اا بخير .. هذي سمر زوجة اياد اخوي
نور بصدمه للبنات التفت على سمر - شدعوه زوجة مره وحده تو مالكين !
سمر بقهر و هيا اللي توها تستوعب ان اللي قدامها "نور" المشهوره و اللي سببت الهوشه اللي صارت في المخيم - اوه انتي نور ؟
نور - ماشاءالله تعرفني ؟
سمر ابتسمت - ايوا حكى لي اياد عنك
نور بقهر تناظر في سمر و بحركة سريعه دينا استأذنت من البنات و هيا تسحب سمر بيدها مبعدين عنهم و البنات امسكو نور حتى لا تكمل استفزاز و يصير شيء!
سمر بقهر - وقحه !
دينا بهدوء - ما توقعت راح نشوفها ! ما توقعت بتتكلمون !
سمر بقهر مشت بخطوات سريعه و جلست على رغم ألم رجلها من الكعب
--------------------------------------
بعد ما صرح بو سلمان بطرقه غير مباشره ان الشغل هذا مصلحه شخصيه بدأ يشك كثير خصوصا انه ما صرح بالسبب! اسماء كثيره تتكر عليه .. طلال .. ليان .. جبر .. مجد !! مين هم و ليه بو سلمان كثير متوتر و خايف و شايل هذا الشيء على نفسه فوق يزيد و متعب !
بدأ يتحرى بنفسه لارضاء غريزة الفضول لا اكثر .. بس كل مره يربط خيط جديد .. و هل مره لفته شيء و هذا الشيء مرتبط في ملاك !
بو سلمان - فهد
فهد رفع عينه اليه - سم
بو سلمان - سم الله عدوك ... خلاص انت روح و بكرا نكمل
فهد وقف - و انت ما راح تروح لاهلك ؟
بو سلمان - عندي شيء اسويه و اروح
فهد بدون جدال و الشكوك قاعده تثبت اليه ..
--------------------------------------
في الزواج
تجمعو عائلة بو خالد يستقبلون بو خالد و العيال عشان الزفه اللي راح تصير خاصه لهم و بعدها راح ينزف وليد على وجدان ..
غرام بهمس تكلم يوسف - حبيبي لازن نصور سوى قبل ما تطلعو بعدين !
يوسف - اكيد ..
دينا اللي كانت تصور فيهم و هم المتوترين و اللي يضبط نفسه و اللي يسولف
اياد - يمه مستعد امشي معك ولا اذا تبين تمشين بينا انا و سمر عادي
سمر بخجل تناظر في اياد بنظرات توعد
ام فواز - لا امشي معك ولا شيء
اياد - افا ! الحين بتخليني بدون حجه و بتتهاوش معي سمر
دينا - ههه احسن انا امشي معاها
ايمان دخلت عليهم - يالله بدأت الاغنيه .. و طلعو على الترتيب اللي ايمان مرتبتنهم فيه و صارت الزفه حلوه .. كل واحد منهم يمشي مع زوجته وبكذا عائلة بو خالد كبرت كثير بوجود الجميع !
بو خالد يقبل جبين بنته و يضمها - على الف مبروك يابابا !
وجدان كانت ماسكه دموعها بالموت .. شعور ان ابوك واقف جنبك في يوم زفافك شعور حلو و مبكي كثير ! تبي تكون مع وليد بس بنفس الوقت ما تبي تطلع من بيت ابوها ! يبقى حب الاول و الاعظم هوا حب الاب !
ام خالد تضم بنتها و هيا اللي مو مصدقه و هذا نهاية الزواج انه زواج وجدان ! و من الترتيب سلمو اخوتها عليها
اياد اخرهم قبل جبينها و ضمها بقوه - خلاص ما عاد فيه مزح هذا الزواج و تم
وجدان بعدت و هيا تضحك - ياحبيبي انت
اياد - يالله الحين ابيك تشدين الهمه في الرقص!
و بعدها المطربه تحمست و صارت تشجعهم على الرقص بالاسماء !!
و محد استخف غير اياد و دينا ! و اكيد ام خالد و ايمان مع حماسهم صارو يرقصون ! و العائله صارت تصفق و المعازيم متونسين على فرحتهم !
و بعد الفرحه و الوناسه انتهى الوقت حقهم و انزفو طالعين عشان بعدها راح ينزف وليد على وجدان
و هم يمشون طالعين .. عينها جات على عين نور اللي ما كانت محجبه !! و لا شعوريا شدت غلى ضغطتها في مسكتها ليد اياد .. التفت عليها و هوا يضحك على حركتها و هوا مو فاهم شيء فعلا
وقفو عند البوابه
اياد بهمس غمز لها - ما تبين اخذك معي ؟ محد راح يعرف عادي
سمر وسعت عينها و بخجل - اياد !!!
اياد بنفس الهمس - ترا الفيديوهات مو طبيعيه ! مو قادر اركز في اللي حولي ! جننتيني !
سمر ضحكت بخجل و هيا تتلفت وكانت تشوف خالد و يوسف قريبين منهم و معهم مرام و غرام - اعجبك ؟
اياد - ودي لو اخطفك الحين من كثر الحلاوه اللي شفتها
سمر بدلع - روح و ابيك دايم كذا تتذكرني ببالك
اياد - ااخ منك
عند احلى كلبز
كانت ماسكه يده - بليز صوره سريعه خبرهم ينتظروك برا !
يوسف - اخاف يجون الحريم و ما يدرون بوجودي !
غرام - لا لا .. راح يعرفون بوجودك بخبر العملات .. يالله راح اكلم المصوره قبل لا تروح تصور وجدان !
يوسف - طيب بخبرهم انا ينتظروني .. و توجه يوسف لعند خالد و خبره يسبقوه للسياره و ينتظروه لانه يبي يتصور مع غرام و بيطلع لهم و فعلا ..
بعد ما طلعو اياد و خالد و فضى المكان لـ غرام .. نزعت العبايه و التفتت على مكان التصوير و هيا تمسك يوسف بتملك و صورو بعض الصور بحركات مختلفه ..
--------------------------------------
هذا اليوم الثالث اللي يجيها الوجع ! و طمنتها مريم ان هذا الوجع طبيعي و سببه قرب موعد الولاده بمعنى ان هذا يجي تحت مسمى الانذار الخاطئ !
و فعلا كانت مره تحس انها راح تموت من الوجع و هذا بمعنى ولاده و بعد فتره يختفي و ترجع طبيعي ! كل هذا يصير في اخر الليل و الوقت المتأخر ! الوقت اللي الجميع فيه نيام و بالخصوص احمد اللي حس بالقلق في الفتره الاخيره من وضع ورد !
