ازيكم ♥💖...يارب تكونوا بخير ...الفصل الجديد💃💃 ...لما لقيتكم وصلتوا الفصل اللى فات ال فوتز المطلوبه فى خلال يوم قولت افاجأكم وانزل الفصل النهارده 💖...يلا بينا نبدأ الفصل 🏃
ساعه 10 صباحا .. فى الباص المتجه اللقريه ... جلس الجميع على الكرسى الخاص به
اما ندى فكانت تتفقد المنازل للمره الاخيره بعدما وضعت الديكورات فيهم وقامت بتنظيمها بقدر الامكان ...اخرجت هاتفها لتسأله عن مكانهم
-وصلتم فين ؟
=معرفش المكان بس احنا بقالنا ساعتين تقريبا متحركين
-طيب كويس قربتوا ...توصلوا بالسلامه ان شاء الله
= الله يسلمك ...فى طلب عايز اطلبه منك وياريت ماتفهميش قصدى غلط
-متقلقيش اكيد هفهمك صح
=ممكن بلاش نتكلم قدامهم ونبين اننا عرف بعض ؟عشان محدش فيهم يفهم الوضع غلط وكمان انا مش حمل اشاعات حاليا ممكن ؟
-(قالت بحزن ) حاضر
=زعلتى ؟
-لا مزعلتش ولا حاجه انا مقدره دة
=شكرا
(انهت معه المحادثه ونظرت امامها بحزن )
____________________________
نظر زين ل زينه النائمه على كتفه ربط على شعرها بحنان وقال بهمس محاولا ايقاظها
-زينة ...زينة قومى يلا قربنا نوصل
=(قالت بصوت ناعس ) طيب لما نوصل ابقى صحينى سينى انام شويه كمان
-(قال بأبتسامه على شكلها ) انتِ نايمه من اول ما ركبنا الباص ...ايه مانمتيش فى البيت ولا ايه ؟
=(هزت رأسها نفيا وهى مازال نائمه على كتفه )نمت ساعه واحدة بس ...عشان كان فى واحد كدة اسمه زين قعدت اتكلم معاه لحد الساعه 3 الفجر
-(قال بتمثيل )ايه دة ايه الشخص الرغاى دة وانتِ ازاى تخليه يكلمك كل الوقت دة ؟
=اعمل ايه بقى بحبه فلازم استحمله
-(قال بأبتسامه) هو كمان بيحبك ..هو قالى كدة بس هو قالك كذا مره اقفلى وانتِ اللى مكنتيش عايزة تقفلى وفضلتى تتكلمى طوال الوقت
=ماهو انا مكنتش جايلى نوم بصراحه فقوت اتسلى معاك ....وبعد ما قفلت معاك اكتشفت انى ماجهزتش الشنطة بتاعتى فجهزتها وخلصت على الساعه 5 صليت ونمت ساعه واحدة بس
-(ربط على شعرها ) خلاص اول ما نوصل ارتاحى
=ياريت ينفع عندنا شغل اول مانوصل هنبدأ تصوير الاعلان ولازم اكون موجودة معاكم
-ااه صحيح تصدقنى نسيت ....ان شاء الله هنخلص بسرعه ولو اتأخرنا ابقى اسحبى منوراهم وانا هغطى عليكى
=اوكى
(توقف الباص ليعلموا بانهم وصلوا اخيرا ..نهض الجميع من اماكنهم )
زين :يلا ننزل
(نهضت من مكانها بكسل وهبطوا من الباص ليروا اجمل منظر وقعت عيناهم عليه )
زينة وهى تأخذ نفس طويل :الله المكان جميل قوى
هيثم : والله اللى سماها hevean مكذبش المكان خيالى احسن من الصور بمراحل
أيان بأبتسامه رضة :معك حق المكان يجنن
داليا فخر :مش قولتلكم انها هتعجبكم ...يلا بينا الناس زمانهم مستبينا
(رأوا من بعيد رجل كبير وبجواره فتاه فى مقتبل عمرها "ندى " وفتاه اخرى فى منتصف عقدها الثانى تقدموا باتجاههم وعلى وجههم ابتسامه ويوجد مجموعه من سكان القريه تجمعوا حولهم )
والد ندى : حمدا على السلامه
الجميع : الله يسلمك
-انا ناصر صاحب البيوت و الدكتورة ندى بنتى ...ودى ولاء اختى (لم تكن ندى تنظر لاحد سواه ...كانت تنظر له وتبتسم ليخرجها من سرحانها )
داليا ل ندى : مش انتِ ندى ناصر ؟ المصورة اللى عملت معاها الانترفيو وهتشتغلى معانا فى البرنامج ؟
ندى :ايوا انا
داليا : انا قولت كدة برضو ...مع ان شكلك لسه صغيره بس تصوريك عجبنا واتمنى اننا نطلع شغل كويس مع بعض
-ان شاء الله ي فندم ...اتفضلوا نوصلكم للبيوت وبعدين هنروح للمكان اللى هنصور فيه الاعلان
أيان بأبتسامه : تمام ...يلا بينا
تقدم منهم شاب من شباب القريه ل زين وباقى الاعضاء: ممكن نتصور معاكم ؟
سيف بأحترام : بص هو مينفعش حاليا يتصوروا دلوقتى ل الصور تتسرب ولا حاجه والمعجبين يعرفوا مكانهم ويجيوا هنا ويعملولنا مشكله بس وعد ان شاء الله فى اخر يوم تتصوروا كلكم معاهم تمام ؟
الشاب :تمام
سيف : وانت ياريت ماتقولش لحد انهم هنا
الشاب :تمام
(تركوا خلف ندى ووالدهاا لاحظت زينه صمت فرح على غير العادة فتقدمت ناحيتها )
زينه وهى تمشى بجوارها :مالك؟
فرح بأستغراب : انا ؟
-(قالت وهى تنظر حلوها )فى حد ماشى جنبنا ؟ ايوا انتِ شكلك متضايقه من حاجه
