«رواية عشقي الأول والأخير »
«من سلسلة العاشق المتملك»
«البارت الثالث وعشرين »
خرج آدم من الغرفة يحدث نفسه:بقي انا لوكال..اناا آدم الدالي تقولي مش طايقاك
آريان بضحك:اتجننت ولا الحادثة اثرت علي دماغك
آدم بغضب:آريان انا مش ناقص
آريان:طب فهمني براحة انت لسه تعبان
آدم بقلة حيلة:يارا هرمونتها طالعه علي دماغي دي بتقولي يا لوكال
غرق آريان بالضحك تحت نظرات آدم الساخطة
آدم بحنق:انت عيل بارد وانا اللي استاهل اني وقفت معاك
آريان وهو يحاول عدم الضحك:طيب انت مضايق ليه وانت عارف انها هرمونات حمل
آدم بسخط: مش عارف بقي بس انا اتنرفزت وخلاص
♡♡♡♡♡♡♡♡♡♡♡♡♡♡♡♡♡
في غرفة جيسي وآريان
جيسي تحدث نفسها بتوتر:طيب انا هستحمل يقعد معايا في نفس الأوضة ازاي....والله ما هستحمل وهو مش ناوي علي خير ده باسني قدام العيلة ومهموش حد هيعمل ايه بقي واحنا لوحدنا
قاطعها صوت دلوفه فهتفت بحدة: انت ازاي تدخل كدة
آريان بأستغراب:كدة اللي هو ازاي يعني
جيسي بحدة: دخلت من غير ما تستأذن
آريان بسخرية:نعم ياختي و استأذن ليه انشاء الله
جيسي بعند:هو كدة من الاحترام انك تستأذن قبل ما تدخل اوضة حد
آريان:اولا الاوضة دي بتاعتنا احنا الاتنين وثانيا انتي مراتي يعني مش ملزوم اني استأذن عشان ادخل
جيسي بعصبية:انا مش مرات حد
آريان بسخرية:لا بجد
جيسي:ايوة انتي طلقتني ولا نسيت
آريان:ورديتك اول ما طلعت من القصر
نظرت له جيسي بأستغراب ثم هتفت بصوت مسموع:عند انفصام والله
آريان بجنون:مش انفصام يا جيسي انا بعد كلام مراد تخيلت انك ممكن تكوني لغيري حد يلمسك غيري تبتسمي لراجل غيري.......اناا بعشقك ياجيسي هيمان بيكي....اموت لو غيري قربلك
جيسي ببكاء: ده مش عشق ده تملك جنان
آريان وهو يجلس علي ركبتيه امامها: مش تملك يا عمري والله ده عشق....هيام....هوس سميه زي ماتسميه
جيسي بأنهيار وهي تلكمه بصدرة:طالما انت بتعشقني كدة خونتني ليه يا آريان خونتني ليه
♡♡♡♡♡♡♡♡♡♡♡♡♡♡♡♡♡
في غرفة شهد
شهد جالسه بأحضانه تخشي الابتعاد عنه تخشي ان يتركها مجددا
ياسين بأبتسامة:مش همشي يا شوشو خلاص هفضل معاكي
شهد وهي تضمه بدموع:خايفه تسيبني تاني خايفه اوي ثم اكملت بحيرة ان بتبعد عني عشان اتجوزتني صح
آريان وهو يرفع وجهها اليه بحنان:هفهمك كل حاجه ياشوشو بس في الوقت المناسب
اومأت له بعدم اهتمام وشددت من احتضانه مجددا
ياسين بأبتسامة:هقوم اعمل فون وارجعلك
شهد برفض وهي تتمسك بقميصه:لأ خليك جنبي
ياسين بضحك:هعمل فون وارجع ياشوشو مش ههرب يعني
شهد بعند:اعمله هنا
ياسين:ده شغل يا شوشو هقوم واجي بسرعه تكوني انت قولتي للدادة تنقل هدومك في اوضتي يلا
ابتعدت عنه بسعادة:هقعد معاك في اوضتك
ياسين وهو يقبل احدي وجنتيها:ايوة ياعمري
ركضت الي الخارج بحماس بينما علت ضحكاته علي طفولتها واخرج هاتفه سريعا وقام بالأتصال بأحد رجاله
