/
دخل ابو سلمان و فتح الستاير في كل النوافذ .. و اخترقت اشعة الشمس المكان
ابو سلمان - يالله اصحى ورانا شغل
فهد بصوت مليان نوم - اعطيني إجازة اليوم
ابو سلمان - من اول يوم بترجع تداوم فيه وتتدلل بعد ؟ مافيه يالله قوم
فهد ويدفن رأسه بالمخدة - مانمت الا الفجر
ابو سلمان- ومحد قالك تنام الفجر
فهد تنهد - طيب اجيكم بعد الصلاه
ابو سلمان - مافيه يالله يا فهد
فهد قام و هوا يتذمر و يحس بألم من اثر العمليه
ابو سلمان - أنتظرك بالحديقة
--------------------------------------
كانت جالسه مره بين ختها و مره بين ام راكان
وحده من المعازيم - ما حددتو متى العرس يا ام راكان ؟
ام راكان بابتسامه تسليكيه - ننتظر العرسان يحددو ... بعد ليه احنا نتدخل؟
صارت الانظار على سجى
سجى - لا لسا
- شنو تنتظري ؟
سجى ما علقت و اعطت الي سألت نظرات احتقار
ام سجى همست - عيب ماما
سجى بنفس الهمس - ما يحق لهم يسألو
ام راكان حست انها تفشلت من الموقف الي صار !!
--------------------------------------
دينا تتحلطم و هيا تكتب في جوالها - يارب صبرني
وجدان - مين ؟
دينا بحماس التفتت لها - تذكرين البنت الي دايم اتكلم عنها .. الي مصادقه سمر في الثانوي ..راويتك صورتها مع سمر .. هيه بيضه و طويله .. اللي دايم تسوي بشعرها حفلة و ميك اب كانها رايحه عرس مثل ناس الله يستر عليهم
ورد ضحكت و هيا عارفه مين تقصد
وجدان ضحكت - ايوا عرفتها .. إسمها منال مدري مها .. مزون ؟ شيء كذا مو ذاكره اسمها .. للحين صاحبة سمر؟
دينا - مناار .. انا بس بيني و بينها سلام بس سمروه للحين تكلمها .. المهم اسمعوو ..امس جاتني واتساب تعزمني لعرس أخوها قلت لها أني مو في الشرقيه بكون بالرياض و مدري من هل كلام تفتكر ان انا ما احبها و ما اطيقها عشان سمر و تعرفي سوالف البنات .. ! الزبده راحت قالت الى سمر تشكتي علي ان انا أني أكذب وأني أنا أتحجج عشان ما اجي ..هههههههه الزبده
جتني سمر تقول أشوى أنه انتي عندك عذر عشان ماتجين عرسهم أنا وش عذري انا و حظي و موعد السفاره حقي يصادف اسبوع الجاي ! المهم الهبلة كتبت هالكلام في محادثتها .. و سوت لنافسها سالفه ههههههههههههههههههههههههههههههه
ورد - هههههههههههههههههههههههههههههههههههههه قلبي بموووت فشله !!!
دينا - ههههههههههههه و تخيلو يعني ارسلت صوتها و هيا تتكلم لسمر و ارسلته لي و حاولت تقلد صوتها - أنتم ماتبغون تجون بكيفكم محد غاصبكم ! ليه تنافقون وتمثلون علي وأنتم وأنتم .. الخ
ورد - مو صاحيييين
وجدان و هيا الثانيه ميته من الضحك - و سمر شنو ردت ؟
دينا - هههههههههههههههههههه سمر كلمتني قبل شوي تقول مسوية نفسها ميتة ما ترد على هواشها .. بس تشوف الكلام هههههههههههه بس الحين توها رساليه لي بعد ما فقدت الامل من سمر .. قلت لها - عفواً مين انتي عشان تتدخلين في علاقتنا و شنو نقول و شنو نسوي ؟
وجدان - هبلة هالبنت! لا تردين عليها وأسفهيها .. كفايه المصيبه الي سويتوها
دينا - و هيا عقلها صغير أستغفر الله .. مشكلتي ما أحب أحش بأحد
ورد - اي والله بسم الله على قلبك ماتحبين تحشين أبد!
دينا - يعني بصراحه فيه ناس غصب يخلوني أحش ولا أنا ما ودي .. تحسين كأنهم يقولون لك تكفين حشي فينا
ورد - الحمدلله تخرجت .. ولا هل نوعيه من الناس ما اطيقهم .. يدورون مشاكل و بس
دينا - هذي بالذات !! جايه تهاوشني الحين تقولي كيف انتي صاحبة سمر و هيه ما حشمت الصداقه الي بينا و من هل كلام !!
وجدان - تخيلي في ناس تجي تقول اوميقاد .. كيف تمشين مع دينا لانها قالت عني كذا و كذا ؟؟
دينا عصبت شوي - ياكلون تراب! الحمدلله صدق أني أسوي أشياء غبية في حياتي بس ماني قلق ولا نشبة ولا أهايط .. الله ياخذ سيرة الهياط ياخي تذكرني بناس وصخة
ورد - سبحان الله كل الناس وصخة ماعداك
دينا ماتت ضحك - أستغفر الله
--------------------------------------
في مكتب ابو سلمان
ابو سلمان - لا كذا ما راح تضبط .. ما نبي اي شيء يثير شكه في فهد .. "و اشر على الاوراق "... راح يدخل فهد و يسمع لكل شيء يقوله متعب .. و متعب راح يعطينا اسماء و بنطيح كل المجرمين بيدنا
صالح بتفكير - بس اهم شيء نتأكد ان مافي خطر على فهد لازم نضمن هذا الشيء
فهد جالس بينه مو ساكت و ما يعلق على شيء
ابو سلمان التفت على فهد - فهد لازم تخلي متعب يثق فيك لدرجة انه ما يشك فيك و يأمن عليك عند رجاله
فهد ضحك بسخريه - ههه .. اصلا انا شاك ان شكله واقف فيني على عمى
احمد ابتسم - نبيك تكون متأكد
--------------------------------------
بعد ما رجعو من العزومه ..
