رواية عشقي الأول والأخير "من سلسلة العاشق المتملك " بقلمي منة الله نصر

الفصل التاسع عشر

(رواية عشقي الاول والاخير )
(من سلسلة العاشق المتملك)
(البارت التاسع عشر )
فهد بأبتسامة:طيب يا عهد ايه رأيك
عهد بسعادة: مفيش مشكلة
وهنا بدأت المقابلات وبداية حب مزيف بقلب فهد
ولم يمر سوي شهور و فهد اخبر جده انه يحب اخري ولا يقدر علي الزواج من ابنة عمة فرفض احمد بحزم فقرر فهد تأجيل فكرة الزواج الآن لكن هذا لا يمنعه من اغراق الاخري بالهدايا الثمينه دائما الي ان جاء يوم مولدها فأهداها فهد طقم من الماس يتعدي ثمنه العشر ملايين وسعدت هذة الخبيثة بما اخذته من فهد ،قرر فهد ان يأخذها ويتجه الي جده لعله يوافق لكن كانت صدمته عندما توجه الي بيت عهد ولم يجدها
ضغط فهد علي يديه بقسوة وهو يتذكر ما حدث

فهد للخادمة:بلغي عهد اني مستنيها
الخادمة:حضرتك عهد هانم سافرت وسابت لحضرتك الجواب ده
فهد بغضب:يعني ايه سافرت
الخادمة بخوف وهي تعطيه الجواب:معرفش هي مشت الصبح وقالتلي ادي لحضرتك الجواب ده لما تجيلها
اخذه فهد منها واتجه لسيارته وفتحه سريعا ليصدم من مضمونه

"فهد الدالي او نقول المغفل ههه زمانك دلوقتي مستغرب اللي بيحصل
علي العموم هعمل فيك خير وهفهمك
انا اسمي عهد الجملي مش عهد المصري زي ما قولتلك واليوم اللي اتقابلنا فيه اول مره ماكنش صدفه ولا حاجة لأ ده من تخطيطي وعشان ما اطولش عليك انا مش بحبك وخدعتك عشان فلوسك ولما اكتشفت انك مش هينفع تتجوزني عشان جدك اكتفيت بالهدايا اللي كنت بتجبهالي وانا حاليا برة مصر بااي يااا بيبي"
كان فهد يقرأ وبعيناه نظرة لم يعهد عليها من قبل ..انهاا  لانتقاام

