اتمنى اشوف تفعالكم راح تفرحوني كثير لاني متحمسه تقرون احداث الجزء .. و لا تنسون تصوتون يا جميلاتي\
عضت على شفتها السفليه تحاول تمنع نفسها من عدم البكي .. بس صوت امها دائما و ابدا يبكيها .. حتى لو كانت تكلمها على طول الا ان في شيء في قلبها يشتعل كل مره تسمع هل صوت الحنون و تذكر بعد المسافه بينهم - مافيني شيء بس اشتقت لك و لاخواتي و بناتهم
ام فواز - واحنا مشتاقين لك اكثر .. ما ودكم تجون ؟
ورد بضيق - ما ادري عن احمد بس الواضح انه مشغول هل فتره كثير .. يعني حتى صالح ...
ام فواز - متأكده انك مو تعبانه ؟؟ صوتك يوجعني يا يمه .. قولي لي لو صاير لك شيء
ورد تقاوم دموعها - تطمني كل شيء تمام
ام فواز - اسألك بالله يا ورد لا تخبين علي شيء !!
ورد تحاول تستقوى و ما تبكي من النبره الحنونه الي فاقدتنها كثير - ما فيني الا العافيه .. سلمي لي على الكل .. تآمرين على شيء حبيبتي ؟
ام فواز تنهدت - ما ابي الا انك تكونين سعيده و مرتاحه
ورد - الحمدلله انا بخير .. بس انتي لا تشغلين بالك علي .. مع السلامه
ام فواز - بحفظ الرحمن يا يمه ..
و من قفلت المكالمه و ورد تمددت على السرير و خبت وجهها بالمخده و صارت تبكي .. ما تبي تتغير ملامحها من البكي ولا ما تبي احد يدخل عليها و يشوفها تبكي في هذي الحاله !! تنهدت بضيق و هيا تمسح دموعها .. توجهت للحمام و غسلت وجها و رفعت شعرها عن وجهها باهمال و عدم اهتمام .. ناظرت في المرآيه و هيا ملاحظه شحوب وجهها !! غسلته مره ثانيه بمويه بارده و جاها شعور الغثيان !! تمسكت في المغسله و ما في شيء طلع منها غير سعالها الي المها كثير !
بطنها فاضي و طبيعي كل الي يصير لها !
طلعت من الحمام و اخذت منشفتها و نشفت وجهها و جلست على الكنبه الي في غرفة الملابس .. الي بين دورة المياه و الغرفه .. حست بتعب و دوار ! تحاملت على نفسها و اخذت جوالها و نزلت لتحت تساير على مريم و تشوف اذا احمد جى ولا لسا
ورد نزلت لتحت و النزول تعبها كثير .. جات عينها في عين مريم - احمد ما جاء ؟
مريم رفعت عينها من الجوال و عقدت حاجبها على شكل ورد المتغير - لا .. فيك شيء حبيبتي ؟
أنت تقرأ
شفت الحياه في عيونك
Romanceيتقن موت الملامح و جمود القلب .. حتى جاءت على حين غره ، بعثرت جموده وحتى حياته