فكت يده بعد ما كانت متمسكه فيها و تضغط بقوه من الوجع .. التفت عليها - اخذك المستشفى اخاف يصير لكم شيء لا سمح الله
ورد و دموعها في عينها - ايه الله يخليك
و قامت بثقل و بحركة سريعه طلعو من القصر على الساعه ٢ الفجر متوجهين للمستشفى .. و بعد فتره خف الالم بس ما زال موجود
الدكتوره - لا شلك مستعجله على الولاده باقي لك بالقليل اسبوعين ان شاءالله
ورد - يعني ايش هذا اللي يصير لي ؟
الدكتوره - هذي اعراض طبيعيه و مفيش ولاده لان الرحم ما فتح لسا يعتبر طبيعي ..
ورد - بس الوجع قوي مره
الدكتوره - ايه ياحبيبتي هذا البكر و الله يعينك على الوجع
ورد و بدل لا تتطمن حست بخوف و قلق !!
الدكتوره - راح اخبر الممرضه تجي تساعدك على مهلك .. و طلعت و لحسن الحظ التقت في رغد اللي تعمل اليوم مناوبة و خبرتها تروح تساعد ورد
رغد دخلت و انتبهت لها و ابتسمت - ياهلا و سهلا !
ورد رفعت عينها و بخجل - رغد ! اهلين !
رغد - كيفك حبيبتي ... سلامات ان شاءالله خير طمنيني؟
ورد - هههههه انذار ولاده خاطئ !
رغد - ياعمري الله يتمم لك على خير .. خلاص ما باقي شيء
ورد - ايوا و تعبني صارلي هذي الفتره اتوجع مره
رغد - الله يعينك .. تحصل كثير بس قريب راح تثبت ..
--------------------------------------
بعد ما تم كل شيء على خير و انزفت وجدان الى عريسها و فتحو البوفيه .. كانو البنات جالسين سوى و يتكلمون على اللي صار و يحشون شوي كمان بس هيا بعيده عنهم تكلم بعد ما اتصل عليها اياد وهوا متضايق ..
سمر ردت عليه و وقفت بعيده عن البنات - شفيك حبيبي ؟؟
اياد - اصبري خليني اطلع من عند هالقلق ..
سمر - هههههه طيب ..
طلع اياد من القاعه وقال بتنهيده - ايوا ..
سمر - شفيك زعلان .. ما رجعتو البيت ؟
اياد - لا لسا و ازيدك ابوي ياشيخة يوم شافني مسكت الجوال بدق عليك جاني وحلف علي ما اطلع الا اخر واحد معاهم !
سمر - هههههههههههههههههههههه ياحليله عمي ايش عنده ؟؟؟
اياد بقهر - مدري
سمر ضحكت - ههههههههههههه حبيبي لاتعصب خلاص شوي ويروحون الناس و بعدها اقدر اشوفك .. لا تتضايق عشاني راح اظل مع اهلك لين اخر نفس عشان اشوفك
اياد بشوق - لا والله مو شوي اعرفهم ذولا اذا اجتمعوا نسوا انفسهم بهالسوالف و خصوصا انتو بزواج يا قلبي .. و بعدين ما بعد خلص الزواج ؟ انا يا روحي من بعد ما شفتك و انا ما عاد صرت نفسي ! دوختيني !! جننتيني !!!
سمر ما تحملت و ضحكت - هههههههههههههههههههه كذا انا ما اقدر ..
اياد - قاعد اتغزل فيك و انتي تضحكي !!
سمر - هههههههههه شفيك طيب عصبت
اياد - اقول انا زين ما سويت لهم سالفه اليوم ابي اتزوج اليوم قبل بكرا !
سمر بخجل - لا عاد ! انا وافقت بالملكه السريعه بس الزواج لا
اياد - وليه لا !! جننتيني يا بنت الناس
سمر تضيع الموضوع - طيب و ابوك ايش يبي منك يبيك عنده جالس ؟؟
اياد - اكيد يبي يحقق معاي عاد تعرفي صاير متغير عليهم هل يومين ههههه ولا اكيد يحرق قلبي و يحرمني من هل صوت و هل شوفه
عند البنات
شهد - اقولكم بس يناظرون و يتمسكون فينا مره يضحكون
ماريا - خصوصا اللي مسكتني .. شنو تدرسين انتي ؟ بنته لمين ؟
هيفاء - ههههههههههههههههههههههههههه لكن امانه ماريا انتي وين وهذا التخصص اللي تدرسيه وين
ماريا تخصرت - طايحه من عينك ؟ ههههههههههههههه
دينا - ولا انا وجه تصاميم و حركات ؟ هههههههههههههههه
ماريا - يضحك مره ما عندك الا جوجو و لينو اللي تخصصهم مره يتناسب مع شخصيتهم
سمر جاتهم و جلست معاهم بعد ما كانت تكلم اياد و واضح انها نفست بعد اللي صار اليوم و خصوصا مقابلتها الى نور !
هيفاء - كيفك يا مزيونه ممكن تجي ناخذ صوره ؟
ضحكو البنات
دينا همست - شفيه الحلو
سمر - تعبانه .. بالله بنات في احد لسا بالكعب ؟
ماريا - ههههههههه خلاص ياماما انزعيه
سمر فكته من نرجلها و هيا تحس براحه
غرام عبرت جنب البنات طالعه بعد ما جاها يوسف - باي بنات
- بااااااي
سمر - ماشاءالله غرام بس قالت انها حامل و بان الحمل على طول !!!
دينا - حسيتي !! توها ما كان فيها حتى بطن و فجأه تحسيها سوت سكيب ل٣ شهور !
شهد - قولي ماشاءالله
دينا - ماشاءالله لا اله الا الله ..
لينا - عادي ترا سجى كمان بان فجأه و الحين تحسيها ثبتت على شكلها
دينا - كيفها ان شاءالله بخير ؟ و في اي شهر صارت
لينا - الحمدلله بخير .. الخامس
دينا - الله يتمم لها على خير
- امين
--------------------------------------
ركبت السياره و كان موقف السياره قدام المدخل .. بتعب دخلت و هيا تحس انا منهاره ! ما راعت حملها من حماسها و فرحها بالزواج و الضريبه راح تطلع الحين !
يوسف - السلام لله !
غرام التفت و هيا ترتب حجابها - هاي حبيبي
يوسف حرك السياره و التفت عليها - شفيك كانك كنتي تتسابقين ؟
غرام - ههههههه اووووف يوسف ترا ودي ابكي من التعب
يوسف ضحك على تغير نبتها من الضحك الى الحلطمه - سلامتك من التعب ! سويتي اللي براسك ؟
غرام بخجل - اللي براسي؟
يوسف - متوعده من شهر انك ترقصين بالزواج و تشيلين الزواج على راسك
غرام - ههههههههههههههههههههههههه
يوسف و بخبث و مزح - بس وقت ما جى انك ترقصين لزوجك تعالي اسمعي لنفسك كيف تطلعين اعذار !
