وكل واحد من الاربعه بدأ ياخد سكه مختلفه وبعد
اللي حصل بحوالي اسبوعين.... فارد جسمو علي
السرير مهدود وتعبان رافض الاكل والكلام بيحاول
يقوم لكن كان بيدمر جسمو شويه شويه وسلك
طريق الدمار الجسدي بس مش باختيارو ده
غصب........
وفي مكان تاني واقفه في الحمام قدام المرايا
شفايفها بيضه وبتاخد نفسها بالعافيه وأيديها
الاتنين مقطعين والحوض كلو دم والموس في
الحوض كانت كارهه تبص لنفسها لمجرد انها عارفه
ان في واحده تانيه احسن منها علشان كده هو
محبهاش بقا كان طاريقها الكاتنج ........
وفي مكان تاني ازايز بيره وسجاير وحشيش في كل
حته والدخان مالي الاوضه قاعد علي السرير وماسك
سجاره في ايدو وشفايفو زرقه وده طريقو كان
الادمان.......
واخر حد فيهم واقفه بتلم هدومها وحاجتها شكلها
مهدود وعيونها جفو من العياط وبتركب العربيه
علشان تسافر علي القاهره لكن مكنتش تعرف انها
رايحه في سكه الموت.
وفي نص الطريق عربيه نقل خبطت فيهم وعبدالله
وهو بيحاول يقوم وقع ونقلوه علي المستشفي ومن
كتر الهباب اللي كان ادم عمال يبلبعو طب علي
الارض لا حس ولا خبر ونقلوه في حاله طوارئ
للمستشفي وبعد ما كسرو الباب لقو ضحا سايحه
في دمها وطلبو الاسعاف بسرعه الاربعه اتكتبلهم عمر
جديد وبعد شهر رجعو لبيوتهم وكانو بيحاولو يرجعو
لحياتهم فقرر اهلهم غصب عنهم انهم يقعدو وظبطو
كل المواضيع اللي بينهم وفعلا في تاني اسبوع في
شهر ١١ اتجمعو الاربعه وبدأو يعترفو بكل حاجه.....
عبدالله: انا السبب في كل ده انا اللي خبيت الحقيقه
وفكرت اني هقدر اصلح كل حاجه.
ادم: انا غلطت وخنت صاحبي اللي امني علي سرو
وبقيت في نظر نفسي خاين.
كنزي: انا معنديش أي حاجه اقولها كل الموضوع اني
اخترت غلط بس خلاص كل حاجه انتهت.
ادم: وانتي يا ضحا معندكيش حاجه تقوليها.
ضحا: ها لاء.
وكانو بيحاولو يرجعو لحياتهم تاني وفي نص شهر ١١
عبدالله وادم رجعو صحاب زي الاول وصحتهم
اتحسنت كتير والبنات رجعو اصحاب تاني لكن ادم
مبقاش يحب كنزي لكن عبدالله علي عكسو وضحا
لسه بتحب ادم لكن الاميره مبقتش بتحب غير
نفسها..... وفي يوم....
حمزه: سرحان في ايه.
عبدالله: ولا حاجه يا حمزه.
حمزه: هو أيه اللي حصل بينكم لكل ده.
عبدالله: مفيش.
حمزه: انا قولت اساعدك بس.
وحكالو الموضوع كلو يمكن يلاقيلو حل.
عبدالله: ها لقيت حل.
حمزه: اه شبشب.
عبدالله: ايه.
حمزه: ايوه شبشب علي دماغك.
عبدالله: ليه.
حمزه: في حد يعمل كده مدام مبتحبهاش خلاص
سيبها وانا شايف ان كل كلمه هي قالتها صح.
عبدالله: بس انا بحبها.
حمزه: بص مفيش قدامك غير حل واحد.
عبدالله: ايه.
حمزه: بكره تروح وتقولها علي كل حاجه وادعي ان
يكون بس في قلبها ولو واحد في الميه حب لانها لو
مبقتش تحبك هيبقا صعب تخليها تحبك تاني.
عبدالله: ماشي هحاول بكره حظي مع المغروره دي
يمكن ترضي تكلمني.