ياسين: هتروح عند جورج تجيب منه الحاجة وتخلي بالك عليها يارامز
رامز:جورج الجوهرجي
ياسين:ايوة عايزها تبقي عندي في خلال ساعتين
رامز:اوامرك يا باشا
♡♡♡♡♡♡♡♡♡♡♡♡♡♡♡♡♡
في غرفة ميرا
كانت تجلس بقلق وتقضم اظافرها وتحدث نفسها:
طب انا اقوله ازاي ده
فهد من خلفها:هتقولي لميين.وتقوليله ايه يا قلبي
انتفضت وهتفت بزعر:ها مفيش حاجة
فهد وهو يقترب منها:مبتعرفيش تكذبي
ميرا بأندفاع:عايزة نأجل فرحنا
فهد:طيب ماهو متأجل خلقه
ميرا:لأ انا مش عايزاه بعد ٣شهور
فهد.وهو يعقد زراعيه:امال عايزاه امتي انشاءالله
ميرا بهدوء:بعد سنة سنتين علي الاقل
فهد بسخط:نعم ياختي سنه سنتين ليه انشاء الله لسه هكون نفسي ولا ايه
ميرا:فهد لو سمحت اتكلم من غير عصبية
فهد وهو يضع يده علي وجهه:طيب كملي
ميرا وهي ترفع كتفيها للأعلي:بس عايزة نأجله
فهد بثبات مزيف:لييه
ميرا بصدق:فهد انا معرفش انت بتحبني ولا عايز تتجوزني عند ومعرفش انت ناوي علي ايه مع عهد حاجات كتير حاسه اني مش مستعدة للجواز
فهد وهو يقترب منها بسخط:يعني انتي عايزة تأجلي فرحنا عشان الاسباب التافهة دي
ميرا بصدمة:دي اسباب تافهة
فند بأستنكار:طبعا اولا انتي عارفه اني بعشقك مش بحبك ثانيا بقي انتي شاغلة نفسك بزفته عهد دي ليه
لن تستمع ميرا الي باقي كلاماته فرفضت اذنها الأستماع الي اي شئ اخر بعد جملة «انتي عارفه اني بعشقك مش بحبك »
ظلت ميرا تنظر له بصدمة غير قادرة علي الحركه
فهد وهو يحيط وجهها بيديه:عارف اني مقولتهاش ليكي قبل كده بس تصرفاتي بتبينلك كدة
ميرا بدموع:كنت دايما اكدب نفسي واقول مستحيل يكون بيحبني...كنت بقول هو اتجوزني عشان جدو
فهد:انتي غبيه..عشان انا زمان لما عوزت اسافر سافرت يعني لو مكنتش عايز اتجوزك كنت سافرت تاني
قاطعته وهي تهتف:انا بحبك اوي يا فهد بحبك اوي
♡♡♡♡♡♡♡♡♡♡♡♡♡♡♡♡♡
مر اليوم وتلاه الاخر والاخر حتي مر اسبوع علي قصر الدالي مليئ بالعشق والندم والحزن والمشاكسات وووووو
صباحا في قصر الدالي
ميرا:الزينة حلوة اوي يا لي لي
لليان بتعب:ده اللي انتوا فالحين فيه واحدة في اوضتها الميكب ارتيست بيجهزوها والتانين قاعدين ببطنهم اللي عامله زي الكورة وحضرتك الزينة حلوة. اوي يا لي لي
غرق الجمييع بالضحك بينما هتف آدم بمرح:الواد ياسين جايبلها تاج وفستان ايه
يارا بضحك:تلاقي شهد بتتنطط دلوقتي
جيسي:ايوة انا كنت عندها بتقولي انا حاسه انه هيبقي احلي عيد ميلاد اتعملي
لليان بفضول:هو ليه مش عايز حد يعرف انه هنا
مراد بغموض:بعدين يا لليان بعدين
قاطعهم صوت الفت وهي تهتف:هو بابا فيين
لليان بهدوء:جدو في اوضة المكتب
♡♡♡♡♡♡♡♡♡♡♡♡♡♡♡♡♡
في مكتب احمد الدالي
الفت:كنت جاية اقول لحضرتك اننا عايزين نرجع بيتنا
احمد بمكر:ليه حد ضايقكم
الفت بحذر:لأ محدش ضايقنا بس احنا طولنا اوي والبنات عايزين يرجعوا بقي
احمد بأبتسامة مكر: ماشي يا الفت امشوا
