اسفه على التأخير بس بالغصب عني و خصوصا دخلت فترة الاختبارات النصف شهريه .. دعواتكم لي .. اتمنى يعجبكم الجزء ولا تحرموني من تعليقاتكم و رأيكم على الجزء
\
يوم جديد
الدكتور - و الحمدلله على سلامتك
فهد بهمس - الله يسلمك
راشد ساعد فهد و طلعو من المستشفى و طبعا اصر عليهم بو سلمان و أكد لهم انهم ما يطلعون الا مع الحارس الشخصي الي وظفه عشان فهد و يرجعون مع السايق .. كان الحذر واجب في هذي اللحظه بسبب هدوء الحال من الطرفين .. يزيد و متعب الي اختفو بعد الي صار لفهد ..
الامور غامضه و غير مفسره .. هل قومة فهد هذي راح ترجع كل شيء؟ و هوا شخصيا ما راح يسكت للموضوع طبعا
وصلو لقسم فهد و بهدوء نزلو و دخلو ..
فهد عقد حاجبه في التغير الي صار في المكان !! حس نفسه في مكان جديد ! كل شيء متغير من الجذور
راشد ابتسم - عاد شكله بو سلمان ما قصر ..
فهد بشك - بو سلمان ولا بنت بو سلمان ؟
راشد - ما يندرى عاد .. بس بصراحه اعجبني المكان كذا اكثر .. و جلس فهد بتعب و هوا ماسك الجرح بخفه
راشد - بو سلمان يقولي انك ما تروح الشغل ولا تفكر حتى ! .. يقول هم راح يجونك
فهد ما علق
راشد - ها أمر وين تبي تاكل اليوم؟
فهد - مو مشتهي شيء ..
راشد - افا !
فهد - والله ودي اخذ بندول و انام
راشد - كل هالمده و ما كفتك يا رجل
فهد - وربي احسني مصدع مره و لاحقين للصداع الحقيقي لبعدين
راشد - صداع من قلة الاكل .. والله على الاقل لو اروح اشتري لك عصير و اجي
فهد - بكيفك .. انا احتاج اتروش و تعرف حركتي ثقيله .. يمديك تروح و تجي
راشد واقف - اوكي ..
--------------------------------------
في المستشفى
كانت جالسه على نهاية السرير الابيض و متربعه في قعدتها و تكتب في جوالها
وجدان - دينا قومي عنها خليها ترتاح !
دينا رفعت عينها و لقت ورد الي منسدحه بملل و و ماسكه جوالها بيدها اليمنى و اليد الثانيه فيها المغذي - هيا ما تشكت ليه تتكلمين عنها
وجدان تنهدت
دينا تركت الجوال و تمددت جنب ورد و ضمتها - والله العظيم مو مستوعبه انك بتصيرين ماما
ورد بعدت الجواله هيا الثانيه و ضحكت بتعب - انا صرت لك ماما قبل لا اصير لولدي
دينا رفعت عينها - شنو عرفك انه ولد
ورد - اتمناه ولد عشان كذا اتكلم عنه بصيغة الولد
وجدان - طيب حرام و اذا جات بنت !!
ورد ابتسمت - برضو بحبها و بتصير دنيتي كلها .. بصراحه الي يجي من الله حياه الله .. اهم شيء بكامل صحته و يجي بالسلامه
وجدان و دينا - ان شاءالله ..
دينا - متى يعرفون ؟ متحمسسه مرره !
وجدان - اعتقد في الشهر الثالث مو ؟
ورد - اي
دينا بحماس - لو ولد شنو راح تسميه ؟
وجدان ضحكت - بدر اكيد !!
ورد ابتسمت
دينا - ليه اكيد؟؟
وجدان - لان يسمون احمد بو بدر صح ؟ ما تسمعين خالو صالح يرد عليه باتصالاته كذا دايم ؟
ورد و شيء في داخلها ارتجف على طاري اسمه - صح
دينا - الا صح ذكرت .. بس بدر !! .. اا ورد ام بدر .. مدري .. يركب؟
وجدان - يركب و كثير !
ورد ابتسمت - مو عاجبنك اسم ولدي ولا مو عاجبنك ؟
دينا - ههههههههههه يمه منك ! لا لا عاجبني فديته .. و رجعت و تمددت جنبها و ضمتها - طيب لو بنوته ؟
ورد - مدري ما فكرت
دينا - الااااا اكيد عندك اسم مفضل
ورد ضحكت بتعب - والله مافكرت .. بدري افكر
وجدان - مدري ليه احسك مؤومنه انه ولد و مصره كمان
ورد ضحكت - الله يجيبه او يجيبها بالسلامه
- ان شاءالله
دينا رفعت عينها لورد و هيا تمسك يدها تقيس خفتها و ضعفها - ضعافنه كثير !
ورد الي تعبت من هذا الموضوع - لحول!
دينا بضيق - ليه طيب؟
ورد - شنو الي ليه ؟
دينا - كل ما جاك تضعفين ؟
ورد ما علقت
وجدان جات بتتكلم الا ينفتح الباب بدون و اصواتهم وصلت قبلهم
اياد ماسك في يده باقة ورد كبيره - هلا هلا وسهلا
شقو الابتسامه و هم يشوفونهم داخلين
ايمان - يالله يا جواد تعال .. سلام
ام خالد و هيا شايله جود في حضنها و جواد يجي يمسكها من يدينها - سلام عليكم
- وعليكم السلام
ام خالد - دينوه ! قومي عنها ضاقت الدنيا عليك
ضحكو و دينا تعاند و تمسك في ورد - شنو حاركم انتو هيا ما قالت لي بعدي او شيء خلوها تتكلم
وجدان - ماشاءالله من طول الغيبه جاب الغنايم !
ايمان بعد ما سلمت على ورد - ههههههههههههههه الله يعينك يا ورد والله ما خلو شيء الا و جابوه
دينا نقزت من السرير و راحت تشوف الي جابوه من اكل - الله الله شنو جبتو لي
ورد - وين امي؟
ام خالد - جايه مع خالد و مرام ..
وجدان - و مرام ؟
ام خالد - ايوا قالو بيجون يسلمون ..
ورد - والله ماله داعي ..
ام خالد - جايين نونسك يا قلبي .. كيفكم اليوم ؟
وجدان - الحمدلله ..