غرام - حرام عليك حامل و تعبانه !
يوسف - ما راعيتي حملك قدام الناس يالظالمه !
غرام تشتت نظراتها و ضحكت لان ما عندها حكي تقوله - ههههههههههههههههههههههه
يوسف التفت عليها و هوا يبتسم .. وقف السياره بالموقف و نزل يسبقها عشان يساعدها بالنزله و هيا اللي بالموت تمشي من الكعب اللي لابسته
--------------------------------------
بعد مرور اسبوع من زواج وجدان
و نجي لاحلى العرسان في شهر العسل في الريف الفرنسي
كان الصمت ساد بينهم و عينهم قادره انها تتكلم بينهم بدون ملل !
وجدان اخيرا قطعت الصمت و بصوت كله خجل - ايه ليه ساكتين ؟
وليد بتأمل في جمال المكان - عيشي هالهدوء و تأملي ..
وجدان ضحكت - طالعين و شادين حيلنا عشان نتأمل المطعم و الفطور ؟
جات النادله الريفيه اللي كانت لابسه فستان زهري اللون و قبعه مصنوعه يوديا و هذا اللي يميز المكان ! في الموديل و الستايل حقه !
حطت القهوه قدام وجدان و ثاني قدام وليد و هيا تبتسم لهم و اختفت عن اناظرهم
وليد - شنو رأيك بالمكان ؟
وجدان بدهشه - هانت ساعات الطريق يوم شفت هل جمال !
وليد - شنو رأيك لو ننام فيه الليله ؟ للاسف ان هل جمال سقط سهوا لما جيت احجز ..
وجدان بخجل - بس اغراضنا كلها في الفندق !
وليد - عادي كلها لليله ..
وجدان و تحس انها الشريره اللي تخرب المتعه و هذا ابد مو قصدها بس ما تعودت على هذي الافعال و الحركات اللي ما يتخطط لها و اللي تجي فجأه - ولو .. حتى لبس ما عندنا !
وليد - كل شيء موجود .. تضرك لليله ؟
وجدان بهدوء - ابد ما تضرني بس انا محب اسوي شيء و انا مو مجهزه له .. يعني تعرف الملابس و الاغراض الشخصيه و هيك يعني
وليد ابتسم - عارف يا قلبي .. ماعليك كله يتدبر .. و بنظرات عميقه تخجل فيها وجدان و للورد اللي جنبها - الورود ما تفتن
وجدان شتت نظراتها بخجل و هيا اللي ما كانت تعرف هذا الجانب الرمنسي من وليد الا الان !!
وليد و هوا يناظر وين ما وجدان تناظر
وجدان التفت الى يمنها و هيا تناظر للعصافير القريبه منها و ابتسمت تضيع الموضوع و هيا متونسه من جمال الالوان و الصوت ٠ يالله على اصواتهم !!
وليد ابتسم - تعرفين ليه تحب تغني عندك ؟
وجدان ضحكت - ليه ؟
وليد - يذكرون الله عليك !
وجدان انربط لسانها بخجل و هيا اللي ممتنه و تحمد ربها على الراحه اللي هيا فيها و تحمد الله للي سخر لها وليد ! كانت عينها توصل رساله مفهومه و واضحه و هيا وقوعها بحبه !
وليد - و ما تغني العصافير حولك الا بتسبيحها .. سبحانه من صورك
--------------------------------------
دينا اندفعت - لاااا لاا لااااا ... ما ابي مااااما
ام خالد اللي كانت منصدمه من طلب صاحبتها القديمه لها و هوا خطبت دينا الى ولدها بعد زواج وجدان و اللي حللته في بالها ان اكيد انعجبت في دينا يوم الزواج - شنو اللي ماتبينه ؟ الرجال كامل والكامل الله ..
دينا بتوتر - لا ماما تكفين اخر عمري اتزوج واحد يشتغل شغل خالو صالح والقلق ذا انا ما احبه ودايم قلوبهم قاسية ويخوفون لا ما ابيي
ام خالد - ترا قالت ان محمد تارك الشغل من بعد ماتوفى ابوه الله يرحمه الحين عنده تجاره و الرجال ماشاءالله عليه مقتدر وناضج وولد اصل وناس
دينا و تفكيرها في عبدالعزيز و ما احد غيره و بحجه قالت - لا ماما خلاص انا رافضة ما ابي واحد كان يشتغل في هذا الشغل
ام خالد - ترى الرياجيل هالأيام نشتريهم !! احمدي ربك
دينا بهجوم - وانا ناقصني شيء عشان ما القى غيره ؟!!
ام خالد - مو نقص فيك بس محمد والنعم فيه وانا ابيه لك .
دينا بتفكير - طيب بفكر
ام خالد - فكري زين قبل لايوصل العلم عند الرجال لان ان وصل الى ابوك ترى بيحلف انه ما يرده
دينا ابتسمت و بثقه قالت - بابا مايجبرني على شي ما ابيه
ام خالد ضحكت - انتي محد خربك غير هل دلع !
--------------------------------------
الرياض
كان جالس يكلم بالجوال و هيا جالسه بتملل جنبه .. من موضوع في الشغل الى مواضيع قريبه من الشغل الى ابدأ رأي شخصي في اللي يصير الى الحال للي قاعد يصير و هيا تسمع مره تحط ببالها في الكلام و مره تتحلطم في انه طول بمكالمته
احمد - طيب و هذا الشيء فيه مصلحه للجميع يعني مو متخيل ليه الهجوم هذا كله
صالح - لان تفكيرهم راح يروح الى محد كسبان غير الدوله
احمد - خطأ هذا القرار جى مو لمصلحت الدوله اكيد و تعرف الاقتصاد نزل و يبون يرفعونه شوي و هذا شيء قليل راح تسويه في حق المواطينين
صالح تنهد - عارف .. بكرا الضرايب و اللي بعده بنزين و اللي بعده ما تدري ايش
احمد - الحمدلله على كل حال .. و رفع عينه على ورد اللي كانت تتأمل في المكان بطفش تنتظره يخلص مكالمته - امم تعشيت ؟
صالح - لا بقوم اتمرن بالاول
احمد - ورا ما تجي لاختك .. شكلك اخوها بالاسم بس
صالح ابتسم - اشتكت لك ؟
ورد اللي فعلا جالسه معه بس مو قاعده تسمع لسوالفه لانها مللت من الاشياء السياسيه و الاقتصاديه اللي يسولف فيها
احمد - لا بس يعني ايش عذرك ما تجي
صالح ضحك - اخر واحد يلوم و يمسك علي حكي هوه انت ولا نسيت و تبيني اذكرك ؟
احمد ابتسم - لا محشوم .. يالله عندك ساعه ولا بنام عنك
صالح - يالله يالنسيب اشوفكم على خير و قفلو المكالمه
احمد رفع عينه لها و هيا اللي كانت متمدده بتملل - طولت ؟
ورد - كالعاده
احمد يحط اللوم على صالح بسخريه - اخوك يهدر كثير شنو اسوي له !