سجى - صدقتوني لما قلت لكم انهم ما يحبوني ؟؟؟ قدام المعازيم هذا كان تعاملهم لي !!
ام سجى الي فعلا ما فاتها هذا الشيء - يتعودون عليك مهما كان انتي داخله عليهم غريبه
سجى - بس ليه !!! شنو هذا يا ماما .. اذا ولدهم و ما اشوفه و هم هذا تعاملهم لي .. شلون راح ارضى يتم هل زواج ؟ ما ابي بعدين يقولون هذي المطلقه بنت عبدالله المجيد
ام سجى قربت لعندها و ضمتها و هيا حست برجفه بحضنه امها و نزلو دموعها
لينا تناظرهم و حست انها ودها تبكي هيا الثانيه
ام سجى - انتي مو مرتاحه ؟
سجى - انا مدري ماما .. مدري
ام سجى - انا راح اخبر ابوك يتفاهم مع راكان و يشوف حل .. و انا ما ارضى اشوفك في هذي الحاله !!
--------------------------------------
دخل لعنده و جلس قدامه و هوا كانت الاصداف ما زالت على يده
فهد - اعطيني الاسماء
متعب بابتسامه - كبرت و ما فيك شبه من ابوك !
فهد و مطول باله - الاسماء
متعب - مو كذا راح تمشي الامور .. و ناظر للكاميرا - اولا انا سبق و قلت ان انا ما انام في نفس المكان اكثر من يومين ! و رفع يده - و تسمو هذي حسن ضيافه يابو سلمان ؟؟؟
فهد ناظر للعسكري الواقف و اشر انه يفكه
متعب ابتسم بعد ما حرك يده و حطهم على الطاوله
فهد - الاسماء !!!
متعب - سمعت انك تعرضت لطلق ..
فهد ابتسم - ليه تماطل؟
متعب - اتطمن عليك
فهد - و انا قدامك بصحه و عافيه
متعب - مممم .. شنو الي أخرك ؟
فهد - مثل الي قلته ..
متعب - قد ايش معلوماتك عن التزوير ؟
فهد عقد حاجبه - عقوبة بسجن و غرامه
متعب - جهز نفسك راح يكون عندنا موعد بكرا مع حاتم الشمس (اسم خيالي)
احمد عقد حاجبه و ناظر في ابو سلمان - ايش ؟
فهد - عفوا ؟
متعب - انا و انت .. راح نتغذا بكرا مع مزور انا شخصيا اتعامل معاه بس راح اخليكم تتدخلو بينا
ابو سلمان شغل المايك - متعب انت عندك علم انك ما راح تطلع
متعب - الامور تغيرت .. بدون حريتي ما راح ادبر لكم مواعيد مع اي احد و بكذا ما راح تلقو القبض على اي مجرم !!
ابو سلمان - شنو ضمانتنا ؟
متعب - ليه جيتكم من البدايه ؟؟؟ الاتفاق و اتفقنا عليه !
احمد برفض - لا انا مو موافق
ابو سلمان - انا موافق ! .. خلاص تم يا متعب
احمد بعصبيه ناظر فيه
--------------------------------------
كانت واقفه قدام البوابه تنتظر صاحبتها راح تجيب لها اغراض هيا طالبتهم
- انسه ملاك ابو سلمان طال عمره ما راح يسره وقفتك
ملاك - ولا راح يسره كلامك معاي ..
حس بخجل و نزل راسه - لو سمحتي ياليت لو تنتظرين داخل
ملاك- لو سمحت خليني انتظر بدون هدره
- بس لو سمحتي
ملاك بصراخ - قلت لك خلااااص
و على هذي الصواريخ كان فهد توه جاي و ناظر فيها و هيا واقفه و نص شعرها طالع و عباتها ما تستر شيء كثر ما تفضح و حب يستفزها لانه اصلا عارف انها بنت ابو سلمان -لو سمحتي مين انتي ؟
ملاك ناظرته بنظرات استحقار
فهد يكلم الحارس - شفيه ؟
ملاك - و انت ايش عليك!
فهد ناظر بالمرآيه يشوف اذا ابو سلمان وراه لانهم طلعو سوى - لو سمحتي ادخلي قبل لا يجي ابوك و يشوفك
ملاك - و انتو ايش عليكم !!! بعدو عني لا والله اخليه يحرقكم
فهد - مافي وقفه هنا يالله ادخلي
ملاك بصراخ - مالك دخل انت!!!
و جات سيارة صاحبتها و عدت سيارة فهد و طلعت في الشارع و هيا متجاهله انظارهم لها
سلوى - شفيك ؟
ملاك - مافيني شيء .. وين الاغراض
سلوى - ليه ما اخلي السواق يدخل ليه هذي السياره موقفه بالنص ؟
ملاك - بعدين بعدين اقولك الحين اعطيني الاغراض
و اعطتها الكيس و كان ثقيل بحكم الاغراض الي فيه و مشت بترجع لداخل الا على صوت ابو سلمان - ملاك !
