اتمنى القى تفاعل يا جميلين .. و لا تنسون التصويت ..
\
حل عليهم الشهر الكريم و هذا اليوم الاول
العصر في بيت بو خالد
طلعت ام خالد من المطبخ و لقت وجدان متمدده على الكنبه و الواضح انها بدأت تجوع - ماما وجدان تعالي اقلي السمبوسة
وجدان التفت عليها - ماما وين جينا عنك تعرفيني ما اتحمل ريحة القلي !
ام خالد - جينا قاعدة تقلي اللقيمات زين تعالي قطعي السلطة وانا اقلي السموبسة في المطبخ الخارجي
وجدان - اوكي
نزلت دينا نزلت من فوق و هيا اللي كانت متحمسه
ام خالد - يا محد فيكم موجود يا ثنتينكم هنا .. زين اجل امشي اقلي السمبوسه
دينا - اول شي سويتوا الفيمتو ؟؟؟؟؟؟؟؟
ام خالد ضحكت - و احنا نقدر ننساه لاتقلبين السفرة علينا !!
دينا - ههههههههههههههههههه زين عرفتوووني
دخلت دينا مع امها و هيا متونسه و تسألها عن الطبخات اللي سوتها اليوم و الواضح ان اليوم العائله كلها راح تتجمع تفطر هنا
دينا - ماما الاكل كل قلي ؟
ام خالد - لا سويت جزء شوي داخل الفرن بس يفضى بدخل الدفعه هذي
دينا بتعب من كثر الهدره و الشغل اللي سوته مع امها - عطشااااااااااااانة كم باااااقي وقت ؟؟؟؟؟؟
وجدان - بسم الله !!! يا حظي لاتخربين اجرك باقي نص ساعه ..
دينا - استغفر الله يووووووه ياطولها الحين .. و طلعت من المطبخ و تمددت على الكنبه الا و خالد يجيها كان طالع يجيب مقاضي مع ابوه
خالد - ياسلام على ريحة الاكل
دينا - تعال سلي لي وقتي
بو خالد دخل و كان بإيده كيس خبز عربي وتميز ..
بو خالد - دينا امسكي وديه المطبخ
و قامت دينا و هيا تبكي من الريحه اللي جوعتها اكثر و اكثر
بعد نص ساعه
" اللـــــه أكبر الله اكبــــــــر "
صدع الاذان بكل روحانية يتبعه اذان مسجد آخر واخر وكلها تعلن انتهاء وقت الصيام بهالوقت الكـل يستمع له ويترقبه غير عن كل الأوقات .. (الله يبلغنا الشهر قريب يارب .. وحشتني هذي الاجواء الحلوه )
وياحلو الآذان لما يخترق الحواس غصب ويشعل بالقلب مشاعر ايمانية مع اجواء الفطور الجميلة ..
بو خالد - الحمدلله .. يالله نلحق على الصلاة يا خالد ..
خالد - يالله ..
بو خالد - وهالعلة اياد عيا يقوم ؟؟؟
ام خالد - والله مت مووت وانا اصحي فيه تقول اصحي جنازة ماتحس !!
دينا - ههههههههههههههه قدوتي
بو خالد - مادري ايش اللي سهره وهو وراه دوام وصيام .. المهم حاولوا فيه يقوم يصلي على الاقل
ام خالد - ان شاء الله ..
و بعد ما رتبو الطاوله و حطو الاطباق فيها كلهم راحو يصلون ..
بعد الصلاه جات ايمان و اولادها و تجمعو كلهم في الصاله ينتظرون البقيه يجون
دينا - يووووسف احد يكلم يوووسف ..
ايمان - اصبري الحين يجون .. ابوك اصلا لسا ما رجع من المسجد
دينا - هذا و احنا مهددينكم كلكم محد يتأخر
نزل اياد - السلام عليكم
- وعليكم السلام
ايمان بسخريه - تقبل الله !!
اياد رفع جود لحضنه و صار يقبل فيها - منا و منك صالح الاعمال ان شاءالله
ايمان - شدعوه تسمي هذا صوم ؟؟
اياد - اي نعم .. صايم طول الفجر و الصبح و الظهر .. صيام عكسي هذا
دينا - لا والله تلعب على مين ؟؟
اياد - اصلا كلها كم ساعه الي نمتها شفيكم بعد
ام خالد جاتهم - لسا ما جو ؟
وجدان - لا والله ..
ام خالد - وينه انور يمه ايمان ؟
ايمان بسخريه - ياخذ جرعته بالاول
ام خالد ضربت على صدرها - يدخن !!!
ايمان - خليه يمه اللي فيه مكفيه ..
اياد ضحك - يسعد لي جوووه .. وينه ؟
ايمان تأشر "يعني برا"
ام خالد - لا حول ولا قوة الا بالله .. يعني لا رمضان ولا غيره يخليهم يفكون شوي عن الدخان
دينا - يحمسوني ابي اجررررب
ام خالد - دينا و وجع ان شاءالله !!
دينا - هههههههههههه امزح ماما شفيك ..
دخل يوسف و معه غرام - السلام عليكم
- وعليكم السلام
و تجمعو على الطاوله ينتظرون بو خالد عشان يبدون في الاكل .. و لما قلت تجمعو " كنت اقصد دينا و اياد و جواد ههههههههه "
بعد الفطور .. طلعو الشباب للمجلس الخارجي يدخنون و صارو البنات يسولفون و يحلون ..
دينا - الواحد الحين ناقصه بس كوفي يروقه
وجدان - تونا بداية الشهر
ام خالد - بروح اصلي التروايح و بعدها بروح اخذ مقاضي
دينا - ما ينفع اجي معك .. او عادي وصليني اي مكان في طريقك
ام خالد - تونا بالبدايه شفيك !
دينا - الواحد يملل من قعدت البيت
وجدان - بتنكرينا كلنا الحين
دينا - لا يعني نبي نتونس شوي
ام خالد - يالله الواحد يتونس بذكر الله و يتونس في العباده .. جهزي نفسك بنروح نصلي
دينا - اي كلامك صحيح .. احس الناس المفترض تتبعد و تتقرب الى الله اكثر هذي الايام و تخشع في الصلاه اكثر ..
وجدان - ياعيني توك تبين تهيتين
دينا - توي استعشر الوضع
ام خالد - جهزي نفسك اجل
دينا التفتت على التلفزيون - اوكي .. يوووه طيب المهم لحد يغير القناة شوي و يجي مسلسل ناصر القصبي
ام خالد - ياسلام !!!.. هذي الي تسولف عن الصلاة والخشوع مسرع ماقلبت على المسلسلات !!