=(قالت بهدوء )شويه مشاكل بس هى اللى مغيرالى مودى
-وحليتى المشكله ولا لسه ؟
=للاسف لسه مكنتش عندى وقت انى احلها ف قولت استنى لما نرجع ابقى اشوف هعمل فيها ايه
-خديها نصيحه منى حاولى انك تتناسى المشكله دى واستمتعى بالجو والمنظر الجميل اللى حولينا دة واطلعيها من دماغك لان تفكيرك فيها مش هيحلها لا دا هيعقدها اكتر (ثم اكملت مازحه ) وبعدين دا انتِ خطوبتك كانت امبارح ومراد اول مره يشوفك وانتوا مخطوبين يتفع يشوفك كدة ؟ هو انتِ كدة قمر وكدة قمر ...بس لازم تضحكى فى وحشه الواد هيطفش مننا
فرح بأبتسامه :ههههه والله ضكتينى
-ايوا كدة اضحكى وسلمى امرك لله كل حاجه هتتحل ان شاء الله
=ان شاء الله ....انتِ طلعتى طيبه قوى وقلبك ابيض وانا اللى كنت ظلماكى
-(قالت بفخر مصطنع)عادى انا متعودة انى تفهمنى غلط ...بالك انتِ لو اتفهمت صح من اول مره اتحرق
=ههههههههه
زين تقدم ناحيتهم بعدما سمع ضحكاتهم وضع يده على كتف زينه وقال : بتضكوا على ايه ضحكونا معاكم
زينه بغلاسه :لا مش عايزين حد يضحك معانا بنعرف نضحك لوحدنا
زين وهو يقلدها : بنعرف نضحك لوحدنا ؟
زينة :نينينيى
-ليسانك دة عايز قصه علفكره
=(قالت بدلع مصطنع )واهون عليك
-ماتحاوليش تتدلعى تانى ي زينه لاحسن شكلك وحش قوى
=(نفضت يده من على كتفها وقالت بزعل مصطنع )طيب اوعى بقى
-ههههههههه بحب طفله
(وصولوا للمنازل ليجذبهم حديث داليا ليلتفت الجميع لها )
داليا :كدة احنا هنقسم نفسنا على الست بيوت
البيت الاول (هيثم وأيان )
الثانى (زين وسيف)
التالت (انا وفرح )
الرابع (مراد وعمرو بما انهم صحاب "مهندس الصوت ")
البيت الخامس هيبقى فيه الحرس بتوع زين واتنين كمان من الستاف
والبيت السادس اللى هو اكبر بيت بس بعيد شويه عن هنا ودة اللى هيبقى فيه بنات الستاف هو مكون من 6 غرف هيوزعوا نفسهم عليهم وبما انهم فيه مطبخ كبير برضو هيبقى تناول الوجبات هناك ...وباقى الشباب هيروحوا الفندق القريب مننا على بعد شارعين الباص هوصلكم لهناك
زين بحدة وهو يقف امامها : انتِ مش واخده بالك من حاجه ؟
داليا :حاجه ايه ؟
-زينة ؟
=مالها ؟
-(اقترب منها وقال بصوت منخفض ) ماتستهبليش ي داليا انتِ فاهمه قصدى كويس قوى ليه ماخلتيش زينة معاكى انتِ وفرح فى نفس البيت ؟
=عادى هى التقسيمه جت كدة مش هنزنق نفسنا عشان خاطرها ... وهى تبقى موجودة مع الستاف مش هيأكلوها يعنى
-بقولك ايه ياتخلى زينه معاكى انتِ وفرح ...ي اما انا هتصرف بطريقتى
=(قالت بتحدى )لا مش هخليها معانا البيت صغير ميكفيش غير اتنين بس اخليها فين ؟
-تمام ..انتِ اللى اختارتى دة (تقدم بأتجاه زينة وامسك بالحقيبه الخاصه بها )تعالى معايا
=على فين
-تعالى ورايا وخلاص ..يلا
داليا وهى تتجاهلهم :بعد ساعتين هنتجع كلنا هنا ....حطوا شنطكم وظبطوا أموركم وتيجوا مش عايزة تأخير(تحرك الجميع بأتجاه المنزل الذى سيقيم به لتكمل هى ) ....واستايلست يفضلوا عشان عايزاهم
زينة ل زين : لازم استنى اشوفها عايزة ايه
زين بغضب :هى قالت استايلست وانتِ مبقتيش ضمن الستايلست خلاص انتِ المساعدة بتاعتى وتورينى بقى هتمشى كلامها عليا ازاى
=ومين هيظبط اللبس والاستايلات بتاعتك ؟
-مالكيش دعوة انا هتصرف يلا (امسك بيدها ليحثها على التحرك )
داليا :زينة ؟ هو انا كلامى مش واضح ؟
(نظرت لها زينه وكانت على وشك الرد ولكن زين تحدث بدلا عنها )
زين : انتِ قولتى انك عايزة الستايلست ..وهى مش استايلست هى المساعده الشخصيه بتاعتى يعنى مالكيش كلام عليها (سحبها وتحركوا من امامهم وتوجه الى احد المنزل المخصص له هو وسيف ليترك داليا خلفه تستشيط غضبا منهم ..كان كل ذلك يحدث تحت انظار ندى التى كانت تحترق من الغيرة )
زينه وهى تلحق به :احنا رايحين فين ؟
زين وهو يدلف للمنزل ليجد كلا ما سيف هناك : ادخلى
زين : انت جايبنى هنا ليه ؟
-انتِ هتقعدى معانا هنا ...انا وسيف هنقعد فى اوضه وانتِ فى الاوضه التانيه
=لا طبعا مينفعش ....انا بنت وانتوا شباب ...مينفعش طبعا
-ماهوانا مش هخليكى بعيده عنى ويستغلوا انك لوحدك ويأذوكى ربنا سترها مره اللى فاتت اعلم المره الجايه ايه ممكن يحصل ....وانتِ عرفانى انا وسيف لايمكن حد فيا هيفكر انه .....