ملاك - نعم بابا
ابو سلمان و هوا يناظر في الحارس بغضب و يناظر في بنته - ادخلي كلامي معاك داخل
و دخلت ملاك و سبقته لداخل ... و ابوها وقف السياره و نزل لها
ابو سلمان -شنو مطلعك لبرا في هل الليل ؟؟؟
ملاك تبرر - اخذت اغراض من سلوى
ابو سلمان - ليه تطلعين برا القصر في هذا الوقت !!! انتي ما تشوفين الوقت متأخر !!
ملاك - بابا انا ما طلعت انا بس اخذت الاغراض منها
ابو سلمان بعصبيه - و ليه ما ارسلتي اي وحده من الخدم
ملاك - مستخسر علي اغير جو و اوقف عند الباب يعني؟
ابو سلمان بعصبيه - تعصين كلامي و تطلعي كذا و تمشين قدام الحراس !!!
ملاك - شدعوه يبه
ابو سلمان - بس ما ابي اسمع صوتك .. و اكيد فهد جاي قبلي .. اكيد قابلتيه و شافك كذا .. حسبي الله على بليسك !!
ملاك تجمعت الدموع في عينها
على هذي الاصوات نزلت بدور - شفيكم
و ملاك توجهت لفوق عبرت قدامها بدون لا تعلق
--------------------------------------
الساعه ١٠:٠٠ الليل
كل ما تأخر الوقت عليهم كل ما استحلت الجلسه
ورد - و لسا ما حددو متى الملكه ؟؟
دينا - تخيلي لسا ! بس قريب مرررره لانهم قاعدين يتشرو
ورد - يعني لو سمحتو قولو لهم يتكلمو بدري عشان اقدر اجيكم !
وجدان - يوسف ما منه امان .. يعني هوا ينقل لنا كلامها .. يعني ما يسمع منا ..
دينا - اقولكم متحمسه مره اقابلها !! احسها شخصيه مو مثلنا كذا ههههههههههه
وجدان اعطتها نظره - ايش قصدك ؟ ..
دينا - يعني احسها مو مثل عايلتنا افهمها على كيفك .. يعني لا ثقيلة دم ولا خفيفة دم .. مدري كيف بس جابت راس يوسف !! المزاجي حبيبي اخوي
وجدان تسخر - اخاف لو سمعتك تقتلك
دينا - فديتها .. متحمسه !
ورد - انتي قصدك انها مو مثل مرام
دينا - على قلبي ما ينسمع حسها !
وجدان - مثل خالد ههههههههههههههههههه اخوتي بصراحه فضيعين !!
دينا - الحمدلله ضامنه اياد .. زواجه على يدييي
ورد - عزت الله رحنا فيها ههههههههههههههه .. بس امانه جوجو .. الموضوع عليك .. اعطيني مستجدات عشان على الاقل اشوف لي صرفه
وجدان - ههههههههه خلاص ولا يهمك
ورد مسكت جوالها و لقت رساله من احمد كاتب فيها " انا برا "
ردت عليه " طيب ثواني و اطلع "
ورد وقفت و اخذت عباتها - يالله انا طالعه ..
دينا - ياويلك اذا بكرا ما شفناك
ورد - هههههههههههههههههههه إن شاء الله
كان على دخول صالح - البيت منوراليوم
ورد ضحكت و مشت تضمه - حبيبي وحشتني والله
صالح ضمها بشوق - شفيها تتغلى علينا هل اخت .. عاد تصدقو من تزوجت لين الحين ما شفتها الا مره ! و هذي الثانيه و ما تنحسب هل شوفه ..
دينا - هذي الي ينقال عنها تزوجت و تغيرت علينا .. و ضمت صالح - حبيبي خالي و حشتني
صالح رد الضمه و قبل جبينها - بنت اختي حبيبتي الدلوعه انتي
ورد - ههههههههههههههههههههه حرام .. تخيلو التغير الي صار في حياتي .. يعني مو بس تزوجت الا نقلت من الشرقيه للرياض!
وجدان - ما الومك بس تعرفيهم ياحبهم للمحارشه و قبلت صالح الي ضمها ..
صالح و هوا يضم وجدان - ههههههههههههههه انتي ليه ماخده كل شيء جدي بحياتك
دينا - اخيررررررا احد نطقها !! شفت كيف انها مره متعبتني !!
وجدان - لحول منكم ..
ورد - ههههههه ما عليك منهم .. و التفتف الى صالح - شلونك ايش أخبار الشغل ؟
صالح ابتسم - بخير الحمدلله أنتي كيفك ؟
ورد - بخير دام شفتك
صالح - ياعساه دوم
دينا - جاحده ! ..
ورد - دينوه مع ان حركاتك واجد ماصخه بس بسامحك لان وحشتيني كثير
دينا - هههههههههههههه يحق لي !
صالح همس لورد و هوا يمشي جنبها - وشلون احمد معك ؟
ورد بخجل - تمام
صالح - بس عاد مو تقولين كذا و ما اشوفك الا مره بالشهر !
