/
صباح يوم جديد
دخلت الغرفه تتطمن عليه بعد ما جهزت الفطور لقته واقف قدام الدولاب
ورد بهدوء - صباح الخير
احمد يقفل أزارير كمه - صباح النور
ورد جلست على الطاوله مقابله و اصابعها تتداخل في بعض .. علاقتهم كانت حلوه لحد ما صار الموقف الليله الماضيه و انفعل بدون سبب من شيء صار في الماضي حقها و هيا ما تبي علاقتهم هذي تتغير او يصير فيها توتر .. هيا ما صدقت انهم بدأو يكسرو حواجز كثيره بينهم .. ولا ما راح تسمح اليه يروح و يتركها بتفكيرها الي ممكن يقتلها اذا طلع بدون لا يكلمها او تشوف حالته
احمد - صاحيه بدري؟
ورد الي فعلا صاحيه من الفجر - ايوا
احمد يرش عطره و سمح على شعره بعد ما رتبه - طيب تبين شيء ؟
ورد بتوتر - لا .. الا ايه !
احمد - شنو ؟
ورد تشتت نظراتها بعيد عنه - متضايق مني ؟
احمد - لا
ورد - اااممم جد ؟
احمد - لا مو متضايق ..
ورد و هيا تتذكر ردت فعله و انفعاله الليله الماضيه و حبت انها تذكره .. - والله ؟
احمد جلس مقابلها و انحنى يلبس الجزمه - اي
ورد - طيب ..احسك متضايق
احمد و رايق اليوم عكس اليوم الماضي .. رفع عينه وهو يربط خيوط جزمتهو ابتسم لها - لا مو متضايق
ورد بنبره طفوليه - طيب انا اسفه اذا ضايقك او كنت متضايق مني
احمد وقف و هوا يضحك عليها و ما حد يلومه لو قال عنها طفله !!! - تعتذرين ليه ؟
ورد حست ان موقفها ماله داعي و حست بخجل و وقفت بربكه - خلاص لا تتأخر على شغلك
أخذ مفاتيحه و جواله و مشى و اخذ اوراق كان حاطهم على الطاوله الجانبيه
ورد تمشي معاه بعد طفت الانوار - متى راح تجي اليوم
احمد - بحاول ما اتأخر .. يعني على الساعة ١٢ الظهر أنا هنا ان شاءالله
--------------------------------------
في كوفي قريب للدوام
فهد كان واقف برا بعيد عن الجماعه بعد ما اخذ طلبه و زهق من وقفته مع ابو سلمان و الجماعه كان مع ابو سلمان مازن و صالح .. شغل السيجاره و وقف يناظر بالمكان .. الا و شاف صاحبه من فتره طويله ما شافه !!
عبدالله - له له الشمس من وين طالعة اليوم ؟
فهد يسلم عليه - و أنا أقول الرياض منوره
عبدالله - ههههههههههههههههه جاي عشان عندي اجتماع و لليلة برجع الامارات ... اجل انت فجأة اختفيت لا سلام ولاخبر ؟
عبدالعزيز ألتفت للزجاج يناظرهم و انتبه الى نظرات ابو سلمان عليه - تعرف بعد ما خلصنا تدريب العسكريه قبلوني في الشرقيه بس ما عرفت استقر و اهلي هنا و طلبت نقل و جابوني الرياض وين ما اهلي هنا
عبدالله - والله أشتقنالك وايد
فهد تشتاق لك جنة ربي حتى أنا حنيت للجمعه و للشباب و الوناسه
عبدالله - أهم شيء أحوالك تمام بالرياض ؟
فهد- ايوا الحمدلله
ابو سلمان جاهم
فهد - هذا ابو سلمان " فضل انه ما يقول اسمه عشان لا يتعرف عليه عبدالله .. في النهايه اسم سو سلمان معروف "
ابو سلمان يسلم على عبدالله - تشرفنا والله
فهد - هذا عبدالله من الإمارات صديق مقرب "كان يتحدى ابو سلمان بكلامه"
ابو سلمان - والنعم والله
عبدالله - الله ينعم بحالك .. يالله ما اعطلكم .. عن اذنكم و اشوفكم على خير
فهد - ان شاءالله و دخل عبدالله داخل الكوفي و فهد رجع و اخذ كوب قهوته و صار يشرب منها
ابو سلمان - تغير حالك فجأه
فهد - اكيد! اخيرا وجه مو غريب يطلع قدامي !
ابو سلمان - احذر من الجميع يا فهد .. خلي علاقاتك مع الكل سطيحه .. صدقني ما تبي يجي اليوم الي يهددوك في احد تحبه
فهد ما علق
ابو سلمان و هوا يشوفهم يطلعون - يالله سرينا
و هم ماشين عن سياراتهم .. وقفت سياره كلها بنات و كان شكلهم ملفت ..
ابو سلمان ما كان يناظر بس سمع صوت خلاه غصب انه يناظرهم و طاحت عينه عليها
فهد مستغرب ليه يناظر البنات !! هذا و هوا رجال امن و يخاف عليهم .. بس لما ناظر في الي يناظره ابو سلمان .. كانت بنته من بين هل بنات و الواضح انه ما عنده علم في خروجها
ابو سلمان يحاكيهم - انتو اسبقونا .. انا رايح مع فهد مشوار .. و اشر عليه يركب سيارته و ركب معاه ابو سلمان
فهد شغل السياره و ما يدري وين يروح ولا شنو يسوي
ابو سلمان اتصل عليها
ملاك - هاي بابا
ابو سلمان - اهلين .. وينك ؟
ملاك الي تغيرت نبرتها - في غرفتي
ابو سلمان و ناظر فيها و هيا تمشي للبوابه بتدخل للكوفي مع البنات الي كانو ساكتين - طيب يا ملاك انا ابيك توقفين عند باب الكوفي لا تدخلين
ملاك تجمدت و صارت تناظر يمين و يسار
و قفل الجوال بعصبيه ياليتها ما كذبت كان غفر لها .. بس وين و هيا مستهتره ما يهمها شيء غير العصيان لكلامه و دايم تطلع عن شوره
ابو سلمان - قرب يا فهد خلها تشوفنا
ملاك قفلت المكالمه و عينها كانت تناظر ابوها الي مولع من نظراته
ابو سلمان - اركبي
ملاك - وين سيارتك ؟
ابو سلمان - ملاك اركبي لا ارتكب فيك جريمه
ملاك ركبت و قفلت الباب بقوه
ابو سلمان - الحين مين الي يعصب انا و الي انتي ؟
ملاك - ا
ابو سلمان يقاطعها - انبثري ولا كلمة
ملاك ما علقت
ابو سلمان - روح للدوام يافهد
ملاك وسعت عينها .. كيف يعني !