ورد ضحكت بتعجب فيه - يالله عاد احسكم انتو الاثنين سوالفكم لبعض ما تخلص هذا اللي لاحظته
احمد ابتسم - يالله عشان كذا خبرته يجينا
ورد بفرح - والله راح يجي !! الحين !!
احمد - بسم الله على قلبك ايه !
ورد - بس مو كان متأخر الوقت عليكم !
احمد - لا مو متأخر وقت عشاء
ورد بتسأول - وراكم دوام بدري؟
احمد - يعني من ٨
ورد تناظر الساعه لقتها ٩ و كانها شالت همهم اذا سهرو !
--------------------------------------
الايام الماضيه ما كانت هينه عليهم هم الاثنين و برضو التقلب اللي صار بحالة ام سجى غير اشياء كثيييرررره
راكان - طيب و انتي جهزتي الوضع خلاص ؟
سجى - ابيها تحس بالراحه خصوصا قالت الدكتوره ان الكسر يبي له كم شهر و ما ابيها تتعب نفسها لارجعت البيت
راكان - و انتي ما اشاءالله ما قصرتي ! خلاص ابيك ترتاحين طول يومك و انتين بس تحوسين و طالعه و تتقضين
سجى بعد ما عرفت اليوم بالموعد انها حامل "بطفله" نزلت على السوق و بدأت تتقضى للبيبي اللي كانت متأخره كثير بتجهيز الاغراض لها خصوصا مع وضعها الاشهر الماضيه و حالتها النفسيه و الحين قومة امها بالسلامه كانها رجعت لها الحياه
ركان ابتسم - خلاص تعالي !
سجى قربت و جلست بالسرير
راكان - هدي و كل شيء راح يخلص ! يعني يا ما تشغلي نفسك يا الشغل واصل الف !
سجى ضحكت على نفسها و على حلطمت راكان كمان ! و هذا يعتبر تطور للعلاقه اكيد !
--------------------------------------
كانت الجلسه ضحك و وناسه و مين يصدق انا هذا حالهم !
صالح - ليه احسك ضعفتي و بطنك نزل!!
ورد و هيا تتحسس بطنها - ايه خلاص ولدي مجهز نفسه للولاده عشان كذا تحسه نزل !
صالح - ياهل ولد اللي عيى يجي ! مطول
ورد - ههههههههههه تأدب ترا انا الضحيه هنا
صالح - وزوجك طالع منها يعني ؟
احمد دخل عليهم و هوا شايل الصينيه اللي جهزتها مريم - شفيه زوجها
صالح - سلامتك بس نسأل عنك هههههههههههههههههه
احمد جلس جنب ورد - جبان ! .. صالح و ورد ضحكو
ورد - ورا ما اقوم اقولهم يجهزون شيء ساخن احسن من الشاي عشان لليل يعني و انتو وراكم دوام
صالح - لا تقومي ولا شيء ! بعدين متعودين ما تفرق و وقف يضيف نفسه
ورد - كيفك ..
احمد كان يناظر في جواله و هوا اللي شدته رساله من الشغل ووحده من بو سلمان
صالح التفت عليه - ايش فيه ؟ صاير شيء؟
احمد - لا بس بو سلمان .. حالته ما تسرك
صالح - ايش صار معاهم ؟
احمد - حاليا قال لي هوا مشغول و تارك شوي على ما تهدأ الاوضاع و بعدها نشوف صرفه معه
صالح - تعرف مين اشك فيه ؟
احمد - غير متعب نفسه ؟
صالح - لا احس في اشياء كان يعرفها محمد المبارك الله يرحمه و ما قالها لنا ! اجل متورطين مع متعب كانه لصقه على يدنا و مو عارفين نشوف صرفه معه ! بالنسبه لي اشوف فايدته بدأت تقل !
ورد بضجر - اقوم اجلس مع مريم ؟
احمد ابتسم و صالح ضحك - ههههههههههههههه اسفين يعني اتأسف بالنيابه يعني
--------------------------------------
دخل يوسف بهدوء و هوا يحس بتعب لسهره لهذا الوقت
غرام - بدري
يوسف رفع عينه لها و استغرب - صاحية !!
غرام وقت و بنظرات حاده - انت شنو تشوف ؟
يوسف ابتسم - طيب ليه صاحيه ؟
غرام - يوسف تعرف كم مره اتصلت عليك !! ليه ما ترد علي !!
يوسف - جوالي طافي .. خلص شحنه من المغرب
غرام بقهر - معقوله ما صار عندك شاحن ! مو عذر .. و اصلا انا حافظتك يا حلاتها من ساعه يوم يطفي جوالك عشان تتعذر و ما تكلمني و عشان ما تشوف مكالماتي ! بس طبعا انت راجع مروق من اصحابك وانا تاركني بين ٤ جدران
يوسف - غرام ممكن تأجلين محاضرتك لبكرا تعبان و ابي انام والله
غرام - لا مو ممكن !! ما تسهر وتتركني كذا !!!
يوسف - تأمريني ؟
غرام - ايه أأمرك .. مثل ما انت دايم تأمرني بالضبط انا أأمرك
يوسف ضحك - هههههههههههه انهبلتي ولا الحمل مأثر عليك
غرام - يعني الحين تسهر و انا يوم بغيت اطلع تحاسبني على طلعاتي و تقول ما يصير تتركين زوجك و تطلعين عنه و تطلع عيوني على كل طلعاتي لانك تتدلع علي في كل مره فيها بس خلاص يا حبيبي حالي من حالك الحين !!
يوسف - هههههههههههههههههههههههههههه صدق شر البلية ما يضحك
غرام تتحطلم - والله بديت تتغير علي
يوسف - ههههههههههههههههههه انا متغير عليك !! افا
غرام تتسخر - ايه لانك تسهرني بلليل على الكلام الحلو و تصبحني بالورد
يوسف بمزح - اجل الحمدلله اني كذا
غرام تنرفزت من روقانه - انام اصرف لي وماراح اصحيك على الدوام ويارب المدير يهزئك قدام الموظفين
يوسف ابتسم
غرام بقهر منه - يارب يجاب دعائي في ثلثك الأخير
يوسف - ههههههههههههههههههههههههههههههه شفيك صايره تتصرفين مثل الاطفال
غرام - ايه انا بزر عندك شي ؟ وحامل ببزر بعد !