ضحكو عليها
دينا - ههههههههههههههههههههه الحياة دين ودنيا ماامي
وجدان - ههههههههههههه استغفر الله هذي انتي دايم .. وانتي صايمة انسانة ثانية ومن تفطرين تطلع شياطينك ..
دينا - لا لا قصدك تطلع حقيقتي لان شياطيني محبوسة طول رمضان ياويل حالها.. ههههههههههههههه استغفر الله ..
--------------------------------------
الرياض
بعد ما قامو من على الطاوله بعد الفطور
مريم - ورد ما اكلتي كويس !
ورد - الحمدلله احس تعرفي اول يوم صيام احس بدوخه فوق التعب
مريم - ريحي لك شوي عشان يمديك تاكلين تالي
ورد تنشف يدها - لا تشيلين هم الحين اشرب شاي و اصحصح
مريم - عاد انتي بالعناد صاحيه بدري اليوم .. انتين و احمد نفس الوضع متعودين تصحون بدري مره !
ورد ابتسمت لان هذا الشيء صحيح ! بحكم دوام احمد الثابت على الصبح هوه متعود كل يوم يصحى بنشاط غالبا .. و ايام اجازته يعوض بساعتين زياده لا اكثر و برضو يعبتر صاحي بدري و هيا اخذت العاده منه .. صارت تصحى متى ما يصحى و تنام متى ما ينام و احيانا قبل ..
مشو سوى للصاله و بحضور احمد اللي ينتظرهم يجون و كان جالس يسولف مه رهف .. ورد ابتسمت و جلست جنبهم
رهف - شوف صار كبير و اشرت على بطن ورد
احمد - اي بس لسا باقي كثير و يجي
مريم - يا بدر اللي بنتي تحلم فيه كل يوم
ورد تتلمس بطنها - تعالي حطي يدك و كلميه يمكن يتحمس و يتفاعل معك
مريم - بدأ يتحرك ؟
ورد - لا ما احس بضرب ولا شيء .. بس ثقل و حركته اللي احسها طبيعيه
مريم - انتي مفروض بالشهر اللي تبتدي تحسين في حركته .. غريبه لكن ما حسيتي
ورد بقلق - ايش يعني ؟؟؟
مريم - لا تخافي ياقلبي .. بالعاده بالسادس تبدأ حركته بالنسبه للبكر
احمد باهتمام - طيب و هيا دخلت السادس
مريم - اي اصبرو اسبوع قدام مافيها شيء ان شاءالله
احمد - اصلا انتي عندك موعد هل يومين مو ؟
ورد - اي .. اعتقد بعد ثلاث ايام ..
مريم - اي حلو بتطمنو عليه احسن لكم
--------------------------------------
امريكا
كان الوضع مختلف عندهم بفارق التوقيت .. باقي لهم ٤ ساعات على الاذان و هم الحين يتسوقون تحت اشراف ام سعود
ام سعود - ما اصدق كيف الاساسيات مو عندكم ؟
رزان بضجر و ملل بنفس الوقت - الله يخلي المطاعم ماما ههههههه
ام سعود - ما يصير يا بنتي ! و بعدين الغربه تعلم فلازم تطلعين في هذا الشيء على الاقل ..
رزان - لا بالعكس ..
ام سعود - بكرا ان شاءالله تتزوجي و تفتحين لك بيت .. و اذا جبتي عيال شنو بتسوي ؟
رزان شتت اناظرها - يصير خير
ام سعود - طيب باخذ هذي الصواني حاليا و اذا طلعنا مره ثانيه اشتري زياده
رزان - طيب .. و مشو عن قسم الاواني و صارو يمشون بالترتيب في الاقسام لين وصلو الى قسم المثلجات و صارو ياخذون الفواكه المثلج و الخضار و الخ ..
قربو البنات بعد ما لمحو رزان و كانو ( نوره و ريما )
ريما - هاي رزان !!
رزان رفعت حاجبها و صارو يسلمون على ام سعود
ام سعود - انتو صاحبات رزان ؟
نوره - ايوا .. و انتي امها ؟ بصراحه من بعد ما جيتي حينا انها اختفت و شوفي الصدفه نشوفكم هنا ههههه
رزان ماسكه اعصابها خايفه يزل لسان ريما و نوره و هيا اللي عارفه انهم وقحين و ما تستبعد اي شيء
ام سعود - بعد وحشتني بنتي و لازم اخذها
رزان تبي تتكلم باريحيه عشان لا يحسون ريما و نوره بغرابه او يشكون في شيء - هههههه لازم يوم اعرفك على الشله ..
ريما - اي و احنا نبي نتعرف عليك.. نبي نحس بوجود ام حولينا والله تعبنا من الغربه يا خاله
ام سعود - ياعمري ولا يهمك ان شاءالله نشوف وقت و نتعرف على بعض
و مشو البنات بعد ما سلمو و تعرفو على ام رزان و بكذا بيصير عندهم خبر جديد للشباب و تخبرهم في اللي صار
ام سعود - على اشكالهم ما توقعت انهم سعوديات !
رزان - اي ماخذين راحتهم بزياده .. (بسم الله عليك هههههه )
ام سعود و هيا تدقق في ملابسهم و اللي لابسه قصير و الثانيه اللي لابسه مخصر و ضيق ! و التفت على رزان اللي كانت لابسه ملابس مريحه بحكم انها بس جايه السوبر ماركت !
رزان - خلصنا كذا ؟ ما باقي شيء على الاذان ما راح يمديك تطبخين !
ام سعود - يكفي يكفي .. تعالي نروح قسم الخضار و الفواكه ..