و كلها و دقايق و وصلو للمبنى القرب من الكوفي .. نزل ابو سلمان - اذا ما عليك كلافه يا فهد .. وصلها القصر ، لو ما انا مضطر كان وصلتها بس متأخر
فهد بهمس - ولا يهمك
ابو سلمان ناظر فيها بنظرات كلها غضب- حسابي معاك في البيت
ملاك متكتفه بقهر ما علقت
لاول مره صارت ملاك مع فهد بروحها ..
ملاك كانت تطقطق في جوالها و تبرر للبنات ان ابوها شافها و قال انه راح يتغذا معاها و رقعت للي صار
جت مكالمه لفهد و رفعها قدامها و هيا ما كانت مركزه غير انه قال - طيب .. اي شيء ثاني ؟ .. و ابتسم - اوكي
ما اهتمت و صارت تتصفح في جوالها .. و لما حست انهم طولو و ان هذا مو طريق البيت رفعت عينها بصدمه - وين رايحين ؟
فهد ما يرد
ملاك - ما تسمع قاعده اكلمك !!!
فهد ما زال ما يرد عليها
ملاك عصبت - بتصل على ابوي بقوله الي قاعد تسويه أنت تبي تخطفني ولا شنو !!
فهد لسا ساكت عنها
ملاك - وقف السيارة لا والله لاصرخ والم الناس عليك
فهد اخيرا - اتصلي على أبوك ايش الي منتظره
ملاك اتصلت على ابوها و كان جواله مقفل
فهد يناظر فيها من المرآيه - واضح ان مررة يهمه امرك لدرجة أمن علي فيك بثقه عميه !!
ملاك بعصبيه - تعرف ايش ؟ كل تبن
فهد ضحك - ههههههههههههههه من ذوقك
ملاك تأففت - شف أنا انسانة ممكن ارتكب جريمة ولا يهمني شيء و متهوره فوقف السياره لا والله افتح الباب و ارمي نفسي بالشارع قدام الناس
فهد ما رد على كلامها بس قال - غريبة يطلع لابو سلمان بنت قليلة أدب !
ملاك - أنا قليلة أدب !!!!! يا... و سكتت و بعدين قالت - ولاتدري خلني ساكتة لا أقولك قاموس كلمات ماتعرفها بعد
فهد - ايوا بالضبط هذا الكلام الي اقوله و قاعده تثبتيه
ملاك بلعت ريقها بخوف من الشارع الي قاعدين يمشون فيه وهنا عرفت ان فهد فعلا نيته مو طيبه !!! - هي أنت وين بتوديني !!
فهد - دام ابوك مايبيك أنا أبيك و ابتسم و هوا يحاول ما يضحك
ملاك - ياحقير ياقذر ياكلب ياحيوان وقف ياكلب و صرخت ووووقققققفففف
فهد - من زمان ما سمعت هذي الكلمات من ولد بس اول مره اسمعها من بنت
ملاك تصارخ - قلت لك يااا **** وقف !!!!!!!!!
فهد و دعس على البنازين بسرعه و طلعو من الحي الضيق بشكل مرعب و متهور !! هنا ملاك حست انها راح يغمى عليها من الخوف
ملاك بدت عينها تدمع - تحسب أبوي راح يخليك ؟ والله لو وين ما رحت راح يجيبك جثه يا حثاله
فهد - اوكي.. انا ماعندي شيء اخسره
ملاك قربت لعنده و بصقت عليه
فهد ضحك و هوا متحمل افعالها - هذي بنت الحسب والنسب تتفل !! وش هالبيئة الشوارعية اللي أنتي عايشة فيها !! اتاري المكان الي انتي ساكنه فيه ما نفع انه يرقيك و يطلع منك بنت ناعمه ذويقه
ملاك تبكي - خلاااااااااص اسكت ... و صارت تبكي من الخوف - وقف الله يخليك وقفففففففففف خلاااص بعطيك كل شيء بشنطتي اذا تبي فلوس بس وقف
فهد - عندي فلوس مو محتاج
ملاك - تدري ان الي قاعد تسويه يعتبر خلوة وحرام ومايجوز وربي بيعاقبك يوم القيامة على فعلتك هذي ..
فهد - الله !! عقب كل الألفاظ الحلوة اللي قلتيها صرتي تعرفين بالدين ماشاءالله عليك
ملاك مسكت جوالها في نفس الوقت التفت فهد و اخذه و رماه تحت رجله
ملاك -انت من جدك !! و ابوي واثق فيك ومسكنك عندنا وأنت من أول فرصة صرت فيها معاك و انت ماخذني لنهاية الرياض عشان محد يصيدك .. والله ثم والله
فهد يقاطعها - وفري حلوفك لنفسك
ملاك تبكي - خلاص تكفى والله ان انا اسفه على كل الي قلته بس تكفى لاتسوي فيني شيء
فهد و يحس بنصر و فرح لانها بدأت ترضخ اليه و تترجاه - كملي وبفكر أرجعك أو لا
ملاك و ما تتحمل هذا الاسلوب ابد - انقلع يا غبي يااا ****
فهد - هههههههههههههههههههههههههه هههههههههههههههه بالضبط ما قدرتي تتحملين.. مو مصدق على كل هل كلام و الالفاظ الي تقوليها أنك انتي بنت ابو سلمان
ملاك - ما يهمني ويش تصدق يا غبي يا ** يا *** رجعنييي يا حثاله يا زباله يا ****
فهد يضحك على أفعالها المتناقضة مرة ترضخ له و مره يطلع الجني الي فيها عليه !!
دخلو في حي كله مباني و الطريق فاضي ..
فهد فتح درج السياره لما شافها بتفتح الباب عشان تطلع لانه ما كان يسرع و صدمها لما طلع منه سلاح و بحركه ما انتبهت لها فضى الرصاص الي فيه و صار يحوس فيه بتخويف لها و هوا يسوق - اي حركه برميك برصاصه تهجدك !!
ملاك انخرست
فهد - انا اعرف مكان فاضي و انا عارف مين صاحب العماره و لو ايش سويته راح يتستر علي .. يعني يمديني اخذ الي ابيه منك و اقتلك و أدفنك ومحد درى عنك ونقول ان هذي قرصة اذن لابوك و بكذا انتقمت منه من اغلى شخص عنده
حطت يدها على عينها و صارت تبكي ..
