بارت 3
خلصت العلبه وهي مستمره حاطيتها بفمها حتى تتأكد انه ما بقى فيها !
بدأت تحط اصبعها بالعلبه وتلحس فيها بحياتها ما ذاقت بطعم هالبوظه ما هي مثل البوظه إلي عندهم بالقرية طعمها خايس !
تقدمت من المصعد وضغطت عليها حتى يفتح وترجع تركبه عجبتها ذي اللعبه !
حست بيد كبيره مسكت يدها بقوة : انت وش تعملي هنا !
التفتت للخلف ورفعت نظرها لفوق حتى تتعرف على هالشخص إلي ماسكها كذا !
عقدت حواجبها باستنكار لهذا الشخص الجميل اول مره تشوفه !
لحظه جدتها دوم تحذرها من الرجال الغريبين يمكن يخطوفها !
اكيد هذا يبغى يخطفها!
بلعت ريقها بخوف وناظرت يده إلي تمسك ذراعها !
قوتها مقارنه مع حجمه صفر !
رفعت نظرها له وخلال ثواني كانت علبة البوظه بنص جبهته !
خلال ثواني ترك ذراعها وهو يمسح جبهته بانقراف !
رفع نظره لما شافهاهربت وصارت تركض مثل المجنونه!
وش ورطه مع هالعيله!
استغفر ربه حتى معالم وجهها مب باينه كلها بوظه لذي الدرجه وصلت الفشاحة !
ناظر قميصه عليه نقطة من اثر البوظه !
لو كان عنده بنت مثل كذا الا ذبحها !
وش هالبنت البيئة هذه!
التفت على ضحكة من خلفه كلها شماته: ههههه خرب البرستيج !
فياض ناظر جواد بهدوء تناول العلبه عن الارض واقترب من سلة المهملات ووضعها فيها وهو يناظر جواد: الحمد لله على سلامة جدك
الصبح زرته بس ما كنت موجود !
فتح فمه جواد وكأنه ما هو عاجبه : اها !
عسى ما شر اشوفك بالمستشفى !
فياض بابتسامة غاضت جواد : ابد سلامتك
جواد انقهر من تطنيشه تكلم بخبث : وش عندك مع هالبنت !
لا يكون متكفلها بما انه ما عندك بزران !
من اي زبالة حصلتها !
فياض مط شفته لصغر عقل جواد .... غادر بهدوء وهو يبحث بنظره عن البنت !
جال نظره مع هالزحام لعله يلمحها
!
شافها متخبيه خلف مقعد ومعطيته ظهرها عرفها من هالفستان الأحمر !
متأكد لو تقدم منها رح تهرب !
رفع الجوال واتصل بأمه حتى ينزلوا عنده ...وعيونه تراقب الطفله بحذر !
متخبيه خلف احد المقاعد وعقلها الطفولي يروي لها كل قصص الاختطاف ...
اكيد راح الخاطف لازم تلقى جدتها بسرعه ..توبه عمرها ما رح تتركها !
وقفت بحذر تناظر حولها ...لكن سرعان ما تيبست رجولها لما شافت مرعي متوجه لها !،
رجعت للخلف خطوة متردده ....اقترب منها وشدها من شعرها : انت وين طاسه !
ردت وهي تحاول تخفف قبضة يده من شعرها : ادور على جدتي ضاعت !
ترك شعرها وهو يزفر بغضب : الحين تلاقينها لفت على كل الحريم بالمستشفى حتى تعرف قصة حياتهم !
انا وش إلي بلاني وخلاني ارافقها !
رجع سحبها من اذنها : وجهك هذا ليه وسخ كذا !
فضحتينا !
حتى حواجبك كانت تأكل الزفت !
الله يقطع البزران وإلي يرافقهم !
ترك اذنها وهو يناظر حوله يبحث بعيونه على امه :وين نلقاها الحين !
اسمعيني زين وقسم بالله اذا تحركت من مكانك هذا الا ادفنك اليوم !
سامعه !
هزت راسها بخوف وهي تناظر عمها والدموع تلمع بعيونها !
ترك المكان يبحث عن امه !
ما زال واقف يناظر الموقف بهدوء ...يتآمل البنت يحسها مألوفه له !
شافها من قبل بس ما يعرف وين !
يمكن لو وجهها نظيف ما هو معدوم من البوظه كان يمكن يتعرف عليها !
اقتربت ام مرعي جهة رونق وبدون مقدمات ضربتها على راسها : يا زفته وين طسيتي وانا وادور عليك !
وش اقول لمرعي الحين ا كيد جالس يدورنا !
طلعت منديل من جيبها: خذي امسحي وجهك فضحتينا !
اخذت رونق المنديل وجلست على المقعد وهي شاده على المنديل ودموعها تنزل بصمت !
رفعت يدها الصغيره لراسها تتحسس الوجع ...!
تسمع جدتها تتكلم مع الحريم وتشكرهم لانهم ساعدوها !
رفعت نظرها وهي تناظر الحريم غادروا المكان والدموع ما زالت تنزل من عيونها بصمت!
تقدمت امه وحنين والجازي باتجاه الخارج ..لكن شيء دفعه يبقى مكانه
وهو واقف يناظر هالطفلة بعد ما تعرضت للضرب ..صحيح إنها مب قليلة وقردة قليلة بحقها ...لكن الموقف إلي تعرضت له اشفق عليها وهي تتحسس راسها من الوجع !
مع انها منزله رأسها الا إنه متاكد انها تبكي ...والدليل يدها قابضة على المنديل بقوة !
لحظات ورفعت راسها والدموع تنزل بصمت ...قطعت قلبه هالطفله وحزن عليها !
هز كتوفه بقلة حيله وغادر المكان ....ركب السياره وامه وحنين يتكلمون عن ام مرعي !
ام فياض : مسكينة هالبنت عايشه عند جدتها شفت كيف مهمليتها !
حنين : حرمه كبيره ما لها حيل للبزران !
ام فياض : لها الاجر وهي كافله هالايتام !
ناظر امه وسأل : هالبنت هذه يتيمة ؟!
حنين : امها وابوها ميتين وعايشه مع جدتها !
سكت وزاد حزنه عليها ...المفروض ما تركها وهي تبكي لازم ادخل البسمة لهذه اليتيمه !
فتح باب السياره وهو يتكلم : دقيقه وراجع !
حنين باستغراب : وين يبغى يروح !
الجازي هزت كتوفها ببرود ما تدري كل تفكيرها بالطفل الجديد !
خايفه تفقده مثل ما فقدت بناتها !
رفعت نظرها وهي تدعي ربها بقلبها : يا رب عوضني ..يا رب اجبر كسري ...يا رب مثل ما جبرت كسري بجواد وعوضتني بفياض اجبر كسري بالتوام وعوضني بالجنين هذا يااااارب !
**
**
**
اشترى أشياء يحبونها الأطفال من كفتيريا المستشفى وتوجه للداخل يبحث بنظره عنها !
تقدم خطوات وهو يسمع صوتها الطفولي المرح : جدتي وقسم عمي مرعي متحلف فيك !
معصب كثير لانك
شدت اذنها ام مرعي بقهر: انا تركت المكان ادور عليك يا زفته !
فكت اذنها بضجر طفولي : اذني ابغاها الشاطر يشدها على كيفه !
ام مرعي قلبها نار خايفه من مرعي وعصبيته : ويا دوب تمشين عدل!
زفرت بضجر وهي تناظر للامام وتغني بصوتها الطفولي الناعم من قلبها وهي تحس بهذه اللحظات انها فعلا بحاجة امها !
أنت الأمااااااااان .....أنت الحنااااااااان....... من تحت قدميك لنا الجنااااااان ......
عندما تضحكين.... تضحك الحياة
تزهر الأماااااااااال .... في طريقنا نحس بالأماااااااان
أمي أمي أمي نبض قلبي نبع الحنااااااااان
ناظرت جدتها والدموع تلمع بعيونها : اتابعهاعلى سبيستون !
حفظتها كلها !
ام مرعي تناظر حولها بحرج وهي تشوف بعض المراجعين يناظرونها لانه صوت رونق كان مرتفع : انكتمي فضحتينا !
وزاد احراجها لما تقدم فياض منهم .....تكلم باحراج : اسف على الازعاج يا خالتي !
مد يده بالاغراض : هذه هديه مني ل
سكت ما يعرف اسمها !
ام مرعي : اسمها رونق !
سكت للحظات وبعدها تكلم بلطف : خذي رونق !
ناظرته بخوف وبعدها ناظرت جدتها : جدتي هذا كان يبغى يخطفني !
ام مرعي بحرج : على وش يخطفك يا حظي وش يبغى فيك !
رونق ما عجبها كلام جدتها مطت شفتها : عشان اني حلوة !
لا تنكرين كل الاولاد بالحارة يقولون اني احلى من لجين الخايسة !
ام مرعي زاد حرجها : اقول انكتمي !
وناظرت فياض بحرج : صغيره ما تفهم وش تقول !
لا تواخذنا !
