مراد بهدوء:بتكلم بكل هدوء اهو مفيش شغل يا لليان وبعدين انتي من ساعة ما نزلتي القاهرة وانتي ولا نقلتي ورقك للجامعة عايزة افهم وكمان عايزة تشتغلي
لليان بأنفعال: لأ يا مراد هشتغل وبعدين انا اخدت السنه دي اجازة من الكليه
مراد بغضب: بلاش تعاندي معايا يا لليان انا قولت مفيش شغل
قاطعهم رنين هاتف لليان فأسرعت بالرد وفتح الكاميرا سريعا عندما رأت اسم المتصل
المتصل:وحشتيني يا جميلة الجميلات
لليان بغضب:يوسف والله لو ما رجعت عن قرارك لهقطع علاقتي بيك وانسي انك كنت تعرف واحدة اسمها لليان
جو ببرود:فهد قالك
آروي بأندفاع ودموع: بلاش يا يوسف بالله عليك لو مش خايف على نفسك خاف عليا انا هعمل ايه من بعدك
اسرع اليها حاتم يهديها وهو يهتف بقوة:امشي في الطريق اللي انت ماشي فيه وانا رجالتي كلهم تحت امرك يا يوسف و انا شوية وهجيلك
ميرا بغضب:انت بتقول ايه ياحاتم ده بدل ما تهديه
يوسف(جو):هبقي اتواصل معاك يا حاتم،وانتي يا ميرا اهدي بالله عليكي وبلاش تتكلموا في الموضوع ده كتير عشان مش يوسف التهامي اللي يسيب حقه
اروي بدموع: وانا ذنبي ايه لو حصلك حاجة انا بقيت يتيمه مره بموت ماما وبابا مش هستحمل ابقي يتيمة تاني والله
يوسف متجاهلها وهو يغلق الخط:اختي في رقبتك يا حاتم
اروي بصراخ:انا مش اختك يا يوسف طول ما هتفضل ورا اللي في دماغك
لتسقط مغشي عليها بأحضان حاتم
حاتم وهو يحملها: لليان دكتور بسرعه
ميرا بلهفه:طلعها الاوضه بسرعه
هاتف مراد طبيب العائلة ولم تمر سوي دقائق ألا والطبيب بغرفة اروي يفحصها وينتظره الجميع ماعدا احمد.الدالي ويقف حاتم بالخارج بقلق وغيرة فيخشي ان تتركه ..ماذا تتركه
...سينتهي فورا ..نعم فهي اصبحت الهواء الذي يتنفسه هي من انقذته من المستنقع الذي كان يعيش به عندما سرقت فؤاده وجعلته يبتعد عن المافيا
قاطع افكارة خرج الطبيب من الغرفة فهرع اليه بقلق:مالها ايه اللي حصل خلاها يغمي عليها كدة
الدكتور بأبتسامة: وريث عيلة التهامي هيشرف كمان ٧ شهور
نظر له حاتم ببلاهة فأسرعت اليه لليان بسعادة:بجد اروي حامل
فأومأ لها الطبيب بأبتسامة:ايوة مدام اروي حامل في الشهر التاني
حاتم بعدم تصديق:ميين اللي حامل
ميرا بضحك:اروي يا حاتم في اي
دلف حاتم الي غرفة مالكة فؤادة سريعا عقب انتهاء ميرا من كلاماتها
فأنخرطت لليان في الضحك علي مظهرة
لليان بضحك:زمان اروي بتعيط دلوقت
فهد بذهول:ليه انا اللي اعرفه ان اروي بتحب حاتم وا
قاطعهم صوت بكاء اروي من الداخل
في غرفة اروي
حاتم بضيق: مش طيقاني يا اروي لدرجة انك زعلانه انك حامل مني
اروي وهي تسرع اليه بلهفه:لأ طبعا انت فهمت ايه انا بعيط عشان خايفه يا حاتم
حاتم وهو يضمها بدهشة:من ايه
اروي بدموع:انك تكون مش عايز تخلف مني
حاتم وهو ينظر لها بعتاب:انا يااروي مش عاوز اخلف منك ده انا بعشقك في حد مش عايز يخلف من عشقه اللي سرق قلبه
اروي بندم:انا اسفه يا حبيبي مش قصدي ثم انخرطت في البكاء مجددا
فنظر اليها بذهول:بتبكي ليه تاني
اروي ببكاء وهي تشير الي بطنها:في روح هنا بتتنفس وبتاكل وبتتحرك انا خايفه اوي
حاتم بضحك وهو يربت علي شعرها :اهدي يا اروي اهدي ليه كل ده
اروي ببكاء:انت بتضحك عليا طبعا وانت خسران ايه ما انا اللي هتعب وهولد
حاتم بضحك:مالك يا بنتي في ايه انا كلمتك وبعدين المفروض ان انا اللي اولد يعني
اروي بصريخ: انت بتتريق عليا اطلع براا يا حاتم بريحتك دي
نظر لها حاتم بذهول ثم اخذ يتفحص ملابسه يبحث عن رائحة غريبة فلم يجد.