--------------------------------------
في مكتبه
صالح و احمد يناظرون بعض بصدمه
احمد - هذي ملاك ما غيرها ؟
ابو سلمان تنهد بعد ما فضفض لهم عن الي صار و حس براحه لانهم هدوه بعد ما شافوه كيف كان معصب - اي والله
احمد - كم صار عمرها على شان تسوي هل حركات ؟
ابو سلمان - ٢١
صالح - والله انا اتذكرها كانت بزر الحين كبرت و كبرت معاها المسؤليه
احمد - بس شدعوه فهد لسا ما جى !! ما صار هذا مشاور بيوصلها لقصرك
ابو سلمان - انا قلت اليه يأدبها قبل لا يوصلها القصر
صالح - يأدبها ؟!!! شدخله ! كيف بيأدبها ؟؟
ابو سلمان - انا قلت اليه .. ما يرجعها الا و هيا تايبه من فعايلها
صالح - ايش حقه ! حرام عليك
ابو سلمان و ما يفكر الا بانها ما زالت تستاهل على فعلتها ! اكيد هذي مو اول مره تسويها و تطلع من وراه
و احمد الثاني يفكر في انه كان يبي ورد تتعرف عليها و يونسو بعض بس ما بعد ما ابوها يقول لهم سوالفها الا انه غير رأيه دام وراها هل حركات ما ينفع بعدين تخرب ورد !
--------------------------------------
مرت فتره و هيا تبكي
ملاك - وين ما رحت الشرطة بتلقاك وابوي بيلقاك و .. سكتت لما فهد وقف السياره
تحس انها صارت ترجف من الخوف !!
فهد لما صارت الصدقيه حس انه يبي يضحك من شكلها و من كثر ما انه متلذذ و هوا يسوي فيها هل فعل بعد ما سبته في كلامها .. هذي البنت متمرده على ابوها كثير و تستاهل الي يصير فيها
ملاك الي تناظر المكان برعب - خاف ربك ياخي
فهد التفت لها - شوفي انا قررت لو ترجيتيني و انتي تحسين نفسك مذنبة .. ابيك تترجين من قلب ابغا اشوفك نذمانه على كل كلمة قلتيها لي و ان شاءالله برجعك
ملاك و مستحيل تذل نفسها الى اي شخص - تخسي
فهد انصدم من ردت فعلها - يعني ماتبين تترجيني
--------------------------------------
دخلت غرفتها و فتحت الستاره و طفت التكيف - سجى صارلك ١٠ ساعات نايمه اصحي !!
سجى الي راسها خفيف صحت بسرعه من دخلتها - اااه احس صارلي سنه ما نمت هل نومه خليني في حالي
لينا - راح تجي الظهر و انتي ما قمتي
سجى - كم الساعه ؟
لينا - ٩ !
سجى - تعبااااانه ابي انناااااام
لينا - لااا قومي ! من جى راكان و انتي كل يوم مشغوله معاه بالله قومي
سجى مسكت جوالها و ابتسمت
لينا - يالله بتقومي؟
سجى طفت الجوال بعد ما شكيت على الرسايل و التفتت للجهة الثانيه من السرير - بنام ساعه .. لينا والله تعبانه
لينا -ساعه و اجيك !!
--------------------------------------
ملاك - ايوا و لو تموت وتنقلب السماء تحت والأرض فوق ما راح اترجاك .. ما انخلق الي يذلني ياكلب !!
فهد ابتسم - بانت بنت ابوها
ملاك فتحت باب السيارة و جات تبي تهرب بس فهد اسرع منها و مسكها بقوه من يدها و دفها داخل السياره
ملاك - أنت كيف تمد يدك علي ياوقح بعد !!!!
فهد - بس انا اظن ان الحياء ماله وجود بقاموسك ولا !
ملاك تناظره بتحدي - ايوا انا ما استحي ايش عندك ؟؟ وقليلة أدب بعد دام ان انا في نظر إنسان حقير مثلك فهذا يزيدني شرف
فهد يصفق - والنعم فيك والله .. و بابتسامه خبث - يالله استشهدي
ملاك ثبت في مكانها و صارت تبكي
فهد - مالك نيه تترجين يعني ؟
ملاك رفعت عينها الي صار فيها سواد من المسكرا الي سالت شوي - ممكن يا
فهد قاطعها - بس بدون ألفاظ شوارع
ملاك تناظر فيه - ممكن يافهد ترجعني للبيت
فهد و الي ناظر في عينها لاول مره يتمعن النظر فيها و شاف الخوف الي ماكلها بس عنيده مستحيل تتنازل عن عنادها و هذا واضح ...سوى نفسه يفكر - مدري أحسه هل كلام مثل اي كلام .. ابي أحس انك صدق تترجيني .. يالله اشوف قولي مره ثانيه
ملاك عضت شفتها لين نزفت من قوة عضها - رجعني البيت تكفى
فهد مستمع لدرجة ان ما وده هذا الشيء يخلص من المتعه - اكثر من كذا
ملاك - لو سمحت تكفى رجعني البيت
فهد و بكل نذاله رفع السلاح - ما اشوفك تترجين
ملاك و تحس ان جاها ضيق تنفس - الله يخليك تكفى رجعني والله ما راح اقول لابوي بس تكفى رجعني أمانة رجعني خاف ربك فيني على الاقل مو عشاني عشان الله .. رجعنييييي الله يخليك مستعدة أعطيك أي شي بس رجعنيييي و بكت زياده
فهد - ايوا بديتي تتحسني .. يعني نص ونص اعطيك الحين يالله ابي أكثر من كذا
حست ان الخوف راح من كثر ما انها عصبت و فار دمها منه و من استفزازه صرخت بصوت عالي - ياحقيييييييييييير قلت الك رجعني
فهد اخترع من ردت فعلها المتوقعه .. طلع رصاصتين و دخلهم في السلاح - رصاصتين كافية ولا ؟
ملاك حست ان من جد خلاص راح تموت في اي لحظه ..
اغمى عليها ..
--------------------------------------
دخلت علينا الغرفه بعد ما حست لحركتها .. كانت تكلم
راكان ضحك - تسلمي لي يا روحي .. اشوفك على الموعد ان شاءالله
سجى بابتسامه - اوكي و قفلت المكامله و هيا تناظر في لينا
لينا بخبث - راح التعب؟
سجى بضحكة - هههههههههههههههههههههههه يااااربي مبسوطة ... مبسووووطة ودي أطييير منه !!!
لينا بفرح - هههههههههههههههههههههه عساه دوم
سجى - يالله تبين تطلعين ؟
لينا - ايوووووا
سجى - اعطيت راكان خبر و عزمك معانا على الغذا
لينا - هههههههههههههههههههههههههه لاااا احس خير بكون داخله عرض معاكم
سجى - بالعكس .. تتعرفون على بعض و تطيحون الميانه بسرعه
لينا - ايوا اكيد هذي مالها شك بس احس تو الناس ما اخذتو حقكم الكافي
سجى - كل شيء ولا انتي ياقلبي .. ما عليك انا فرحانه اصلا
لينا ابتسمت - اوكي !