ابتسم بهدوء وهو ماد يده بالاغراض : خذي رونق!،
ناظر عيونها الدامعه واليتم واضح فيهم ..مسح على شعرها بحنان وحط الاغراض جنبها : هذه هدية مني !
ناظرت جدتها وتكلمت : انا ما اخذ هدايا من الرجال عيب صح جدتي !
ضربتها على راسها ام مرعي : انكتمي !
وناظرت فياض بشكر : مشكور يا ولدي ما تقصر !
جعله في ميزان حسناتك !
تكلم بهدوء : لا تضربيها يا خالتي على راسها حرام بعدها طفله !
التمست رونق بصوته الحنان وبصوت شوي وتبكي،: شوف اذني تشدها دوم ما بقى شيء وتنقطع !
ابتسم لها : لا تعاندي جدتك حتى ما تضربك !
اتفقنا !
هزت راسها بطاعه !
استأذن وغادر المكان بعد ما لوح لها بيده مع السلامه !
وبداخله احساس غريب هذه البنت مألوفه له !
المشكله وجهها معدوم من كثر الوسخ وشعرها نازل على وجهها ما هي واضحه له !
زفر بضيق ما يبغى يعكر مزاجه خليه بفرحته اليوم وشي يبغى احلى من هالنعمة انه يكون اب !
**
**
*•
**
منبطحه على الارض معها دفتر الرسم والألوان ..ترسم باستمتاع ...رفعت نظرها لامها بابتسامه : ماما هذا اللون والا هذا ألون الشجره !
الجازي بابتسامه: الشجرة وش لونها ؟
مريم بطفوله : اخضر!
الجازي بابتسامه واسعه: أجل اختاري اللون الاخضر
وش قاعده ترسمين !
جلست مريم وابتسمت: هذا بابا وهذه انت وهذول اخواني ..وهذه شجرة نجلس تحتها !
الجازي هزت راسها وهي تشوف رسمها اشبه بالخرابيش : حلوووووو طيب هذا وش هو ؟!
ابتسمت بانجاز : هذه ماما الشريره
قاطعتها الجازي : انا وش قلت !
مريم بمصداقية : انا ما احبها !
الجازي تجلس جنبها على الارض: لازم تحبينها لانها امك إلي ولدتك ....هي تحبك كثييييير !
امك حلوة ورح تشتري لك اشياء تحبيها !
مريم هزت راسها بعدم اقتناع !
الجازي مسحت على شعرها : لما تروحين عليها تسلمين عليها وتبوسيها
قاطعتها مريم : كيف شكلها انا ما اعرفها !
حلوة مثلك !
الجازي : اكيد تعرفينها بس شكلك ناسيه!
قاطعها من خلفها : ما شاء الله كم دافعه لك الجازي تدافعين عنها !
والا تبغين تتخلصين من مريم !
ناظرته بعتب وصدت عنه وهي تكلم مريم : كملي يا ماما رسمك !
تنهد بضيق وبعدها ناظر الجازي : اسف والله مب قصدي بس خلقي ضايق
تخيلي وش صار اليوم !
بدأ يسرد لها موقف رونق ..وبابتسامه: لو تشوفينها حوسه !
الجازي باندماج: كم عمرها !
رد بتفكير : والله ما ادري ما شفت ملامحها لكن حجمها اتوقع إنها اكبر من مريم بسنة او قريب من عمرها
الجازي : هذه صغيره
جواد وهو يتمدد على الكنبة : صغيره والا كبيره ما تركت شتيمه والا قلتها عن ابوها الحمار !
ما تعرف وتربي ليه تخلف !
قاطعهم دخول عبود : بابا جدي يقول يتصل فيك
قاطعه جواد : اسكت الحين اتصل فيه !
**
**
**
**
ناظرت جدتها بعتب : ليه ما سكنا هناك !
وما اخذتيني للالعاب!
مرعي نعسان وتعبان : الحين اخذك للمقبرة ونرتاح من ثرثرتك !
يا كرهي للبزران !
ام مرعي : دامك تكره البزران ليه تخلف
رونق بقهر لانهم راجعين للقرية : عشان يجيب عيال !،
مرعي زفر بضيق : والله ما احب اضربها بس هذه البنت تستفزني كثير !
اعقلي يا بنت احسن ما
تكتفت بأدب : خلاااااص انكتمت !
ضحكت الجده وحضنتها وقبلتها على خدها : ربي يحفظك
متى ما وصلنا رح انقعك بكل المنظفات لعل وعسى يرجع نفس شكلك !
شوف مرعي ولا تشبه حالها !
انا لولا هالفستان الأحمر كان ما عرفتها !
وبتذكر سحبت اذنها: مب قلت لك هالفستان ما تلبسينه فضحتينا قدام الناس !
دوبني الاسبوع إلي طاف اشتريت لك فستان !
رونق بابتسامه: ما لقيته خفت اتاخر وتروحون وبسرعه لبست هذا !
مرعي خزها : على اساس لقيت نفسك نايمه بالصندوق !
فتحت فمها بتورط وش ترقع هالسالفه:ءءءانا !
يتبع
يتبع بارت 3
عضت شفتها بتوتر اليوم رح يكون اللقاء بينها وبين مريم !
معقول ترفضها مثل المرات الماضيه !
زفرت بضيق ....قررت تنزل لما سمعت صوت سيارة ...نزلت وهي معقده حواجبها وهي تسمع صوت بكاء مريم !
وقفت مكانها وهي تناظرها ترافس وتحاول تفلت من وليد وتصرخ برعب : بابا. بابا بااااااباااااا
وليد يحاول معها بلطف : مر
حنين تحاول تثبتها وتقنعها مع وليد : حبيبتي لا تبكي
وليد تركها بقرف وهي مستمره بالبكاء ...توجهت وحضنت رجل ابو جواد وهي تشاهق : ابغى بابا
ابو جواد نزل لمستواها مسح على شعرها : ما تبغين ماما
هزت راسها بالرفض وهي مستمره بالبكاء والخوف ظاهر عليها : بابا !
حنين بقهر : كله من ولدك محشش عقل البنت بأفكار سلبيه عن امها !
حرام عليه ما يخاف من ربه !،-
حسبي الله
قاطعها ابو جواد بحده : لا تدعين !
وليد زفر بقهر ما هو طايق هالمريم : والحل يعني !
واقفه تناظرهم وموقف مريم يذكرها لما اخذتها نفس الشيء عملته ....كا تدري وش قايل لها جواد حتى البنت كرهتها هالكثر ..وبألم نطقت وهي تحس السكاكين مغروسه بحلقها : الحل خذ يا خالي مريم ...ما ترجعها مره ثانيه ...قول لجواد اشبع فيها ...وانا ربي يعوضني بعيالي من فياض !
مسحت دمعه نزلت من خدها و هي تناظر مريم للحين حاضنه جدها بقوة وما تناظر حولها وكأنهم وحوش !
تركتهم ورجعت للغرفه ...جلست على السرير تأخذ شهيق وزفير ما تبغى تضر الجنين ...
رن جوالها شافت رقم فياض ...ما لها خلق ترد عليه ...استلقت على السرير بتعب وسمحت لدموعها بالجريان لعله يخفف ضيقها !
**
**
**
جالسه مع بنات عمها وتتكلم عن الاشياء إلي شافتها بالمدينة :كل شيء فيها !
لجين تناظرها باندماج : عندهم بيوت مثلنا !
رونق : يا هبله اقولك عندهم بيوت تجنن ما هو مثل بيوتنا مثل بيت الدجاج !
قاطعتهم خديجة وهي تناظرهم : مب عاجبك بالبيت لولاه كان كنت بالشارع الحين !
رونق تهمس للجين : اختك هذه على وش شايفه نفسها ما احد رح يعرس باكر غيرها !
لجين ناظرت خديجة : شيفه ما ادري على وش تزوجت !
خديجة ضربت لجين :سمعتك يا كلبه!
تراه اختارني من بين كل البنات صدق بزران !
الجده تطالع خديجىخديجة بعمر 13 وقريب تدخل 14 عندهم بالقريه يزوجون البنت بهذا العمر والي توصل 20 بدون زواج تكون معنسه وفاتها قطار الزواج !
تكلمت بحده ام مرعي : مب تفشلينا عند الجماعه كوني سنعة !
خديجة هزت راسها : ان شاء الله يا جدتي !
رونق وقفت : جدتي ما تبغين اليوم نروح
قاطعتها ام مرعي : مب طالعه اليوم من البيت عندنا زواج ولازم نجهز كل شيء !
رونق : من الحين انا رح اجلس جنب خديجة !
لجين تخصرت : لا والله !
انا اخت العروس
رونق حركت حواجبها :انا رح اجلس
دفتها لجين بقوة من القهر: انا رح اجلس
رونق شدتها من شعرها : انا يعني انا !
لجين قرصتها بخدها : انا
ام مرعي ابعدتهم عن بعض وهي تتوعد : ولا وحده منكم رح تجلس !
رونق بقهر : جدتي انا حجزت قبلها !
ام مرعي جلست بتعب : انكتمي انت واياها !
روحي شوفي اخوك تحركي !