يوسف - شكل الشيطان معانا اليوم
غرام - ايه شكله .. و تمددت على السرير
يوسف انحنى و قبلها بس غرام بعدت عنه و بقهر - لاتلمسني انا اصلا ودي لو اتوحم فيك عشان القاها حجة
يوسف - هههههههههههههههههههههههههه يالله ما تسوى علي سهرت مع الشباب اليوم
غرام - لا تكلمني و خل الشباب ينفعوك .. و بعدت و صارت في نص السرير و ما اعطت يوسف مكان ينام جنبها - نام بالصالة ولا نام مرة ثانية بالاستراحة مع الشباب احسن
يوسف وقف بيغير ملابسه و باستلعان - لا ياروحي انتي .. ظهري متكسر واذا ماتبين روحي انتي نامي بالصالة ..
غرام شهقت - صدق ماعندك ذوق زوجتك حامل تقولها نامي بالصالة !!!
يوسف و يلبس التيشيرت الخفيف - اجل الذوق تتركين زوجك التعبان ينام بالصالة !!
غرام بعناد - كيفي بنام هنا تراني انا الحامل و التعبانه
يوسف يقرب من السرير و غرام بحركه طفوليه مددت يدينها على الجانب اللي قرب منه يوسف عشان ما ينام
يوسف بسهوله رفعها و بعدها و سوى له مساحه كبيره - حتى وانتي حامل وزنك مايجي ربع وزني
غرام - اووف منك
يوسف التفت لها - بنام والله تعبان .. صحيني لا تنسي
غرام - لا والله ما راح اصحيك و كلم الشباب يصحوك
يوسف اخذ جواله و حط المنبه و هوا عارف انه مستحيل يصحى منه لانه متعود ان غرام تصحيه كل يوم و بحكم انها ماخذه اجازه يخاف من جد انه ينكب - بكرا عندي اجتماع صحيني
غرام - لا
يوسف التفت لها مستغرب منها - شنو عندها بنت ابوها ؟
غرام ضحكت - كذا مزاجي اليوم يقولي ياغرام لا تسمعين اليه دامه ما يمسع لك
يوسف بشك - شنو ماكله اليوم ؟
غرام بحسن نيه - كيف يعني ؟
يوسف - كلك ماكله شيء مضروب ولا هذي مو حركاتك
غرام - ههههههههههههههههههه نغير من اسلوبنا شوي معك بس اعتقد انو لا الدلع ينفع ولا هذا ينفع معك !
يوسف التفت لها - بتصحني ولا لا ؟
غرام - ممممممم جوابي ما زال لا
يوسف فصخ التيشيرت و مسكها من خصرها - اجل تعالي .. دام ان انا متأخر متأخر خلي تأخري يكون فيه فائده لي
غرام بعدت يده - لا لا لا خلاص بصحيك
يوسف يثبتها بقوته - قولي والله
غرام - والله بصحيك اتركني والله مافيني حيل
يوسف ضحك بخفه - ما تجي الا بالعين الحمره
--------------------------------------
يوم جديد
مرت عليهم الايام بشكل سريع هذي الفتره ..
كانت قاعده معه و الهدوء مسيطر عليهم .. كانت تاكل و هيا اللي تعودت تاكل بيدها اليسار الفتره الماضيه و الحين تحاول تتعود تاكل بيدها اليمين بعد ما فكو الجبيره
ملاك - فيه شيء وجهي ؟
فهد ابتسم - لا
ملاك اخدت المنديل و نظفت فمها - شككتني بحالي ! اممم اليوم عندك شغل ؟
فهد - ايه انتظر ابوك يجي
ملاك - بس بابا ما نام الا الفجر
فهد - الله يعينه .. و ناظر في المصعد اللي انفتح و طلعت منه بدور و معاها بنتها ندى .. التفت عليها مره ثانيه - طيب 10 دقايق يا ملاك وتمشين معي .. مو أنتظرك ساعة !
ملاك تناظر في بدور اللي قربت لهم مع بنتها و هيا تضيع نظراتها .. ما كانت متوقعه ان راح يجي اليوم اللي يسولفون فيه هم سوى !
فهد - شلونك يام عبدالعزيز ؟
بدور بابتسامه و بهدوء - بخير الحمدلله ..
ملاك - طيب 10 دقايق واجيك .. و مشى فهد و تركهم سوى !
بدور جلست على الطاوله - ليه ما قلتي لي انكم سوى ؟
ملاك - نسيت ... و نزلت عينها على الجوال و تمتمت بقهر - يارب صبرني
بدور - مين ؟
ملاك التفت عليها - شفتي رند بنت خت احمد بن سلطان .. هذي بنت عمها تكلمني
بدور اللي تعرف كل البنات اللي قابلتهم ملاك تقريبا - ايه عرفتها .. لين ؟
ملاك - ايه المهم قبل كم يوم جتني تسولف معي و مدري شنو سالفتها يعني احس ما عندها سالفه و بعدين عزمت نفسها تبي تشوفني بالبيت و انا صرفتها و قلت لها ان انا مو بالرياض
قامت تهجمت علي و انتي المغروره و انتي و انتي و انتي ... رحت كلمت رند و حسيتها تفشلت مره مره
بدور وسعت عينها - هذي سوات الواحد يسويها !
ملاك - ههههههههههههه غبيه ما عليك منها و الحين شكلها رند زفتها و مسويه جايه تعتذر و ضاجه ام الجوال !
بدور - ههههههههه طيب ردي عليها و بعدين سفهيها
ملاك - ما ابي اوجع راسي والله .. و بعدين هذي عقلها صغير استغفر الله .. مشكلتي ما احب احد باحد ولا عندي سوالف ما تخلص
بدور وسعت عينها -بسم الله على قلبك ماتحبين تحشين أبد !