--------------------------------------
لف الفه بقوه و لفت السياره حتى صدم راسها بالزجاج و صحت من نومها ! عدلت نفسها و هوا انتبه لها انها اوتعت
ناظرت حولها و تعرفت على المكان الي هم فيه بالشارع و حست انها بأمان من زحمة الطريق الي هم فيه
كانت ساكته طول الطريق و فهد ابدا ما راح يستغرب ان اذا وصلو راح تضربه بالجزمه او تركي عليه بالرصاص
بعد فتره وصلو البيت بعد ما كانت ملاك نايمه بنص المشوار
نزلت وهييا تدور اي شخص قدامها عشان تشكتي اليه عن الي صار و انتبهت الى ان سيارة ابوها مو موجوده يعني راح تتحمل انها تنتظر فتره لين تنفجر و تشتكي على الي صار .. التفت اليه و قالت بصراخ - ان ما خليتك تندم على الي سويته فيني ما اكون ملاااك
فهد واقف يناظرها بجمود - اها .. تراها اوامر ابوك ولازم ننفذها
ملاك ناظرته بصدمه
فهد ناظرللسيارات ولمح سيارة ابو سلمان موجوده - اوه و اذا مو مصدقتني .. اشر على سيارته - روحي اسأليه تراه موجود
ناظرت السياره الي من عصبيتها ما شافتها !!!!! كانت مصدومه و تحس ان الدنيا تدور فوق راسها
دخلت القصر و مشت لعنده لوين ما جالس و حاط رجل فوق رجل ينتظرها تدخل - ليه بابا ؟؟؟
ابو سلمان - عشان تحسين بمخاطر اللي تسوينه و ما تعصيني
ملاك - بس تسوي لي كذا مع واحد غريب !! كيف قدرت تأمن عنده بديت أشك فيك !
ابو سلمان - بترجعين لحركاتك ؟
ملاك - فيه الف طريقة غير هذي .. تدري أنه مسك السلاح تخيل يعني ممكن بلحظة شيطان يوسوس له لان انا صدقت انه راح يقتلني !!!!! تخيل بابا انا صدقت ان انا راح اموووت !!
ابو سلمان - انا ابيك تحترمين شوي الحدود والقوانين اللي أنا أحطها لك وشيء ثاني صوتك مايعلى على الرجال و اشر على النافذه - تو شفتك كيف تهاوشين فهد وكانه أصغر عيالك و مرفعه صوتك عليه !!
ملاك - ايوا الحين انا صرت قليله الأدب اللي ما تستحي واللي ماتربيت وكل شيء سيء صار فيني انا !!!!
ابو سلمان ضحك و هذي الضحكه قهرت ملاك و هيا بغبنتها - كذا انا ريحت ضميري لانك لو رجعتي تعصيني مره ثانيه و طلعتي من وراي .. صدقيني راح يصير لك لشيء اعظم من هذا !! و قدر اعذر من انذر ! و وقف طالع تاركنها !
--------------------------------------
دخلت للشقه و حست بوجودها فيها .. اخيرا ! من فتره طويله و رزان ما تقعد بالشقه دايم طالعه و دايم مع اصحابها !
دقت الباب و فتحتها عليها - هاي!
رزان - اهليييين
ريما - وينك ما تنشافين ما كانك عايشه معاي
رزان ضحكت - شنو اسوي تعرفي حالتي الاجتماعيه ما تسمح اكون فاضيه
ريما - الله الله ! شنو مسويه
رزان - كويسه الحمدلله
ريما - اشوفك مبسوطه و فرحانه
رزان - ايوااا !! تذكري تركي الي قلت لك سوالفه ؟
ريما تغيرت ملامحها - ايوا
رزان - ايوا .. تعرفي صارو اصحابه اصحابي و جلستهم ما تنمل منها ..
ريما عقدت حاجبها - تجلسين معاهم انتي؟
رزان - انا و ليلى ايوا
ريما - وين ؟ طول الوقت بالجامعه ؟
رزان - لا .. بالجامعه و في المطعم .. و الكوفي .. و مره كانو متجمعين في بيتهم
ريما بخوف من استهتارها و على الرغم من عاداتهم الا ان الي تسويه خطأ - من جدك !!! رحتي بيته !!
رزان - كنا جماعه ! شفيك بنات و اولاد مو بس انا
ريما - الا يارزان حتى لو ! صدمتيني
رزان - لازم اعرفك عليهم عشان تغيرين رأيك
ريما - لا ما راح يتغير رأيي بس ايوا عرفيني عليهم لان بديت اخاف
رزان و لسا مو فاهمه و الموضوع عندها جدا عادي - طيب
ريما - و اهلك عارفينهم و سامحين لك ؟
رزان - لا مو عارفين بس راح اقولهم
ريما ما عجبها الوضع .. صحيح انها متفتحه بس مو مثل ما رزان تفتحت في هل سرعه !! قوة علاقتها في تركي و اصحابه بدل لا تتجنبهم
--------------------------------------
كان جالس يتقهوى مع اخته و يقولها الي سواه فهد لانها بس ما كانت موجوده يوم دخول ملاك و ما تدري شنو الي صار
بدور و الي مو عاجبنها الي صار - بس شكله من جد ماقصر وراها نجوم الليل في عز الظهر ! حرام عليكم
ابو سلمان - هههههههههههههههه جتني معصبة بس كويس أحس بتتوب صدق مو ناقص مصايب فوق راسي كل ماطلعت من مصيبة جت لي بمصيبة ثانية .. خلاص يابدور ما عاد اتحمل هل استهتار منها !
بدور - ترا لسا صغيرة
ابو سلمان - وين صغيرة ؟ البنت سنة ثالثه جامعه و تقولي عنها صغيرة !! لكن هيا من يوم كانت بزر وهيا تعشق تتعدى الحدود الحمراء اللي احطها لها مالله عطاها من هددوء امها شيء ابد !!
بدور - الله يرحمها .. بس ترى ملاك قريبه من قلبي و هذي اخر مره تسوي فيها هل فعله !!
ابو سلمان - اذا مشت معاي سيدا بمشي معها سيدا و وقف
بدور - على وين ؟
ابو سلمان - بقوم اكلم فهد اشوف شنو هببت هل بنت قدامه
بدور - و برضو بتحاسبها !!