خديجة : ولا وحده رح تجلس منكم اخوات خطيبي رح يجلسون عندي على الكوشه !
مالت رونق شفتها بقهر: مالت عليك وعلى خطيبك الشيفة ابو اربع عيون الدب ابو كرش !
تركتهم وطلعت بقهر وهي تتوعد بطفوله الا هي تجلس على الكوشة !
**
**
** يوم الزواج الناس ترقص وتغني ورونق تحارب من اجل الجلوس على الكوشه !،
لجين وأخواتها الصغار يسحبون فيها وهي متمسكه بكرسي العريس بقوة : والله ما احد يجلس هنا !
لجين شدت شعرها بقوة : انزلي دوري !
رونق تحرك حواجبها بالرفض : انقلعي !،
سحبتها لجين بقوة وهي متمسكه بالكوشه ..لحظات حست نفسها رح تسحبها لجين وتتغلب عليها ..بحركه سريعة خلعت نعال الحفلة وإلي كان عبارة عن زنوبه بلاستيك باللون الاسود ...رفعتها حتى تضرب لجين !
فتحت فمها بصدمه لما شافت نعالها يصطدم براس خديجة العروسة!
الكل وقف يناظر الموقف للحظات وبعدها انقلب الحفله لضحكات وسخريه على الموقف !
زوجة مرعي بغضب جرت رونق من اذنها ونزلتها عن الكوشه :،حسبي الله على عدوك فضحتينا !،
خديجة مصدقه نفسها عروس تناظر رونق بتوعد !
ام مرعي بغضب شدت شعر رونق : فضحتينا يا الخايسه!
رونق تبعد يد جدتها خايفه شعرها يخرب الي كان عباره عن كعكوله : جدتي تسريحتي الحين تخترب !
ام مرعي بغضب : ولا وحده تجلس هنا انقلعوا برا !
نزلوا البنات الصغار وابعدوهم عن الكوشة وجلست ام مرعي جنب العروس !
ناظرتها رونق بحقد لانها اخذت مكانها !
ورجعت ناظرت لجين بتوعد : والله لاذبحك !
تركتها وتوجهت ترقص كالعاده المكان مزدحم من البنات إلي بعضهم يستعرضون حتى ينخطبوا !
واقفه رونق تهز وترقص وهي تبتسم بسعادة ..فجأة لقت نفسها على الارض ...ناظرت البنت الكبيرة إلي دفتها وهي ترقص ومب منتبهه لرونق !
وقفت رونق وهي تتاكد من فستان الحفلة ما اصابه شيء !،-
ناظرت لجين واقفة وتضحك عليها !
هزت راسها وبتوعد ورجعت ترقص مطنشه لجين !
••
**
**
ناظرته والضيق باين على ملامحها : وش دخل الشغل بالحمل !
رد باقناع : متى ما ولدت وقمت بالسلامة مكانك محفوظ بالشركة !
سكتت وهي اصلا مب ناويه تداوم خايفه على الحمل !
ام فياض بتأييد : صادق يمه ليه تتعبين نفسك ودام زوجك يقولك مكانك محفوظ بالشركه خلاص
طالعت عمتها : افرضي يا عمتي رجع مدير الشركة واكتشف
ام فياض عقدت حواجبها : المدير يرجع !
ناظرت ولدها اشر لها بعيونه تسكت !
الجازي : ايه هو رح يسافر طول حياته اكيد رح يرجع يستلم شركته ويعزل فياض من مكانه !
ام فياض بابتسامة : ترى المدير وفياض واحد ما رح يعزله لولا انه يثق فيه ما حطه مكانه لوقت رجوعه صح والا ؟!
هزت راسه بضيق : صادقه !
وضحكت بدون نفس : البنات بالشغل يظنون انك صاحب الشركه
ابتسم بشبح ابتسامه : صدق ؟!
وش قلت لهم !
ابتسمت : سلكت لهم وعشت دور اني زوجة المدير!
ما يدرون انك لفترة قصيرة ماسك الاداره !
تخيل نفسك المدير وكل هالاموال لك !
اتوقع ما رح تناظر قدامك من تكبرك وغرورك !
فتح عيونه : انا مغرور !
الله يسامحك !
ام فياض ابتسمت لها : اهم شيء صحتك وصحة الجنين وما تفكرين بأحد !
هزت راسها وهي تتمنى لو انه القول مثل الفعل !
**
**
**
**
تمر الايام بحلوها ومرها علينا ...تتغير اشياء كثيرة ....وينولد اشخاص يملون علينا حياتنا وما نقدر نعيش بلاهم !
وقفت بحرص شديد وتهديد : يا ويلك لو فكرت تطلع للشارع !
رد بتمرد: والله لاطلع
قاطعته بصوت مرتفع : وسييييم !
والله الا اتصل الحين بابوك!
رفعت الجوال واتصلت عليه ....مشغول....رجعت تتصل والخط مشغول !
وسيم وهو يتوجه للخارج : رح اطلع
انفتح الخط تكلمت بصوت مرتفع حتى يسمعها وسيم : هذا وسيم طالع للبقالة !
رد بضجر من اسلوبها : خير يا طير تراك تخنقين الولد ما هو كذا !
انقهرت من رده وتكلمت بصوت مرتفع : وسيم ابوك يقولك لو طلعت باب البيت يا ويلك !
رجع وسيم دخل بقهر طفولي : ابغى اطلع
مطت شفتها بانتصار وهي تشوفه جلس بالصاله ..رجعت تكلم فياض : افرض احد خطفه
وسيم بغضب طفولي : يا ليتهم يخطفوني وارتاح منكم !
ضربته على راسه بقهر وقلبها انقبض من مجرد الفكره : انكتم عقاب لك ما رح تطلع اسبوع!
فياض زفر بضجر: وبعدين معك وقسم بالله الا تحطين بالطفل حالة نفسيه !
وين امي !
ردت وهي مقتنعه بتصرفاتها : عمتي طلعت واخذت معها الصغار !
رفع حاجب : وليه وسيم ما راح معهم !
ابتسمت : عمتي رفضت تأخذه تقول عيال سالم هناك واذا اجتمع وسيم معهم تصير علوم !
رد بضيق : اعطيني وسيم !
مدت الجوال لوسيم : خذ كلم بابا !
رد بزعل: ما ابغى اكلم احد !
فياض: حطي سبيكر
مطت شفتها ما احد مكبر راس هالولد غيره : الو ...وسيم ...وشفيك زعلان !
وسيم شوي ويبكي : ليه كل الاولاد يخرجون لوحدهم وانا لا !
ضحك على انفعاله : خلاص اليوم نطلع انا وانت وبس نتجول ونروح للبقاله وين ما بغيت نروح
قاطعته وهي تشوف وسيم يضحك : والله !
وانا !
وسيم وهو يضحك ويمسح دموعه : عيب البنات يطلعون !
كشت عليه ورجعت تكلم فياض : رح تخرب الولد انت !
فياض باقناع : كم مره اقول لك خففي عليه انا اقدر خوفك بس مب هذه الطريقه
زفرت بضيق : والله مب بيدي اخاف عليهم من نسمة الهواء !
رد بهدوء: بعين الله ...تبغين شيء الحين !
ردت بهدوء: سلامتك
قفلت الخط وناظرت وسيم ....سبحان الله ربنا عوضها بعيالها من فياض ....من بعد ما انجبت وسيم وبدأ يكبر قدام عيونها نسيت جواد وعياله !
ومريم يمكن تحن لها بس ما هو مثل قبل ما عادت تهتم لامرها او تتجاهل شعورها إلي دفنته تجاه مريم او في شيء اخذ مكانها إلي هو وسيم!
حبها له جنوني !
مع انها ربنا رزقها غيره لكن وسيم غير عنهم كلهم !
جلست جنبه ..قرصته بخده بخفه : الحلو زعلاااان
ناظرها بزعل وابعد يدها عنه : ما تكلميني
قرصت خدوده بقوة تموت عليه : يا حلااااااااة هالخدود !
قبلته بقوة : حبيب الماما !
ضربها بطفوله :اتركيني انا زعلان !
حضنته وهي تمسح على راسه : تراك مب صغير تعمل هالحركات يلا قوم حتى تحضر لدروسك
رد بعناد : الا صغير !
لو كنت كبير كان تركتيني اروح للبقالة !
ما رح ادرس دام بابا عنده فلوس ليه اتعب نفسي بذي الخرابيط !
مطت شفتها وهي تسند ظهرها للكنبه : عاد انا ذكيه وابوك ذكي ما ادري لمين طالع غبي كذا !
ابتسم بخبث : لخالي بندر جلس سنوات برا يدرس بالاخير رجع يلوح بيدينه !
خزته بعيونها بقوة يا لسانه الطويل ثاني ابتدائي بس يعرف كل شيء .... تضايقت من هالذكرى إلي كانت رح توصل لابوها الجلطه وقتها يا شماتة الشامتين !
اجبره وليد يدرس دبلوم والحين هو موظف بشركة فياض ....
وقفت لما دخل ابو فياض : السلام عليكم
ابتسمت له طبعه كذا تحسيه دوم مكشر : هلا عمي !