ورد ضحكت - من عيوني حبيبي .. انت عارف بس التغيرات الي صارت ولا انا ملانه كثير
صالح ضحك - توك بالبدايه
ورد - لا تقول ترا مره كارهه طبيعة دوامكم
صالح - تتعودي والله
دينا قربت عندهم - اي شنو بعد ؟ سمعونا
صالح - ياحبي للي حاشره نفسها داايم ..
دينا - شدعوه ورد ليه مستعجله ؟
ورد - تأخر الوقت بعد ..
صالح - بكرا تتزوجي و تعرفي المسؤوليات الي تجي بعد الزواج
دينا - ولي يسلمك لسا بدري على المحاضرات
و ضحكو عليها
دينا وتقبل خد ورد - يلا روحي له بس لا ينفجر بسيارته
صالح - ديناااا !!
دينا - ههههههه ههههههههههههههههههه مو تقولون أنه عصبي !!
ضحكو ورد و صالح على حركات دينا
و ودعتهم ورد و طلعت لما حست انها من جد وقفت احمد كثير برا
ركبت بهدوء و ريحة عطره طاغيه على المكان .. - آسفة تأخرت عليك
احمد - لا عادي
الهدوء الي هما فيه مره يوترها .. ما تعرف شلون تكسر هذا الصمت الي ما تفهمه
انتبهت ورد الى ملامحه الي كانت شوي متغيره و قالت بسؤال عفوي - فيك شيء ؟؟
احمد التفت عليها بعد ما وقف السياره عشان الاشاره حمرا - لا .. ليه ؟
ورد - لا بس أسأل
احمد عشان لا يحسسها بتغيره - انبسطي مع البنات ؟
ورد - ايوا كثير غيرت جو ! وحشوني حيل
احمد - كويس
-----------------------------------------
يوم جديد
صحى من النوم بدري .. اليوم عندهم راح يكون حافل مع متعب !
تجهز في ساعه و طلع متوجه للدوام بس قبلها مر يشتري اليه قهوه و في الطريق جاته مكامله
ابتسم - اهلين بالقاطع
راشد - هلا فيك يالغالي
فهد - وينك لا يكون خايف مني انت الثاني
راشد - الله يسامحك .. ما غير انس و مازن ذابحيني .. اجل نشتغل في نفس المبنى و ما شفتك امس !!
فهد - احتاج اقعد معاك قعده مطوله بصراحه .. ياليت وقفت على الشغل و بس
راشد - ليه شنو صار ؟
فهد - متعب .. ما يندرى شنو وراه .. الحين انا و هوه راح نلتقي في ناس هوا يعرفهم مدري يشتغل معاهم ..
راشد - طيب اجل من تفضى كلمني
فهد - طيب و قفل المكامله و شوي و وصل للمبنى و توجه لوين ما الجماعه تنتظره
ابو سلمان الي جاي بدري هوا الثاني - باقي احمد ما وصل؟
صالح - موجود .. الحين يجي
ابو سلمان - طيب .. و التفت على العساكر - جيبو متعب لهنا
صالح وقف - راح اروح معاهم
و كلها خمس دقايق و متعب جاي عندهم و هوا منبهر فيهم
الكل على اعصابه و الكل متوتر
ابو سلمان - شنو خطتك
متعب - اول شيء راح نروح ( ..... ) و قال لهم العنوان
ابو سلمان و الي عرف انه مكان لشقه في الخبر من ان المكان مألوف عليه
متعب - ابي جوال
و اعطوه جوال
ابو سلمان - راح تكلم مين ؟
متعب و حط الجوال سبيكر بعد ما اتصل على الرقم - دافي .. ابيك تكون موجود في (...) و قال نفس العنوان
دافي - اوكي
متعب بابتسامه - ليه ننتظر ! يلا مشينا يا فهد
ابو سلمان اعطاه القبول و طلعو هم الاثنين في سياره من عندهم سودا و زجاجها محمي .. متوجهين للعنوان الي متعب قاله
-----------------------------------------
احمد يتصل على فهد - وينكم ؟
فهد - العنوان الي قاله هيا شقته !
احمد - انت في شقته ؟؟؟؟؟
فهد - ششق فندقيه ! .. مدري يعني الواضح انها شقته !
احمد - معقوله راح يقول عنوان شقته قدام كل الي كانو موجودين
فهد و هوا يتاظر متعب متوجه لعنده - الحين احنا بنمشي اكلمك بعدين
احمد بأمر - المستجدات اول باول
فهد - طيب طيب و قفل الجوال
متعب - خليني اخمن .. يبون المستجدات
فهد - راح نروح لعند مين ؟
متعب - حاتم الشمس هوا المسؤول عن عمر و جماعته .. راح اسوي لكم خدمه و افكم منه عشان عمر يتورط و تقبضون عليه بعد ما خسر حمد و انا توي اعرف انه الشخص الي سبب لك الاصابه الي عندك الحين ! عمر راح يخسر كل شيء بعد ما نقبض على حاتم
فهد - وين راح نروح ؟
متعب بابتسامه مستفزه - تحت ...
فهد ناظره بعدم فهد
متعب - في المطعم الي تحتنا و ناظر بالساعه - و جى الموعد !
فهد - لازم نكلم عشان يجيبون دعم
متعب - معاي ما نحتاج دعم ! نحتاج معلومات !!
فهد مشى معاه و فتح الباب و لقى الشخص الافريقي واقف قدامه
متعب ضمه
دافي و كلامه العربي شوي مضروب من لكنته - الحمدلله على السلامه
متعب - الله يسلمك .. دافي اعرفك في فهد !