باااااك

فهد ببرود:انا حكيت لحضرتك كل حاجة ممكن بقي امشي عشان اتأخرت
احمد بهدوء:هتعمل معاها ايه
فهد بقسوة: هندمها علي اليوم اللي فكرت فيه تلعب مع فهد الدالي
مريم ببراءة:هو انت لسه بتحبها يا فهد
فهد بضحك:سؤال غبي زي صاحبته ثم اكمل بجدية لأ يا مريم انا محبتهاش اصلا وغير كدة انا لو كنت بحبها كان زمانها دلوقتي في تعداد الموتي
اروي بذهول:نعم يا اخويا لو كنت بتحبها كنت قتلتها
فهد بتأكيد:طبعا اخرة الخيانه الموت
مريم بأستنكار: موت ايه اللي بيحب مستحيل يأذي اللي بيحبه مهما عمل
قاطعها يوسف التهامي:لأ طبعا فهد صح اخرة الخيانه الموت حتي لو مين
ميرا بحيرة:مووت ايه هو انتوا كنتوا ربنا عشان تحاسبوا الناس قال موت قال
مراد ببرود:لو فضلتوا تتكلموا للصبح محدش فيكوا هيقدر يقنع التاني بوجهة نظره فخلينا في المهم بقي
حاتم بغيظ :والمهم ده فرحك صح
مراد بأبتسامة:الله ينور عليك
احمد بمكر:الفرح كمان اسبوعين
لليان بصدمة:اسبوعين ايه وفرح ميين انا مش هلحق اعمل اي حاجة
تجاهلها احمد واكمل بمكر:وفرح فهد وميرا معاكوا
لتهتف ميرا بأعتراض:مستحيل
احمد بحزم:اللي عندي قولتوا فرحكم مع لليان ومراد كمان اسبوعين
ران الصمت بالغرفة وكأنها لم تمتلئ بالضجة من قليل
قطع فهد الصمت وهو يهتف بأبتسامة مكر:وانا موافق يا جدي
اتسعت اعين ميرا دهشة بينما احتلت البسمه وجوه الأخرين
ميرا بقوة:توافق متوافقش انا مستحيل اتجوزك لأن ميرا الدالي مش بديل لحد
واسرعت الي غرفتها سريعا بينما اتسعت بسمة فهد
علي قوة صغيرته
مراد بهدوء:انا هروحلها
اما عند ميرا فكانت تبكي بغرفتها وتقنع نفسها:ايوة انا صح هو بيكذب لانه بيحبها عشان لو مش بيحبها كان زمانه نساها لكن هو لحد دلوقتي بيدور عليها ومتابعها 
قاطعها صوت دلوف مراد الغرفه فأرتمت بأحضانه وهي تبكي بقوة
مراد وهو يربت علي رأسها:اهدي يا حبيبتي اهدي
ميرا ببكاء وهي تبتعد عنه:انا صح يا مراد هو مبيحبنيش
مراد وهو يمسك وجهها :بس يا هبلة فهد بيحبك وانتي عارفه انما بقي الحيوانه اللي انتي مفكراه بيحبها هو مش بيحبها يا عمري ولا حبها اصلا هو بس انبهر بيها وكمان لانها كانت نسخه منك
ميرا بحيرة:مش عارفة يا مراد مش عارفه
مراد بحنان:وافقي يا حبيبتي واتجوزوا بلاش تضيعي عمرك في تفاهات واكمل بخبث اتجوزيه وابقي عاقبيه براحتك بس علي الأقل يبقي تحت ايديكي
ميرا بأبتسامة:موافقه
مراد بأبتسامة:خلاص تعالي معايا عشان تعرفي جدك
استجابت له واسرعت معه الي الخارج لتجلس بجانب جدها وتهتف بشموخ:موافقة
احمد بأبتسامة:تمام كدة الفرح بعد اسبوعين
نورين بغيظ:طيب يا جدو هو الفرح هيتعمل من غير آدم وآريان
لليان بحيرة:ااه صح يا جدو وغير كدة احنا مش عارفين نوصلهم حتي قافلين التيلفونات
مراد وهو يخرج هاتفه:انا هتصرف
₩₩₩₩₩₩₩₩₩₩₩₩₩₩₩₩
في إحدي المكاتب في مبني المخابرات المصرية
اللواء عدي: يعني ايه ياسين في إيطاليا
هشام بأحترام: مش عارف يا سيادة اللوا رجالتي بلغوني انه هناك من شهرين وخلص علي ٣ من المستهدفين
عدي بحيرة:ورجالتك اللي هنا برده بلغوك انه في اسكندرية وحاله مايل
هشام بحيرة:انا شاكك يا فندم انها خدعه من ياسين لسبب معين وحضرتك عارف محدش يتوقع الاسطورة
عدي بحزم: ابعت رجالة موثوق فيها يا سيادة المقدم وكمان يومين ابقي عارف ياسين فين محمد الدالي لسه مكلمني واحنا مش ناقصين مشاكل مع عيلة الدالي
هشام بأحترام وهو يخرج من المكتب:تحت امرك يا فندم
جلس عدي يفكرفى سبب خداع ياسين لهم