ملاك - هههههههههههههههههههه شنو اسوي ما عندنا فعاليات و بعدين ما نحس الا في سبب اكيد
بدور ابتسمت - على هذا الطاري .. شفتي سناب ورد الايام الماضيه ؟ كانت تحط فيدوهات و صور من زواج بنت ختها
ملاك - يمه عيوني بارده عليهم يجننون ! وربي تحسي عائلتهم كذا حلوه من الله
بدور - ههههههههههههه سبحان مقلب القلوب
ملاك - لا جد .. ما تحسين بنت اختها تشبها مرره ؟
بدور - لا وين .. ورد انعم بكثير .. بس ماشاءالله ايوا العروس تشبه لـ ورد اكثر من الباقي
ملاك - حزنت انها ما حضرت .. مو ناويه تولد ؟ احسها طولت هههههههههههههههههه
بدور - الله يسهل لها .. يبي لي اتطمن عليها و اكلم مريم .. ايه والله وحشونا و وحشتنا الرياض
ملاك - تكفين انا وحشتني بس بعد النشبه هذي كرهتني في عيشتي !
بدور - طنش تعش !
ملاك بقهر - تاكل تراب هذا اللي ناقص اشيل هم النشبه .. افف والله ان انا اسوي اشياء غبيه في حياتي بي مو قلق و نشبه و لا اهايط ! الله ياخذ يسرة الهياط يا عمتي .. والله تذكرت ناس وصخه
بدور - هههههههههههههههه سبحان الله كل الناس وصخة ماعداك يا ملاك
ملاك ضحكت من قلب - اشوفك قاعده تغلطين ؟ ههههههههههههههه
بدور - ههههههههههههههه مدري عاد
ملاك بحماس - اسمعي اسمعي .. هل فتره من الملل كنت اسولف مع البنات في قروب الجامعه و البنات كذا متحمسين و كل وحده تكتب طرق عنايه و شادين الهمه .. الزبده الا تقول وحد - البنات الحلوين و الياي هم اللي يحطون مناكير و يهتمون في اظافرهم
كتبت لها - و اللي تحط مناكير شفاف يحتسبون منهم ؟ و تخيلي فشلتني قدام البنات و قالت "لا لحوج "
كتبت لها " طيب في اللوان معينه ولا كيف؟"
قالت "كل واحد و ذوقه اكيد "
كتبت لها " طيب و اللي يحط مناكير مثل لون شعرك؟"
ملاك ضحكت من قلب - ههههههههههههههههههههههه طلعت من القروب و بلكتني !
بدور - هههههههههههه ههههههههههههههههه قسم بالله انك وصخه يا ملاك
ملاك ضحكت من قلب - قهرتني الكلبة اجل انا لحجية وهيا صابغة شعرها اصفر على اساس اشقر !! .. يا ليته اشقر بعد كان يهون .. عاد ان شاءالله فهمت و تروح تصبغه للون طبيعي !!
بدور سكتت و هيا تناظر فهد يوقف قدامهم و التفت ملاك الا ولقته جنبها - خلصتي حش؟
ملاك ابتسمت و بنظرات عفويه - باقي انت ما حشينا فيك
فهد - قومي معي انتي مو كفو احد ينتظرك
ملاك وقفت - طيب خلاص قمت !! و مشو سوى طالعين من الفندق و ملاك التفت عليه و بنبرة الفلسفة الغير مقنعة - تعرف فهد شنو يروقني ؟ لاحظت ان اكثر شي يروقني لما تكون سعيد
فهد التفت عليها - اها بحاول اصدق
ملاك - ههههههههههههه جد أاكلم ! انت انبسط يا قلبي وانا اروق
فهد تنهد - تحبين تتطنزين على علاقتنا كثير! ملاحظ هالشي و اصلا هالفترة واصلة معي وانتظر الزلة على اي احد عشان اتهاوش معه
ملاك - هذا شي يرجع لخلل عقلك لكن ظاهريل انت سعيد
فهد يعض شفايفه و يحاوط رقبتها و بدفاشه الشباب نزل راسها و خلاها تنحني ناحية بطنه
ملاك - هي هيييييييييه !!!!!خلاص خلاص اسفين .. عورتني توها راجعة لي رقبتي تبي تطيرها بعد
فهد تركها - انتي ما تروقين يا قلبي انتي تهايطين
ملاك ابتسمت - استغفر الله استغفر الله .. اليوم بجلس استغفر عن كل شخص حشيت فيه ...
فهد - انتي كويس ما تحشين في ظلك
ملاك عقدت حاجبها - تبالغ مره .. انت والله اللي كويس ما تتهاوش مع ظلك
فهد - بس انا اقولك شنو اللي مروقك هاليومين ؟
ملاك - شنو ؟
فهد وهوا ييمشي جنبها على الرصيف - أنك صايرة ما تتهاوشين معي وتعاندين ! عشان كذا امورنا طيبة
ملاك - اذا انت ما نرفزتني ما اتهاوش معك ..
فهد بخبث - ولا عشان ماتشوفين حنين
ملاك وقفت وهيا تعض شفتها السفلية بحقد..
فهد - ههههههههههههههههههههههههههههههههه هههههههههه بترجع الليلة لازم تقومين بواجب السلام ..
ملاك تكمل في المشي - شفت ! ما ترتاح إلا اذا عصبتني وانا مروقة .. ياخي اتركني انبسط لو يوم
فهد ابشري على هالخشم
ملاك ابتسمت - طيب .. وين بتوديني اليوم ؟
فهد بخبث - لقلبي
ملاك ضحكت - لاحول ولا قوة الا بالله .. جد فهوود
فهد - ههههههههههههههههه وصرنا نقول فهود ؟
ملاك - عفوية لا تجلس تدقق !
فهد - طيب عندي لك موضوع سري سري سري للغاية .. حتى بينك وبين نفسك لا تفكرين فيه
ملاك رفعت حاجبها - شنو ؟
فهد - يخص عائلتك .. عشان كذا احتاج اقولك عشان تحطين معي النقاط فوق الحروف ..
ملاك بخوف لهذا الطاري - ايه شنو .. قول يالله !! خوفتني
فهد - تعالي نجلس في مكان هادي بالاول و اخبرك ...
--------------------------------------
في بيت بو خالد
كانو متجمعين بناتها معاها بدون وجدان طبعا
ام خالد - ايه اعراض الولاده بانت فيها.. بس امس خبرتني
ايمان - ياعمري عليها ! بدري ولا ؟
ام خالد - لا من اسبوعين و هم يقولون لها انها اعراض طبيعيه .. بس قولي هذي الاعراض جايه لها من بدري يعني الولاده راح تتعبها كثير خصوصا هذا البكر و هذا اكيد لو راحو المستشفى ما راح يولدونها الا اذا فتح الرحم من جد
دينا - و احنا ما راح نروح ولا ايش؟؟؟
ام خالد - امي من سمعت من صالح و اتصلت عليها ورد اليوم الماضي و هيا متجننه تبي تروح اليوم قبل بكرا
دينا - والله انا المتجننه ابي نروح شنو تنتظرون و زواج وجدان و تم !
