انهوا عملهم فى نيويورك وتوجهوا الى المطار للعودة لمدينتهم ....كانت زينة واقفه مع الستاف استعداد لركوب الطائرة معهم لكونها واحدة من الموظفين ولكنها وجدت زين يقترب منها
زين : تعالى انتِ هتركبى الطياره معانا
-ليه انا هركب مع زمايلى
=من غير مناقشة ...انا حجزتلك على الطياره بتاعتنا وخلص الكلام ..واعملى حسابك من هنا ورايح كونك خطيبتى هتكونى معانا فى نفس الطيارة زى فرح
-(هتفت بنرفزة ) هو انت هتفضل تفرض عليا اوامرك لحد امتى ؟ انا ليا رأى على فكره
=رأيك دة خليه لنفسك ...ويلا ورايا طيارتنا هتطلع دلوقتى (امسك بالحقيبه الخاصه بها واعطاها لاحد الحراس )
(ضربت الارض بقدمها بغيظ لينظر لها وقال بحده )اتحركى يلا ولا محتاجه اللى يجى يمشيكى زى الاطفال
-انت مالك بتكلمنى كدة ليه ؟ زى ما يكون قتلتلك قتيل
=والله كل واحد عارف هو عمل ايه (تركها وتحرك للشباك ليقوموا بختم جوازات السفر وهى لحقت به )
هيثم من خلفهم وهو يضع يده على كتفها : صباح الخير يا زوزو ...متعرفش فرحت قد اى لما عرفت انك هتكونى معانا فى رحلة الرجوع ...ابقى تعالى اقعدى فى الكرسى اللى جنبى فى كلام كتير عايز اقولك عليه
زين وهو يبعد يد هيثم الموضوعه على كتف زينه بغضب : ابعد ايدك عنها ..وهى مش هتقعدجنب حد غير جنبى انا
زينة وهى تنظر له بنرفزة : لا بقى انت مش هتفرض عليا دة كمان ...انا هقعد فى المكان اللى انا عايزاه وهقعد جنب هيثم
زين بغضب :انا مبكررش كلامى اكتر من مره ...فاهمه ولا لا..يلا ورايا
(اخذوا الجوازات من الضابط وتوجهوا ليصعدوا على متن الطائره ..بعدما صعدوا الطائرة رأت زينة فرح جالسه فى الكرسى المجاور ل مراد تنظر لها بغل واضح تجالتها وتوجهت للجلوس بجانب أيان الذى كان ممسكا بهاتفه يعبث به بعشوائية نظر لها زين بعصبيه ولكنه تجاهل الموضوع لكى لا يُفضح امره وتوجه الى الكرسى المخصص له بما انهم فى درجه رجال الاعمال ف المكان خالى )
أيان : اشمعنا جايه تقعدى هنا ؟
زينة وهى تحاول النهوض : لو وجودى مضايقك هقوم
=(امسك يدها واجلسها مكانها ) اقعدى يامجنونه انتِ اكيد مقصدش دة ...كل الى اقصدة ان زين موجود وهيثم كمان اللى لاحظت انكم بقيتوا صحاب فى الفتره الاخيرة وكمان مكنش دة اتفاقنا
-زين غلس علينا ومش عايزنى اقعد جنب هيثم ومُصر انى اقعد جنبه ...و بصراحه انا مش طيقاه ولا طايقه انى اقعد جنبه ... بقاله كام يوم مابيعملش حاجه فى حياته غير انه بيتعصب عليا فقولت اقعد جنبك بما انك الكبير ف مش هيعرف يقولك حاجه ولا يمشى كلامه عليك
DU LÄSER
حبيب من عالم آخر
Romantikتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