ام خالد - شنو اكلتو ؟
وجدان ناظرتهم و ضحكو
ايمان - اكيد طلبتو من مكان ..
وجدان - دينا ضبطتنا
دينا التفتت على اياد - تعرف المكان اليمني الي يسسون فول لذيذ ..
اياد - ايوا عرفته مافي غيره .. اكشخ مطعم يمني
دينا - هههههههه ايوا ايوا هوا ..
ام خالد - اكلتي فول يا ورد ؟ مو البقوليات مو زينه لك !!
دينا - ايوا عارفين لا تخافي بس اكلت شويه مره
ورد - يطلبون عشان يحسروني
ام خالد - يالله زين انك تذوقتي .. جبنا لكم غذا
--------------------------------------
في مبنى الامن
كان التيم كله مجتمع في مكتب بو سلمان
صالح - يعني متعب في الامارات !! شنو عنده ولا لو يبي يختفي ما كان لقيناه الا اذا هوا الي يبينا نلاقيه
مازن - و دامه ما يرد علينا معناته يبينا نتعنى لعنده
بو سلمان - و انا من رأيي نروح لعنده و نتفاهم معه بعيد عن الامن السعودي عشان لا يصير اشتباه
احمد بهدوء - وين عنوانه؟
انس طلع بالشاشه عنوانه بالضبط
احمد عقد حاجبه - في اغنى الفنادق ! واضح انه مرفه على نفسه
مهند - مين راح سروح له يا عمـ.. "وصحح زلة لسانه " يا بو سلمان
بو سلمان يناظر احمد - بو سيف و بو بدر
احمد - و انت تمسك الوضع هنا !
بو سلمان - كله يومين بالكثير ولا ؟ لو انا اقدر كان رحت عنك .. بس اثق فيك
احمد - طيب ..
بو سلمان - مازن كمان .. راح تروح معاهم .. و انا و مهند راح نكون هنا نغطي عليكم
مهند بقهر صار يناظر فيهم بحقد ! يكره احمد و يكرهه كثير
--------------------------------------
المستشفى
بعد ما زاروها الاهل و طلعو و انتهت وقت الزياره ..
ام خالد جلست اخر وحده لانها اتفقت ان بو خالد راح يجي لها ..
ام خالد - ترا انا ما قلت للبنات يروحون البيت الا لانك تحتاجي تنامي .. سمعت الشكوى
ورد بتعب ضحكت - شنو اسوي ..
ام خالد قربت لعندها و جلست في الكرسي الي قدامها و اخذت الجوال و لقت رساله من بو خالد - هذا بو خالد يقول انه توه طالع من البيت !
ورد - عادي اجلسي اتسلى معك
ام خالد ابتسمت بحنيه - لو على كيفي جلست بس ابيك تنامي .. ابيك ترتاحي ياقلبي
ورد شتت نظراتها
ام خالد - احكي لي ورد .. شنو الي مضايقك ؟ ليه مو عارفه تنامين ؟
ورد شتت نظراتها ما كانت متوقعه انها راح تتكلم بالموضوع
ام خالد بحنيه - يمكن محد راح يفهم الي قاعد يصير لك بس كلهم سمعو في اللي صار .. احكي لي انا بفهمك
ورد - صح محد راح يفهم لان محد عاش الي انا عشته ! .. خلاص انا و احمد ما عاد ننفع لبعض و ما ابي اسمع حكي زياده منكم لانكم ما راح تفهمون الى مرينا فيه
ام خالد - على اي اساس قررتو هذا القرار ؟ عشان خاطر مشكله لو ثنتين اكتشفتو انكم ما تنفعون لبعض؟ ما يصير يا ورد
ورد - لا .. بس في شيء بيني و بينه انهدم و مهما حاولنا ما راح يتصلح هذا الشيء
ام خالد - كل شيء و اليه حل .. قولي لي شنو الي صار .. ليه تقولين كذا ؟
ورد تنهدت - لان انا حاولت و ضحيت و تحملت .. تحملت كثير !! بس ما ننفع والله ما ننفع لبعض و ما عاد فيني طاقه لشيء زياده
ام خالد - لما فكرتو بالطلاق .. فكرتو بالاضرار الي راح تأثر على الطفل؟
ورد ما علقت
ام خالد - خليني اقولك شيء .. كل زوجين في الحياه يصير بينهم مشاكل .. و لو ما تدرين ترا المشاكل هيا الي تقوي العلاقات بين الزوجين و مافي حياه ناجحة بدون لا تمر بالمشاكل .. و كل هذا طبيعي .. بس اللي مو طبيعي بعد كل هواش تطلبين تنفصلين لو تطلبين الطلاق ... لو هذا الي كنتي متأمله فيه كان المفروض ما تزوجتي من البدايه !!
ورد ضغطت على شفتها تهيئ انها راح تبكي
ام خالد - انتي عارفه انه طلقك مره وحده و هذا ما يعتبر طلاق صح ؟ عارفه ان بعد العده ترجعين اليه
ورد بعناد - عارفه بس ابيه يطلقني رسمي
ام خالد - لا يا ورد .. انتي عندك هذي الفتره عشان تفكرين مو لنفسك .. تفكرين لطفلك .. لا تفكرين بانانيه .. الطفل يتشتت و يضيع لو حياة امه و ابوه كذا .. بس لو صار في تضحيه منكم و حاولتو في علاقتكم كمان عشانه .. ممكن تنحل مشكلتكم عشانه ! ممكن يكون سبب لنجاح العلاقه .. انتي عارفه ان الاطفال يقربون الزوجين من بعض!
ورد بكت
ام خالد - لازم ياورد تتحملين الي يصير شوي .. انتي كبرتي و مسؤلياتك الحين كبرت معك .. لازم تفكرين شنو الي فيه مصلحه لك و الى طفلك .. انا ما الومك .. بس عشان خاطر هل حب الي بينكم .. عشان خاطر الروح الي بينكم ..
ورد بضعف - انا ابيه بس انا عارفه انه ما عاد يبيني
ام خالد ابتسمت و ضمتها- اذا انتي تنازلتي شوي هوا راح يتنازل كمان ولا ما راح تتعايشون كذا .. و صدقيني يا قلبي ان كل مشكله و لها حل ..
--------------------------------------
كانت ترتب اغراضها و في نفس الوقت تكلم
ام سعود بعتاب - يعني معقوله يا بنتي اذا ما اتصلنا تنسينا ولا عاد تسألين عنا !!
