بعدما تركته وتوجهت لغرفة تبديل الملابس ظل يفكر فيما حدث بحيرة
-ايه التهريج دة ؟معقولة اكون سمعت افكارها ؟ (هز رأسه قائلا ) لالا لا انا اكيد بهيس هى قلة النوم كدة اوقات تخلى الواحد يتهيأله حاجات
=(خرجت زينة بعدما ابدلت ملابسه واعطت الفستان للموظفة )ممكن ترجعيه مكانه ؟
الموظفة : ليه دا كان جميل عليكى
زينة بحزن وهى تنظر للفستان : مش مهم بقى (وجهت حديثها له ) يلا نروح لانى تعبت وعايزة ارجع البيت
زين للموظفة وهو يعطيها الكريديت :خدى الحساب من هنا وممكن لو سمحتى تخلى حد يجى معانا يوصل الحاجات دى للعربية
الموظفة :حاضر يا فندم
(خرجوا من المحل وكانت زينة متجه للدرج ولكنه وجدته يتجه لمحل آخر )
-رايح فين ؟
=لازم نشترى حاجه تلبسيها فى رجلك ولا هتمشى كدة ؟وكمان هنجيب كام شنطه كدة وكام حاجه للميكب اب (توقف ونظر لها ) هو صحيح انتِ بتعرفى تحطى ميك اب ؟
-(قالت بثقه متصنعه ) اه طبعا
=طيب كويس فى حاجه بتعرفى تعمليها
-مش هرد عليك اصل انا مش ناقصه وجع دماغ ..خلص بقى عايزة اروح
=هو انتِ مالك قرفانه كدة ليه ؟ وحدة غيرك كانت تفرح لانها بتعمل شوبنج
-انت اللى بتعمل وبتجيب اللى بيعجبك انت وانا ساكته (ثم اكملت بحزن)والحاجه الوحيده اللى عجبتنى مرضتش تخلينى اجيبها
=انا مستغربك بصراحه مش شوية مكنتيش عايزة تيجى ولا تجيبى حاجه دلوقتى حبيتى الفستان وغير كدة دا مش استايلك اصلا ...انتِ مابتلبيش قصير ؟
-(قالت بغباء) بس فاكر لما شوفتوا داليا وهى لابسه قصير اول يوم ...وقتها عجبك انت
وسيف قولت يمكن دة الاستايل اللى بتحبه
=(قال بأبتسامه خبيثه)وانتِ بقى عايزة تلبسى اللى يعجبنى ؟
-(هتفت بتوتر ) هاا؟ لا م مش كدة بس يعنى انا مفروض ....ااااه عشان التمثلية
اللى بنعملها دى عشان الناس متقولش انى بلبس لبس مش عاجبك
=لو على كدة متقلقيش انا مبحبش اللبس القصير ولا بحب اشوف البنات اللى بتلبسه بحس ان اللبس المحترم والشيك احسن بكتير دا غير انى مش عايزك تلبسى حاجه متعجبكيش او متحسيش فيها بالراحه عشان كدة انا حاولت اجيب اللبس اللى حسيته هعجبك وفى نفس الوقت على الموضة ...مش اللبس اللى جبناه عجبك
-ايوا
=(قال بأبتسامه )خلاص مبروك عليكى ...يلا تعالى نكمل
(دلفوا الى محل لبيع الاحذيه "اكرمكم الله " ووقف امام الفاترينه الخاصة بالكعب العالى )
زينة :احنا هنجيب من النوع دة ؟
YOU ARE READING
حبيب من عالم آخر
Romanceتغير الاسم من عالم بديل ل "حبيب من عالم آخر" -الرواية نفس فكرة W- two worlds لكن الأحداث مختلفة تـــمــــــامــــا هقول تانى الرواية مالهاش علاقة بالمسلسل غير فكرة الانتقال من عالم لاخر فقط *الحب الحقيقى لا يعرف المستحيل لا يفرق بين الاجناس والعق...