قاطعه طرق باب مكتبة
دلف الطارق وهتف بإحترام:محمد بيه الدالي عايز يقابل حضرتك
عدي :طيب خليه يدخل 
دلف محمد الدالي بوقار وجلس وهتف بحنكة:فيين ياسين يا عدي
عدي بأبتسامة:يعني انت مش عارف
محمد:في فلورنسا بس انا مش عارف اتواصل معاه
عدي بقلة حيلة:ابن اخوك هو اللي عايز كدة اول حاجة خدع رجالتي وفهمهم انه في اسكندرية وتاني حاجة سافر فلورنسا واتولي المهمة اللي اتكشف فيها قبل كدة
محمد بمكر:يعني انت مكنتش عارف انه في إيطاليا من الاول
عدي:عارف انه هيروح وكنت مفكرة لسه في اسكندرية لحد ما في واحد من رجالتي بلغني انه سافر وبدأ في المهمة من شهرين
محمد بحزم:يومين يا عدي يومين وياسين يبقي في القاهرة
عدي :انت عارف ابن اخوك مبيسمعش لحد
₩₩₩₩₩₩₩₩₩₩₩₩₩₩₩₩
مجهول١:ايوة لليان رجعت والمصيبة بقي ان فرح مراد وفهد علي ميرا ولليان كمان اسبوعين
مجهول٢:حلو اوي
مجهول١:هو ايه اللي حلو بقولك هيتجوزا
مجهول٢ بتجاهل: جهزوا نفسكوا لان خلاص كمان يومين آريان وآدم هينزلوا مصر فاهمه يعني ايه يعني تبعتوا ناس يجيبوها من اسكندرية النهاردة
مجهول ١:من عيني
₩₩₩₩₩₩₩₩₩₩₩₩₩₩₩₩
بعد يومين بقصر الدالي عاد يوسف ومصطفي ومحمد وصافي الدالي وحان موعد قدوم آريان وآدم
لليان بغضب: ترجعي مكان ما جيتي انتي ملكيش مكان هنا ياا نهي هانم
نهي ببكاء:واهون عليكي يا لليان ده انا امك
لليان بغضب:تهوني ااه زي ما انا هونت عليكي وسيبتيني ومشيتي ولا التفتي لنا ولا قلبك حن لينا
مراد وهو يحاوط كتف لليان بيده:راجعه عايزة ايه يا مرات عمي بعد غياب سبع سنين
نهي بدموع مصطنعه:راجعه عشان عايزة ابقي وسطيكوا
مراد بسخرية:لا والله بعد السنين دي كلها ثم اكمل طيب ماشي يا نهي هانم هترجعي القصر بس وغلاوة بنتك عندي لو راجعه تلعبي بديلك كدة ولا كدة مفيش حد هيرحمك مني فاهمة
ارتجفت اوصالها عقب كلامته فهو الحوت حوت الاقتصاد من لا يرهبه وهتفت بتوتر:ف.فاهمة
قام مراد بأخبار الخادمة كي تصتحبها الي جناح الضيوف فقاطعته سريعا بأندفاع:لأ انا هستني آدم وآريان
مراد بمكر:وانتي ايه عرفك انهم راجعين النهاردة وكمان انتي المفروض تقولي انك مستنية بناتك مالك انتي بآدم وآريان
انقذها دلوف آدم وآريان وجيسي ويارا تظهر عليهم السعادة والبهجة مما اغضب الفت وبناتها
رحب بهم الجميع لكن اتسعت اعينهم صدمة عندما رأوا نهي الدالي خالتهم وزوجة عمهم الهاربة
فأسرعت اليها جيسي بلهفة:ماما انتي كويسه حصلك حاجة
وتبعتها يارا سريعا:ايه جابك القصر
فأتسعت اعين الجميع صدمة مما يحدث
فأسرعت الفت قائلة بمكر:انا صعب عليا ان عيال اختي يفضلوا مخدوعين كدة
صافي بغضب:قصدك ايه يا نهي وميين اللي مخدوعين هنا
نهي وهي تجلس ببرود:عيالك الاتنين
آدم بسخط:ومخدوعين ازاي بقي
تابعت نهي بمكر: هقولكم بس توعدوني متأذوش يارا وجيسي
كان يتابعها الجميع بقلق بينما ارتدي الحوت قناع البرود
آريان بحزم:جيسي ويارا دول بنات عمنا قبل ما يكونوا زوجاتنا فياريت يا نهي هانم تتكلمي علي طول
نهي بمكر:جيسي ويارا متفقين معايا قبل ما ينزلوا اسكندرية انهم هيخدعوكوا انهم بيحبوكوا عشان تتجوزوا ويضمنوا الورث لانهم خايفين لو انتوا رفضتوا تتجوزوهم جدهم يحرمهم من الورث
صرخت يارا بغضب:كدابة والله العظيم كدابة
نهي بخبث:تنكروا انكم قابلتوني قبل الفرح بيومين
جيسي بدفاع:لأ مننكرش بس
وقف آريان بصدمة وهتف:اناا اتخدعت فيكي ولأول مرة الهولاكو يتخدع في حد خدعتيني انك بتحبيني

