شفت الحياه في عيونك

الجزء السابع و الستون (٦٧)

يا جميلين ياليت تدعمون الفنانه اللي صممت لي الغلاف و تتابعوها ITACHEI

لا تحرموني من تفاعلكم و اعطوني رأيكم على الاحداث .. و لا تنسون التصويت لا جميلين 

\

كانت جالسه تبكي بقهر .. و تشكي الى وجدان اللي راح تفهمها و تخفف عليها

غرام و عينها مليانه دموع بقهر من يوسف - يعني كيف يروح تفكيره كذا و كيف يسمح لنفسه يقولي هل حكي قدامكم ! يعني معليش انتو مره تمونون بس لو غيركم ! يعني انا اخذها من السالفه نفسها ولا للحركه هذي اللي صارت

وجدان - ياقلبي هدي انتي بالاول .. انا و انتي عارفين ان يوسف ما قصده و الحين اكيد راح يندم على اللي قاله و راح يعتذر منك

غرام بقهر - ولو .. و بكت .. - قهرني ! مره قاهرني !!

وجدان تخفف عليها - معك حق الموضوع يقهر .. بس انتي كمان لا تعصبي و تقولين اشياء انتي بنفسك ما تقصديها .. يعني حطي بالك انه يمكن معصب و ما قصده يقول هل كلام و حتى لو شعوره كان صحيح مو كذب بس و هوا معصب وصل الكلام بطريقه خاطئه

غرام صارت تبكي

وجدان تنهدت بضيق

غرام مسحت دموعها محاوله قد ما تقدر توقف بكي - عمي و اياد موجودين ؟

وجدان - لا ما اعتقد .. بابا اكيد مو موجود بس اياد مدري

غرام تنهدت بقهر

انفتح الباب و دخل يوسف و هم الثنتين رفعو عينهم عليه

يوسف - وجدان اذا ممكن تتركينا شوي

وجدان ناظرت في غرام و كانها تقول لها " قلت لك "

غرام شتت نظراتها يوم طلعت وجدان و قرب يوسف وجلس جنبها .. انحنى و قبل جبينها - اسف ..

غرام بقهر - على ايش بالضبط ؟؟؟

يوسف و هوا يتأملها و يتأمل في عينها الباكيه و الدموع و غير كذا نبرتها الحاده اللي الواضح عليها الزعل ! .. تنهد و بصدق - اسف يا قلبي .. انا عارف ان انا قسيت عليك و اللي صار كان لازم اقسي عليك بس ما يطاوعني قلبي اقسي عليك اكثر و ازعلك مني و ربي يا روحي انتي ان انا ندمان و اعتذر منك والله ما ارضى على زعلك ولا على دموعك ..