=(قالت مقاطعه اياه )انا عارفه دة كويس قوى وواثقه فيكم اكتر من نفسى كمان بس مينفعش افضل معاكم لوحدى الوضع حرام ومحرج وبيوتر كل شئ
-ماقدامانش حل تانى غير دة حاليا لحد ما نشوفلك مكان قريب مننا لكن انا مش هأمن عليكى تكونى بعيد عن عينيا
سيف : هو معاه حق ي زينه مش أمان اننا نسيبك لوحدك ....لحد ما نشوف حل للموضوع دة انا هكلم داليا تروحى تقعدى معاها هى وفرح او تلاقى مكان ليكى قريب مننا وهى اكيد مش هترفض دة
زين بسخريه :ااه طبعا اكيد من هترفض ..اومال
سيف :هو فى حاجه انا معرفهاش؟
زين :لا متخدش ف بالك
_________________________
فى المنزل عند فرح وداليا بعدما انهوا تجهيز الملابس الخاصه بالفرقه ووضعوها فى اماكنهم توجهوا لابدال ملابسهم
فرح : هو انتِ ليه ماخلتيش زينه معانا هنا المكان كان هيكفينا احنا التلاته
-(ببرود ) مجتش فى بالى وبعدين نخليها معانا ونزنق نفسنا ليه ماتخليها مع باقى الستاف ايه هيأكلوها ؟
=لا بس كان من الافضل تكون معانا عشان زين على الاقل
-هوانتِ عايزاها معانا ليه ؟دا انتِ مكنتيش بتطيقها
=انا فى الاول كنت شايلها منها ومش مطمنالها بس لما لقيت زين معجب بيها وهى البنت طيبه ومعملتش حاجه وحشه فينا مبقتش شايله منها ولا حاجه
-والله هى عرفت تعملك غسيل مخ انتِ كمان
=غسل مخ ؟
-سيبك ....انا مبحبش اكون موجودة فى مكان زحمة وهى هتتصرف ان شاء الله تقعد فى الشارع متهمنيش
(تركتها وتوجهت لابدال ملابسها )
____________________________
بعد ساعتين اجتمعوا فى مكان التصوير وبدا الجميع فى مباشره عملهم وبدأوا فى تصوير اعلان البرنامج (البرنامج عباره عن برنامج واقعى يصور يوميات و تحديات بين الفرقه والكواليس التى تحدثت معهم خلف الكاميرا ....سيتم تصوير خمس حلقات فى القريه وبعدها سيتم تصوير باقى الحلقات فى اماكن اخرى سيقوموا بتصوير حلقات البرنامج كاملا ثم يتم ننزيله على التلفاز ...بدأوا فى تصوير عده لقطات للاعلان بعدما انهوا من التصوير طلبت منهم ندى ان يروا اللقططات التى قامت بتسجيلها )
زين بأبتسامه وهو يرى طريقتها الفريده فى التصوير : جميل قوى....برافو عليكى
ندى بأبتسامه وهى تنظر ل بأمنان : شكرا
هيثم :لا بجد ي ندى طريقة تصويرك جميلة قوى ...شكلنا كدة هنشغلك معانا علطول
ندى : دا شرف ليا (ثم اكملت وهى تنظر ل زين بأبتسامه ) انا اكبر فان ليكم
(لاحظت زينه طريقه نظرات ندى ل زين اشتعلت الغيرة بداخلها فتوجهت ناحيتهم وقالت وهى تقف بجانب زين )
زينة: خلصتوا ؟
زين :اها فى حاجه؟
زينة بغيظ: الساعه 5 مش هتتغدوا ؟
أيان: ياريت انا ميت من الجوع
مراد : وانا كمان
زينة ل زين : وانت؟
زين : وانا كمان اه
زينة : طيب يلا اتفضلوا الطباخ بتاعكم جهز الاكل
ندى : طيب عن اذنكم انا بقى
زين :على فين ؟
ندى :هرجع بيتى ما احنا خلصنا خلاص
مراد :لا انتِ هتيجى تتغدى معانا
ندى بخجل : شكرا انا هرجع بيتى احسن
زين :دا عيب فى حقنا ..نتعببك فى الشغل ونخليكى تروحى تتغدى ف بيتك ...ياستى اعتبريها عيش وملح
مراد : يلا ي ندى بقى احنا ميتين حرفيا من الجوع
ندى :تمام طالما انتوا مُصرين
(تحركوا معا لمكان تناول الطعام ...وبعدها انضم لهم كلا من فرح و وداليا...اثناء تناولهم للطعام لاحظت زينة نظرات ندى المصوبه ناحية زين )
زينة بنفاذ صبر : فى حاجه ي ندى ؟
ندى وهى تنظر للطعام امامها : لا مفيش ....انا مقولتش حاجه
-(قالت بنرفزة بسيطه )اصل حساكى عايزة تقولى حاجه (ثم اكملت وهى تنظر ل زين) لحد معين مثلا
=لا مش عايزة اقول حاجه (نهضت من مكانها )شكرا على الاكل ..عن اذنكم
مراد:انتِ لحقتى ؟
ندى : الحمد لله اكلت
هيثم : متنسيش هنتجمع كلنا الساعه 8 فى المنطقه الفاضيه اللى بره ندردش ونقعد مع بعض ابقى تعالى
ندى : ان شاء الله هحاول اجى ..عن اذنكم
(تركتهم وغادرت المكان لتنهض زينه على مضض وتخرج من المكان ليلحق بها زين وجدها واقفه مربعه كلتا ذراعيها وتنظر ل ندى وهى تغادر )
-مالك ؟ ايه اللى مضايقك ؟
=(هتفت بعصبيه وهى تنظر له )اوعى تقنعنى انك مخدتش بالك من نظراتها ليك ..دى كانت بتبصلك طول الوقت
-ااخدت بالى بس محطتش الموضوع فى بالى عادى يعنى انا متعود على كدة من المعجبين
=لا مش عادى ي زين ..البنت بتبصلك بعشم قوى كأنها تعرفك شخصيا كأنك حبيبها مثلا
-(قال وهو يمسكها من كتفها ) مفيش الكلام دة انا مش حبيب حد غيرك ومابحبش غيرك (لم تجب عليه ليكمل )خلاص بقى فكى ي ساتر انت ايه لما بتقفلى محدش بيعرف يفكك
=اه لان عمرى ما شكيت فى حاجه وطلعت غلط ...البنت دى تصرفاتها غريبه وانا مش مرتاحه ل اللى بيحصل دة وحاسه ان فى حاجه غلط
-كل دة بسبب الغيره (ثم اكمل ممازحا ) ومن حقك انكِ تغيرى عليا انا كنز اى واحده تتمناه
=(قالت بأستنكار )لا ي راجل ؟ مش للدرجه دى يعنى
-للدرجه دى يعنى ...وشايفها فى عيونك اهو بس انتِ اللى بتحاولى تخبيها