وسيم ناظر جده بابتسامه: جدي ابغى اروح للبقالة وماما رافضه !
رفع حاجب : وليه رافضه !
تعال يا ولدي خذ فلوس واشتري إلي تبغاه !
قاطعته : عمي ما ابغاه يروح للبقاله !
ابو فياض عنده علم بتخريفاتها تكلم بحزم : روح يا وسيم بس لا تتأخر !
انقهرت من عمها ...ناظرت وسيم الي يلعب بحواجبه يجاكرها !
اخذ الفلوس وطلع يركض قبل ما امه تطلع سالفه وتمنعه من الخروج !
ابو فياض بهدوء: ما احد يموت ناقص عمر !
الولد ما هو صغير لازم يعتمد على نفسه ويصير رجال ما هو حرمه تحبسيه بالبيت !
اول مره واخر مره اسمع انك تمنعيه من الخروج !
ما ترك لها مجال وتوجه لجناحه ...تمنت لو معها شيء وتضربه فيه ...يا بروووووود هالانسان !
احر ما عندها ابرد ما عنده !
توجهت للشباك تناظر للخارج وقلبها خايف عليه ...ما احد يقدر خوفها على عيالها الكل ينتقدها انها مبالغه بس إلي عاشته وشافته خلاها تكون كذا !
رن جوالها توجهت له ...فتحت خط وردت بهدوء : هلا يمه
حنين : كيفك وكيف العيال !
ردت بهدوء: الحمد لله بخير
حنين : عمتك ما هي موجوده!
ردت وهي ترجع لجهة الشباك تناظر البوابه :ايه عند عمتي نجوى توقعت تكوني هناك !
حنين : لا والله اليوم امي رح تزورني وش رايك تيجي عندنا تشوفيها!
دوم تسأل عنك !
الجازي : والله ما ادري عن فياض !
والعيال مع عمتي !
حنين بضحكه: وهو المطلوب يخففون الضجة !
الجازي بابتسامه: لازم وسيم معي ما اتركه خلفي حركته كثير ومب مستعد يقول لاحد انه طالع !
حنين : يا طول لسانه هالوسيم سبحان الله اخذ شكل ابوه ولسان امه!
عقدت حواجبها : حرام عليك يمه انا لساني طويل مثل وسيم !
حنين ابتسمت: اطول شوي !
المهم بعد العصر تعالي
ردت بهدوء : ان شاء الله احاول !
**
**
**
ناظرت وسيم بتهديد : ترى جدتي ما تطيق الازعاج كون ولد هادي ومطيع ليوم واحد بس !
مط شفته : ما في احد العب معه هنا وين عيال خالتي دانا !
حنين خزته : اجلس مكانك بأدب وين عيال دانا علشان تقلب البيت حلبة مصارعه !
توجهت الجازي للمطبخ مبتسمه ووسيم خلفها يتحلطم !
سمعت صوت جدتها بالصاله مسحت على شعرها المنسدل وكأنه حرير ....تغيرت الجازي كثير تهتم بنفسها خاصه لما عرفت انه فياض نفسه المدير ...تخاف من إلي حولها تخاف يخطفون زوجها او عيالها !
ناظرت وسيم:-هذه الجدة وصلت !
توجهت للصاله وهي ما تذكر متى شافت جدتها ....حتى بعد وفاة جدها رفضت تروح للعزاء واكتفت تعزيها على الجوال ....رفعت حاجب باستغراب وهي تشوف معها بنت اكيد من أحفادها !
سلمت على جدتها بحراره وهي تسالها عن اخبارها !
مدت يدها وسلمت على البنت بدون ما تتأملها ببرود !
جلست مقابل جدتها وهي تعرفها بوسيم : هذا وسيم حبيب امه !
مط شفته بضجر وما عبرها !
ابتسمت له الجده : ما شاء الله يشبه اهل ابوه!
الجازي بابتسامه : فديته يشبه ابوه بكل شيء !
الا اللسان الطويل طالع لي !
الجده بتفقد: وين عيالك
حنين بابتسامه : الحمد لله مع جدتهم
جدتهم متعلقه فيهم دوم حامليتهم وطالعه فيهم !
ناظرت حنين البنت إلي مع امها باستغراب : هذه من بنات
قاطعتها الجده وهي تناظر مريم المنحرجه : هذه مريم حبت تيجي تزوركم !
ناظرت مريم جدتها وابتسمت باحراج تكلمت: هذه جدتي حنين اكيد !
حنين منصدمه وهي تناظرها !
مريم اشرت على الجازي : واكيد هذه خالتي فرح
حنين رفعت حاجب : كيف عرفت فرح !
ردت بابتسامه : انا اعرف اسماء خالاتي بس ما اعرف أشكالهم ..ماما جازي كلمتني عنكم !
وخبرتني انها اصغر خاله اسمها فرح فتوقعت تكون هذه خالتي !
ناظرتها الجازي سبحان الله الانسان يكبر ويتغير ما تشبه نفسا وهي صغيره متغيره حيل ما تشبه احد وهي صغيره كانت تحسها تشبه نايف لكن الحين ما تشبه نايف !
زفرت بضيق والله دنيا البنت ما تعرف امها !
ابنتها قريب تصير صبيه وهي ما تعرفها !
تحس بقلبها امور ماتت واندفنت بدات تحيا من جديد !
اه يا مريم كم ذبحتيني بغيابك والحين جايه تكملين علي !
ناظرت جدتها ومطت شفتها بألم ...وتكلمت بهدوء : والحين تذكرت بيت جدك يا مريم !
مريم ناظرتها بحرج ،: مو كذا انا من قبل فترة ابغى ازور جدتي حنين واتعرف عليها !
رفعت حاجب الجازي وبتساؤل : وامك ليه ما زرتيها ؟!
ما فكرت فيها !
ناظرت جدتها وبعدهاتكلمت بمصداقية : انا بصراحه ما افكر اتعرف عليها او اشوفها خلاص عندي ماما جازي !
ما احس انه انا فعلا ما عندي ام !
بس بنفس الوقت ابغى اتواصل مع جدتي وخالاتي ! ناظرتها الجازي وحست سكين حاد انغرست بصدرها وهي تسمع رفض مريم لها ...للحين رافضيتها تبغى تتعرف على الكل الا امها !
ياااااااه من وجع هالكلمة !
الجده أعطت نظره حاده لمريم :مريم
مريم ناظرت جدتها وبعدها الجازي:-انا اسفه بس هي سألتني وانا جاوبت خالتي فرح !
وسيم جالس ويسمع كلامهم مط شفته : يا غبيه هذه خالتك فرح !
هذه خالتك الجازي !
ناظر امه وهو يمط شفته بسخرية: ما تعرف خالاتها !
ناظرت بصدمه وبعدها ناظرت جدتها : انا اسفه
حنين انقهرت من مريم ما تدري تحس نفسها ما بلعتها ...يعني الحين تذكرتهم !
الجازي مط شفتها بلامبالاه وبداخلها نيران مولعه ..مسحت على راس وسيم وكأنها تكلمه : إلي نسانا نسيناه والي باعنا نبيعه بأرخص الاثمان!
الجدة بترقيع : إلي مايعرف الصقر يشويه !
بعدها بزر الله يهداك كلمة تجيبها وكلمة تطلعها !
حنين:حصل خير !
الجازي رن جوالها ..ردت بهدوء : الو ...دوبنا جلسنا ...خلاص ماشي الحين اطلع !
قفلت الخط وناظرت الجده بأسف : فياض جاي الحين ...فرصه سعيده اشوفك وان شاء الله قريب ازورك !
الجده ابتسمت لها :حياك الله بأي وقت !
توجهت تجهزنفسها ...غادرت بدون ما تناظر مريم تحس نفسها بدات تكرهها ليه تعاملها كذا !
وقفت بالشارع تنتظره بعد وقت اقترب منها ...ركبت بهدوء السياره ....
حرك السياره وناظرها باستغراب : انا اسألك سؤال تجاوبيني بسؤال ثاني !
وش فيه ؟!
ردت تحاول تخلي نبرتها عاديه : ما في شيء !
عقد حواجبه : ترى ما احب هذه الطريقة !
وش صاير !
وسيم بلقافه : بابا كان هناك بنت غبيه تقول لماما خالتي فرح ما تعرف اسم ماما !
ناظرت وسيم بقهر : وسيم
هز كتوفه ببراءه : انا وش قلت !
سألته وهي تبلغ الغصه إلي بحلقها : عمتي رجعت !
ما رد عليها وبعد لحظة نطق : ثاني مره لا ترسلين العيال مع امي ...ترى مكسرين الدنيا وخالتي نجوى اتصلت تشتكي !
ردت بضيق : ترى عمتي غصب اخذتهم
قاطعها : الحين نرجع نأخذهم !،
وسيم ببراءه : بابا اسم البنت مريم !
هز رأسه بتفهم والحين فهم السالفه : شفت مريم !
ردت بحزن : ما عادت تفرق
مسك يدها بمواساه : صدقيني آخرتها ترجع لك طال الزمن او قصر !