دافي يمد يده ليسلم عليه و فهد رد السلام
متعب - عندنا اجتماع ورا ما نمشي نلحق عليه
-----------------------------------------
كانو جالسين على اعصابهم
ابو سلمان دخل عليهم القاعه الي دايم تجمعهم - انس كل شيء تمام؟
انس الي يراقب تحركاتهم - ايوا .. التقو مع حاتم .. و من متعب واضح عليه جالسه بهدوء و بطبيعته و يتكلم باريحيه بس فهد .. مدري فهد وضعه يخلي الواحد يشك
احمد - لانه حاط فكرة الرفض في باله طبيعي وضعه خطر
ابو سلمان - دام معاه متعب وضعه سليم .. وين الدعم جاهز لو لاسمح الله صار شيء؟
انس - ايوا .. و حط الشاشه على الدعم الي مقسمين الى حرف طبيعيه و متلبسين طبيعي
ابو سلمان - طيب .. ابي المستجدات و طلع
مشى معاه احمد
ابو سلمان التفت و ناظره - روق
احمد - لو صار شيء من البدايه راح نخسر كل شيء !! ما يصير نسوي شيء بدون خطه .. على الاقل عشان نشوف خطه بديله
ابو سلمان - متعب يبي يلعب معانا .. نلعب على قوانينه و نشوف النتيجه
احمد - بس ما يصير !! كذا تعب سنين راح يضيع
ابو سلمان - نشوف اول اسم في قائمته كيف راح تكون النتيجه و بعدين نقرر .. و مشى تاركنه
-----------------------------------------
متعب - اعطيني عنوان عمر
حاتم يكتب على المنديل العنوان - لكن اما ما لي علاقه اذا سأل
متعب يوقف - انت سويت الي عليك و خلي الباقي علي .. لا تنسى موعدنا ٣:٠٠ .. انتظر المبلغ .. ولا تتأخر تعرفني انا دايم اكون دقيق بموعدي
حاتم بثقه - على الموعد ..
و قامو فهد و و متعب سوى .. و دافي كان جالس بالطاوله الجانبيه لما شافهم يقومون قام وراهم
فهد - راح نروح لعمر ؟؟ كيف و هوا يقدر يتعرف علي
متعب - ما عليك .. و ركبو السياره متوجهين للعنوان و وقفو قدام الباب و بعدها مشو و كل هذا و فهد جالس على اعصابه !
متعب - دافي الجوال
و اعطاه الجوال و اتصل على ابو سلمان
ابو سلمان الي كان جالس على اعصابه - متعب
متعب - الساعه ٣:٣٠ في (....) راح يكون حاتم موجود و معاه دليل انه مزور لان هذا مقر عمله و قفل الجوال
ابو سلمان طلع و دخل على انس - جهز القوات .. احمد صالح .. اتوجهو للعنوان
فهد عاقد حاجبه و مافوت ان متعب زود نص ساعه على الموعد الي بينه و بين حاتم .. لما خبر ابو سلمان - و الحين ايش ؟
متعب - الحين ننتظر
فهد عقد حاجبه و هوا مو عاجبه الي قاعد يصير من قبل متعب !
الساعه ٣ توجهو للعنوان و نزلو كلهم سوى
حاتم - كل شيء جاهز !
متعب اشر على دافي و اخذ الشنطتين بعد ما فتحهم و تأكد ان الكاش داخلهم ! .. و ظرف اعطاه متعب و حطه في جيبه
متعب - راح نكون على تواصل
فهد يناظر الساعه و تقريبا كانت ٣:١٥
متعب - يالله فهد ..
و طلعو من الباب غير البوابه الي دخلو منها
فهد بهمس - كيف نطلع الحين راح تجي القوات
متعب - اخذت امانتي منه قبل لا يجون .. و تبي ما يتسرب الخبر انك مع المباحث و ما نمسك عمر .. امشي معاي
فهد و كانه مجبور مشى معاه
طلعو من المبنى من جهة و دخلت القوات بقيادة احمد من الجهة الثانيه !! و القو القبض على حاتم و جماعته في مقره و هوا يزور المبالغ الماليه !
-----------------------------------------
بعد يوم حافل ممتلي بالانجازات
دخل القصر و حس بهدوئه و المكان باين ان مافيه احد و هوا عارف ان ورد طلعت الظهر مع البنات بس اكيد رجعت لانهم الحين رجعو الشرقيه !!
رمى المفاتيح على الطاولة و انتبه للخدامه هيا ماخذه بيدها شراشف -كان في احد بالبيت ؟
الخدامه - لا سر
احمد - طيب صار شيء ؟
الخدامه بتوتر - لا سر ..بس مدام ورد كان في يجلس مع انا و ساميه .. بس بعدين انا في شوف مدام ورد يبكي شوي ..
صار يطل على المكان و ما لمحها .. معقوله نامت ؟ - وين ورد ؟
الخدامه - فوق سر
توجه لوفق و فتح باب الجناح و هيا في هذا الوقت كانت تغير ملابسها وكانت عاطيته ظهرها العاري .. حست بحراره بجسمها يوم شمت ريحة عطره تعم المكان .. لبست البلوفر بتوتر و مسكت شعرها و التفتت عليه و هيا خجلانه كثير هذا غير وجها المتغير من البكي .. و الحين صار احمر من الخجل
احمد - السلام عليكم
ورد بربكه ردت بهمس - وعليكم السلام ..