رزان بكذب - ياروحي انتي بس انشغلت في الدراسه و تعرفين حوسه و الاختبارات قربت
ام سعود - و شنو مسويه مع الدراسه ؟
رزان - الحمدلله يعني نص ونص
ام سعود - بعد هل قطعه الي قاطتعنا فيها و في النهايه تقولين نص و نص ! هذ مفروض بدل ما تقولين ان شاءالله برفع راسكم في دراجتي
رزان ضحكت - لاااا ما قصدي كذا .. ولا يهمك راح تشوفين الي يسرك ان شاءالله
ام سعود - و متى راح تأجزين ؟ ناويه انا و ابوك نجي نزورك
رزان بصدمه - ايش ..
ام سعود ابتسمت - المفروض نخليها لك مفاجأه
رزان ببلاهه ضحكت - لاااا لااا زين قلتي لي .. عشان اخذ احتياطي من الحوسه و ابين لكم سناعتي الحين
ام سعود ضحكت - اووه خساره !
رزان بربكه غير واضحه و تفكيرها في فيصل و اصحابه - و متى ناويين تجون ؟
ام سعود - مدري كل شيء و جاهز عندنا باقي بس نحجز لا عزمنا ان شاءالله
رزان - ااا .. انا راح اخلص اختبارات بعد شهر تقريبا .. يعني باقي بس شهر و يخلص الفصل الدراسي
ام سعود - يعني قولتك نجي بعد شهر ؟
رزان - مو افضل؟
ام سعود - خلاص بتفق مع ابوك وانتي لا تشيلين هم ياقلبي .. كيف ريما ايش اخباركم خبريني ؟
رزان - ريما بخير الحمدلله
ام سعود - سلمي عليها
رزان - يوصل ماما
--------------------------------------
بعد الكلام الروتيني و الاطمئنان
ام وليد - انا كلمت ام خالد و سولفنا و بين السوالف اقترحنا ان زواجكم انت ووجدام يكون بعد العيد .. يعني بعد ٥ شهور ..
وليد بصدمه رفع عينه - ايش ! .. ليه تقررين عنِي ؟ يايمه الله يخليك لي مايصير كذا ! شنو تبين وجدان تقول لا درت !
ام وليد ابتسمت - بس ٥ شهور زينه و تكفي حق تجهيز وخير البر عاجله
وليد - وكل تأخيرة فيها خيرة .. يعني دام ان وجدان ما تكلمت انا احترم قرارها
اك وليد بانفعال - التأخيرة اذا كنت مجبر عليها لكن انت ماشاء الله جاهز وظيفة والبيت موجود وقادر تصرف عليها .. خلاص كل شي مسهل لكم و بعدين هيا شنو يمنعها من الزواج ؟ دام انها وافقت عليك من البدايه معناته هيا عارفه انكم راح تتزوجون ما راح تماطلون في هذي الفتره !! .. يالله ياوليدي نبي نفرح فيكم و في عيالكم
وليد بهدوء - انا بالنسبه لي عادي يا روحي انتي .. بس احنا ما تكلمنا في الموضوع يا يمه وكان ودي لو على الاقل نتناقش و ناخذ فكره عن الموضوع و نقرر على روقان .. اتاريك مو صابره !
ام وليد - لمتى ؟ صار لكم فتره من ملكتو على بعض و الحمدلله انتو مرتاحين لبعض و تعودتو على بعض .. حتى لمار تعودت على وجدان و صارت بس تسميها ماما وجدان !
وليد - و متى هل كلام مع عمتي ام خالد؟
ام وليد - امس
وليد تنهد - طيب .. انا بحكي مع وجدان و الي تقوله راح يصير طيب؟
ام وليد - طيب الي يريحك .. بس عاد ما ابي تخربون الي بنيته !
--------------------------------------
كانت تتأمل في السقف طول الوقت و هيا تقطع شفايفها من كثر التفكير .. المكان فاضي .. و ما معاها احد .. الممرات هادئه في هذا الوقت من الليل .. و الوقت تأخر كثير و هيا ما نامت ! .. او نقول انها من صحت ما عرفت ترجع تنام و هيا على هذي الحاله من ثلاث ساعات .. من بعد ما طلعو الاهل عنها و هيا غفت لها شوي و بعدها صحت و ما لقت احد منهم .. البنات اتفقو في انهم راح يروحون و يرجعون بعدين بس قاربت الساعه على ال ١٢ منتصف الليل و محد معاها ..
جاها ارق من كثر التفكير فيه .. "شنو سويت فيني يا احمد ؟ على رغم الي صار بينا و قساوتك علي الا انا ما زلت احبك ! تستفزني كثير لكن كنت اسكت بس عشان اكون معك و جنبك .. لو تعرف قد ايش اشتقت لك و لصوتك و لكلماتك الي دايم تطمني و تحسسني بالأمان بس معك انت " تنهدت و تجمعو الدموع في عينها .. كيف انها تحب شخص كثره !
انفتح الباب و دخلت دينا الي تعلقت عينها فيها - صاحيه ؟ توقعتك نايمه !
ورد - مين جابك ؟
دينا - جيت مع بابا .. قالت لي ماما انك نمتي بعد ما طلعو من عندك عشان كذا تأخرت شوي .. يعني بصراحه اخذ راحتي عشان لا ازعجك ما توقعت صاحيه .. و بنفس الوقت خفت انك تصحين و ما تلاقين احد جنبك .. اصلا اوووووف بالموت دخلوني ! كل شيء ممنوع في هل مستشفى !! يالله هانت والله .. باقي كم ساعه و نطلعك ..
ورد ابتسمت لتداخل المواضيع في لسان دينا - زين جيتي لان حاولت انام ما عرفت احس جاني ارق ..
دينا ضحكت - عارفه ان وجودي يسعدك .. تعالي اخبرك اخر الاخبار .. تخيلي شنو صار اليوم
ورد - شنو
دينا - بعد ما طلعنا من عندك قبل لا نروح البيت مرينا و شرينا لنا قهوه ..
