Christine Acosta
Pagkatapos ng ilang araw na paghahanda, patungo na kami ngayon sa Hillsmile upang makipag cooperate sa ilang staff ng hotel at upang maging pamilyar na rin ang team sa buong lugar.
Sinalubong kami ng ilang empleyado na kasama ni Jane Cortes. Alam kong hindi sang ayon si Jane sa desisyon ni Leandro na makatrabaho ang Everyday Magazine subalit wala na siyang magagawa.
Siguradong iniisip niya lamang ang kapakanan ng Hillsmile dahil maaring maapektuhan ito sa pakikipag ugnayan sa aming kumpanya na siyang laman ng Social Media ngayon, ngunit sana ay pagkatiwalaan niya ang buong team katulad ng tiwala na binigay ni Leandro.
Sinimulan nila kaming I-tour sa buong hotel at talagang nakakamangha ito sa sobrang ganda .
Hindi ko na mabilang kung ilang kwarto ang pinasukan namin, sa first floor naka locate yung Casino at Gym na napakalawak.
Mabuti at wala pang katao-tao roon dahil maaga pa, pero sigurado akong dudumugin ito ng mga bigating tao mamayang gabi.
May Swimming pool din pala sa 4th floor, gusto kong maranasan na tumampisaw roon kaso parang nakakahiya na ilubog kahit yung daliri sa sobrang linis nito, absolute yata yung tubig na sa pool eh.
Sa pinakataas naman matatagpuan yung office ni Leandro subalit off-limits na doon unless may permission galing sakanya o kay Jane na pumasok.
Nagtungo kami sa buffet area upang mananghalian, nagpa-cater pa pala si Leandro pang welcome daw sa team namin.
It’s good to know na hindi siya nagbago, siya parin pala yung mabuting tao na kilala ko from 8 years ago.
Habang nilalantakan namin yung mga masasarap na pagkain, dumating si Leandro na mukhang galing sa meeting.
Nagsitayuan ang mga kasamahan ko upang magbigay galang sakanya kaya ganun din ako.
Kumuha siya ng pagkain niya at hindi ko inaasahan na tatabi siya saakin, kinabahan ako bigla sa presensya niya pero handa naman ako sa ganitong scenario kaya naman I just acted natural.
“So how did you find my Hotel?” Tanong niya.
I don’t want to be rude kaya tumingin ako sakanya kahit sa pagkain siya nakafocus. “Your Hotel is very nice Mr. Lim, everything amazes me magmula sa mga disenyo, sa amenities and all”
Umangat ang gilid ng kanyang labi.
”Do you finally regret leaving me 8 years ago?”
Ewan ko ba pero nainsulto ako sa sinabi niya.
“Excuse me?” Taas kilay ko siyang pinagmasdan.
“Hey, no need to be serious. I’m just joking” Tumawa siya ng malakas na maslalong ikinainis ko.
“Jokes are supposed to be funny Mr. Lim” Seryosong saad ko.
Para na siyang baliw sa paningin ko dahil tawang-tawa siya pero wala namang nakakatawa.
” Oh sorry I thought it was funny to you.”
Hindi ko na siya pinansin kahit salita siya ng salita dahil tungkol lang naman sa mga achievements niya ang lumalabas sa bibig niya. Pero kung sabagay mas okay na magmayabang siya kaysa inuungkat niya yung nakaraan.
Bandang 2pm na at kailangan pa naming bumalik sa office para magreport kaya nagpaalam na kami sa mga staff ng hotel.
Kanina pa sunod ng sunod si Leandro kahit hindi naman siya kailangan sa tour pero pinabayaan ko nalang siya.
“By the way Mr. Lim, gusto ko lang i-inform na bukas naka schedule yung interview namin sayo. Mas Mabuti kasi na unahin muna naming kilalalin yung may ari bago ang mga pag mamay-ari niya” Nakangiti na saad ko.
Ako pa man din ang incharge person sa preraration ng interview kaya gusto ko handa rin siya.
“Kilala mo naman na ako diba, why don’t you just tell them about me? .........Or about us?”
I’m trying my very best to be professional here pero sinasagad niya ako. Gusto ko na siyang sabunutan but then I choose to be calm.
“Just please prepare yourself for tomorrow’s interview. Aalis na kami”
Tumalikod ako at hahakbang na sana upang umalis subalit nakalimutan kong banggitin yung last week ko pa gustong sabihin ng personal sa kanya.
“By the way, thank you for helping our company Leandro. I appreciate it”
Nakita ko na muling umangat ang gilid ng kanyang labi.
“Do you really think that I did this to help your company?”
Naglakad siya papalapit sa kinaroroonan ko habang umiiling.
“I just love the feeling nung nagmaka-awa ka saakin kaya pumayag ako. I pity you that’s why”
Bago paman ako makapag salita, iniwan niya ako doon na hindi makapaniwala sa salitang binitawan niya.
WHAT A JERK!
Binabawi ko na yung sinabi ko na mabait siyang tao!
Natauhan lamang ako ng biglang nag ring yung phone ko.
“Hello!”
“chill, why are you so angry”
Tinignan ko yung pangalan ng caller at halos mabitawan ko yung phone ko dahil sa excitement.
“James nasa Pilipinas ka na?! Nabili mo ba yung pabango na sinasabi ko sayo?! Oh my nasaan ka?!”
Sunod-sunod na saad ko.
“So mas excited ka sa pasalubong kaysa ang makita ako?”
“Syempre mas excited akong Makita ka! Kita tayo sa dati ah, isasama ko si Khrystal”
“Diba hanggang 6pm pa ang work mo?”
“Anu kaba mas importante ka kaya mag o-out ako ng maaga hehe, sige see you later! Muah! I love you James!”
Halos liparin ko na yung kinaroroonan ng service Van ng team dahil sa excitement, tyaka namiss ko talaga ng sobra si James.
Bestfriend ko siya since grade school at nakakaproud sabihin na may kaibigan akong writer na kilala Internationally.
I love him na parang tunay na kapatid at alam ko na ganon din siya, kaya nga walang makakatalo sa closeness namin eh.
Leandro Sanches
“I just love the feeling nung nagmaka-awa ka saakin kaya pumayag ako. I pity you that’s why”
Kita ko na galit na ang expression ng mukha ni Christine kaya naglakad ako papalayo bago paman niya ako mabawian.
I don’t mean to be harsh pero lumabas nalang ng kusa sa bibig ko, ayos na rin siguro iyon para manatiling malayo ang loob namin sa isat-isa.
Hindi ko mapigilan ang sarili ko na lumingon sa kinaroroonan niya pero hindi ko inaasahan na mabilis magbabago ang mood niya.
kanina lang galit siya tapos ngayon sobrang saya niya. May mood disorder ba ang babaeng ito?
Pasimple akong lumapit ng kaunti para marinig ko kung ano ang pinag uusapan nila ng nasa kabilang linya.
“Anu kaba mas importante ka kaya mag o-out ako ng maaga hehe, sige see you later! Muah! I love you James!”
James?! Is that the same jerk from 8 years ago?
Naikuyom ko ang aking kamao dahil bumalik sa ala-ala ko yung huling araw na nakita ko si Christine .
And he was on the arms of that F**king man.