ردت وهي تمسح دمعه تسللت من خدها : انت وعيالي تكفوني عن الدنيا كلها !
••
**
** جالسه تمسح دموعها برقه وتشتكي: انا وش دخلني حتى جدتي تبهدلني كذا !
الجازي وهي ترتب شعر ابنتها الصغيره : لا تلوميها موقف محرج وكلامك ثقيل حتى لو كانت إلي جالسه فرح والا مريم المفروض ما تكلمت كذا ترى تبقى اختهم !
مريم باستغراب،: ما توقعت تكون هي !
حلوة يا ماما بس مغرورة وما حسيت مشاعر تجاها ..طول الوقت وهي تتكلم عن عيالها وابنها وسيم !
قاطعهم دخول عبود بالرغم انه بعمر 13 الا انه طويل : اشوفك هنا !-
عاد توقعت تكونين بالمستشفى ويغمى عليك قلبك الرهيف ما يتحمل يشوف مواقف حساسه مثل كذا!
عسى شفت امك الشريره !
ناظرت الجازي بقهر: ماما خليه يسكت !
اقترب منها بتهديد : عيدي هالنبرة قدامي مره ثانيه وشوف وش رح يصير !
الجازي اعطته نظره : عبود اختصر واترك اختك احسن لك !
ابتسمت مريم لامها :-اساعدك يا ماما بشيء،!
الجازي بابتسامه :: سلامتك !
تنهدت مريم ورجعت لافكارها ..... وهي تستذكر احداث اليوم !!
**
**
**
ناظر صديقه بحرص: ابغاها دوبها طالعة من البيضه ...بسه مغمضه !
دق على صدره : هذه عندي
يتبع
يتبع بارت 3
ناظر صديقه بحرص: ابغاها دوبها طالعة من البيضه ...بسه مغمضه !
دق على صدره : هذه عندي لكن من الحين تأخذها تصونها ....وتترك زواج المسيار وتستقل ترى بنات الناس مب لعبة !
والاعيبك مع البنات اتركها !
صدقني باكر رح ترجع لك ببناتك او زوجتك
قاطعه بضجر : والله انا ما اغصب احد ذول البنات فلتانات من بيت اهلهم انا وش دخلني !
مط شفته صديقه : انا ا شوف مرزوق عنده اخوات دزينه ابوه يزوج اول واحد يطرق الباب بس يبغى يخلص من همهم !
واذا تبغى له بنت عم اذكرها مزيونه وتعجبك وش قلت !
رد بابتسامه: ابغاها حلوة وش ابغى فيها شينة !،
رجع يذكره : يا ويلك لو تفشلني مع الجماعه ترى مرزوق صديقي الروح بالروح !
**
**
**
ناظرت جدتها بضجر : يا جدتي انتظري شوي تبرد الدنيا شوي ...شوفي وجهي كيف انحرق من الشمس !
ام مرعي بلا اهتمام : اقول قومي افتحي البسطه وشوفي رزقنا بلا هذرة زايده !
خذي مروان معك وانتبهي على نفسك !
اه يا زمن لولا رجولي تعورني كان ما تركتك !
رونق بغضب : ابواب الرزق كثير ليه ما نغادر قرية الفقر هذه
قاطعتها ام مرعي بغضب : اقول انكتمي وتحركي !
ردت وهي صاكه على اسنانها : انتظر
قاطعتها ام مرعي : تحركي
مطت شفتها بضيق من عقل جدتها المتحجر وش فيها لو انتظرت حتى يبرد الجو شوي !
نادت مروان بغضب: مروان مروان امشي معي اشوف !
ناظرها بعبوس وتوجه لها بدون اعتراض !
ناظرتها ام مرعي وابتسمت بداخلها كبرت هالبنت بسرعة !
جالسة بالشارع تبيع على بسطة جدتها بملل!
ناظرت مروان بمنظره البائس : مروان ناظرني
رفع نظره لها : وش فيه !
سألته وهي تتحسس بشرتها : مين ابيض انا والا لجين !
مط شفته بضجر : الاثنتين اسود من بعض !
ضربته على راسه بقهر : غبي !
لجين الزفته تقول اني صايره سوداء،!
يا رب هو وقت مرض جدتي !
بالله قرية فقيره مين إلي رح يشتري الحين !
زفرت من الحراره ...مسكت كرتونه وبدأت تهف على نفسها من الحر : تدري يا مروان لما اكبر شوي رح اخذك ونروح للمدينه ونشتغل ويصير معنا فلوس كثيرة !
مروان ابتسم : دوم تقولين كذا !
هذا انت صرت بحجم الزرافة وبعدك جالسه بالقرية !
مطت شفتها بملل وشوي وتبكي : ليه انا وانت انكتب علينا الشقا من صغر !
لجين بعمري جوم جالسه بالبيت ومرتاحه !
الا حنا من صغرنا وجدتي تلف فينا من حارة لحارة !
نفسي يكون معنا فلوس كثيره ...نعيش في بيت حلو ...اعم شيء يكون بارد !
يااااه ما احلى البررررد !
قطعت أحلامها حرمه : كم هذه ؟
رونق وقفت واقتربت من الحرمه: هذه ب ...
الحرمة وهي تقلب بالبضاعه : جدتك للحين تعبانه !
رونق بدون نفس : ايه تدلل علينا !
الحرمة : ان شاء الله رح نزورها الليلة ونتحمد لها بالسلامه !
رونق وهي تأخذ الفلوس : من الحين ترى اقولك ترى ما عندنا قهوة ولا شيء يا زين المويه !
جيبي معك القهوة ترى جدتي لوحدها وما فيها حيل تقوم تعمل لكم ضيافة وانا شوفة عينك ابيع على البسطه وبنات عمي لو يشوفونا ميتين ما طالعوا فينا ...الا اللهم اذا طبخنا بالسنة طبخة تفتح النفس تلاقينهم من كل باب او شباك ينسلون ..ما ينلامون عمرهم ما شافوا الخير !
والله حاله !
ناظرتها الحرمه وهي فاتحه فمها وهي تسمعها تتكلم بسرعه : حشى بالعه مسجل !
رونق تكتف: لا مب مسجل بالعه راديو وبعدين قولي بسم الله ما شاء الله بلاه تصيبيني بالعين وانام بالفراش جنب جدتي ساعتها مين يجلس على البسطه ويبيع !
نجلس ونموت من الجوع وكله بسبب عينك !،
لا تقولين عمك يصرف عليكم عمي يا دوب يصرف على عياله وعلى أحفاده !
قولي ما شاء الله !
الحرمه اخذت الأغراض: لا تخافين عيني بارده !
رونق تناظر مروان بعد ما غادرت الحرمه : يا اخي الحريم يرفعون الضغط ..من متى تحب جدتي حتى تزورها هذه تلقاها ما عندهم قهوة وتبغى تشرب ببلاش !
مروان بملل : متى نرجع للبيت !
رونق رجعت تهف على نفسها : انا لو يطلع بيدي احرق هالعربايه والي فيها !
تدري نفسي كذا بعد العصر مثل هالعالم انام !
من صباح ربنا نروح للمدرسه ونرجع نداوم على البسطه !
**
**
**
ناظرت ابوها باستغراب :،بابا انت زعلان لإني
قاطعها باستمتاع بعد ما عرف بالسالفه للحين قلبه يشمت بالجازي: ما زعلت
مريم بنعومه ابتسمت : ما ادري احس يا بابا انكم تضحكون علي مب مصدق انه هذه امي!
عقد حواجبه : كيف،؟!
ردت بابتسامه:،باينه صغيره وبريئه تدري احس نفسي اكبر منها ههههه يعني تحس مستحيل هالبراءه وتكون شريره !
اقولك تجنن ومع المكياج إلي حاطيته تصدق شعرها لهنا واشرت لاخر ظهرها ناعم أسود يجنن !
بس مغروره يا بابا ولا اهتمت لي ومجرد ابتسامه ما ابتسمت لي !
بلعت غصتها : احسها تكرهني
جواد استغل هالنقطه : لو تحبك ما تركتك وتزوجت صح والا ؟!
هزت رأسها باقتناع : صح !
انا ما احبها تدري الحين لما أتذكر شكلها واسلوبها وهي تكلمني بجفاف احس نفسي اكرها بزود !
لو تشوفها كيف مهتمه بوسيم وكأنه ما في بالدنيا الاوسيم وزوجها !
مط شفته وبداخله يحترق من الكلام إلي يسمعه من مريم !
كل واحد راح بسبيله لكن بداخله نار يحس فياض اخذ شيء من املاكه وما رح يسامحه بيوم من الايام ...مع انه بنفس الوقت مشتاق لصديقه ولايام فياض سبحان الله كيف الدنيا تغير الاحوال !
**
**
**
ناظرت جدتها ومرزق وهي معقده حواجبها : نعم !
مرزوق باقناع : الرجال عنده فلوس كثيرة على الاقل تريحين جدتي من هالفقر !
هزت راسها بالرفض : انتم ما همكم الا الفلوس انا زواج ما ابغى !