--------------------------------------
كان صاحي من اليوم الماضي و هوا اللي يدور اليه على شقه يسكن فيها لان شكل جلسته مطوله و ما ينفع يجلس بالفندق .. و بنفس الوقت هوا متزوج الحين و كيف راح يعيش مع حنين الحين ؟
بعد يومه الطويل اخير تمدد على السرير بعد ما فطر اول فطور بالرمضان اخذ جواله و كان راشد يكلمه و رد عليه
راشد - يوم شفتك طولت قلت اكيد نايم .. ليه مانمت ؟
فهد بتعب - حاولت والله بس ماجاني النوم ! حتى الحبوب مانفعت معي والله ! هذي شكلها من دعوات بعض الناس
راشد ضحك - ههههههههههههه يا انها دعوات من قلب
فهد ابتسم -ا صلا قال بو سلمان انهم بيجون بعد كم يوم ! بنبدأ شغل هنا ومدري كيف ببدأ وانا مخي موقف و كل خلية بجسمي احس ودها بس تنام
راشد يتذكر اليوم - اي بو سلمان مدري شفيه متوتر اليوم و وضعه غريب .. مدري شعنده
فهد بجهل تماما للي قاعد يصير - تلاقي بنته لسا ما خفت من عنادها و لسا متضايقه منه لا اكثر
راشد - مدري والله بس اقولك الاوضاع صحيح هادئه هل فتره عندنا بالشغل الا ان التوتر و اضح فيهم .. خبرني حصلت لك شقه ؟
فهد - اي .. شفت وحده ممتازه و وسيعه تعرف هنا يا حبهم للضيق .. بكرا بستلمها
راشد - حلو .. تصدق مين شفت اليوم بالدوام
فهد - مين ؟
راشد - عدنان اللي كان معانا بالمخيم .. فتره ما بين ٢٠١٥-٢٠١٦
فهد - جى هنا عندنا الدوام ؟ لا يكون بيوظفوه ولا ايش ؟
راشد - مدري بس صادفته و سلمت عليه و حكيت معه عن وضع المكان لا اكثر
فهد - ما ودي اشوف احد اعرفه من هذيك الايام يارب ما يوظفوه ان شاءالله بس يكون عابر
راشد - تراه تغير ..
فهد - تغير كيف ؟ شكله ؟ ليه كم عمره لا يكون شيب؟
راشد ضحك - هوه بعمرنا شفيك ..
فهد - اوه يعني بزر
راشد - سبحان الله تعرف لنفسك
فهد - هههههههههههه ايه انا بزر !! و ابي ماما
راشد - ههههههههههههههههههههه يالله تدري لو اني حقير واسجل حكيك واسمعك اياه لا صحصحت بتصرخ وتقول هذا مو انا ... بس تسنع ونام لانك بديت تهلوس وماهو زين !
فهد - تراني واعي واعرف شنو اقول ! انا جالس اتمصخر واقولك ابه بزر ! بس انت ودك انه من جدي احكي
راشد - طيب خلاص انقلع نام ..و قفل المكالمه
فهد تنهد و وقف متوجه للمطبخ الصغير ياخذ قارورة مويه و هوا يمشي لمح سكارف حنين اللي الواضح انها نسيته اليوم الماضي لما طلعت و هيا معصبه و نست تاخذه
تنهد بضيق و هوا يتذكر اللي صار
--------------------------------------
الساعه ١٢ الليل دخلو البيت و هم اللي كانو راجعين من السوبر ماركت
ام خالد تكلم السايق - دخلهم داخل في الحوش .. و دخلو البيت قبله و هم في طريقهم للباب الرئيسي التقو في يوسف و اياد واقفين عند الباب
دينا - انا مصدعه بروح انام
اياد - تهربييييين من السحور اشوف !!
دينا - اياااااااد والله بموت مصدعه
و دخلت و دخل اياد وراها
ام خالد - امس هل حزة متأخر الوقت و اليوم شكلها توها تبدأ السهره
يوسف - لا ههههههه انا خلاص بطلع بروح اخذ غرام من عند اهلها و بنام ورانا دوام ..
ام خالد - بس دوامكم متأخر ولا كيف صار ؟
يوسف - لا وين متأخر بدري يعتبر .. ١٠ نبدأ و نخلص ٣
ام خالد - كثر الله خيرهم ما غيرو شيء !!!
يوسف - الشكوى الى الله
ام خالد - بكرا بتجون تفطرون عندنا ؟
يوسف - شكلنا يوم عندكم و يوم عند بيت اهلها
ام خالد و امومتها غالبه عليها - حتى لو ما بتروحون لهم و او صارت عندكم ظروف يمه .. البيت مفتوح لكم و انتو محسوبين معانا كل يوم
يوسف يقبل جبينها - عارف ياقلبي .. يالله مع السلامه
--------------------------------------
اخيرا بعد ما فطرو و قامو يجهزون الشاي .. دخلت الغرفه و هيا اللي تحس بضيق من وضعها ..
جاها الاتصال و ما ترددت في الرد
تركي - شدعووه مختفيه ! ما تعودنا
رزان ابتسمت - اهلين .. ظروف طلعت لي
تركي - الظروف هيا امك ؟
رزان - هههههه وصلكم الخبر ماشاءالله !
تركي - اي اكيد
رزان - شنو اسوي مقدر اتركها و وحشتني بصراحه و يعني كذا بختفي كم يوم
تركي - افا يعني حتى ما راح تمرين او شيء؟
رزان - بشوف ما اوعدكم .. يعني بصراحه تعرف و صيام و .. تعب
تركي - اي بس مو تعب تطلعين السوبر ماركت اليوم
رزان - اوووه تركي .. اذا انت تسوي لي كذا اجل شنو يطهرني من فيصل
تركي بجديه - تراه متضايق ..
رزان جاتها رجفه - اي لاحظت يرد علي ببرود
تركي - انا اقول تعالي مري علينا .. يعني تعرفين نصيحة اخو لاخته ..
رزان تنهدت - بحاول اذا يمديني جيتكم .. وين قاعدين ؟
تركي - المعتاد
رزان - طيب و قفلت المكالمه ..
طلعت لهم بعد ما غيرت ملابسها و ريما و ام سعود مروقين على الاخر
ام سعود - طالعه !
رزان - اا .. ليلى " و صارت تمر اصابعها في شعرها بتوتر " - ليلى تبيني شوي بروح امر عليها و اجي سريع ..
ريما رفعت حاجبها و هيا اللي عارفه ان مو ليلى ورا الموضوع
ام سعود - طيب ماما قولي لها تجي تقعد معانا
رزان بكذب واضح - لا هيه تعبانه و تبيني امرها .. بتطمن سريع و بجي
ام سعود - طيب سلمي عليها ..
رزان و هيا تتوجه للباب عشان تلبس الجاكيت و الجزمه - يوصل ماما .. لحقتها ريما و وقفت في وجهها و قالت بهمس
ريما - لين متى و انتي تكذبين على امك و تطلعين مليون عذر و غذر .. رزان انا خبرتك من البدايه هذا الشيء
رزان بعدم اهتمام - ما يحتاج اقول لها شيء و ممكن ما يعجبها و يحزنها .. وليه اسوي سالفه من البدايه دام الامور مستقره ؟
ريما عرفت انها ترمي حكي عليها - و تنتظرين يصير شيء يعني ؟
رزان وقفت باتزان بعد ما لبست الجزمه - انا اللي اقوله يا بنت عمي خلي الامور مثل ما هيا و نشوف شنو راح يصير بعدين ..
ريما - كيفك بس لا تقولين لي بعدين انك متأسفه طيب؟
رزان طلعت بعدم مباله ..