ام خالد - خلاص نشوف و نرتب الوضع بس تراه ما راح تولد هل يومين حطو ببالكم
ايمان - ههههه خلصت الفعاليات يا دينا
دينا - راح اموت ! على الاقل نروح نحتري ولادة خالتي افضل من ما نملل هنا !
ام خالد - خلاص بكرا بكلم خالك صالح و خالتك بالاول و نشوف الوضع
--------------------------------------
في شقته
ملاك بعصبيه و اندفاع - انت بس تبي تهينني .. تدور اكثر شيء يضايقني وتقوم تسويه يعني !!
فهد بهدوء - الحين الشقة تضايقك؟ انتي سألتيني وانا جاوبتك ..
ما تدري كيف للشقة فيها انها تستقزها ! كيف للالوان هذي تطلع غيرتها ! اكيد فَ لمسات حنين في كل مكان فيها !
ملاك - طيب يالله خلنا نطلع لاني اختنقت هنا
فهد باستفزاز - اختنقتي ؟ هذا بكرا بيصير بيتك !
ملاك بحدة و عصبيه - لا والله ! لو ايش ما جلست فيه دقيقة عقبها ! يالله رحمتك على عبادك .. على فكرة كل مرة تثبت لي انك بحاجة لدكتور نفسي ! تقول خلينا نسوي هدنة واوعدك ما اقول شيء يضايقك وبعدها بدقيقة تقهرني ! مو صاحي .. والله انا لو ايش ما اسوي .. لو اترجاك ما تتغير تبقى و بتظل فهد اللي يتلذذ في تعذيب غيره ..
من كثر ما كانت مندفعه بكلامها و حماسها بدون قصد نزل لصق التيشيرت على جسمها بحيث ان ملابسها الداخليه بان لونها و حدتها من التيشيرت الابيض
فهد ركز على المسكه و الرسمه اللي صارت في صدرها و ما تحمل و ضحك و جلس و هوا يضحك - كم مرة قلت يا قلبي لا تعصبين عشان نفسك؟ شفتي كيف ؟ الضرر وصل لملابسك ههههههههههه
ملاك نزلت عينها و بقهر رتبت ملابسها و هيا تعطيه ظهرها و لاول مره تحس بالخجل مع انها تحب جسمها و تحب نفسها كثير و ما تخجل من احد بس لان هذا فهد !!
فهد وقف بعد ما حس انها طالت بوقفتها - يالله خلينا نطلع
ملاك بدون لا تكلمه او تلتفت اليه اخذت الجاكيت فهد ما تحمل و كمل ضحكه - يعني الحين مستحية وما تبين تحطين عينك في عيني ؟
ملاك - ممكن تاكل تراب ؟
فهد - هههههههههههههههههههههههههههههههههههههههههههه بس اللون رهيب اهنيك
ملاك حست بحراره و عصبيه بنفس الوقت .. مشت عنه بحرج
فهد يمشي وراها بخطواته و هوا يغني بصوت تسمعه - الازرق حلو وجميل .. جميل جميل .. الازرق حلو و جميل .. جميل جميل !!
ملاك تقلد صوته - انت معفن .. معفن ... معفن
فهد يغيضها و يبيها تعصب - يا ويل حالي من الازرق .. قطع قليبي معاه !!
ملاك بجدية - فهد لو سمحت .. خلاص !!!!!
فهد -عندك حب للالوان اللي انا احبها ! مدري كيف هههههه تذكرين الفستان اللي شفتيه لما رحنا دبي اول مره سوى ؟ كانت ايام اول ما تعرفت على شخصيتك الفظيعة
ملاك - ايه أتذكر يوم خليتك تتخرفن وتخاف علي
فهد أنتغيرتلبت ملامحه - ايوا بالضبط لما خليتك تطيحين على الارض وتشربين مو مويتها
ملاك - ههههههههههههه تحاول تستفزني بس صعبة عليك
فهد ابتسم و هوا يستفزها فعلا - بس طبعا اليوم تغيرت نظرتي لذوقك
ملاك بخجل ضربته بخفه - طيب انا وش ذنبي؟ تحمست و انفعلت و صار اللي صار و هدت نبرتها - ممكن تنسى الموضوع ! اعتبر نفسك ما شفته ..
فهد - طيب بوعدك ان انا انسى كل شيء لكن الازرق مستحيل .. هههههههههههههههههههههه
ملاك - حيوان !!!!
فهد رفع حاجبه - مين الحيوان ؟
ملاك - يالله! يالله .. خلاص انا حيوانة .. ممكن توصلني وتتركني بعدها !
فهد بجدية - طيب بموضوع ابوك
ملاك اللي التفت اليه و هيا تتذكر الي قاله لها و هيا اللي تحتاج ايام عشان تستوعب اللي قاله
فهد بجديه - وهالكلام طبعا بيني وبينك .. اتفقنا ؟
ملاك بتشتت - اتفقنا .. بس يعني؟ كيف بتقول ما اقول لابابا .. يعني كيف اتأكد !
فهد - ان شاء الله مسألة وقت و احنا نتأكد ما عليك
ملاك - طيب و بابا ؟ و انا ؟
فهد - ابوك ما يفكر الا لمصلحتك لا تخافي مستحيل يضرك.. تطمني
ملاك تنهدت - طيب .. بحاول ما افكر كثير !
فهد جى بيتكلم بس وصلته رساله جمدته !! " خطأ اللي تسويه يا فهد و انت مو ناقص تبتدي في شيء و انت مو قده .. ابعد عن النار بسرعه ولا راح يتأخر الوقت و بتكون فيها ... JAB"
وقف متجمد لان هذي رسالة تهديد واضحه من شخص مجهول !!! مجهول يعرف في تحرياته ! مجهول يعرف افي انه يتحرى في موضوع ما يخصه و هذا الموضوع راح يسبب لي مشاكل ! مو بس انا ! حتى ملاك !
التفت عليه - شنو فيك وقفت ؟
فهد يمشي جنبها - خلينا نستعجل .. و مسك يدها و صارو يمشون بخطوات سريعه !
بشك رفعت حاحبها - شنو صاير لك اوجعت يدي !! ..
فهد - مو صاير شيء بس ابي اوصل بسرعة و جاته رساله ثانيه و كانت مو بو سلمان " فهد بسرعه وينك ؟؟ تعال لي بسرعه انا في اللوبي انتظرك !!!"