=(صمتت لوهله ولكنها اقتربت من وامسكته من ياقه قميصه وقربته منها وقالت وهى تهمس فى اذنه )اه للدرجه دى وانتِ حبيبى انا واللى هتفكر تاخدى منى هأكلها بسنانى
...وانت لو فكرت انك تبص لوحدة غيرى هقعلعلك عينيك الحلوين دول ي حبيبى
(ظل واقفا وهو فى حاله ذهول تام من فعلتها الجريئه تلك وكلامها الذى اظهر مدى غيرتها عليه ولاول مره يظهر جانبهاا الشرس ذاك لطالما كانت هادئه ورزينه ولكنها الآن تتحدث بجديه كان ذلك واضحا من نبره صوتها )
(ابتعدت عنه وقالت ببرود وهى تطبع قبله ناعمه على خده) ياريت كلامى يكون واضح ...عن اذنك عندى شغل
(اعطته ظهرها وهى تبتسم بخبث وفرحه من فعلتها تلك على الرغم من ان قربها منه جعلها ترتبك ولكن نظرات ندى له جعلت الغيره تأكل قلبها لتفقد السيطرة على نفسها و افعالها ولكن ذهوله وارتباكه هو الاخر بسبب قربها منه اكدت لها مدى تاثير قربها منه عليه ففرحت بذلك )
(اما هو مازال فى حالته تلك ينظر لها وهى تغادر امامه غير مصدقا لمً حدث منذ قليل ...لم يفق من سرحان ألا على صوت هيثم )
-ايه ي بنى قومتوا لية ؟
=هاا؟
-هاا ايه قومت ليه مخلصتش اكلك ؟
=(قال بشرود )مش عارف
-مش عارف ايه (اكمل وهو يخبطه بخفه )مالك ي زين؟
=ايه بتضرب ليه
-انا ضربت انا بفوقك شكلك فى دنيا تانيه ...تعالى كمل اكلك
=(تحرك معه للداخل )اوكى
(دلفوا للداخل واكملوا طعامهم )
____________________________
سيف وبعض من الشباب كانوا يقوون بتجهيز الساحه التى سيجلسون فيها معا بداوا فى اشعال النيران لتدفه المكان لينضمن لهم زين وباقى الشباب ....تقدمت باتجاههم "ولاء " عمتة ندى ولكنها تبلغ من العمر 27 عاما ومعها مشاريب لهم تقدم منها سيف واخذ الصينيه منها
سيف : تعبناكى معانا
ولاء :مفيش تعب ولا حاجه انتوا ضيوفنا وندى موصيانى عليكم ...لو احتاجتوا حاجة قولولى
- اكيد شكرا
=(قالت بأبتسامه )العفو ...عن اذنك
-لو فاضيه ممكن تيجى تنضمى لينا هتتبسطى معانا
=(هتفت بخجل )حاسه انى هبقى تقيله عليكم ...انا معرفش حد خالص هنا
-لا هتبقى تقيله ولا حاجه ...بعدين ندى هتنضم لينا اه وبالمناسبه (قال وهو يمدلها يده ليصافحها ) انا سيف
=(صافحت يده ) وانا ولاء
-يبقى كدة انتِ تعرفينى وتعرفى ندى ولو جيتى مش هتحسى بأى غرابه بينا وفى زينة وفرح هتحبيهم قوى
=تمام ...هقول ل اخويا وهشوف هيقول ايه
-تمام
(تركته وعادت للمنزل ليتجه ناحيته كلا من سيف وهيثم )
هيثم:مشيت علفكره
سيف :بس ي رخم
زين وهو يغمز له : ايه غمزت ولا ايه ؟
سيف : وكأنى فاضى للهبل دة ..وسع كدة انت وهو ادى للناس العصير
هيم وهو يلحق به : وايه اللى يشغلك ؟
سيف :اللى يشغلنى حاجه لو انت عرفتها هتفقد احساسك بالحياة وهتحس انك مهرج ومجرد لعبه مش اكتر
زين بقلق :فى ايه ي سيف مالك ؟ ايه اللى مضايقك
-(اخذ نفس طويل وقال) مفيش ...روحوا كملوا اللى كنتوا بتعملوه
هيثم:لا فى طبعا بعد كلامك دة اكيد فى وفى حاجه كبيرة كمان
زين : واحنا مش هنسيبك ألا لما نعرف فى ايه
(كان سيف على وشك الرد عليهم ولكن داليا تقدمت منهم )
داليا : انتوا واقفين كدة ليه ...الكل مستنيكم عشان نبدأ
زين ل سيف : هنتكلم
(لم يجب عليه سيف ف تقدم الى حيث يوجد الشباب وهم لحقوا به ....وجدوا الشباب جالسين بجانب بعضهم على الارض على شكل دائره اخذ زين مكانه بجوار زينة وهيثم بجوارة ويليه سيف وبعده داليا )
داليا : هاا ي شباب هنعلب ايه وبلاش حد يقولى صراحه وجرأه عشان انا زهقت منها
ليلى : طيب نلعب ايه احنا منعرفش غيرها
داليا : ايه رأيكم فى عمرى ما عملت
هيثم : دى عباره عن ايه ؟
داليا :كل واحد فينا هيرفع صوابعه الخمسه ...و واحد فينا هيعترف بكام اعتراف بتبدأ ب انا عمرى مثلا "أنا عمرى فى حياتى ما هربت من المدرسة" ، واللى معملش كدة مش هينزل صباعه لكن اللى عمل وهرب من المدرسه مره ينزل صباعه لحد ما نشوف مين اول شخص هينزل الخمس صوابع وهيبقى هو الخسران ،وهنحكم عليه حكم
فرح : حلوة اللعبه يلا نبدأ
ندى و ولاء من خلفهم : احنا اتاخرنا ولا ايه ؟
داليا بأبتسامه :لا بالعكس حيتوا فى وقتكم ...تعالوا اقعدوا
(جلسوا بجانبها ...نظرت ولاء ل سيف وابتسمت له ف بادلها بابتسامه هادئه وكذلك الحال عند ندى )
هيثم : مين الى هيسأل
ليلى : خليها داليا بما ان الفكره فكرتها
داليا :اوكى معنديش مشكله ....عمرى فى حياتى ماخرجت من البيت بليل من وراء اهلى
هيثم :لا دى باين من اولها مين اللى هيسخر ...يالا ياولاد نزلوا صوابعكم متتكسفوش
(قاموا الشباب بأكملهم بأنزل اصبعه ومن البنات كانت ليلى وداليا )
سيف ل داليا : نعم ي اختى ؟امتى دة حصل
داليا : احنا بنسألش احنا بنجاوب وبس
سيف بعصبيه : ماشى ي داليا
داليا وهى تتاجهل نظراته :انا عمرى ما حبيت حد من الموجودين هنا
