💕💕💕💕💕💕💕الفصل الثالث والعشرون💕💕💕💕💕💕💕💕
فى إحدى غرف السجون القذره التى تملأها الحشرات تجلس زينات تضع راسها بين كفيها تفكر فيما حدث لها وتدبر له
تهتف إحدى المسجونات التى يظهر عليها القوه وملامح البلطجه قائله:قوليلي ياحلوه انتى جايه فى ايه؟
زينات : اختلاس أموال
المسجونة :ه ا الله الله يابنت الايه انتى طلعتى من اللى واكلينها والعه
زينات :انتى عايزه منى ايه يا ست انتى ابعدى عنى اصل انا عفاريت الدنيا بتنطط قدام وشي
المسجونة : اتعدلى يابت واتكلمى معايا عدل بدل ما اوضبك انتى لسه مترحبش بيكى وبلاش اخلى النسوان يرحبوا بيكى الترحيب اللى يليق بقلة ادبك وطولة لسانك معايا
زينات:انا اوديكم فى داهيه انتى متعرفيش انتى بتتكلمى مع مين
المسجونه:لا ياحبيبتي بس انا احب اعرف بنفسي . يلا يانسوان اتعرفولى على الحلوه ورحبولى بيها اجدعها ترحيب .
انهالت جميع المسجونات بالضرب على زينات ولم تاخذهم بها شفقه ولارحمه حتى سالت الدماء من أنفها وفمها وبعض الكدمات على وجهها والعضات المنتشره بجسدها
وما أنقذها من بين أيديهم مناداة السجانه عليها حتى تركتها المسجونات لتجيب زينات بالم وتوجع وهى ليست على مقدره أن تهم وتقف على ساقيها فلم تحملاها فزحفت الى باب غرفة السجن تترجى السجانه أن تخرجها من هذه الغرفه
هتفت السجانه بصوت خالى من المشاعر :قومى يلا خلصى عندك زياره
ثم همت زينات تستند عليها وذهبت إلى غرفة الضابط المسئول
يسألها الضابط قائلا:انتى ايه اللى عمل فيكى كدا مبقالكيش كام يوم هنا وعملتى شغب فى الزنزانه؟
زينات :دول ضربونى وكسروا عضمى ومعملتش حاجه ؟
خرج الضابط من الغرفه يهتف لها قائلا عندك زياره خلصيها وبعدين ننقلك حبس انفرادى عشان تتربي
التفتت بنظرها الى الناحية الأخرى لتجد حوريه تجلس على أحد المقاعد الجلدية الفخمه تضع ساق فوق الاخرى ترتدى ملابس فخمه جعلتها اكبر من سنها قليلا تصفف شعرها وترتدى نظارتها السوداء
تزيح حوريه النظارات عن عينيها لتجد زينات فى عين حوريه نار الكراهيه والانتقام والتشفى لحالتها المزريه التى وصلت إليها
زينات: حوريه انتى خرجتى من المستشفى امتى ؟
حوريه:بقالى يومين واحب اصدمك انا قاعده فى ڤيلتى ڤيلا عامر البرهامى اللى انتى كنتى بتتمتعى بيها وفاكره انها ملكك انا خلاص فتحت الخزنه واخدت كل الأوراق اللى تثبت ملكيتى للڤيلا وربع الشركه والحساب اللى فى البنك .
تنظر زينات لحوريه بزهول وعدم تصديق
حوريه:ايه انتى مش مصدقانى طيب خدى عندك بقا الڤيلا انا هبيعها مش عايزه حاجه تفكرنى بيكم ولا عايزه افتكر المكان اللى اتعذبت فيه امى وتانى حاجه ودى الاهم انك هتتنازليلى عن حقك فى شركتك مع تامر
زينات:انتى بتقولى ايه؟ انتى اكيد اتجننتى دا حقى
حوريه ببرود ساخر :تؤ تؤ اوعى اسمعك تقولى حقى لان الشركه دى قامت براس مال شركتنا وسرقة الاتفاقيات بتاع شركتنا
زينات :يعنى ايه ياحوريه
حوريه:يعنى امضي قصاد امضي تمضي انك متنازله عن حقك في شركتك مع تامر أتنازل عن حقى فى شروعك فى قتلى اللى هيوصلك للمشنقه وكمان اختلاس شركتنا
زينات : طبعا لا انتى اكيد بتهزرى
حوريه:صح . عندك حق انا بهزر عشان كدا اعتبرى انى سحبت كلامى واتفضلي على ززانتك الانفرادى واستلقي وعدك يا زوزه
تذكرت زينات تلك المراه التى ضربتها وحديث الضابط بعزلها فى حبس انفرادى لتهتف قائله :انا موافقه .