احمد يفك الكبك من كم ثوبه و قرب لعندها - فيك شيء ؟
ورد - ايش .. مم لا
احمد - ممم
ورد جلست على طرف السرير - مضايقك شيء ؟
احمد - لا .. وبعدين خففي من جلساتك مع الخدم .. احسهم يأثرون عليك بشكل سلبي !
ورد - بصراحه اطفش .. و خصوصا ساميه دايم تكون هيا قدامي و تبدي بالكلام و لما حسيتها تعرف اشياء كثير قعدت اسألها .. و ما القى غيرها و دام انها تعرف تتكلم عربي كويس اسألها عن طبيعة الحال و بس يعني ..
احمد بدون ما يناظر فيها - الحين عندك تلفزيون و عندك جوال .. و عندك الابتوب في مكتبي ادا تبي .. و سوي الي تبينه عندك خيارات كثير يعني و فوق هذا اليوم كنتي مع بنات اختك بس ما تشوفينهم الا هم حق تسولفين معاهم ؟ لاحظت كثير انهم يأثرون عليك !!
ورد - ليه تحكي معاي كذا ؟
احمد رفع حاجبه - كيف تبيني احكي معاك ؟
ورد ما ردت ..
احمد و حس انها تبي تسوي لهم اي سالفه دامها صارت تدقق حتى بالنبره .. و همس - استغفرالله العظيم .. و تمدد على السرير و اخذ جواله و صار يتصفح فيه
و ورد لسا ما تحركت من مكانها .. واقفه تنظاره
احمد و حس لنظراتها وقرر يتجاهلها
ورد - خلاص طيب .. من أمرك من بكرا ما راح اخلي احد منهم يجلس معاي ولا راح اسأل في شيء ..
احمد في داخله " تعرف كيف تلعب معاي هل بنت " اكتفى بابتسامه و قلب للجهة المعاكسه لها و حاول ينام شوي لانه يحس بتعب ..
حس فيها ما تحركت و مازالت واقفه .. التفت عليها و رفع حاجبه لما لقاها سرحانه - ورد مطوله بالوقفه ؟
ورد غمضت عينها و قالت بربكة - مم ااا ايوا ... مممم طيب ابي اسألك سؤال
احمد - ايش ؟
ورد بربكه ولكن طلعت منها الجمله في النهايه - مين نوف ؟
احمد - ايش؟
ورد بربكة مره ثانيه - مين نوف ..
احمد و هوا متيقن ان هيا شافت الصوره الي كانت في الكتاب لما دخل عليها مكتبه هذاك اليوم .. و حب يلعب في اعصابها - شنو يهمك من الموضوع ؟
ورد تمثل القوه ولا هيا لو يرفع نبرته عليها الحين راح تبكي و تتأسف - زوجي و من حقي اعرف مين هذي ..
احمد رفع نفسه و جلس على السرير و تعدل بجلسته - زوجك ؟ و ابتسم - اثبتي لي !!
هنا ورد حست بالهزيمه .. حست ان من جد مو من حقها تسأل و تعرف دام هيا لحد الان ما اعطته حقوقه .. رجفت و هيا تمشي لعنده و جلست جنبه على طرف السرير و دمعه تتسلسل في عينها غمضت عينها و نزلت هذي الدمعه و كل هذا تحت انظار احمد الي كان يراقب حركتها ..
مسكت يده و غمضت عينها بقوه عشان تقدر تقول الكلام الي تبي تقوله ... بس فتحتهم و لقته يناظر فيها و هيا واضح عليها الرجفه و تجمعت دموعها مره ثانيه بس من الخوف - و انا ما اقدر اعصيك .. و همست مع رجفتها - انا حلالك .. كلي الك ..
احمد ناظر فيها بتمعن و قرب لعندها و بعد خصله من شعرها عن وجها و حط يده خلف ظهرها و قرب و ضمها و همس عند اذنها - و انا ما ارضى على حلالي بالغصيبه !
سالو دموعها من بعد جملته هذي و بعدت عن حضنه و عينهم تعلقت في بعض ..
ورد و تحس بالذنب من علاقتها معاه الحين بالذات ! .. تحس انها لسا ما تفهمه و هوا نفس الشيء .. بس الي يدور بينهم هم الاثنين هذا متفقين على فهمه ..
قرب و مسح دموعها بكفه -شنو تفكرين فيه ؟
ورد - افكر قد ايش ممكن تصبر علي و تتحملني ؟
احمد أبتسم .. و ما علق
ورد بنبره هاديه - اتكلم جد
احمد سند ظهره على السرير و ناظر فيها - أنتي متوقعه ايش ؟
ورد بتوتر - مو كثير
احمد ضحك و عشان لا يوترها زياده مسك يدها و ضغط عليها - أحسني الظن
ورد بتوتر غمضت عينها و فتحتهم و هيا تناظر في يده الي ماسكه يدها
احمد رفع يده و مسح على خدها و قال بأمر- الحين يلا قومي ننام .. انا وراي قاعده من الصبح
ورد بهمس - طيب ..
-----------------------------------------
يوم جديد
كانت جالسه من الفجر و الحين صار لها يومين ما طلعت من غرفتها
ملاك - غبي .. و انا غبيه كمان !! و تندهت بضيق .. دخلت و تروشت و بعدها طلعت و لبست ملابس مريحه .. نشفت شعرها و سوته كيرلي على طوله ..