ورد تنهدت - سالفه موضوعها عزيز ؟
دينا - خلني اقولك
ورد - قولي
دينا - تخيلي اول ما طلبت الا قالي تبين كالمعتاد كابتشينو مع اكسترا كوفي ؟ قلت لا و حسيتني فشلته
ورد عقدت حاجبها
دينا - بعدين قلت له لااااا يعني هذا الطلب المعتاد بس حق الصبح بس العصر لو الظهر لو الليل ما اعرف اشرب قهوه ساخنه قام يضحك و ما فهمت على ضحكته .. و بعدين قام يسألني عن العائله الكريمه كلها ماشاءالله
ورد - حركات والله
دينا - والله احس يوم احبه و يوم اكرهه و يوم استلطفه و يوم .. مدري مدري احس والله معرف احدد مشاعري تجاهه
ورد - طيب و بعدين ؟ لو حددتي المشاعر هذي شنو راح يصير ؟ كل يوم و رحتي عندهم بسبب انك تشوفينه ولا ايش؟
دينا - بنبدأ محاضرات؟ يعني تراه صديق عادي .. و بعدين يعرف العائله كلها ماشاءالله و عادي شنو فيها اسولف معه من الطفش .. وبعدين كان بيننا حدود و اخترام تخيلي اطيح الميانه معه و انا اتقهوى مع بابا
ورد بسخريه - ماشاءالله من زود الحدود قلتي لنا ان قلبك يطير لا شفتيه !
دينا - بس بالنهايه وضعنا عادي .. و اكرر و اقولكم هذا الفرع موجود و احنا دايم نروحه قبل لا يتوظف حضرته !
ورد - ما قلت كذا بس قصدي ان اخاف تسوين شيء غلط و تندمين ..
دينا - لا دام ان النيه الموجوده و تأنيب الضمير وضعي تمام
ورد ضحكت - كذابه والله .. لا تحاولين تقنعيني!!!
دينا - هيي ! شنو قصدك .. اكره النظره هذي .. يعني دام ان وضعي تمام معاه قدام اخوي لو ابوي يعني وضعي تمام لحد الان
ورد بضيق - ما فهمتي علي .. انا اتكلم لك عن الحب ..
دينا تجمدت و تلوم نفسها من زلة لسانها الي راح تفتح مواضيع و جروح الى ورد ..
ورد بدون لا تناطر فيها - بتفكرين فيه كثير و كا راح تنامين لانه شاغل بالك و تفكيرك .. و انتي اصلا من رجعت و انتين دايم تجيبين سيرته على لسانك حتى لو بالمزح !! تحاولين تبينين ان كل كذا هذا مزح لكن هوه حاضر في كل شيء .. فهمتي شنو اقصد لك ؟
الوجع مو لازم يكون وجع مادي لو وجع جسدي .. ترا الوجع الحقيقي هوه هذا الوجع .. الوجع المعنوي اقسى بكثير منهم كلهم لانه ببسطاه راح يخليك تتوجعين و تتألمين طول الوقت من كثر التفكير !
و تجمعت الدموع في عينها لما التقت عينها في عين دينا
دينا بهدوء - اسفه .. ما قصدي ..
ورد و دمعتها خانتها و نزلت على خدها و قالت .. و كانها الحين تتكلم عن حالها من تجربه - احياناَ ما نفهم ليه لما نبي الشيء بقوه و نتمناه يصير الله يبعد هذا الشيء عنا و نتوجع عشان الشيء ما حصل بس لما يصير و لما نتوجع منه نفهم كيف الله رحمنا منه!
دينا - ورد الله يخليك لا تبكي .. انا الغبيه والله بس تعرفيني احيانا اقول حكي ما احسب حسابه
ورد مسحت دمعتها
دينا - كلمك احمد بعد ما طلعنا عنك ؟
ورد - لا ليه ؟
ابتسمت لتغير ملامح ورد و كلامها خجلها كمان - لا ابد .. يعني لان دخلت عليك و احسك كذا رايقه و عطيتيني محاضره ماشاءالله عليك فيك حيل
ورد رفعت حاجبها - بالله؟ و الروقان ماله الا سبب واحد ؟
دينا - بس حطي في بالك ان مفروض ما تردين عليه ! الله يرزقك في واحد يعوضك و ينسيك احمد و طوايفه .. قولي امين و التفت تناظرها و هيا مستغربه من جمودها - اوووه لا يكون متأمله ؟ انا بكل قواي العقليه كرهته بعد ما سمعت الي صار معك ولا تقعدين تبررين ان هل طحيه هذي ما كانت بسببه !! .. انا كرهته ما احب هالشخصيات اللي يفضرون فوتهم على زوجاتهم !
ورد استعدلت في جلستها - ومين وين تعرفين شخصيته؟ و وين شفتيه يفرض قوته علي؟
دينا - لما يقولون احمد بن سلطان المالكي .. شنو اول فكرة تجي في بالك؟
ورد بسخريه - زوجي ..
دينا جلست على طرف السرير - لا اقصد شخصيته .. يعني حتى اسمه يبرهن!
ورد بنبره هادئه - احمد ما كان يفرض قوته على الحريم .. تراه انسان مصلي و قايم في حق الله و بحق دينه و وطنه ..
دينا - وحق زوجته ؟
ورد بهدوء و بترير كانها تواسي نفسها - و لما ما قام بحقها طلقها لان هذا الواجب والصح ..
دينا و اللي اخيرا طلعت حكي من فم ورد - تحاولين تدافعين عنه قدامي ! تراني بنت اختك مو وحدة توك متعرفة عليها ..
ورد بضيق - لا ما ادافع عنه قدامك .. بس اقول الحقيقه .. و ترا يعني ما ينفي ان انا شايله عليه بقلبي
دينا ضمتها - لا تضايقين نفسك عشانه .. لا تتعبين عشانه .. انسيه او على الاقل تناسيه .. وربي ياورد تراك مأثره في نفسيتنا كلنا .. تذكري ان احنا كلنا قلبنا واحد و لو حزنتي كلنا نحزن ..
ورد ضمتها و بعدتها - شنو فيك انتي اليوم ما عرفتك ؟
دينا ضحكت - بالله شرأيك بالشخصيه ؟
--------------------------------------
صباح يوم جديد
اخيرا انتهت رحلتهم و وصلو لارض الوطن و تحديدا لشقتهم .. كانو منهكين من التعب .. لان رحلتهم الاخيره كانت متعبه و هم يعتبرو انهم مواصلين ما نامو ولا غفت عينهم ..