حمزه: اخخ.... منك هي اللي مغروره امشي ياض بدل
ما اساوي وشك بالاسفلت.
عبدالله: خلاص يا عم.
♕♕♕♕♕
تاني يوم الصبح في المدرسه.
عبدالله: اهلا.. اممم..... اممم.... كنت عايزك في حاجه
كده.
كنزي: في حاجه.
عبدالله: لاء هو بس في موضوع كنت عايز اكلمك
فيه.
كنزي: تمم ممكن في ال Break.
(الثقافه قلبت انجليزي 😂)
وفعلا كلهم نزلو.
عبدالله: ممكن نتكلم بقا.
كنزي: ماشي ننزل طيب.
عبدالله: لاء يعني هي دقيقه بس وبعيدين عايزه
تنزلي براحتك.
كنزي: تمام.
عبدالله: انا عايز اعرف انا بقيت بالنسبه ليكي ايه بعد
كل اللي حصل.
كنزي: اللي فات مات.
عبدالله: لاء مستحيل يموت مفيش حاجه ماتت كل
حاجه زي الاول وممكن مع بعض نحسن كل حاجه.
كنزي بسخريه: نحسن نحسن ايه.
عبدالله: كل حاجه ونرجع زي الاول.
كنزي: ليه هو كان في ايه الاول.
عبدالله: انتي عارفه كان في ايه.
كنزي: ده انت حتي عمرك ماقولتلي انك..... خلاص
مبقاش يفرق.
عبدالله: لاء يفرق وعايز اعرف احساسك دلوقتي ايه
تجاهي.
كنزي: ولا حاجه.
عبدالله: يعني.
كنزي: يعني انا مبقتش بحس باي حاجه تجاهك.
وسابتو ومشيت.
♕♕♕♕♕
وبعدها جه منشور لكل الطلاب اللي عندهم موهبه
الصوت وطبعا محدش كان مقرر يدخل في الاول
لانهم عارفين ان عبدالله هو اللي بيفوز كل سنه
بس ادم قرر يقدم والحفله كانت هتقام بعد ١٠ ايام.
♕♕♕♕♕♕
وبعد ٣ ايام عمال يتقلب في السرير ومش جايلو نوم
والساعه ١ بعد نص الليل قام شرب مياه وعمال يفكر
فيها فجه علي بالو يطلع علي السطح.
(وياه سبحان الله طلعت فوق ياديني علي الصدفه
تصدقو القدر ده لو عند واحد بس فينا ده احنا كنا
منزلناش من علي السطح 😂)
احم احم..... نرجع لموضوعنا يجماعه وبلاش شتيمه
في القدر بتاعنا ابن ال**** يمكن يطلعو القدر
بتاعنا قريبو .
♕♕♕♕♕♕
نكمل.
اول ماطلع قامت وكانت هتنزل.
عبدالله: ممكن اطلب منك طلب.
كنزي: امم.....
عبدالله: ممكن ننسي كل خلافاتنا لنص ساعه بس.
كنزي: وبعدين.
عبدالله: نتكلم شويه وكأننا لسه اصحاب.
كنزي: اسفه انا عايزه انام.
عبدالله: لو اعتبرتينا صحاب ولو لدقيقه وافقي
انهارده بس ممكن .
كنزي: ماشي بس ده مش هيغير حاجه.
عبدالله: تمام.
فقعدت علي سجاده علي الارض.
(امال السجاده هتكون علي السما ده ايه ام
التخاريف اللي انا بكتبها دي نهدا ونرجع لموضوعنا)
ففرد جسمو جنبها وهي مستغربه ففضلت قاعده
تبصلو.
عبدالله: مش قولنا هننسي كل حاجه لنص ساعه
بس.
كنزي: ماشي.
عبدالله: تمم..... فراح مسك أيديها وحطها علي شعرو.
كنزي: انت في حاجه في عقلك.
عبدالله: اه.........
فاحمر وشهاو.......
♕♕♕♕♕♕
لا تنسو تعملو تصويت وتسيبولي تعليق برأيكم على
الفصل.
#بقلم الملكة❤