--------------------------------------
بعد مرور يومين على هذي الاحداث ..
كانت طول الوقت متمدده على السرير و تحس بتعب و دوخه طول الوقت ..
كان يمسح عليها بخفه - تعبانه كثير ؟
سجى - ابي انام
راكان - صارلك يومين و انتي بس نايمه .. طيب توك متروشه يعني فيك حيل تقومين
سجى بدوخه - مافيني حيل
ركان - طيب قومي بس راح اجفف شعرك عن البرد
سجى دمعت عينها - بالله اتركني مافيني حيل ..
راكان ضغط على نفسه شوي - عشان خاطري قومي كلي لك شيء .. ما يصير يا سجى اللي تسويه في نفسك
سجى بضجر - مو مني ! افهمني !!
راكان - عارف يا قلبي بس انتي لازم تتحملي ..
سجى بكت من الضغط و التوتر اللي مسببه لها راكان الحين .. اللي قاعده تمر فيه طبيعي .. اللوعه و الدوخه و التعب طبيعي في وضعها هذا و خصوصا ببداية حملها ..
راكان - ليه تبكين ؟
سجى برجفه - ولي يسلمك ابي انام
راكان تنهد و طلع من الغرفه تاركها مثل ما تبي .. نزلت لتحت وين ا اهله متجمعين و متنسين و الحياه عندهم شيء ثاني بالنسبه للي يمرون فيه سجى و راكان هل فتره
ام راكان - اني قلت بتختفي و بترجع و معك زوجتك
راكان بهدوء جلس تحت انظار امه و خواته رند و نوره - سجى تعبانه ..
نوره - ما غير تصرفنا في هل كلام !
ام راكان بلين و خوفا على حفيدها - بسم الله عليها شفيها ؟
راكان - دايخه و بس تنام
ام راكان - سبحان الله ! ذكرتني في حملي فيك !! طبيعي يمه اللي فيها
راكان ابتسم بالغصب عنه
نوره - شدعوه لكن دلعها طول ..
--------------------------------------
في بيت بو خالد كانو مغيرين اليوم و جالسين كلهم في الحديقه بعد الفطور .. و بكذا يتجمعون كلهم بدون عذر للشباب عشان يدخنون و يختفون من الجمعه
ام خالد - تعال يمه جنب زوجتك
غرام التفتت بعد ما كانت تسولف مع البنات
يوسف - يووه انا شارد منها
غرام اعطته نظرات
يوسف جلس و هوا كاتم ضحكته - شفيك بسم الله عليك ..
غرام - اقول قوم جيب الحلى حقي لا يطيح فيني بعدين ..
يوسف وقف - وين الحلى محد جابه !
مرام - انا بقوم اجيبه انا مسويه حلى
غرام وقفت - اي و انا كمان سويت حلى .. و قامو غرام و مرام سوى يجيبون الحلى
دينا - زواجات اخوتي كل وحده تقول الزين عندي
خالد - شتبين اكثر ..
دينا - الله يسلمك ولا شيء زياده ياحظي فيكم و فيهم
يوسف - دينا ما تقول كذا الا وراها مصلحه
دينا - والله دايم تظلمني
اياد - والله انا خايف من زوجتي من دينا اخاف ما اشوفها
دينا - ههه ظريف ! عاد بالعكس متى يزوجوك و تفك شوي عنا
اياد - والله خوفتي انا اللي اتزوج و اقول العكس ..
ام خالد - معقوله مو حاط ببالك هذا الاحتمال و انت مخطط على صاحبتها
دينا وسعت عينها - ايش ! اييييشش !!!!!!!!!!!!!!
يوسف كتم ضحكته لانه عارف بالموضوع و شكلو واضح ان محد داري غيره و غير امه و ابوه
ايمان ضحكت هيا الثانيه لانها ما تعرف كمان - مين ؟ اي وحده ؟
اياد - يمه الله يهديك اتفقنا ما نعلم احد
وجدان اللي كانت تسولف مع وليد التفت عليهم و هيا تضحك بحماس للموضوع اللي يعتبر "قنبلة"
دينا قامت و جلست قدام اياد - مييييييين ؟؟
اياد كتم ضحكته و قرب و همس عند اذنها ـ سمر
دينا تحس بصدمه و هيا تناظر فيه و في امها - ايش انت و سمر !!!! كيف ؟؟ و متى !!!!
اياد مسكها و وقفو و صار يمشي معاها بعيد - ياختي فضيحه .. اي انا و سمر ليه ما قالت لك؟
دينا تناظر فيه بصدمه ثانيه - و هيا عارفه و ما خبرتني؟
اياد بنذاله في سمر لانه متفق معاها ما يعلمون احد و الحين هوا فجرها على دينا و يبي يطلع من الموضوع - يووووه الموضوع شكله مو هين دامها ما خبرتك ان احنا نسولف مع بعض الحين صار لنا قرابة السنه ..
دينا وقفت متجمده و لا شعوريا صرخت - كذذذذذذذذذذاب
اياد - ههههههههههه تفاهمي معاها انا مالي دخل
دينا - لا حبيبي شنو مالك دخل انت اساس البلى !! يالله و انا الغبيه ما انتبهت !!
اياد بسخريه - ههههههه قلتيها غبيه
دينا ضربته و هيا مازالت تحت تأثير الصدمه
في جهة ثانيه ..
رجعو غرام و مرام و معاهم الحلى .. و وزعوه على الجماعه .. و صارو يلعبون كلهم سوى و يسولفون و كانت جلستهم وناسه ..
يوسف قعد جنب امه و غرام بعد ما انهزم في اللعبه - اقول يمه قومي صلحي لنا حلى ..
غرام التفت على الحلى حقها - وين الغطى؟
ايمان - ههههههههههههههههه بعد ايش ؟ بعد ما قضو عليه !
غرام - اي لان انا شايفتهم كلهم و هم ياكلون منه !
انور - تقولها كذا يعني تهدد
يوسف ضحك - ههههههههههه اي هذا نظامها و يمكن اصلا مصورتك بعد عشان تهددك صح
ام خالد - تسلم الديات يا غرام و مرام بصراحه محد يكسر عليكم في الحلى ..
غرام بخجل - تسلمي خالتي حبيبتي .. ياليت لو يتعلمون منك الباقي ..
يوسف بمزح - ياخالد انا بفتح مشروع عاد ما علي منك
انور و هوا يتقهوى - مشروع ايش بعد
يوسف - ولي يسلمك انت التفت على زوجتك و عيالك و خلي الاخوه يتناقشون
انور - لا دام فيها مشروع انا راس المال و انتو الايدي العامله
مرام التفت على غرام - قصده احنا ههههههههههه
انور - يافهمني
يوسف - لا انا بصراحه ما اخاطر و اعطيكم شغل زوجتي ..