مراد وهو ينظر لفرح الجالسه بجواره :اول واحد
(انزل كلا من مراد ,فرح .زين ,زينه ,ندى ,داليا ,هيثم وكم شخص من الستاف اصابعهم )
داليا : عمرى ما كذبت على حد بتحبه
زين :ايه دة لا الحمد لله انا فى السليم
(انزل كلا من زينه وليلى اصابعهم ...نظر لها زين بذهول ولكنها تهربت من نظراته تلك )
داليا : عمرى ما خوضت تجربه حد علمها قبل كدة بدافع الفضول
(انزل كلا من ندى و مراد وزبنه اصبعهم )
داليا : عمرك حسيت بحد قوى وانت متعرفهوش ولا شوفته
(انزل كلا من ندى وداليا وزينة اصبعهم )
داليا ل زينه : زينة فاضلك اخر صباع خدى بالك ....عمرى ما روحت بار قبل كدة
(انزل بعض من شباب الستاف و لم ينزل احد اصبعه من الباقى )
داليا :ماشاء الله ولادنا وبناتنا محترمين ....عمرى ما روحت باريس
(انزل كلا من سيف ومراد وفرح وهيثم وايان وداليا وسيف اصبعه )
داليا : عمرى ما رسبت فى امتحان
(انزل كلا من زين ومراد اصبعه)
داليا : عمرى ما اخدت دور كان مفروض يكون لحد غيرى وانا اخدته منه
ليلى :ايه دة لا مش فاهمه قصدك
داليا : يعنى مثلا شغل كان جاى لصحبتك وانتِ خطفتيه منها ....خطفتى حبيب حد منها مثلا ...دخلتك نفسك بين اتنين كان مفروض ان فى بدايه مشاعر بينهم وخطفتى الشخص دة كدة يعنى
ليلى : ااااه فهمت
(انزل كلا من مراد وزينة اصبعهم )
زين بأستغراب ل زينه بهمس : ؟ انا اتضح انى معرفش عنك حاجه ؟
زينة بنبره حزينه نوعا ما : ما انت فعلا متعرفش عنى حاجه (نظرت ل داليا وقالت ) هاا ايه الحكم ؟
داليا :انا ماليش دعوة هما اللى هيقرروا الحكم انا سألت وبس
ليلى : احنا هنحاول نخليه حكم خفيف عليكى ...ايه رأيكم نخليها تغسل المواعين دة اسوء عقاب لاى بنت
(اجاب المعظم بالموافقه )
ندى وهى تنظر ل زين : ماتغني ي زين ....يعنى كلكم مع بعض ماينفعش نكون معاكم ومتغنوش دا لو مش هيضايقكم يعنى
مراد :لا طبعا مش هيضايقنا ولا حاجه ....ها يا شباب هنغنى ايه ؟
زين : "احب احساس كونى معك "...مناسبه مع الجو اللى احنا فيه دة
أيان : تمام ...يلا بينا
(بدأوا فى االغناء والجميع منصت لهم الى انت اتى دور زين فى الغناء نظر لها وهو يمسك بيدها الموضوعه بجانبه ليخبرها بأن هذه الكلمات مهداه لها ... وكان من ضمن كلمات الاغنيه )
-حتى حلمى الذى لم اجد له اجابه الى الآن يمكننى مشاركته معك حتى نكون رابطه من العطف ,ليكون ايقاعنا متوافق ,ذلك الايقاع لم يكن سوى ايقاع القدر دعينا نرقص معا على صوت دقات قلبى المضطربه ...ذلك القلب الذى لم اكن اعلم عن وجودة قبل ظهورك
(كانت عيناه عليها هى فقط وكأن المكان خالى ولم يكن به غيرها وكأنه يقول لها بأن هذه الكلمات لكِ ولكن تكن لغيرك ... وكانت عيناها تحتضن عيناه والابتسامه تزين ثغرها ولكن تلك النظرات المصوبه بأتجاهها كادت ان تحرقها من شده الغيره تجاهلتم ولم تعطى لهم اهميه )
(انتهوا من الغناء واكملوا سهرتهم الى ان قرروا اخيرا انهاء سهرتهم الساعه 11 مساءا)
ليلى وهى تنهض: متنيسيش ي زينة العقاب
زينة وهى تنهض هى الاخرى :مانسيتش ي اختى رايحه اهو
زين وهو ينهض هو الاخر :هاجى معاكى اوصلك
-لا ....روح انت اليوم كان طويل واكيد تعبت
=من غير مناقشه هوصلك يعنى هوصلك ...يلا
-اوكى ...ادام انت مُصر يلا بينا
(عاد الجميع الى مكان للنوم اما هم فتوجهت الى السادس حيث يوجد المطبخ لتقوم بغسيل الاطباق )
_______________________-
سيف وهيثم قرروا ايصال كلا من ولاء وندى لمنزلهم فقد تأخر الوقت ومنزلهم بعيد نوعا ما
ولاء :مكنش ليه داعى تتعبوا نفسكم احنا كنا هنرجع لوحدنا
سيف :مفيش تعب ولا حاجه
ندى ل هيثم :لا تعبناكم ...ومانكم دلوقتى ميتين من التعب وعازين تناموا
هيثم : احنا مابنامش دلوقتى اصلا ...اقله بنام على 2 او 3
ندى : بس فى تصوير بكره الساعه 8 هتقدروا تصحوا ؟
هيثم : هنصحى عادى احنا متعودين على كدة متقلقيش
ندى :الله يكون فى عونكم ..(صمتت ولكنها ابتسمت )
هيثم:بتضحكى على ايه ؟
ندى :اصل انا كان اخرى اشوفكم على التلفزيون وكان اقصى حلمى انى احضر حفله ليكم ..لكن انى اقابلكم واتكلم معاكم ونعيش قريب من بعض دى مكنتش اتوقعها خالص
هيثم بأبتسامه : انتِ بس عشان جميلة وقلبك طيب ف ربنا بيحققلك اللى بتتمنيه واكتر كمان
-(قالت بخجل )ميرسى دة من ذوقك
سيف ل ولاء : بس انتِ صغيره على انك تكونى عمة ندى انتوا تقريبا قد بعض
-لا مش قد بعض انا اكبر منها ب 9 سنين
=بتهزرى ؟
-اه والله انا عندى 27 سنه ...عايش فى البيت اللى فوق بيت ندى مع والدتى
=قد مراد وزين ....بس ميبانش عليكى خالص انتِ اخر عشرين واحد وعشرين سنه
-(قالت بابتسامه )دا من ذوقك ...ممكن اسألك سؤال؟يعنى دا لو ميضايقكش
=لا مش هتضايق قولى
-هو انا ليه حاسه انك حزين او فى حاجه مزعلاك وبتبتسم بالعافيه
=احساسك فى محله ...بس مقدرش اقولك السبب