فصرخت مجددا:اطلع براا يا ابن التهامي براا
هرع الي الخارج بدهشه فوجد الجميع غارقين بالضحك فعلم انهم استمعوا الي ما حدث فهتف بغيظ : فرحانين فيا حضراتكوا ثم نظر الي باب الغرفه وهتف بقهر:وانا كان مالي ومال الجواز منا كنت برنس ومدلع نفسي
فأتاه صوتها من الداخل:بتعترف انك خاين يا ابن عمي والله لهوريك
حاتم بذهول:سمعتني ازاي دي ثم نظر اليهم هي بتزعقلي ليه
ميرا بضحك:هرمونات
حاتم بحسرة:وطبعا هتطلع عليا انا دي بتقولي اطلع براا بريحتك دي وانا مال ريحتي انشاء الله
فهد بضحك:شكل الحمل ده جاي علي دماغك يا معلم
حاتم بقلة حيلة:حظي الأسود
لليان بهدوء:انا هدخل اطمن عليها
حاتم بقلق:هديها يا لليان الا هي خايفه قوي عماله تقولي في روح في بطني بتاكل وبتتنفس وبتتحرك
ميرا بأنهيار:لأ البت اتجننت يلا ندخلها
لليان بحماس:يلا
❤💜❤💜❤💜❤💜❤💜❤💜❤💜💜
بعدعدة ايام
صباحا بقصر الدالي (الجميع بحديقة القصر)
اروي بقلق:بجد يا حاتم حاسه ان يوسف حصله حاجة
حاتم بقلق يحاول اخفائه: ما هو لسه مكلمك من يومين يا اروي متقلقيش
@ :Oh God, I want to know why you are worried about my little princess
(يا اللهي اريد ان اعلم لما انتي قلقه اميرتي الصغيرة )
ليلتفتوا جميعا الي مصدر الصوت ليجدو شاب وسييم جدا (عينان رمادية وبشرة برونزية وجسد رياضي)يجلس علي سور القصر
اروي بلهفة:جو وحشتني اوي
يوسف وهو يقفز لداخل القصر ويتوجه الي اروي ويحتضنها:
I also miss you, my little princess
(وانا ايضا اشتقت اليك اميرتي الصغيرة )
حاتم وهو يلكمه بذراعة:اتكلم عربي والنبي انت في مصر
تأوه يوسف بصوت عالِ وخرجت الدماء من ذراعه بغزارة فأسرعت اليه ميرا بلهفة : انت متصاب يا يوسف
فأبعدها فهد بغيرة وهو يساعد يوسف علي نزع قميصه:كلم الدكتور يا مراد
فهاتف مراد بالطبيب وساعد حاتم وفهد يوسف علي الصعود الي احدي الغرف
بعد وقت قليل جاء الطبيب وفحصه واخرج له الرصاصه واخبرهم انه جرح سطحي
اروي ببكاء:شوفت يا يوسف كنت هخسرك بسبب الانتقام
حاتم بضيق من بكائها: سبيه يا حبيبتي يستريح عشان ميتعبش تاني وبعدين هو نايم بتكلمي واحد نايم
اروي بغضب:اسكت انت
حاتم بدهشة:هو انا جوز امك يا بنتي ده ايه الحمل المنيل اللي جاي علي دماغي ده
انخرط جميع من بالغرفه بالضحك
احمد بتأثر:حملك نكدي زي ايلين الله يرحمها
حاتم بضيق:كانت منكدة علي حضرتك كدة
احمد بأبتسامة: وهي حامل في محمد كانت تقعد تقولي ريحتك يا احمد وكانت بتتعصب من اقل سبب وتقعد تزعقلي كدة محدش كان بيهديني غير جومانة
الجميع :الله يرحمها
ميرا وهي تضع يدها فوق جبهة يوسف: بتهيألي ان جسمه سخن
نظر لها فهد بغضب بينما اتجهت اليه لليان بلهفة وتضع يدها علي جبهته: لأ يا ميرا مش سخن ولا حاجة
مراد بحزم وغيرة:طيب يلا بقي نطلع لأنه نايم تعبان اصلا ومش حاسس بحد
❤💜❤💜❤💜❤💜❤💜❤💜❤💜❤
في الحديقة
فهد بهدوء:امال شهد فين
احمد بلامبالاه:في المدرسة
لليان بدهشة:غريبة
مراد بذكاء: سيبوها تعمل اللي هي عايزاه
ميرا بحيرة:انا مش فاهمة ياسين هو بيحبها ولا بيكرهها ولو بيحبها يبقي سافر ليه ولو بيكرهها اتجوزها ليه واكملت بتحذير محدش يقول عشان جدو امر بكدة كلنا عارفين ان جدي مش بيغصبنا علي حاجة وكمان ياسين مش ضعيف الشخصية عشان حد يغصبه علي حاجة
نظر احمد لحفيدته بأعجاب فهي ذكية وادركت ما لم يدركه الكثير
احمد بهدوء: انتي صح يا ميرا انا مغصبتش علي ياسين عشان يتجوز شهد
الفت بفضول:طيب اتجوزها ليه