هذه اختك لجين زوجها له !
باقناع:بس هم خطبوك انت ما يبغون لجين !
حركت حواجبها بالرفض : انا قوانين هالقرية المتخلفه ما تمشي علي ...زواج مب متزوجه هالزواج التقليدي !
ام مرعي عقدت حواجبها : نعم !
وش هوهذا الزواج تقميدي!
ناظرت مرزوق: وش تخربط هذه!
مرزوق مط شفته : جيل يا هالجيل وكيف تبغين تتزوجين يا سندريلا !
تكتفت وهي ترد بقوة : ابغى ادرس بالجامعه واتعرف على زوج المستقبل هناك
قاطعها مرعي بغضب : ما خرب عقولكم الا المسلسلات والزفت إلي تحضرينه!.
لكن يكون بعلمك وقسم بالله لتتزوجينه!
ام مرعي بتاكيد : وانا قول كذا نزوجها هذه البنت رح تفضحنا هالخايسه !
ردت بقوة : مب متزوجه ابغى ادرس بالجامعه واعيش بالمدينة ما
مسكها من يدها مرعي وهو يهزها : لا تخليني احطك بعقلي ....تراه الرجال متكفل فيكم ناظري جدتك كيف عجزت وهي تراكض حتى توفر لكم لقمة العيش !
ردت وهي تفلت يدها منه : وليه ترضى على امك انها تراكض بدل ما تعطيها فلوس
قاطعها : رونق لا تلعبي بدمك !
كتمت قهرها من عمها وناظرت مرزوق: انت راس البلاء !
مرزوقابتسم لها : ترى له بيت بالمدينة وهو ساكن هنا علشان عمله !
يعني اكيد رح تدرسين بالجامعه وتتوظفين بالمدينه دام بيته هناك !
مرعي يضغط عليها : صدقيني اذا رفضت الا احش رجولك اذا وصلت المدرسة !
ام مرعي بإقناع : يا يمه علشان اخوك
انقهرت منهم ما تبغى الزواج بس فيه مغريات هالزواج رح تعيش في المدينه وتترك القريه المعفنه هذه !
مطت شفتها ان قالت اه او لا عمها رح يزوجها يتبع معها نفس اسلوب بناته ما يشاور احد !
والزواج عنده بالغصب !
دفت خداديه على الارض برجلها : الله يأخذ حياة القرف !
ام مرعي ابتسمت وهي تشوفها دخلت لاحدى الغرف يقال زعلانه !-
تحس هذا الحل الانسب تبغى تزوجهاوترتاح انها في بيت زوجها مستقرة ويبقى هم مروان !
تحس هم مروان اخف لانه رح يكبر ويصير رجال ما هو مثل البنت ضعيفه ومسكينه !
مرعي ناظر امه بغضب : قلت لك لا تفتحين لها المجال تتابع المسلسلات شوفي حصادك تبغى تطبق إلي شافته على ارض الواقع هذه اخرتها !
ام مرعي جلست : تراها تمزح معنا !
بعدها صغيره
قاطعها :،صغيره!
شوي وتصير طولي
مرزوق بضحكه:والله يبه اطول منك رونق ما شاء الله من وين وارثه هالطول !
مرعي كان قصير طوله 155 : اقول انكتم !
**
**
**
تمشي مع عمتها بالسوق وتتكلم الجازي باندماج وهي تحمل ديما بحضنها وماسكه بيد وسيم بحرص ..قاطعها وسيم وهو يحاول يفلت يده : ماما شوفي ذي الطياره ابغى اشتريها!
ام فياض وهي ماسكه بيد خالد : تعالي نشوف هذه الالعاب !
الجازي اقتربت وعقدت حواجبها وهي تشوف السعر : امشي امشي في المحل الثاني العاب احسن !
ام فياض : حلوة هالطياره
وسيم باصرار: ابغى هذه
الجازي برفض : سعرها غالي مجنون انت !
بسعرها نشتري ثلاث العاب لك ولاخوانك !
وسيم وهو يحاول يفلت يده : ابغى هذه
ام فياض وهي تمسك الطيارة: سعرها حلو
الجازي برفض : بالعكس سعرها غالي وبعدين ليه سعرها هالكثر حشى إلي يسمع يقول تطير بالسماء!
اسمعني لما نرجع البيت رح اعمل لك طياره ورقيه تطير
قاطعتها ام فياض: اقول اسكتي بلا طياره ورقيه!
خلاص انا رح اشتريها على حسابي !
الجازي برفض : ولا حسابك ارضى !
وبعدين لا تنسين عندي غيره اثنين يعني اشتري له لازم اشتري لهم والميزانيه ما تسمح !
ام فياض خزتها : دخيل الميزانية !
شوفيه بدا يبكي
قاطعتها : يا عمتي مب كل شيء يبغاه لازم يحصله !
متى ما جمع من مصروفه يصير خير ..تراه مسرف بشكل مبالغ فيه اي فلس يمسكه يصرفه مباشره !
ام فياض بضجر : اففف منك تراه صغير
الجازي مشت متجاوزه اللعبة وهي تسحب معها وسيم
ام فياض بضجر منها : الله يعينه عليك !
الجازي دخلت محل نفخت بضجر : وش هالاسعار الناريه هذه !
عمتي تعالي نجلس بمكان ترى ظهري طق وانا حامل ديما !
ام فياض : انا اول مره اشوف وحده ما تحب السوق ...امشي قدامي نجلس عند فياض !
وسيم وهو يبربر : والله لاشتريها ...اتركيني !
الجازي مطنشه وهي تزيد بمشيتها: اقول امشي وانت ساكت !
ام فياض بحنان : خلاص يا وسيم انا رح اشتريها لك
وسيم بقهر طفولي: مب راضيه
وأول ما شاف ابوه بدا يبكي بصمت !
رفع فياض عيونه وابتسم لهم : ما امداكم!
الجازي هي تجلس : احس رجولي تكسرت!
ام فياض جلست ؛ انا غبيه يوم طلبت منها ترافقني للسوق !
شوف لا قطعة اشترت!
انتبه على وسيم إلي يبكي ويضرب بالجازي بقهر : والله لاشتريها !
ابتسم وهو يناظر الجازي :وش مهببه وقاهره هالولد !
ام فياض سبقت الجازي وتكلمت : مسكين يبغى يشتري طيارة وامه رفضت
عقد حواجبه اكره ما عليه ينقص على عياله بشيء : وليه رفضت تشتري له انا قلتلك اشتري لهم
قاطعته ّ: غاليه كثير وما تستحق هالسعر ليه يضحكون علينا !
ناظر وسيم بابتسامة : تعال يا بابا !
وسيم وهو يبكي بصمت وزاد العيار حتى ينال مراده !
وقف فياض ومسك يده : تعال معي
خالد وقف :انا!
ابتسم له فياض ومد يده الثانيه له : تعال ي بطل!
رفعت جاجب الجازي : وين !
فياض بهدوء: ما رح نتأخر
وتركهم وهو مندمج مع عياله !
الجازي ناظرت عمتها : ترى ما أحد يعرف هالوسيم غيري ممثل بارع !
ام فياض بضيق من تصرفات الجازي إلي نرفزتها وما اخذت راحتها بالسوق بسببها : هذا طفل كيف تقولين عنه كذا !
الاطفال كلهم براءه
الجازي ما عجبها رد عمتها ...سكتت وانشغلت بديما ترضعها !
ام فياض رفعت الجوال واتصلت بنجوى لعل وعسى تلحقهم هنا وترجع تتسوق عندها اشياء ضروريه ولازم تشتريها !
بعد لحظات قفلت الخط بابتسامة : هذه نجوى وافقت تلحقني هنا !
ما علقت الجازي وللحين حز بخاطرها نبرة عمتها ...مطت شفتها وبداخلها صدق المثل "طنجره ولقت غطاها »
الاثنتين هبايل وينضحك عليه بالأسعار!
ام فياض تناظر الجازي ،: وش فيك ساكته !
الجازي بهدوء :ما في شيء اقوله!
بعد وقت قصير رجع فياض وعياله قدامه وكل واحد ماسك بيده لعبه !
فتحت الجازي عيونها بوسعهم وهي تشوف كيف فياض كسر كلمتها !
وسيم اقترب من الجازي وهو يحرك الطياره يمين شمال ويحرك حواجبه يغيضها : ماما ماما
ناظرت خالد معه نفس الطياره ....ناظرت فياض لما جلس وهو منشغل مع خالد بالطياره !
رفع رأسه لها ناظرها بمعنى خير!-
الجازي بقهر: ماادري كيف تدير شركه بس !
اعتدل بجلسته ورفع حاجب وهو يشم رائحه شتيمه قدام امه !
ام فياض بحسن نيه: وش يبغى بالفلوس اذا ما فرح عياله !
الجازي بانفعال : افرح ولدي بالمعقول مب ادفع هالمبلغ علشان ساعة وتكون اللعبة حطام !
ذول اطفال ما تفرق معهم اي لعبه وان فتحت لهم مجال ما تخلص من طلباتهم !
بس ما أدري احيانا وش فائده العقل !