صارت الساعه ٧ ! .. و اليوم احنا متعودين نقضييه بالمزرعه ! بس ما راح اروح مكان و دمعت عينها بضيق
- ماما وينك .. و تكورت على نفسها على السرير و صارت تبكي و هيا تذكر امها .. بس لو تقدر تشوفها و تبكي في حضنها .. بس خمس دقايق .. ابي امي بس شوي .. لو تصير معجزه و اقدر اضمها و ابكي على صدرها .. لو احد يعطيني حنانها .. و تنهدت و هيا تمسح دموعها و تقوم متوجه لبرا غرفتها
-----------------------------------------
صحت من النوم قبل الوقت المعتاد و بعد ما تروشت نزلت لتحت و كانت الساعه ٦ الصبح .. باقي ساعه و يجلس احمد .. يمدي اسوي لنا فطور و نفطر سوى قبل لا يروح لدوامه ..
توجهت للمطبخ بغير العاده - صباح الخير
- صباح الخير
ورد - ناوليني البيض .. و ابي تجيبي لي .. و صححت - خلاص ابيك تقطعين الطماطم و البصل .. و فتحت الثلاجه و لقت فطر - حلو وفطر
الخدامه المسؤوله عن الطبخ - طيب مدام .. شيء ثاني ؟
ورد ابتسمت - لا .. و اخذت البيض و لقت افوكادو و ابتسمت لوجود كل شيء تبيه !!
بعد ما قطعت لها الخضار ركبت تشيك على احمد و سمعت صوت الشاور و تطمنت انه صحى .. نزلت و سوت الاوملت بالخضار و كانت كميته تكفيهم .. و جهزت اللبنه و الجبن في صحن .. و قطعت الافوكادو و الخيار و جهزتهم على الطاوله .. و طلبت منهم يسوون عصير برتقال طبيعي .. و هيا توجهت لمكينه القهوه و سوت لهم قهوه امريكيه سودا
نزل لها بخطوات سريعة بلبسه العسكري و كان واضح عليه مستعجل !! لانه نزل و هوا يحط جواله بجيبه و لابس نظارته الشمسيه
ورد - صباح الخير .. مستعجل ؟
احمد - متأخر مره
ورد برجاء - تعال افطر .. بس ١٠ دقايق
احمد ما وده يكسر بخاطرها - طيب .. و جلس على الطاوله و رفع حاجبه بتعجب - انتي الي طابخه ؟
ورد ابتسمت - ايوا
احمد ابتسم لها - تسلم يدك !!
ورد - الف عافيه ..
احمد أكل عجله و كلها ٨ دقايق و هوا واقف - الحمدلله و توجه يغسل و ورد ابتسمت و هيا لسا جالسه تشرب قهوتها ..
جى من خلفها و انحنى و قبل خدها - تسلم هالايدين ..
ورد متشققه من الوناسه - الله يسلمك ..
احمد بعجله - اذا احتجتي شيء راسليني
ورد و تحس انها لسا ما تشافت من قبلته .. همست - طيب ..
-----------------------------------------
كانت جالسه تغير ملابس بنتها و تجهزها عشان ينزلون يفطرون
دخلت بهمس - صباح الخير
بدور رفعت عينها عليها و قلبها تقطع لان عينها متنفخه من البكي و انفها احمر !! ناذرا تشوفها في هذي الحاله ! - صباح النور .. خلصتي إعتكافك؟
ملاك تجاهلت كلماتها - ما راح اروح معاكم للمزرعه ممكن تقولين لابوي
بدور و هيا ترفع شعر بنتها الي منشغله و هيا تشاهد بالايباد - لا بلغيه بنفسك ماراح أقوله شيء .. و بعدها اخذت الاغراض و صارت ترجعهم لمكانهم ..
ملاك - عمتي
بدور - لازم تتحملين عواقب أفعالك .. واجهيه شفيك ! كل مره تسوين نفس الحركه !! شنو متوقعه منه ؟
طلعت من الغرفه بدون لا ترد عليها و توجهت لتحت وين ما ابوها جالس ينتظرهم يجون يفطرون معاه و بعدها يوديهم للمزرعه لان اليوم الخميس و من العاده انهم يقضون يومهم كله في المزرعه
ابو سلمان رفع عينه عن الايباد و هوا الي كان يقرأ الاخبار .. بس من جات صار يناظرها .. و ابتسم - هذي الساعة المباركة اللي نشوفك فيها
ملاك بلعت ريقها بتوتر و هيا صار لها يومين ما شافت احد بالقصر و حابسه نفسها بالغرفه من بعد الموقف الي سوته - جاية أقول لك ان انا ابي اجلس في القصر ما ابي اروح المزرعة
ابو سلمان رفع حاجبه و قال بأمر - للأسف أنك بتروحين
ملاك - بتغصبني ؟
ابو سلمان - ماراح أغصبك بس جلسة في القصر لحالك مو مقبوله .. و بتروحين معانا كلها يوم واحد وبعدها بتروحون لدبي يعني برضو تبي تكملي جلستك بروحك ؟
ملاك بصدمه انه راح يخليها تروح بعد الي صار - بنروح !
ابو سلمان - ليه منصدمه مو هذا طلبك ؟
ملاك ما علقت و حست انها تغنبت .. فعلا يحبها !
تنهدت و ناظرت فيه بعد ما هوا رجع نظره للايباد - طيب بسألك سؤال
ابو سلمان و بنظرات وكأنه يقول " أسألي "
ملاك - فهد هذا كم بيضل هنا ؟
ابو سلمان - ما اظن انه بيروح ..