حوريه:العرض انتهى ووقتك خلاص خلص
تركع زينات على ركبتيها متوسله لحوريه تهتف قائله: حوريه ابوس رجلك طلعينى من هنا انا مش هستحمل علقه تانيه زى اللى اخدتها دلوقتي
حوريه :لحظه انادى للمحامى ونخلص الاوراق والإجراءات
تخرج حوريه وتدخل ومعها محامى وتجلس مع زينات والمحامي وتنهى اجراءت نقل ملكية نصف شركة زينات وتنازلها عن اى أملاك لديها لحوريه عامر البرهامى
حوريه لضابط الشرطه بعد دخوله :لو سمحت يا فندم انا متنازله عن قضية الاختلاس اللى وجهتها الشركه لمدام زينات
الضابط دى اتحولت للنائب العام وهتمشي قضيه ويتحكم فيها تقدرى ساعتها
تتنازلى عن القضية
زينات بقلق: حوريه معنى كلامه دا ايه ؟
حوريه: متقلقيش ليكى قضيه فى المحكمة وانا لازم أتنازل فى المحكمه واجيب اثباتات أن الفلوس موجوده
زينات :يعنى انا هخرج من هنا امتى؟
الضابط:انتى ناسيه أن ليكى قضيه تانيه قضية شروع فى قتل
زينات:يعنى ايه حوريه هتتنازل
حوريه:لا . قضية الاختلاس اتنازلت فيها لانى حقى رجعلى أما قضية محاولة قتلى فانا مخدتش حقى فيها وهسيب القانون ياخد مجراه .
ثم تلتفت إلى الضابط :شكرا يافندم . عن اذنك ثم ترتدى نظارتها الشمسيه وتذهب فى خطوات ثابته مع المحامى تحت نظرات زينات وانزهالها وصرخاتها تهتف قائله:لا ياحوريه متسيبينيش هنا لا ارجعى ضحكتى عليا ياحوريه مش هسيبك مش هسيبك
الضابط مشيرا للعسكرى:خدها حبس انفرادى يوم وبعد كدا ترجع على زنزانتها
فى شركة T&Zلاعمال البناء
يجلس تامر على مكتبه يراجع بعض الملفات ليتفاجئ باقتحام مكتبه من بعض رجال الحراسه
تامر بفزع :ايه دا انتوا مين وازاى دخلتوا هنا من غير اذن
ليستمع الى صوت حوريه تدخل المكتب فى خطى ثابته وجريئه : محدش بيستاذن عشان يدخل ملكه ياتامر بيه
تامر بصدمه واندهاش:حوريه !!!!!