--------------------------------------
دخلت عليها الغرفه و هيا اللي كانت ترتبت شنطتها هل مره بضيق و ملل
بدور - ما خلصتي ؟
ملاك - حتى معرف شنو الجوء عندهم عشان على اي اساس انا ارتب الشنطه !!
بدور - لهدرجة ضايقه فيك ؟
ملاك بصدق - عايفه الدنيا ..
بدور - لا تقولين كذا ياروحي
ملاك - ما ينفع اقعد هنا ؟
بدور هزت راسها بالنفي
ملاك التفت على الشنطه مره ثانيه بضيق
بدور - قولي لي ليه كل هذا ؟ عشان ما تبي تشوفيه ؟
ملاك بضيق - لا تجيبين لي طاريه الله يخليك ..
بدور - اسمعي يا قلبي ابوك عنده شغل و انتي عارفه انه ما يقدر يتركنا ولا يقدر ينشغل فينا .. احنا نستغل الوضع و بنسافر الحين و بنغير جو و بنصنع لنفسنا جو .. ما تبين تجيبين طاريه ؟لا نجيب طاريه ولا نهتم اليه و نروح الحين و نفرح و ننبسط ولا يهمك
ملاك ابتسمت - قد كلامك ؟
بدور - قده طبعا .. يالله ابيك تخلصين الشنطه بحماس الرحله الفجر ما باقي شيء !
--------------------------------------
بعد ما رجعو من الموعد و تطمنو على البيبي و على ورد.. اخذ شور سريع و جهز نفسه للدوام
ورد كانت منشغله تكلم اهلها في هذي اللحظه
احمد بعد ما جهز و تعطر التفت على ورد - تبين شيء؟
ورد - لحظه .. و رفعت عينها بعد ما بعدت الجوال عن اذنها - لا ..
احمد - انتبهي على نفسك .. و لا تهملي اكلك
ورد اللي حفظت الموال - ان شاءالله صدقني لو ولدك ما تغذى كويس راح ياكلني لا تخاف
احمد ابتسم - لا انا اتكلم عنكم انو الاثنين
ورد ابتسمت - اشوى و طلع احمد و هوا الثاني كان "مبتسم" رجعت و حطت الجوال في اذنها - اي جوجو
وجدان - ايه اقولك فاقدينك بينا .. بصراحه مذكر السنه الماضيه كانت حلم .. بس هذي السنه والله نذكرك كثير
ورد - ياعمري ! وربي انا متحمسه لزواجك عشان بس اجي اشوفكم ..
وجدان - ما يمديكم تجون ؟؟
ورد - للاسف ما اتوقع لان توي راجعه من موعد و قالت لي انتبه لنفسي لا اولد بدري .. اخاف لا جيتكم الحين ما اقدر احضر الزواج و انا اشوف الزواج اهم ..
وجدان - ياعمري ! والله اخاف تولدي في زواجي !! ههههههههههه
ورد - لا بكون في السابع وقت زواجك يبقا لي شهرين تطمني
وجدان - ايه الحمدلله ..
في جهة ثانيه نورح عند احمد
دخل المبنى في ثوبه الابيض و كان لابس شماغه الاحمر و كان كالعاده هيبه في دخلته و طلعته
سلم على كل من سلم عليه و اخيرا وصل لمكتبه و دخل و دخل وراه عبدالله
احمد - وين صالح ؟
عبدالله يحط الملف على الطاوله - راح يشوف المتدربين الجدد ..
احمد - طيب .. صار شيء؟ في اخبار ؟
عبدالله - لا طال عمرك يعني خفايف و قضايا
احمد - حلو .. جيب لي كل الملفات القديمه بالاول و جمعهم لي على دفعات
عبدالله - ان شاء الله .. تآمر على شي ثاني ؟
احمد - لا .. و طلع عبدالله و صار تفكيره في الهدوء هذا .. لان مو معقوله يزيد هجم مره وحده و بعدها يهجد ! ولا متعب اللي حركته خفت عن قبل و القائمه حقته خفت مو مثل ما اتفقو ! .. كل اللي يفكر فيه كيف قاعدين يفكرو هذول الرجال !
متعب يثق في فهد لانه ولده .. بس مثل ما يزعم الاب ما يخاطر في حياة ولده ! ولا ايش حقيته ؟ يكذب .. اكيد يكذب لان هذي العلاقه مو طبيعيه .. و الواضح انها فعلا كذا !
يمكن متعب كان ورا طلال من البدايه يمكن هذي كانت لعبته او يمكن يزيد لعبت متعب علينا ؟
صار يضرب في اصابعه على الطاوله و هوا يفكر و يبي يوصل لحل لان اللي صار مو منطقي و كيف انلعب عليهم وقتها !!
دخل عبدالله و معه الدفعه الاولى - تفضل طال عمرك
--------------------------------------
عدت الايام عليها و هيا كل يوم تتحجج في شغله عشان تلتقي في فيصل و الشباب .. و صار روتينها بدل لا تقضي معاهم يوم كامل .. صارت تشوفهم ساعه باليوم ! و هذا الشيء مضايقها مره و مضايقهم فيها
رزان - شفيك؟
فيصل - انتي اللي شفيك؟ تناظرين بالوقت و كانك تبين الفكه منا !
رزان عقدت حاجبها - انا !! لان مدري مين اللي قاعد متوتر طول الوقت !
فيصل - اي الحين بتطيح علي انا طبعا !! .. وقف و طلع برا الحديقه .. طلعت وراه و هيا تضمه من خلفه
رزان - لا تزعل ترا والله ما يهون علي اشوفك زعلان علي
فيصل عقد حاجبه - مو زعلان ! بس متضايق منك !
رزان اللي هذا الشيء جدا صادمنها منه - ليه طيب؟
فيصل - احسك متضايقه لوجود امك ! يعني حتى ما عرفتينا على بعض
رزان وسعت عينها من تفكيره - و انت تبي تتعرف عليها ؟ بصفتك ايش ؟؟؟
فيصل ما بعد هذا الاحتمال و صدمتها - حبيبك !
رزان - ايش ! هذي امي فيصل !!! مو صاحبتي ولا اي احد من الشارع !!
فيصل - و ليه ان شاءالله انتي قاعده تستشرفي عليها من البدايه ؟ يعني معقوله انك تخفين كل هذا عن اهلك ؟؟ هذي ثاني مره انصدم منك
رزان - طبعا !!!!!! يعني حتى ما فكرت شنو راح يسوون ؟؟
فيصل بسخريه - ليه شنو كنتي متوقعه من البدايه دام انك خافيه عليهم اللي تسوينه هنا !