ملاك - يعني ؟
ابو سلمان - يعني انك لازم تتعودين انه بيكون بمثابة ولدي اللي ماجابته أمك الله يرحمها
ملاك - امداك تحبه كل هالحب ؟
ابو سلمان - أعرفه من اول ما انولد و ما تبيني احبه ؟ نسيتي من ابوه ؟ .. و تنهد روحي جهزي نفسك بعد شوي بنمشي
-----------------------------------------
اخيرا القاء بين متعب و عمر
متعب - ما توقعت انك راح تضر شخص مهم عندي يا عمر ..
عمر بخجل من فهد و متعب - انا افكره كان تبع ابو سلمان
متعب - حطمتني و انا حاولت اتواصل معاك و اختبر ولائك
عمر - اعذرني ما افهم الرسايل المجهوله كذا ! انت تعرف البزنس حقنا حساس و لازم الشيء يكون واضح ولا نعتبره تهديد ... و ابو سلمان و احمد بن سلطان دايم يهددونا .. ما نعرف عدونا من صديقنا
متعب - عدت سليمه ! على طاري الصداقه ! حاتم شنو صار عليه !
عمر - وصلني خبر أن الشرطة عندها خبر بالمقر ... و قبضو عليه !!! بس لو أعرف مين اللي يسرب لهم أخبارنا بذبحه وأدفنه وهو حي .. تعب سنين يضيع و السبه حاتم !!!.. . والله لاقتل الكلب الي كان السبب
فهد كان وده يقتله بس حاول يثبت اعصابه و متعب اعطاه نظرات يتحكم فيها بنفسه لانه خايف انهم يشوكون فيه .. و قال متعب بسرعه - محد بيقصر فيه لو اكتشفناه .. في النهايه انا شخصيا انضريت !!! بس أنا واثق في كل الي معانا .. ممكن هذا الشخص من جماعتك يا عمر !!!
عمر - والله يا استاذ متعب ماني عارف كيف بس كل الي اعرفه و متيقن فيه ان هذا ابو سليمان و احمد ولد سلطان هم اللي يخربو مخططاتنا دايم .. لدرجة ان انا شكيت في فهد .. و ما دريت انك انت الي ارسلته !
متعب يجاريه - ابو سلمان دايم عنده خطط ما نتوقعها
حمد - أكيد هوا ورى هالسالفة كلها .. لازم نوقفه ولا راح نخسر كل زباينا و كل عملائنا
فهد يستغبي - و مين مسؤول بالقوات الخاصة و الاستخبارات .. اتوقع يعني ماهو واحد وراه مسؤوليين كثير .. نقدر عليه ؟
عمر - انا اقول نمسكه بيده الي تعوره .. هوا ما وراه شيء غير اهله و غير هل شغل !! .. و كمل بخبث - انا عارف ان عنده بنت مو متزوجه و انا اقول نوجه تهديدنا في اهلهم يمكن يجيب نتيجة معاهم ولا ايش رايك استاذ متعب ؟؟
فهد و الي يحس ان دمه بدأ يصير نار من ثورانه - مفروض ماندخل ناس مالهم ذنب .. انا اقول نواجههم مواجة رجال
عمر و كانه يتسخر و ما يسمع شنو الي قاله فهد - هههههههههه اصلا احنا محتاجين من يروقنا .. اعجبتني الفكره الاولى اكثر من فكرتك يا فهد
الجماعه الي معاه ضحكو بخبث - ههههههههههههههههههههههههههههههههههههه
متعب وقف بعد ما كان يفكر - حل الموضوع يا عمر و ابي اسمع منك بين فتره و الثانيه
عمر وقف و صافحه - ابشر طال عمرك ..
و طلعو متعب و فهد ..
عمر بشك - سوو لي بحث عن هل فهد هذا .. مو مقتنع في الي انقال لي !!
-----------------------------------------
دخل ابو سلمان عليهم بعد ما وصل اخته و بنته للمزرعه و تطمن عليهم ..
احمد - تأخرت
ابو سلمان - صار شيء؟
فهد - عرفوا أنكم اخذتو حاتم
ابو سلمان - طيب و انت ما كشفوك ؟!
فهد - لا .. بس المشكلة مو هنا
ابو سلمان - شنو ؟
فهد - كانو يتكلمو عن بنتك
صالح عقد حاجبه - بأيش ؟
فهد وهو يشتت أنظاره بعيدا عنهم - مدري كيف أقولكم ..
ابو سلمان وفهم قصدك فهد بدون ما يشرح
مهند و خفق قلبه - ايش قالوا بالضبط ؟
ابو سلمان بحده - ما ابي أسمع
فهد و تفهم غضبه - قامو يهددون .. و بعدين متعب صرفه و مشينا
ابو سلمان وهو الحليم الي ناذرا ما يعصب و ينفعل .. الحين هوه عبارة عن بركان ما راح يطفي من النار الي فيه بسهوله - لانتأخر على متعب باقي خمس دقايق و يجي ومشى بإتجاه مكتبه
فهد - ليتني ماقلت له دام بيعصب كذا
احمد الي كان ساكت و ما علق قال بأمر - لاتخبي أي شيء .. هذا عرض مو أي كلام أكيد بيعصب
فهد و ملأ كوبه بالقهوة - ان شاءالله
.
.
.
انتهى .. كيف الجزء ؟ اعجبكم ؟؟