ملاك عقدت حاجبها - بابا فيه شيء ؟
فهد بتشتت - لا .. و عبرو التقاطع اللي يؤدي الى الفندق بشكل مباشر .. و وصلو للفندق و دخلو - اركبي شقتكم بسرعه و هوا مشى لعند بو سلمان اللي كان جالس في الكوفي اللي يطل على زجاج كبير يعكس الرايح و الجاي و كان ينتظر فهد
فهد وقف قدامه و هوا اللي ما يبي يبدي عشان لا يعصب عليه بو سلمان و يروح الكلام اللي يبي يقوله - شنو صاير ؟
بو سلمان بنباهه - شفيك ؟ شفيه وجهك ؟
فهد تنهد و ما بيده حيله .. مسك الجوال و مده الى بو سلمان على الرساله -
قرأ الكلام مره و مرتين و ثالث بصدمه !!! JAB وصل لفهد و صار يهدده ! على حساب مين ؟؟ على حساب بنتي اللي ضليت احميها من كل هذا من ٢٠ سنه !
بو سلمان رفع عينه لفهد و بنبره متزنه و فيها ألم - فهد ركز معي .. ابيك تفكر بعقل مو بعاطفة .. اتفقنا ؟
فهد بلع ريقه من هذي المقدمه اللي توحي بشيء عظيم ! تعلقت عينه في عيون بو سلمان و هيا تترقب ..
بو سلمان يتلفت يمين و يسار و هوا اللي مجبور يحكي و يخبر فهد لان ما عاد في وقت دام ان جبر وصل اليه !
بو سلمان - هذا التهديد الاول اللي يجيك تحت هذا التوقيع ؟JAB ؟
فهد - ايه !
بو سلمان يهدي نفسه - هذا مو مجرد تهديد .. هذا تحذير ! شنو سويت يا فهد شيء ورا ظهري ؟ قولي
فهد ما تكلم
بو سلمان - هذا JAB يكون جد ملاك ! .. ابو امها !
تجمدت عينه في عيون بو سلمان بصدمه - و يعني ؟
بو سلمان تنهد بضيق و هوا اللي ما يبي يخبره بس مضطر - بالاول ملاك تعرف شيء ؟ خبرته بشيء ؟ قولي اللي تعرفه
فهد - انا خبرتها اذا تعرف احد من اهلها هنا ولا من هل حكي قالت لا و انا خبرتها ان و انا اشتغل معك مسكت خيط و منه اقدر القى فيه احد من معارفكم
بو سلمان بألم لهذا التدخل - بس؟
فهد - ..
بو سلمان - بس يافهد ؟؟؟؟؟؟
فهد - بس .. يعني ما خبرتها شيء اكثر لاني ما اعرف اكثر .. بس اللي عرفته كمان ان هذا JABورا الحادث !
بو سلمان - وراه و وراى اشياء كثير انا ما ابيك تكون جزء من اللي راح يصير يا فهد بس فضولك دخلك !!
فهد - شنو المشكله معه بالضبط ؟
بو سلمان - ماهو هو ورى الحادث وبس .. و تنهد بضيق و هوا يذكر ليان - لكن يتعامل مع طرف ثالث من طرفي انت ما تعرفه .. المشكلة أنه الطرف الثالث مقدر اعرفك عليه .. هوا يعرفنا ويعرف خططنا .. و هوا اللي قاعد يعطل بعض الامور و يعطينا وقت عشان نتعامل مع جبر ! ..
فهد و كانه بدأ يستوعب مين الطرف الثالث بس ما يبي يفتي
بو سلمان - انت على بالك تعرف للي قاعد يصير لدرجة ان اول ما تحريت هوا اللي تواصل .. بس لحد الان هوا في جهل
فهد - جهل حياة مين ؟
بو سلمان باتزان - يجهل حياتك .. الحين كل هذا ممكن نتفاهم فيه بعدين .... بنضطر نغير خطتنا لان رجال جبر يعرفونك الحين والى الان ساكتين لاني ارسلتك يوم من الايام بدون علمك لهم .. و هذا تهديد غير مباشر لنا واحنا ماراح نرضخ لتهديداتهم فعشان كذا من الحين راح نتصرف ..... لأن كل اشغالنا اللي من الرياض انبنت على معلومات غلط وسلطان قاعد يحاول يتصرف لكن بما اتنا هنا راح نحاول نتصرف بطريقة ثانية قبل لا يطيح الفاس بالرآس وتكون ردة الفعل عنيفة و كل المتضرر ملاك !
فهد - خبرني اكثر
بو سلمان - راح اخبرك بس ما تخبر ملاك بشيء ! ما ابيها تعرف ولا تسمع بحرف قلته لك ! .. كل هذا لمصلحتها و لخوفي عليها و انت بعد ما اخبرك ابيك تطلع من الموضع ولا كان صاير شيء و بخبرك بس لوقت ما احتجتك تكون يدي اللي استعين فيها
و بعد ما خبره عن جبر و خبثه و شره بس بدون لا يقول اليه مين الطرف الثالث الا و هيا ليان !
عم الهدوء و بو سلمان يقطعه قال - فهد .. انا عارف كيف تفكر الحين .. لكن ان شاء الله اننا راح نسيطر على الموضوع .. صارت لنا اصعب من المصايب ولله الحمد والمنة قدرنا نعدّيها وان شاء الله راح نعدي هالشيء .. راح نفكر بطريقة تنهي هذا التهديد اللي صار الحين .. و برضو ما راح تدخل في شيء خلاص خلي الموضوع علي لين ما يصير شيء و الطرف الثالث يكون منضر وقتها بضطر اخاطر .. عشان نتصرف من هالمنطق .. فاهم عليّ ؟
فهد و هوا اللي غرقان بالتفكير - الطرف الثانيه تكون زوجتك .. ام ملاك ؟
بو سلمان ما تحركت فيه شعره و تركزت عينه في عين فهد اللي استنتج هذا كله
فهد - زوجتك اللي ماتت من ٢٠ سنه ؟ حرمتها من بنتك و حرمت بنتك منها ؟ مو قادر استوعب هذي التضحيه
بو سلمان - فهد
فهد - و انا على حساب زوج بنتك ! كيف راح تسامحني لا عرفت ان انا كنت عارف من البدايه ؟؟ كان راح تكون ردت فعلها و ثقتها فيني ؟
بو سلمان بحده - فهد ! ضحيت فيها عشان ما اخسرهم هم الثنتين !!!
فهد و هوا اللي فاهم بس منقهر بنفس الوقت - شنو راح يكون موقفي؟؟
بو سلمان - انسى في انك تعرف ! لمصلحتها !!!!
فهد يناظر فيه و هوا يشوف الضايع .. بوسلمان أمنه على سر كبير ! و لو طلع راح تصير مشكله كبيره !
.
.
.
انتهى
اتمنى ما تحرموني من تعليقاتكم و توقعكم للنهايه !