حوريه:اممم حوريه ثم تتمشي الى كرسي مكتبه تنتزعه وتجلس عليه واضعة ساق على اخرى فى كبرياء قائله:حوريه اللى كنت عايز تتجوزها وبعدين تخلص عليها وتموتها أو توصلها للجنان وخليتها تهرب من بيتها فى نصاص الليالي انا حوريه بس مش حوريه اللى تعرفها حوريه اللى تعرفها الضعيفه اللى كانت بتاخد قلم من ابوها أو الست عمتك وتسمع الكلام وهى بتترعش خلاص اتبخرت دلوقتي بقيت حوريه تانيه اقوى هتاخد حقها بنفسها ومش هتسمح لحد يهينها أو يذلها
تامر باستهزاء: شكله قلم ياسين الجبالى فوقك هو كمان طلع طمعان وخد اللى نفسه فيه ورماكى ثم نظر لها نظره شهوانيه مقززه
حوريه:اخرس ياسين الجبالى جوزى وهو أعلى وانضف بكتير من أن اسمه ييجى على لسانك وانا لسه مدام ياسين الجبالى اللى باشاره منه يفعصك تحت جزمته
ثم تهم من على الكرسي قائله:عموما دا مش موضوعنا لان انا هنا فى مهمة تانيه خالص حسابنا لسه بعدين
تامر:حقك عند مرات ابوكى روحى خديه منها
حوريه:تؤ تؤ ايه دا انت متعرفش أن مرات ابويا اتنازلت عن حقها ليا وانا هنا دلوقتي عشان افض الشركه واخد نصيبي منها
تامر :انتى مجنونه ؟
أحد رجال اللجنه :تامر بيه دا دلوقتي ملك حوريه هانم وتقدر تتصرف فيه براحتها ومن حقها تعمل جارد للشركه عشان تعرف حقها ايه وتاخده
تامر: محدش له فى الشركه وهى مش هتتجرأ وتمد أيدها على حاجه هنا
أحد أفراد الشرطة :تامر بيه متضطرناش ناخد معاك أجراءات هتزعل حضرتك
نظر تامر لحوريه بغل وذهول مما يحدث لتبادله حوريه بنظرة تحدى
حوريه:لو سمحت يا تامر بيه عايزه كل ملفات الشركه ملفات الأصول الاتفاقيات والملفات الضريبيه كل حاجه تكون قدامى عشان اراجعها فى وجود اللجنه وحضرة الظابط
اصل انا بصراحه قلقانه من حضرتك واى ضرر ممكن يحصلى فاكيد دا يافندم هيكون من الاستاذ تامر
الضابط : متقلقيش يامدام حوريه استاذ تامر اكيد مش عايز مشاكل ولا اى مسائله قانونيه
ضغطت حوريه على زر السكرتاريه لتدلف لهم سكرتيرة يظهر عليها الانحراف من أسلوبها وملابسها تهتف قائله :امرك ياتامر بيه
حوريه:تهمس حوريه لتامر قائله : طول عمر زوقك بيئه ياتامر ثم تنظر للسكرتيره قائله :روحى هاتيلى كل الملفات اللى تخص الشركه
نظرت السكرتيره لتامر نظرة تساؤل فلم تحصل منه على اجابه بالرفض أو بالموافقه
ليهتف رجل اللجنه قائلا :روحى يا انسه هاتى اللى قالتلك عليه المدام
السكرتيره: حاضر يا فندم
ثم تذهب وبعدمرور وقت قليل تدلف مره اخرى بالملفات
وبعد مرور ساعات من مراجعة الملفات واصول الشركه
حوريه : ماشاء الله ماشاء الله حرامى بيسرق حرامى . كما تدين تدان يعنى سرقتنا وانت كمان بتسرقها عموما انا معايا أوراق بتقول أن ليا 40مليون جنيه دا بس بدون المكسب والشركه بالمنظر دا كلها على بعضها ببضاعتها ومخازنها متجبش المبلغ دا
ثم تنظر الى رجل اللجنه وتهتف قائله :استاذ ناجى اتخذ الإجراءات بتاع حضرتك
ناجى رجل اللجنه :استاذ تامر حضرتك مختلس مال من الشركه
تامر :انا مختلستش دا مالى
ناجى :استاذ تامر انت صرفت اكتر من حقك ودلوقتي لو الشركه كلها اتباعت فمش هتسدد حق مدام حوريه من أصول الشركة وغير الديون اللى على الشركه
حوريه :والحل يا استاذ ناجى
ناجى : الشركه هتتعرض للبيع المبلغ اللى هييجى لازم يتسدد ديون الشركة وبعدين حضرتك تستلمى حقك وفى حالة أن حضرتك ماخدتيش حقك كامل فالاستاذ تامر هيمضى على شيكات بباقى المبلغ
حوريه :اتفقنا . حضرتك ابدا أعلن عن بيع الشركه
فى ڤيلا البرهامى المحاطه برجال الحراسه