ابو سلمان - لا بعتذر عنها
بدور قامت - و انا بقوم لقلبي اكيد حالها مايسرني
--------------------------------------
في المبنى
صالح - يعني الحين ما نعرف وين عمر ؟
احمد- الا متعب يعرف
صالح - ووين متعب يا انس ؟
انس و هوا يخرب علي الجهاز و طلع الوكيشن بالضبط الي فيه متعب - متعب في الامارات !!!
احمد - ايش!!!!
انس - الجهاز الي فيه يقول !!
احمد - وين الي راح يراقبونه ليه مستسهلين في الموضوع ؟؟؟؟؟؟
انس - اتصل على قسم المراقبه و خبرهم ..
احمد - لا الموضوع ابد ما ينسكت عنه .. ترا يشتغل لصالحنا بس نا صارله كم يوم !!!
انس - طيب هدي
احمد - متعب ما وراه الا البلا!
صالح - وصيهم يا انس الله يخليك لا يسوي شيء و يكونو هم المسؤلين
احمد يمشي مع صالح - يعني بس غبنا عنه كم ساعه شوف وين راح !!
صالح - نشوف شنو مخبي لنا
--------------------------------------
كلمه يجيه للجلسه الي في الحديقه
ابو سلمان - شفيك واقف .. أجلس
فهد جلس مقابله
أبوسلمان - أعتذر عن كل كلمة قالتها لك بنتي أنا داري أنها قالت كلمات كثيرة ممكن أساءت لك وواثق من هالشيء بدون لاتقولي فعشان كذا أنا اسف بالنيابة عنها
فهد كل الي جى بباله ان .. "يعتذر!! ... السيد سعود ابو سلمان بقامته يعتذر لي عن تصرف بنته !! شنو قاعد يصير بالدنيا !! "
فهد - ماقالت شيء !! مو فاهم قصدك
ابو سلمان ابتسم - بنتي وأعرفها .. قالت وقالت
فهد - اي كلام قصدك ؟ هددتني فيك وهددتني بالشرطة وصرخت تترجى ان أرجعها .. و ممم
أبو سلمان ضحك و هوا بس يتخيل ملاك بأدب لدرجة انها ما سبته !!
فهد - تطمن هذا الي صار
ابو سلمان - والنعم فيك دام بتتستر عليها بس المشكلة محد يعرفها كثري .. اعتبرها اختك لا غلطت عليك
فهد - ماعليك زود
ابو سلمان ابتسم و فهد قاعد يكبر بعيونه على تستره على ملاك !! ليه ما يبيني اتفشل منها لانها قالت كلام اولاد شوارع ؟
--------------------------------------
دخل و حط اغراضه على الطاوله كالعاده و توجه للصاله و لقاها جالسه تقرأ كتاب و مندمجة بالقرأه - السلام عليكم
ورد اخترعت و تعدلت على طول - وعليكم السلام ..
احمد جلس جنبها - شنو تقرين ؟
ورد ابتسمت - رواية ادبيه
احمد - و هوا يلمح الكتاب - مم ..
ورد - جيت على كلامك !
احمد - ايوا انا قد كلمتي
ورد - جوعان ؟
احمد بتعب - بصراحه اتوقع ان بريح ساعه و لما اقعد راح اكل .. و وقف
ورد ناظرت فيه و حست نفسها جنبه كتكوته ما راح تبين جنبه ! ..ليه دايم تتأمله في الوقت الغلط ؟
--------------------------------------
الساعه ٩ الليل
بدور الي تواسيها لانها من جات و هيا بس تبكي - طيب يا ملاك يا حبيبتي ليه تبكين للحين ؟
ملاك بقهر - ليييه يسوي فيني كذا قهرني كاني رخيصة عنده !! عيشيني في لحظة عمري ما عشتها !! ذلني !! كان يذلني
بدور بقهر عليها - من أفعالك خلاص انا طفشت من كثر ما اقولك تأدبي يابنت
ملاك من بين دموعها - الحين ليه تقولي لي هل حكي
بدور بتوبيخ - و على فكرة لو أنا مكان فهد وقلتي لي كل هالحكي قسم بالله لاقوم واكفخك !!! مدري كيف تحملك انتي و الفاظك و بعدين حبيبتي ماهو حلو تجادلين الرجال!
ملاك - انا الحين غلطانه لان قلت لك الي صار لان عارفه انك بس راح تنتقديني و تطلعيني غلطانه
بدور تنهدت - لا ما انتقدك بس الي سويته من جد غلط!! يعني من جد مره مو حلو يطلع هل تصرف من بنت ! و بعدين شنو تبين ابوك يقول عنك !
ملاك وهيا تمسح دموعها - يقول اللي يقول خلاص مافي شيء صار يهمني
بدور بلين - حبيبتي ملاك .. هل صفه الي فيك لازم تغيريها .. لازم تنقين كلماتك بادب و ذوق .. يعني اول فكره راح تجي في بال اي شخص لما يسمع حكيك راح يقول انك وقحه و قليلة ادب و عديمة تربيه انا ما ارضى !
ملاك من قهرها و حرتها تعاند - طيب ايوووووا أنا قليلة ادب شنو تبين توصلين له؟
مبدور رفعت حاجبها - لا طبعا انتي مو قليلة ادب ولا برضى تكونين قليلة ادب !!!!!!! ترا قوة الشخصيه مو في هذي الطريقه !
ملاك - عارفة ايش الي تلمحين له بس أنا كذا كيفي ومزاجي اسوي اللي اشوفه صح
بدور بخيبة - مالك حل !!
ملاك - ولا تفكرين ان انا راح افوووت للكلب ذا والله لأوريه !!
بدور توبخها - ايش بتسوين يعني ؟!! استحي على وجهك وأنثبري اشوف
ملاك تبتسم بخبث على الأفكار الي جات ببالها - الرعب اللي عشته اليوم راح ارده يعني راح ارده !!
بدور - ياحبيبتي قابلي الإساءة بالحسنة
ملاك - لاااا هالحقير مثل ما ارعبني راح ارد اليه الي سواه
بدور بانفعال - ملاااااااااك بلاها هالالفاظ ايش خليتي لعيال الشوارع هذا وأنتي البنت كم مره اعلم فيك ! انا ما ارضى لعزوز او ندى يسمعون هل حكي و اكيد ما راح ارضى اسمعك تقولينهم
ملاك وقفت من على سريرها
بدور - استهدي بالله ولايلعب الشيطان في راسك
ملاك و تناظر للساعه الي كانت ٩ الليل و توجهت لعند الباب بس سمعت كلام عمتها و هيا تقول
بدور - انا برفع يدي منك صراحة ياكبر صبر اخوي عليك و طلعت بعد ما نزلت ملاك بخطوات هادئة وهي تمشي على أطراف أصابعها عشان محد يحس لها
طلعت للحديقه و ما همها انها لابسه شورت قصير مع بلوفر واسع و خفيف.. مشت للسيارات و وقفت قدام سيارته و تأكدت انها اليه قبل لا تسوي فعلتها قربت و ابتسمت و هيا تغرز السكين بالكفرات و ناظرت فعلتها و هيا تبتسم بنصر !