غرام بتعب - نترك كل شيء وقت ما نصحى .. ودي اخذ شور و انام
يوسف - انا راح انام على طول
غرام - ودي ابكي من التعب والله
يوسف ضحك - ليه كل هذا عشان راح تكملين قريب ال ٢٤ ساعه و انتي صاحيه ؟
غرام و هيا تفك شعرها و ينسدل على كتفها - احس بتعب فضيع ما راح تحسه والله
يوسف - قومي جهزي نفسك للنوم ولاحقه تتروشين لا صحيتي
غرام تناظر في الساعه - واو ٦ الصبح ! يوسف امانه بالمستقبل ما نبي هذي الحركات بالمواعيد في السفر
يوسف - ان شاءالله .. تأمرين انتي
--------------------------------------
سمع صوت طلقات الرصاص و بدون اي شك ابصم بالمليون ان هذي ملاك !! .. طلع لها و هوا يعرج بخفيف بمشيته .. انتبه لها كانت مركزه كثير بالتصويب .. ابتسم و قرب لعندها
كانت لابسه هودي طويل و وسيع عليها بشكل حلو .. مع لقنز .. و شعرها مرفوع بطريقه مرتبه ..
حست ان في احد وراها و التفتت بصدمه و هيا تشوفه .. تعوذت من الشيطان و هيا متأكده انها تشوف خياله و ان فهد ما زال بالمستشفى !!
ضلو فتره و هم على هذي الحاله .. ابتسمت و هيا الي مو مصدقه انه قدامها .. غمضت عينها و فتحتهم بصدمه مو مستوعبه انه فعلا قدامها !! صارت ترجف
فهد بابتسامه - مافيه الحمدلله على السلامة ؟
ملاك مازالت مصدومة ..
فهد قرب لها اكثر و هوا يدخل يدينه في جيوبه - ياهلا في رنيم ..
ملاك ضحكت - الحمدلله على السلامه
فهد - الله يسلمك .. و يخليك
ملاك التفتت يمنها و يسارها تبي تتطمن ان محد يشوفها خصوصا بعد ما وعدت ابوها في انها تتأدب و ما تبي تثير شكه زياده لحبها لفهد - كيفك الحين ؟
فهد - بخير
ملاك - الحمدلله .. متى صحيت ؟
فهد - الاسبوع الماضي
ملاك و كل الي يفضحها و هوا الكلام الي في عينها و تعلقها فيه .. و فهد نفس الشيء في عينه كلام و هيا تحاول تفهمه !!" سمعها ؟ فهمها في كل مره كلمته و حكت له ؟ يعرف انها رنيم ؟؟"
و فهد كل الي في باله هوه " ياليت لو ظروف حياتي غير .. و ياليت لو انا و انتي في مكان غير هذا المكان "
ملاك قطعت التواصل و هيا تمشي متباعده عنه للقصر .. بس فهد وقف قدامها .. للمره الثانيه يعيد نفس الحركه بس هذي المره بطريقة جريئه اكثر !!
مالت لليمين و مال معاها.. عقدت حاجبها مستغربه من حركته
فهد - فيه شيء سمعته مدري انا كنت احلم وقتها ولا رنيم كانت تقوله ؟
ملاك ضحكت باغلصب عنها - لا رنيم الي كانت تقوله مش انا
فهد ابتسم - ما يهم الاسم .. اهم شيء القلب واحد !
ملاكو الخوف من ابوها صار حقيقي .. و قالت بهمس - ممكن تبعد.. مقدر اوقف معك كذا .. و مشت لليسار بس وقفها و هوا يصير قدامها
فهد - سؤال اخير ..
ملاك و رجفة قلبها تحسسها ان يا عمتها او ابوها راح يشوفونها - بليز بعدين .. و مشت و هوا صار قدامها و يمشي لورا بخفه معاها
ملاك تنهدت - طيب شنو سؤالك ؟
فهد ابتسم - خلاص ولا شيء ..
ملاك شتت نظراتها - طيب خلاص بعد ..
فهد بابتسامه زاح عنها و هيا عبرت قدامه و هيا تضحك عليه ..
فهد بصوت عالي - على فكرة ترا اعجبني اللقب !! "قصده انها قالت للمرضات في المستشفى في انها زوجته !"
ملاك ضحكت و هيا تمشي و تحس ان الدنيا مو سايعتها !!
فهد يناظرها و هوا يبتسم لين ما اختفت ملاك عن انظاره
--------------------------------------
بعد ما طلعت الدكتوره من عندهم و تطمنت على ورد و على الجنين .. جلسو ورد و دينا ينتظرون اهلهم يجون ياخذوهم و هم الي مستغربين ليه تأخرو عليهم و هم المتفقين يطلعون بعد صلاة الظهر
دخل اياد - السلام عليكم ..
- وعليكم السلام
دينا - اخيرا طولتو !
اياد يناظر في ورد - اسف انا الي تأخرت .. لما عرفت انهم راح يجون ياخذونكم اصرت عليهم ان انا الي اجيكم .. بس كان حزة الحزه فاضطريت اتروش و اجهز عشان اخذكم و نطلع
دينا - نطلع وين ؟ حالتنا حاله
اياد - افا كل هل جمال و حالتك حاله ؟
دينا - اوه خجلتني ..
ورد وقفت بتعب و هيا تبتسم - انا تعبت من الجلسه خلاص يالله نطلع
اياد - اهم شيء انك بخير و كل شيء تمام ؟
ورد - ايوا الحمدلله ..
و طلعو سوى ..
طول السياره و الاتصالات ما وقفت و هم يتطمون من اياد انه اخذ البنات و الخ .. و التهديدات في انهم يرجعون البيت لان ام خالد طابخه ذبيحه عشان ورد و طباخ البيت احسن لهم من اكل المطاعم و بكذا خربو خطة اياد في انه عازمنهم على الغذا
وصلو بيت الجده ام فواز و نزلو كلهم
اياد - اووه هذي سيارات خالي بو عبدالمحسن و و خالي بو عبدالرحمن
دينا كشرت - ان شاءالله جايين بدون عيالهم
و دخلو البيت - السلام عليكم
- وعليكم السلام
و وقفو بو عبدالرحمن و بو عبدالمحسن و جات ورد و سلمت على اخوانها
بو عبدالرحمن قبل جبينها بحنيه - كذا تخوفينا عليك يا ورد ؟ نسمع الخبر الحلو و بنفس الوقت نسمع انك طايحه بالمستشفى! انتبهي على نفسك ياروحي اكثر
ورد - ان شاءالله و قربت لعند اخوها بو عبدالمحسن - ما تشوفي شر ياورد
ورد - الشر ما يجيك و بعدت عنه
ام خالد - تعالي يمه تعالي ارتاحي
ورد ابتسمت و جلست جنب اختها
بو عبدالرحمن - بو زيد ها بشرنا عنك
اياد جلس براحه قدامه بعد ما سلم - الحمدلله علومي تسرك ..