♡♡♡♡♡♡♡♡♡♡♡♡♡♡♡♡♡
تسريع في الأحداث
مساءا بحديقة قصر الدالي
تعم الضجة المكان والقصر مليئ بالمعازيم ينتظرون اميرة الحفل لكي تهبط
هتفت لليان بدهشة عندما رأت شهد تتأبط زراع ياسين ويهبطوا الي بهو الحديقة: قمر يا شوشو مشاء الله
كانت شهد ترتدي فستان وردي ضيق من الصدر ويهبط بأتساع الي الأسفل وترتدي تاج من الالماظ الخالص يزين رأسها وتركت لشعرها الذي يصل الي ركبتيها العنان فكانت تشبه الاميرات بحق
اما ياسين فكان يرتدي حلة كلاسيكية سوداء وقميص ابيض ويصفف شعره الكثيف بطريقة رائعه
جيسي بأعجاب:لايقين علي بعض بس ياسين يقصر شوية
انفجر الجميع ضاحكا وهتف آريان:اسمها شهد تطول مش ياسين هو اللي يقصر
جيسي بلامبلاة: وات ايفر
بينما هتفت شهد بحماس: يلا بقي نطفي الشمع
ياسين :يلا يا حبيبتي
============================
اما بأمريكا
اروي بتعب:يابنتي اسمعي الكلام وروحي صالحيه متتعبنيش الا انا حاسه اني هولد في السادس بسببكوا
قاطعهم صوت حاتم:مالك يا حبيبتي في ايه
اروي: تعبانة اوي يا حاتم حاسه اني هولد والله
حاتم وهو يربت علي رأسها بقلق:معلش حبيبتي ده طبيعي
اروي وهي تهتف بدموع:طيب بص اختك مش راضية تصالح يوسف إزاي
حاتم بحنق:وهما متخانقين ليه
مريم بسخط :كل ده عشان بقوله نأجل الفرح عقبال ما يارا وجيسي يرجعوا لآدم وآريان
حاتم بتأنيب:طيب ويوسف ذنبه ايه يا مريم وانتي عارفه هو مستني بقالة قد ايه وغير كدة جيسي ويارا رجعوا لآريان و آدم
شهقت آروي بذهول:ازاي
حاتم:احمد بيه قالهم انه كل واحد يدي للتاني فرصه ٣ شهور ولو ماتصلحوش هيطلقهم واكمل بثقة وطبعا انتي عارفه ميين آدم وآريان
مريم بتأكيد:مش هيعدي شهر الا وهما متصالحين
أروي بأمل:يبقي ايه.
مريم بحذر:ايه
أروي بسخط:تقومي تصالحي الواد اللي بقالكو اكتر من اسبوع متخاصمين
مريم بخوف:هياكولني
حاتم بضحك:متخافيش انتي بس روحيله وبلاش تتكلمي بأستفزاز
مريم وهي تضع يده في منتصف خصرها:قصدك ايه يا استاذ حاتم ..قصدك اني مستفزة
حاتم بحنق:بت انتي اطلعي بررة انشاالله ياكلك والله ما هدافع عنك
مريم وهي تتقدم منه وتقبل وجنته رغم عنه:وحياة عيالك باشيخ ده انا حتي اختك
حاتم بغيظ:طيب ياختي روحي اتنيلي صالحيه بقي
اومأت له وهرعت الي الخارج فوجدته جالس يشاهد التلفاز فأسرعت وجلست بجانبه وهتفت:جو
لم يتحرك وظل ينظر الي التلفاز ببرود
مريم بندم:والله يا جو انا كنت زعلانه عشان جيسي ويارا اوي ومكنتش هعرف افرح وهما زعلانين
ظل علي جمودة فهتفت هي بحنق:يوسف انتي لما بتزعلني وتيجي تصالحني بتناقش معاك مش بفضل ساكته كدة
التوي فمع بأبتسامة سخرية ولم يعيرها اهتمام فهتفت:ياجوو خلاص بقي ....طب نتجوز الأسبوع ده يمكن ترضي طيب
نظر لها بخبث وهتف:متأكدة
هتفت بمرح:لو انت كدة مش هتبقي زعلان يبقي متأكدة
يوسف بمكر:طب يلا يا عمري بقي ننزل نجيب الفستان