رزان بصدمه - تصدق ايش ؟؟ انا اللي منصدمه منك و من تفكيرك ! و طلعت و هيا تتحمل دموعها و ما تبكي قدام احد لين تطلع من البيت
--------------------------------------
لندن
كل تفكيرها كان انها ما شافته من فتره طويله ! كانت جالسه مع عمتها و اولادها في الكوفي بعد ما اخيرا استقرو فيه
ما تخفي اشتياقها و لهفتها عشان تشوفه ! لكن اللي تخطط اليه في قلبها ان كيف راح تهينه من اول نظره ؟؟
بدور - كلمتها قالت انها في مانشستر بس على العموم قلت لها اذا فضت او صار عندها وقت يا تجينا يا نروح لها ..
ملاك - اي ابي اشوف ناس اعرفها وحشوني الناس !
بدور ابتسمت - طيب شرأيك نطلع نتمشى؟ مليت من القعده .. الكوفي و شربناه ..
ملاك رفعت عينها علي البوابه - اصلا بابا جا
بدور رفعت عينها و هيا الثانيه شافت اخوها قاعد يجي لهم
بو سلمان - خلصتو ؟
ملاك - ترا كلها كم محل بس
بو سلمان يناظر في الاكياس و بدهشه - كل هذا و كم محل ؟؟؟؟
ملاك ابتسمت - لا تنسى ان اسواق الرياض ما طبيتها صار لي قرن
بو سلمان ابتسم - طيب .. بتكملون يعني تسوق ؟ لان عندي شغل الحين
ملاك - انا ودي ارجع الشقة تعبت وابي انام
بدور - اجل دام كذا خلاص نرجع كلنا ونطلع العصر بعدين
ملاك - انت بتطول في شغلك بابا ؟
بو سلمان - ان شاءالله لا .. بس انبهكم بس اوصلكم وبعدها ماتطلعون !!
ملاك رفعت عينها للنافذه الزجاجيه و طاحت عينها عليه ! .. هذا هوه اكيد ! طوله بعرضه ! كان واقف و معي المكان ظهره.. تعلقت عينها عليه حتى خلتهم كلهم ينتبهون لها .. ابوها و عمتها !!
بو سلمان تنهد بضيق - يالله خلونا نمشي ...
ملاك بلعت ريقها و وقفت و ثببت الشنطه الصغيره على خصرها و اخذت الاكياس و طلعت معاهم .. التفت فهد عليهم و هوه اللي يفتكر بس بو سلمان اللي راح يطلع لانه قال له انه راح يتطمن عليهم و بنروح نخطط للشغل ..
تعلقت عينه في عين ملاك و تجهال وجود بو سلمان و بدور .. طال نظراته فيها و هيا شتت نظراتها عنه !! عطته جواب قاسي من حدة نظراته اليه بالبدايه ..
بو سلمان قطع سرحان فهد و تفكيره - نوصلهم بالاول و بعدين نروح ..
فهد ما نطق شيء .. و مشو للفندق برجلهم لانه قريب من هذا المكان اللي هم فيه .. الجو كان بارد بس بروده معقوله ..
--------------------------------------
في غرفة دينا
دينا بتملل - يالله يا وجدان ترا حفظت كم خيط فيه
وجدان ضحكت و هيا تناظر في الفستان الابيض .. متحمسه ! طبعا و هذي الليله تجي مره في العمر و طبيعي فرحتها بعد ما تسيرت امورها و تقريبا خلصت لكل شيء و باقي تنتظر ليومها الكبير - احس الايام تعد معاي !!
دينا بسخريه - ما الومها كنك اول بنت بتعرس ! خلاص ياختي شيلي الفستان لا يصير فيه شيء و بعدين نجلس ندور لك مصبغة وتخربه لك لا سمح الله
وجدان - الحين بنزعه خلاص ماراح البسه الا بليلة العرس
دينا - هذا وجهي اذا ماجيتي لي بكرا لابسته
وجدان ضحكت و هيا بحركة سريعه تغير الفستان و تعلقه محله
دينا - بالله جوجو شنو تحسين .. يعني شنو مخطاطاتكم ؟؟
وجدان ضحكت - مع ان علاقتنا الحمدلله حلوه .. و حلوه كثير مانيب حاسده نفسي ماشاءالله الا ان احس عادي كل هذا يتغير بعد الزواج
دينا - اي ترا بقولك نصيحه و دايم اسمعها يعني .. اذا تبين الرجال يمشي معك قدام و على كلامك لازم تعوديه على هذا الشيء من البدايه .. يعني خلي عنك الحياء و الدلع و بديها صح
وجدان - ههههههههههههه لا والله و من وين لك هل كلام ياخبيره !!!
دينا - ههههههههههههه اقولك يقولونه كثير .. انا احس لازم تصيرين شخصيه قدامه يعني تفرضين نفسك و تخليه يحسب لكلامك
وجدان عقدت حاجبها - ما تعجبني العلاقات اللي مثل كذا ! خليها تجي عفويه احلى
دينا - ياحظي عشان ما تجين تبكين لنا و تشتكين تالي
وجدان - اولا مثل ما قلت شيلي هذي الافكار من بالك .. بعدين هوا الحين تعلق فيني و في شخصيتي ! شدعوه اتغير عليه عشان هذي الاسباب التفاهه .. انا رضيت اتزوج لاني مستعده و احس بالمسؤوليه .. مو عشان احط الرجال خاتم في اصبعي !
دينا بفهاوه - مدري ياختي اقولك بس .. يعني بالله بالله شوفي عندك نماذج العائله ههههههههه ايمان و انور مثلا .. حلو ان ايمان شخصيتها قويه و انور مزوح و علاقتهم سوى تساويهم ببعض ..
وجدان بهدوء - ما تعرفين شنو يدور بينهم في بيتهم ! يعني عادي هل شخصيات بس قدامنا !
