لا تنسون تصوتون بالاول و رأيكم جدا يهمني\
وقت متأخر من الليل
وصلت للمستشفى و كان الوضع مخيف جداً بالنسبه لها ! العساكر كانو واقفين في كل مكان !! كان المكان محمي بطريقه يخافه الشخص العادي !
مشت مع الحارس للمصعد و ركبته و قلبها يرجف .. الحين راح تشوف ابوها اكيد !
انفتح باب المصعد و يطلع قدامها صالح الي تعرفه و هوا تعرف عليها
الحارس - من هنا
ملاك وقفت و عينها تعلقت على صالح - صالح !
صالح رفع عينه لها .. هذي ملاك الي كان يلاعبها لما كانت صغيره هذي الي كان يحارشها و يفتكر ان حالها من حال بنات اخته او الاقرب لاخته ورد ! .. مرت ٥ سنوات و تغيرت و كبرت !!
صالح - كيف الحال ملاك ؟
ملاك و عينها مليانه دموع بدون سباب بالنسبه لصالح - افا ليه بتبكي؟ .. ابوك ينتظرك ليه جيتي هنا ؟
ملاك - الحارس جابني هنا
صالح - تعالي معي ..
الحارس - هذي اغراض بو سلمان طال عمرك
صالح- يعطيك العافيه .. هاتيها انا بخذها
و صعدو للمصعد مره ثانيه متجهين للطابق الثاني ..
صالح - محد جى معك ؟
ملاك هزت راسها بالنفي - لا
صالح - طيب مو مشكله .. و مشو سوى الى الغرفه الي يتبرعون فيها .. هوا يدل لانه هوا الثاني تبرع الى فهد .. الوحيدين الي صار لهم تطابق هم ملاك و صالح ..
بو سلمان رخت ملامحه و هوا يشوف ملاك تمشي ورا صالح .. قربت و ضمت ابوها
بو سلمان - تدرين الي تسوينه راح يحتسب لك اجر
ملاك هزت راسها
بو سلمان - خايفه ؟
ملاك - لا
بو سلمان قبل جبينها - هذي بنتي .. و جات ممرضه و اشرت لهم يدخلون
دخلو سوى للغرفه الي فيها الكرسي .. جلست ملاك حطت اغراضها تحتها
الممرضه - حبيبتي انتي عارفه شنو راح نسوي ؟
أنت تقرأ
شفت الحياه في عيونك
Romanceيتقن موت الملامح و جمود القلب .. حتى جاءت على حين غره ، بعثرت جموده وحتى حياته