-تمام زى ما تحب ...بس انا عايزة اقولك حاجه ...عيش حياتك واتبسط بيها لان مفيش اى حاجه تستاهل زعلك وحزنك عليها
(وصولوا للمنزل فقالت وهى تشير بأتجاه المنزل ) وصلنا ..شكرا على التوصيله دى ..تصبح على خير
سيف : وانتِ من اهل الخير
__________________________-
زين وهو يرفع اكمام قميصه : خلينى اساعدك
-لا لا روح انت نام اليوم كان مرهق النهارده
=لا مفيش مشكله (سحب من يدها الطبق وبدأوا فى غسيل الاطباق )
-(سحبته منه مره اخرى)لا روح انت اصلا مش هتعرف تعمل حاجه ودة عقابى انا مش انت
=(سحبه منها )مين قالك كدة ؟ هتشوفى دلوقتى ان مفيش زيي فى غسيل الاطباق ...عقابك هو عقابى مش انا وانتِ واحد؟
-ماشى ورينا شطارتك اتفضل (وقفوا بجوار بعضهما على طرفى الحوض وقالت بترقب )مش عايز تسالنى على معنى اجاباتى ؟
=انتِ لو عايزة تقولى هتقولى ...بس شكل الموضوع ليه علاقه بالسر اللى اتكلمنا عنه قبل كدة عشان كدة انتِ مش قادره تفتحى الموضوع
-(قالتبامتنان وهى تنظر له ) شكرا لانك فاهمنى
زين بأبتسامة وهى يعطيها لطبق الاخر قاصدا امساك يدها :العفو (كرر تلك الحركه اكثر من مره )
زينه بابتسامه :وبعدين بقى ؟ احنا كدة مش هنخلص؟
-(قال وهو ينظر لها وعلى شفتاه ابتسامه ويميل بجسده باتجاهه ) مش مهم نخلص انا مبسوط كدة
=(قالت بتوتر وهى تتهرب من نظراته ) ماتبصليش كدة
-هببصلك ازاى ؟
=(قالت وهى تشير لوجهه ) بالنظرة دى
-نظره ايه مش فاهم
=والله انت هتستهبل ؟ النظ....(لم تكمل كلامها بسبب الاضاءه التى اطفاءت فجأه ...سقط الطبق من يدها بخوف )
-(قال وهويحاول البحث عنها بيده )زينة انتِ فين ؟ انتِ كويسه؟
=(هتفت بهدوء)انا جنبك معلش الطبق وقع منى غصب عنى
-(قال بأرتياح مد يده فى الهواء ) طيب هاتى ايدك ...موبيلك فين ؟اصل انا تلفونى فاصل شحن
=(اخرجت هاتفها من جيب بنطالها وقامت بتشغيل الفلاش ...ونظرت له ) هو انت ديما كدة تلفونك فاصل شحن
-لانه حاجه ثانويه بالنسبالى
=طيب هنعمل ايه دلوقتى ؟
-هنروح طبعا هنفضل هنا نعمل ايه
=بس لسه مخلصناس
-فاضل كام طبق مش مهم الوقت اتأخر يلا نرجع البيت (ثم اكمل وهو ينظر للهاتف )البطاريه اصلا قربت تخلص
(امسك يدها وحاولوا الخروج من المكان شعرت زينة بحركه خلفهم فنظرت للخلف بخوف)
=(قالت بهمس وهى ممسك ذراعه بيدها الاخرى بخوف)انا حاسه ان فى حد ورانا
-مفيش حد ورايا دى تخيلات مش اكتر
=بجد ؟
-بجد وبعدين متخافيش انا معاكى
=(قالت بغيظ)شوفت اخرة الدلع ايه ما انت لو كنت اشتغلت كويس وغسلت الطباق وانت ساكت كان زمانا دلوقتى مخلصين من بدرى لكن انت اللى كنت بتتدلع وتعطلنى معاك
-(هتفت بأستنكار )والله ؟طيب طالما انا بقى اللى كنت بعطلك متجيش معايا بقى وارجعى لوحدك عشان معطلكيش(ثم اكمل بخبث وهو يفلت يدها )وماتمسكيش دراعى اوعى
=(تشبثت به اكثر وقالت )لا لا خلاص انا اسفه مش هقول حاجه تانى مش انت السبب ولا حاجه
-(قال بأبتسامه هو يمسك بيدها مره اخرى ) ايوا كدة اعدلى
(وصولوا الى المنزل اخيرا بعد معاناه ليجدوا سيف ف طريقه للخروج )
سيف : كويس انكم جيتوا كنت لسه جايلكم
زين :تسلم ي كبير ...ايه بقى حكايه النور دى ؟
سيف : والد ندى كان هنا من شويه وقال ان النور بيقطع كل يومين بليل ومبيجيش غير على الفجر كدة
زينة :يعنى احنا هنفضل كدة لحد الفجر ؟
سيف : هو اللى قال ...انا داخل انام لاحسن انا خلاص عيونى بتغمض لوحدها
زينة "وانا اعمل ايه دلوقتى انا بخاف انام فى الضلمه انا "
زين بأبتسامه :علفكره سامعك ...بتخافى من الضلمه زى الاطفال
-اه ومش وقت تريقه سيبنى ف حالى
=بصى انا هقول حاجه ولو فهمتى قصدى غلط هديكى على دماغك تمام ؟
-(قالت بترقب )حاجه ايه ؟
=انتِ هتنامى على السيرير بتاعك عادى ماشى (ثم اكمل محاولا اخفاء احراجه )وانا هنام على الارض حنب السرير وهمسك ايديكى لحد ما تنامى وتطمنى لحد ما نلاقى بكره الصبح حل فى موضوع النور دة
-مفيش غير الحل دة ؟
=لا فى
-(قالت بأبتسامه امل )ايه هو
=انى ادخل انام جوة مع الواد سيف وانتِ تفضلى قاعده كدة لوحدك لحد ما النور يجى ابقى نامى ها قولتى ايه ؟(سمعوا صوت الهاتف يعلن عن وصول الهاتف ل 20% )
-(قالت بحرج ) ماشى يلا ...انت على الارض وانا على السرير
=حاضر ي زينه ...يلا خلينا نتخمد بقى
(دلفوا الى الداخل وهى فى قمه احراجها من الموقف وكان تدعى الله بأن يرسل لهم النور ...وقفوا بجوار الباب وكل منهما يتجنب النظر للاخر )
زين : ايه هنفضل كدة كتير ...ممكن الهانم تتفضل تنام عشان نخلص
=حاضر وماتزعقش كدة .. انا متوتره لوحدى اصلا
-"مش اكتر منى " طيب يلا
=(قالت بحرج )فى حاجه
-ايه ؟
="عايزة اغير لبسى للبس البيت مش هعرف انام كدة انا "
(اعطاها الهاتف من دون ان يتفوه بكلمه من شده احراجه )"عاااااااا انا نسيت انه بيسمع الافكار"
-على اساس مسمعتش دى كمان ...بقولك ايه انا هخرج و....
