KIEL'S POV
Bakit ba napaka-malas ko sa pag-ibig? Una, iniwan ako sa ere. Ngayon naman tali na yung babaeng mahal ko. Shitness lang ha. Buti nalang mahal na mahal ko talaga 'tong si Ayumi.
Makapaglakad lakad nga muna tutal Vacant Period naman namin. May emergency meeting lahat ng staff ngayon. "Girls, Narinig niyo na ba yung balita?" Tss, chismis nanaman.
"Hell Yeah! Mag-aaral daw sa school natin ang isang sikat na Broadway actress."
Broadway Actress? Naalala ko tuloy Siya. Pangarap niya ang maging isang sikat na actress noon at dahil sa pangarap niya na yun, nagawa niya akong iwanan. Ang bait sa akin ng tadhana noh?
"Kiel!" Napangiti ako ng marinig ko ang boses niya. Agad ko siya nilapitan at binigyan ng smack sa lips. Wala namang tao kaya okay lang. "Baliw ka! Baka may makakita." Sabay hampas sa braso ko.
"Na-miss kita" Sabi ko habang nakatitig ng mabuti sa kanyang napakagandang mata.
"Na-miss din kita" Pinisil niya yung cheeks ko. "Alam mo ba, umuwi na ng Pilipinas yung kapatid ni Yanna."
"May Kapatid si Yanna?" Ngayon ko lang nalaman yun ah.
"Yep, Fraternal Twin Sister. Kaso War silang dalawa." -Ayumi
"Ah, Kaya siguro hindi nababanggit ni Yanna sakin." Sabi ko.
"Mmm, Sige Kiel, Una na muna ako. Baka malaman nung mahal na prinsipe ng kadiliman kung nasaan ako. I Love you." -Ayumi
Binigyan niya ako ng isang halik sa pisngi bago siya umalis.
Naglakad ako patungo sa Field. Dati Rati, malaya kong nakakasama si Ayumi sa school kasi magulang lang naman niya ang hindi nakakaalam tungkol sa amin pero ngayon, pati asawa niya tinataguan namin.
Nagulat ako nang biglang tumugtog yung kantang kinasusuklaman ko. Tungkol ito sa isang lalaking nainlove sa bestfriend niya. Nyeta.
Now Playing: Best Friend - Jason Chen // Click the Video --->
*FLASHBACK*
"Kiel! Kiel! Kiel! Uwaah! Pumasa ako sa audition!" Sigaw niya habang tumatalon talon.
Napangiti ako. "Talaga?! Congrats Best! Sabi sayo 'eh, walang makakatanggi sa ganda mo."
"Aigoo, Nambola pa! Tara na at mag-celebrate, Ikaw ang gusto kong makasama ko sa espesyal na araw na ito. Dali best!"
*END OF FLASHBACK*
"But I don't wanna ruin what we have, Love is so unpredictable." Bigla akong bumalik sa realidad. Yang boses na yan. Lumingon ako at nakita ko ang isang babae na nakapikit habang kumakanta.
Ang Ganda niya... parin.
Bigla niyang minulat ang mga mata niya at napatingin sa akin. Nagkatinginan lang kami, wala ni-isa sa amin ang kumibo. "Cy..." Bulong ko.
"Kiel." Dalawang Taon na ang lumipas ng huli ko siyang nakita. Ngumiti siya. "Kamusta ka na?"
Kamusta? Kamusta na nga ba ako? "Ano ba ang karapatan mo na itanong sa akin yan? Kamusta na ako? Tsch." Lalakad na sana ako palayo pero hinawakan niya ako sa braso ko.
"Can't we atleast talk?" Wag kang titingin sa Mata niya Kiel. Alam mo namang hindi ka makakatanggi kapag napatingin ka.
"Wala na tayo dapat pag-usapan pa. Tapos na ang lahat ng kinailangang mangyari." Inalis ko yung pagkakahawak niya sa braso ko at tuluyan ng naglakad papalayo.
Bakit pa siya bumalik? Bakit pa siya nagpakita pa sakin? Bakla na Kung Bakla pero bumabalik yung sakit eh. Tangina, Minahal ko ng sobra yang babaeng yan tapos ano? Nyeta talaga.
Lumabas na ako ng School, kailangan kong magpahangin at magpakalma. "Oh Kiel, nasawi ka nanaman ba sa pag-ibig at nagbalik ka dito?" Tanong sa akin ng Pinsan kong may-ari ng bar.
"Gago, wala ako sa mood. Penge ng beer." Sabi ko.
"Pare, bawal minor dito." Paalala niya.
"Bibigyan mo ba ako o maghahanap ako ng ibang bar?" Tanong ko.
"Aish, Tarantadong 'to, namblackmail pa. Eto na." Susunod din naman pala eh.
Kailangan kong makalimot.
***
CHIRO'S POV
Buong Gabi akong hindi pinansin ni Ayumi. Biruin mo naman, sa Sofa ako natulog dahil ni-lock niya yung pinto. Maiisahan ko na sana siya sa spare key kaso nakuha na pala niya.
Tapos na kaming kumain at nakasandal siya sa poste. Hinihintay niyang ilabas ko mula sa garahe yung kotse. Tss, hindi ako papansinin pero driver parin ako? *Smirk* Tignan nalang natin kung hindi mo ako pansinin nito.
Dinrive ko na palabas yung kotse at bubuksan na sana ni Ayumi yung pintuan ng kotse nang bigla kong pinaandar. "HOOOOOY CHIROO!" Sigaw niya habang hinahabol yung kotse.
Tinigil ko at tinawanan ko siya. "Oh ano? Hindi mo pa ako papansinin?" Pang-asar na tanong ko.
"Ang sama sama mo talaga!" Hinampas niya ako ng bag niya.
"Aray ko naman! Sakay na bago pa magbago ang isip ko." Sinuot ko yung shades ko dahil naka-open air mode kami. Yung Vauxhall Cascada kasi ang dala dala ko ngayon.
Pinark ko na yung sasakyan sa Parking Lot ng School. "Una na ako." Bumaba na ng kotse si Ayumi at pumasok sa loob ng school. Ako naman, sinara ko muna yung bubong ng kotse at baka maarawan. Ayokong sumasakay sa mainit na kotse.
Bababa na sana ako ng kotse ng nakita kong naiwan ni Ayumi yung iPhone niya. Tsk, napakaburara talaga. Kinuha ko yun at naglakad ako papunta sa classroom ni Ayumi. "Yanna, Si Ayumi?"
"Ewan ko, hindi pa naman siya pumapasok ng classroom." -Yanna
Nasaan na yun? Ah baka nasa library. Habang naglalakad ako papuntang library, nakita ko si Ayumi na nakatayo sa may gilid. Napangiti ako pero pinalitan ko agad ito ng isang ngisi. Baka sabihin niya masaya akong makita siya kahit na totoo naman.
Nang mapalapit ako, natigilan ako kasi hindi siya mag-isa. Kasama niya si Kiel.
Biglang may parang kutsilyo na tumusok sa puso ko. Ganito pala ang pakiramdam na makita ang mahal mo na may mahal na iba...
***
Ang Bad bad kong Author. :(( POV ng Dalawang Bidang Lalaki at pareho ko silang sinaktan. XD