دينا - لا مو لهدرجة !! طيب طيب عندك اخوانك .. شفتي كيف شخصية خالد تختلف عن يوسف ؟؟ حتى حريمهم ! لا تقولين لي ماله دخل
وجدان - شنو قصدك بس
دينا - خالد من البدايه شخصيته فيها قوى بس بنفس الوقت بارد كثير و طيب .. تزوج و مرام و هيا معروف طيبه مررررره بالموت تسمعين لها حس .. يعني الواضح من اللي نشوفه انها مو فارضيه كلامها على خالد .. بالعكس مو ؟؟؟
حلو ؟ و عندك يوسف و غرام عيني عليهم بارده ههههههه .. كل واحد و شخصيته اقوى من الثاني عندك يوسف اللي تحسبين له الف حساب و عذر .. و مع شخصية غرام المماثله اليه ! شفتي كيف لانه يحبها يحترمها و يصير معاها و يوقف مع اللي ضدها ؟؟
وجدان - اووووووووه ديناا !! تراك بديتي تجيبين العيد و كلامك اكبر شدخل بالحياه
دينا صارت تناظرها - ليه ؟؟
وجدان - اولا انتي ما تحكمين عليهم بجلساتهم معانا طيب؟ احنا نتكلم عن العلاقه الاهم يا حلوه و هيا العلاقه اللي لا انا ولا انتي و احد نشوفها بين الزوجين .. اللي يصير بالبيت ما يطلع منه .. و غالبا هيا الاشياء السلبيه بس الاشياء الحلوه طبعا هذي نقدر نشوفها بين اي زوجين بس مو معناته ان حياتهم خاليه من مشاكل او غيره .. مثل ما قلت تراهم ما يضهرون لنا كل شيء و هذا مو مقياس .. مو معناته تشوفين اثنين يمشون سوى و يمسكون يدين بعض معناته يحبون بعض و الخ .. لاا و ابدا الموضوع مو كذا ..
دينا - الا
وجدان - مع الايام هذا الشيء يروح يا دينا .. بس اهم شيء هوه التفاهم و الاحترام بالنسبه لي و طبعا الحب .. بس هذا لو مو موجود يجي مع العشره
دينا - يعني تقولين لي انك لسا ما حبيتي وليد؟
وجدان شتتت نشراتها - لا طبعا ما اقول كذا .. بس يعني ليه اسوي نفسي اجيب كلام و بس .. انا متزوجته على الطريقه التقليديه يعني اكيد ما تولد الحب بيوم ولليله !
دينا - ايوا عارفه .. بس احس هذا الشيء صعب ياختي ! كيف .. طيب قولي لي كيف تحسين الحين ؟ تحبيه ؟؟
وجدان - اي الحين مره بس مدري هذا الحب شنو .. ممكن لاني معجبه فيه جى الحب .. ولا من طيبته معي و احترامه و عطائه جاء هذا الحب .. ولا من معاملته مع بنته و امه حبيته ! شفتي كيف يجي ؟
دينا - صعب انك تغامرين عشان هذي الاشياء .. انا اقول ياحظك انك مرتاحه معه .. بس انا من الحين اقول انا ما راح اتزوج الا عن حب !
وجدان بسخريه - حب ابو يومين ؟ اوه قصدك اعجاب " و كانت ترمي كلام لها عن اعجابها لعزيز "
دينا وسعت عينها - وجدان !! لا طبعا مو كذا
وجدان ضحكت
دينا - تكلمي عن وليد بس يا حلاتك و انتي هايمه فيه و ضحكت
وجدان ضحكت - تصدقي .. احس مدري شنو راح اسوي احس لازم اجهز لي ملابس حق اول اسبوع على الاقل مدري اصير على طبيعتي ولا مدري فهمتي ؟؟
دينا - انا اقول لك قدوتي غرام كلميها و شوفي نصايحها
وجدان - قولتك ؟
دينا - اي جد والله
--------------------------------------
كانت تمشي و هيا تتنهد من برودة الجو .. دخلت يدينها في جاكيتها و شعرها يغطي اذنها من البرد .. مشت للبقاله اللي حافظتها و عارفه ان اللي تبيه موجود فيها .. كانت بس تفكر " شكلها للحين ما سكنت معاه ! .. الله ياخذهم ما يهموني .. "و كملت مشي
" والله انت اللي راح تجيني .. انت اللي بتتنازل في هذي الحرب مو انا .. هل مره هذي انت يا فهد .. بخليك تندم على اللي سويته و بخليك تعرف ان يوم طحت في غيبوبتك و اهتميت فيك كانت مره و توبه .. هل مره انت اللي راح تجي لانك ما عاد تهمني "
وصلت للبقاله و قبل لا تدخل كتبت رساله الى ابوها " بابا انا طلعت اجيب لي بطاقة شحن من البقاله اللي تحت الفندق "
و دخلت البقاله الصغيره و ابتسمت للبنت اللي تشتغل مع ابوها و بالانقليزي " احتاج بطاقة شحن ما راح اتأخر ثواني و ارجع "
في جهة ثانيه كان يمشي متوجه لشقته .. و دامه مشى مع بو سلمان للفندق ناظر في البقاله اللي تتوسط الشارع بين شقته و بين الفندق اللي ساكن في بو سلمان لمحها و تجمدت نظراته عليها
ملاك شرت البطاقه و حطتها في جوالها بمساعده من البائعه كالعاده و طلعت و هيا تتنهد من البرد ..
كانت تمشي و ما كانت تناظر في العابرين ولا تناظر في احد تمشي بسرحان
جا صوت من وراها - ما اشتقتي ؟
التفت عليه برعب و عينها متوسعه من صوته و بسرعه تمالكت نفسها و بحده - شنو تبي ؟
فهد بابتسامه - طيب اسألي عني على الاقل يمكن انا مو بخير !
ملاك - عساك دوم في هذا الحال و اردى .. و التفت و جات بتمشي لان اكيد عرفت ان ابوها رجع
مسكها فهد من يدها و كانه رد على اللي يدور في عقلها - ابوك دايخ وراح ينام
ملاك رفعت حاجبها - و طيب ؟
فهد - خلينا نجلس شوي ..
ملاك بسخريه - انا الوقت اللي احط فيه مناكير اثمن بكثير من الوقت اللي اقضيه معك !!!
فهد بابتسامه - طيب عطينا من هالوقت دقايق بس
ملاك بحدة - لا .. واترك ايدي عشان مايدري بابا واخليه يتصرف معك تصرف ثاني
فهد ترك يدها و دخلهم في جيوبه - شوي يالمغرورة من وقتك ..
ملاك - لا ... واعطته ظهرها بس هوه جاها قدامها مره ثانيه و بنبرة جاده - ملاك بس شوي
ملاك - و هل شوي خذها من وقت حبيبتك ..
فهد بعبط - وهذا انا باخذها
ملاك بلعت ريقها بتوتر - روح الى حنينك ... و مشت مسرعه متجاهلتنه و هيا تشوف الفندق بدأ يبين بين المباني اللي قدامها
فهد سحبها مره ثانيه هل مره من معصمها و ملاك تحاول تهدده بردة فعل هجوميه طلعت جوالها - بتصل على بابا و بقوله
فهد بهدوء - قلت لك نايم .. بس عطيني شوي من وقتك ودي اقولك موضوع مهم
ملاك بحدة - ما بيننا مواضيع مهمة !!