حست بحركه داخل القصر و ما تدري من وين .. ركضت بسرعه للباب الخارجي و دخلت منه و هيا متخوفه ان احد يشوفها لان المكان محاوط بالحراس و الخدم كثيرين بالقصر
،
عند فهد
صحى من النوم مع اذان الفجر و أخذ له شاور عشان يصحصح فيه ... صلى و سوى اليه قهوه و صار يتأمل المكان المكان الي مافيه الا هوا ! .. تنهد بعد ما خلص قهوته و قام و جهز نفسه لليوم ناظر الساعه الي صارت ٦ بسرعه و طلع للحديقه وين ما ابو سلمان دايم يفطر فيها هناك في هل وقت
لقى مهند و ابو سلمان جالسين سوى قرب لعندهم - صباح الخير
- صباح الخير
ابو سلمان ابتسم - كاشخ اليوم
فهد ابتسم - اليوم و كل يوم
مهند و هوا رافع العصير لفمه - جاهز لليوم ؟
فهد - ايوا
ابو سلمان يعيد التوصيات - اوعى يا فهد يزل لسانك قدام احد .. خليك على شور متعب لا تخليهم يشكون فيك
فهد - تطمن
ابو سلمان - ان شاءالله انا متطمن و واثق فيك .. مد يدك افطر
دخلت عمتها لغرفتها تتطمن اذا هيا نامت ولا لا - ما نمتي ؟
ملاك - لا
ملاك ولا ودها تسألها شنو سوت ولا في مصيبه جايه - طيب تعالي افطري
ملاك - طيب بس أبوي وينه ؟ و صارو يمشون سوى - لاتقولين لي مع فهد لأني بديت اكرهه و ما اشتهي اشوف وجهه
بدور - ما شفته .. يا ما صحى يا انه يفطر مع فهد .. طلي وشوفي
قتربت من الشباك و طلت عليهم و هم يسولفون و جالسين سوى هم الثلاث - يوووه
بدور قربت تطل معاها - اووه مهند معاهم اليوم !!
ملاك كشرت لان ياكرها للشخصين الي مع ابوها !!
--------------------------------------
ام خالد - تعالي شوفي الدعوات انرسلو ولا لسا ؟
دينا جلست جنب امها و اخذت الجوال و صارت تناظر - ايوا انرسلو
ام خالد - بكرا الملكه و اليوم الي بعده الحفل و لسا ما خلصنا
دينا - ياحبيبتي ياقلبي شفيك شايله هم !
وجدان - ايوا ماما خلصنا اغلب الاشياء ليه شيله هم
دينا - ام المعرس لازم هذي الحركات
ام خالد - و برضو حركة يوسف مو حلوه
وجدان - خلصنا كل شيء ليه مصره ان لسا باقي اشياء و مدري ايش
ام خالد - الا انا متأكده ان احنا ناسيين شيء
وجدان - تبين نشيك على الاغراض مره ثانيه
ام خالد - ايوا قومو
و ركبو هم الثلاث و شافو الترتيب الاغراض للملٌكة بكرا و ليوم الحفل اليوم الي بعده
وجدان - الي ناقص بس باقات الورد
ام خالد - وين الهدايا ؟
دينا - الله شريتو هدايا !
وجدان - طبعا ! .. شرينا عطر و شنطة .. و ماما ذكريني
ام خالد - و جلاله صلاه .. و كريمات .. و عقد ذهب
دينا - ايش هل دلع !
وجدان - ايوا هذا طبعا باصرار من يوسف بس يعني لما شرينا الاغراض قلنا نكملهم في صندوق يصير شكله ارتب و احلى
دينا - متى راح يجيني فارس احلامي؟
ام خالد - مين فارس احلامك انتي بعد
دينا توهقت - ما عندي بس اذا جى ما راح ينرد
ام خالد و هيا متطمنه عليها بس سلكت لها - ايه يصير خير
--------------------------------------
فهد عقد حاجبه - فيه أحد مقطع الكفرات
ابو سلمان - مقطعها ؟ ولا داخلها مسمار يمكن
مهند و هوا يناظر - اووه الا في احد مقطعهم
ابو سلمان بعصبيه توجه للباب الرئيسي لقصره - هل بنت ما تعقل ابد
مهند و فهد فهمو قصده
مهند يضيع الموضوع - تعال معاي انا اوصلك
فهد - اوكي ما عندي مشكله
دخل القصر
بصوت عالي يناديها - ملاااك
ملاك ارتعبت و توها تحس في الي سوته - يناديني ؟
بدور و هيا تناظرها بعتب - شنو سويتي هل مره يا ملاك !
ملاك ناظرتها بتوتر و نزلت و هيا تناظره بظرات فيها توتر - نعم بابا
ابو سلمان - يعني مايمدي نبهتك أمس وبنفس اليوم تقطعين الكفرات وش هل افعال الصبيانية هذا وعمرك ٢١ يعني الى متى !!! خلاص صبري منك نفذ يا بنت
ملاك بتوتر حركت شعرها بتوتر و نظراتها البريئه ما تخلي احد يصدق ان هذي الافعال تطلع منها !!
ابو سلمان - يعني شنو اسوي فيك قولي لي شيء أسويه عشان توقفين من هالحركات!! ماعدت اعرف لك ولا اعرف لااسلوبك لانه مو اسلوب بنت محترمة ولا افعالك تدل على إحترامك لاي شخص حولك !!
ملاك و انجرحت من كلام ابوها !! هيا اكيد ممكن تتقبل هل كلام من عمتها بس هل كلام انقال على لسان ابوها حسسها من جد انها انهانت و انجرحت منه !!
ابو سلمان - عطيني جوالك
ملاك واقفه تناظره بصدمه
ابو سلمان صرخ عليها - قلت لك جيبي جوالك !!!
مدت جوالها لعنده و سحبه و قفله و حطه في جيبه و ناظرها مره ثانيه - طبعا انسي انه فيه حساب لك بالبنك دامك أنتي تبين تعيشيين مراهقة متأخره فانا راح اعاملك بالضبط مثل ما تسوين .. بخليك تعيشين حياة المراهقين وبعطيك المصروف مثل كل مراهق كل صباح وجوال ما عاد في جوال
ملاك - بس
أبو سلمان بعصبية و صراخ - لا بس ولا شيء .. عندك تلفون البيت أتصلي منه لكن جوال لااا .. وطلعات بعد لاااا ..