=(قالت مقاعة اياها )خليك مكانك فى ام اليوم اللى مش عايز خلص دة انا هاخد لبسى وهروح الحمام (ثم اكملت بخوف )وربنا يستر
(تركته وتوجهت الى المرحاض لتبديل ملابسها وفعلت روتينها المسائى بسرعه <طبعا دة لو ماتعملش نتحرق > اما هو فتوجه الى غرفه سيف وهويتحسس الجدران واخذ ملابس النوم الخاصة به وقم بتبديل ملابسه قبل رجوعها ...بعدما انتهت توجهت الى الغرفه دقت على الباب ليسمح لها بالدخول ...نظرت للارض لتجده قد وضع غطاء على الارض بجانب السرير ووساده ليكى ينام عليهم ...توجهت الى الفراش بدون ان تنظر له وسحبت الغطاء عليها وظلت جالسه على السرير ...استلقى هو على الفرشه التى وضعها وسحب الغظاء عليه وقال من دون ان ينظر لها )
-نامى ي زينة ...ولو مكسوفه اقفلى الفلاش وانا كدة كدة مش هشوفك
=(اغلقت الفلاش واستلقت على الفراش وقالت بترقب )هو انت مرتاح كدة ؟
-ايوا
=والغطاء دة مش خفيف ؟
-لا مش خفيف
=بجد ؟
-( قال بأبتسامه )والله بجد ممكن بقى تنامى وماتشغليش بالك بيا (رفع يده بأتجاهها )هاتى ايديكى عشان تطمنى وتنامى
(امسكت بيده ...وبعد معاناه نامت اخيرا )
______________________________
فى اليوم التالى استيقظ مراد وقرر الخروج للركض مع فرح مثلما اتفقوا بالامس ..ليتمتعوا بمناظر القريه الخلابه وكان يحضر كوب اللبن ليشربه قبل خروجه ...خرج عمرو من غرفته واتجه ناحيه
-صباح الخير
=صباح النور ...صاحى بدرى يعنى الساعه لسه 6 ألا
-ما انت كمان صاحى بدرى اهو
=انا رايح اجرى شويه انا وفرح يعنى عندى سبب
-انا عندى شغل لازم اخلصه قبل ما نسجل حلقه النهارده مقدرتش اعمله امبارح بسبب النور اللى قطع دة
=ايه دة هو النور قطع ؟
-اهاا ...بس انت شكلك نمت قبل ما يقطع
=طيب كوس انى نمت
-صحيح نسيت ..هى فرح عملت ايه فى موضوع اختها دة ؟
=موضوع ايه ؟
-اصلها سألتنى من فتره على ازاى تهكر تلفون وكدة وبما انكم مابتخبوش على بعض حاجه فى اكيد قالتلكم على موضوع تهكير تلفون اختها
="وهى عايزةتهكر تلفون لانا ليه" متشغلش بالك انت عمرو بالموضوع دة مش انتِ قولتلها اللى مفروض عمله ؟
-ايوا
=خلا ص متشغلش بالك ...بس انا عندى ليك طلب
-اكيد تفضل
=متفتحش الموضوع دة مع اى حد تانى اى ان كان هو مين حتى فرح نفسها ماتفتحش الموضوع دة معاها تانى طالما هى مافتحتهوش معاك تمام
-اوكى ....هروح انا اخد شاور كدة على السريع وانت روح ألحق جريك
=تمام
(تركه وعدى على فرحوتوجهوا للركض معا واثناء ركضهم )
-انتِ كويسه ي فرح؟
=اه الحمد لله ...ايه السؤال اللى طلع فجأة دة
-معرفش بس حاسس انك بقالك مدة متضايقه ومتغيره شويه يعنى مفيش اى حاجه اى ان
كانت هى ايه عايزة تقوليهلى
=لا ي حبيبى مفيش
-طيب ولانا عامله ايه
=(توقف بدون ان تشعر بمجرد سماعها لاسمها ولكنها قالت بهدوء)كويسه
-وقفتى ليه ؟
=مفيش حبيت اخد نفسى مش اكتر
-اه تمام ...تحبى نقعد شويه
=لا لا يلا نكمل
"مخبيه عنى ايه فرح وكنتِ عايزة تهكرى تلفون لانا ليه ؟ "
(اكملوا ركضهم معا الى ان انتهوا منهوعادوا لمنازلهم ليجهزوا للعمل )
__________________________
فتح عيناه بتثاقل أثر الضوء الذى تسلل لعيناه ليغمضهم ويفتحهم ثانيا ..حانت منه ألتفاه لها ليجدها نائمه تشبه الملاك وكان ينظر لها بحب يتأملها ويتأمل ملامحها لكى تكون محفورة فى ذاكرته فهو يعشقها فقام من مجلسه وذهب إليها وظلس على ركبتيه وهو يتأملها عن القرب
"انها المره الاولى التى ارغب بها عن تقبيل احدهن حتى تنقطع انفاسى "
-(مرر يده على شعرها بحنان وقال ) زينة ...قومى يلا الساعه 7
=(تمللت فى فراشها بكسل متناسيه تمام وجوده ) حاض..(نهضت من مكاناه بفزع )ايه
انت لسه هنا ؟
-اومال اروح فين ؟ انا قولت اصحيكى وابعدين اطلع
(حاولت تظبيط شعرها الذى اصبح اكثر كثافا بسبب نومها عليه ف قالبأبتسامه )بتعملى ايه ما انا شوفت شكلك خلاص ...وزى القمرفى كل حالاتك ...بيفكرنى ب اول يوم شوفتك فيه كنتِ بنفس الملامح دى
=(قالت بغيظ)بس انتِ كنت بارد وقتها
-معاكى حق انا كنت بارد ولا اطاق ...اسف على اللى عملته يومها اتمنى تسامحينى