تجلس حوريه فى غرفتها تتصفح بعد الملفات لتستمع الى طرقات على باب الغرفه فتستاذن بالدخول للطارق لتجدها العامله
العامله:حوريه هانم فى واحده واقفه على باب الڤيلا الحرس بيسالوا حضرتك يدخلوها ولا لا
حوريه:واحده!!؟ مقالتش اسمها ايه ؟
العامله :بتقول اسمها ساره
حوريه :ساره خليها تدخل بسرعه وضايفيها وانا نازله حالا
العامله :حاضر يا هانم
ذهبت العامله وبعد دقائق نزلت ساره الى بهو الڤيلا لتجد ساره تجلس على أحد المقاعد
حوريه بلهفه :ساره
ثم تذهب إليها تحتضنها وتسلم عليها قائله : وحشتينى كلكم وحشتونى ماما عامله ايه والاء وياسمين
ساره:كلهم بيسلموا عليكى يعنى وحشتيهم سالتى عنهم
جلست حوريه وقد انكمشت ملامح وجهها حزنا قائله:يعنى المفروض مين يسأل على مين ؟
ساره:احنا جينا اكتر من مره لكن مكناش بنقدر ندخل من الحراسه
حوريه:ازاى انا محدش بلغنى انكم موجودين عموما سيبك انتى من كل دا انا مش زعلانه المهم انتم عاملين ايه الاء عامله ايه دلوقتي انا عرفت انك اجلتى فرحك وهيكون بعد اسبوعين
ساره:ايوه لكن انتى عرفتى منين ؟
حوريه :مروه جاتلى المستشفى يوم خروجى وجت تعزمنى على فرحك وخطوبتها هى وياسين
ساره باندهاش:خطوبتها هى وياسين ؟
حوريه:ايوه انتى متعرفيش ولا ايه؟
ساره: صدقيني انا اول مره اسمع الكلام دا مفيش كلام من دا حصل
حوريه:يعنى ايه هى هتكون بتكدب دى حتى قالتلى أن ياسين اللى ألح كتير عليها لحد ماوافقت
ساره: ياسين!!!!؟
مش معقول لان ياسين مستحيل يعمل كدا صدقينى ياسين متحطم مش بيتكلم مع حد ولا بيضحك ولا بياكل ولايشرب فى البيت متصدقيش مروه دى بتكدب وبتكرهك وراسمه على ياسين أو معنى اصح على فلوس ياسين
حوريه:طيب وهى ايه اللى يخليها تعمل كدا وتكدب عليا وهى عارفه انى هعرف الحقيقه أو ياسين يعرف
ساره :لأنها ميهماش انه يعرف هى اهم حاجه عندها انها تصطاد فى المايه العكره يعنى بمعنى اصح عارفه أن فى مشاكل وحوارات يبقى تعملها حوار هى كمان . حوريه اسمعينى كويس انا معرفش ايه اللى حصل بينك وبين ياسين بس كل اللى أعرفه أنه بيحبك جدا ومش قادر على بعادك
حوريه:هنرجع ياساره هنرجع بس مش دلوقتي لازم ارجعله حوريه تانيه غير الضعيفه الشكاكه اللى كان يعرفها ولازم ارجع حقى الاول وبنفسي بس الكلام دا محدش هيعرفه غيرى انا وانتى
ساره:اكيد
بعد مرور يومان على هذه الأحداث رن هاتف حوريه لتجيب على المتصل
حوريه :ايوه يا استاذ ناجى
ناجى :مدام حوريه جالنا عرض كويس جدا للشركه بمبلغ يفوق توقعاتنا لحالة الشركه اللى انا وحضرتك عارفينها
حوريه:كويس جدا
ناجى : خلاص يبقى هنتفق النهارده أن شاء الله هنكون فى الشركه نتفق مع الشارى وحضرتك تستلمى فلوسك والاستاذ تامر يمضي وكمان الشركه تسد ديونها للدائنين
حوريه :حضرتك عرفنى الساعه كام وانا هكون موجوده أن شاء الله
ناجي:أن شاء الله الساعه 12الظهر هنكون هناك . مع السلامه
حوريه :مع السلامه
فى شركةT&Zلاعمال البناء
جلس الجميع ينتظرون حوريه وبينهم ياسين ليستلم أمواله ويسلم لهم جميع الشيكات مما أدى إلى توتر تامر من نظرات ياسين النارية وبعد مرور دقائق قليلة يجلس ياسين ينظر ارضا يفكر كيف ستكون المقابله بينهم بعد مرور تلك الأيام وبعد آخر حديث دار بينهم فى المستشفى
ليتفاجئ ياسين بتقدم تلك القدم التى ترتدى حذاء عالى من الجلد الأسود وعليها ذلك الخلخال الرائع اسود اللون لتتفحص عينيه تلك الساقين الجميلتين وجلدهم الناعم حتى تصل عينيه الى چيب قصيره باللون الاسود وعليها بلوزه باللون النبيتى من قماشة الستان برباط على العنق وعليها بليزر اسود مرسوم على منحنياتها.