فياض تغيرت ملامح وجهه للجديه وتكلم بهدوء غامض :قفلي الموضوع !
ام فياض حست الجو تكهرب : حصل خير !
كل واحد له وجهة نظر !
ما ردت الجازي وانشغلت بديما إلي بدت تتململ !
ام فياض اشرت لفياض بعيونها خلاص يفك هالكشرة !
تنهد وابتسم بوجه امه !
ناظر خالد : بابا هذه كيف
قاطعه فياض وانشغل معه للحظات ...وبعدها ناظر امه : وش تشربون ؟
ام فياض ناظرت الساعه : ما في وقت الحين خالتك نجوى قريب توصل هنا !
هز راسه واستغرب انه خالته لحقتهم !
بعد وقت قصير وصلت نجوى والصمت يخيم على المكان ...سلمت بابتسامة : كيفكم
فياض بترحيب : هلا والله !
نجوى بعجله : يلا قومي ما في وقت !
فياض باستغراب: وين !
نجوى بضحكه : على السوق !
هي زوجتك تخلي الواحد يشتري كله لا وغالي !
واكيد اختي المسكينة توهقت معها !
وش رأيكم نطلع كلنا نتسوق مع بعض !
الجازي بنبره فيها حده : لا
اقترب فياض وسحب البنت منها وبهدوء نطق : مشينا !
ام فياض بابتسامة : انا ونجوى مع بعض وانت والجازي مع بعض !
فياض بهدوء: الكل يمشي قدامي ما في احد يترك الثاني !
وقفت بقهر لما تحركوا !
خالد ماسك بيد جدته وسيم كالعاده ما حد يقدره يمشي قدامهم ويلعب بالطيارة بالهواء!
نفسها الحين تمسك وسيم وتعضه عضه قووووويه !
وتتمنى عصاه تكسرها على راس فياض ما احد مخرب الولد غيره !
تمشي مع نجوى وعمتها بملل وفياض خلفهم !
نجوى مسكت قطعه بانبهار : تجننننننن
ام فياض : ايه والله
تكتفت الجازي بملل ....وهي تشوف السعر وقسم بالله ما تسوى هالسعر !
التفتت تتفقد وسيم ...رفعت حاجب وهي تشوف فياض يشتري للعيال ملابس ووسيم يختار !
قبضت على يدها بقوة ما تمسك وسيم من شعره !
ناظرت عماتها مندمجات بالشراء !
تحس ظهرها صار مثل القصبه ما هي قادره تنصب ظهرها !
ناظرت عمتها : مطولين !
ام فياض بضجر : دوبنا دخلنا !
وبعدين معك !
الجازي بانفعال : اذا رح ترافقي عمتي نجوى رح نبات هنا!
نجوى بمزح : افا يا قليلة الحياء !
الجازي بضجر : متى نرجع للبيت !
فياض من خلفها يتكلم : عجبكم شيء !
ام فياض : ايه
فياض متعمد : وش رايك يمه بهذه القطعه !
ام فياض ؛تجنن وحتى سعرها حلو !
طالعتهم الجازي وتحس نفسها رح يغمى عليها هذه اسعار طرية !
نجوى : لو تجيب لون اسود احلى !
صح يا جازي !
الجازي تقدمت بدون ما تشوف القطعة : وش دخلني !
الجازي تقدمت بدون ما تشوف القطعة : وش دخلني !
ناظرت عمتها : مطولين !
ام فياض بضجر : دوبنا دخلنا !
وبعدين معك !
الجازي بانفعال : اذا رح ترافقي عمتي نجوى رح نبات هنا!
نجوى بمزح : افا يا قليلة الحياء !
الجازي بضجر : متى نرجع للبيت !
فياض من خلفها يتكلم : عجبكم شيء !
ام فياض : ايه
فياض متعمد : وش رايك يمه بهذه القطعه !
ام فياض ؛تجنن وحتى سعرها حلو !
طالعتهم الجازي وتحس نفسها رح يغمى عليها هذه اسعار طرية !
نجوى : لو تجيب لون اسود احلى !
صح يا جازي !
الجازي تقدمت بدون ما تشوف القطعة : وش دخلني !
تقدم منها ومد لها ديما : خذي احمليها شوي !
الجازي برفض : ظهري انكسر وانا حاملها خلينا نرجع للبيت !
نجوى : اقول طيري دوبني واصله ليه ما جبتم العرباية
ام فياض مدت يدها : هات انا احملها
مطت الجازي بوزها بضجر واخذت ديما منه !
توجه يشتري لعياله ملابس على ذوقه !
نجوى بضحكه: خير ما عمل لانك يا جازي اشك انك تشتري لعيالك !
مطت الجازي شفتها : الحين ملابس ديما مب حلوة ؟!
ام فياض تناظر فستان ديما : بالعكس حلو
الجازي وهي تمشي بشويش : هذا اشتريته من محلات إلي قريبه من بيت اهلي تخيلي بس ب (...) ..هذا المول يستغل الناس
نجوى ما عجبها الكلام : كل شيء بسعره !
ورجعت تتجول !
توجهت الجازي باتجاه فياض وهي تناظره منشغل بالاختيار ..متأكده زعلان منها تعرف طبعه اذا زعل ...وبمحاوله حتى ترجع المويه لمجاريها : تعال نجلس ننتظرهم يكملون العيال مب ناقصهم ملابس !
ما رد عليها يقال مندمج بالاختيار تكلمت تستضعفه : مب قادره اوقف على حيلي من التعب !
فياااض
ناظرها برفعة حاجب : مب قادره !
بس اشوف لسانك وش طوله !
سبلت عيونها ببراءه: انااااا
اخذ منها ديما بابتسامة ما يقدر يزعل منها كثير ...هذه الانسانه دخلت قلبه وعششت فيه ...يمكن يشوفها البعض عاديه او مب ذاك الجمال لكنها بنظره ملكة جمال فيها جاذبيه مب طبيعيه عيونها لوحدهم فيهم سحر ..مد يده ينزل عن عيونها حتى ما تبان : امشي قدامي اشوف !
مسكت الجازي بيد خالد بحرص ووسيم يركض امامهم ويضحك بسعاده ...
رفعت نظرها له وابتسمت : وش رايك نتعشى بالفلوس بدل ما تصرفها على الالعاب والملابس !
خزها بعيونه بابتسامه،: هذه المطاعم نصابه يقدمون لك وجبه ما تيجي بزاوية المعدة ويأخذون فلوس بالهبل!
يا حلاة العشاء بالبيت بأقل التكاليف !
قرصته بكتفه : تتمسخر علي !
الحق علي ابغى اوفر لك !،
ضحك بضحكة رنانه : انا ما ابغى توفرين لي !
ناظرته بمحبه وسعاده لكن بنفس الوقت كان جزء منها «رونق » تعيش حياة اضطراب وتشتت بدون ما احد يحس فيها او يعرف بوجودها !
**
**
•*
**
لجين بغيره : ليه يعني انت إلي خطبوك !
مع اني احلى منك !
رونق وهي تناظر نفسها بالمرايه وتتأمل وجهها : خذيه مبروك عليك !
لجين بحسره: وكيف أخذه !
تصدقين يقولون كل اهله بالخارج ساكنين وهو رح يسفرك معه ويعملون حفله برا ..والبعض يقول انه اهله ماتوا وما بقى له احد ! ذ
عايش لوحده علشان كذا يبغى يستقر ويتزوج مسكين ما يدري انه رح تقلبين حياته فوق تحت !
رونق التفتت لها : وش رايك نبدل بشخصياتنا تنتحلين شخصيتي على انك العروس وتتزوجين هالزفت مثل المسلسل إلي حضرناه
لجين تحمست : موافقه بس كيف ؟!
رونق بتفكير : ما اعرف دقيقه خليني افكر !
كيف كيف امممممم المشكله عند اهلنا !
مب عند العريس الاهبل لانه ما يعرف من فينا العروس !
لجين : فكري !
رونق بتفكير : اممم شوفي وش رايك تطلعين للعريس يمكن يتخرع ويهون عن الزواج وكذا نتخلص منه !
وش رايك !
لجين انتفخ وجهها بغضب : صدق انك قليلة حياء !
انت شفت وجهك قبل ما تتكلمين !
تنهدت رونق وبداخلها خوف: يا ليته يشوفني ويهج قبل الزواج
لجين مطت شفتها : وين قبل الزواج ! ترى يا حلوة باكر الملكة و الزواج
العريس مستعجل مسكين مستعجل على حظه النحس !
رونق تحس نفسها رح تبكي لما تفكر بالزواج ...اخذت نفس عميق ليه تضيق خلقها المفروض تفرح إنها مشكلتهم المادية رح تنحل !
ناظرت لجين بأمر : ابغى انام انتهت وقت الزيارة انقلعي على بيتكم !
لجين ضربتها على راسها وطلعت وهي تركض !
شتمتها رونق بصوت عالي ....
غمضت عيونها وبدات تبكي بصمت وهي تتمنى امها وابوها عندها !
تحس نفسها رح تنتقل للمجهول !