ملاك بكت اخيرا من صراخ ابوها لها - ايووووا اكيد من جاء فهد صار عندك الولد و بالطقاق بالبنت الي جبتها من لحمك ودمك !!!!
ابوسلمان و دموعها هيا نقطة ضعفه .. حاول ما يتمعن في النظر لا تهزمه في قوته - يعني ماتشوفين نفسك غلطانة ؟!!
ملاك بكت وانفعلت و طلعت كل الي كان في قلبها في هذي اللحظه من تعامل ابوها لها - انت موافق في الحركه الي سواها لي بس انا لاني رديت شيء بسيط عن الرعب الي كان في داخلي منه و خلاص انا المذنبه في كل الاحوال!!! المشكله ام هذا الرعب الي سواه لي كنت انت عندك علم فيه و راضي !! تعرف شنو يعني بابا ؟؟ يعني أنا حسيت برخص وذل عمري ماراح أحسه منك !!! و فوق هذا انت معيشني بين أربع جدران حتى صديقات ما عندي ليه ؟؟ يخافون يصادقوني ، كل من عرف ان انا بنتك صار يتجنبني و انت السبب حتى صاحباتي الي اكلمهم انت تحاول تبعدني عنهم .. و
كل مكان اروح له لازم تعرف أدق التفاصيل عنه كل حفلة أروح لها لازم تعرف المعازيم كل شيء كل شيء تستفسر عنه و كان العالم كلهم واقفين على ملاك وأنه الخطر كله بيجيها أنا طفشت طفشت ولا تلومني من حركاتي لانها تجي لردة فعل من حركاتك معاي !! لاتحاسبني أبد مالك حق تحاسبني على أي شي أسويه أنا بحاجة أني أكون سعيدة أبغى أنبسط أبغى أحس أنه عندي أحد ..
أنت حاس بشعور الوحدة الفظيع اللي انا أحسه ؟... شغلك هذا أكرهه وكل يوم أكرهه أكثر حتى بنات عم ما اعرف عنهم شيء ولاتتحجج أنهم في اي زفت في هذا البلد لان أبد مالك حق تبعدني عن كل شخص له علاقه فيني !! ... أنا تعبت كنت محتاجة لك في أوقات كثيرة .. بس انت وينك بابا ؟؟؟ انا ما لقيت جنبي غير عمتي الله لا يحرمني منها و غير الجدران الي اجلس معاها طول اليوم !! على الاقل الجدران تواسيني لاتسألني ليه أسوي كذا وليه ما اسوي كذا
لما قلت لك ان ودي اسوي حفله و انت رفضت تذكر بابا الليله الماضيه هذا الكلام !! .. رففضت و وافقت و بعدين رفضت ! ليه ؟؟ مين معارفي انا عشان اجيب احد يحتفل معاي ؟؟ قيودك هذي بتذبحني !!!
و ركبت لفوق بعد ما خلصت كلامها بدون لا تسمع اي كلمة من اي شخص من الي واقفين حولينها !!
بدور واقفه منصدمه منصدمه مرررره من ردة فعل ملاك !!
و ما كان ابو سلمان ابدا اقل صدمة منها !!!
اليوم ملاك انفجرت عليهم ..
صوتها كان يوصل لمهند و فهد الي قاعدين على الطاوله لان الباب الزجاجي مفتوح و كل الي قالته ملاك سمعوه
مهند منصدم و تنهد لفهد الي واضح عليه هوه الثاني الصدمه - ااا.. المعذرة فهد
فهد ناظره بصمت و هوا يفكر لكل حرف قالته ملاك ..
--------------------------------------
دخلو الاخوين سوى - السلام عليكم
- وعليكم السلام
ام خالد - تعال حبيبي يوسف تعال
اياد - ايوا حبيبك اليوم و بكرا و كل يوم
دينا - ولا عشانه راح يروح من يدكم بكرا صرتو تدلعونه و تحبونه
يوسف - انا مدري ليه انتو حاسديني !!
اياد - على ايش حبيبي؟
يوسف بسخريه - مدري انا اسألك
دينا جلست جنبه - احنا بس نقول ياااحظك !! .. و همست اليه - ما عندك صورتها؟
يوسف - لا
دينا - امانه امانه تخيل بكرا بنروح و احنا هبلات ما نعرف مين زوجة اخونا
يوسف ابتسم - طيب و فتح جواله و روايها صورة تجمعه سوى لما كانو يتعشون سوى يوم يشترون الدبله
دينا - اوووووله ! هذي هيا !!!
وجدان بحماس - اشوف و توسعت عينها و ابتسمت - ياعيني عليكم ماشاءالله ماشاءالله
ام خالد اخذت الجوال بعد ما انمد لها و ما تنكر جمالها و ابتسمت
اياد حس وضعه غلط بينهم بس حاول ينشغل في جواله
دينا - طيب .. ايش رأيكم نقوم نطلع نتعشى ؟
اياد- مو شينه الفكرة يا ام افكار
ام خالد - ما تعشيتو ؟
يوسف - لا
ام خالد - ليه وين كنتو ؟
يوسف - كنا في الاستراحه
وجدان - اجل امانه ماما وافقي نطلع
اياد - الحين الشيف تقول لكم انتظرو نص ساعه و الاكل يكون جاهز بلاها الطلعه
ام خالد - لا لا ما بطبخ بكرا ورانا يوم طويل و مالي طاقه ادلعكم اليوم و بكرا و الي بعده
اياد يهمس لدينا - يالله كل يوم اعزمك على اي مطعم
دينا ضحكت - ترا ورانا حفله بعد يومين ما ودي اسمن
اياد - هههههههههههه شدعوه من متى صرتي هوسيه ؟
دينا - لا بس لازم على الاقل اخذ وضعيه ان عندنا حفل و فرح و تعرف
--------------------------------------
ابو سلمان - ماتبي تتعشى ؟
بدور - ارسلت لها عشاها مع الخدامه
ابو سلمان سكت وهوا يفكر في كلامها .. كيف هيا كابته على نفسها اشياء كثيره !! تنهد و هوا يفكر كيف راح يعتذر لها على كل الي صار ..
بدور - لا تفكر بالكلام اللي قالته لك لانها كانت من جد مغبونه و منقهره من الي صار عشان كذا طلعت هل كلام بلحظة غضب
ابو سلمان - يقولو لك الكلام وقت لحظة الغضب يوم طالع من قلب
بدور - مستحيل مو ملاك .. قلبها طيب على الرغم من حركاتها ..