احمد بمكر وهو ينظر لأحفاده :لأن هو من دم الدالي وعارف ان مصيرة مع شهد وغير كدة هو خاف عليها عشان ملهاش اخ او اخت بعد حياة الله يرحمها انما سافر ليه بقي ...سافر عشان عَشَقْهَا
ميرا بذهول: ياسين حبّ شهد
اومأ لها احمد بمكر
ميرا بحيرة:منا مش فاهمة يعني بيحبها المفروض يفضل جنبها
احمد بمكر وهو ينظر لفهد:اكييد ليه اسبابه يا ميرا وزي منا قولتلكوا قصة عشقي انا وإيلين وجومانة وعاصم بقت لعنه واللعنه دي سيطرت علي قلوب كل نسلنا فعشان كدة يا حبايبي بلاش تضيعوا احلي سنين عمركوا في العند وانتوا عارفين انكوا لبعض فأختصروا الوقت ده كله وخلوني اشوف احفادي قبلما ربنا ياخد امانته
الجميع:بعد الشر عليك يا جدي
احمد بحكمة:الموت مش شر عذابكوا لبعض ده هو اللي شر
ميرا بمرارة:طيب يا جدي لو اللعنه دي سابت قلب حد فينا برضه هتجوزنا لبعض
احمد بأتسامة ثقة:اوعدكوا اليوم اللي هييجي فيه تقدري تحطي عينك في عينه وتقوليله لعنة عشقك سابت قلبي يبقي مفيش جواز
نظرت له ميرا بضعف ثم اسرعت الي غرفتها تبكي قهرا علي حبيبها الذي تركها وعشق غيرها لاتعلم الحمقاء انه لن يدخل قلبه غيرها فهي جالسه علي عرش قلبه تأبي الخروج
اما عند فهد فأبتسم بثقة جعلت مراد يتخلي عن قناع بروده وقام ولكمه بوجهه وهو يهتف بغضب:بطل تقهرها يا فهد وتفهمها انك حبيت غيرها مش عشان واحدة لا راحت ولا جت خدعتك تدمر حياتك وحياة اختي معاك
فهد وهو يرد.له اللكمه: انصح نفسك الأول يا حوت بعدين ابقي انصحني وعاتبني
لليان بملل: شابوو ليكوا كانت فقرة ممتعه ، ممكن بقي حد فيكوا يقوم يدرب معايا
فهد بضيق:لأ انتي غبية وايدك تقيله وانا مش ناقص
لليان بضيق: بقيت خفيف اوي يا فهد ثم نظرت لمراد:والحووت
فهد بسخرية:لأ ان مش خفيف انتي اللي بتضربي بغل
مراد بهدوء:قومي بس انا مش مسئول عن اي نتايج لو وشك الجمييل ده بقي في خريطة العالم
لليان متجاهلاه وتقف : خمس دقايق هغير ونازلة
مراد وهو يقف:وانا كمان هغير
❤💜❤💜❤💜❤💜❤💜❤💜❤💜❤
في تركيا
في القصر
في غرفة الثعلب
يارا بخجل:لأ طبعا مستحيل اعمل اللي انت بتقوله ده
آدم بحزم مصطنع:اسمعي الكلام يا يارا يلا
يارا بتحدي:لأ
آدم بخبث وهو يضع قدم فوق الأخري:ااه فهمت انتي مش بتعرفي ترقصي وخايفه متأثريش فيا فاروح اشوفلي واحدة خبرة صح
اقتربت منه بغيظ وجذبته من ياقة قميصه : حذاري يا تعلب عينك تشوف غيري او عقلك تشغله غيري وإلا موتك علي ايدي يا ابن عمي
آدم بأستفزاز وهو يخطف قبله سريعه من علي ثغرها: خلاص يا ريري تعالي اقعدي عرفت انك مبتعرفيش ترقصي
جذبت يارا الحقيبة التي بجانبة وهي تنظر له بغيظ ثم اتجهت الي المرحاض واغلقت الباب بقوة واخذت تحدث نفسها بخجل عندما رأت ما بالحقيبة
اما عند آدم فأبتسم علي براءة زوجته فهي لاتعلم انه رآها يوم الحنة عندما كانت ارقص مع الفتايات بأحتراف، قاطع شروده صوت خروجها من المرحاض فأتسعت عيناه صدمة من تلك الحورية الواقفه امامه
❤💜❤💜❤💜❤💜❤💜❤💜❤💜❤
اسفه ولله عارفه ان البارت صغير بس بإذن الله هعوضه مع بارت يوم الثلاثاء
ياريت متبخلوش عليا بالتصويت وياريت كل اللي بيقرأ الرواية يعملي متابعه عشان.يتابع معايا كل جديد
بلاش شغل اقرأ واجري ده😹😹😹
ماضي اليم....مشاجرة......مفاجأة.....خداع.....فراق.....
انتظروا احداث نارية ستقلب موازين الأحداث في الفصول القادمة مع امبراطورية الدالي في رواية عشقي الأول والأخير بقلمي منة الله نصر
#رواية عشقي الأول والأخير
#من سلسلة العاشق المتملك
#بقلمي منة الله نصر