حتى وصل إلى خصلاتها الذهبيه المصففه بعنايه ومرفوعه برابطة كذيل الفرص حتى رست عينيه على تلك الؤلؤتين و سرحت بهما لوقت لم يمكنه معرفته .
تفاجئ ياسين من جرأة حوريه وقوتها وجرأة دخولها ولكنه اعجب بذلك حتى لمح أعين الجميع تتفحص تلك الحوريه ومن بينهم تامر التى كادت عينيه أن تخترق ملابسها ليتنحنح قائلا :احمممم الطرف التانى خلاص موجود ممكن نخلص عشان امشي عندى اجتماع مهم جدا
ناجى منقذا للموقف لأنه على علم بتهور ياسين ولن يكون مسئولا عما سيحدث إذا استمرت تلك النظرات لتلك الحسناء الجميله :يلا يا جماعه
وبعد مرور وقت من الاتفاقات تم كل شئ تم بيع الشركه واستلام ياسين أمواله وتسليمه الشيكات
ولم تخلو تلك الجلسه من النظرات بين ياسين وحوريه
ناجى مقاطعا تلك النظرات قائلا :استاذ تامر حضرتك كدا هتبقى مديون لمدام حوريه ب16مليون جنيه
تامر:نعم !!!!؟ يعنى انا اطلع من المولد بلا حمص وكمان مديون
ناجي: حضرتك عقدك كان مع مدام زينات بينص أن رأس مال الشركة 80مليون جنيه
وحضرتك صرفت وبددت مال الشركة والشركة كان عليها ديون بمبلغ 26مليون
والشركة اتباعت ب50مليون سددنا ال26مليون الديون يبقى باقى 24مليون دول من ال40حق مدام حوريه وكدا باقى لها 16مليون جنيه ومتنساش انها اتفقت بس على حساب الاصول ورأس المال الاصلي والا لو كانت اتكلمت فى مكسب كنت زمان حضرتك مدان ليها بضعف المبلغ أضعاف مضاعفة
تامر : ضحكتى انتى فى الاخر ياحوريه بس انا مش هسيبك والله لندمك أن فكرتى تقف..........
ابتلع كلماته حين اقبض ياسين على عنقه بقوه ليحاول الجميع فك قبضته ولكنه بدأ يهتف بصوت عالى قائلا بفحيح من بين أسنانه بغل وغضب عايزك بس تفكر تذكر اسمها على لسانك مره تانيه وانا مش هطيرلك لسانك انا هطيرلك راسك كلها
ثم أطاح به فى الارض يلتقط أنفاسه بعد أن كان على حافة الموت بين يد ياسين
لتبتسم حوريه ويشعر قلبها بالاطمئنان ولكنها حاولت اخفاء ابتسامتها
لتتفاجئ به وهو يهم ليذهب اقترب منها وهو يجز على أسنانه قائلا :وانتى لسه عقابك جاى وكمان هعرفك تفكرى مليون مره قبل ماتلبسي اللبس اللى انتى لبساه ده
ابتسمت حوريه ورقص قلبها على انغام نبضاته واعلنت حرب حبها لتشهرها أمام نيران غيرته
ا