فهد - الا بيننا
ملاك بحدة - ايوا صح نسيت مافيه احد تمارس رجولتك عليه الا انا صح ولا كلامي غلط؟؟؟؟
فهد تنهد - طيب يا ملاك تكلمي واشبعي بكلامك
ملاك بشماته - ايه اشبع ليه ما اشبع !!
فهد عض شفته و بدأ يعصب - تتشمتين فيني ؟
ملاك ابتسمت - وبكل فخر
في جهة ثانيه قريبه جدا من هذول الاثنين ..
دخلت الشقه اللي اعطاها فهد العنوان برساله ما ردت عليها بس دقت الباب و ما رد عليها ! توقعت انه مو موجود لان ليه ما راح يفتح لها الباب ؟؟
ارسلت رسالة اليه " جيت الشقة بس ما لقيتك ومقدر اتأخر اليوم عن الشغل .. المهم حبيبي كلمني ضروري بس تفضى "
و طلعت متوجهه لبرا العماره و لحظ الجميع انها كانت تمشي على الشارع اللي راح يجيبها لوين ما ملاك و فهد واقفين .. كانت تفكر في اخر موقف صار بينهم .. كيف تغير قناعتها ؟ تحب فهد من مدة طويله هذا ما تختلف عليه بس انها تغير قنااعتها على شانه ما تقدر ! صعبه !!! صارت تتأمل الشارع الطويل في البروده هذي و لمحته واقف مع بنت .. تجمدت و هيا تفكر في مين اللي معه غير ملاك طبعا !!!
نرجع لهم
فهد - مو ذنبي اذا ابوك رفض يعلمك ! تذكري هذا الشيء دايم !!
ملاك بسخريه - تكفى ارحمني يالمطيع ! ما كانك عصيته كثيير وكثيير وانت عارف هذا الشيء بتجي على هالزواج عندك ؟؟؟! دور لك عذر ثاني واصلا ليه تدور لك عذر مو انا ما اهمك ! مو انت قلت لي اني مين ؟ وانت شيء زايد وماله اهمية !! خلاص شنو لك فيني !!! انا بعيش حياتي وانت عيش حياتك و احنا مالنا علاقة في بعض ! متى ماتبي طلق او لا تطلق هذا شيء راجع لك لأنك ماتزوجت وحدة راضية فيك فاكيد امر طلاقها ما راح يرجعون فيه لها ... بالنهاية تصرف على راحتك بس حط في بالك أنك مو وصي علي ولا لك حق تكلمني في اي شيء وبعتبرك انسان غريب علي لاني ماوافقت على هالزواج ! بس الـ .... و ما كملت لانها كانت بتسب .. و سكتت بعدين قالت - حنينك فهذي زوجتك وحلالك وانت حر فيها ! واناا بنتظر طلاقي بكل سعادة لان فيه غيرك ينتظرني
فهد بحدة - ومين ان شاء الله اللي ينتظرك ؟
ملاك حست بنصر و ابتسمت - اسأل أبوي عن اللي ما زالو يجون يخطبوني .. و رفعت عينها و انتبهت الى حنين الواقفة من بعيد ، بالبدايه شكت انها هيا بس مو وقفتها و هيا تناظر بدون حركه .. و بعدين لمحت شعرها الاسود الطويل مثل اللي شافته بالصور تأكدت انها هيا
فهد التفت الى وين ما تناظر ملاك و تعلقت عيناه في حنين و هنا ملاك رفعت عينها تناظر فهد و شافت نظراته كانت غريبه و عرفت انها نظرات عشق بينهم هم الاثنين .. هذا اللي فسرته
قربت لعندهم في كل جرئه و حاوطت فهد و لصقت فيه كانها تتملكه
فهد ابتسم و كانه يبيها تجي من الله عشان يقهر ملاك .. التفت على حنين و قال - هذي ملاك اللي كلمتك عنها
حنين ناظرت ملاك من رجلها الين وجهها بشماته - اهلا
كل اللي في بالها كان "كلمتها عني ؟ و اصلا حتى ما بينت انها غيرانه مني !!! يعني من جد انك ما تشوفني شيء في حياتك .. و انا مو شيء بالنسبه لك .. "
فهد بابتسامه - طبعا أكيد عرفتيها .. هذي حنين
ملاك ببرود و تمثل عدم الاهتمام - طيب ؟ اشبع فيها ...
احنين ضحكت بدلع - ايه طبيعي راح يشبع فيني ... ليه ماهو حبيبي وزوجي ؟؟؟
فهد بهدوء يتأمل ملامح ملاك - ما يصير كذا! تعرفين بالذوق اكثر مني
ملاك بحدة - اييه انا متعودة اجامل الناس اللي يهموني بس ناس ماتهمني ليه اجاملها ؟؟!! ايه اشبعوا في بعض ما غرت عشان اخفف غيرتي و امثل اني باردة وماتهمني !!! أنت فعلا ماتهمني يا حبيبي واذا بغار صدقني بتكون اخر شخص ممكن تغار عليه عندي غيرك كثير ... و اعطته ظهرها و كملت طريقها للفندق
حنين بكره الى ملاك - عديمة ذوووق
اما فهد بعد عن قربه من حنين و عقد حاجبه على اللي صار تو
حنين - طيب ماعلينا منها !! كنت احسبك بشغلك مع ابوها ..
فهد بهدوء - تو رجعت قبل شوي
عند ملاك
كلها دقايق و هيا موصله غرفتها .. تأكدت ان ابوها فعلا نام ..
فصخت المعطف و علقته و رفعت شعرها اللي كان منسدل ليخفف البروده عليها .. حست بحراره على رغم برودة الجو الفضيعه .. صار تدور في الغرفه و هيا تردد " ما راح تبكين .. ما راح تبكين "
كانت تحس بحراره في صدرها .. الغيره طبعاً !!! نزلت دمعه من دموع الغيره اليي فتت قلبها يوم شافتها !! يوم ضمته و تلامست معاه !! كانها تتملكه !!! بس هيه فعلا تمتلكه ليه افرض؟
غمضت عينها و نزلت دموعها بقهر على حالها .. كيف راح تستقوي و هذا الموقف هدم ثقتها في نفسها و هدم اشياء كثيره في داخلها !! ياربي حتى نظراته يوم التقت فيها كانت نظرات اشتياق ! نظرات فرح .. والله كانت نظرات حب .. ما اتحمل اشوفك تحب غيري .. ما راح اتحمل اشوفك مع غيري .. ما راح اتقبل فكرة ان شخص غيري يتملكك ..
.
.
.
انتهى