بو عبدالرحمن بسخريه - عسى تخرجت ؟ لمتى؟
اياد - ههههههههههههههههه قربت يالخال قربت
بو عبدالمحسن - اترك عنك اللعب بتوصل ال٣٠ قريب
اياد - بسم الله علي توي بعز شبابي
ام فواز جاتهم - يالله الغذا جاهز .. يالله ورد تعالي يمه
ورد - يمه ودي لو اقوم اتروش اول
ام فواز - اول تغذي و بعدين تروشي و ارتاحي .. و مع اصرار الام قامو كلهم يتغذون ..
--------------------------------------
مريم بعتاب - ليه ما تتصلين اختي و تتطمنين على حالنا ؟ ليه ؟ شايله علينا بخاطرك ؟
نوف بضيق - مريم بلاه هل حكي .. انتي عارفه ان شغلي طويل و اخذ مناوبات و وقت ما فضيت طلعت ارفه على نفسي .. قولي لي شفيكم؟
مريم بضيق - انا حالي على بعضه .. بس اخوك
نوف - شفيه اخوي ؟ كل مره نفس الحكي ؟
مريم - نوف الموضوع جدي
نوف - قولي لي طيب
مريم - احمد طلق ورد ..
نوف وسعت عينها - ايش !
مريم حكت لها السالفه المطوله و كيف صار الي صار
نوف بهدوء - ناوي يرجعها ؟
مريم - راح اهدر عليه و ما راح اسكت عنه
نوف - طيب .. ليه ما تعطينه وقت و ترتكينه يفكر يا مريم
مريم - مقدر !!!مقدر ياختي والله ما اقدر !! تعبني و تعب نفسيتي ! احس الي صار ما ينسكت عنه
نوف - و ورد حامل ! يالله يا احمد !!
مريم - شنو ذنب الطفل على الي راح يصير ! المشكله هم الاثنين يكابرون في بعض !
نوف - و وين احمد الحين ؟
مريم - لسا ما رجع من شغله ! طول غير عادته
نوف - انا راح اكلمه لافضيت ان شاءالله .. و لو سمحت لي الفرصه راح ازوركم
مريم بفرح - بجد؟
نوف - اي والله .. اعني كلامك صحيح .. قطعتكم كثير ! و تراكم دايم ببالي بس ما عندي وقت ! .. بس وعد لاصار عندي وقت في اقرب وقت راح اجيكم
مريم براحه - ان شاءالله ..
--------------------------------------
في بيت ام خالد كانو ساهرين لين وقت متأخر من الليل
ام خالد - شنو رأيك يا قلبي؟
وجدان بخجل - انا ما عندي مشكله .. بس يعني هذا قرار مين بالضبط؟
ام خالد - كذا حكي بيني و بين امه ..
وجدان بتوتر شتت نظراتها
ام خالد - امه قالت راح تخبره و انا قلت راح اخبرك .. دام ان اموركم تمام نبي نفرح فيكم و امه تخبرني و هيا طايره بفرح و قلت اشاورك
وجدان بخجل - طيب
اياد - ماراح اصبر انا كمااااان زوجوني
ام خالد - يالله يا اياد فكنا من هذي السيره
اياد - في بالي بنت يا يمه بس قولي لي انا موافقه و بقولكم تخطبونها لي على طول
دينا يحماس- يمكن الي في باله حلوه و مزيونه خلينا نعطيه فرصه ماما
اياد - ااااااه منها و من زينها .. يمه والله انا حمار و كلب يوم اماطل على هذي السيره بس الحين ابي اتزوج يالله يا يمه
وجدان وسعت عينها - هههههههههههههههههههه يالله ارزقنا العقل
اياد - اقول انتي اسكتي بعد كم يوم القاك في حضن وليد و وضعك تمام
وجدان وسعت عينها بصدمه و خجل و وقفت و رمت عليها المخده و طلعت من الصاله
اياد - ههههههههههههههههههههههههههههههههههههههه قسم بالله البنات مهبل بكلمة وحدة تحرجينهم
ام خالد خزته - والله انك صدق ماتستحي !!
اياد - هههههههههههههههههههههههههههه يمه قسم بالله منقهر وحالتي حالة مو عيشه هذي !!
ام خالد - الشرهة على اللي جالس معك .. و قامت للمطبخ
اياد ابتسم - انا قايل ما تفهمني غير دينا
دينا - انا بيذبحني الفضول مين المزيونه الي في بالك .. امانه امانه قولي
اياد - مزيونه ؟ حكمتي عليها بدون لا تشوفينها
دينا - لو مو مزيونه مشكله يعني .. اخوي و اعرفك زين همك الجمال انت
اياد - يمك قناعتي تغيرت ؟
دينا - مع ان انا اؤمن ان كل البنات مزيونين بس انت تناظر لهم بشكل يخليني اشك بصراحه
اياد - افا حرام عليك .. غض البصر واجب
دينا - و الدليل ان في وحده مخرفتنك ..
اياد - يالله منها بس
دينا - تستهبل ولا جد؟
اياد - دينوو والله جد جد
دينا بحماس - طيب بيني وبينك مزيونة ولا لا ؟
اياد ضرب على صدره
دينا - صاروخ ؟
اياد يسوي حركات بيده -اوووووووه صاروخ فتك قلبي
دينا ما تحملت - ههههههههههههههههههه الواضح ان طلعت من عيونك قلوب عندها
اياد و راح تفكيره لسمر - هههههههههههههههههههههههههههههه بس أنا خلاص تغيرت قناعاتي الحين مستعد اتزوج و اتحمل المسؤوليه .. الحب اعماني
دينا - يعني ما راح تقول؟ بس قولي على الاقل اعرفها ؟
اياد - كل شيء في وقته حلو و غمز لها و هوا واقف طالع من الصاله
دينا بقهر - لااااا بليز قولي ..
