/
صباح يوم جديددخلت الغرفه تتطمن عليه بعد ما جهزت الفطور لقته واقف قدام الدولاب
ورد بهدوء - صباح الخير
احمد يقفل أزارير كمه - صباح النور
ورد جلست على الطاوله مقابله و اصابعها تتداخل في بعض .. علاقتهم كانت حلوه لحد ما صار الموقف الليله الماضيه و انفعل بدون سبب من شيء صار في الماضي حقها و هيا ما تبي علاقتهم هذي تتغير او يصير فيها توتر .. هيا ما صدقت انهم بدأو يكسرو حواجز كثيره بينهم .. ولا ما راح تسمح اليه يروح و يتركها بتفكيرها الي ممكن يقتلها اذا طلع بدون لا يكلمها او تشوف حالته
احمد - صاحيه بدري؟
ورد الي فعلا صاحيه من الفجر - ايوا
احمد يرش عطره و سمح على شعره بعد ما رتبه - طيب تبين شيء ؟
ورد بتوتر - لا .. الا ايه !
احمد - شنو ؟
ورد تشتت نظراتها بعيد عنه - متضايق مني ؟
احمد - لا
ورد - اااممم جد ؟
احمد - لا مو متضايق ..
ورد و هيا تتذكر ردت فعله و انفعاله الليله الماضيه و حبت انها تذكره .. - والله ؟
احمد جلس مقابلها و انحنى يلبس الجزمه - اي
ورد - طيب ..احسك متضايق
احمد و رايق اليوم عكس اليوم الماضي .. رفع عينه وهو يربط خيوط جزمتهو ابتسم لها - لا مو متضايق
ورد بنبره طفوليه - طيب انا اسفه اذا ضايقك او كنت متضايق مني
احمد وقف و هوا يضحك عليها و ما حد يلومه لو قال عنها طفله !!! - تعتذرين ليه ؟
ورد حست ان موقفها ماله داعي و حست بخجل و وقفت بربكه - خلاص لا تتأخر على شغلك
أخذ مفاتيحه و جواله و مشى و اخذ اوراق كان حاطهم على الطاوله الجانبيه
ورد تمشي معاه بعد طفت الانوار - متى راح تجي اليوم
احمد - بحاول ما اتأخر .. يعني على الساعة ١٢ الظهر أنا هنا ان شاءالله
--------------------------------------
في كوفي قريب للدوام
ВЫ ЧИТАЕТЕ
شفت الحياه في عيونك
Любовные романыيتقن موت الملامح و جمود القلب .. حتى جاءت على حين غره ، بعثرت جموده وحتى حياته