شهق بقوة وهتفت:فستان ايه يا حبيبي انا كنت بهزر
يوسف وهو يقوم :مليش فيه خليكي قد كلامك ثم اكمل بجدية يلا بقي قومي البسي عقبال ما انا البس
مريم بصدمة:البس ايه وفستان مين وفرح ايه
يوسف بحزم مصطنع:يلا بقي كفاية دلع وقومي البسي عشان لو لبست وانتي لسه هطين عيشتك
هرعت برعب الي غرفتها بينما هو عدل ياقة بيجامته:ناس مبتجيش الا بالعين الزرقا
^_^_^_^_^_^_^_^_^_^_^_^_^_^_^^_
اما في بيت الفت
لارا بحنق:ادينا سمعنا كلامك وجينا اهو فهمينا بقي
الفت بحذر:طيب اقعدوا ،والكلام ده لو حد عرفه كلنا هنروح في داهية
نادين بقلق:هو في ايه يا مامي
الفت بشرود :ابوكوا كان بيشتغل مع احمد الدالي لحد ما في مرة احمد طرده عشان اتهجم علي جنا الدالي واكملت بسخرية اصل جنا دي بقي كانت السنيوريتا بتاعة العيلة ..كانت اقرب واحدة لأحمد لأنها اكتر واحدة شبه ايلين
نورين بصدمة:طيب بابا ايه اللي خلاه يعمل كدة
الفت بسخرية:اصلة كان بيحبها من زمان
نادين:اها كملي
الفت: ابوكي قعد كذا شهر من غير شغل لحد ما قابل اكمل التهامي
لارا بسرعه:ده عم يوسف وحاتم صح
الفت:ايوة ....اكمل التهامي كان بيكره عيلة احمد وجومانه اوي بس معرفش ليه المهم اكمل عرض علي ابوكوا انه يشتغل معاه وابوكوا لما صدق هنا بقي احمد غضب علي ابوكوا اوي وقاله لو فضلت مع ابن التهامي هعتبرك بقيت من اعدائي بس اكمل كان خلاص ملك عقل ابوكوا فطبعا ابوكوا رفض يبعد عنه راح احمد جاي لجدكوا وقالوا خلي ابنك يبعد عن اكمل فجدكوا وافق احمد وراح لابوكوا بس برده رفض قام جدكوا غضب علي ابوكوا برده لحد ماااا
لارا:لحد ما ايه يا ماما
الفت:لحد ما اكمل خلي ابوكوا يروح يقتل ايلين
صدمة حلت عليهم هذا يعني ان ايلين لم تموت طبيعي ...انها قُتلت ومن القاتل والدهم العزيز
هتفت لارا برعب:احمد ومراد لو عرفوا هيموتونا
قاطعهم هاتف الفت فهرعت الي غرفتها
الفت:ايوة يابوص
اكمل:كويس انك سيبتي القصر ،بس خليكي عارفه هترجعي تاني
الفت برعب:ل.ليه
اكمل:مش دلوقتي ..هقولك قبل فرح الحوت لأن انتي ولارا اللي هتنفذوا الخطة
الفت برعب:لأ لأ بنتي لأ
اكمل بغضب:اللي عندي قولتوا لارا هي اللي هتنفذ
الفت بحيرة:طيب اشمعنا لارا
اكمل:لأنها اذكي بناتك وغير كدة هي عايزة مراد فمش هيهمها حد وهتعمل اللي يتقالها
الفت: ماشي يا اكمل ماشي
قاطعها صوت شهقة لارا: انتي بتكلمي اكمل يا ماما
الفت بتوتر:اصل
اكمل بمكر:اديهاني يا الفت
جذبت لارا الهاتف من والدتها وهتفت :انت عايز ايه
اكمل بمكر:نص ثروة مراد ولليان قصاد اللي هقولك عليه
لارا :ايه اللي هتقولي عليه يستاهل اكتر من ربع ثروة الدالي
اكمل بمكر:هقولك.............................................................
^_^_^_^_^_^^_^^^_^_^_^_^_^_^_^
#رواية عشقي الأول و الأخير
#من سلسلة العاشق المتملك
#بقلمي منة الله نصر