جيسي ببكاء:ص صدقني يا آريان والله ما حصل انا بحبك
آريان بصوت جهوري وقلب مكسور:اخرسي بقي اخرسي متجبيش سيرة الحب علي لسانك فاهمة
جيسي بأنهيار:والله العظيم ما حصل
صفعه هوت علي وجنتيها من يد معشوقها وهو يهتف بقسوة:انتي طالق يا جاسمين انتي طالق
سقطت فاقدة الوعي ليس من صفعته بلي من قسوة كلامته التي ادت الي كسر قلبها
اسرع فهد وحملها للأعلي وهاتف الطبيب ،نظر لها ببرود وكاد ان يخرج من القصر لكن صوت مراد اوقفه وهو يهتف بأسمه فالتفت له بوجع لكن ما جعل عيناه تتسع صدمة عندما هوت صفعه من يد مراد علي وجهه وهو يهتف بقوة وقسوة: انت هتطلع بررة القصر ورجلك لو عتبت القصر هقتلك وهي لو سامحتك وعايزة ترجعلك هعقلها حتي لو وصلت اني امد ايدي عليها واحبسها ثم اكمل بغضب يلا برررة برررة
صدحت ضحكة وجع من آدم بعد خروج آريان وهتف بوجع:قولتلك انتي الوحيدة اللي تقدر تكسرني واديكي اهو كسرتيني يا قلب التعلب
ابتعدت يارا من احضان جومانه سريعا وركضت اليه وامسكت بوجهه وهي تهتف بدموع:والله يا عمري ما حصل والله ما حصل انا روحت قبل الفرح وكنت هرجع اقولك بس خوفت ...خوفت تبعد عني
قاطعها آدم وهو يأخذها بأحضانه مما جعل اعين الجميع تتسع صدمة لكنه هتف: عارفه انا مش هطلقك زي ما آريان عمل لأ انا هسيبك علي زمتي عشان اعرف اكسرك زي ما كسرتيني يا قلب التعلب
هتف يوسف الدالي بحزم وهو يجذب يارا من احضانه: بس انا هاخد بناتي وهرجع اسكندرية تاني وانا غلطان من الاول كنت مفكر انكم بتحبوا بناتي وتقدروا تحموهم لكن انتوا حتي مقدرتوش تحموهم من نفسكم ولا بتثقوا فيهم
نظر له آدم ببرود بينما هتف الحوت بمكر:عمي بناتك لسه متجوزين متطلقوش فعشان كدة انا هتولي طلاقهم بنفسي حتي جيسي آريان يقدر يردها في اي وقت
قاطعته يارا بصراخ:بس انا مش هسيبه حتي لو مش بيثق فيا
مراد ببرود:انتي اكيد سمعتي انا قولت ايه
يارا :بس
مراد بغضب:ياراا
جذبتها ميرا بتوتر للأعلي:يلا يا يارا نطلع احنا لجيسي
فصعدا بالأعلي بينما هتف آدم بغضب:مش هطلقها يا مراد
مراد بحزم: انا قولت كلمتي ومش هكررها

#رواية عشقي الأول والأخير
#من سلسلة العاشق المتملك
#بقلمي منة الله نصر