اياد ضحك و طلع تاركها في فضولها
--------------------------------------
صباح يوم جديد
بعد ما وصلو الامارات اخيرا ً دخل غرفته بعد ما اتفق مع صالح انهم راح يجهزون و يطلعون على طول ..
اهتز جواله و قرأ اسم اخته الي توقع انها عرفت في موضوع سفره .. او بتتصل تتطمن عنه ..
احمد - هلا
مريم - السلام عليكم يا .. بو بدر
احمد ابتسم - وعليكم السلام .. افا هذي نبرة الزعل؟
مريم - وصلت الامارات ؟
احمد - ايوا قبل ساعه ..
مريم - و طبعا ما لو ما عرفت من الحارس ما كان وصلني خبر !! يا كثر ما تضايقني في افعالك يا اخوي ! تستخسر تطمني عنك وانا الي احاتيك طول اليوم ؟
احمد - سفرة مفاجئة وكنت راح اتصل عليك و اخبرك ...
مريم - صدقتك انت اصلاً ما تحط لي اي قيمة ..
احمد - و كيف نقدر نرضيك يا ام رند؟
مريم بضيق - ما ابغاك تراضيني ! تعودت .. اصلا اتصلت عشان اتطمن انك وصلت
احمد سكت فترة طويله و قاطع صمته كلمة نادره جذا على لسانه و يمكن هذي اول مره يقولها الى مريم - اسف
مريم ما استوعبت الكلمه - ايش قلت ؟
احمد - قلت اسف
مريم ابتسمت - صدمتني !!!
احمد ضحك ضحكه مبوحه - كل شيء عند ام رند يختلف .. هيه تأمر و انا انفذ
مريم - يا عساك دايم كذا علي وعلى غيري ... قالت كلمتها الاخيره بتصريح واضح في انها تقصد ورد
احمد بهدوء - انا يمكن بكرا انشغل و ما اقدر اتصل عليك .. و يمكن اطول و ما ابي بالك ينشغل علي في اي شيء ولا توسوسين كمان .. من الحين اعطيك خبر لان راح انشغل
مريم بضيق عقدت حاجبيها - ليه؟ يعني بتنشغل طول اليوم ؟ مستحيل!!!
احمد - و لو انشغلت طول اليوم بس اهم شيء ابيك تعرفين اني ممكن مقدر ارد عليك
مريم - طيب .. بس طمني عاد مو تخليني على اعصابي ! .. و متى راح ترجع ؟
احمد - لحد الان مدري .. بس ان شاءالله ما راح اطول ..
مريم تنهدت - ان شاءالله .. ترجع بالسلامه
احمد - الله يسلمك ..
مريم - احمد ..
احمد - سمي ..
مريم - سم الله عدوك .. مو صاير شي صح؟ طمني
احمد - لا تطمني .. بس الي قاعد يصير يضايق شوي
مريم بحيره - يتعلق بالشغل؟
احمد و تفكيره في فهد - لا يتعلق في ولد محمد المبارك فهد ..
مريم - ايوا ؟ شنو صار عليه ؟ مو هوا قام بالسلامه و خلاص ؟
احمد - ايوا بس هل شغل هذا على حسابه ..
مريم - الله يحفطكم و يقويكم ...
احمد بصوت فيه ضقه - ان شاءالله
مريم - بس ؟ مافيه شيء ثاني ؟
احمد - لا
مريم - صدقتك
احمد - اصلاً مجبورة تصدقيني .. لان انا ما قد كذبت عليك
مريم - تعرف تحجر لي !
احمد - اهم شي تكونين راضية عني و خلاص
مريم سكتت فتره بعدها قالت - راضية عنك مع انك تضايقني كثير عليك
احمد - شنو نسوي يا مريم ؟ مافيه احد بالعالم تكون قراراته صحيحة 100٪، مضطرين نغلط مثل ما احنا مضطرين نتقبل هالغلط
مريم - يعني تدري ان قرار طلاق ورد غلط؟
احمد سكت
مريم قالت بحزن - تدري شنو اللي فعلاً يوجعني ! انك تدري انه غلط ومكمل فيه ! الله ياخذ هالكرامة وهالعزة اذا بتسوي فيك كذا ..
احمد - لو ابي ارجعها قدرت بدون لا اهين نفسي .. بس انا ما ابي ولا هيا تبي ..
مريم - لا تتكلم عنها ! لانك ما تدري اصلاً شنو اللي تبيه و شنو اللي ما تبيه !
احمد - تأكدي من نفسك اذا ودك
مريم - ليه يا احمد ؟ ليه تغلطون دام الله عطاكم القدرة انكم تميزون الغلط من الصح
احمد - عشان نتعلم!
احمد - شنو تبي تتعلم دع هل عمر !!
احمد بهدوء - اننا ما عاد نركض ورى البدايات ونطير فيها عشان ما تصدمنا النهايات .. ما ودي اقولك هالشي واضايقك ! بس انا تعبت .. احس اني مخنوق من كل شيء ومن كل جهة .. ودي لو مرة اتمسك في وما يضيع مني ..
و هلمره يا مريم مو راضيه تجي ولا جات اوجعت قلبي .. قولي لي شنو اسوي ؟
مريم تجمعت الدموع في عينها - ليه وصلت هالامور في هذي الطريقه ؟ فضفض لي لو مره وخلني اقول اختياره وماراح يضره ان شاءالله ..
احمد - ما عندي جواب يا مريم
مريم بضيق - لانك ما تقدر تكذب علي وانت مستحيل تصارحني في شيء يخصك!!
احمد يناظر للساعه - مضطر اسكر الحين
مريم - احمد ..
احمد - سمي
مريم بصوت باكي رجفت قلبه - تدري اني ما تكلمت عشان اضايقك في شيء ! تكلمت من حزني عليك
احمد - يا روحي .. ما تضايقت ولا شيء ! سمعت منك هالكلام كثير وبسمعه اكثر وعارف ان من غلاتي في قلبك .. مستحيل اتضايق منه!!
مريم - ينفع اقولك شيء اخير وبعدها ماراح اجيب سيرة ورد قدامك .. وبسكر هالموضوع؟
احمد - قولي ..