حباة جديده ظروف مختلفة ...ما تعرف اذا تقدر تتأقلم مع الوضع الجديد او لا !
**
**
**
جالسه بضجر بغرفة الصف وهي تسمع صديقتها المقربة تتكلم عن امها وابوها : صحيح انه بابا مب موجود لكن ماما عوضتنا عن كل شيء !
تخيلي امي رفضت الزواج حتى تربينا وما نعيش عند زوجة اب!
مب مثلك امك تركتك وتزوجت !
مريم حز بخاطرها هذه السالفة : بس زوجة ابوي مثل امي تعاملني وكأنني ابنتها ما احس انها زوجة اب
صديقتها مطت شفتها : لا يغرك مستحيل اكيد بتفضل عيالها لانهم بالاول والاخير يبقون عيالها !
مريم بعدم اقتناع: مب كله واحد !
صدقيني انها احن علي من امي الحقيقية !
صديقتها بخبث: انا لو مكانك ارجع ازور امي واخرب علاقتها بزوجها وعيالها واخرب حياتها !
وش تظن نفسها تخلف وترمي خلفها !
ما تفكر انها رمت خلفها بنت مشتتة محرومه تعيش مع امها وابوها حياة سعيده!
لا تقولين زوجة ابوك حنونه ومن هالخرابيط صدقيني تبقى زوجة ابوك !
تبغين تقنعيني انك ما تحسين بالنقص بين اخوانك !
اخوانك عايشين بين امهم وابوهم وانت لااااا
لا تقولين انك مبسوطه بينهم لااا هذه سعادة موهومه !
الحين لنفرض انها امي تزوجت وعشنا مع زوجها حتى لو عاملنا مثل عياله مستحيل يعوضنا عن ابونا الحقيقي !
ضاق خلق مريم من الكلام وبرجى : قفلي الموضوع ما ادري ليه كل يوم بعد يوم اتحسس من هالموضوع !
لما افكر انه كان لي اخت توأم ورحلت بسبب اهمالها اكرهها بزياده !
ما تدرين كم أتمنى انها عايشه وتشاركني حياتي !
تتوقعي لو عشنا مع بعضنا اكيد رح تكون حياتي غير !
على الاقل يكون لي رفيقة درب لي !
انا ما ادري احس بداخلي فراغ ...ما ادري وش ابغى بالضبط !
وانا صغيره كنت اسعد طفله على وجه الارض لكن الحين كلما اكبر يوم احس
سكتت وهي تمسح دموعها وبداخلها حزنها عميق كل يوم يزيد ...
**
**
**
واقفه على الكوشه وبداخلها قلق كبير بعد ما ملكت على شخص ما تعرفه !
مقهورة من عمها هدم كل احلامها ...كان نفسها تلتقي بزوج المستقبل وتعيش قصة حب معه مثل ما تشوف على التي في !
بس دوم حظها نحس بكل شيء !
ناظرت جدتها الي ترقص بفرح من حقها تفرح بعد ما وقعت على كنز يريحها من عناء الفقر !
ابتسمت وهي تناظر لجين ترقص مع جدتها بحركات مضحكة ...مسكينه ذابحه نفسها حتى تنخطب !
توسعت ابتسامتها وهي تشوف رفيقاتها بالمدرسه ...لوحت لهم بفرح وبصوت مرتفع : ياهوووووو
ام مرعي التفتت لها وهي تشوف رونق بدات تهز يمين وشمال وهي واقفه ..دوبها هاجده ومستحيه وش قومها يا فضحيتها الناس الحين تنقد عليها المفروض العروس تكون هاديه وما تتصرف كذا !
اقتربت ام مرعي منها وبحزم : اجلسي فضحتينا
الحين ينقدون عليك !
رونق بابتسامه : يا جدتي هذا يوم زواجي لازم اعمل إلي ابغى فيه
زوجة مرعي جلستها بالغصب :-اجلسي !
مطت شفتها بضجر منهم وسرعان ما وقفت بحماس لما شافت ابله الرياضيات وبصوت مرتفع : ابله سعاااااد !
ام مرعي تفشلت منها قرصتها بكتفها بقوة : فضحتينا !
رونق جلست ورجعت لها مخاوفها من الزواج !
مرت مراسيم الزواج وبدأ العد التنازلي لانتقالها لبيت زوجها !
اخذت نفس عميق وهي تحس نفسها بحلم وباي لحظة رح تصحى منه !
واقفه وتفرك عيونها بتوتر من الموقف وهي تسمع عمها مرعي يوصي عليها زوج الغفله !
ام مرعي وهي تبكي : ابنتي امانه عندك حافظ عليها !
مط شفته بطفش منهم لولا انه هالقريه ما يزوجون مسيار والا كان ما تزوجها كذا وارتاح من هالمراسيم !
ناظرها متغطيه كامل طولها متوسط !
الاهم تكون حلوة !
صديقه صورها له ملكة جماااال
فتح باب السيارة لها : تفضلي !
ركبت السياره بتردد وقلبها يرتجف من الخوف !
ناظرت عمها تبغى ترجع معهم خايفه من هالغريب ..لكن عمها مسك يدها ودخلها للسياره وهو يتمتم وهو يدعي لها !
لحظااات وغادرت السياره بهدوء ...تاركه خلفها القرية إلي عاشت فيها اجمل واتعس اللحظات !
**
**
**
جواد بحده : اشوف رجلك سلكت على هناك !
اسمعيني زين بيت وليد طلعيه من راسك انا ما ابغى اي علاقة بينهم تفهمين !
ناظرت ابوها وعيونها تلمع بالدموع حساسه بزياده ما تتحمل احد يكلمها كذا : بس يا بابا انا
جواد خفف نبرته : اسمعي كلامي يا مريم
عبود وهو جالس وبيده سبحه :ما عنا بنات كل يوم والثاني طالعات !
انقهرت من عبود بالرغم انه من عمرها الا انه له كلمه عليها ويتحكم وكأنه رجال كبير : انا اكلم بابا ما كلمتك !
جواد رفع حاجب بانتقاد :-اخوك واسمعي كلمته !
مريم بضعف وهي تناظر اخوها : ليه حضرتك تزور بيت جدك
عبود مط شفته بسخريه : الحين تذكرت حضرتها انه بيت وليد بيت جدك !
وباكر تطالب تزور امها في بيت زوجها !
انقهرت من عبود وتدخلاته ..ناظرت ابوها شوي وتبكي : بابا يعني انا لي بنات خالات ليه ما اتعرف عليهم !
جواد ينهي النقاش : ما بدنا هالمعرفة هذه بنات عمك حولك وانتهينا !
مريم ناظرت الجازي وهي داخله ومعها شاهي !
عبود بسخريه : تعالي يا يمه اسمعي اختي الرقيقة وش تبغى !
تبغى تروح اليوم لبيت وليد !
الجازي ناظرته : وش فيها بالاول والاخير هم بيت جدها !
ناظرتها مريم وابتسمت بمحبه لهذه الانسانه !
جواد بحزم : قلت قفلي الموضوع !
قومي يا مريم شوفي اختك صحيت والا !
وقفت وناظرت عبود بقهر مراهق وعامل حاله رجال عليها!
عبود بضحكه : لا يطق لك عرق !
الجازي بعد ما طلعت مريم ناظرت جواد بعتب : خفف نبرتك معها الحين مريم بسن
قاطعها : اعرف كيف اتصرف معها !
الجازي بتذكير : لاتنسى وصية جدي!
سكت جواد للحظات وبعدها تكلم : انا أرسلها بالوقت إلي اشوفه مناسب !
**
**
**
دخل عند امه وجه اسود وملامحه ما تتفسر !،
ام مرعي قلبها هبط لما شافت ولدها كذا : مرعي وش صاير !
جلس ويحس ضغطه مرتفع : مصيبه يا يمه مصيبه الا قولي فضيحه !
ام مرعي ما بقى فيها حيل : وش صاير تكلم تراك خرعتني !
زفر من هول المصيبه : اليوم التقيت بالصدفه مع رجال اعرفه وتبادلنا الكلام والأحوال
ام مرعي صبرها نفذ : ايه وش صاير !
ناظر امه وجهه اسود من الهم : يقولي بعد ما خبرته عن زوج رونق يقول هذا واحد لعاب يتزوج مسيار كل يوم مع وحده ويتزوج الحرمه اسبوع ويطلقها !
ام مرعي تحس كل شيء حولها أسود : حسبي الله عليكم والحين جاي تتكلم !،
انت ما سألت عن الرجال !
هز راسه بالنفي : مرزوق يقول صديقه مدحه كثير ووضعه مرتاح
قاطعته بغضب :-اعمتك فلوسه !
وش نعمل الحين اذا طلقها يا فضيحتنا بالقريه وش رح تقول الناس عنا !
مرعي سكت لوقت قصير وهو يسمع امه تثرثر فوق راسه بغضب !
اخذ نفس عميق و بعدها تكلم : اسمعيني زين لو صار هالشيء
ما في حل الا .........
فتحت ام مرعي عيونها بدون ما تنطق حرف واحد !
**
**
**