ابو سلمان تنهد
--------------------------------------
الساعه ٨:٠٠ مساءا
ضميرها يأنبها على كلماتها الي قالتهم لابوها بس كانت من جد تحس بكبت و هذا الكبت ضايقها !!
أنقهرت من تصرفه و كيف سمح لفهد بانه يسوي فيها السواه الي سواها !!! كانهم يستهزؤ فيها و ما يحترمو مشاعرها !!
ملاك نزلت و ناظرت كيف المكان هادئ و لدرجة ان في اماكن مظلمه بالقصر و هذا الشيء يصير بس لما ما يكون في احد موجود
لقت الخدامه قدامها - محد موجود ؟ كلهم طلعو ؟
الخدامه - ايوا
تنهدت و مشت لمكتب ابوها و فتحت الدرج و اخذت سلاحه الي فيه .. طلعت لبرا في الساحه الكبيره وقفت قدام الاعمده الخشبيه
رجعت شعرها الناعم خلف اذنها .. صارت تطلق الرصاص و كانها تطلع حرتها في الطلق كانت تبي تقتل اي احد عشان تطلع حرتها في الي قاعد يصير ..
هيا عارفه ان لو ابوها درى انها قاعده تطلق في سلاحه كان عصب عليها زياده !!! بس ما كانت مهتمه لان غضبها الحين اكبر من انها تهتم
،
كان يناظر فيها و ما كان يشوف الا ظهرها و تحركات جسمها و هيا تطلق .. و الواضح انه يشوف عصبيتها الي قاعده تطلع من حركاتها
ملاك بقهر بدأت ترمي بسرعة وبتشتت بدون ما تناظر في اللوح .. بدون هدف خلصت كل الطلاقات الي في السلاح
في هل لحظه حست بقهر و انها فعلا حزينه .. حزينه لان ما عندها ام تكون جنبها .. ما عندها اخت تشغر وقت فراغها معاها .. حزينه لوضعها و لحياتها الي قاعده تعيشها
التفتت بتمشي بس شافته واقف و يناظرها و كان الواضح انه كان يراقبها
كانت ثابته و جامده في مكانها وجوده ما هزها شعره .. مشت و عبرت قدامه و اعطته نظرات تحدي
فهد ما التفت لها و ناظر في الخشب الي اصابتهم وقت الطلق و قال - على فكرة ترا السلاح ما ينمسك كذا !
ملاك التفتت عليه - خسارة لو بقى رصاصة صدقني كانت بتجي براسك الحين !
فهد رفع عينه لعينها و قال بسخريه - آمنت أنك فعلا ماتهتمين لا للحلال ولا للحرام " كان يقصد انها ما انحرجت قدامه و هيا طالعه بدون عبايه على الاقل "
ملاك بحده - مخلية الحلال لك ياللي تعرف الحلال وتعرف تراقب بنات الناس !!!
فهد وشتت نظراته عنها وهوا من جد يحس بخيانة لربّه قبل انها تكون خيانة لبو سلمان !!- والله يابنت سعود ماعاد نعرف لك طريق مررة تقولين خافوا ربكم وتنادين بالحلال ومررة لايهمك لاحلال ربك ولاحرامه
ملاك - لاتحاول تقلل من قدري بكلامك هذا وأنا أعرف ربي أكثر منك وأنت المتطفل اللي جيت . .. وبعدين أنا ما اشوفك رجال عشان اخجل منك ولا انحرج !!
و التفتت و مشت لداخل القصر و تحس انها رمت كلمات ثانيه ريحتها و كل الي قاعد يصير انها تمشي و تفلت في هل كلام الي تقوله بدون لا تحسب حساب الي قدامها
انا فهد فترددت في مسامعه كلماتها "ما اشوفك رجال"
--------------------------------------
كانو جالسين يتقهون سوى في هذا الوقت من الليل
احمد و عنده علم من قبل بس - بكرا ؟
ورد بتوتر - ايوا !
احمد - يعني انتي تبين تروحين ؟
ورد - ياليت .. يعني اذا ممكن ..
احمد - بس انا ما اقدر انزل الشرقيه هذا الويكند
ورد ناظرته بتحطم
احمد - بس صالح يقدر
ورد - ايش يعني ؟
احمد - صالح راح ينزل الشرقيه بكرا بس راح يجلس يوم واحد .. مو تعب عليك اذا رحتي معاه ؟
ورد ما استوعبت - كيف يوم واحد؟
احمد و صبره طويل و هوا يفهمها - يعني بينزل بكرا العصر .. و بيرجع يوم الجمعه الليل .. يعني بعد ما تطلعين من الحفل راح ترجعون على طول
ورد - اوه !! ليه طيب!
احمد - لان لحظك احنا مشغولين
ورد - طيب ولا عشان انا معاه ما يقدر يجلس ليوم السبت؟
احمد اخذ الجوال و اتصل عليه - نشوفه الحين
جاه صوته من بعيد - هلا
احمد - اهلين .. نايم ؟
صالح - لا قاعد اكل و فاتح السبيكر
احمد - قولي في مره كلمتك و ما صادف انك تاكل ؟
صالح ضحك - اي ايش عندك؟
احمد - بسألك بتنزل الشرقيه بكرا ؟
صالح - مدري ما قررت ليه؟
احمد - يعني لو تنزل و تاخذ ورد معاك
صالح - ما راح تنزل
احمد - سبق و تناقشنا
صالح - ممم ايوا بخذها معاي .. و سبق و قلت لك
احمد- طيب كم يوم بتقعدو ؟
صالح - ما تقدر على فراقها ؟
احمد ناظر فيها و هيا مو فاهمه الي قاعدين يقولونه بس تحاول تربط من كلام احمد - عشان تجهز اغراضها
صالح - انا قلت برجع الجمعه فجر السبت يعني الجمعة الليل بطلع على الخط بس اذا هيا معاي بنجي صباح او ظهر السبت
احمد - خلاص اتفقنا؟
صالح - ايوا
احمد - طيب .. يالله تصبح على خير وقفلو المكالمه
ورد - ايوا ؟
احمد - بتقعدو الويكند هناك
ورد ابتسمت - اوكي !!
احمد - بتمشون بعد صلاة الظهر غالبا
ورد - مسكت جوالها - بخبر البنات .. راح يفرحون
احمد - ماسألتك او بالاصح ما سمحت لي الفرصه اسألك .. جاهزه ما عندك شيء ناقص؟
ورد و الي فعلا ما عندها شيد بس ما تبي تخبره - ايوا جاهزه ولو ان نقصني شيء بدبره من بنات اختي
احمد - طيب
.
.
.
انتهى ..
رأيكم ؟