=(قالت بابتسامه ) انا قلبى بيسامحك علطول وعمرة ما يزعل منك ابدا
-(نهض من مكانه وقبل بجبينها بحب )ربنا يحفظك ليا ....يلا قومى بقى ي هانم هنتأخر
=اوكى
(توجه الى المرحاض اخذ شاور وابدل ملابسه ...خرج من المرحاض ممسكا بالمنشفه يجفف شعره غير مدركا لتلك الواقفه امامه مصدومه من رؤيه هكذا كيف لشخص يكون جذابا بتلك الطريقه حتى وهو يجفف شعره ....لاحظت نظراتها فقال وهو يغمز )
-ايه شكلى حلو ؟
=(ارتبكت لدرجه انها تراجعت للخلف وهتفت بتوتر)اا ا انا خارجه (فى لمح البصر وجدها تجرج من باب المنزل فلحق بها )
-ي بنتى استنى رايحه فين ؟مش هتفطرى
=(وهى مازالت تتحرك )لا ...واعمل حسابك انا هقعد مع البنات فى البيت الكبير
-(امسك من ذراعه لكى تتوقف وتنظرله )طيب ممكن تقفى نتكلم زى الناس الطبيعيه
=لا ...عشان انا مش حمل انى اتحرج كميه الاحراج اللى حصلتلى دى كلها كل يوم كفايه كدة بقى
-(قال بخبث )ماهى دى هتبقى حياتك لازم تتعودى على كدة واكتر كمان
(نظرت له بغضب وكانت على وشك الذهاب ولكنه اوقفها وقال )خلاص خلاص هتكلم جد ...انا هتصرف وهلاقيلك مكان قريب مننا
=ولو مالاقتش هقعد مع البنات
-تمام ...ممكن بقى تيجى تفطرى سيف جهز الفطار
سيف من خلفه : كان مجهز الاكل ولما اتأخرتوا حطيته فى التلاجه (تقدم باتجاههم واعطى كلا منهما ساندوتش) كلوا دة ..عشان تبقوا تلتزموا بموعيد الاكل بعد كدة ...يلا الساعه 8.10 الشباب مستنينا فى موقع التصوير
(تحركوا خلفه واتجهوا االى حيث يوجد الباقى ...استغرق التصوير والى 6 ساعات واخذوا استراحه ساعتين ...تحرك زين بعيدا عن الجميع ليستكشف المكان )
_______________________________
كانت زينة تباشر عملها وجدت ندى تقترب منها
ندى : ماشوفتيش زين ؟
-عايزاة ليه ؟
=حاجه بينى وبينه
-(هتفت بسخريه)بينك وبينه ؟ واللى هو ايه دة ان شاء الله ؟
=حاجه ماتخصكيش ....جاوبينى وخلاص ماشوفتيهوش ؟وماتعيشيش الدور
-دور ايه بالظبط اللى اعيشه ؟
=ان فى حاجه بينك وبينه والكلام دة ...لانى عارفه الحقيقه
انا عارفه ان اللى بينكم دة تمثيل وبكره ينتهى وهو مابيحبكيش ولا انتِ فى دماغه اصلا ف ماتعيشيش الدور على الاقل عليا انا
-مين اللى قالك الكلام الفارغ دة
=هو اللى قالى الكلام دة بنفسه ....فياريت تبطلى تلزقى فيه لانك مش على باله ولا هتكونى على باله
-مين دة اللى قالك ...انتِ مجنونه ي ماما ؟ بصى ي صغيره انتِ هنفترض حتى لو انا مش على بالى مع انى متأكدة مليون فى الميه ان زين مبيحبش غيرى بس هخلينى معاكى هو لو مبيحبنيش مش هيحبك انتِ عارفه ليه لانك بالنسباله لسه طفله ... بيبى يعنى ومش هيبصلك ...ف الافضل انك تخرجى من تخيلاتك المريضه دى وتطلعيه من دماغك اوكى
(تركها زينه وغادرت وهى فى قمه غضبها منها )
شعرت ندى بحزن شديد بسبب كلام زينه وكأنها اخذت خنجرا ووضعته فى قلبها ...جلست على اقرب كرسى منها وانزلت رأسها حزن لم تدرى كم من الوقت مر عليها ...شعرت بيد احدهما على كتفها نظرت لصاحب اليد لتجده هو
=(قال بأبتسامه المعهوده ) مالك ؟
-مفيش
=لا بجد شكلك متضايقه
-(قالت محاوله اخفاء حزنها )لا لا مفيش ....اضايق ازاى بعد ما شوفتك
=مش دة اللى كنتِ عايزاه ؟انا ادينى جيت اهو وامنيتك انك تشوفينى اتحققت
-(قالت ب حزينه )ااهاا معك حق
=لا بطلى حزن ...واضحكى ي ندى خلنينا نشوف ضحتك الجميلة دى اللى كانت بتهون علينا اليوم
-ضحكتى دى انت سببها ي زين
=(قال وهوينظر للارجاء) قريتكم جميلة قوى ...احسن من وصفك وتصويرك بكتير
-اهاا الطبيعه ديما احلى
بس انا ليه حساك متغير يعنى مش زى ما بنتكمل على الفيس
=معلش ضغط الشغل وانى بحاول اوضح انى عارفك وكدة ف مش عارف اتكلم معاكى على راحتى ...متزعليش
-(قال بأبتسامه )انا عمرى ما ازعل منك
=(نهض من مكانه )الاستراحه خلصت يلا عشان نكمل ..اضحكى بقى
-(قالت بأبتسامه بسيطه)حاضر
=(تركها وتوجه الى حيث يوجد شخص ما وقال بغضب ) انا عملت اللى قولتلى عليه ....لكن انا مش هكمل فى اللعبه دى تانى خلاص
To be continued ....
#اشعار جديد بتنزيل الرواية