حبيب من عالم آخر

21| تضحيه من اجل من نحب

Massage 35 : ووَدت لو اننى اينما أميل بوجهى اراكَ

شهقت وهو يضرب ظهرها بالحائط كان وجهه يبعد انش عن وجهها والغضب فى ملامحه لم يكن يوصف ...صر اسنانة بقوة وجسدة يرتعد وكأنه يعانى ألما فظيعا ويبذل قصارى جهده للسيطره على نفسه انقض على عنقها محاولا خنقها ... ارتجفت من الخوف حملقت به بعينيها الفارغتين الحزينتين وهى تلهث ولكنها لم تبدى اى رده فعل او مقاومه وكأنها فى حاله صدمه مما يحدث امامها الآن وكأن قلبها وعقلها مغيبان عن الواقع

-(هتف بغل وهو يضغط على عنقها ) هقتل ي زينة عشان تحرمى تاخدى حاجه مش حقك بعد كدة

بدأت الساعة التى قام بأعطاها اياها مسبقا بأصدار صوتا ليدل حدوث خلل فى معدلاتاه الحيويه ... كان هذا بمثابت طوق النجاه لها فذلك الصوت اعاد أليه وعيه ادرك ما كان يفعله هل حقا يقوم بخنقها الآن ...ابعد يدها عنها تاركا المجال لها لتنفس سعلت بشده وهى تحاول ألتقاط انفاسها ... تذكر كلماته لها والسبب وراء جلبه لتلك الساعه فقد احضرها لتساعده فى حمايتها ولكنه لم يكن يعلم بأن اول شخص ستحميها منه كان هو

اعطاها ظهره لم يقدر على مواجهتها ...مرر يده فى شعره بأحباط ...لايصدق بأنها كان على وشك اذيتها لولا لتلك الساعه لكانت ميته الآن ....بعدما هدأت قليلا نظرت بأتجاهه على الرغم من انها لم تتمكن من رؤيه وجهه ألا انها شعرت بنفسه المضطرب ورأت يداه التى كادت ان تقلع شعره من رأسه من شده قبضته عليه ...اقتربت منه على الرغم من انه حاول خنقها منذ قليل ألا انها لم تخف منه ...مدت يدها ببطء لتستقر على يده الممسكه بخصلات شعره

-(قالت بنبره حانيه ):زين !

=(ابتعد عنها ولكنه مازال معطيا اياها ظهره )اطلعى بره كفايه اللى حصل ...انا مش عايز أذيكى

-انا عارفه انك لايمكن تأذينى ...انا معرفش انت عملت كدة ليه انا متأكدة ان دى حاجه خارج ارادتك ...انا اسفه انى خرجتك عن شعورك مالك ايه اللى حصل ووصلك للحاله دى ؟ فى حاجه حصلت فى شغلك ؟

=(هتف بغضب وهو ينظر لها ) انتِ ليه مش عايزة تستوعبى انى كنت بخنقك من شويه ...(ثم اكمل بحيره ) زينه انا كنت هقتلك لولا الساعه كان زمانك ميته دلوقتى يعنى واحده غيرك دلوقتى بدل ما هى واقفه قدامى كانت مفروض تجرى وتهرب من قدامى مش واقفه تسألينى مالك

-لانى عارفه ومتاكدة ان الايدين الحنينه اللى كانت بتهتم بيا وتحمينى لايمكن تأذينى مهما حصل ...عشان كدة انا مقاومتش ولا حاولت انى ابعدك عنى لانى متأكدة ان زى كل مره لما كنت بتيجى تحمينى ..هتحمينى المره دى كمان من نفسك

=زينة افهمى انا مش انا ....اللى قدامك دة مش هو نفس الشخص اللى حبيتيه انا واحد تانى كأن فى شيطان مسيطر عليا ....شيطان كل ما بشوفك مابيوسوسليش ألا بكلمه واحدة وهى اقتلها ...ومهما حاولت اقاوم مصيرة هيتغلب عليا زى ما حصل دلوقتى وممكن يوصل لكارثه ...ف الاحسن تبعدى عنى الفتره دى لحد ما اعرف ايه سبب اللى بيحصلى دة مع ان بعدى عنك صعب ومش هقدر عليه بس انا مش عايز اخسرك ومش عايزك تشوفنى بالطريقه اللى شوفتينى بيها من شويه دى ... حاولى تتجنبينى لو قلبى اتعذب فى بعدك قراط فلو حصلك حاجه هيتعذب 24 قراط ..ف الاحسن لينا نبعد شويه