مريم - ابيك تعرف اني افكر عشان مستقبلك ! ويهمني هالشيء .. انا ماراح ابقى لك يا احمد! وهالبيت بيفضى وبيجي وقت وراح تتقاعد من شغلك .. مين راح يسليك؟ مين راح تشاركه فرحتك؟ ومين راح يشيل عنك حزنك ؟ مين راح يفطر معاك ؟ ومين راح تنام وانت متطمن عليه؟ اخاف عليك من الوحدة اللي راح تجيك ! مهما كابرت انت ما تقدر تعيش بروحك يا اخوي ! اي صح قدرت بعد وفاة امي و قدرت بعد وفاة ابوي .. ! وقدرت بعد وفاة بو فهد الا هوه محمد المبارك ! لكن كثرة هالمصايب ماهو يعني انك
تعودت ! كثرتها يعني ان انهيارك عليها قرب ! انا اخاف عليك من هالشيء !!
و تحاملت وجعها على الصمت الي صار بعد الكلام الي قالته .. مسكت غصتها و همست - بحفظ الرحمن ياخوي .. و قفلت المكالمه بدون لا تسمع منه اي شيء ولا رد .. قفلت المكامله و هيا تبكي على حال اخوها الصغير و موجوعه كثير عليه ..
بالنسبه اليه هوه دخل جوالها في جيبه و صار يتأمل الغرفه الفاضيه و هوا يفكر في الكلام الي قالته اخته .. يفكر بوجع و تعب ! اخذ نفس عميق و غمض عينه و هوا يفكر فيها و يفكر في الكلام نفسه و تذكر مره من المرات اخته قالت اليه "عمرك شفت بنت لا عصبت تحرقك بنظراتها وتترك لسانها بدون لا تنطق اي كلمة؟" "ايوا انا عرفت الي صار بس مو منها ! عرفت الي صار من نظراتها "
رجع لذاكرته و هوا يتذكر لحظات لورد و بعض المواقف الي ما عبرت اليه عن شيء ابد كثر ما كانت عينها هيا الي فاضحتها !! مهما حاولت انها تقسي في الفتره الاخيره الا ان نظرات عينها تبرهن عكس الي تبيه .. كانت عينها فاضحتها دايم في فرحها و حزنها و بكاءها و ضيقها و مللها و غضبها و خجلها !!
وقف بضيق و هوا ياحاول يبعد افكاره لكن ذكرى مرت عليه و جات في باله !!
"
قرب منها و حاصرها و هيا في زاوية الكنبه الي في الغرفه و قف قدامها و دخل يدينه في جيوبه - اي قولي لي !!
ورد رفعت عينها اليه و بهدوء - شنو سويت ؟؟
احمد - نظراتك هذي خففي منها قدام اختي ! لان واضح لها كل شيء !! اذا في فمك حكي قوليه ماله داعي تطالعيني وكاني سارق منك صوتك!!
ورد ضحكت ببحه وقفت و بنبرة سخريه و هيا تناظر فيه - ما اصدق انك قاعد تحاسبني حتى على نظراتي !!!! باقي شوي وتقولي ليه تتنفسين؟
احمد قرب لعندها و لصق رجلها في رجلها و ساقه في ساقها و يدينه حاوطت ظهرها و قربها اليه لرجة انها بالغصب عنها حبست نفسها .. توسعت عينها بصدمه في طريقته في ذلها و اثباته لها انه قادر يمنعها عن التنفس !!
ارتجفت و قالت بهدوء - ممكن تبعد ؟ وصلت المعلومه و فهمتها !!
"
--------------------------------------
دخلت المحل و هيا تكلم و متوجه في نفس الوقت على الطاوله و حطت اغراضها
دينا - ترا مالي خلق لا تهدرين كثير و تطولين بالحكي
سمر - وينك ؟ احسك مو بالبيت
دينا - توي داخله الكوفي بذاكر لين وقت الدوام
سمر - ستاربكس؟
دينا - ايوا
سمر - طيب تذكرين الي خبرتك فيه مو ؟
دينا - اذكر و من يوم خبرتيني هذي المره الثانيه الي اجي الكوفي .. و وطت صوتها - ولا تنسين ان هذا اسمه محل ابوي "يعني تجيه كثير" - قبل لا يتوظف فيه حضرته !!! لا تشيلين هم و مدري ايش .. راح اذاكر
سمر - طيب .. متى راح تجين ؟
دينا - بعد ساعه ونص
سمر - كويس .. يالله اجل اشوفك لاجيتي ..
دينا - طيب .. و قفلو المكالمه
دفعت عينها و مشت لعند الكاشير ..
الموظف الفلبيني - هاي دينا ..
دينا - هاي .. " و جات عينها في عين عبدالعزيز الي جى و اخذ مكان الفلبيني " - صباح الخير
دينا بدون نفس - صباح الخير
عبدالعزيز - أمري يا بنت بو خالد
دينا - واحد كابتشينو ميد سايز اكسترا كوفي
عبدالعزيز - تأمري .. شيء ثاني ؟
دينا - لا
عبدالعزيز حط طلبها و دفعت الحساب .. و وقفت تنتظر الطلب في نفس الوقت الي جات بنت و اخذت مكانها - طلبتي مو ؟
دينا - ايوا
- هاي ..
عبدالعزيز - اهلييين
- كيف الحال؟
عبدالعزيز - بخير الله يسلمك .. شلونك كيف الدراسه ؟
دينا بقهر شتتت نظراتها
- الحمدلله بخير
عبدالعزيز - تفضلي شنو تبين اليوم ؟
- هوت شكولت
عبدالعزيز - اوكي و اخذ طلبها .. و اشر على دينا - تراكم انتو الثنتين ماكنتكم وحده
دينا تسوي نفسها ما سمعته - ايش ؟
عبدالعزيز - انتو الثنتين سبشل هنا .. بس لاا براحه و اشر على دينا - دينا واسطتها هنا اقوى منك .. و ناظر في البنت الي تعتبر زبونه عند عبدالعزيز - دينا لو تقعد و تأشر لي من بعيد انها تبي طلبها اسوي لها
البنت ضحكت - ماشاءالله شنو واسطتها ؟
دينا و مشاعرها تضاربت .. شنو قصده ؟ هل هذا كلام عفوي ولا انا قاعده اكبر الموضوع كم كيفي؟
دينا اخذت طلبها و همست بجمود - شكراً و جلست و هيا عاطيه عبدالعزيز ظهرها ..
.
.
.
انتهى